ᠪᠢ ᠮᠣᠩᠭᠣᠯ ᠪᠢᠴᠢᠭ ᠢᠶᠠᠨ ᠰᠤᠷᠤᠨᠠБи монгол бичгээ сурна
ᠯ · ᠣᠲᠣᠨ
ᠪᠢ ᠮᠣᠩᠭᠣᠯ ᠪᠢᠴᠢᠭ ᠶ᠋ᠢᠡᠨ ᠰᠤᠷᠤᠨᠠ
ᠪᠡᠶᠡ ᠲᠡᠢ ᠮᠢᠨᠢ ᠠᠲᠠᠯᠢ ᠵᠣᠭᠰᠣᠬ᠋ᠠ
ᠮᠣᠩᠭᠣᠯ ᠪᠢᠴᠢᠭ ᠶ᠋ᠢᠡᠨ ᠰᠤᠷᠤᠨᠠ
ᠪᠢᠷ ᠲᠡᠢ ᠮᠢᠨᠢ ᠠᠲᠠᠯᠢ ᠪᠣᠰᠤᠬ᠋ᠠ
ᠮᠥᠩᠬᠡ ᠰᠣᠶᠣᠯ ᠶ᠋ᠢᠠᠨ ᠰᠤᠷᠤᠨᠠ
ᠤᠩᠰᠢᠭᠠᠳ ᠰᠠᠭᠤᠬᠤ ᠳᠦ ᠣᠶᠤᠨ
ᠨᠡᠭᠡᠭᠡᠭᠲᠡᠬᠦ
ᠪᠢᠯᠢᠭ ᠦᠨ ᠣᠲᠣ ᠲᠠᠢ ᠮᠣᠩᠭᠣᠯ ᠪᠢᠴᠢᠭ
ᠶ᠋ᠢᠡᠨ ᠰᠤᠷᠤᠨᠠ
ᠤᠶᠠᠩᠭᠠᠯᠠᠭᠠᠳ ᠢᠷᠡᠬᠦ ᠳᠦ ᠰᠡᠤᠠᠬᠢᠯ
ᠳᠣᠭᠳᠣᠯᠬᠤ
ᠨᠠᠢᠷᠠᠭ ᠦᠨ ᠭᠠᠯ ᠲᠠᠢ ᠮᠣᠩᠭᠣᠯ ᠪᠢᠴᠢᠭ
ᠶ᠋ᠢᠡᠨ ᠰᠤᠷᠤᠨᠠ ᠃
ᠪᠢ ᠮᠣᠩᠭᠣᠯ ᠪᠢᠴᠢᠭ ᠶ᠋ᠢᠡᠨ ᠰᠤᠷᠤᠨᠠ
ᠬᠢᠷᠥᠭᠡᠨ ᠢᠷ ᠰᠢᠭ᠌ ᠠᠴᠤᠭ ᠊ᠢ ᠨᠢ
ᠪᠢᠯᠡᠭᠦᠲᠡᠵᠦ
ᠮᠣᠩᠭᠣᠯ ᠪᠢᠴᠢᠭ ᠶ᠋ᠢᠡᠨ ᠰᠤᠷᠤᠨᠠ
ᠬᠥᠯ ᠪᠣᠰᠤᠬ᠋ᠠ ᠰᠦᠷ ᠲᠦ ᠨᠢ ᠰᠥᠭᠥᠤᠠᠴᠦ
ᠮᠣᠩᠭᠣᠯ ᠪᠢᠴᠢᠭ ᠶ᠋ᠢᠡᠨ ᠰᠤᠷᠤᠨᠠ
ᠡᠷᠡ ᠬᠦᠰᠡᠯ ᠊ᠢ ᠴᠢᠩᠭᠠᠯᠠᠲᠠᠭ
ᠡᠭᠴᠡ ᠵᠣᠭᠰᠣᠬ᠋ᠠ ᠳᠦᠷᠢ ᠶ᠋ᠢ ᠰᠢᠲᠦᠵᠦ
ᠰᠤᠷᠤᠨᠠ ᠃
ᠪᠢ ᠮᠣᠩᠭᠣᠯ ᠪᠢᠴᠢᠭ ᠶ᠋ᠢᠡᠨ ᠰᠤᠷᠤᠨᠠ
ᠮᠣᠩᠭᠣᠯ ᠶ᠋ᠢᠠᠷ ᠰᠤᠷᠤᠭᠠᠳ ᠥᠭᠡᠲᠡᠯᠡᠬᠦ
ᠦᠭᠡᠢ ᠭᠡᠰᠡᠨ
ᠮᠤᠩᠬᠠᠭ ᠶᠠᠷᠢᠶᠠᠨ ᠪ ᠪᠤᠷᠤᠭᠤ ᠶ᠋ᠢ
ᠭᠡᠷᠡᠴᠢᠯᠡᠨ ᠰᠤᠷᠤᠨᠠ
ᠮᠣᠷᠢ ᠪᠠᠨ ᠭᠡᠭᠡᠪᠡᠴᠦ ᠬᠡᠯᠡ ᠪᠡᠨ
ᠭᠡᠭᠡᠬᠦ ᠦᠭᠡᠢ ᠭᠡᠰᠡᠨ
ᠮᠥᠩᠬᠡ ᠰᠠᠨᠠᠭᠠᠨ ᠪ ᠵᠣᠷᠢᠬ ᠲᠤ ᠰᠢᠲᠦᠨ
ᠰᠤᠷᠤᠨᠠ
ᠬᠡᠯᠡ ᠪᠡᠨ ᠭᠣᠯᠣᠭᠰᠠᠨ ᠬᠡᠴᠡᠭᠦᠦ ᠬᠥᠮᠦᠰ ᠦᠨ
