ᠣᠨᠢᠰᠤᠭᠠ – ᠲᠩᠷᠢ ᠭᠠᠵᠠᠷ ᠦ᠋ᠨ ᠦᠵᠡᠭᠳᠡᠯ ᠦ᠋ᠨ ᠲᠤᠬᠠᠢ Оньсого – Тэнгэр газрын үзэгдлийн тухай
1859ᠣᠨᠢᠰᠤᠭᠠ – ᠲᠩᠷᠢ ᠭᠠᠵᠠᠷ ᠦ᠋ᠨ ᠦᠵᠡᠭᠳᠡᠯ ᠦ᠋ᠨ ᠲᠤᠬᠠᠢ
1. ᠡᠩ ᠦᠭᠡᠢ ᠶᠡᠬᠡ
ᠲᠡᠩ ᠦᠭᠡᠢ ᠬᠥᠬᠡ
( ᠲᠩᠷᠢ ᠂ ᠣᠭᠲᠠᠷᠭᠤᠢ )
2. ᠲᠤᠭᠤᠯᠵᠤ ᠪᠠᠷᠠᠬᠤ ᠦᠭᠡᠢ ᠨᠤᠲᠤᠭ ᠲᠠᠢ
ᠲᠣᠭᠠᠯᠠᠵᠤ ᠪᠠᠷᠠᠬᠤ ᠦᠭᠡᠢ ᠲᠣᠷᠤᠮ ᠲᠠᠢ
( ᠣᠭᠲᠠᠷᠭᠤᠢ ᠂ ᠣᠲᠣᠳ )
3. ᠵᠢᠩ ᠲᠣᠷᠬ᠋ᠠ ᠵᠠᠬᠠ ᠦᠭᠡᠢ
ᠵᠢᠵᠢᠭ᠌ ᠰᠤᠪᠤᠳ ᠨᠦᠬᠡ ᠦᠭᠡᠢ
( ᠲᠩᠷᠢ ᠂ ᠣᠲᠣᠳ )
4. ᠠᠪᠤ ᠶ᠋ᠢᠨ ᠰᠤᠮᠤ ᠶ᠋ᠢ ᠲᠣᠭᠠᠯᠠᠵᠤ ᠪᠠᠷᠠᠲᠠᠭ ᠦᠭᠡᠢ
ᠡᠵᠢ ᠶ᠋ᠢᠨ ᠬᠥᠨᠵᠢᠯᠡ ᠶ᠋ᠢ ᠡᠪᠬᠡᠵᠦ ᠪᠣᠯᠲᠠᠭ ᠦᠭᠡᠢ
( ᠣᠲᠣᠳ ᠂ ᠲᠩᠷᠢ )
5. ᠡᠩᠲᠦ ᠲᠣᠷᠬ᠋ᠠ ᠶ᠋ᠢ ᠡᠪᠬᠡᠵᠦ ᠪᠣᠯᠬᠤ ᠦᠭᠡᠢ
ᠮᠥᠩᠭᠥᠨ ᠰᠤᠪᠤᠳ ᠊ᠢ ᠬᠡᠯᠬᠢᠵᠦ ᠪᠣᠯᠬᠤ ᠦᠭᠡᠢ
( ᠣᠭᠲᠠᠷᠭᠤᠢ ᠂ ᠣᠲᠣ )
6. ᠠᠶᠠᠬ᠋ᠠ ᠶ᠋ᠢᠨ ᠴᠢᠨᠡᠭᠡ ᠰᠢᠷᠠ ᠲᠣᠰᠣᠨ ᠳᠦ
ᠠᠮᠢᠲᠠᠨ ᠪᠦᠬᠦᠨ ᠰᠢᠮᠡᠲᠦᠨᠡ
( ᠨᠠᠷᠠ )
7. ᠵᠠᠪᠠᠭ ᠲᠤ ᠽᠠᠨᠲᠠᠨ ᠠᠶᠠᠬ᠋ᠠ
( ᠨᠠᠷᠠ )
8. ᠮᠥᠰᠥᠨ ᠳᠡᠭᠡᠷᠡ ᠮᠥᠩᠭᠥᠨ ᠠᠶᠠᠬ᠋ᠠ
ᠴᠠᠰᠤᠨ ᠳᠡᠭᠡᠷᠡ ᠱᠠᠭᠠᠵᠠᠩ ᠠᠶᠠᠬ᠋ᠠ
( ᠨᠠᠷᠠ ᠂ ᠰᠠᠷᠠ )
9. ᠲᠤᠪ ᠬᠢᠭᠰᠡᠨ ᠭᠠᠤᠯᠢ
ᠲᠣᠭᠣᠭᠠᠨ ᠴᠢᠨᠡᠭᠡ ᠭᠠᠤᠯᠢ
ᠡᠷᠲᠡᠨᠢ ᠶ᠋ᠢᠨ ᠭᠠᠤᠯᠢ
ᠡᠨᠡ ᠣᠷᠣᠨ ᠳᠦ ᠪᠠᠶ᠋ᠢᠬᠤ ᠦᠭᠡᠢ ᠭᠠᠤᠯᠢ
( ᠰᠠᠷᠠ )
10. ᠠᠯᠲᠠᠢ ᠬᠠᠩᠭᠠᠢ ᠶ᠋ᠢᠨ ᠠᠷᠤ ᠳᠦ
ᠠᠷᠪᠠᠨ ᠲᠦᠮᠡᠨ ᠠᠲᠤᠭᠤ ᠭᠡᠨᠡ
ᠴᠦᠢᠯᠠᠭᠰᠠᠨ ᠳᠣᠯᠣᠬ᠋ᠠ ᠭᠡᠨᠡ
