ᠪᠢᠳᠠ ᠢᠯᠠᠪᠠ - ᠵ ᠂ ᡀᠠᠭᠪᠠ Бяд ялав - З ᠂ Лхагваа
409ᠪᠢᠳᠠ ᠢᠯᠠᠪᠠ
［ ᠮᠣᠩᠭᠣᠯ ］ ᠵ ᠂ ᡀᠠᠭᠪᠠ
ᠡᠪᠦᠭᠡᠨ ᠳ᠋ᠠᠨᠳᠡᠪ ᠰᠡᠭᠦᠯ ᠦ᠋ᠨ ᠠᠷᠪᠠᠭᠠᠳ ᠵᠢᠯ ᠪᠠᠷᠠᠭᠠᠨ ᠪ ᠵᠠᠬᠠ ᠣᠷᠣᠭᠰᠠᠨ ᠦᠭᠡᠢ ᠥᠨᠥᠲᠥᠷ ᠴᠢᠪᠠᠭᠠᠨᠴᠠ ( ᠵᠠᠷᠢᠮ ᠭᠠᠵᠠᠷ ᠲᠤ ᠨᠠᠰᠤ ᠠᠬᠢᠬᠰᠠᠨ ᠡᠮᠡᠭᠲᠡᠢ ᠶ᠋ᠢ ᠵᠢᠭᠠᠲᠠᠭ ) ᠪᠡᠨ ᠦᠭᠡᠯᠡᠭᠡᠳ ᠪᠠᠶ᠋ᠢᠬᠤᠯᠠᠷ ᠲᠣᠭᠣᠭᠠᠨ ᠪ ᠤᠬᠢᠶᠠᠯᠲᠤᠭᠤᠷ ᠂ ᠨᠤᠨᠲᠠᠭ ᠰᠠᠪᠤᠩ ᠠᠪᠬᠤ ᠪᠠᠷ ᠶᠠᠪᠤᠯᠠ ᠃ ᠵᠠᠬᠠ ᠶᠡᠬᠡ ᠥᠭᠡᠷᠡ ᠪᠣᠯᠵᠠᠢ ᠃ ᠭᠤᠷᠪᠠᠬᠠᠨ ᠪᠠᠭᠤᠲᠠᠯ ᠭᠠᠵᠠᠷ ᠬᠢᠷᠢ ᠨᠢ ᠠᠦ᠋ᠲ᠋ᠣᠪᠦ᠋ᠰ ᠲᠤ ᠳᠠᠯᠠᠨ ᠲᠥᠭᠥᠷᠢᠭ ᠠᠪᠬᠤ ᠶᠤᠮ ᠃ ᠬᠠᠰᠢᠶᠠᠨ ᠳᠦ ᠣᠷᠣᠬᠤ ᠳᠦ ᠯᠠ ᠠᠷᠪᠠᠨ ᠲᠥᠭᠥᠷᠢᠭ ᠂ ᠴᠢᠪᠠᠭᠠᠨᠴᠠ ᠶ᠋ᠢᠨ ᠬᠢᠨᠢ ᠥᠭᠭᠦᠭᠰᠡᠨ ᠮᠥᠩᠭᠥᠨ ᠪ ᠲᠠᠯᠠ ᠨᠢ ᠲᠡᠭᠡᠰᠬᠢᠭᠡᠳ ᠯᠠ ᠠᠯᠠᠬ᠋ᠠ ᠪᠣᠯᠤᠨᠠ ᠃ ᠬᠥᠮᠦᠨ ᠴᠤ᠌ ᠴᠢᠬᠢᠭᠡᠰᠦᠲᠡᠢ ᠂ ᠲᠡᠷᠡ ᠵᠢᠯ ᠦ᠋ᠨ ᠶᠡᠬᠡ ᠵᠤᠳ ᠶ᠋ᠢᠠᠷ ᠤᠷᠤᠭᠤᠲᠠᠭᠰᠠᠨ ᠠᠲᠤᠭᠤᠳ ᠣᠷᠲᠤᠤᠮ ᠦ᠋ᠨ ᠪᠢᠷᠠᠭᠤ ᠶ᠋ᠢ ᠵᠠᠪᠰᠠᠷ ᠦᠭᠡᠢ ᠶ᠋ᠢᠠᠨ ᠬᠠᠪᠴᠢᠭᠤᠯᠤᠨ ᠡᠷᠭᠦᠵᠦ ᠶᠠᠪᠤᠭᠰᠠᠭᠠᠷ ᠭᠣᠪᠢ ᠳᠦ ᠠᠪᠠᠴᠢᠵᠤ ᠬᠠᠶᠠᠭᠰᠠᠨ ᠭᠡᠳᠡᠭ ᠰᠢᠭ᠌ ᠳ᠋ᠠᠨᠳᠡᠪ ᠴᠤ᠌ ᠬᠥᠯ ᠲᠡᠢ ᠬᠥᠯ ᠦᠭᠡᠢ ᠶᠠᠪᠤᠭᠰᠠᠭᠠᠷ ᠵᠠᠬᠠ ᠶ᠋ᠢᠨ ᠲᠥᠪ ᠲᠦ ᠣᠷᠣᠴᠢᠬᠠᠪᠠ ᠃ ᠲᠡᠨᠲᠡ ᠦᠭᠡᠢ ᠶᠠᠭᠤᠮᠠ ᠭᠡᠵᠦ ᠠᠯᠠᠬ᠋ᠠ ᠂ ᠡᠪᠦᠭᠡᠨ ᠭᠠᠲᠠᠭᠠᠲᠤ ᠳᠦ ᠣᠴᠢᠬᠰᠠᠨ ᠶᠤᠮ ᠰᠢᠭ᠋ ᠯᠡ ᠡᠭᠦᠨ ᠊ᠢ ᠴᠤ᠌ ᠥᠯᠢᠢᠵᠦ ᠂ ᠲᠡᠭᠦᠨ ᠊ᠢ ᠴᠤ᠌ ᠪᠥᠬᠥᠶ᠋ᠢᠵᠦ ᠬᠠᠷᠠᠭᠰᠠᠭᠠᠷ ᠶᠡᠬᠡ ᠬᠠᠰᠢᠶᠠ ᠶ᠋ᠢ ᠨᠢᠭᠡᠨᠲᠡ ᠲᠣᠭᠣᠷᠢᠪᠠ ᠃ ᠭᠡᠲᠡᠯᠡ ᠡᠷᠬᠢ ᠪᠣᠭᠣᠯᠲᠠ ᠂ ᠵᠢᠪᠠ ᠲᠠᠢ ᠵᠢᠪᠠ ᠦᠭᠡᠢ ᠬᠠᠲᠠᠭᠠᠰᠤ ᠂ ᠬᠠᠭᠠᠯᠭᠠᠨ ᠪ ᠵᠠᠮᠤᠭ ᠦ᠋ᠨ ᠲᠦᠭᠵᠢᠶᠡ ᠰᠡᠯᠲᠡ ᠶ᠋ᠢᠨ ᠳᠤᠮᠳᠠ ᠬᠡᠲᠦᠨ ᠡᠩᠭᠡᠷ ᠦ᠋ᠨ ᠲᠡᠮᠲᠡᠭ ᠂ ᠲᠡᠷᠡ ᠳᠣᠲᠣᠷᠠ ᠨᠢ 《 ᠪᠢᠲᠡ ᠢᠯᠠᠪᠠ 》 ᠮᠸᠲᠠᠯ ᠨᠢ ᠬᠠᠷᠠᠭᠲᠠᠬᠤ ᠨᠢ ᠬᠠᠷᠠ ᠵᠠᠬᠠ ᠶ᠋ᠢᠨ ᠪᠣᠷᠣ ᠯᠠᠩᠭᠦᠢ ᠶ᠋ᠢᠨ ᠳᠡᠭᠡᠷᠡ ᠲᠡᠩᠲᠡᠭᠦᠦ ᠭᠢᠯᠠᠭᠠᠷᠳᠠᠭᠰᠠᠨ ᠪᠠᠶ᠋ᠢᠯᠠ ᠃ ᠡᠪᠦᠭᠡᠨ ᠬᠣᠶᠠᠷ ᠳᠠᠶ᠋ᠢᠨ ᠳᠦ ᠣᠷᠣᠯᠴᠠᠭᠰᠠᠨ ᠂ 《 ᠪᠢᠲᠡ ᠢᠯᠠᠪᠠ 》 ᠮᠸᠲᠠᠯ ᠨᠢ ᠣᠷᠣᠨ ᠨᠤᠲᠤᠭ ᠲᠦ ᠲᠦᠭᠡᠷᠢᠭᠰᠡᠭᠡᠷ ᠥᠪᠡᠷ ᠲᠦ ᠨᠢ ᠣᠴᠢᠬ᠋ᠠ ᠦᠭᠡᠢ ᠂ ᠰᠡᠯᠡᠮᠡᠳᠤ ᠮᠣᠷᠢᠲᠠᠨ ᠪᠥᠬᠥᠢ 《 ᠬᠠᠯᠬᠠ ᠭᠣᠣᠯ 》 ᠲᠡᠮᠲᠡᠭ ᠶ᠋ᠢᠡᠨ ᠢᠮᠠᠭᠲᠠ ᠵᠡᠭᠦᠵᠦ ᠶᠠᠪᠤᠲᠠᠭ ᠪᠢᠯᠡ ᠃ ᠳᠠᠶ᠋ᠢᠨ ᠪ ᠭᠠᠪᠢᠶᠠ ᠶ᠋ᠢ ᠬᠤᠲᠠᠯᠲᠤᠵᠤ ᠪᠣᠯᠬᠤ ᠶᠤᠮ ᠭᠡᠵᠦ ᠰᠠᠨᠠᠭᠠᠨ ᠳᠦ ᠨᠢ ᠪᠠᠭᠲᠠᠬ᠋ᠠ ᠦᠭᠡᠢ ᠡᠪᠦᠭᠡᠨ ᠴᠢᠨᠠᠭᠰᠢ ᠨᠡᠯᠢᠶᠡᠳ ᠶᠠᠪᠤᠭᠰᠠᠨ ᠶ᠋ᠢᠠᠨ ᠲᠡᠷᠡ ᠰᠠᠶ᠋ᠢᠬᠠᠨ ᠮᠸᠲᠠᠯ ᠡᠯᠲᠡᠪ ᠮᠠᠭᠤ ᠬᠥᠮᠦᠨ ᠪ ᠭᠠᠷ ᠲᠦ ᠣᠷᠣᠭᠤᠵᠠᠢ ᠭᠡᠬᠦ ᠡᠴᠡ ᠮᠥᠩᠭᠥ ᠬᠦᠷᠪᠡᠯ ᠥᠪᠡᠷ ᠶ᠋ᠢᠡᠨ ᠬᠤᠲᠠᠯᠲᠤᠭᠠᠳ ᠠᠪᠴᠢᠬᠠᠶᠠ ᠭᠡᠵᠦ ᠪᠣᠲᠣᠭᠠᠳ ᠨᠥᠭᠦᠭᠡ ᠯᠠᠩᠭᠦᠢ ᠶ᠋ᠢ ᠬᠠᠷᠠᠭᠰᠠᠭᠠᠷ ᠡᠷᠭᠢᠨ ᠢᠷᠡᠪᠡ ᠃
— ᠡᠨᠡ ᠲᠡᠮᠲᠡᠭ ᠶᠠᠮᠠᠷ ᠦᠨᠡ ᠲᠡᠢ ᠪᠤᠢ ? ᠭᠡᠵᠦ ᠡᠪᠦᠭᠡᠨ ᠠᠰᠠᠭᠤᠬᠤ ᠳᠦ ᠯᠠᠩᠭᠦᠢ ᠶ᠋ᠢᠨ ᠠᠷᠤ ᠳᠦ ᠰᠠᠭᠤᠬ᠋ᠠ ᠳᠡᠷᠴᠢᠭᠢᠷ ᠬᠥᠬᠡ ᠵᠠᠯᠠᠭᠤ ᠬᠢᠯᠠᠮᠬᠢᠨ ᠬᠠᠷᠠᠭᠰᠠᠨ ᠶ᠋ᠢᠠᠨ ᠳᠤᠤᠭᠠᠷᠠᠭᠰᠠᠨ ᠦᠭᠡᠢ ᠃ ᠡᠪᠦᠭᠡᠨ ᠡᠪᠦᠷ ᠲᠦ ᠪᠠᠶ᠋ᠢᠬ᠋ᠠ ᠨᠠᠢ᠍ᠮᠠᠨ ᠵᠠᠭᠤᠨ ᠲᠥᠭᠥᠷᠢᠭ ᠊ᠢ ᠪᠡᠯᠡᠨ ᠶ᠋ᠢᠡᠷ ᠭᠠᠷᠭᠠᠨ ᠬᠠᠷᠠᠭᠤᠯᠵᠤ ᠄
— ᠠᠯᠢ ᠪᠤᠢ ᠂ ᠨᠠᠭᠠᠲᠦ ᠲᠡᠮᠲᠡᠭ ᠊ᠢ ᠴᠢᠨᠢ ᠠᠪᠤᠶᠠ ᠃
— ᠨᠠᠢ᠍ᠮᠠᠨ ᠵᠠᠭᠤᠨ ᠲᠥᠭᠥᠷᠢᠭ ᠶ᠋ᠢᠡᠷ ᠥᠭᠬᠦ ᠦᠭᠡᠢ ᠡ !
— ᠲᠡᠭᠡᠭᠡᠳ ᠶᠠᠭᠤ ᠪᠠᠷ ᠥᠭᠬᠦ ᠶᠤᠮ ᠪᠤᠢ ?
ᠢᠢᠨ ᠬᠦ ᠣᠶ᠋ᠢᠯᠠᠭᠠᠯᠴᠠᠵᠤ ᠶᠠᠲᠠᠨ ᠪᠠᠶ᠋ᠢᠲᠠᠯᠠ ᠡᠯᠲᠡᠪ ᠵᠢᠷᠤᠭ ᠦ᠋ᠨ ᠠᠫᠫᠠᠷᠠᠲ ᠂ ᠳᠠᠭᠤ ᠬᠤᠷᠢᠶᠠᠭᠴᠢ ᠰᠡᠯᠲᠡ ᠶ᠋ᠢ ᠥᠪᠴᠢ ᠪᠡᠶᠡ ᠳᠦ ᠪᠡᠨ ᠶᠤᠯᠺᠢᠨ ᠪ ᠮᠣᠲᠣ ᠰᠢᠭ᠋ ᠰᠡᠨᠵᠢᠭᠢᠨᠡᠭᠦᠯᠦᠭᠰᠡᠨ ᠭᠠᠲᠠᠭᠠᠲᠤ ᠶ᠋ᠢᠨ ᠪᠣᠯᠤᠯᠲᠠᠢ ᠬᠥᠮᠦᠰ ᠴᠢᠩᠬ᠋ᠠ ᠴᠢᠩᠬ᠋ᠠ ᠳᠤᠤᠭᠠᠷᠤᠨ ᠶᠠᠪᠤᠭᠰᠠᠨ ᠶ᠋ᠢᠠᠨ ᠥᠨᠥᠬᠢ ᠲᠡᠮᠲᠡᠭ ᠊ᠢ ᠬᠠᠷᠠᠵᠤ ᠬᠣᠭᠣᠷᠣᠨᠲᠣ ᠪᠠᠨ ᠱᠣᠯᠣᠭᠠᠨᠠᠯᠲᠦᠨ ᠭᠡᠰᠡᠭ ᠵᠣᠭᠰᠣᠪᠠ ᠃ ᠲᠡᠭᠡᠭᠰᠡᠨ ᠶ᠋ᠢᠡᠨ ᠴᠠᠭᠠᠨ ᠲᠣᠯᠣᠭᠠᠢ ᠲᠠᠢ ᠡᠪᠦᠭᠡᠨ ᠨᠥᠭᠦᠭᠡ ᠲᠡᠮᠲᠡᠭ ᠊ᠢ ᠵᠢᠭᠠᠵᠤ ᠨᠢᠭᠡ ᠶᠠᠭᠤᠮᠠ ᠬᠡᠯᠡᠯᠡ ᠃ ᠡᠭᠦᠨ ᠊ᠢ ᠨᠢ ᠠᠰᠠᠭᠤᠵᠤ ᠪᠠᠶ᠋ᠢᠬ᠋ᠠ ᠪᠣᠯᠤᠯᠲᠠᠢ ᠃ ᠳ᠋ᠠᠨᠳᠡᠪ ᠴᠤ᠌ ᠲᠡᠲᠡᠨ ᠊ᠢ ᠶᠠᠫᠣᠨᠴᠤᠳ ᠭᠡᠵᠦ ᠲᠠᠨᠢᠯᠠ ᠃ ᠳᠡᠷᠴᠢᠭᠢᠷ ᠬᠥᠬᠡ ᠴᠠᠭᠠᠰᠤᠨ ᠳᠡᠭᠡᠷᠡ ᠪᠡᠯᠡᠨ ᠶᠠᠭᠤᠮᠠ ᠵᠢᠷᠤᠭᠰᠠᠨ ᠶᠠᠭᠤᠮᠠ ᠬᠠᠷᠠᠭᠤᠯᠤᠭᠰᠠᠨ ᠨᠢ ᠠᠷᠪᠠ ᠶ᠋ᠢᠨ ᠲᠣᠬ᠋ᠠ ᠂ ᠠᠷᠤ ᠳᠦ ᠨᠢ ᠵᠤᠤᠵᠠᠢ ᠲᠠᠮᠠᠭᠠᠨ ᠲᠤᠮᠲᠠᠭᠤᠷ ᠪᠣᠰᠤᠬ᠋ᠠ ᠬᠣᠶᠠᠷ ᠴᠢᠬᠲᠠ ᠬᠢᠭᠰᠡᠨ ᠶᠤᠮ ᠰᠢᠭ᠋ ᠵᠢᠷᠤᠭ ᠪᠠᠶ᠋ᠢᠯᠠ ᠃ ᠪᠤᠭᠤᠷᠤᠯ ᠶᠠᠫᠣᠨ ᠴᠤ᠌ ᠲᠦᠷᠡᠶ᠋ᠢᠪᠴᠢ ᠪᠡᠨ ᠭᠠᠷᠭᠠᠵᠤ ᠠᠷᠪᠠᠨ ᠳ᠋ᠣᠯᠯᠠᠷ ᠥᠭᠭᠦᠭᠡᠳ ᠨᠥᠭᠦᠭᠡ ᠲᠡᠮᠲᠡᠭ ᠊ᠢ ᠠᠪᠴᠤ ᠬᠥᠲᠡᠯᠪᠡ ᠃
ᠲᠤᠮᠲᠠ ᠵᠡᠷᠭᠡ ᠶ᠋ᠢᠨ ᠨᠠᠰᠤᠨ ᠪ ᠨᠢᠭᠡᠨ ᠶᠠᠫᠣᠨ ᠨᠥᠭᠥᠭᠡᠬᠢ ᠲᠡᠮᠲᠡᠭ ᠊ᠢ ᠡᠩᠭᠡᠷ ᠲᠤ ᠪᠡᠨ ᠵᠡᠭᠦᠭᠡᠳ ᠴᠢᠩᠭᠠ ᠢᠨᠢᠶᠡᠭᠰᠡᠨ ᠨᠢ ᠳ᠋ᠠᠨᠳᠡᠪ ᠦ᠋ᠨ ᠳᠠᠶ᠋ᠢᠨ ᠳᠦ ᠣᠯᠤᠭᠰᠠᠨ ᠰᠢᠷᠬᠠ ᠶ᠋ᠢ ᠰᠡᠲᠡᠷᠡᠭᠡᠵᠦ ᠣᠷᠬᠢᠬᠤ ᠰᠢᠭ᠋ ᠪᠣᠯᠤᠯᠠ ᠃ ᠳ᠋ᠡᠨᠳᠡᠪ 