ᠡᠬᠡ ᠬᠡᠯᠡ – ᠯᠠᠮᠠᠵᠠᠪ ᠦ᠋ᠨ ᠮᠢᠬᠮᠠᠷᠰᠦ᠋ᠷᠦᠩ Эх хэл – Ламжавын Мягмарсүрэн
341ᠡᠬᠡ ᠬᠡᠯᠡ
ᠯᠠᠮᠠᠵᠠᠪ ᠦ᠋ᠨ ᠮᠢᠬᠮᠠᠷᠰᠦ᠋ᠷᠦᠩ
ᠡᠬᠡ ᠬᠡᠯᠡ ᠪᠡᠷ ᠶ᠋ᠢᠠᠨ ᠶᠠᠷᠢᠬᠤ ᠳᠦ
ᠡᠴᠢᠭᠡ ᠶ᠋ᠢᠨ ᠶ᠋ᠢᠡᠨ ᠡᠪᠦᠷ ᠳᠡᠭᠡᠷᠡ ᠰᠠᠭᠤᠬ᠋ᠠ ᠰᠢᠭ᠋ ᠣᠮᠣᠭ ᠲᠡᠭᠦᠯᠲᠡᠷ
ᠡᠬᠡ ᠶ᠋ᠢᠨ ᠶ᠋ᠢᠡᠨ ᠰᠦᠨ ᠊ᠢ ᠠᠮᠲᠠᠯᠠᠵᠤ ᠪᠠᠶ᠋ᠢᠬ᠋ᠠ ᠰᠢᠭ᠋ ᠡᠷᠬᠡ ᠵᠢᠷᠭᠠᠯ ᠲᠠᠢ
ᠡᠬᠡ ᠬᠡᠯᠡᠨ ᠪ ᠪᠡᠨ ᠭᠦᠨ ᠢᠷᠠᠭᠤ ᠂ ᠲᠠᠩᠰᠤᠭ ᠠᠷᠪᠢᠨ ᠊ᠢ
ᠡᠮᠡᠭᠡᠳ ᠦ᠋ᠨ ᠳᠣᠮᠣᠭ ᠡᠴᠡ ᠠᠮᠲᠠᠯᠠᠨᠠ
ᠡᠬᠢᠯᠡᠵᠦ ᠬᠦᠯ ᠳᠦ ᠣᠷᠣᠵᠤ ᠪᠠᠶ᠋ᠢᠬ᠋ᠠ ᠬᠡᠦᠬᠡᠳ ᠦ᠋ᠨ
ᠡᠩᠭᠦᠷᠠᠢ ᠢᠯᠲᠠᠮ ᠂ ᠡᠷᠬᠡ ᠵᠦᠭᠡᠯᠡᠨ ᠶᠠᠷᠢᠶᠠᠨ ᠠ᠋ᠴᠠ ᠲᠠᠨᠢᠨᠠ
ᠢᠷᠲᠦ ᠰᠡᠯᠡᠮᠡ ᠪᠡᠷ ᠪᠦᠲᠦᠭᠡᠭᠰᠡᠨ ᠥᠪ ᠰᠣᠶᠣᠯ ᠭᠡᠵᠦ ᠦᠭᠡᠢ
ᠡᠬᠡ ᠬᠡᠯᠡ ᠪᠡᠷ ᠪᠦᠲᠦᠭᠡᠭᠰᠡᠨ ᠥᠪ ᠰᠣᠶᠣᠯ ᠭᠡᠵᠦ ᠪᠤᠢ
ᠢᠷᠲᠦ ᠰᠡᠯᠡᠮᠡ ᠪᠠᠷᠢᠵᠤ ᠲᠣᠯᠤᠭᠠᠨ ᠳᠦ ᠪᠠᠭᠠᠲᠤᠷ ᠪᠣᠯᠲᠠᠭ ᠰᠢᠭ᠋
ᠡᠬᠡ ᠬᠡᠯᠡ ᠪᠡᠷ ᠶ᠋ᠢᠡᠨ ᠪᠠᠭᠠᠲᠤᠷᠯᠠᠵᠤ ᠮᠥᠩᠬᠡᠷᠡᠭᠰᠡᠨ ᠬᠥᠮᠦᠨ ᠪᠤᠢ
ᠡᠬᠡ ᠬᠡᠯᠡ ᠪᠡᠷ ᠶ᠋ᠢᠡᠨ ᠪᠠᠭᠠᠲᠤᠷᠯᠠᠭᠰᠠᠨ ᠬᠥᠮᠦᠨ
ᠬᠠᠮᠤᠭ ᠦ᠋ᠨ ᠲᠤᠩᠭᠠᠯᠠᠭ
ᠬᠠᠮᠤᠭ ᠦ᠋ᠨ ᠰᠢᠲᠤᠷᠭᠤ
ᠢᠨᠢᠶᠡᠭᠰᠡᠨ ᠳᠠᠶ᠋ᠢᠰᠤᠨ ᠂
ᠡᠯᠲᠡᠪ ᠦ᠋ᠨ ᠪᠠᠴᠢᠲᠠᠨ ᠊ᠢ ᠠᠭᠤᠲᠠᠯᠯᠠᠨ ᠢᠯᠡᠴᠢᠯᠡᠬᠦ ᠳᠦ ᠨᠥᠬᠥᠷ
