ᠳᠠᠯᠠᠨ ᠬᠤᠲᠠᠯᠴᠢ Далан худалч ᠳᠣᠮᠣᠭ ᠦᠯᠢᠭᠡᠷ

  ᠥᠪᠡᠷ ᠦ᠋ᠨ ᠠᠪᠤ ᠶ᠋ᠢ ᠥᠯᠥᠭᠡᠢ ᠲᠡᠢ ᠪᠠᠶ᠋ᠢᠬᠤ  ᠳᠤ ᠡᠪᠦᠭᠡᠨ ᠠᠪᠤ ᠶ᠋ᠢᠨ ᠲᠡᠮᠡᠭᠡ ᠶ᠋ᠢ ᠬᠠᠷᠢᠭᠤᠯᠵᠤ ᠶᠠᠪᠤᠯ᠎ᠠ ᠃
  ᠨᠢᠭᠡᠨ ᠡᠲᠦᠷ ᠬᠡᠭᠡᠯ ᠲᠡᠢ ᠢᠩᠭᠡ ᠨᠢᠭᠡ᠎ ᠶ᠋ᠢ ᠰᠢᠯᠢᠷᠡᠭᠦᠯᠵᠦ ᠠᠯᠲᠠᠭᠠᠳ ᠂ ᠪᠠᠷᠠᠭᠤᠨ ᠲᠡᠶ᠋ᠢᠰᠢ ᠪᠡᠨ ᠪᠠᠤᠠᠭᠡᠷ᠂ ᠰᠢᠷ᠎ᠠ ᠮᠥᠷᠡᠨ᠂ ᠬᠣᠶ᠋ᠢᠰᠢ ᠪᠠᠨ ᠳ᠋ᠠ ᠬᠦᠷᠢᠶ᠎ᠡ᠂ ᠳ᠋ᠠᠮᠪᠠᠳᠠᠷᠵᠠ ᠵᠡᠭᠦᠨ ᠲᠡᠶ᠋ᠢᠰᠢ ᠪᠠᠨ ᠣᠩᠭᠣᠨ᠂  ᠲᠠᠪᠤᠨᠪᠤᠯᠠᠭ ᠂ ᠣᠷᠣᠯᠠᠢ ᠭᠤᠷᠪᠠᠨ ᠡᠷᠲᠡᠨᠢ ᠂ ᠣᠨᠢᠲᠤ ᠭᠤᠷᠪᠠᠨ ᠰᠤᠪᠤᠷᠬ᠋᠎ᠠ ᠂ ᠤᠷᠤᠭᠰᠢ ᠪᠠᠨ ᠵᠢᠩᠴᠢ ᠶ᠋ᠢᠨ ᠴᠠᠭᠠᠨ ᠤᠲᠠᠢ ᠂ ᠵᠢᠩ ᠶ᠋ᠢᠨ ᠴᠠᠭᠠᠨ ᠰᠤᠪᠤᠷᠬ᠋᠎ᠠ ᠬᠦᠷᠲᠡᠯ᠎ᠡ ᠰᠤᠷᠠᠭᠯᠠᠵᠤ ᠶᠠᠪᠤᠭᠠᠳ ᠂  ᠪᠣᠭᠲᠠ ᠶ᠋ᠢᠨ ᠬᠦᠷᠢᠶᠡᠨ ᠪ ᠪᠤᠭᠤᠲᠠᠭᠰᠠᠨ ᠴᠣᠶ᠋ᠢᠵᠢᠯ ᠭᠡᠲᠡᠭ ᠡᠴᠡ ᠪᠣᠷᠣ ᠵᠢᠰᠦᠮ ᠶ᠋ᠢᠨ ᠮᠣᠷᠢ ᠨᠢᠭᠡ ᠶ᠋ᠢ ᠠᠪᠤᠭᠠᠳ ᠂ ᠠᠷᠢᠶ᠎ᠠ ᠵᠠᠮᠰᠤ ᠶ᠋ᠢᠨ ᠪᠠᠨᠲᠢᠲᠠ ᠶ᠋ᠢᠨ ᠠᠯᠠᠭ ᠨᠢᠲᠦᠨ ᠵᠠᠮᠪᠠᠯ ᠭᠡᠭᠴᠢ ᠡᠴᠡ ᠠᠲᠠᠯᠢ ᠵᠢᠰᠦᠮ  ᠶ᠋ᠢᠨ ᠮᠣᠷᠢ ᠨᠢᠭᠡ ᠶ᠋ᠢ ᠠᠪᠴᠤ ᠤᠨᠤᠪᠠ ᠃   
