ᠲᠡᠮᠡᠭᠡᠨ ᠦ ᠪᠠᠶᠠᠷТэмээний баяр-2018
394ᠤᠪᠰ ᠠᠢᠮᠠᠭ ᠤᠨ ᠵᠠᠪᠬᠠᠨ ᠰᠤᠮᠤ 《ᠲᠡᠮᠡᠭᠡᠨ ᠦ ᠪᠠᠶᠠᠷ-2018》
ᠡᠪᠦᠯ ᠦᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠨᠢᠭᠡᠨ ᠴᠢᠬᠤᠯᠠ ᠴᠢᠭᠯᠡᠯ ᠪᠣᠯ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ 《ᠲᠡᠮᠡᠭᠡᠨ ᠦ ᠪᠠᠶᠠᠷ》 ᠶᠤᠮ᠃ ᠲᠡᠮᠡᠭᠡ ᠤᠨᠠᠬᠤ᠂ ᠲᠡᠮᠡᠭᠡᠨ ᠦ ᠤᠷᠤᠯᠳᠤᠭᠠᠨ ᠦᠵᠡᠬᠦ᠂
ᠣᠷᠣᠭᠰᠠᠨ ᠪᠤᠤᠷ ᠢ ᠬᠠᠷᠠᠬᠤ᠂ 1000 ᠲᠡᠮᠡᠭᠡ ᠨᠢᠭᠡ
ᠳᠣᠣᠷᠠ ᠪᠠᠢᠭᠠ ᠶᠢ ᠨᠢ ᠦᠵᠡᠬᠦ ᠭᠡᠰᠡᠨ ᠣᠯᠠᠨ ᠬᠦᠮᠦᠰ ᠤᠪᠰ ᠠᠢᠮᠠᠭ ᠤᠨ ᠵᠠᠪᠬᠠᠨ ᠰᠤᠮᠤᠨ ᠳᠤ ᠵᠣᠬᠢᠶᠠᠨ
ᠪᠠᠢᠭᠤᠯᠤᠭᠳᠠᠭᠰᠠᠨ 《ᠲᠡᠮᠡᠭᠡᠨ ᠦ ᠪᠠᠶᠠᠷ-2018》 ᠢ ᠵᠣᠷᠢᠵᠤ ᠪᠠᠢᠯᠠ᠃
ᠵᠠᠪᠬᠠᠨ ᠰᠤᠮᠤ ᠲᠡᠳᠦᠢ ᠦᠭᠡᠢ ᠠᠢᠮᠠᠭ ᠤᠨ ᠲᠥᠪ᠂ ᠵᠡᠷᠭᠡᠯᠡᠯᠳᠦᠭᠡᠬᠢ ᠰᠤᠮᠤ ᠣᠷᠣᠨ
ᠨᠤᠲᠤᠭ ᠤᠨ ᠬᠢᠨ ᠬᠠᠮᠲᠤ ᠪᠠᠷ ᠢᠶᠠᠨ ᠢᠷᠡᠵᠦ ᠣᠷᠣᠯᠴᠠᠭᠰᠠᠨ᠂ ᠭᠠᠳᠠᠭᠠᠳᠤ ᠶᠢᠨ ᠵᠣᠴᠢᠳ ᠭᠡᠢᠴᠢᠳ ᠤᠨ
ᠰᠣᠨᠢᠷᠬᠠᠯ ᠢ ᠲᠠᠲᠠᠭᠰᠠᠨ ᠥᠷᠭᠡᠨ ᠳᠡᠯᠭᠡᠷ ᠨᠠᠭᠠᠳᠤᠮ ᠪᠣᠯᠤᠯᠠ᠃
ᠨᠠᠭᠠᠳᠤᠮ ᠤᠨ ᠦᠶᠡ ᠪᠡᠷ ᠲᠡᠮᠡᠭᠡ ᠣᠷᠣᠯᠴᠠᠭᠰᠠᠨ ᠣᠯᠠᠨ ᠬᠥᠭᠵᠢᠶᠡᠨᠲᠦ
ᠲᠡᠮᠡᠴᠡᠭᠡᠨ ᠵᠣᠬᠢᠶᠠᠭᠳᠠᠵᠤ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠵᠣᠴᠢᠳ ᠭᠡᠢᠴᠢᠳ ᠢ ᠵᠡᠭᠡᠭᠰᠡᠨ ᠰᠠᠢᠬᠠᠨ
ᠬᠥᠭᠵᠢᠭᠡᠭᠰᠡᠨ᠃ 《ᠪᠤᠢᠯᠠ ᠵᠣᠷᠬᠤ》᠂ 《ᠪᠤᠷᠠᠨᠲᠠᠭ ᠲᠣᠮᠣᠬᠤ》᠂ ᠲᠡᠮᠡᠭᠡᠨ ᠦ
ᠰᠡᠳᠦᠪ ᠲᠡᠢ ᠭᠠᠷ ᠵᠢᠷᠤᠭ ᠤᠨ ᠤᠷᠤᠯᠳᠤᠭᠠᠨ᠂ 《ᠭᠠᠩᠭᠠᠨ ᠲᠡᠮᠡᠭᠡ ᠲᠡᠢ
ᠬᠣᠣᠰ》᠂ 《ᠰᠢᠯᠢᠮᠡᠯ ᠢᠩᠭᠡ》᠂ 《ᠰᠢᠯᠢᠮᠡᠯ ᠪᠤᠤᠷ》 ᠵᠡᠷᠭᠡ ᠲᠡᠮᠡᠴᠡᠭᠡᠨ ᠨᠦᠭᠦᠳ ᠰᠣᠳᠣᠨ ᠪᠠᠢᠭᠰᠠᠨ ᠴᠤ᠂ ᠬᠤᠷᠳᠤ
ᠰᠢᠨᠳᠠᠰᠤ ᠶᠢ ᠰᠣᠷᠢᠭᠰᠠᠨ ᠲᠡᠮᠡᠭᠡᠨ ᠤᠷᠤᠯᠳᠤᠭᠠᠨ ᠣᠨᠴᠠᠭᠠᠢ ᠪᠠᠢᠭᠰᠠᠨ᠃ ᠡᠨᠡ ᠵᠢᠯ ᠦᠨ ᠤᠷᠤᠯᠳᠤᠭᠠᠨ ᠳᠤ 70 ᠲᠡᠮᠡᠭᠡ ᠬᠤᠷᠳᠤ᠂ ᠬᠦᠴᠦ ᠪᠡᠨ
ᠦᠵᠡᠭᠰᠡᠨ ᠰᠠᠢᠬᠠᠨ ᠨᠠᠭᠠᠳᠤᠮ ᠪᠠᠢᠯᠠ᠃ ᠡᠨᠡ ᠵᠢᠯ ᠦᠨ ᠬᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠ ᠰᠠᠢᠲᠠᠢ᠂ ᠥᠷᠭᠡᠨ
ᠳᠡᠯᠭᠡᠷ ᠪᠠᠶᠠᠷ ᠪᠣᠯᠤᠯᠠ᠃