ᠰᠤᠷᠬᠠᠨ ᠰᠢᠷᠠ ᠶᠢᠨ ᠬᠢᠨ ᠲᠡᠮᠦᠵᠢᠨ ᠢ ᠠᠪᠤᠷᠠᠭᠰᠠᠨ ᠨᠢ Сурхан шарынхан тэмүүжинг аварсан нь
427ᠰᠤᠷᠬᠠᠨ ᠰᠢᠷᠠ ᠶᠢᠨ ᠬᠢᠨ ᠲᠡᠮᠦᠵᠢᠨ ᠢ ᠠᠪᠤᠷᠠᠭᠰᠠᠨ ᠨᠢ
ᠡᠪᠡᠰᠦ ᠮᠣᠲᠣ ᠬᠥᠬᠡᠷᠡᠭᠡᠳ ᠪᠠᠰᠠ ᠰᠢᠷᠠᠯᠠᠨᠠ ᠂ ᠰᠢᠷᠠᠯᠠᠭᠠᠳ ᠪᠠᠰᠠ ᠬᠥᠬᠡᠷᠡᠨᠡ ᠃ ᠥᠭᠡᠯᠦᠨ ᠡᠬᠡ ᠶ᠋ᠢᠨ ᠥᠨᠥᠴᠢᠨ ᠬᠡᠦᠬᠡᠳ ᠤᠲᠠᠯ ᠦᠭᠡᠢ ᠥᠰᠴᠦ ᠪᠣᠶ᠋ᠢᠵᠢᠪᠠ ᠃ ᠡᠭᠦᠨ ᠳᠦ ᠲᠠᠶ᠋ᠢᠴᠢᠭᠤᠳ ᠦ᠋ᠨ ᠲᠦᠷᠦᠭᠦᠦ ᠲᠠᠷᠭᠤᠲᠠᠢ ᠭᠢᠷᠢᠯᠲᠤᠭ ᠰᠢᠲᠠᠷ ᠨᠥᠬᠥᠳ ᠶ᠋ᠢᠡᠨ ᠴᠤᠭᠯᠠᠭᠤᠯᠵᠤ ᠄
《 ᠬᠤᠷᠠᠭᠠᠨ ᠪ ᠦᠰᠦ ᠭᠤᠤᠵᠢᠪᠠ ᠂ ᠲᠥᠯᠥᠭᠡᠨ ᠪ ᠪᠡᠶᠡ ᠲᠥᠯᠥᠵᠢᠪᠡ ᠂ ᠥᠭᠡᠯᠦᠨ ᠪ ᠬᠡᠦᠬᠡᠳ ᠥᠰᠴᠦ ᠪᠣᠶ᠋ᠢᠵᠢᠪᠠ ᠂ ᠥᠰᠢᠶᠡ ᠪᠡᠨ ᠠᠪᠬᠤ ᠴᠠᠭ ᠪᠣᠯᠤᠭᠰᠠᠨ ᠪᠢᠰᠢ ᠦᠦ ? 》 ᠭᠡᠵᠦ ᠲᠡᠮᠦᠵᠢᠨ ᠠᠬᠠ ᠳᠡᠭᠦᠦ ᠨᠡᠷ ᠊ᠢ ᠳᠣᠪᠲᠣᠯᠬᠤ ᠪᠠᠷ ᠵᠥᠪᠯᠡᠨ ᠲᠣᠭᠲᠠᠪᠠ ᠃
ᠨᠢᠭᠡᠨ ᠥᠷᠯᠥᠭᠡ ᠂ ᠲᠡᠮᠦᠵᠢᠨ ᠠᠬᠠ ᠳᠡᠭᠦᠦ ᠨᠡᠷ ᠠᠩ ᠬᠥᠷᠥᠭᠡᠨ ᠳᠦ ᠭᠠᠷᠬᠤ ᠭᠡᠵᠦ ᠪᠡᠯᠡᠤᠠᠬᠡᠵᠦ ᠪᠠᠶ᠋ᠢᠲᠠᠯᠠ ᠂ ᠲᠠᠷᠭᠤᠲᠠᠢ ᠭᠢᠷᠢᠯᠲᠤᠭ ᠠᠶ᠋ᠢᠮᠠᠭ ᠦ᠋ᠨ ᠣᠯᠠᠨ ᠶ᠋ᠢᠠᠨ ᠳᠠᠭᠠᠭᠤᠯᠤᠨ ᠭᠡᠨᠡᠤᠠᠲᠡ ᠳᠣᠪᠲᠣᠯᠵᠤ ᠢᠷᠡᠪᠡ ᠃ ᠲᠡᠲᠡ ᠵᠠᠶ᠋ᠢᠯᠠᠨ ᠵᠠᠪᠲᠤᠬᠤ ᠦᠭᠡᠢ ᠪᠣᠯᠵᠤ ᠂ ᠴᠢᠲᠠᠨ ᠶᠠᠲᠠᠨ ᠡᠰᠡᠷᠭᠦᠴᠡᠪᠡ ᠃ ᠪᠡᠯᠭᠦᠲᠡᠢ ᠪᠢᠷᠠ ᠶᠡᠬᠡᠲᠡᠢ ᠪᠣᠯᠬᠣᠷ ᠮᠣᠲᠣ ᠬᠤᠭᠤᠴᠢᠨ ᠲᠠᠰᠤᠯᠵᠤ ᠰᠢᠪᠡᠭᠡ ᠪᠠᠷᠢᠵᠤ ᠬᠣᠷᠢᠬᠯᠠᠪᠠ ᠃ ᠬᠠᠰᠠᠷ ᠮᠡᠷᠭᠡᠨ ᠬᠠᠷᠪᠤᠭᠠᠴᠢ ᠲᠤᠯᠠ ᠨᠢᠭᠡ ᠲᠠᠯᠠ ᠪᠠᠷ ᠬᠠᠷᠪᠤᠨ ᠪᠠᠶ᠋ᠢᠯᠲᠤᠵᠤ ᠂ ᠨᠢᠭᠡ ᠲᠠᠯᠠ ᠪᠠᠷ ᠬᠠᠴᠢᠭᠤᠨ ᠲᠡᠮᠦᠭᠡ ᠲᠡᠮᠦᠯᠦᠨ ᠭᠤᠷᠪᠠᠨ ᠳᠡᠭᠦᠦ ᠪᠡᠨ ᠠᠭᠤᠯᠠᠨ ᠪ ᠵᠡᠪᠡ ᠳᠦ ᠨᠢᠭᠤᠨ ᠳᠠᠯᠳᠠᠯᠠᠪᠠ ᠃ ᠲᠠᠶ᠋ᠢᠴᠢᠭᠤᠳ ᠨᠠᠷ ᠬᠠᠰᠠᠷ ᠦ᠋ᠨ ᠰᠤᠮᠤᠨ ᠠ᠋ᠴᠠ ᠳᠠᠭᠵᠢᠨ ᠵᠢᠷᠦᠬᠡᠰᠢᠵᠦ ᠄
《 ᠲᠡᠮᠦᠵᠢᠨ ᠠᠬᠠ ᠪᠠᠨ ᠭᠠᠷᠭᠠᠵᠤ ᠦᠭᠪᠡᠯ ᠪᠤᠰᠤᠳ ᠲᠤ ᠴᠢᠨᠢ ᠭᠡᠮ ᠬᠢᠬᠦ ᠦᠭᠡᠢ ᠂ ᠪᠢᠲᠡᠭᠡᠢ ᠬᠠᠷᠪᠤ ! 》 ᠭᠡᠵᠦ ᠪᠠᠷᠬᠢᠷᠠᠯᠲᠤᠪᠠ ᠃
ᠲᠡᠮᠦᠵᠢᠨ ᠰᠣᠨᠣᠰᠤᠭᠠᠳ ᠰᠠᠨᠲᠤᠷᠤᠨ ᠮᠣᠷᠢᠨ ᠳᠦ ᠪᠠᠨ ᠮᠣᠷᠲᠠᠵᠤ ᠰᠡᠮ ᠶ᠋ᠢᠡᠷ ᠲᠡᠷᠢᠭᠦᠨ ᠥᠨᠲᠥᠷ ᠦ᠋ᠨ ᠰᠢᠭᠤᠢ ᠳᠦ ᠰᠢᠷᠭᠤᠨ ᠣᠷᠣᠪᠠ ᠃ ᠲᠠᠶ᠋ᠢᠴᠢᠭᠤᠳ ᠨᠠᠷ ᠲᠡᠮᠦᠵᠢᠨ ᠳᠤᠲᠠᠭᠠᠭᠰᠠᠨ ᠊ᠢ ᠦᠵᠡᠭᠡᠳ ᠲᠡᠷᠢᠭᠦᠨ ᠥᠨᠲᠥᠷ ᠵᠦᠭ ᠢᠪᠠᠭᠠᠨᠠᠵᠤ ᠣᠴᠢᠭᠠᠳ ᠂ ᠳᠠᠪᠬᠤᠷ ᠳᠠᠪᠬᠤᠷ ᠬᠦᠷᠢᠶᠡᠯᠡᠨ ᠰᠠᠬᠢᠪᠠ ᠃
ᠲᠡᠮᠦᠵᠢᠨ ᠰᠢᠭᠤᠢ ᠶ᠋ᠢᠨ ᠳᠣᠲᠣᠷᠠ ᠭᠤᠷᠪᠠ ᠬᠣᠨᠣᠭᠠᠳ ᠂ 《 ᠲᠠᠶ᠋ᠢᠴᠢᠭᠤᠳ ᠨᠠᠷ ᠪᠤᠴᠠᠭᠰᠠᠨ ᠪᠠᠶ᠋ᠢᠬᠤ ᠡ ᠂ ᠣᠲᠣ ᠬᠠᠷᠢᠶᠠ 》 ᠭᠡᠵᠦ ᠮᠣᠷᠢ ᠪᠠᠨ ᠬᠥᠲᠥᠯᠵᠦ ᠶᠠᠪᠤᠬᠤ ᠳᠦ ᠮᠣᠷᠢᠨ ᠪ ᠡᠮᠡᠭᠡᠯ ᠨᠢ ᠬᠥᠯᠪᠡᠷᠢᠨ ᠤᠨᠠᠪᠠ ᠃ ᠡᠷᠭᠢᠵᠦ ᠬᠠᠷᠠᠵᠤ ᠦᠵᠡᠪᠡᠯ ᠣᠯᠣᠩ ᠬᠥᠮᠥᠯᠲᠥᠷᠭᠡ ᠨᠢ ᠬᠡᠪ ᠶ᠋ᠢᠡᠷ ᠪᠠᠶ᠋ᠢᠯᠠ ᠃ ᠡᠭᠦᠨ ᠳᠦ ᠲᠡᠷᠡ ᠄
《ᠣᠯᠣᠩ ᠬᠥᠮᠥᠯᠲᠥᠷᠭᠡ ᠬᠡᠪ ᠶ᠋ᠢᠡᠷ ᠪᠠᠶ᠋ᠢᠲᠠᠯᠠ ᠡᠮᠡᠭᠡᠯ ᠶᠠᠭᠠᠬᠢᠨ ᠬᠥᠯᠪᠡᠷᠢᠪᠡ ? ᠮᠥᠩᠬᠡ ᠲᠩᠷᠢ ᠢᠤᠠᠬᠠᠵᠤ ᠪᠠᠶ᠋ᠢᠬᠤ ᠪᠣᠯᠪᠠ ᠤᠤ 》 ᠭᠡᠵᠦ ᠭᠠᠷᠬᠤ ᠶ᠋ᠢ ᠪᠠᠶ᠋ᠢᠵᠤ ᠮᠥᠨ ᠠᠭᠤᠯᠠᠨ ᠳᠦ ᠪᠠᠨ ᠰᠢᠷᠭᠤᠵᠤ ᠰᠠᠭᠤᠪᠠ ᠃ ᠪᠠᠰᠠ ᠭᠤᠷᠪᠠ ᠬᠣᠨᠣᠭᠠᠳ ᠣᠲᠣ ᠬᠠᠷᠢᠶᠠ ᠭᠡᠵᠦ ᠶᠠᠪᠤᠲᠠᠯᠠ ᠲᠡᠭᠦᠨ ᠪ ᠭᠠᠷᠬᠤ ᠵᠠᠮ ᠊ᠢ ᠭᠡᠷ ᠦ᠋ᠨ ᠴᠢᠨᠡᠭᠡᠨ ᠴᠠᠭᠠᠨ ᠴᠢᠯᠠᠭᠤ ᠪᠥᠭᠯᠡᠨ ᠬᠡᠪᠲᠡᠵᠦ ᠪᠠᠶ᠋ᠢᠪᠠ ᠃ ᠲᠡᠮᠦᠵᠢᠨ ᠄ 《 ᠮᠥᠨ ᠮᠥᠩᠬᠡ ᠲᠩᠷᠢ ᠢᠤᠠᠬᠠᠵᠤ ᠪᠠᠶ᠋ᠢᠬᠤ ᠪᠣᠯᠪᠠ ᠤᠤ 》 ᠭᠡᠵᠦ ᠪᠤᠴᠠᠵᠤ ᠪᠠᠰᠠ ᠭᠤᠷᠪᠠ ᠬᠣᠨᠣᠪᠠ ᠃ ᠲᠡᠮᠦᠵᠢᠨ ᠢᠩᠭᠢᠵᠦ ᠶᠢᠰᠦ ᠬᠣᠨᠣᠭ ᠥᠯ ᠬᠣᠭᠣᠯᠠ ᠦᠭᠡᠢ ᠰᠠᠭᠤᠵᠤ ᠲᠡᠰᠬᠦ ᠦᠭᠡᠢ ᠪᠣᠯᠤᠨ 《 ᠢᠩᠭᠢᠵᠦ ᠨᠡᠷᠡ ᠦᠭᠡᠢ ᠦᠬᠦᠬᠦ ᠪᠡᠷ ᠭᠠᠷᠴᠤ ᠦᠵᠡᠯᠴᠡᠵᠦ ᠪᠠᠶ᠋ᠢᠨ ᠮᠡᠲᠡᠶᠡ ! 》 ᠭᠡᠵᠦ ᠮᠣᠷᠢ ᠪᠠᠨ ᠬᠥᠲᠥᠯᠦᠨ ᠭᠡᠷ ᠦ᠋ᠨ ᠴᠢᠨᠡᠭᠡᠨ ᠴᠠᠭᠠᠨ ᠴᠢᠯᠠᠭᠤ ᠶ᠋ᠢ ᠲᠣᠭᠣᠷᠢᠨ ᠭᠠᠷᠴᠤ ᠰᠤᠮᠤᠴᠢ ᠬᠢᠲᠤᠬ᠋ᠠ ᠪᠠᠷ ᠰᠠᠭᠠᠳ ᠪᠣᠯᠬᠤ ᠮᠣᠲᠣ ᠶ᠋ᠢ ᠣᠭᠲᠣᠯᠤᠨ ᠶᠠᠪᠤᠪᠠ ᠃ ᠴᠢᠩᠭᠢᠭᠡᠳ ᠲᠡᠮᠦᠵᠢᠨ ᠳᠥᠩᠭᠡᠵᠢ ᠰᠢᠭᠤᠢ ᠠ᠋ᠴᠠ ᠭᠠᠷᠤᠮᠠᠭᠴᠠ ᠂ ᠲᠠᠶ᠋ᠢᠴᠢᠭᠤᠳ ᠨᠠᠷ ᠪᠤᠴᠠᠬ᠋ᠠ ᠦᠭᠡᠢ ᠰᠠᠬᠢᠵᠤ ᠪᠠᠶ᠋ᠢᠬᠰᠠᠨ ᠲᠤᠯᠠ ᠲᠡᠭᠦᠨ ᠊ᠢ ᠪᠠᠷᠢᠵᠤ ᠬᠦᠯᠢᠭᠡᠳ ᠠᠪᠴᠤ ᠣᠤᠠᠪᠠ ᠃
ᠬᠠᠰᠠᠷ ᠨᠠᠷ ᠬᠥᠮᠦᠨ ᠴᠥᠭᠡᠨ ᠬᠦᠴᠦ ᠨᠢᠮᠭᠡᠨ ᠲᠤᠯᠠ ᠠᠬᠠ ᠪᠠᠨ ᠲᠤᠰᠠᠯᠠᠵᠤ ᠴᠢᠳᠠᠯ ᠦᠭᠡᠢ ᠬᠠᠷᠠᠭᠰᠠᠭᠠᠷ ᠬᠣᠴᠣᠷᠪᠠ᠃ ᠬᠠᠰᠠᠷ ᠬᠡᠳᠦᠶ᠋ᠢᠪᠡᠷ ᠬᠠᠷᠪᠤᠬᠤ ᠭᠡᠰᠡᠨ ᠪᠣᠯᠪᠠᠴᠤ ᠥᠭᠡᠯᠦᠨ ᠡᠬᠡ ᠨᠢ ᠬᠣᠷᠢᠭᠯᠠᠨ ᠵᠣᠭᠰᠣᠭᠠᠪᠠ᠃ ᠪᠡᠯᠭᠦᠳᠡᠢ ᠪᠦᠳᠦᠭᠦᠨ ᠴᠢᠯᠠᠭᠤ ᠶ᠋ᠢ ᠨᠢᠲᠤᠷᠭᠠᠲᠤᠬᠤ ᠠ᠋ᠴᠠ ᠥᠭᠡᠷᠡ ᠠᠷᠭᠠ ᠦᠭᠡᠢ᠃ ᠬᠠᠴᠢᠭᠤᠨ᠂ ᠲᠡᠮᠦᠭᠡ᠂ ᠲᠡᠮᠡᠦᠯᠦᠨ ᠨᠠᠷ ᠨᠠᠰᠤ ᠪᠠᠭᠠ ᠪᠣᠯᠬᠣᠷ ᠦᠭᠡ ᠳᠠᠭᠤᠨ ᠥᠬᠡᠢ ᠬᠠᠷᠠᠵᠤ ᠵᠣᠭᠰᠣᠬᠤ ᠠ᠋ᠴᠠ ᠥᠭᠡᠷᠡ ᠴᠢᠳᠠᠯ ᠦᠭᠡᠢ ᠁
ᠲᠠᠷᠭᠤᠲᠠᠢ ᠭᠢᠷᠢᠯᠲᠤᠭ ᠲᠡᠮᠦᠵᠢᠨ ᠊ᠢ ᠪᠠᠷᠢᠵᠤ ᠠᠪᠤᠭᠠᠳ ᠶᠡᠬᠡᠯᠡ ᠪᠠᠶᠠᠷᠯᠠᠵᠤ ᠂ ᠠᠶ᠋ᠢᠮᠠᠭ ᠲᠤ ᠪᠠᠨ ᠠᠪᠠᠴᠢᠵᠤ ᠠᠶ᠋ᠢᠯ ᠪᠦᠷᠢ ᠳᠦ ᠨᠢᠵᠡᠭᠡᠳ ᠬᠣᠨᠣᠭᠤᠯᠤᠨ ᠬᠡᠰᠦᠭᠦᠯᠦᠨ ᠵᠠᠰᠠᠭᠯᠠᠵᠤ ᠰᠢᠢᠤᠠᠬᠡᠪᠡ ᠃
ᠬᠡᠳᠦ ᠬᠣᠨᠣᠯ ᠦᠭᠡᠢ ᠶᠠᠭ ᠰᠠᠶ᠋ᠢᠬᠠᠨ ᠵᠤᠨ ᠪ ᠲᠡᠷᠢᠭᠦᠨ ᠰᠠᠷᠠ ᠶ᠋ᠢᠨ ᠠᠷᠪᠠᠨ ᠵᠢᠷᠭᠤᠭᠠᠨ ᠪ ᠲᠡᠷᠭᠡᠯ ᠡᠳᠦᠷ ᠪᠣᠯᠤᠭᠰᠠᠨ ᠲᠤᠯᠠ ᠲᠠᠶ᠋ᠢᠴᠢᠭᠤᠳ ᠨᠠᠷ ᠤᠨᠤᠨ ᠮᠥᠷᠡᠨ ᠪ ᠡᠷᠬᠢ ᠳᠡᠭᠡᠷᠡ ᠥᠪᠡᠳᠡᠭᠰᠢ ᠶᠡᠬᠡ ᠬᠤᠷᠢᠮ ᠬᠢᠵᠦ ᠨᠢᠭᠡᠨ ᠡᠲᠦᠷ ᠴᠡᠩᠭᠡᠯᠲᠦᠪᠡ ᠃ ᠲᠠᠷᠭᠤᠲᠠᠢ ᠬᠢᠷᠢᠯᠲᠤᠭ ᠄
