ᠡᠬᠡ – 《 ᠬᠣᠯᠪᠣᠭᠠ 》 Эх – Холбоо
527ᠡᠬᠡ
《 ᠬᠣᠯᠪᠣᠬ᠋ᠠ 》
ᠡᠩ ᠦᠭᠡᠢ ᠶᠡᠬᠡ ᠶᠢᠷᠲᠢᠨᠴᠦ ᠶ᠋ᠢ
ᠡᠬᠡ ᠳᠡᠯᠡᠬᠡᠢ ᠭᠡᠳᠡᠭ ᠪᠢᠲᠡ ᠂
ᠡᠩᠭᠡᠷᠯᠡᠵᠦ ᠲᠥᠷᠥᠭᠰᠡᠨ ᠡᠬᠡ ᠶ᠋ᠢ ᠪᠡᠨ
ᠡᠨᠡᠷᠢᠯᠲᠦ ᠡᠵᠢ ᠭᠡᠵᠦ ᠬᠦᠨᠳᠦᠯᠡᠳᠡᠭ ᠪᠢᠲᠡ ᠃
ᠠᠭᠤᠲᠠᠮ ᠶᠡᠬᠡ ᠣᠷᠴᠢᠯᠠᠩ ᠊ᠢ
ᠠᠯᠲᠠᠨ ᠳᠡᠯᠡᠬᠡᠢ ᠭᠡᠳᠡᠭ ᠪᠢᠲᠡ ᠂
ᠠᠮᠢᠯᠠᠭᠤᠯᠵᠤ ᠲᠥᠷᠥᠭᠰᠡᠨ ᠡᠬᠡ ᠶ᠋ᠢ ᠪᠡᠨ
ᠠᠴᠢᠲᠤ ᠡᠵᠢ ᠭᠡᠵᠦ ᠠᠴᠢᠯᠠᠲᠠᠭ ᠪᠢᠲᠡ ᠃
ᠠᠭᠤᠯᠠ ᠰᠥᠮᠪᠥᠷ ᠦᠨᠲᠦᠷ ᠶᠡᠬᠡ
ᠠᠰᠠᠭᠰᠠᠨ ᠡᠬᠡ ᠨᠢ ᠭᠠᠵᠠᠷ ᠠ᠋ᠴᠠ
ᠠᠮᠢᠲᠠᠨ ᠪᠦᠬᠦᠨ ᠪ ᠨᠢᠭᠡ ᠠᠲᠠᠯᠢ
ᠠᠯᠢ ᠬᠦᠨᠲᠦ ᠨᠢ ᠡᠵᠢ ᠬᠥᠮᠦᠨ ᠳ᠋ᠠ ᠃
ᠬᠦᠬᠡᠮᠥ᠋ᠷᠡᠨ ᠤᠷᠲᠤ ᠶᠡᠬᠡ
ᠬᠦᠷᠬᠢᠷᠡ ᠡᠬᠡ ᠨᠢ ᠪᠤᠯᠠᠭ ᠳ᠋ᠠ ᠂
ᠬᠥᠮᠦᠨ ᠠᠮᠢᠲᠠᠨ ᠪᠦᠬᠦᠨ ᠪ
ᠬᠦᠨᠲᠦ ᠪᠣᠯᠬᠤ ᠨᠢ ᠡᠵᠢ ᠬᠥᠮᠦᠨ ᠳ᠋ᠠ ᠃
ᠥᠷᠭᠡᠨ ᠶᠡᠬᠡ ᠳᠠᠯᠠᠢ ᠶ᠋ᠢᠨ
ᠥᠩ ᠰᠢᠮᠡ ᠨᠢ ᠰᠢᠷᠣᠢ ᠳ᠋ᠠ ᠂
ᠦᠭᠡᠶ᠋ᠢᠭᠦᠦ ᠪᠠᠶᠠᠨ ᠬᠡᠨ ᠳᠦ ᠴᠤ᠌
ᠦᠷᠭᠦᠯᠵᠢ ᠬᠠᠶ᠋ᠢᠷᠠᠲᠠᠢ ᠨᠢ ᠡᠵᠢ ᠳ᠋ᠠ ᠃
ᠭᠠᠯᠪᠠ ᠬᠡᠴᠢᠨᠡᠭᠡᠨ ᠤᠯᠠᠷᠢᠪᠠᠴᠤ
ᠭᠠᠭᠴᠠ ᠨᠢᠭᠡ ᠯᠡ ᠨᠠᠷᠠ ᠲᠠᠢ ᠶᠤᠮ ᠂
ᠭᠠᠶ᠋ᠢᠬᠠᠮᠰᠢᠬ ᠳᠣᠣᠷᠠᠳᠤ ᠬᠡᠨ ᠳᠦ ᠴᠤ᠌
ᠭᠠᠭᠴᠠᠬᠠᠨ ᠡᠵᠢ ᠵᠠᠶᠠᠭᠠᠭᠲᠠᠬᠤ ᠶᠤᠮ ᠃
ᠡᠷᠬᠢᠮ ᠳᠡᠭᠡᠳᠦ ᠡᠷᠲᠡᠮᠲᠡᠨ ᠴᠤ᠌
ᠡᠬᠡ ᠶ᠋ᠢᠨ ᠤᠮᠠᠢ ᠶ᠋ᠢ ᠰᠢᠷᠭᠤᠲᠠᠭ ᠶᠤᠮ ᠂
ᠡᠵᠡᠨ ᠪᠣᠭᠲᠠ ᠪᠠᠭᠠᠲᠤᠷ ᠦ᠋ᠳ ᠊ᠢ ᠴᠤ᠌
ᠡᠵᠢ ᠬᠥᠮᠦᠨ ᠲᠥᠷᠥᠭᠦᠯᠳᠡᠭ ᠶᠤᠮ ᠃
ᠲᠥᠷᠥ ᠶ᠋ᠢᠨ ᠲᠤᠯᠭᠠᠭᠤᠷᠢ ᠡᠵᠡᠳ ᠊ᠢ ᠴᠤ᠌
ᠲᠡᠪᠡᠷᠢᠵᠦ ᠡᠵᠢ ᠨᠢ ᠥᠰᠭᠡᠳᠡᠭ ᠶᠤᠮ ᠂
ᠲᠦᠯᠡᠭᠡᠴᠢᠨ ᠲᠠᠷᠢᠶᠠᠴᠢᠨ ᠠᠷᠠᠳ ᠊ᠢ ᠴᠤ᠌
ᠲᠥᠷᠦᠭᠰᠡᠨ ᠡᠵᠢ ᠨᠢ ᠪᠣᠶ᠋ᠢᠵᠢᠭᠤᠯᠲᠠᠭ ᠶᠤᠮ ᠃
ᠬᠡᠪᠡᠯᠢ ᠳᠣᠲᠣᠷᠠ ᠪᠠᠨ ᠬᠥᠪᠦᠷᠡᠭᠦᠯᠦᠭᠰᠡᠭᠡᠷ
ᠬᠦᠰᠡᠯ ᠲᠠᠯᠪᠢᠬᠤ ᠨᠢ ᠡᠵᠢ ᠬᠥᠮᠦᠨ ᠂
ᠬᠦᠦ ᠬᠡᠦᠬᠡᠨ ᠠᠯᠢᠨ ᠳᠦ ᠴᠤ᠌
ᠬᠦᠨᠲᠦ ᠪᠣᠯᠬᠤ ᠨᠢ ᠡᠵᠢ ᠬᠥᠮᠦᠨ ᠃
ᠬᠠᠯᠠᠭᠤᠨ ᠬᠡᠪᠡᠯᠢ ᠳᠦ ᠰᠢᠮᠡᠳᠦᠭᠰᠡᠭᠡᠷ
ᠬᠠᠶ᠋ᠢᠷᠠᠯᠠᠵᠤ ᠰᠠᠨᠠᠬᠤ ᠨᠢ ᠡᠵᠢ ᠬᠥᠮᠦᠨ ᠂
ᠬᠠᠷᠰᠢᠯ ᠦᠭᠡᠢ ᠬᠥᠩᠭᠡᠵᠢᠬᠥᠯᠬᠥ ᠪᠡᠷ
ᠬᠠᠮᠠᠭᠠᠯᠠᠵᠤ ᠶᠠᠪᠤᠬᠤ ᠨᠢ ᠡᠵᠢ ᠬᠥᠮᠦᠨ ᠃
ᠡᠪᠦᠯ ᠬᠠᠪᠤᠷ ᠬᠡᠵᠢᠶᠡ ᠶᠤᠮ
