ᠤᠯᠠᠷᠢᠯ ᠦ᠋ᠨ ᠠᠮᠢᠰᠬᠤᠬ᠋ᠠ – ᠭ · ᠴᠢᠩᠪᠠᠭᠠᠲᠤᠷ Улирлын амьсгаа – Г · Чинбаатар
266ᠤᠯᠠᠷᠢᠯ ᠦ᠋ᠨ ᠠᠮᠢᠰᠬᠤᠬ᠋ᠠ
ᠭ · ᠴᠢᠩᠪᠠᠭᠠᠲᠤᠷ
ᠨᠠᠮᠤᠷ ᠦ᠋ᠨ ᠣᠷᠣᠭᠰᠠᠨ ᠪᠣᠷᠣᠭᠠᠨ ᠳᠤᠮᠳᠠ ᠲᠥᠷᠥᠭᠰᠡᠨ ᠨᠤᠲᠤᠭ ᠶ᠋ᠢᠠᠨ ᠰᠠᠨᠠᠬᠤᠢ ᠳᠦ
ᠨᠠᠮᠬᠠᠨ ᠪᠣᠷᠣ ᠳᠣᠯᠣᠭᠠᠳ ᠦ᠋ᠨ ᠮᠢᠨᠢ ᠬᠠᠲᠠ ᠲᠠᠢ ᠣᠷᠣᠶ᠋ᠢᠳ ᠦᠭᠡᠢᠯᠡᠭᠳᠡᠨᠡ
ᠵᠢᠷᠦᠬᠡᠨ ᠡᠴᠡ ᠠᠰᠬᠠᠷᠠᠭᠰᠠᠨ ᠨᠢᠯᠪᠤᠰᠤ ᠡᠩᠭᠡᠷ ᠳᠡᠪᠲᠦᠭᠡᠨ ᠮᠡᠯᠮᠡᠷᠡᠬᠦᠢ ᠳᠦ
ᠵᠡᠭᠦᠷᠮᠡᠭᠯᠡᠭᠴᠢ ᠬᠥᠬᠡ ᠮᠠᠨᠠᠨ ᠳᠦ ᠮᠥᠷᠥᠭᠡᠲᠦᠯ ᠦ᠋ᠨ ᠳᠠᠭᠤᠤ ᠮᠢᠨᠢ ᠠᠭᠤᠰᠤᠨᠠ ᠃
ᠣᠷᠣᠢ ᠨᠠᠮᠤᠷ ᠦ᠋ᠨ ᠰᠠᠯᠬᠢᠨ ᠳᠦ ᠳᠡᠷᠡᠰᠦᠨ ᠲᠣᠯᠣᠭᠠᠢ ᠱᠤᠤᠭᠢᠬᠤᠢ ᠳᠦ
ᠣᠷᠣᠢ ᠳᠣᠯᠣᠭᠠᠳ ᠦ᠋ᠨ ᠴᠠᠭᠠᠨᠠ ᠠ᠋ᠴᠠ ᠳᠡᠭᠦᠦ ᠶ᠋ᠢᠨ ᠮᠢᠨᠢ ᠭᠦᠶᠦᠬᠦ ᠬᠠᠷᠠᠭᠲᠠᠨᠠ ᠯᠠ
ᠣᠷᠴᠢᠨ ᠥᠩᠭᠡᠷᠡᠬᠦ ᠴᠠᠭ ᠦ᠋ᠨ ᠰᠡᠮᠡᠷᠬᠡᠢ ᠬᠠᠲᠠᠭ ᠰᠢᠭ᠋ ᠡᠲᠦᠷ ᠦ᠋ᠳ
ᠣᠭᠲᠣᠬᠠᠨ ᠴᠤ᠌ ᠬᠡᠨᠡᠭ ᠦᠭᠡᠢ ᠤᠷᠤᠰᠤᠭᠰᠠᠭᠠᠷ ᠪᠣᠲᠣᠯ ᠦ᠋ᠨ ᠠᠲᠠᠷᠠᠮᠠ ᠶ᠋ᠢ ᠨᠡᠮᠡᠨᠡ ᠯᠡ
ᠬᠢᠯᠭᠠᠨᠠ ᠶ᠋ᠢᠨ ᠰᠢᠷᠭᠠᠯ ᠲᠣᠯᠣᠭᠠᠢ ᠳᠦ ᠤᠯᠠᠷᠢᠯ ᠦ᠋ᠨ ᠠᠮᠢᠰᠬᠤᠬ᠋ᠠ ᠴᠠᠩᠲᠤᠵᠤ
ᠬᠠᠬᠢᠷ ᠴᠠᠭᠠᠨ ᠡᠪᠦᠯ ᠦ᠋ᠨ ᠡᠬᠢᠨ ᠪ ᠰᠤᠷᠠᠭ ᠊ᠢ ᠠᠪᠴᠢᠷᠠᠨᠠ
ᠬᠢᠵᠠᠭᠠᠷ ᠦᠭᠡᠢ ᠰᠠᠨᠰᠠᠷ ᠦ᠋ᠨ ᠭᠦᠨ ᠳᠦ ᠠᠮᠢ ᠨᠠᠰᠤ ᠶ᠋ᠢ ᠮᠢᠨᠢ ᠠᠷᠭᠠᠮᠵᠢᠬᠰᠠᠨ
ᠬᠠᠨᠠ ᠲᠠᠢ ᠭᠡᠷ ᠦ᠋ᠨ ᠮᠢᠨᠢ ᠪᠦᠯᠢᠶᠡᠨ ᠡᠪᠦᠷ ᠰᠠᠨᠠᠭᠲᠠᠨᠠ ᠯᠠ