　ᠢᠩᠭᠢᠭᠡᠳ ᠬᠣᠶᠠᠷ ᠮᠣᠷᠢ ᠲᠠᠢ ᠪᠣᠯᠤᠭᠠᠳ ᠴᠠᠭᠠᠰᠢ ᠢᠩᠭᠡ ᠪᠡᠨ ᠡᠷᠢᠵᠦ ᠶᠠᠪᠤᠲᠠᠯ᠎ᠠ ᠄    
ᠬᠠᠵᠠᠭᠤ ᠳᠡᠭᠡᠷ᠎ᠡ ᠨᠢ ᠨᠢᠭᠡ ᠬᠠᠷ᠎ᠠ ᠶᠠᠭᠤᠮ᠎ᠠ ᠨᠠᠪᠰᠠᠶ᠋ᠢᠵᠤ ᠪᠠᠶ᠋ᠢᠨ᠎ᠠ ᠃ ᠬᠦᠷᠦᠭᠡᠳ ᠣᠴᠢᠬᠰᠠᠨ ᠴᠢᠨᠢ ᠄   
ᠰᠢᠷᠡᠭᠡ ᠪᠦᠬᠦ ᠨᠢ ᠰᠢᠷᠢ ᠪᠣᠯᠤᠭᠠᠳ ᠰᠢᠷᠢᠨ ᠲᠠᠪᠠᠬᠠᠢ ᠨᠢ ᠢᠯᠬᠢ ᠪᠣᠯᠤᠭᠠᠳ ᠬᠣᠶᠠᠷ ᠨᠢᠲᠦ ᠶ᠋ᠢ ᠨᠢ ᠬᠣᠩ ᠬᠡᠷᠢᠶ᠎ᠡ ᠤᠬᠤᠭᠰᠠᠨ ᠢᠩᠭᠡ ᠂ ᠦᠬᠦᠬᠦ  ᠳᠤ ᠪᠡᠨ ᠬᠦᠷᠦᠭᠡᠳ ᠪᠠᠶ᠋ᠢᠵᠤ ᠪᠠᠶ᠋ᠢᠨ᠎ᠠ ᠃
  ᠲᠡᠨᠲᠡ ᠡᠴᠡ ᠢᠩᠭᠡ ᠪᠡᠨ ᠬᠥᠲᠥᠯᠦᠭᠡᠳ ᠳᠡᠮᠡᠢ ᠲᠡᠨᠦᠵᠦ ᠶᠠᠪᠤᠭᠰᠠᠨ ᠴᠢᠨᠢ ᠬᠠᠷᠢᠨ ᠳᠡᠭᠡᠷ᠎ᠡ ᠦᠶ᠎ᠡ ᠶ᠋ᠢᠨ ᠲᠠᠨᠢᠯ ᠳᠡᠵᠢᠳᠮ᠎ᠠ ᠬᠡᠦᠬᠡᠨ ᠪ  ᠳᠤ ᠬᠦᠷᠦᠭᠡᠳ ᠣᠴᠢᠴᠢᠬᠠᠵᠠᠢ ᠃
