ᠪᠦᠰᠡᠭᠦᠢ ᠳᠦ – ᠷ ᠂ ᠴᠣᠢᠨᠣᠮ Бүсгүйд – Р ᠂ Чойном
314ᠪᠦᠰᠡᠭᠦᠢ ᠳᠦ
ᠪᠥᠰᠡᠭᠦᠢ ᠮᠢᠨᠢ ᠲᠠ ᠂ ᠭᠣᠣᠠ ᠦᠵᠡᠮᠵᠢ ᠭᠡᠳᠡᠭ
ᠪᠥᠲᠦᠨ ᠲᠣᠨ ᠪ ᠦᠷᠡᠯ ᠦ᠋ᠨ ᠪᠥᠮᠪᠥᠭᠡ ᠪᠡᠨ
ᠷ ᠂ ᠴᠣᠶ᠋ᠢᠨᠤᠮ ᠭᠡᠳᠡᠭ ᠲᠤᠰᠠᠭᠠᠷ ᠲᠣᠭᠲᠠᠨᠢᠬᠰᠠᠨ
ᠡᠨᠡ ᠪᠥᠭᠦᠲᠡ ᠨᠠᠶ᠋ᠢᠷᠠᠮᠲᠠᠬᠤ ᠵᠢᠷᠦᠬᠡᠨ ᠲᠡᠭᠡᠷᠡ ᠮᠢᠨᠢ ᠬᠠᠶᠠᠯᠠ ᠃
ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠠᠮᠢᠲᠤᠷᠠᠯ ᠦ᠋ᠨ ᠮᠢᠨᠢ
ᠰᠡᠭᠦᠯᠴᠢ ᠶ᠋ᠢᠨ ᠴᠠᠶ᠋ᠢᠵᠠ ᠨᠤᠷᠠᠨ ᠤᠨᠠᠯᠠ
ᠪᠢ ᠂ ᠰᠢᠲᠠᠵᠤ ᠪᠠᠶ᠋ᠢᠬ᠋ᠠ ᠲᠤᠭ ᠰᠢᠭ᠋ ᠭᠠᠩᠬᠤᠯᠠ
ᠪᠢᠲᠡᠭᠡᠢ ᠲᠠᠮᠤᠯᠠ ᠂ ᠪᠦᠷ ᠭᠦᠢᠴᠡᠭᠡᠭᠡᠳ ᠠᠯᠢ!
ᠠᠯᠠᠭ ᠨᠢᠲᠦᠨ ᠪ ᠴᠢᠨᠢ ᠤᠴᠢᠷᠲᠠᠢ ᠬᠠᠷᠠᠴᠠ
ᠠᠶᠤᠯ ᠶᠡᠬᠡᠲᠡᠢ ᠯᠠᠶ᠋ᠢᠰᠧᠷ ᠦ᠋ᠨ ᠲᠤᠶᠠᠬ᠋ᠠ ᠰᠢᠭ᠋
ᠡᠷᠡ ᠪᠡᠶᠡ ᠶ᠋ᠢᠨ ᠮᠢᠨᠢ ᠲᠡᠭᠷᠢ ᠳᠤ ᠨᠡᠪᠲᠡᠷᠡᠵᠦ
ᠡᠷᠬᠡ ᠴᠢᠯᠦᠭᠡᠲᠦ ᠠᠮᠢᠲᠤᠷᠠᠯ ᠦ᠋ᠨ ᠮᠢᠨᠢ ᠣᠩᠭᠤᠴᠠ ᠶ᠋ᠢ ᠰᠢᠲᠠᠭᠠᠯᠠ ᠃
ᠪᠡᠯᠡᠨ ᠰᠢᠯᠦᠭ ᠦ᠋ᠨ ᠶ᠋ᠢᠡᠨ ᠲᠡᠭᠷᠢ ᠡᠴᠡ ᠪᠢ ᠴᠢᠨᠢ
ᠪᠡᠬᠡ ᠰᠢᠭ᠌ ᠬᠠᠷᠠ ᠤᠲᠤᠬ᠋ᠠ ᠲᠠᠲᠠᠭᠤᠯᠤᠨ
ᠤᠨᠠᠵᠤ ᠶᠠᠪᠤᠨᠠ ᠂ ᠬᠣᠩᠭᠣᠷ ᠪᠥᠰᠡᠭᠦᠢ ᠮᠢᠨᠢ!
ᠤᠨᠠᠬᠤ ᠳ᠋ᠠᠭᠠᠨ ᠂ ᠴᠢᠮᠠ ᠲᠡᠭᠡᠷᠡ ᠤᠨᠠᠬᠤ ᠨᠢ!
ᠡᠨᠡ — ᠳᠠᠪᠬᠢᠯᠲᠠ ᠪᠢᠰᠢ ᠵᠣᠭᠰᠤᠯᠲᠠ!
ᠡᠨᠡ — ᠳᠠᠶ᠋ᠢᠰᠤᠩᠨᠠᠯ ᠪᠢᠰᠢ ᠳᠤᠷᠠᠯᠠᠯ!
ᠠᠮᠠᠷᠠᠭ ᠳᠤᠷᠠᠯᠠᠯ ᠭᠡᠳᠡᠭ ᠤᠭ ᠠ᠋ᠴᠠ
ᠠᠮᠲᠠᠲᠠᠶ᠋ᠢᠬᠠᠨ ᠳᠤᠲᠠᠭᠤ ᠦᠬᠦᠯ ᠪᠢᠯᠡ!
ᠣᠩᠭᠣᠨ ᠳᠤᠷᠠᠯᠠᠯ ᠦ᠋ᠨ ᠲᠡᠷᠡᠰᠦᠨ ᠳᠤ ᠰᠣᠭᠲᠣᠭᠠᠳ
ᠣᠷᠴᠢᠯᠠᠩ ᠊ᠢ ᠬᠥᠮᠦᠨ ᠮᠠᠷᠲᠠᠲᠠᠭ ᠶᠤᠮ ᠂
ᠬᠠᠯᠠᠭᠤᠨ ᠰᠢᠯᠦᠭ ᠂ ᠬᠦᠢᠲᠡᠨ ᠺᠣᠮᠫᠣᠲ ᠪᠣᠯᠵᠤ
ᠬᠠᠷᠠᠬᠤ ᠬᠠᠷᠠᠬ᠋ᠠ ᠠᠯᠲᠠᠭᠲᠠᠨ ᠶᠠᠪᠤᠬᠤ ᠴᠢᠭ᠌ ᠬᠠᠵᠠᠶ᠋ᠢᠲᠠᠭ!
ᠬᠣᠷᠣᠠ ᠶᠢᠷᠲᠢᠨᠴᠦ ᠶ᠋ᠢ ᠪᠢ
ᠬᠣᠣᠰ ᠦᠭᠡᠢ ᠨᠠᠷᠢᠨ ᠬᠠᠷᠠᠲᠠᠭ ᠪᠠᠶ᠋ᠢᠯᠠ ᠂
ᠬᠣᠩᠭᠣᠷᠬᠠᠨ ᠦᠵᠡᠮᠵᠢ ᠪᠡᠷ ᠶ᠋ᠢᠡᠨ ᠴᠢ
ᠬᠣᠶᠠᠷ ᠨᠢᠲᠦ ᠶ᠋ᠢ ᠮᠢᠨᠢ ᠰᠣᠬᠣ ᠬᠠᠤᠠᠬᠤᠯᠠ ᠃
ᠡᠭᠦᠷᠢᠲᠡ ᠴᠢ ᠬᠥᠲᠥᠯᠵᠦ ᠶᠠᠪᠤᠬᠤ ᠶᠤᠮ ᠪᠣᠯ
ᠦᠨᠡᠨ ᠰᠣᠬᠣᠷ ᠪᠣᠯᠤᠭᠰᠠᠨ ᠴᠤ᠌ ᠶᠠᠭᠠᠮᠠᠢ ᠂
ᠠᠷᠢᠭᠤᠬᠠᠨ ᠲᠦᠷᠢ ᠶ᠋ᠢ ᠴᠢᠨᠢ ᠬᠠᠷᠠᠵᠤ ᠠᠪᠤᠭᠰᠠᠨ ᠠ᠋ᠴᠠ ᠬᠣᠶ᠋ᠢᠰᠢ
ᠠᠬᠢᠭᠠᠳ ᠪᠢ ᠶᠠᠭᠤ ᠪᠠᠨ ᠴᠤ᠌ ᠬᠠᠷᠠᠬᠤ ᠭᠡᠬᠦ ᠪᠤᠢ!
1974.5.4
《 ᠷ · ᠴᠣᠶ᠋ᠢᠨᠣᠮ ᠤᠨ ᠰᠢᠯᠦᠭ ᠵᠣᠬᠢᠶᠠᠯ ᠤᠨ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠭᠠ ᠶ᠋ᠢᠨ ᠰᠢᠯᠦᠭ ᠠ᠋ᠴᠠ ᠬᠠᠭᠤᠯᠪᠠ ᠃
ᠪᠢ᠊ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠳᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠣᠨᠣᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠨᠠᠷᠠᠨᠠ
ᠬᠢᠨᠠᠭᠴᠢ ᠄ ᠣᠳᠬᠠᠨᠰᠣᠸᠠ ᠪᠠᠭᠰᠢ