ᠴᠤᠭᠯᠠᠭᠰᠠᠨ ᠵᠢᠷᠭᠤᠬ᠋ᠠ ᠭᠡᠨᠡ
ᠴᠤᠪᠤᠷᠠᠭᠰᠠᠨ ᠭᠤᠷᠪᠠ ᠭᠡᠨᠡ
ᠬᠠᠷᠠ ᠴᠠᠭᠠᠨ ᠊ᠢ ᠢᠯᠭᠠᠭᠰᠠᠨ ᠬᠣᠶᠠᠷ ᠭᠡᠨᠡ
ᠬᠠᠶᠠᠭᠲᠠᠵᠤ ᠬᠤᠴᠤᠷᠠᠭᠰᠠᠨ ᠨᠢᠭᠡ ᠭᠡᠨᠡ
( ᠣᠲᠣᠳ ᠂ ᠳᠣᠯᠣᠭᠠᠨ ᠪᠤᠷᠬᠠᠨ ᠂ ᠵᠢᠷᠭᠤᠭᠠᠨ ᠮᠡᠴᠢᠳ ᠂
ᠭᠤᠷᠪᠠᠨ ᠮᠠᠷᠠᠯ ᠂ ᠨᠠᠷᠠ ᠰᠠᠷᠠ ᠂ ᠦᠦᠷ ᠦ᠋ᠨ ᠴᠣᠯᠮᠣᠨ )
11. ᠲᠦᠮᠡᠨ ᠬᠣᠨᠢ ᠨᠢ ᠪᠡᠯᠴᠢᠭᠡᠳ ᠶᠠᠪᠤᠴᠢᠬᠤ ᠳᠦ
ᠲᠦᠨᠲᠦᠭᠡᠷ ᠬᠤᠴᠠ ᠨᠢ ᠤᠨᠲᠠᠭᠠᠳ ᠬᠣᠴᠣᠷᠤᠨᠠ
( ᠣᠲᠣᠳ ᠂ ᠬᠡᠭᠡᠷᠡ ᠬᠣᠨᠣᠭᠰᠠᠨ ᠰᠠᠷᠠ )
12. ᠵᠣᠣ ᠶ᠋ᠢᠨ ᠠᠷᠤ ᠶ᠋ᠢᠨ ᠵᠢᠷᠭᠤᠭᠠᠨ ᠬᠠᠶ᠋ᠢᠯᠠᠰᠤ
ᠵᠣᠨ ᠣᠷᠭᠤᠬᠤ ᠦᠭᠡᠢ ᠡᠪᠦᠯ ᠤᠷᠭᠤᠨᠠ
ᠡᠲᠦᠷ ᠣᠷᠭᠤᠬᠤ ᠦᠭᠡᠢ ᠰᠥᠨᠢ ᠤᠷᠭᠤᠨᠠ
( ᠵᠢᠷᠭᠤᠭᠠᠨ ᠮᠡᠴᠢᠳ )
13. ᠠᠪᠤ ᠶ᠋ᠢᠨ ᠳᠡᠪᠡᠯ ᠊ᠢ ᠠᠯᠲᠠᠯᠠᠵᠤ ᠪᠣᠯᠬᠤ ᠦᠭᠡᠢ
ᠡᠵᠢ ᠶ᠋ᠢᠨ ᠳᠡᠪᠡᠯ ᠊ᠢ ᠡᠪᠬᠡᠵᠦ ᠪᠣᠯᠬᠤ ᠦᠭᠡᠢ
( ᠲᠩᠷᠢ ᠂ ᠭᠠᠵᠠᠷ )
14. ᠬᠥᠬᠡ ᠲᠣᠷᠬ᠋ᠠ ᠶ᠋ᠢ ᠬᠥᠰᠢᠵᠦ ᠪᠣᠯᠬᠤ ᠦᠭᠡᠢ
ᠰᠢᠷᠠ ᠲᠣᠷᠬ᠋ᠠ ᠶ᠋ᠢ ᠰᠢᠬᠯᠠᠵᠤ ᠪᠣᠯᠬᠤ ᠦᠭᠡᠢ
( ᠲᠩᠷᠢ ᠂ ᠭᠠᠵᠠᠷ )
15. ᠲᠥᠷᠥ ᠶ᠋ᠢᠨ ᠬᠥᠬᠡ ᠪᠤᠬᠠᠨ ᠳᠦ
ᠲᠦᠮᠡᠨ ᠴᠡᠴᠡᠭ ᠠᠴᠢᠭᠠᠳ
ᠳᠠᠸᠠ ᠲᠠᠩᠭᠤᠳ ᠬᠥᠲᠥᠯᠦᠭᠡᠳ
ᠨᠢᠮᠠ ᠴᠢᠪᠠᠭᠠᠨᠴᠠ ᠭᠡᠯᠢᠭᠡᠳ
16. ᠪᠡᠭᠡᠵᠢᠩ ᠡᠴᠡ ᠢᠷᠡᠭᠰᠡᠨ
ᠪᠠᠯ ᠴᠠᠭᠠᠨ ᠳᠠᠪᠤᠤ
ᠠᠯᠲᠠᠯᠠᠭᠠᠳ ᠦᠵᠡᠬᠦ ᠳᠦ
ᠠᠷᠪᠠᠨ ᠬᠣᠶᠠᠷ ᠠᠯᠲᠠ
ᠠᠮᠠᠯᠠᠭᠠᠳ ᠦᠵᠡᠬᠦ ᠳᠦ
ᠭᠤᠷᠪᠠᠨ ᠵᠠᠭᠤᠨ ᠵᠢᠷᠠᠨ ᠠᠮᠠ
( ᠵᠢᠯ ᠂ ᠰᠠᠷᠠ ᠂ ᠡᠲᠦᠷ )
17. ᠠᠭᠠᠷᠤ ᠽᠠᠨᠲᠠᠨ ᠮᠣᠲᠣ