ᠬᠣᠨᠣᠬᠤ ᠪᠣᠯᠤᠭᠠᠳ ᠬᠣᠶᠠᠷ ᠮᠣᠷᠢ ᠪᠠᠨ ᠠᠷᠭᠠᠮᠵᠢᠭᠠᠳ᠂ ᠥᠷᠯᠥᠭᠡ ᠪᠣᠯᠤᠭᠰᠠᠨ ᠴᠢᠨᠢ ᠮᠣᠷᠢ ᠶ᠋ᠢ ᠨᠢ ᠬᠣᠷᠢᠨ ᠬᠡᠷᠢᠶ᠎ᠡ ᠨᠢᠷᠪᠠ ᠲᠠᠢ ᠴᠢᠨᠣ᠎ᠠ ᠲᠠᠬᠢᠯᠵᠢᠲᠠᠯ᠎ᠠ ᠵᠣᠭᠣᠭᠯᠠᠵᠤ ᠪᠠᠶ᠋ᠢᠨ᠎ᠠ ᠃
  ᠲᠡᠭᠡᠬᠦ ᠪᠡᠷ ᠨᠢ ᠲᠡᠨᠲᠡ ᠡᠴᠡ ᠬᠣᠶᠠᠷ ᠮᠣᠲᠣ ᠣᠯᠵᠤ ᠪᠠᠷᠢᠭᠠᠳ ᠢᠩᠭᠡ ᠪᠡᠨ ᠬᠥᠲᠥᠯᠦᠭᠡᠳ ᠶᠠᠪᠤᠲᠠᠯ᠎ᠠ ᠂ ᠨᠢᠭᠡᠨ ᠪᠠᠬ᠋᠎ᠠ ᠰᠢᠭ᠋ ᠬᠤᠷᠠᠯ ᠳᠡᠭᠡᠷ᠎ᠡ ᠬᠦᠷᠦᠭᠡᠳ ᠣᠴᠢᠯ᠎ᠠ ᠃  
  ᠭᠦᠶᠦᠲᠡᠭ ᠰᠠᠶ᠋ᠢᠨ ᠶ᠋ᠢᠠᠷ ᠲᠤᠨᠢᠷ ᠪᠣᠯᠬᠤ ‍ᠤᠤ! ᠬᠦᠵᠡᠭᠡ ᠶᠡᠬᠡᠲᠡᠢ ᠪᠡᠷ ᠶ᠋ᠢᠡᠨ ᠨᠢᠷᠪᠠ ᠪᠣᠯᠬᠤ ‍ᠤᠤ!
ᠭᠡᠰᠡᠨ  ᠳᠤ ᠄ ᠭᠦᠶᠦᠬᠦ ᠪᠡᠷ ᠰᠠᠶ᠋ᠢᠲᠠᠢ ᠪᠠᠷ ᠤᠮᠽᠠᠳ ᠪᠣᠯᠤᠶ᠎ᠠ! ᠭᠡᠨ᠎ᠡ ᠃
ᠪᠠᠷᠠᠭᠤᠨ ᠲᠠᠯ᠎ᠠ ᠶ᠋ᠢᠨ ᠡᠬᠢᠨ  ᠳᠤ ᠫᠠᠷᠬᠢᠯ ᠳᠠᠭᠤ ᠲᠠᠢ ᠂ ᠴᠠᠩ ᠪᠠᠷᠢᠭᠠᠳ ᠪᠠᠷᠬᠢᠷᠭᠤᠯᠵᠤ ᠰᠠᠭᠤᠲᠠᠯ᠎ᠠ ᠂ ᠬᠠᠷᠢᠨ ᠠᠷᠪᠠᠨ ᠲᠠᠪᠤᠨ ᠪ ᠰᠠᠷᠠ ᠮᠠᠶ᠋ᠢᠲᠠᠷ ᠪᠣᠯᠵᠤ ᠂ ᠠᠪᠠᠭᠠᠢ ᠬᠡᠦᠬᠡᠳ ᠣᠯᠠᠨ ᠰᠢᠭ᠋ ᠴᠤᠭᠯᠠᠵᠠᠢ ᠃  