ᠨᠣᠮ ᠶ᠋ᠢᠠᠨ ᠪᠢᠴᠢᠭᠡᠳ ᠨᠡᠷᠡ ᠪᠡᠨ ᠮᠠᠷᠲᠠᠭᠰᠠᠨ
ᠢᠷᠠᠭᠤ ᠨᠠᠶ᠋ᠢᠷᠠᠭᠴᠢ 《 ᠨᠢᠭᠤᠴᠠ ᠲᠣᠪᠴᠢᠶᠠ 》
ᠨᠡᠩ ᠡᠷᠲᠡᠨ ᠪ ᠪᠣᠯᠪᠠᠴᠤ ᠰᠡᠤᠠᠬᠢᠯ ᠳᠦ
ᠠᠮᠢᠲᠤ ᠰᠡᠷᠡᠭᠦᠨ ᠬᠡᠪ ᠶ᠋ᠢᠡᠷ ᠣᠷᠤᠰᠢᠨᠠ
《 ᠬᠥᠬᠡ ᠰᠤᠲᠤᠷ 》 ᠂ 《 ᠨᠢᠭᠡᠨ ᠳᠠᠪᠬᠤᠷ ᠠᠰᠠᠷ 》 ᠊ᠢ ᠪᠦᠲᠦᠭᠡᠭᠰᠡᠨ
ᠲᠠᠶ᠋ᠢᠵᠢ ᠢᠨᠵᠠᠨᠨᠠᠰᠢ
ᠬᠥᠮᠦᠨ ᠪᠣᠯᠭᠠᠨ ᠪ ᠠᠮᠤᠷ ᠊ᠢ ᠠᠶ᠋ᠢᠯᠡᠤᠠᠬᠠᠨ
ᠠᠨᠤᠤᠬᠠᠨ ᠶ᠋ᠢᠠᠷ ᠲᠡᠦᠬᠡ ᠬᠦᠦᠷᠨᠢᠨᠡ
《 ᠳᠠᠮᠤ ᠳᠠᠮᠤ ᠭᠡᠪᠡᠴᠦ ᠳᠠᠮᠤ ᠬᠠᠮᠢᠬ᠋ᠠ ᠠ᠋ᠴᠠ ᠪᠠᠶ᠋ᠢᠬᠤ ᠪᠤᠢ
ᠲᠠᠮᠲᠤᠭ ᠦᠭᠡᠢ ᠶᠠᠪᠤᠪᠠᠰᠤ ᠲᠠᠮᠤ ᠴᠢᠨᠢ ᠲᠡᠷᠡ ᠪᠤᠢ 》 ᠭᠡᠵᠦ
ᠬᠣᠲᠤᠭᠲᠦ ᠷᠠᠪᠵᠠᠢ ᠣᠲᠣ ᠴᠤ᠌ ᠠᠲᠢᠰᠯᠠᠨᠠ
ᠨᠠᠮᠲᠠᠷ ᠲᠡᠦᠬᠡ ᠡᠴᠡ ᠨᠢ ᠰᠤᠷᠠᠭᠯᠠᠭᠠᠳ ᠂
ᠮᠢᠨᠦ ᠨᠠᠰᠤᠨ ᠠ᠋ᠴᠠ ᠬᠡᠲᠦ ᠠᠬᠠᠲᠠᠬᠤ
ᠨᠣᠮ ᠦ᠋ᠨ ᠮᠡᠷᠭᠡᠳ ᠂ ᠡᠪᠦᠭᠡᠳ ᠳᠡᠭᠡᠳᠦᠰ ᠲᠠ ᠮᠢᠨᠢ
ᠨᠠᠴᠤᠭᠲᠣᠷᠵᠢ ᠂ ᠷᠢᠨᠴᠢᠨ ᠂ ᠢᠪᠡᠤᠬᠤᠯᠠᠨ ᠂ ᠴᠠᠲᠠᠨᠲᠣᠷᠵᠢ
ᠨᠡᠷᠡᠯᠡᠭᠡᠳ ᠬᠡᠵᠢᠶᠡ ᠴᠦ᠍ ᠪᠠᠷᠠᠰᠢ ᠦᠭᠡᠢ
ᠮᠢᠨᠦ ᠮᠣᠩᠭᠣᠯ ᠬᠡᠯᠡ !
ᠡᠨᠡ ᠶᠢᠷᠲᠢᠨᠴᠦ ᠶ᠋ᠢᠨ ᠬᠠᠮᠢᠬ᠋ᠠ ᠴᠦ᠍ ᠶᠠᠪᠤᠭᠰᠠᠨ ᠂
ᠬᠡᠨ ᠲᠠᠢ ᠴᠦ᠍ ᠠᠭᠤᠯᠵᠠᠭᠰᠠᠨ
ᠡᠬᠡ ᠬᠡᠯᠡ ᠮᠢᠨᠢ ᠮᠢᠨᠦ ᠪᠠᠬᠠᠷᠬᠠᠯ !
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠴᠸᠨ ᠬᠤᠪᠢᠰᠬᠠᠯ