ᠠᠷᠪᠠᠨ ᠬᠣᠶᠠᠷ ᠮᠥᠴᠢᠷ ᠲᠡᠢ
ᠮᠥᠴᠢᠷ ᠪᠦᠷᠢ ᠨᠢ ᠭᠤᠴᠢᠨ ᠨᠠᠪᠴᠢ ᠲᠠᠢ
ᠨᠠᠪᠴᠢ ᠶ᠋ᠢᠨ ᠳᠡᠭᠡᠳᠦ ᠲᠠᠯᠠ ᠨᠢ ᠰᠢᠷᠠ
ᠳᠣᠣᠷᠠᠳᠤ ᠲᠠᠯᠠ ᠨᠢ ᠬᠠᠷᠠ
( ᠵᠢᠯ ᠂ ᠰᠠᠷᠠ ᠂ ᠡᠲᠦᠷ ᠂ ᠰᠥᠨᠢ )
18. ᠰᠢᠯᠢ ᠶ᠋ᠢᠨ ᠭᠤᠷᠪᠠᠨ ᠳᠠᠪᠠᠬ᠋ᠠ
ᠴᠡᠯᠡᠶ᠋ᠢᠮᠡ ᠭᠤᠷᠪᠠᠨ ᠬᠥᠨᠲᠡᠢ
ᠨᠠᠪᠴᠢᠲᠤ ᠭᠤᠷᠪᠠᠨ ᠲᠠᠯᠠ
ᠨᠠᠶ᠋ᠢᠷ ᠲᠠᠢ ᠭᠤᠷᠪᠠᠨ ᠪᠤᠯᠠᠭ
( ᠡᠪᠦᠯ ᠂ ᠬᠠᠪᠤᠷ ᠂ ᠵᠣᠨ ᠂ ᠨᠠᠮᠤᠷ )
19. ᠭᠣᠩᠬᠠᠭᠰᠠᠨ ᠭᠤᠷᠪᠠᠨ ᠬᠡᠦᠬᠡᠨ
ᠭᠣᠨᠢᠬᠠᠷᠠᠭᠰᠠᠨ ᠭᠣᠷᠪᠠᠨ ᠬᠠᠷᠠ ᠬᠦᠦ
ᠬᠡᠴᠡᠭᠦᠦ ᠭᠤᠷᠪᠠᠨ ᠴᠢᠪᠠᠭᠠᠨᠴᠠ
ᠬᠡᠲᠡᠷ ᠭᠤᠷᠪᠠᠨ ᠡᠪᠦᠭᠡᠨ
( ᠵᠣᠨ ᠂ ᠨᠠᠮᠤᠷ ᠂ ᠡᠪᠦᠯ ᠂ ᠬᠠᠪᠤᠷ )
20. ᠰᠢᠯᠢ ᠶ᠋ᠢᠨ ᠭᠤᠷᠪᠠᠨ ᠳᠠᠪᠠᠬ᠋ᠠ ᠶ᠋ᠢ
ᠰᠢᠯᠢᠷᠬᠡᠵᠦ ᠳᠠᠪᠠᠨᠠ
ᠰᠢᠪᠰᠢᠭᠲᠦ ᠭᠤᠷᠪᠠᠨ ᠳᠠᠪᠠᠬ᠋ᠠ ᠶ᠋ᠢ
ᠵᠦᠲᠡᠷᠡᠵᠦ ᠳᠠᠪᠠᠨᠠ
ᠨᠠᠶ᠋ᠢᠷᠠᠲᠦ ᠭᠤᠷᠪᠠᠨ ᠪᠤᠯᠠᠭ ᠲᠤ ᠨᠣᠶ᠋ᠢᠷᠰᠤᠵᠤ ᠵᠢᠷᠭᠠᠨᠠ
ᠨᠠᠪᠴᠢᠲᠤ ᠭᠤᠷᠪᠠᠨ ᠬᠥᠨᠲᠡᠢ ᠳᠦ
ᠴᠡᠩᠭᠡᠵᠦ ᠵᠢᠷᠭᠠᠨᠠ
( ᠲᠥᠷᠪᠡᠨ ᠤᠯᠠᠷᠢᠯ )
21. ᠲᠡᠷᠡ ᠳᠡᠭᠡᠷᠡ ᠲᠡᠮᠡᠭᠡ ᠦᠭᠡᠢ ᠨᠡᠭᠦᠲᠡᠯ
( ᠡᠭᠦᠯᠡ )
22. ᠬᠥᠲᠥᠯ ᠊ᠢ ᠬᠥᠪᠥᠩ ᠶ᠋ᠢᠡᠷ ᠪᠥᠭᠯᠡᠨᠡ
( ᠮᠠᠨᠠᠨ ᠲᠠᠲᠠᠬᠤ )
23. ᠴᠡᠩᠬᠡᠷ ᠴᠡᠩᠬᠡᠷ ᠫᠠᠩᠰᠠᠨ ᠬᠥᠰᠢᠭᠡ
ᠴᠡᠪᠡᠷ ᠲᠤᠩᠭᠠᠯᠠᠭ ᠰᠡᠷᠢᠭᠦᠨ ᠬᠥᠰᠢᠭᠡ
ᠬᠠᠩᠭᠠᠢ ᠳᠡᠯᠡᠬᠡᠢ ᠶ᠋ᠢ ᠴᠢᠮᠡᠳᠡᠭ ᠬᠥᠰᠢᠭᠡ
ᠬᠠᠯᠠᠭᠤᠨ ᠨᠠᠷᠠᠨ ᠳᠦ ᠰᠡᠬᠦᠭᠳᠡᠳᠡᠭ ᠬᠥᠰᠢᠭᠡ
( ᠮᠠᠨᠠᠨ )
24. ᠬᠦᠯ ᠦᠭᠡᠢ ᠪᠠᠶ᠋ᠢᠵᠤ ᠶᠠᠪᠤᠲᠠᠭ
ᠨᠢᠲᠦ ᠦᠭᠡᠢ ᠪᠠᠶ᠋ᠢᠵᠤ ᠤᠬᠢᠯᠠᠲᠠᠭ