  ᠳᠡᠭᠡᠳᠦ ᠬᠡᠦᠬᠡᠨ  ᠳᠤ ᠳᠡᠪᠡᠯ ᠦ᠋ᠨ ᠲᠣᠷᠬ᠋᠎ᠠ ᠂ᠳᠠᠩᠰᠠᠨ ᠬᠠᠪᠲᠠᠬ᠋᠎ᠠ ᠂ ᠳᠤᠮᠳᠠ ᠬᠡᠦᠬᠡᠨ  ᠳᠤ ᠳᠤᠷᠳᠤᠩ ᠠᠯᠴᠢᠭᠤᠷ ᠳᠤᠭᠤᠢ ᠶᠸᠪᠩ᠂ ᠠᠲᠠᠭ ᠦ᠋ᠨ ᠬᠡᠦᠬᠡᠨ  ᠳᠤ ᠠᠮᠠ ᠳᠠᠪᠤᠤ ᠂ ᠠᠤᠠᠬᠤ ᠰᠢᠬᠢᠷ  ᠥᠭᠴᠦ ᠪᠠᠶ᠋ᠢᠬᠰᠠᠨ ᠶ᠋ᠢᠡᠨ᠂ ᠨᠢᠭᠡ ᠮᠡᠲᠡᠭᠰᠡᠨ ᠪᠤᠷᠤᠭᠤᠲᠠᠭᠤᠯᠤᠨ ᠬᠥᠭᠡᠭᠡᠭᠲᠡᠵᠦ ᠣᠷᠬᠢᠯ᠎ᠠ ᠃  
  ᠲᠡᠨᠲᠡ ᠡᠴᠡ ᠪᠡᠨ ᠢᠩᠭᠡ ᠪᠡᠨ ᠬᠥᠲᠥᠯᠦᠭᠡᠳ ᠭᠦᠶᠦᠵᠦ ᠶᠠᠪᠤᠲᠠᠯ᠎ᠠ ᠂ ᠬᠥᠪᠡᠭᠡᠨ ᠳᠡᠭᠡᠷ᠎ᠡ ᠨᠢᠭᠡ ᠶᠠᠭᠤᠮ᠎ᠠ ᠬᠡᠲᠡᠩ ᠭᠣᠲᠠᠩ ᠭᠡᠵᠦ ᠪᠠᠶ᠋ᠢᠨ᠎ᠠ ᠃
ᠬᠦᠷᠦᠭᠡᠳ ᠣᠴᠢᠬᠰᠠᠨ ᠴᠢᠨᠢ ᠄ ᠬᠦᠷᠪᠡᠯ ᠠᠪᠤᠭᠠᠢ ᠳᠠᠯᠠᠯᠬ᠋᠎ᠠ ᠪᠣᠯᠵᠤ ᠂ ᠯᠠᠮ᠎ ᠰᠢᠪᠠᠭᠤ ᠯᠠᠩᠲᠠᠵᠤ ᠂ ᠰᠢᠷ᠎ᠠ ᠰᠢᠪᠠᠭᠤ ᠱᠠᠪᠲᠠᠵᠤ᠂ ᠬᠡᠷᠢᠶ᠎ᠡ ᠬᠡᠩᠭᠡᠷᠭᠡ ᠶ᠋ᠢ ᠴᠣᠬᠢᠵᠤ᠂ ᠪᠣᠯᠵᠣᠮᠣᠷ ᠰᠢᠪᠠᠭᠤ ᠪᠤᠳᠠᠭ᠎ᠠ ᠴᠠᠪ ᠊ᠢ ᠪᠠᠷᠢᠵᠤ  ᠂ ᠲᠣᠭᠣᠰ ᠰᠢᠪᠠᠭᠤ  ᠲᠣᠮᠣᠬ᠋᠎ᠠ ᠲᠠᠢ ᠪᠠᠷ ᠶ᠋ᠢᠠᠨ ᠨᠣᠮ ᠰᠤᠲᠤᠷ ᠵᠥᠭᠡᠭᠡᠵᠦ ᠂ ᠬᠣᠨ ᠰᠢᠪᠠᠭᠤ ᠂ ᠬᠣᠪᠣᠩ ᠳᠣᠮᠪᠣ  ᠳᠤ ᠪᠠᠨ ᠮᠠᠩᠵᠠ ᠵᠥᠭᠡᠭᠡᠵᠦ ᠂ ᠲᠣᠭᠣᠲᠠᠭ ᠲᠣᠭᠣᠭᠠᠴᠢ ᠪᠣᠯᠵᠤ ᠂ ᠲᠣᠭᠣᠷᠤᠤ ᠲᠣᠭᠣᠭᠠᠨ ᠪ ᠳᠠᠭᠠᠭᠠᠮᠠᠯ ᠪᠣᠯᠵᠤ ᠠᠯᠠᠭ ᠨᠤᠭᠤᠰᠤ ᠽᠠᠯᠽᠠ ᠬᠢᠵᠦ ᠂ ᠪᠦᠳᠦᠭᠦᠨ ᠬᠥᠯ ᠎ᠲᠡᠢ ᠪᠦᠷᠭᠦᠳ ᠪᠦᠷᠢᠶ᠎ᠡ ᠦᠯᠢᠶᠡᠵᠦ ᠂ ᠬᠠᠷᠴᠠᠭᠠᠢ ᠭᠠᠩᠳᠤᠩ ᠦᠯᠢᠶᠡᠵᠦ ᠪᠠᠶ᠋ᠢᠨ᠎ᠠ ᠃    
  ᠨᠠᠲᠠ  ᠳᠤ ᠭᠤᠷᠪᠠᠨ ᠵᠢᠯ ᠰᠤᠪᠠᠶ᠋ᠢᠷᠠᠭᠰᠠᠨ ᠬᠠᠷ᠎ᠠ ᠬᠠᠯᠵᠠᠨ ᠪᠠᠲᠠᠭᠠᠨ᠎ᠠ ᠶ᠋ᠢᠨ ᠳᠠᠯᠤ ᠳᠥᠷᠪᠡᠨ ᠥᠨᠳᠥᠷ ᠊ᠢ ᠥᠭᠭᠦᠭᠰᠡᠨ ᠳᠤ ᠢᠲᠡᠭᠡᠳ ᠪᠠᠷᠠᠭᠰᠠᠨ ᠦᠭᠡᠢ ᠃
  ᠴᠠᠭᠠᠰᠢ ᠶᠠᠪᠤᠵᠤ ᠪᠠᠶ᠋ᠢᠲᠠᠯ᠎ᠠ᠂ ᠨᠢᠭᠡ ᠮᠡᠲᠡᠭᠰᠡᠨ ᠬᠠᠷᠢᠨ ᠲᠣᠯᠣᠭᠠᠢ ᠪᠠᠨ ᠬᠤᠤᠲᠤᠭ ᠳᠡᠭᠡᠷ᠎ᠡ ᠮᠠᠷᠲᠠᠭᠠᠳ ᠶᠠᠪᠤᠭᠰᠠᠨ ᠪᠠᠶ᠋ᠢᠬᠤ ᠦᠭᠡᠢ ‍ᠤᠤ! ᠪᠤᠴᠠᠵᠤ ᠢᠷᠡᠭᠰᠡᠨ ᠴᠢᠨᠢ ᠬᠠᠷᠢᠨ ᠲᠣᠯᠣᠭᠠᠢ ᠮᠠᠨᠢ ᠨᠠᠮ᠎ᠠ ᠶ᠋ᠢ ᠬᠠᠷᠠᠭᠠᠳ ᠨᠠᠷᠠᠨ ᠪ ᠲᠠᠯ᠎ᠠ ᠨᠢ ᠨᠠᠭ ᠨᠠᠭ ᠢᠨᠢᠶᠡᠵᠦ ᠰᠡᠭᠦᠲᠡᠷ ᠲᠠᠯ᠎ᠠ ᠨᠢ ᠱᠠᠵᠪ ᠲᠠᠲᠠᠪ ᠭᠡᠵᠦ ᠪᠠᠶ᠋ᠢᠨ᠎ᠠ ᠃ ᠲᠣᠯᠣᠭᠠᠢ ᠪᠠᠨ ᠠᠪᠤᠭᠠᠳ ᠴᠠᠭᠠᠰᠢ ᠪᠠᠨ ᠶᠠᠪᠤᠵᠤ ᠪᠠᠶ᠋ᠢᠲᠠᠯ᠎ᠠ  ᠄    