ᠵᠤᠨ ᠨᠠᠮᠤᠷ ᠠᠯᠢᠨ ᠳᠦ ᠶᠤᠮ ᠂
ᠦᠷᠡ ᠨᠢᠭᠡ ᠶ᠋ᠢᠨ ᠬᠤᠪᠢ ᠪᠠᠷ ᠪᠢᠲᠡ
ᠡᠬᠡ ᠶ᠋ᠢᠨ ᠬᠡᠪᠡᠯᠢ ᠡᠴᠡ ᠵᠠᠶᠠᠭᠠᠲᠠᠭ ᠰᠠᠨ ᠃
ᠬᠣᠩᠭᠣᠷ ᠴᠠᠷᠢᠭᠤᠨ ᠳᠠᠭᠤ ᠪᠠᠷ
ᠬᠣᠷᠸ᠋ᠠ ᠳᠦ ᠪᠥᠮᠪᠥᠷᠢᠨ ᠡᠬᠢᠯᠡᠳᠡᠭ ᠰᠠᠨ ᠂
ᠬᠣᠶ᠋ᠢᠴᠢ ᠶ᠋ᠢᠨ ᠠᠮᠢ ᠨᠠᠰᠤ ᠶ᠋ᠢ ᠮᠢᠨᠢ
ᠬᠤᠪᠢᠲᠤ ᠡᠬᠡ ᠮᠢᠨᠢ ᠠᠮᠢᠵᠢᠷᠠᠭᠤᠯᠲᠠᠭ ᠰᠠᠨ ᠃
ᠬᠦᠨᠲᠦᠷᠡᠵᠦ ᠵᠣᠪᠠᠬᠤ ᠶ᠋ᠢᠨ ᠡᠪᠡᠷᠰᠢᠶᠡᠯ ᠳᠦ
ᠬᠦᠨᠲᠦᠲᠦ ᠡᠬᠡ ᠮᠢᠨᠢ ᠰᠢᠨᠠᠯᠲᠠᠭ ᠰᠠᠨ ᠂
ᠬᠦᠢᠰᠦ ᠰᠠᠯᠬᠤ ᠦᠶᠡ ᠡᠴᠡ ᠮᠢᠨᠢ
ᠬᠦᠰᠡᠯ ᠶ᠋ᠢᠡᠨ ᠡᠵᠢ ᠮᠢᠨᠢ ᠲᠠᠯᠪᠢᠲᠠᠭ ᠰᠠᠨ ᠃
ᠠᠯᠢᠪᠠ ᠬᠦᠨᠲᠦ ᠶ᠋ᠢ ᠤᠮᠠᠷᠲᠠᠭᠠᠳ
ᠠᠮᠢᠲᠤ ᠡᠷᠲᠡᠨᠢ ᠪᠣᠯᠭᠠᠲᠠᠭ ᠰᠠᠨ ᠂
ᠠᠮᠢ ᠨᠠᠰᠤ ᠲᠠᠢ ᠪᠠᠨ ᠬᠣᠯᠪᠣᠭᠠᠳ
ᠠᠷᠢᠭᠤᠨ ᠬᠠᠶ᠋ᠢᠷᠠ ᠪᠠᠨ ᠵᠣᠷᠢᠭᠤᠯᠲᠠᠭ ᠰᠠᠨ ᠃
ᠬᠠᠯᠠᠭᠤᠨ ᠵᠥᠭᠡᠯᠡᠨ ᠭᠠᠷ ᠶ᠋ᠢᠠᠷ ᠶ᠋ᠢᠠᠨ
ᠬᠠᠯᠠᠮᠵᠢᠯᠠᠵᠤ ᠲᠡᠪᠡᠷᠢᠳᠡᠭ ᠪᠠᠶ᠋ᠢᠵᠤ ᠰᠠᠨ ᠂
ᠬᠠᠲᠠᠨ ᠡᠷᠡ ᠪᠣᠯᠭᠠᠬᠤ ᠶ᠋ᠢᠨ
ᠬᠠᠮᠤᠭ ᠠᠩᠬᠠᠷᠤᠯ ᠶ᠋ᠢᠠᠨ ᠲᠠᠯᠪᠢᠲᠠᠭ ᠰᠠᠨ ᠃
ᠠᠩᠭᠢᠷ ᠰᠢᠷᠠ ᠤᠭᠤᠷᠠᠭ ᠊ᠢ
ᠡᠵᠢ ᠶ᠋ᠢᠨ ᠬᠥᠬᠥ ᠡᠴᠡ ᠯᠡ ᠰᠢᠮᠡᠳᠡᠭ ᠪᠢᠲᠡ ᠂
ᠠᠮᠢᠵᠢᠷᠠᠯ ᠲᠣᠷᠨᠢᠯ ᠦ᠋ᠨ ᠬᠦᠴᠦ ᠶ᠋ᠢ
ᠡᠵᠢ ᠶ᠋ᠢᠨ ᠰᠦᠨ ᠡᠴᠡ ᠯᠡ ᠣᠯᠲᠠᠭ ᠪᠢᠲᠡ ᠃
ᠡᠭᠡᠰᠢᠭ ᠪᠦᠪᠡᠢ ᠶ᠋ᠢᠨ ᠳᠠᠭᠤ ᠶ᠋ᠢ
ᠡᠬᠡ ᠬᠥᠮᠦᠨ ᠡᠴᠡ ᠯᠡ ᠰᠣᠨᠣᠰᠲᠠᠭ ᠪᠢᠲᠡ ᠂
ᠢᠯᠴᠢ ᠶ᠋ᠢᠨ ᠳᠡᠭᠡᠳᠦ ᠬᠠᠯᠠᠭᠤᠨ ᠊ᠢ
ᠡᠵᠢ ᠶ᠋ᠢᠨ ᠡᠪᠦᠷ ᠡᠴᠡ ᠯᠡ ᠮᠡᠳᠡᠳᠡᠭ ᠪᠢᠲᠡ ᠃
ᠬᠡᠪᠡᠯᠢ ᠶ᠋ᠢᠨ ᠬᠦᠨᠲᠦ ᠳᠠᠷᠤᠭᠠᠰᠤ ᠠ᠋ᠴᠠ
ᠬᠥᠩᠭᠡᠷᠡᠵᠦ ᠰᠠᠯᠤᠭᠰᠠᠨ ᠡᠵᠢ ᠮᠢᠨᠢ ᠂
ᠬᠦᠦ ᠬᠡᠦᠬᠡᠨ ᠲᠡᠢ ᠪᠣᠯᠴᠢᠬᠠᠭᠠᠳ
ᠬᠦᠰᠡᠯ ᠨᠢ ᠬᠠᠨᠤᠭᠰᠠᠨ ᠡᠵᠢ ᠮᠢᠨᠢ ᠃
ᠦᠷᠡ ᠮᠠᠨ ᠊ᠢ ᠲᠥᠷᠥᠭᠦᠯᠦᠯᠡ
ᠡᠭᠦᠷᠭᠡ ᠨᠢ ᠣᠲᠣ ᠬᠥᠩᠭᠡᠷᠡᠴᠢᠬᠡᠬᠦ ᠦᠦ ?
ᠥᠰᠬᠡᠵᠦ ᠮᠠᠨ ᠊ᠢ ᠲᠣᠷᠨᠢᠭᠤᠯᠤᠯᠠ
ᠡᠭᠦᠷᠲᠦᠬᠦ ᠴᠥᠬᠥᠷᠡᠲᠡᠬᠥ ᠨᠢ ᠪᠠᠭᠠᠰᠴᠢᠬᠠᠬᠤ ᠦᠦ ?
ᠦᠯᠵᠡᠢ ᠮᠥᠷ ᠊ᠢ ᠦᠵᠡᠴᠢᠬᠡᠯᠡ
ᠡᠲᠦᠷ ᠦ᠋ᠨ ᠪᠣᠲᠣᠯ ᠨᠢ ᠠᠭᠤᠵᠢᠷᠠᠴᠢᠬᠠᠬᠤ ᠦᠦ ?
ᠡᠪᠦᠳᠦᠭ ᠳᠡᠭᠡᠷᠡ ᠪᠡᠨ ᠵᠣᠭᠰᠣᠴᠢᠬᠠᠯᠠ
ᠦᠲᠡᠰᠢ ᠶ᠋ᠢᠨ ᠨᠣᠶ᠋ᠢᠷ ᠲᠤ ᠪᠠᠨ ᠠᠮᠤᠷᠯᠢᠴᠢᠬᠠᠬᠤ ᠦᠦ ?
ᠦᠷᠢᠶᠡ ᠪᠡᠨ ᠮᠣᠷᠢ ᠪᠣᠯᠭᠠᠬᠤ ᠭᠡᠭᠴᠢ
ᠡᠵᠡᠨ ᠪ ᠰᠡᠤᠠᠬᠢᠯ ᠬᠡᠵᠢᠶᠡᠲᠡ ᠶᠤᠮ ᠂
ᠦᠷᠡ ᠪᠡᠨ ᠬᠥᠮᠦᠨ ᠪᠣᠯᠭᠠᠬᠤ ᠭᠡᠭᠴᠢ
ᠡᠵᠢ ᠶ᠋ᠢᠨ ᠰᠠᠨᠠᠯ ᠦᠷᠭᠦᠯᠵᠢ ᠳᠦ ᠪᠡᠨ ᠶᠤᠮ ᠃
ᠬᠠᠩᠭᠢᠨᠠᠨ ᠣᠷᠢᠯᠠᠬᠤ ᠳᠠᠭᠤ ᠪᠠᠷ ᠮᠢᠨᠢ
ᠬᠠᠷᠠᠩᠭᠤᠢ ᠰᠥᠨᠢ ᠪᠡᠷ ᠪᠣᠰᠲᠠᠭ ᠰᠠᠨ ᠂
ᠬᠠᠭᠠᠷᠢᠬᠤ ᠬᠦᠢᠲᠡᠨ ᠬᠤᠴᠢᠯᠬ᠋ᠠ ᠶ᠋ᠢ ᠮᠢᠨᠢ
ᠬᠠᠯᠠᠭᠤᠰᠬᠠᠵᠤ ᠪᠦᠯᠢᠶᠡᠰᠬᠡᠵᠦ ᠥᠭᠳᠡᠭ ᠰᠠᠨ ᠃
ᠬᠠᠯᠠᠭᠤᠨ ᠰᠦ᠋ ᠪᠡᠨ ᠮᠥᠮᠦᠭᠦᠯᠦᠭᠰᠡᠨ
ᠬᠠᠮᠤᠭ ᠰᠢᠮᠡ ᠪᠡᠨ ᠬᠦᠷᠲᠡᠭᠡᠳᠡᠭ ᠰᠠᠨ ᠂
ᠬᠠᠶ᠋ᠢᠷᠠᠯᠠᠵᠤ ᠢᠪᠡᠭᠡᠵᠦ ᠴᠠᠤᠠᠬᠠᠭᠠᠳ
ᠬᠠᠩᠭᠠᠮᠵᠢ ᠰᠠᠶ᠋ᠢᠲᠠᠢ ᠪᠣᠯᠭᠠᠲᠠᠭ ᠰᠠᠨ ᠃
ᠵᠤᠩᠭᠠᠭ ᠨᠣᠶ᠋ᠢᠲᠠᠨ ᠊ᠢ ᠬᠠᠭᠤᠷᠠᠶ᠋ᠢᠯᠠᠭᠠᠳ
ᠵᠤᠯᠠᠢ ᠳᠡᠭᠡᠷᠡ ᠮᠢᠨᠢ ᠥᠨᠥᠰᠳᠡᠭ ᠰᠠᠨ ᠂
ᠵᠣᠷᠢᠬ ᠳᠤᠷᠠ ᠪᠠᠷ ᠣᠷᠢᠯᠠᠬᠤ ᠳᠦ ᠮᠢᠨᠢ
ᠵᠣᠪᠠᠵᠤ ᠰᠢᠨᠠᠯᠪᠠ ᠦᠦ ᠭᠡᠵᠦ ᠠᠶᠤᠲᠠᠭ ᠰᠠᠨ ᠃
ᠬᠠᠷᠠ ᠡᠪᠦᠯ ᠦ᠋ᠨ ᠬᠦᠢᠲᠡᠨ ᠳᠦ ᠭᠡᠳ
ᠬᠠᠶ᠋ᠢᠷᠠᠲᠤ ᠡᠵᠢ ᠮᠢᠨᠢ ᠰᠢᠷᠭᠡᠢᠳᠡᠭ ᠦᠭᠡᠢ ᠂
ᠬᠢᠷᠠᠬ᠋ᠠ ᠦᠦᠷ ᠦ᠋ᠨ ᠵᠢᠩ ᠳᠦ ᠭᠡᠳ
ᠬᠠᠯᠠᠮᠵᠢᠲᠤ ᠡᠵᠢ ᠮᠢᠨᠢ ᠬᠠᠯᠠᠰᠢᠷᠠᠲᠠᠭ ᠦᠭᠡᠢ ᠃
ᠬᠠᠬᠢᠷ ᠡᠪᠦᠯ ᠦ᠋ᠨ ᠰᠠᠯᠬᠢᠨ ᠳᠦ ᠭᠡᠳ
ᠬᠠᠯᠠᠭᠤᠨ ᠶ᠋ᠢᠠᠨ ᠡᠵᠢ ᠮᠢᠨᠢ ᠬᠤᠷᠢᠶᠠᠲᠠᠭ ᠦᠭᠡᠢ ᠂
ᠬᠠᠲᠠᠨ ᠵᠤᠨ ᠪ ᠬᠠᠯᠠᠭᠤᠨ ᠳᠦ ᠭᠡᠳ
ᠬᠠᠯᠠᠰᠢᠷᠠᠵᠤ ᠡᠵᠢ ᠮᠢᠨᠢ ᠨᠢᠴᠤᠲᠠᠭ ᠦᠭᠡᠢ ᠃
ᠰᠡᠷᠢᠭᠦᠨ ᠨᠠᠮᠤᠷ ᠦ᠋ᠨ ᠵᠢᠬᠡᠭᠦᠨ ᠳᠦ ᠭᠡᠳ
ᠰᠡᠤᠠᠬᠢᠯᠲᠦ ᠡᠵᠢ ᠮᠢᠨᠢ ᠴᠥᠬᠥᠳᠡᠭ ᠦᠭᠡᠢ ᠂
ᠰᠥᠨᠢ ᠡᠲᠦᠷ ᠦ᠋ᠨ ᠤᠷᠲᠤ ᠳᠦ ᠭᠡᠳ
ᠰᠡᠷᠡᠮᠵᠢ ᠪᠡᠨ ᠡᠵᠢ ᠮᠢᠨᠢ ᠠᠯᠲᠠᠲᠠᠭ ᠦᠭᠡᠢ ᠃
ᠡᠵᠢ ᠶ᠋ᠢᠨ ᠬᠠᠯᠠᠭᠤᠨ ᠭᠠᠷ ᠮᠢᠨᠢ
ᠢᠯᠴᠢᠲᠦ ᠨᠠᠷᠠᠨ ᠠ᠋ᠴᠠ ᠡᠭᠡᠯᠢᠲᠡᠢ ᠶᠤᠮ ᠂
ᠡᠨᠡᠷᠢᠯ ᠢᠪᠡᠭᠡᠯᠲᠦ ᠡᠵᠢ ᠶ᠋ᠢᠨ ᠬᠠᠷᠠᠴᠠ
ᠡᠷᠲᠡᠨᠢ ᠶ᠋ᠢᠨ ᠨᠠᠷᠠᠨ ᠠ᠋ᠴᠠ ᠳᠤᠯᠠᠭᠠᠨ ᠶᠤᠮ ᠃
ᠤᠷᠭᠤᠬ᠋ᠠ ᠰᠠᠶ᠋ᠢᠬᠠᠨ ᠪᠡᠶᠡ ᠨᠤᠭᠦᠳ ᠮᠢᠨᠢ
ᠤᠲᠠ ᠤᠯᠢᠶᠠᠰᠤ ᠰᠢᠭ᠋ ᠤᠷᠭᠤᠬ᠋ᠠ ᠦᠭᠡᠢ ᠶᠤᠮ ᠂
ᠤᠶᠠᠨ ᠰᠡᠤᠠᠬᠢᠯᠲᠦ ᠡᠵᠢ ᠶ᠋ᠢᠨ ᠶ᠋ᠢᠡᠨ
ᠤᠷᠠᠨ ᠭᠠᠷ ᠶ᠋ᠢᠠᠷ ᠰᠤᠭᠲᠠᠶ᠋ᠢᠬᠰᠠᠨ ᠶᠤᠮ ᠃
ᠬᠠᠩᠬᠠᠭᠠᠷ ᠰᠠᠶ᠋ᠢᠬᠠᠨ ᠪᠡᠶᠡ ᠨᠤᠭᠦᠳ ᠮᠢᠨᠢ
ᠬᠠᠶ᠋ᠢᠲᠠᠩ ᠠᠲᠠᠯᠢ ᠳᠡᠯᠭᠡᠷᠡᠭᠡ ᠦᠭᠡᠢ ᠶᠤᠮ ᠂
ᠬᠠᠯᠠᠮᠵᠢᠲᠤ ᠡᠨᠡᠷᠢᠯᠲᠦ ᠡᠵᠢ ᠶ᠋ᠢᠨ ᠶ᠋ᠢᠡᠨ
ᠬᠠᠯᠠᠭᠤᠨ ᠬᠠᠶ᠋ᠢᠷᠠ ᠪᠠᠷ ᠪᠣᠶ᠋ᠢᠵᠢᠬᠰᠠᠨ ᠶᠤᠮ ᠃
ᠬᠦᠵᠦᠭᠦᠦ ᠲᠣᠯᠣᠭᠠᠢ ᠨᠢ ᠭᠢᠯᠵᠢᠢᠬᠦ ᠪᠤᠢ
ᠬᠡᠪᠲᠡᠵᠦ ᠤᠨᠲᠠᠬᠤ ᠶ᠋ᠢ ᠲᠡᠭᠰᠢᠯᠡᠳᠡᠭ᠂
ᠬᠥᠯ ᠭᠠᠷ ᠨᠢ ᠮᠠᠶ᠋ᠢᠵᠢᠢᠬᠤ ᠪᠤᠢ
ᠬᠥᠪᠴᠢ ᠶ᠋ᠢ ᠴᠢᠩᠬ᠋ᠠ ᠥᠯᠥᠭᠡᠢᠳᠡᠳᠡᠭ᠃
ᠬᠠᠷᠠᠬᠤ ᠨᠢᠲᠦ ᠨᠢ ᠶᠥᠭᠡᠷᠪᠡᠯ
ᠬᠠᠯᠠᠭᠤᠨ ᠰᠦ᠋ ᠪᠡᠨ ᠳᠤᠰᠤᠭᠠᠳᠠᠭ ᠂
ᠬᠠᠴᠠᠷ ᠨᠢᠭᠤᠷ ᠨᠢ ᠤᠰᠬᠤᠷᠲᠤᠪᠠᠯ
ᠬᠠᠯᠢᠮ ᠵᠥᠭᠡᠬᠡᠢ ᠳᠦᠷᠬᠢᠳᠡᠭ ᠃
ᠭᠠᠩᠭᠠᠩ ᠭᠤᠸᠠᠯᠢᠬ ᠥᠰᠬᠦ ᠮᠢᠨᠢ
ᠭᠠᠭᠴᠠ ᠡᠵᠢ ᠶ᠋ᠢᠨ ᠮᠢᠨᠢ ᠳᠣᠳᠣᠮᠳᠠᠯ ᠶᠤᠮ ᠂
ᠭᠠᠯᠪᠢᠷ ᠰᠦᠷᠯᠢᠭ ᠶᠠᠪᠤᠬ᠋ᠠ ᠮᠢᠨᠢ
ᠭᠠᠶ᠋ᠢᠬᠠᠮᠰᠢᠬᠲᠤ ᠡᠬᠡ ᠶ᠋ᠢᠨ ᠮᠢᠨᠢ ᠥᠰᠬᠡᠯ ᠶᠤᠮ ᠃
ᠪᠣᠯᠴᠣᠷ ᠴᠣᠯᠴᠣᠷ ᠠᠯᠬᠤᠯᠠ ᠭᠡᠳ
ᠪᠣᠯᠤᠯᠠ ᠂ ᠡᠵᠢ ᠮᠢᠨᠢ ᠵᠠᠶ᠋ᠢᠯᠠᠴᠢᠬᠠᠬᠤ ᠦᠦ ?
ᠪᠣᠶ᠋ᠢᠯᠠᠵᠤ ᠲᠤᠰᠴᠤ ᠬᠥᠲᠥᠯᠴᠢᠬᠡᠭᠡᠳ
ᠪᠤᠰᠢᠭᠤ ᠭᠦᠶᠦᠬᠦ ᠶ᠋ᠢ ᠬᠦᠰᠡᠬᠦ ᠶᠤᠮ ᠃
ᠭᠦᠶᠦᠬᠦ ᠴᠢᠲᠠᠯ ᠣᠷᠣᠬᠤ ᠳᠦ ᠮᠢᠨᠢ
ᠭᠦᠢᠴᠡᠤᠠᠬᠡᠬᠦ ᠠᠵᠢᠯ ᠨᠢ ᠪᠠᠷᠠᠴᠢᠬᠠᠬᠤ ᠦᠦ ?
ᠭᠦᠷᠦᠨ ᠳᠦ ᠵᠦᠭ ᠲᠡᠢ ᠶᠠᠪᠤᠭ ᠳ᠋ᠠ
ᠭᠦᠨ ᠰᠡᠤᠠᠬᠢᠯ ᠶ᠋ᠢᠡᠨ ᠲᠠᠯᠪᠢᠬᠤ ᠶᠤᠮ ᠃
ᠬᠥᠮᠦᠨ ᠲᠡᠢ ᠠᠲᠠᠯᠢ ᠶᠠᠪᠤᠭᠤᠯᠬᠤ ᠭᠡᠵᠦ
ᠬᠦᠪᠦᠷᠢᠤᠠᠴᠦ ᠣᠶᠣᠬᠤ ᠨᠢ ᠠᠷᠪᠢᠲᠠᠬᠤ ᠶᠤᠮ ᠂
ᠬᠥᠯ ᠨᠤᠭᠤᠯᠬᠤ ᠴᠢᠯᠥᠭᠡ ᠴᠤ᠌ ᠦᠭᠡᠢ
ᠬᠡᠦᠬᠡᠳ ᠶ᠋ᠢᠡᠨ ᠭᠡᠳ ᠯᠡ ᠵᠢᠤᠠᠬᠦᠬᠦ ᠶᠤᠮ ᠃
ᠤᠯᠤᠰ ᠲᠠᠢ ᠠᠲᠠᠯᠢ ᠶᠠᠪᠤᠭᠤᠯᠬᠤ ᠭᠡᠵᠦ
ᠤᠷᠠᠯᠠᠵᠤ ᠭᠣᠶᠣᠯᠠᠬᠤ ᠨᠢ ᠡᠯᠪᠡᠭᠵᠢᠬᠦ ᠶᠤᠮ ᠂
ᠤᠨᠲᠠᠬᠤ ᠢᠲᠡᠬᠦ ᠴᠢᠯᠥᠭᠡ ᠦᠭᠡᠢ ᠴᠦ᠍
ᠤᠷᠤᠭᠰᠢ ᠵᠢᠤᠠᠬᠦᠨ ᠴᠢᠷᠮᠠᠶ᠋ᠢᠬᠤ ᠶᠤᠮ ᠃
ᠠᠯᠠᠭ ᠰᠠᠶ᠋ᠢᠬᠠᠨ ᠬᠤᠪᠴᠠᠰᠤ ᠶ᠋ᠢ ᠮᠢᠨᠢ
ᠠᠷᠤ ᠶ᠋ᠢᠨ ᠮᠠᠶ᠋ᠢᠮᠠᠢ ᠬᠦᠷᠭᠡᠭᠰᠡᠨ ᠪᠢᠰᠢ ᠂
ᠠᠵᠢᠯᠴᠢ ᠦᠢᠯᠡᠴᠢ ᠡᠵᠢ ᠶ᠋ᠢᠨ ᠮᠢᠨᠢ
ᠠᠷᠪᠠᠨ ᠬᠤᠷᠤᠭᠤᠨ ᠪ ᠤᠷᠠᠯᠠᠯ ᠶᠤᠮ ᠃
ᠳᠠᠩᠳᠠ ᠲᠡᠭᠰᠢ ᠵᠠᠰᠠᠯ ᠊ᠢ ᠮᠢᠨᠢ
ᠳᠠᠮᠨᠠᠭᠤᠷ ᠮᠠᠶ᠋ᠢᠮᠠᠢ ᠬᠦᠷᠭᠡᠭᠰᠡᠨ ᠪᠢᠰᠢ ᠂
ᠳᠠᠶ᠋ᠢᠴᠢᠨ ᠠᠵᠢᠯᠰᠠᠭ ᠡᠵᠢ ᠶ᠋ᠢᠨ ᠮᠢᠨᠢ
ᠳᠠᠷᠤᠭᠤᠯᠵᠤ ᠣᠶᠣᠭᠰᠠᠨ ᠡᠷᠲᠡᠮ ᠶᠤᠮ ᠃
ᠤᠬᠠᠭᠠᠨ ᠲᠦᠭᠦᠬᠡ ᠲᠡᠢ ᠲᠣᠮᠣᠭᠠᠵᠢᠯᠠ ᠭᠡᠳ
ᠣᠬᠣᠷᠢᠭᠠᠳ ᠡᠵᠢ ᠮᠢᠨᠢ ᠰᠠᠯᠴᠢᠬᠠᠬᠤ ᠦᠦ ?