( ᠡᠭᠦᠯᠡ ᠂ ᠪᠣᠷᠣᠬ᠋ᠠ )
25. ᠥᠨᠲᠥᠷ ᠡᠴᠡ ᠪᠤᠭᠤ ᠣᠷᠣᠮᠲᠠᠬᠤ ᠳᠦ
ᠦᠯᠦᠩ ᠡᠴᠡ ᠰᠤᠭᠤ ᠭᠠᠷᠤᠨᠠ
( ᠲᠩᠷᠢ ᠳᠤᠤᠭᠠᠷᠴᠤ ᠪᠣᠷᠣᠭᠠᠨ ᠣᠷᠣᠬᠤ )
26. ᠪᠤᠲᠠᠯᠠᠩ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠳᠡᠭᠡᠷᠡ
ᠪᠤᠭᠤ ᠢᠷᠡᠵᠦ ᠤᠷᠤᠮᠲᠡᠪᠡ
ᠪᠣᠲᠣᠯ ᠦᠭᠡᠢ ᠪᠠᠶ᠋ᠢᠲᠠᠯᠠ
ᠡᠮᠡᠭᠡᠨ ᠢᠷᠡᠵᠦ ᠤᠬᠢᠯᠠᠪᠠ
( ᠲᠩᠷᠢ ᠳᠤᠤᠭᠠᠷᠴᠤ ᠪᠣᠷᠣᠭᠠᠨ ᠣᠷᠣᠬᠤ )
27. ᠳᠣᠪᠣ ᠳᠣᠪᠣ ᠲᠣᠰᠢᠯᠣᠢ
ᠲᠣᠪᠣᠷᠤᠤ ᠮᠥᠩᠭᠥᠨ ᠲᠣᠰᠢᠯᠣᠢ
ᠲᠣᠯᠣᠭᠠᠢ ᠳᠡᠭᠡᠷᠡ ᠡᠴᠡ ᠤᠨᠠᠯᠠ
( ᠮᠥᠨᠲᠥᠷ ᠣᠷᠣᠬᠤ )
28. ᠠᠯᠲᠠᠨ ᠲᠡᠮᠡᠭᠡ ᠠᠩᠭᠠᠰ ᠭᠡᠨᠡ
ᠠᠷᠭᠠᠮᠵᠢ ᠶ᠋ᠢᠨ ᠦᠵᠦᠭᠦᠷ ᠭᠢᠯᠠᠰ ᠭᠡᠨᠡ
( ᠴᠠᠬᠢᠯᠭᠠᠨ ᠭᠢᠯᠪᠠᠬᠤ )
29. ᠲᠤᠪ ᠳᠤᠭᠤᠢ ᠴᠤ᠌ ᠪᠣᠯᠤᠭᠠᠰᠠᠢ
ᠳᠤᠮᠳᠠ ᠪᠠᠨ ᠨᠦᠬᠡ ᠲᠡᠢ ᠴᠤ᠌ ᠪᠣᠯᠤᠭᠠᠰᠠᠢ
ᠪᠠᠷᠢᠭᠠᠳ ᠠᠪᠲᠠᠭ ᠴᠤ᠌ ᠪᠣᠯᠤᠭᠠᠰᠠᠢ
ᠪᠠᠬᠠ ᠪᠠᠨ ᠬᠠᠨᠲᠠᠯᠠ ᠲᠣᠭᠯᠠᠬᠤ ᠶᠤᠮᠰᠠᠨ
( ᠰᠣᠯᠣᠩᠬ᠋ᠠ )
30. ᠲᠠᠯᠠ ᠳᠡᠭᠡᠷᠡᠬᠢ
ᠲᠠᠪᠤᠨ ᠥᠩᠭᠡ ᠶ᠋ᠢᠨ ᠲᠣᠷᠬ᠋ᠠ ᠶ᠋ᠢ
ᠴᠢ ᠴᠤ᠌ ᠠᠪᠴᠤ ᠪᠣᠯᠬᠤ ᠦᠭᠡᠢ
ᠪᠢ ᠴᠤ᠌ ᠠᠪᠴᠤ ᠪᠣᠯᠬᠤ ᠦᠭᠡᠢ
( ᠰᠣᠯᠣᠩᠬ᠋ᠠ )
31 ᠂ ᠲᠣᠶ᠋ᠢᠯᠠᠬ᠋ᠠ ᠬᠥᠬᠡ ᠲᠡᠮᠡᠭᠡᠨ ᠡᠴᠡ
ᠲᠤᠭ ᠴᠠᠭᠠᠨ ᠨᠣᠣᠰᠣ ᠤᠨᠠᠨᠠ
( ᠴᠠᠰᠤ ᠣᠷᠣᠬᠤ )
32. ᠬᠥᠪᠥᠩ ᠭᠡᠬᠦ ᠳᠦ ᠨᠣᠯᠤᠤᠷ ᠦᠭᠡᠢ
ᠬᠥᠨᠵᠢᠯᠡ ᠭᠡᠬᠦ ᠳᠦ ᠵᠠᠬᠠ ᠦᠭᠡᠢ
ᠭᠤᠯᠢᠷ ᠭᠡᠬᠦ ᠳᠦ ᠤᠰᠤ ᠲᠠᠢ
ᠤᠰᠤ ᠭᠡᠬᠦ ᠳᠦ ᠮᠥᠬᠥᠯᠢᠭ᠋ ᠲᠡᠢ
( ᠴᠠᠰᠤ )