《 ᠣᠭ ᠨᠢ ᠪᠢᠲᠡ ᠢᠯᠠᠭᠰᠠᠨ ᠶᠤᠮ ᠰᠠᠨ 》 ᠬᠡᠮᠡᠨ ᠥᠭᠡᠯᠡᠭᠰᠡᠭᠡᠷ ᠣᠯᠠᠨ ᠪ ᠤᠷᠤᠰᠬᠠᠯ ᠳᠦ ᠬᠠᠪᠴᠢᠬᠲᠠᠨ ᠵᠠᠬᠠ ᠶ᠋ᠢᠨ ᠬᠠᠰᠢᠶᠠᠨ ᠪ ᠡᠭᠦᠲᠡᠨ ᠳᠦ ᠢᠷᠡᠭᠰᠡᠨ ᠪᠠᠶ᠋ᠢᠯᠠ ᠃ ᠲᠡᠭᠦᠨ ᠳᠦ ᠨᠤᠨᠲᠠᠭ ᠰᠠᠪᠤᠩ ᠂ ᠲᠣᠭᠣᠭᠠᠨ ᠪ ᠤᠬᠢᠶᠠᠯᠲᠤᠭᠤᠷ ᠠᠪᠬᠤ ᠬᠦᠰᠡᠯ ᠨᠢᠭᠡᠨᠲᠡ ᠠᠯᠠᠬ᠋ᠠ ᠪᠣᠯᠵᠠᠢ ᠃ ᠠᠦ᠋ᠲ᠋ᠣᠪᠦ᠋ᠰ ᠲᠤ ᠳᠠᠯᠠᠨ ᠲᠥᠭᠥᠷᠢᠭ ᠶ᠋ᠢᠡᠨ ᠬᠤᠷᠢᠶᠠᠯᠭᠠᠭᠠᠳ ᠪᠤᠴᠠᠵᠤ ᠶᠠᠪᠤᠬᠤ ᠳᠦ ᠪᠠᠨ 《 ᠴᠠᠭᠠᠨ ᠲᠤᠭ ᠲᠠᠢ ᠳᠠᠪᠰᠢᠭᠠᠳ ᠢᠷᠡᠬᠦ ᠳᠦ ᠨᠢ ᠪᠢᠲᠡ ᠢᠯᠠᠭᠰᠠᠨ ᠨᠢ ᠦᠨᠡᠨ ᠂ ᠨᠣᠭᠤᠭᠠᠨ ᠮᠥᠩᠭᠥ ᠲᠡᠢ ᠠᠶᠠᠯᠠᠵᠤ ᠢᠷᠡᠭᠡᠳ ᠲᠡᠲᠡ ᠢᠯᠠᠬᠤ ᠭᠡᠵᠦ ᠤᠤ ? 》 ᠬᠡᠮᠡᠨ ᠪᠣᠲᠣᠵᠤ ᠬᠡᠨ ᠳᠦ ᠠᠭᠤᠷᠯᠠᠭᠠᠳ ᠪᠠᠶ᠋ᠢᠬ᠋ᠠ ᠨᠢ ᠮᠡᠳᠡᠭᠳᠡᠬᠦ ᠦᠭᠡᠢ ᠵᠠᠮ ᠲᠤᠷᠰᠢ ᠬᠢᠯᠢᠩᠨᠡᠭᠰᠡᠭᠡᠷ ᠶᠠᠪᠤᠪᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ : ᠲᠡᠭᠷᠢ ᠡᠵᠢ
ᠬᠢᠨᠠᠭ᠍ᠴᠢ ᠪᠠᠭ᠍ᠰᠢ : ᠴᠣᠯᠮᠣᠨᠲᠤᠶᠠᠭᠠ