ᠠᠷᠬ᠋ᠠ ᠶ᠋ᠢ ᠪᠠᠷᠠᠭᠤᠯᠤᠨ ᠰᠤᠷᠤᠨᠠ
ᠬᠡᠯᠡ ᠦᠭᠡᠢ ᠬᠣᠴᠣᠷᠤᠭᠰᠠᠨ ᠰᠠᠭᠠᠷᠮᠠᠭ
ᠬᠥᠮᠦᠰ ᠦᠨ
ᠠᠲᠠᠬ᠋ᠠ ᠶ᠋ᠢ ᠬᠦᠷᠭᠡᠨ ᠰᠤᠷᠤᠨᠠ ᠃
ᠪᠢ ᠮᠣᠩᠭᠣᠯ ᠪᠢᠴᠢᠭ ᠶ᠋ᠢᠡᠨ ᠰᠤᠷᠤᠨᠠ
ᠮᠥᠩᠬᠡ ᠲᠩᠷᠢ ᠶ᠋ᠢᠨ ᠰᠢᠲᠦᠭᠡᠨᠲᠦ
ᠪᠣᠰᠤᠬ᠋ᠠ ᠦᠰᠦᠭ ᠶ᠋ᠢᠡᠨ ᠰᠤᠷᠤᠨᠠ
ᠮᠣᠷᠠᠯ ᠶᠣᠰᠣᠨ ᠪ ᠨᠢᠭᠤᠴᠠᠲᠤ
ᠪᠣᠯᠪᠠᠰᠤᠨ ᠰᠣᠶᠣᠯ ᠶ᠋ᠢᠠᠨ ᠰᠤᠷᠤᠨᠠ
ᠡᠨᠡ ᠬᠡᠯᠡ ᠪᠡᠨ ᠰᠤᠷᠪᠠᠯ ᠡᠪᠲᠡᠷᠡᠬᠦ
ᠦᠭᠡᠢ ᠭᠡᠲᠡᠭ ᠊ᠢ
ᠲᠠᠨᠢᠭᠤᠯᠤᠨ ᠪᠠᠢᠵᠤ ᠰᠤᠷᠤᠨᠠ
ᠡᠨᠡ ᠬᠡᠯᠡ ᠪᠡᠨ ᠠᠯᠲᠠᠪᠠᠯ ᠡᠪᠯᠡᠷᠡᠬᠦ
ᠦᠭᠡᠢ ᠭᠡᠲᠡᠭ ᠊ᠢ
ᠤᠬᠠᠭᠠᠷᠠᠭᠤᠯᠤᠨ ᠪᠠᠢᠵᠤ ᠰᠤᠷᠤᠨᠠ
ᠰᠠᠢᠬᠠᠨ ᠪᠦᠬᠦᠨ ᠊ᠢ ᠮᠡᠲᠡᠷᠡᠨ ᠪᠠᠢᠵᠤ
ᠰᠤᠷᠤᠨᠠ
ᠰᠠᠭᠠᠳ ᠪᠦᠬᠦᠨ ᠊ᠢ ᠢᠯᠠᠨ ᠪᠠᠢᠵᠤ
ᠰᠤᠷᠤᠨᠠ
ᠰᠠᠨᠠᠭᠠᠨ ᠪ ᠬᠬᠢᠷ ᠶ᠋ᠢᠡᠨ ᠤᠬᠢᠶᠠᠵᠤ ᠪᠠᠢᠭᠠᠳ
ᠰᠤᠷᠤᠨᠠ
ᠰᠠᠷᠠ ᠲᠠᠢ ᠲᠠᠯᠠ ᠪᠠᠨ ᠳᠠᠭᠤᠯᠠᠵᠤ ᠪᠠᠢᠭᠠᠳ
ᠰᠤᠷᠤᠨᠠ
ᠪᠢ ᠮᠣᠩᠭᠣᠯ ᠪᠢᠴᠢᠭ ᠶ᠋ᠢᠡᠨ ᠰᠤᠷᠤᠨᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠠᠢ ᠵᠢᠶᠦ᠋ᠨ
ᠢᠷᠡᠯᠲᠡ ᠄ ᠠᠯᠪᠠᠨ ᠵᠢᠷᠤᠮ ᠦᠨ ᠰᠤᠷᠭᠠᠨ
ᠬᠥᠮᠦᠵᠢᠯ ᠦᠨ ᠬᠢᠴᠢᠶᠡᠯ ᠦᠨ ᠪᠠᠷᠢᠮᠵᠢᠶᠠ ᠶ᠋ᠢᠨ ᠰᠤᠷᠬᠤ ᠪᠢᠴᠢᠭ
ᠬᠡᠯᠡ ᠪᠢᠴᠢᠭ ( ᠵᠢᠷᠭᠤᠲᠤᠭᠠᠷ ᠣᠨ ᠪ
ᠳᠡᠭᠡᠳᠦ )
ᠥᠪᠥᠷ ᠮᠣᠩᠭᠣᠯ ᠦᠨ ᠰᠤᠷᠭᠠᠨ ᠬᠥᠮᠦᠵᠢᠯ ᠦᠨ
ᠬᠡᠪᠯᠡᠯ ᠦᠨ ᠬᠣᠷᠢᠶᠠ ᠃
2010 ᠣᠨ ᠪ 5 ᠳ᠋ᠤᠭᠠᠷ ᠰᠠᠷᠠ ᠳᠦ ᠠᠩᠬᠠ ᠤᠲᠠᠬ᠋ᠠ
ᠬᠡᠪᠯᠡᠪᠡ ᠃