ᠤᠯᠤᠰ ᠠ᠋ᠴᠠ ᠳᠡᠭᠡᠲᠡᠢ ᠶᠠᠪᠤᠭᠤᠯᠬᠤ ᠭᠡᠵᠦ
ᠤᠯᠠᠮ ᠰᠠᠨᠠᠬ᠋ᠠ ᠲᠠᠯᠪᠢᠬᠤ ᠶᠤᠮ ᠃
ᠠᠵᠢᠯ ᠦᠢᠯᠡᠰ ᠲᠦ ᠰᠤᠷᠭᠠᠭᠠᠳ
ᠠᠮᠵᠢᠯᠲᠠ ᠣᠯᠬᠤ ᠶ᠋ᠢ ᠵᠢᠭᠠᠬᠤ ᠶᠤᠮ ᠂
ᠠᠷᠢᠭᠤᠨ ᠴᠡᠪᠡᠷ ᠲᠦ ᠵᠠᠩᠰᠢᠭᠤᠯᠤᠭᠠᠳ
ᠠᠷᠤᠤᠬᠠᠨ ᠶᠠᠪᠤᠬᠤ ᠶ᠋ᠢ ᠬᠦᠰᠡᠭᠦᠯᠬᠦ ᠶᠤᠮ ᠃
ᠡᠷᠲᠡᠮ ᠨᠣᠮ ᠲᠠᠢ ᠪᠣᠯᠭᠠᠬᠤ ᠪᠠᠷ
ᠡᠬᠡ ᠰᠤᠷᠭᠠᠭᠤᠯᠢ ᠳᠦ ᠣᠷᠣᠭᠤᠯᠲᠠᠭ ᠰᠠᠨ ᠂
ᠡᠬᠢᠯᠡᠵᠦ ᠦᠰᠦᠭ ᠲᠠᠨᠢᠬᠤ ᠪᠠᠷ ᠮᠢᠨᠢ
ᠢᠨᠢᠶᠡᠵᠦ ᠪᠡᠶᠡᠰᠦᠨ ᠬᠥᠭᠰᠡᠳᠡᠭ ᠰᠠᠨ ᠃
ᠪᠠᠬᠠᠲᠠᠢ ᠰᠠᠶ᠋ᠢᠬᠠᠨ ᠰᠤᠷᠬᠤ ᠳᠦ ᠮᠢᠨᠢ
ᠪᠠᠶᠠᠷᠯᠠᠵᠤ ᠰᠡᠤᠠᠬᠢᠯ ᠨᠢ ᠠᠭᠤᠵᠢᠷᠠᠬᠤ ᠶᠤᠮ ᠂
ᠪᠠᠲᠤᠤ ᠪᠣᠷᠣ ᠭᠠᠷᠭᠠᠬᠤ ᠳᠦ ᠮᠢᠨᠢ
ᠪᠠᠶ᠋ᠢᠲᠠᠭ ᠤᠬᠠᠭᠠᠨ ᠶ᠋ᠢᠠᠷ ᠠᠷᠭᠠᠲᠠᠬᠤ ᠶᠤᠮ ᠃
ᠰᠤᠶᠤᠯ ᠡᠷᠲᠡᠮ ᠲᠡᠢ ᠪᠣᠯᠤᠭᠰᠠᠨ ᠮᠢᠨᠢ
ᠰᠣᠯᠣᠩᠬ᠋ᠠ ᠠᠲᠠᠯᠢ ᠲᠠᠲᠠᠴᠢᠬᠠᠪᠠ ᠦᠦ ?
ᠰᠤᠷᠭᠠᠯ ᠠᠰᠠᠷᠠᠯᠲᠤ ᠡᠵᠢ ᠶ᠋ᠢᠨ ᠮᠢᠨᠢ
ᠰᠤᠪᠢᠯᠠᠯ ᠰᠤᠷᠭᠠᠯ ᠦ᠋ᠨ ᠠᠴᠢ ᠶᠤᠮ ᠃
ᠰᠣᠲᠣ ᠮᠡᠷᠭᠡᠨ ᠪᠣᠯᠤᠭᠰᠠᠨ ᠮᠢᠨᠢ
ᠰᠤᠲᠠᠷᠢᠰᠤᠨ ᠣᠷᠣᠨ ᠠ᠋ᠴᠠ ᠵᠠᠶᠠᠭᠠᠭᠲᠠᠪᠠ ᠦᠦ ?
ᠰᠤᠲᠤᠷ ᠨᠣᠮ ᠳᠦ ᠰᠢᠮᠲᠠᠭᠤᠯᠤᠭᠰᠠᠨ
ᠰᠤᠷᠭᠠᠯᠲᠤ ᠡᠵᠢ ᠶ᠋ᠢᠨ ᠮᠢᠨᠢ ᠠᠴᠢ ᠶᠤᠮ ᠃
ᠬᠠᠲᠠᠨ ᠡᠷᠡᠯᠬᠡᠭ᠋ ᠪᠠᠭᠠᠲᠤᠷ ᠮᠢᠨᠢ
ᠬᠠᠨ ᠬᠤᠷᠮᠤᠰᠲᠠ ᠠ᠋ᠴᠠ ᠢᠪᠡᠭᠡᠪᠡ ᠦᠦ ?
ᠬᠠᠷᠢᠴᠠᠯᠠᠰᠢ ᠦᠭᠡᠢ ᠡᠵᠢ ᠶ᠋ᠢᠨ ᠮᠢᠨᠢ
ᠬᠠᠮᠠᠭᠠᠯᠠᠵᠤ ᠥᠰᠭᠡᠭᠰᠡᠨ ᠠᠴᠢ ᠶᠤᠮ ᠃
ᠥᠩᠭᠡ ᠭᠡᠷᠡᠯ ᠠᠯᠲᠠᠷ ᠮᠢᠨᠢ
ᠦᠨᠲᠦᠷ ᠲᠩᠷᠢ ᠡᠴᠡ ᠪᠠᠭᠤᠪᠠ ᠦᠦ ?
ᠥᠨᠢᠷ ᠬᠠᠶ᠋ᠢᠷᠠᠲᠤ ᠡᠵᠢ ᠶ᠋ᠢᠨ ᠮᠢᠨᠢ
ᠥᠪᠯᠡᠵᠦ ᠥᠭᠭᠦᠭᠰᠡᠨ ᠠᠪᠬᠠᠯᠵᠢ ᠶᠤᠮ ᠃
ᠲᠥᠷᠥ ᠳᠦ ᠮᠠᠨᠲᠤᠬᠤ ᠨᠡᠷᠡ ᠮᠢᠨᠢ
ᠲᠦᠨᠡᠷᠡᠵᠦ ᠥᠪᠡᠷᠲᠡᠭᠡᠨ ᠪᠠᠲᠠᠷᠠᠪᠠ ᠦᠦ ?
ᠲᠥᠷᠥᠭᠦᠯᠵᠦ ᠥᠰᠭᠡᠭᠰᠡᠨ ᠡᠵᠢ ᠶ᠋ᠢᠨ ᠮᠢᠨᠢ
ᠲᠡᠤᠠᠬᠦᠵᠦ ᠵᠢᠳᠬᠦᠭᠰᠡᠨ ᠠᠷᠠᠨᠰᠢᠨ ᠶᠤᠮ ᠃
ᠬᠥᠮᠦᠨ ᠪ ᠡᠷᠬᠢᠮ ᠪᠣᠯᠤᠯᠠ ᠭᠡᠳ
ᠬᠦᠰᠡᠯ ᠶ᠋ᠢᠡᠨ ᠡᠵᠢ ᠬᠥᠮᠦᠨ ᠬᠤᠷᠢᠶᠠᠬᠤ ᠦᠦ ?
ᠬᠦᠨᠲᠦ ᠬᠡᠷᠬᠡᠮ ᠊ᠢ ᠣᠯᠤᠯᠠ ᠭᠡᠳ
ᠬᠥᠮᠦᠵᠢᠯ ᠶ᠋ᠢᠡᠨ ᠡᠵᠢ ᠬᠥᠮᠦᠨ ᠵᠣᠭᠰᠣᠭᠠᠬᠤ ᠦᠦ ?
ᠬᠢᠴᠢᠶᠡᠩᠭᠦᠢ ᠳᠠᠷᠤᠤ ᠶᠠᠪᠤᠭᠠᠷᠠᠢ ᠭᠡᠵᠦ
ᠬᠡᠯᠡᠵᠦ ᠰᠤᠷᠭᠠᠬᠤ ᠦᠷᠭᠦᠯᠵᠢ ᠶᠤᠮ ᠂
ᠬᠡᠷᠬᠡᠮ ᠊ᠢ ᠣᠯᠤᠭᠰᠠᠨ ᠴᠤ᠌ ᠨᠣᠮᠣᠬᠠᠨ ᠪᠠᠢ ᠭᠡᠵᠦ
ᠬᠡᠮᠨᠡᠵᠦ ᠵᠢᠭᠠᠬᠤ ᠨᠢ ᠤᠯᠠᠮ ᠶᠤᠮ ᠃
《 ᠠᠷᠠᠳ ᠣᠯᠠᠨ ᠲᠦᠮᠡᠨ ᠳᠦ ᠪᠡᠨ
ᠠᠯᠠᠭ ᠦᠭᠡᠢ ᠵᠢᠤᠠᠬᠦ ᠳ᠋ᠠ !
ᠠᠯᠲᠠᠨ ᠳᠡᠯᠡᠬᠡᠢ ᠶ᠋ᠢᠨ ᠳᠡᠭᠡᠷᠡ
ᠠᠷᠢᠭᠤᠨ ᠮᠥᠷ ᠲᠡᠢ ᠶᠠᠪᠤ ᠳ᠋ᠠ !
ᠦᠭᠡᠶ᠋ᠢᠭᠦᠦ ᠪᠠᠶᠠᠨ ᠬᠣᠶᠠᠷ ᠴᠢᠨᠢ
ᠥᠷᠯᠥᠭᠡ ᠦᠲᠡᠰᠢ ᠶ᠋ᠢᠨ ᠰᠢᠭᠦᠲᠡᠷᠢ ᠰᠢᠦ !
ᠥᠨᠡᠨ ᠰᠢᠲᠤᠷᠭᠤ ᠥᠢᠯᠡᠰ ᠯᠡ ᠪᠤᠯ
ᠥᠨᠢ ᠡᠭᠦᠷᠢᠲᠡ ᠮᠥᠩᠬᠡ ᠶᠤᠮ ᠰᠢᠦ !
ᠠᠩᠬᠠᠨ ᠪ ᠳᠠᠭᠤᠳᠠᠬᠤ ᠨᠡᠷᠡ ᠶ᠋ᠢ ᠴᠢᠨᠢ
ᠠᠪᠤ ᠡᠵᠢ ᠴᠢᠨᠢ ᠣᠯᠭᠣᠲᠠᠭ ᠰᠢᠦ !
ᠠᠯᠲᠠᠷ ᠳᠠᠭᠤᠷᠢᠰᠬᠤ ᠨᠡᠷᠡ ᠶ᠋ᠢ ᠪᠡᠨ
ᠠᠵᠢᠯ ᠦᠢᠯᠡᠰ ᠶ᠋ᠢᠡᠷ ᠣᠯᠲᠠᠭ ᠰᠢᠦ ! 》 ᠭᠡᠵᠦ
ᠬᠠᠯᠠᠮᠵᠢᠲᠤ ᠨᠠᠨᠲᠢᠨ ᠰᠤᠷᠭᠠᠯ ᠶ᠋ᠢᠠᠨ
ᠬᠠᠶ᠋ᠢᠷᠠᠲᠤ ᠡᠵᠢ ᠮᠢᠨᠢ ᠬᠠᠶ᠋ᠢᠷᠠᠯᠠᠲᠠᠭ ᠂
ᠬᠠᠶ᠋ᠢᠷᠠ ᠰᠠᠨᠠᠯ ᠦ᠋ᠨ ᠰᠡᠤᠠᠬᠢᠯ ᠶ᠋ᠢᠡᠨ
ᠬᠠᠮᠢᠬ᠋ᠠ ᠬᠡᠵᠢᠶᠡ ᠴᠤ᠌ ᠪᠢᠯᠬᠠᠭᠤᠯᠲᠠᠭ ᠃
ᠬᠥᠮᠦᠨ ᠰᠠᠶ᠋ᠢᠲᠠᠢ ᠶᠠᠪᠤᠬᠤ ᠶ᠋ᠢ ᠮᠢᠨᠢ
ᠬᠦᠰᠡᠮᠵᠢᠯᠡᠵᠦ ᠡᠭᠦᠷᠢᠲᠡ ᠰᠠᠨᠠᠭᠤᠯᠲᠠᠭ ᠂
ᠬᠦᠨᠲᠦ ᠪᠡᠨ ᠪᠠᠷᠠᠵᠤ ᠠᠯᠲᠠᠬᠤ ᠶ᠋ᠢ ᠮᠢᠨᠢ
ᠬᠥᠨᠥᠭᠡᠯ ᠮᠡᠲᠦ ᠪᠡᠷ ᠴᠡᠭᠡᠷᠯᠡᠭᠦᠯᠳᠡᠭ᠃
ᠰᠠᠶ᠋ᠢᠨ ᠪ ᠵᠦᠭ ᠲᠦ ᠶᠠᠪᠤᠬᠤ ᠶ᠋ᠢ ᠮᠢᠨᠢ
ᠰᠠᠬᠢᠯ ᠮᠡᠲᠦ ᠪᠡᠷ ᠲᠤᠰᠢᠶᠠᠲᠠᠭ ᠂
ᠰᠠᠮᠠᠭᠤᠨ ᠵᠠᠪᠬᠠᠢ ᠶᠠᠪᠤᠬᠤ ᠶ᠋ᠢ ᠮᠢᠨᠢ
ᠰᠠᠯᠤᠰᠢ ᠦᠭᠡᠢ ᠰᠡᠷᠡᠮᠵᠢᠯᠡᠭᠦᠯᠳᠡᠭ᠃
ᠮᠠᠩᠯᠠᠢ ᠡᠷᠲᠡᠮ ᠰᠤᠷᠬᠤ ᠪᠠᠷ
ᠮᠠᠷᠭᠠᠰᠢ ᠬᠠᠷᠢ ᠤᠯᠤᠰ ᠲᠤ ᠮᠣᠷᠲᠠᠯᠠ ᠭᠡᠳ
ᠮᠠᠰᠢ ᠬᠠᠶ᠋ᠢᠷᠠᠲᠠᠢ ᠡᠵᠢ ᠮᠢᠨᠢ
ᠮᠠᠭᠠᠳ ᠰᠠᠨᠠᠬᠤ ᠪᠠᠨ ᠪᠠᠶ᠋ᠢᠴᠢᠬᠠᠬᠤ ᠦᠦ ?
《 ᠬᠠᠷᠢ ᠭᠠᠵᠠᠷ ᠬᠡᠴᠡᠭᠦᠦ ᠰᠢᠦ
ᠬᠠᠯᠠᠭᠤᠨ ᠳᠣᠲᠣᠨᠣᠰᠣᠭ ᠶᠠᠪᠤᠭᠠᠷᠠᠢ !
ᠬᠠᠮᠤᠭ ᠡᠷᠲᠡᠮ ᠊ᠢ ᠰᠠᠶ᠋ᠢᠨ ᠰᠤᠷ !
ᠬᠠᠷᠠᠵᠤ ᠰᠠᠭᠤᠶᠠ ᠡᠵᠢ ᠨᠢ ᠳ᠋ᠠ 》
ᠥᠯᠵᠡᠢ ᠮᠥᠷ ᠲᠡᠢ ᠶᠠᠪᠤᠬᠤ ᠶ᠋ᠢ
ᠡᠮᠡᠭᠡᠨ ᠡᠵᠢ ᠮᠢᠨᠢ ᠢᠷᠦᠭᠡᠳᠡᠭ ᠂
ᠥᠭᠡᠲᠡ ᠪᠡᠨ ᠲᠩᠷᠢ ᠳᠦ ᠳᠠᠭᠠᠳᠬᠠᠨ
ᠥᠨᠢᠷ ᠰᠡᠤᠠᠬᠢᠯ ᠶ᠋ᠢᠡᠷ ᠵᠠᠯᠪᠠᠷᠢᠲᠠᠭ ᠃
ᠤᠴᠢᠷ ᠲᠠᠢ ᠰᠠᠶ᠋ᠢᠬᠠᠨ ᠦᠭᠡᠰ ᠶ᠋ᠢᠡᠨ
ᠤᠬᠠᠭᠠᠨᠲᠤ ᠡᠵᠢ ᠯᠡ ᠤᠷᠤᠰᠬᠠᠲᠠᠭ ᠂
ᠤᠶᠠᠷᠠᠯ ᠦ᠋ᠨ ᠬᠠᠯᠠᠭᠤᠨ ᠨᠢᠯᠪᠤᠰᠤ ᠪᠠᠨ
ᠤᠷᠢᠲᠠᠵᠤ ᠡᠵᠢ ᠯᠡ ᠤᠨᠠᠭᠠᠲᠠᠭ ᠃
ᠰᠦᠷ ᠰᠦᠯᠲᠡ ᠳᠦ ᠢᠲᠡᠭᠡᠮᠵᠢᠯᠡᠬᠦ
ᠰᠦᠰᠦᠭ ᠡᠵᠢ ᠳᠦ ᠯᠡ ᠲᠥᠷᠥᠭᠳᠡᠳᠡᠭ ᠂
ᠰᠦ᠋ ᠪᠡᠨ ᠯᠡ ᠡᠷᠭᠦᠭᠡᠳ ᠬᠣᠴᠣᠷᠤᠭᠰᠠᠨ ᠴᠤ᠌
ᠰᠡᠤᠠᠬᠢᠯ ᠨᠢ ᠬᠡᠦᠬᠡᠳ ᠶ᠋ᠢᠡᠨ ᠳᠠᠭᠠᠴᠢᠬᠠᠳᠠᠭ ᠃
ᠥᠲᠡᠯᠦᠭᠡ ᠪᠤᠭᠤᠷᠤᠯ ᠪᠣᠯᠬᠤ ᠳᠦ ᠴᠤ᠌
ᠦᠷᠡ ᠮᠢᠨᠢ ᠭᠡᠳ ᠯᠡ ᠡᠩᠬᠦᠷᠡᠢᠯᠡᠳᠡᠭ ᠂
ᠥᠷᠥᠭᠡ ᠳᠦᠭᠦᠷᠡᠩ ᠴᠤᠭᠯᠠᠷᠠᠪᠠᠯ
ᠥᠷᠥᠴᠡ ᠨᠢ ᠳᠦᠭᠦᠷᠡᠩ ᠪᠠᠶᠠᠷᠯᠠᠲᠠᠭ ᠃
ᠭᠠᠩᠭᠠᠩ ᠡᠷᠡ ᠪᠣᠯᠭᠠᠯᠠ ᠭᠡᠵᠦ
ᠭᠠᠪᠢᠶᠠ ᠲᠣᠭᠠᠴᠢᠬᠤ ᠡᠵᠢ ᠦᠭᠡᠢ ᠳ᠋ᠡ
ᠭᠠᠰᠢᠭᠤᠨ ᠵᠣᠪᠠᠯᠠᠩ ᠠᠮᠰᠠᠯᠠ ᠭᠡᠵᠦ
ᠭᠠᠰᠠᠯᠵᠤ ᠵᠣᠪᠠᠬᠤ ᠡᠵᠢ ᠦᠭᠡᠢ ᠳ᠋ᠡ ᠃