ᠢᠩᠭᠡ ᠮᠢᠨᠢ ᠪᠣᠲᠣᠭᠣᠯᠠᠪᠠ ᠃
  ᠡᠬᠡ ᠶ᠋ᠢ ᠨᠢ ᠤᠨᠤᠭᠠᠳ ᠪᠣᠲᠣᠭᠣ ᠶ᠋ᠢ ᠳᠡᠭᠦᠷᠬᠦ ᠭᠡᠲᠡᠯ᠎ᠡ ᠳᠠᠭᠠᠭᠠᠭᠰᠠᠨ ᠦᠭᠡᠢ ᠂ ᠪᠣᠲᠣᠭᠣ ᠶ᠋ᠢ ᠨᠢ ᠤᠨᠤᠭᠠᠳ ᠢᠩᠭᠡ ᠶ᠋ᠢ ᠳᠡᠭᠦᠷᠦᠭᠰᠡᠨ ᠴᠢᠨᠢ ᠬᠠᠷᠢᠨ ᠳᠠᠩᠬᠠᠨ ᠲᠡᠩᠭᠡᠨ ᠭᠡᠳ ᠶᠠᠪᠤᠵᠤ ᠪᠠᠶ᠋ᠢᠯ᠎ᠠ ᠃
ᠬᠠᠲᠠᠨ ᠳᠡᠭᠡᠷ᠎ᠡ ᠭᠠᠷᠤᠭᠰᠠᠨ ᠬᠠᠲᠠ ᠬᠠᠭᠠᠷᠠᠭᠠᠳ ᠳᠠᠭᠠᠭᠠᠭᠰᠠᠨ ᠦᠭᠡᠢ᠂ ᠪᠤᠲᠠᠨ ᠳᠡᠭᠡᠷ᠎ᠡ ᠭᠠᠷᠤᠭᠰᠠᠨ ᠴᠢᠨᠢ ᠪᠤᠲᠠ ᠪᠤᠯᠭᠤᠷᠠᠪᠠ ᠃
ᠳᠡᠷᠡᠰᠦᠨ ᠳᠡᠭᠡᠷ᠎ᠡ ᠭᠠᠷᠤᠭᠰᠠᠨ ᠴᠢᠨᠢ ᠬᠠᠷᠢᠨ ᠳᠡᠮ ᠊ᠢ ᠨᠢ ᠣᠯᠤᠭᠠᠳ ᠰᠠᠶ᠋ᠢᠬᠠᠨ ᠳᠠᠭᠠᠭᠠᠵᠤ ᠪᠠᠶ᠋ᠢᠨ᠎ᠠ ᠃
  ᠲᠡᠨᠲᠡ ᠡᠴᠡ ᠴᠠᠭᠠᠰᠢ ᠶᠠᠪᠤᠭᠰᠠᠭᠠᠷ ᠭᠡᠷ ᠲᠤ ᠪᠡᠨ ᠬᠠᠷᠢᠬᠰᠠᠨ ᠴᠢᠨᠢ ᠥᠨᠥ ᠬᠣᠶᠠᠷ ᠮᠣᠷᠢ ᠮᠢᠨᠢ ᠬᠤᠯᠠᠭᠠᠢ ᠮᠣᠷᠢ ᠪᠣᠯᠤᠭᠠᠳ ᠨᠠᠮ᠎ᠠ ᠶ᠋ᠢ ᠳ᠋ᠠ ᠬᠦᠷᠢᠶᠡᠨ ᠡᠴᠡ ᠵᠠᠯᠠᠯᠬ᠋᠎ᠠ ᠴᠠᠭᠲᠠᠬ᠋᠎ᠠ ᠢᠷᠡᠵᠦ ᠪᠠᠷᠢᠵᠤ ᠠᠪᠢᠴᠢᠪᠠ ᠃
ᠵᠠ! ᠴᠢ! ᠡᠨᠡ ᠬᠣᠶᠠᠷ ᠮᠣᠷᠢ ᠶ᠋ᠢ ᠬᠡᠵᠢᠶ᠎ᠡ ᠬᠢᠨ ᠭᠡᠭᠴᠢ ᠬᠥᠮᠦᠨ ᠡᠴᠡ᠂ ᠶᠠᠮᠠᠷ ᠶᠠᠮᠠᠷ ᠭᠡᠷᠡᠴᠢ ᠲᠡᠢ  ᠠᠪᠤᠭᠰᠠᠨ ᠪᠤᠢ? ᠭᠡᠵᠦ ᠪᠠᠶ᠋ᠢᠨ᠎ᠠ ᠃
  ᠪᠢ ᠥᠴᠢᠪᠡ ᠂ ᠪᠣᠭᠲᠠ ᠶ᠋ᠢᠨ ᠬᠦᠷᠢᠶᠡᠨ ᠪ ᠪᠣᠭᠣᠲᠠᠭᠰᠠᠨ ᠴᠣᠶ᠋ᠢᠵᠢᠯ ᠂ ᠠᠷᠢᠶ᠎ᠠ ᠵᠠᠮᠰᠤ ᠶ᠋ᠢᠨ ᠪᠠᠨᠲᠢᠲᠠ ᠶ᠋ᠢᠨ ᠠᠯᠠᠭ ᠨᠢᠲᠦᠨ ᠵᠠᠮᠪᠠᠯ ᠭᠡᠭᠴᠢ ᠡᠴᠡ ᠠᠷᠪᠠᠨ ᠬᠣᠶᠠᠷ  ᠬᠥᠮᠦᠨ ᠪ ᠭᠡᠷᠡᠴᠢ ᠲᠡᠢ ᠠᠪᠤᠭᠰᠠᠨ ᠳ᠋ᠠ! ᠭᠡᠪᠡ ᠃
ᠬᠢᠨ ᠬᠢᠨ ᠭᠡᠷᠡᠴᠢ ᠲᠡᠢ ᠪᠤᠢ ᠭᠡᠨ᠎ᠡ ᠡ!
  ᠵᠠ! ᠳᠠᠬᠢ ᠶ᠋ᠢᠨ ᠳᠡᠮᠪᠡᠷᠢᠯ ᠳᠠᠪᠬᠢ ᠶ᠋ᠢᠨ ᠰᠢᠷᠠᠪᠠ᠂ ᡀᠠ ᠶ᠋ᠢᠨ ᠬᠠᠲᠤᠨ ᠨᠠᠷᠪᠠᠢ ᠶ᠋ᠢᠨ ᠮᠣᠯᠣᠮ ᠂  ᠳᠣᠷᠭᠢᠶ᠎ᠠ ᠣᠶ᠋ᠢᠲᠤᠪ ᠂ ᠳᠣᠭᠣᠯᠠᠩ ᠬᠠᠶ᠋ᠢᠲᠠᠪ ᠂ ᠬᠠᠷ᠎ᠠ ᠣᠶ᠋ᠢᠲᠤᠪ ᠬᠠᠮᠠᠷ ᠪᠠᠯᠲᠠᠨ ᠂ ᠮᠠᠩᠭᠤᠰ ᠦ᠋ᠨ ᠮᠠᠨᠠᠶ᠋ᠢᠬᠢᠨ ᠰᠠᠶ᠋ᠢᠨ ᠯᠢᠭᠲᠡᠪ ᠂ ᠰᠣᠶ᠋ᠢᠨᠡᠩ ᠬᠠᠲᠤᠨ ᠡᠲᠡᠭᠡᠷ ᠠᠷᠪᠠᠨ ᠬᠣᠶᠠᠷ ᠬᠥᠮᠦᠨ ᠭᠡᠷᠡᠴᠢ ᠲᠡᠢ ᠠᠪᠤᠭᠰᠠᠨ ᠭᠡᠵᠦ ᠬᠡᠯᠡᠭᠡᠳ ᠭᠠᠷᠴᠤ ᠪᠠᠶ᠋ᠢᠯ᠎ᠠ ᠃