33. ᠳᠡᠭᠡᠪᠦᠷ ᠢᠰᠡᠭᠡᠢ ᠳᠡᠯᠡᠬᠡᠢ ᠶ᠋ᠢ ᠪᠦᠲᠡᠭᠡᠨᠡ
( ᠴᠠᠰᠤ )
43. ᠪᠠᠷᠠᠭᠤᠨ ᠲᠠᠯᠠ ᠠ᠋ᠴᠠ ᠢᠷᠡᠭᠰᠡᠨ
ᠬᠣᠨᠢᠨ ᠪ ᠤᠭᠤᠴᠠ ᠶ᠋ᠢ
ᠱᠠᠪᠢ ᠲᠠᠪᠤ ᠪᠠᠷ ᠶ᠋ᠢᠠᠨ ᠢᠲᠡᠭᠡᠳ
ᠪᠠᠷᠠᠬᠤ ᠦᠭᠡᠢ ᠪᠠᠶ᠋ᠢᠬᠤ ᠳᠦ
ᠵᠡᠭᠦᠨ ᠲᠠᠯᠠ ᠠ᠋ᠴᠠ ᠢᠷᠡᠭᠰᠡᠨ
ᠪᠣᠮᠪᠣᠭᠣᠷ ᠴᠠᠭᠠᠨ ᠬᠦᠦ
ᠭᠠᠭᠴᠠᠭᠠᠷ ᠶ᠋ᠢᠠᠨ ᠢᠲᠡᠭᠡᠳ ᠪᠠᠷᠠᠴᠢᠬᠠᠪᠠ
( ᠨᠠᠷᠠᠨ ᠳᠦ ᠴᠠᠰᠤ ᠬᠠᠶ᠋ᠢᠯᠠᠬᠤ )
35. ᠠᠭᠤᠯᠠ ᠠ᠋ᠴᠠ ᠢᠷᠡᠭᠰᠡᠨ ᠬᠠᠷᠠ ᠲᠣᠷᠬ᠋ᠠ ᠶ᠋ᠢ
ᠤᠷᠬᠠᠲᠠᠬᠤ ᠪᠠᠷ ᠨᠢ ᠣᠶᠣᠵᠤ ᠪᠣᠯᠲᠠᠭ ᠦᠭᠡᠢ
( ᠮᠥᠰᠥ )
36. ᠭᠠᠯ ᠳᠦ ᠰᠢᠲᠠᠲᠠᠭ ᠦᠭᠡᠢ
ᠤᠰᠤᠨ ᠳᠦ ᠵᠢᠪᠲᠡᠭ᠋ ᠦᠭᠡᠢ
( ᠮᠥᠰᠥ )
37. ᠲᠡᠷᠡ ᠲᠡᠨᠲᠡ ᠡᠴᠡ ᠳᠡᠪᠬᠡᠷᠴᠦ ᠢᠷᠡᠳᠡᠭ
ᠲᠩᠷᠢ ᠪᠤᠷᠬᠠᠨ ᠠ᠋ᠴᠠ ᠶᠠᠪᠤᠵᠤ ᠢᠷᠡᠳᠡᠭ
ᠬᠤᠴᠠ ᠶ᠋ᠢᠨ ᠡᠪᠡᠷ ᠬᠣᠮᠣᠶ᠋ᠢᠵᠤ ᠢᠷᠡᠳᠡᠭ
ᠬᠤᠷᠠᠭᠠᠨ ᠪ ᠰᠡᠭᠦᠯ ᠭᠣᠲᠣᠶ᠋ᠢᠵᠤ ᠢᠷᠡᠳᠡᠭ
( ᠡᠪᠦᠯ ᠦ᠋ᠨ ᠬᠦᠢᠲᠡᠨ )
38. ᠰᠡᠭᠦᠯ ᠦᠭᠡᠢ ᠣᠭᠣᠲᠣᠩ
ᠰᠡᠭᠦᠵᠢ ᠦᠭᠡᠢ ᠬᠡᠯᠡᠳᠡᠭ
ᠬᠦᠯ ᠦᠭᠡᠢ ᠲᠠᠶ᠋ᠢᠷᠠᠩ
ᠬᠥᠯᠥᠰᠥ ᠦᠭᠡᠢ ᠭᠢᠯᠲᠠᠩ
( ᠰᠠᠯᠬᠢᠨ )
39. ᠭᠦᠶᠦᠨ ᠭᠦᠶᠦᠨ ᠰᠢᠷᠭᠠᠭᠴᠢᠨ
ᠭᠦᠢᠴᠡᠭᠳᠡᠳᠡᠭ ᠦᠭᠡᠢ ᠰᠢᠷᠭᠠᠭᠴᠢᠨ
ᠪᠠᠶ᠋ᠢᠨ ᠪᠠᠶ᠋ᠢᠨ ᠰᠢᠷᠭᠠᠭᠴᠢᠨ
ᠪᠠᠷᠢᠬᠲᠠᠲᠠᠭ ᠦᠭᠡᠢ ᠰᠢᠷᠭᠠᠭᠴᠢᠨ
( ᠬᠤᠢ ᠰᠠᠯᠬᠢ )
40. ᠲᠣᠭᠣᠰᠣᠨ ᠳᠡᠪᠡᠯ ᠲᠡᠢ
ᠲᠣᠮᠣᠬ᠋ᠠ ᠦᠭᠡᠢ ᠬᠦᠦ
ᠲᠣᠩᠭᠣᠴᠢᠨ ᠳᠡᠪᠬᠡᠴᠡᠨ
ᠲᠣᠭᠯᠠᠵᠤ ᠶᠠᠪᠤᠨᠠ
( ᠬᠤᠢ ᠰᠠᠯᠬᠢ )
41. ᠵᠢᠷᠠᠭᠠᠬᠠᠢ ᠵᠢᠷᠢᠯᠵᠡᠨᠡ
ᠵᠢᠷᠠᠨ ᠴᠠᠭᠠᠨ ᠪᠥᠬᠥᠯᠵᠡᠨᠡ