ᠠᠶ᠋ᠢᠯ ᠭᠡᠷ ᠪᠣᠯᠭᠠᠯᠠ ᠭᠡᠵᠦ
ᠠᠮᠠᠷᠠᠬᠤ ᠪᠠᠨ ᠪᠣᠯᠢᠬᠤ ᠡᠵᠢ ᠦᠭᠡᠢ ᠳ᠋ᠡ ᠂
ᠠᠯᠢ ᠨᠢ ᠰᠠᠶ᠋ᠢᠨ ᠮᠠᠭᠤ ᠶᠤᠮ ᠭᠡᠵᠦ
ᠠᠯᠠᠭ ᠲᠠᠢ ᠪᠣᠲᠣᠬᠤ ᠡᠵᠢ ᠦᠭᠡᠢ ᠳ᠋ᠡ ᠃
ᠥᠰᠭᠡᠭᠰᠡᠨ ᠠᠴᠢ ᠪᠠᠨ ᠠᠪᠤᠶᠠ ᠭᠡᠵᠦ
ᠦᠷᠢ ᠲᠠᠯᠪᠢᠬᠤ ᠡᠵᠢ ᠦᠭᠡᠢ ᠳ᠋ᠡ ᠂
ᠥᠪᠡᠷᠲᠡᠭᠡᠨ ᠣᠲᠣ ᠴᠤ᠌ ᠵᠢᠷᠭᠠᠶᠠ ᠭᠡᠵᠦ
ᠦᠨᠡᠷᠬᠡᠵᠦ ᠰᠠᠭᠤᠬᠤ ᠡᠵᠢ ᠦᠭᠡᠢ ᠳ᠋ᠡ ᠃
ᠬᠦᠲᠡᠩᠲᠦ ᠬᠣᠷᠸ᠋ᠠ ᠶ᠋ᠢᠨ ᠡᠲᠦᠷ ᠦ᠋ᠳ ᠊ᠢ
ᠬᠡᠦᠬᠡᠳ ᠶ᠋ᠢᠡᠨ ᠭᠡᠭᠰᠡᠭᠡᠷ ᠡᠯᠡᠭᠡᠳᠡᠭ᠂
ᠬᠥᠭᠡᠷᠦᠬᠦᠢ ᠦᠷᠡ ᠮᠢᠨᠢ ᠭᠡᠵᠦ ᠵᠢᠳᠬᠦᠭᠰᠡᠭᠡᠷ
ᠬᠦᠴᠢᠷ ᠵᠣᠪᠠᠭᠤᠷᠢ ᠳᠦ ᠲᠠᠷᠴᠢᠯᠠᠲᠠᠭ ᠃
ᠡᠲᠦᠷ ᠬᠣᠨᠣᠭ ᠦ᠋ᠨ ᠤᠷᠲᠤ ᠶ᠋ᠢ
ᠦᠷᠡ ᠶ᠋ᠢᠨ ᠶ᠋ᠢᠡᠨ ᠲᠥᠯᠥᠭᠡ ᠨᠥᠭᠴᠢᠭᠡᠳᠡᠭ᠂
ᠥᠪᠡᠷ ᠦ᠋ᠨ ᠵᠢᠷᠭᠠᠯ ᠊ᠢ ᠪᠣᠲᠣᠲᠠᠭ ᠦᠭᠡᠢ
ᠥᠯᠮᠡᠢ ᠨᠤᠭᠤᠯᠬᠤ ᠦᠭᠡᠢ ᠵᠢᠳᠬᠦᠳᠡᠭ᠃
ᠮᠠᠰᠢ ᠰᠠᠶ᠋ᠢᠨ ᠶᠠᠪᠤᠬᠤ ᠳᠦ ᠮᠢᠨᠢ
ᠮᠠᠩᠨᠠᠢ ᠪᠠᠨ ᠢᠯᠪᠢᠭᠡᠳ ᠪᠠᠶᠠᠷᠯᠠᠲᠠᠭ ᠂
ᠮᠠᠭᠤ ᠮᠠᠭᠤᠬᠠᠢ ᠶᠠᠪᠤᠪᠠᠯ
ᠮᠢᠬᠠ ᠴᠢᠰᠤ ᠨᠢ ᠰᠢᠩᠭᠡᠷᠡᠳᠡᠭ ᠃
ᠡᠵᠢ ᠶ᠋ᠢᠨ ᠳᠡᠯᠭᠡᠷ ᠠᠴᠢ ᠶ᠋ᠢ
ᠡᠩᠨᠡᠭᠦᠯᠵᠦ ᠶᠠᠭᠤ ᠲᠠᠢ ᠵᠦᠢᠷᠯᠡᠨᠡ ᠪᠤᠢ ?
ᠡᠷᠢᠶᠡᠨ ᠠᠯᠠᠭ ᠬᠣᠷᠸ᠋ᠠ ᠳᠡᠭᠡᠷᠡ
ᠡᠷᠭᠢᠭᠦᠯᠵᠦ ᠶᠠᠭᠤ ᠲᠠᠢ ᠵᠢᠱ᠌ᠢᠶᠡᠯᠡᠨᠡ ᠪᠤᠢ ?
ᠮᠠᠭᠲᠠᠵᠤ ᠬᠡᠯᠡᠬᠦ ᠰᠡᠴᠡᠨ ᠦᠭᠡ
ᠮᠠᠭᠠᠳ ᠡᠷᠢᠭᠡᠳ ᠣᠯᠲᠠᠬᠤ ᠦᠭᠡᠢ ᠂
ᠮᠠᠶᠢᠬᠯᠠᠵᠤ ᠳᠦᠢᠬᠦ ᠵᠦᠢᠷᠯᠡᠯ
ᠮᠢᠨᠦ ᠳᠣᠲᠣᠷᠠ ᠰᠠᠭᠤᠭᠲᠠᠬᠤ ᠦᠭᠡᠢ ᠃
ᠠᠭᠤᠯᠠ ᠰᠥᠮᠪᠥᠷ ᠲᠡᠢ ᠵᠦᠢᠷᠯᠡᠬᠦ ᠦᠦ ?
ᠤᠨᠠᠵᠤ ᠨᠤᠷᠠᠬᠤ ᠶ᠋ᠢ ᠨᠢ ᠶᠠᠭᠠᠬᠢᠯᠲᠠᠢ ᠂
ᠤᠰᠤ ᠮᠥᠷᠡᠨ ᠲᠡᠢ ᠵᠦᠢᠷᠯᠡᠬᠦ ᠦᠦ ?
ᠰᠢᠷᠭᠢᠵᠦ ᠳᠤᠨᠳᠠᠷᠠᠬᠤ ᠶ᠋ᠢ ᠨᠢ ᠶᠠᠭᠠᠬᠢᠯᠲᠠᠢ ᠃
ᠣᠭᠲᠠᠷᠭᠤᠢ ᠲᠡᠭᠷᠢ ᠲᠡᠢ ᠵᠦᠢᠷᠯᠡᠬᠦ ᠦᠦ ?
ᠣᠷᠴᠢᠯ ᠬᠤᠪᠢᠷᠠᠯ ᠨᠢ ᠪᠡᠷᠬᠡ ᠲᠡᠢ ᠂
ᠣᠷᠣᠨ ᠳᠡᠯᠡᠬᠡᠢ ᠲᠡᠢ ᠵᠡᠷᠭᠡᠴᠡᠭᠦᠯᠬᠦ ᠦᠦ ?
ᠤᠯᠠᠷᠢᠵᠤ ᠬᠤᠪᠢᠰᠬᠤ ᠨᠢ ᠬᠦᠴᠢᠷ ᠲᠡᠢ ᠃
ᠨᠠᠷᠠ ᠰᠠᠷᠠ ᠲᠠᠢ ᠵᠦᠢᠷᠯᠡᠬᠦ ᠦᠦ ?
ᠡᠲᠦᠷ ᠲᠡᠢ ᠰᠥᠨᠢ ᠲᠡᠢ ᠬᠡᠴᠡᠭᠦᠦ ᠶᠤᠮ ᠂
ᠨᠠᠪᠴᠢ ᠴᠡᠴᠡᠭ ᠲᠡᠢ ᠵᠦᠢᠷᠯᠡᠬᠦ ᠦᠦ ?
ᠥᠩ ᠲᠡᠢ ᠭᠠᠩ ᠲᠠᠢ ᠬᠡᠪᠡᠷᠡᠭ ᠶᠤᠮ ᠃
ᠲᠦᠮᠡᠨ ᠡᠷᠲᠡᠮ ᠊ᠢ ᠲᠡᠭᠦᠰᠬᠡᠭᠡᠳ
ᠲᠥᠷᠥ ᠳᠦ ᠠᠯᠲᠠᠷ ᠮᠠᠨᠲᠤᠭᠰᠠᠳ
ᠲᠥᠷᠥᠭᠰᠡᠨ ᠡᠬᠡ ᠶ᠋ᠢᠨ ᠶ᠋ᠢᠡᠨ ᠠᠴᠢ ᠶ᠋ᠢ
ᠲᠡᠭᠦᠯᠲᠡᠷ ᠬᠠᠷᠠᠭᠤᠯᠤᠭᠰᠠᠨ ᠨᠢ ᠬᠡᠨ ᠪᠤᠢ ?