ᠬᠥᠮᠦᠨ ᠡᠭᠦᠷᠯᠡᠭᠰᠡᠨ ᠬᠣᠲᠠ ᠶ᠋ᠢᠨ ᠪᠣᠬᠢᠷ ᠠᠭᠠᠷ ᠲᠤ ᠬᠠᠬᠠᠵᠤ
ᠬᠦᠰᠡᠯ ᠴᠤᠴᠠᠮᠠ ᠠᠮᠢᠲᠤᠷᠠᠯ ᠦ᠋ᠨ ᠲᠡᠭᠦᠰᠬᠡᠯ ᠦᠭᠡᠢ ᠠᠶᠠᠨ ᠳᠦ ᠬᠠᠰᠢᠷᠠᠵᠤ
ᠬᠦᠢ ᠮᠢᠨᠢ ᠪᠤᠯᠠᠭᠠᠲᠠᠢ ᠨᠤᠲᠤᠭ ᠲᠠᠭᠠᠨ ᠬᠠᠷᠢᠭᠠᠳ ᠣᠴᠢᠮᠠᠷ ᠪᠣᠲᠣᠭᠲᠠᠬᠤ ᠶᠤᠮ
ᠬᠦᠦ ᠪᠡᠨ ᠬᠦᠯᠢᠶᠡᠭᠰᠡᠨ ᠡᠵᠢ ᠪᠡᠷ ᠶ᠋ᠢᠡᠨ ᠦᠨᠦᠰᠦᠭᠦᠯᠵᠦ ᠠᠭᠤᠵᠢᠷᠠᠮᠠᠷ ᠪᠣᠯᠬᠤ ᠶᠤᠮ
ᠨᠣᠶ᠋ᠢᠲᠠᠨ ᠠᠷᠭᠠᠯ ᠲᠠᠢ ᠠᠷᠤᠭ ᠰᠢᠭ᠋ ᠪᠣᠲᠣᠯ ᠮᠢᠨᠢ ᠬᠦᠨᠲᠦᠷᠡᠬᠦ ᠶ᠋ᠢᠨ ᠴᠠᠭ ᠲᠤ
ᠨᠣᠶ᠋ᠢᠷ ᠦᠭᠡᠢ ᠰᠥᠨᠢ ᠶ᠋ᠢᠨ ᠳᠡᠷᠡ ᠳᠦ ᠬᠠᠴᠠᠷ ᠶ᠋ᠢᠠᠨ ᠵᠢᠩᠲᠡᠭᠦᠯᠵᠦ ᠬᠣᠨᠣᠲᠠᠭ ᠠ᠋
ᠨᠤᠲᠤᠭ ᠤᠰᠤ ᠪᠠᠨ ᠰᠠᠨᠠᠭᠠᠳ ᠰᠡᠤᠠᠬᠢᠯ ᠰᠡᠮᠡᠷᠡᠬᠦ ᠶ᠋ᠢᠨ ᠦᠶᠡ ᠳᠦ
ᠨᠣᠪᠰᠢ ᠲᠠᠢ ᠮᠠᠭᠤ ᠬᠣᠲᠠ ᠠ᠋ᠴᠠ ᠭᠦᠶᠦᠭᠡᠳ ᠬᠠᠷᠢᠮᠠᠷ ᠥᠨᠳᠡᠯᠵᠡᠳᠡᠭ ᠡ
ᠥᠷᠯᠥᠭᠡ ᠪᠣᠯᠭᠠᠨ ᠪᠢ ᠨᠤᠲᠤᠭ ᠦ᠋ᠨ ᠵᠦᠭ ᠶ᠋ᠢᠡᠨ ᠰᠠᠷᠠᠪᠴᠢᠯᠠᠨᠠ
ᠡᠭᠦᠯᠡ ᠲᠡᠢ ᠲᠩᠷᠢ ᠶ᠋ᠢᠨ ᠳᠣᠣᠭᠤᠷ ᠬᠣᠯᠠ ᠶ᠋ᠢᠨ ᠠᠭᠤᠯᠠᠰ ᠴᠡᠩᠬᠡᠷᠯᠡᠨᠡ
ᠦᠲᠡᠰᠢ ᠪᠣᠯᠭᠠᠨ ᠪᠢ ᠪᠠᠬ᠋ᠠ ᠨᠠᠰᠤ ᠪᠠᠨ ᠵᠡᠭᠦᠲᠦᠯᠡᠨᠡ
ᠥᠭᠡᠨᠳᠦᠭᠴᠢ ᠠᠯᠠᠭ ᠬᠣᠷᠸ᠋ᠠ ᠲᠡᠭᠡᠵᠦ ᠯᠡ ᠨᠠᠮᠠ ᠶ᠋ᠢ 《 ᠵᠢᠷᠭᠠᠭᠠᠨᠠ 》
2008.11.21 ᠪ ᠥᠷᠯᠥᠭᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠭᠡᠷᠡᠯ
ᠬᠢᠨᠠᠭᠴᠢ ᠄ ᠮᠥᠴᠢᠷ ᠪᠠᠭᠰᠢ