( ᠰᠠᠯᠬᠢ ᠂ ᠡᠪᠡᠰᠦ )
42. ᠲᠡᠷᠡ ᠲᠡᠨᠲᠡ ᠲᠡᠮᠡᠭᠡ ᠰᠢᠭ᠌
ᠲᠡᠭᠦᠨ ᠡᠴᠡ ᠨᠠᠭᠠᠭᠤᠷ ᠢᠮᠠᠬ᠋ᠠ ᠰᠢᠭ᠋
ᠪᠥᠵᠥᠩ ᠲᠠᠤᠯᠠᠢ ᠶ᠋ᠢᠨ ᠪᠦᠭᠡᠭᠡ ᠰᠢᠭ᠌
ᠪᠦᠭᠳᠦᠭᠡᠷ ᠴᠢᠨᠣᠠ ᠶ᠋ᠢᠨ ᠴᠣᠭᠭᠢᠶᠠ ᠰᠢᠭ᠋
( ᠵᠡᠷᠭᠡᠯᠭᠡ )
43. ᠨᠠᠷᠠᠨ ᠳᠣᠣᠭᠤᠷ ᠨᠠᠶ᠋ᠢᠭᠤᠬᠤ ᠰᠢᠭ᠋
ᠨᠠᠴᠢᠨ ᠱᠣᠩᠬᠣᠷ ᠰᠢᠭᠦᠷᠡᠬᠦ ᠰᠢᠭ᠌
ᠲᠩᠷᠢ ᠭᠠᠵᠠᠷ ᠨᠡᠶ᠋ᠢᠯᠡᠬᠦ ᠰᠢᠭ᠌
ᠲᠠᠩᠭᠢᠰ ᠳᠠᠯᠠᠢ ᠴᠠᠯᠭᠢᠬᠤ ᠰᠢᠭ᠋
( ᠵᠡᠷᠭᠡᠯᠭᠡ )
44. ᠪᠠᠯ ᠶ᠋ᠢᠠᠷ ᠶᠠᠪᠤᠭᠰᠠᠨ ᠵᠠᠮ ᠰᠢᠭ᠋
ᠪᠡᠯᠡᠬᠡᠨ ᠪᠠᠷᠢᠬᠰᠠᠨ ᠪᠠᠶ᠋ᠢᠰᠢᠩ ᠰᠢᠭ᠋
ᠡᠷᠡ ᠮᠣᠷᠢᠨ ᠪ ᠶᠠᠪᠤᠲᠠᠯ ᠰᠢᠭ᠋
ᠡᠷᠬᠡ ᠬᠡᠦᠬᠡᠳ ᠦ᠋ᠨ ᠲᠣᠭᠯᠠᠭᠠᠮ ᠰᠢᠭ᠋
( ᠵᠡᠷᠭᠡᠯᠭᠡ )
45. ᠪᠤᠶᠠᠨᠲᠤ ᠶ᠋ᠢᠨ ᠪᠤᠭᠤᠷᠤᠯ ᠠᠵᠢᠷᠬ᠋ᠠ
ᠪᠤᠴᠠᠨ ᠪᠤᠴᠠᠨ ᠦᠦᠷᠰᠡᠬᠦ ᠳᠦ
ᠬᠡᠪ ᠲᠡᠭᠡᠨ ᠬᠡᠪᠲᠡᠭᠡᠳ ᠳᠡᠯᠡᠩᠨᠡᠬᠦ
( ᠪᠣᠷᠣᠭᠠᠨ ᠣᠷᠣᠵᠤ ᠨᠣᠭᠣᠬ᠋ᠠ ᠣᠷᠭᠤᠬᠤ )
46. ᠪᠣᠲᠣᠪᠠᠴᠤ ᠬᠠᠷᠠ ᠪᠤᠯᠠᠪᠠᠴᠤ ᠢᠯᠡ
( ᠰᠡᠭᠦᠲᠡᠷ )
47. ᠣᠨᠢᠰᠣᠬ᠋ᠠ ᠶ᠋ᠢᠨ ᠲᠦᠷᠦᠭᠦᠦ
ᠣᠷᠣᠬ᠋ᠠ ᠬᠠᠷᠠ
ᠦᠯᠢᠭᠡᠷ ᠦ᠋ᠨ ᠲᠦᠷᠦᠭᠦᠦ
ᠦᠷᠭᠦᠮᠡᠲᠡᠭᠡᠢ ᠬᠠᠷᠠ
( ᠰᠡᠭᠦᠲᠡᠷ )
48. ᠪᠤᠯᠠᠵᠤ ᠪᠣᠯᠲᠠᠭ ᠦᠭᠡᠢ ᠪᠤᠯᠤ ᠬᠠᠷᠠ ᠴᠢᠯᠠᠭᠤ
( ᠰᠡᠭᠦᠲᠡᠷ )
49. ᠬᠡᠵᠢᠶᠡᠨ ᠪ ᠮᠢᠨᠦ ᠡᠵᠢ ᠶ᠋ᠢᠨ ᠬᠢᠵᠦ ᠥᠭᠭᠦᠭᠰᠡᠨ ᠬᠠᠷᠠ ᠪᠠᠷᠢᠪᠴᠢ
ᠬᠡᠪ ᠶ᠋ᠢᠡᠷ ᠶ᠋ᠢᠡᠨ ᠣᠲᠣ ᠬᠦᠷᠲᠡᠯᠡ ᠪᠠᠶ᠋ᠢᠨᠠ
( ᠰᠡᠭᠦᠲᠡᠷ )
50. ᠭᠡᠷ ᠳᠡᠭᠡᠷᠡ ᠭᠡᠷᠡᠯᠯᠢᠭ
ᠭᠡᠷ ᠦ᠋ᠨ ᠬᠣᠶ᠋ᠢᠨᠠ ᠰᠠᠷᠠᠯᠠᠭ