ᠠᠨᠠᠪᠠᠳ ᠶᠡᠬᠡ ᠠᠴᠢᠯᠠᠯ ᠲᠠᠢ
ᠠᠷᠢᠭᠤᠨ ᠦᠵᠡᠰᠬᠦᠯᠡᠩᠲᠦ ᠡᠵᠢ ᠪᠡᠨ ᠪᠢᠲᠡ ᠂
ᠠᠭᠤᠲᠠᠮ ᠡᠨᠡ ᠳᠡᠯᠡᠬᠡᠢ ᠡᠴᠡ
ᠠᠯᠲᠠᠪᠠᠯ ᠡᠷᠢᠵᠦ ᠣᠯᠲᠠᠭ ᠦᠭᠡᠢ ᠶᠤᠮ ᠃
ᠠᠭᠠᠰᠢ ᠡᠷᠬᠡ ᠪᠡᠨ ᠡᠷᠲᠡᠮᠰᠢᠯᠡᠵᠦ
ᠠᠴᠢ ᠬᠠᠷᠢᠭᠤᠯᠠᠪᠠᠯ ᠲᠠᠭᠠᠷᠠᠬᠤ ᠦᠦ ?
ᠠᠭᠰᠢᠷᠠᠬ᠋ᠠ ᠪᠤᠭᠤᠷᠤᠯ ᠪᠣᠯᠲᠠᠯᠠ ᠨᠢ
ᠠᠰᠠᠷᠠᠵᠤ ᠠᠴᠢᠯᠠᠪᠠᠯ ᠰᠠᠶ᠋ᠢᠬᠠᠨ ᠦᠦ ?
ᠡᠳ᠋ ᠥᠩᠭᠡ ᠳᠦ ᠰᠢᠨᠤᠬᠠᠶ᠋ᠢᠷᠠᠵᠤ
ᠡᠵᠢ ᠪᠡᠨ ᠮᠠᠷᠲᠠᠪᠠᠯ ᠰᠠᠶ᠋ᠢᠬᠠᠨ ᠦᠦ ?
ᠡᠴᠦᠰ ᠨᠠᠰᠤ ᠪᠠᠨ ᠦᠵᠡᠲᠡᠯᠡ ᠨᠢ
ᠡᠷᠭᠦᠵᠦ ᠬᠦᠨᠲᠦᠯᠡᠪᠡᠯ ᠶᠣᠰᠣ ᠦᠦ ?
ᠠᠮᠤᠭᠤᠯᠠᠩ ᠲᠣᠮᠣᠬ᠋ᠠ ᠲᠠᠢ ᠬᠡᠦᠬᠡᠳ ᠪᠢᠲᠡ
ᠠᠩᠬᠠᠷᠴᠤ ᠪᠣᠲᠣᠪᠠᠯ ᠵᠣᠬᠢᠰᠲᠠᠢ ᠂
ᠠᠴᠢ ᠶ᠋ᠢ ᠨᠢ ᠬᠦᠷᠲᠡᠭᠰᠡᠨ ᠪᠦᠬᠦᠨ ᠶ᠋ᠢᠡᠷ
ᠠᠭᠤᠵᠢᠭᠤᠤᠠᠬᠠᠵᠤ ᠦᠵᠡᠪᠡᠯ ᠲᠠᠭᠠᠷᠠᠯᠲᠠᠢ ᠃
ᠡᠮᠡ ᠦᠷᠡ ᠲᠡᠢ ᠪᠣᠯᠤᠭᠰᠠᠭᠠᠷ
ᠡᠮᠸ ᠪᠡᠨ ᠮᠠᠷᠲᠠᠪᠠᠯ ᠰᠢᠪᠰᠢᠭ᠌ ᠳ᠋ᠡ ᠂
ᠥᠲᠡᠯᠦᠭᠡ ᠪᠤᠭᠤᠷᠤᠯ ᠪᠣᠯᠬᠤ ᠳᠦ
ᠥᠲᠡᠬᠡᠷᠬᠡᠵᠦ ᠠᠲᠠᠯᠠᠪᠠᠯ ᠴᠢᠤᠠᠭᠥᠷ ᠳ᠋ᠡ ᠃
ᠬᠥᠮᠦᠨ ᠪ ᠲᠤᠶ᠋ᠢᠯ ᠳᠦ ᠬᠦᠷᠦᠭᠰᠡᠭᠡᠷ
ᠬᠦᠰᠡᠯ ᠊ᠢ ᠨᠢ ᠠᠯᠲᠠᠪᠠᠯ ᠭᠤᠲᠤᠮᠰᠢᠬ ᠳ᠋ᠠ ᠂
ᠬᠦᠭᠰᠢᠨ ᠪᠤᠭᠤᠷᠤᠯ ᠪᠣᠯᠬᠤ ᠳᠦ ᠨᠢ
ᠬᠦᠢᠲᠡᠨ ᠬᠠᠨᠲᠤᠪᠠᠯ ᠣᠯᠢᠬ ᠦᠭᠡᠢ ᠳ᠋ᠡ ᠃
ᠮᠥᠩᠬᠡ ᠶ᠋ᠢᠨ ᠷᠠᠰᠢᠶᠠᠨ ᠣᠯᠲᠠᠭ ᠪᠣᠯ
ᠮᠥᠮᠥ ᠳᠦ ᠪᠡᠨ ᠤᠤᠭᠤᠯᠭᠠᠵᠤ ᠪᠣᠯᠬᠤ ᠶᠤᠮ ᠂
ᠮᠡᠨᠲᠦ ᠠᠮᠤᠷ ᠵᠢᠷᠭᠠᠭᠤᠯᠤᠭᠠᠳ
ᠰᠡᠤᠠᠬᠢᠯ ᠊ᠢ ᠨᠢ ᠪᠠᠶᠠᠰᠬᠠᠪᠠᠯ ᠵᠦᠢ ᠶᠤᠮ ᠃
ᠽᠠᠨᠲᠠᠨ ᠠᠭᠠᠷᠤ ᠮᠣᠲᠣᠨ ᠶ᠋ᠢᠠᠷ
ᠰᠠᠶ᠋ᠢᠬᠠᠨ ᠬᠠᠨᠠ ᠪᠠᠨ ᠴᠢᠮᠡᠭᠯᠡᠶᠡ ᠂
ᠰᠠᠮᠠᠭᠠᠨ ᠪᠤᠭᠤᠷᠤᠯ ᠡᠵᠢ ᠶ᠋ᠢ ᠪᠡᠨ
ᠰᠠᠨᠠᠭᠠᠨ ᠲᠠᠪᠠ ᠪᠠᠷ ᠨᠢ ᠵᠢᠷᠭᠠᠭᠤᠯᠤᠶᠠ ᠃
ᠤᠯᠤᠰ ᠣᠷᠣᠨ ᠨᠤᠲᠤᠭ ᠊ᠢ ᠪᠡᠨ
ᠤᠯᠠᠮ ᠠ᠋ᠴᠠ ᠤᠯᠠᠮ ᠴᠡᠴᠡᠭᠯᠡᠭᠦᠯᠦᠶᠡ !
ᠤᠶᠠᠬᠠᠨ ᠰᠡᠤᠠᠬᠢᠯᠲᠦ ᠡᠵᠢ ᠶ᠋ᠢ ᠪᠡᠨ
ᠤᠷᠲᠤ ᠨᠠᠰᠤᠯᠠᠭᠤᠯᠤᠨ ᠵᠢᠷᠭᠠᠭᠤᠯᠤᠶᠠ !
ᠠᠯᠲᠠᠨ᠌ᠣ᠋ᠳᠣ᠌᠂ ᠲᠤᠶᠠᠬ᠋ᠠ ᠂ ᠰᠡᠴᠡᠨ ᠨᠠᠶ᠋ᠢᠷᠠᠭᠤᠯᠤᠨ ᠵᠣᠬᠢᠶᠠᠭᠰᠠᠨ《 ᠮᠣᠩᠭᠣᠯᠴᠤᠳ ᠦ᠋ᠨ ᠬᠣᠯᠪᠣᠬ᠋ᠠ 》
2021 ᠣᠨ ᠪ10 ᠰᠠᠷᠠ ᠳᠦ ᠬᠢᠭᠰᠡᠨ ᠠᠩᠬᠠᠲᠤᠭᠠᠷ ᠬᠡᠪ ᠠ᠋ᠴᠠ ᠰᠡᠶ᠋ᠢᠷᠡᠭᠦᠯᠪᠡ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠮᠢᠩᠭᠠᠳ ᠴᠢᠮᠡᠭ
ᠬᠢᠨᠠᠭ᠍ᠴᠢ ᠪᠠᠭ᠍ᠰᠢ ᠄ ᠳ᠋ᠦ᠋ᠩ ᠹᠸᠩ