( ᠭᠡᠷ ᠦ᠋ᠨ ᠰᠡᠭᠦᠲᠡᠷ )
51. ᠢᠷᠭᠡ ᠰᠡᠷᠭᠡ ᠶ᠋ᠢᠨ ᠠᠷᠠᠰᠤ ᠡᠩ ᠰᠠᠴᠠᠭᠤᠬᠠᠨ
( ᠲᠩᠷᠢ ᠭᠠᠵᠠᠷ )
52.ᠢᠷᠭᠡ ᠶ᠋ᠢᠨ ᠬᠦᠵᠡᠭᠡ ᠦᠰᠦ ᠦᠭᠡᠢ
ᠰᠡᠷᠭᠡ ᠶ᠋ᠢᠨ ᠬᠦᠵᠡᠭᠡ ᠦᠰᠦ ᠲᠡᠢ
( ᠲᠩᠷᠢ ᠭᠠᠵᠠᠷ )
53. ᠬᠠᠭᠠᠨ ᠡᠭᠦᠲᠡ ᠪᠡᠨ ᠰᠡᠬᠦᠬᠦᠯᠡᠷ ᠵᠠᠭᠠᠨ ᠠᠲᠤᠭᠤ ᠪᠠᠨ ᠬᠤᠷᠢᠶᠠᠨᠠ
( ᠦᠦᠷ ᠴᠠᠶ᠋ᠢᠵᠤ ᠣᠲᠣᠳ ᠵᠠᠮᠬᠠᠷᠠᠬᠤ )
54. ᠵᠠᠭᠠᠨ ᠪ ᠠᠮᠠ ᠠᠩᠭᠠᠰ ᠬᠢᠨᠡ
ᠽᠠᠮᠪᠤᠲᠢᠪ ᠮᠠᠯᠲᠠᠰ ᠬᠢᠨᠡ
( ᠦᠦᠷ ᠴᠠᠶ᠋ᠢᠵᠤ ᠨᠠᠷᠠ ᠭᠠᠷᠬᠤ )
55. ᠬᠠᠷᠭᠤᠢ ᠳᠦ ᠬᠠᠲᠠᠭᠰᠠᠨ ᠴᠢᠤᠠᠬᠥᠷ
ᠬᠠᠷᠠᠩᠭᠤᠢ ᠳᠦ ᠬᠡᠳᠡᠭᠰᠡᠨ ᠴᠢᠤᠠᠬᠥᠷ
( ᠦᠲᠡᠰᠢ ᠰᠥᠨᠢ ᠪᠣᠯᠬᠤ )
56. ᠨᠢᠭᠡᠨ ᠣᠶᠣᠲᠠᠯᠲᠤ ᠬᠥᠬᠡ ᠲᠣᠷᠭᠠᠨ ᠰᠢᠬᠦᠷ
ᠨᠡᠶ᠋ᠢᠭᠡᠮ ᠶ᠋ᠢᠡᠷ ᠰᠦᠷᠦᠭᠯᠡᠨ ᠭᠥᠶᠥᠬᠥ ᠭᠡᠭᠡᠨ ᠰᠤᠪᠤᠳ ᠡᠷᠲᠡᠨᠢ
ᠨᠢᠰᠦᠨ ᠳᠣᠪᠲᠣᠯᠬᠤ ᠬᠠᠰ ᠡᠷᠲᠡᠨᠢ ᠶ᠋ᠢᠨ ᠪᠥᠮᠪᠥᠷᠴᠡᠭ
ᠨᠡᠶ᠋ᠢᠯᠡᠭᠦᠯᠦᠨ ᠰᠢᠨᠵᠢᠯᠡᠪᠡᠯ ᠮᠢᠨᠦ ᠨᠣᠶ᠋ᠢᠷ ᠬᠦᠷᠦᠨᠡ
( ᠰᠥᠨᠢ )
57. ᠬᠦᠯ ᠦᠭᠡᠢ ᠬᠦᠶᠦᠭᠴᠢ ᠬᠦᠷᠵᠡ ᠦᠭᠡᠢ ᠮᠠᠯᠲᠠᠭᠴᠢ
( ᠤᠰᠤ )
58. ᠬᠠᠷᠠ ᠲᠣᠷᠬ᠋ᠠ ᠶ᠋ᠢ ᠬᠠᠶ᠋ᠢᠴᠢᠯᠠᠵᠤ ᠪᠣᠯᠲᠠᠭ ᠦᠭᠡᠢ
( ᠤᠰᠤ )
59. ᠤᠷᠲᠤ ᠬᠠᠷᠠ ᠮᠣᠷᠢ ᠶ᠋ᠢ ᠤᠷᠬ᠋ᠠ ᠪᠠᠷ ᠪᠠᠷᠢᠵᠤ ᠪᠣᠯᠬᠤ ᠦᠭᠡᠢ
( ᠭᠣᠣᠯ ᠦ᠋ᠨ ᠤᠰᠤ )
60. ᠬᠠᠷᠠ ᠮᠣᠷᠢ ᠬᠠᠶ᠋ᠢᠪᠠᠩ ᠬᠠᠲᠠᠷᠢᠨᠠ
ᠬᠠᠵᠠᠭᠠᠷ ᠦᠭᠡᠢ ᠵᠢᠬᠢᠨ ᠬᠠᠲᠠᠷᠢᠨᠠ
( ᠭᠣᠣᠯ ᠮᠥᠷᠡᠨ )
61. ᠰᠢᠯ ᠦ᠋ᠨ ᠳᠣᠣᠭᠤᠷ ᠰᠢᠪᠡᠨᠡᠯᠲᠦᠭᠡᠳ ᠪᠠᠶ᠋ᠢᠨᠠ
( ᠮᠥᠰᠥᠨ ᠳᠣᠣᠭᠤᠷ ᠤᠰᠤ ᠤᠷᠤᠰᠬᠤ )
62. ᠬᠥᠲᠡᠭᠡ ᠳᠦ ᠬᠥᠬᠡ ᠲᠣᠬᠣᠮ
( ᠨᠠᠭᠤᠷ )
63. ᠬᠠᠷᠠ ᠲᠣᠷᠬ᠋ᠠ ᠶ᠋ᠢ ᠬᠠᠷᠪᠤᠵᠤ ᠪᠣᠯᠲᠠᠭ ᠦᠭᠡᠢ
ᠰᠢᠷᠠ ᠲᠣᠷᠬ᠋ᠠ ᠶ᠋ᠢ ᠰᠢᠬᠯᠠᠵᠤ ᠪᠣᠯᠲᠠᠭ ᠦᠭᠡᠢ
( ᠤᠰᠤ ᠂ ᠭᠠᠯ )
64. ᠲᠡᠷᠡ ᠲᠡᠨᠲᠡ ᠲᠠᠰ ᠭᠡᠪᠡ
ᠲᠡᠮᠡᠭᠡᠨ ᠪ ᠰᠡᠭᠦᠯ ᠭᠣᠲᠣᠰ ᠭᠡᠪᠡ
( ᠠᠶᠤᠩᠬ᠋ᠠ ᠂ ᠴᠠᠬᠢᠯᠭᠠᠨ )
65. ᠡᠷᠡᠦ ᠦᠭᠡᠢ ᠲᠡᠮᠡᠭᠡ ᠡᠪᠡᠰᠦ ᠪᠠᠷᠠᠨᠠ
( ᠲᠤᠶ᠋ᠢᠮᠦᠷ )
66. ᠬᠠᠷᠠ ᠮᠣᠷᠢ ᠬᠠᠶ᠋ᠢᠪᠠᠩ ᠬᠠᠲᠠᠷᠢᠲᠠᠭ
ᠬᠠᠷᠠ ᠲᠣᠬᠣᠮ ᠰᠤᠭᠤᠷᠠᠨ ᠬᠣᠴᠣᠷᠲᠠᠭ
( ᠲᠦᠢᠮᠡᠷ )
67. ᠰᠢᠷ ᠪᠣᠲᠣᠭ ᠦᠭᠡᠢ ᠪᠠᠶ᠋ᠢᠲᠠᠯᠠ ᠪᠠᠨ ᠤᠯᠠᠭᠠᠨ
ᠰᠢᠯᠪᠢ ᠲᠤᠭᠤᠷᠠᠢ ᠦᠭᠡᠢ ᠪᠠᠶ᠋ᠢᠲᠠᠯᠠ ᠶᠠᠪᠤᠮᠠᠬᠠᠢ
ᠰᠢᠩᠭᠡᠭᠡᠬᠦ ᠬᠣᠲᠣᠭᠣᠲᠣ ᠦᠭᠡᠢ ᠪᠠᠶ᠋ᠢᠲᠠᠯᠠ ᠪᠠᠨ ᠢᠲᠡᠮᠡᠬᠡᠢ
( ᠲᠦᠢᠮᠡᠷ )
68. ᠲᠣᠭᠲᠠᠬᠤ ᠨᠢ ᠭᠠᠵᠠᠷ ᠲᠦ
ᠲᠣᠲᠣᠷᠠᠬᠤ ᠨᠢ ᠣᠭᠲᠠᠷᠭᠤᠢ ᠳᠦ
( ᠭᠠᠯ )
69. ᠲᠡᠮᠦᠷ ᠪᠠᠭᠠᠨᠠ ᠲᠩᠷᠢ ᠲᠤᠯᠤᠨᠠ
( ᠤᠲᠤᠬ᠋ᠠ )
70. ᠬᠥᠨᠲᠡᠢ ᠤᠷᠤᠭᠤ ᠬᠦᠪᠦᠭᠦᠯᠦᠨᠡ
ᠬᠦᠯ ᠨᠢᠴᠦᠭᠦᠨ ᠵᠢᠬᠢᠭᠦᠯᠦᠨᠡ ᠲᠠᠯᠠ ᠤᠷᠤᠭᠤ ᠳᠠᠶ᠋ᠢᠪᠠᠭᠤᠯᠤᠨᠡ
ᠲᠠᠰᠢᠭᠤᠷ ᠦᠭᠡᠢ ᠭᠤᠶ᠋ᠢᠪᠢᠭᠤᠯᠤᠨᠠ
( ᠰᠢᠭᠤᠷᠬ᠋ᠠ )
71. ᠬᠡᠯᠡ ᠪᠦᠭᠦᠲᠡ ᠪᠡᠷ ᠶᠠᠷᠢᠲᠠᠭ ᠬᠥᠮᠦᠨ
ᠬᠡᠨ ᠪᠦᠬᠦᠨ ᠊ᠢ ᠳᠠᠭᠤᠷᠢᠶᠠᠳᠠᠭ ᠬᠥᠮᠦᠨ
( ᠴᠤᠤᠷᠠᠢ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠰᠢᠯᠤᠭᠤᠨ
《 ᠮᠣᠩᠭᠣᠯ ᠠᠷᠠᠳ ᠦ᠋ᠨ ᠠᠮᠠᠨ ᠵᠣᠬᠢᠶᠠᠯ ᠦ᠋ᠨ ᠳᠡᠭᠡᠵᠢ ᠪᠢᠴᠢᠭ 》 ᠡᠴᠡ ᠰᠣᠩᠭᠣᠪᠠ