《 ᠲᠠ ᠨᠠᠷ ᠲᠡᠮᠦᠵᠢᠨ ᠊ᠢ ᠢᠳᠡ ᠬᠦᠴᠦ ᠡᠷᠳᠡᠮ ᠴᠢᠳᠠᠯ ᠲᠠᠢ ᠭᠡᠳᠡᠭ ᠪᠢᠰᠢ ᠦᠦ? ᠣᠲᠣ ᠲᠡᠷᠡ ᠮᠢᠨᠦ ᠭᠠᠷ ᠲᠤ᠌ ᠣᠷᠣᠵᠤ ᠦᠬᠦᠬᠦ ᠴᠠᠭ ᠶ᠋ᠢᠠᠨ ᠬᠦᠯᠢᠶᠡᠬᠦ ᠪᠣᠯᠪᠠ᠃ ᠠᠶ᠋ᠢᠯ ᠬᠡᠰᠦᠭᠦᠯᠵᠦ ᠪᠠᠷᠠᠭᠰᠠᠨ ᠪ ᠳᠠᠷᠠᠭᠠ ᠲᠡᠭᠦᠨ ᠊ᠢ ᠠᠯᠠᠵᠤ ᠥᠰᠢᠶᠡ ᠪᠡᠨ ᠠᠪᠤᠨᠠ! ᠪᠢᠲᠡᠭᠡᠢ ᠠᠯᠳᠠᠵᠤ ᠶᠠᠪᠤᠭᠤᠯ ᠂ ᠴᠢᠩᠭᠠ ᠰᠠᠬᠢᠬᠲᠤᠨ! 》 ᠭᠡᠵᠦ ᠲᠤᠰᠢᠶᠠᠭᠠᠳ ᠬᠤᠷᠢᠮ ᠲᠠᠷᠬᠠᠪᠠ ᠃
ᠲᠡᠷᠡ ᠡᠳᠦᠷ ᠲᠡᠮᠦᠵᠢᠨ ᠊ᠢ ᠨᠢᠭᠡᠨ ᠬᠦᠴᠦ ᠲᠤᠷᠪᠢ ᠮᠠᠭᠤᠲᠠᠢ ᠬᠦᠦ ᠰᠠᠬᠢᠵᠤ ᠪᠠᠶ᠋ᠢᠭᠰᠠᠨ ᠠᠵᠢ ᠃ ᠬᠤᠷᠢᠮ ᠦ᠋ᠨ ᠠᠷᠠᠳ ᠪᠦᠵᠢᠭ ᠳᠡᠪᠰᠡᠨ ᠶᠠᠳᠠᠷᠠᠵᠤ ᠂ ᠰᠠᠷᠬᠤᠳ ᠤᠤᠭᠤᠨ ᠰᠣᠭᠲᠣᠨ ᠲᠠᠷᠬᠠᠭᠰᠠᠨ ᠊ᠢ ᠳᠠᠯᠢᠮᠳᠠᠭᠤᠯᠤᠨ ᠲᠡᠮᠦᠵᠢᠨ ᠰᠠᠬᠢᠵᠤ ᠪᠠᠶ᠋ᠢᠭᠰᠠᠨ ᠬᠦᠦ ᠶ᠋ᠢᠨ ᠲᠣᠯᠣᠭᠠᠢ ᠶ᠋ᠢ ᠪᠠᠭᠤ ᠪᠠᠷ ᠳᠡᠯᠡᠳᠦᠨ ᠮᠠᠨᠠᠷᠠᠭᠤᠯᠤᠭᠠᠳ ᠤᠨᠤᠨ ᠪ ᠡᠷᠬᠢ ᠳ᠋ᠠᠬᠢ ᠰᠢᠭᠤᠢ ᠳᠦ ᠳᠤᠲᠠᠭᠠᠵᠤ ᠣᠷᠣᠪᠠ᠃ ᠲᠡᠷᠡ ᠬᠦᠯᠢᠶᠡᠰᠦ ᠳᠥᠩᠭᠡ ᠲᠡᠢ ᠪᠣᠯᠬᠣᠷ ᠬᠣᠯᠠ ᠶᠠᠪᠤᠵᠤ ᠳᠡᠶ᠋ᠢᠯᠬᠦ ᠦᠭᠡᠢ ᠂ ᠤᠰᠤᠨ ᠪ ᠬᠠᠷᠬᠢ ᠳᠦ ᠣᠷᠣᠵᠤ ᠨᠢᠭᠤᠷ ᠶ᠋ᠢᠠᠨ ᠢᠯᠡ ᠭᠠᠷᠭᠠᠵᠤ ᠬᠡᠪᠲᠡᠪᠡ ᠃
ᠲᠡᠮᠦᠵᠢᠨ ᠊ᠢ ᠰᠠᠬᠢᠵᠤ ᠪᠠᠶ᠋ᠢᠬᠰᠠᠨ ᠬᠦᠦ ᠠᠭᠠᠵᠢᠮ ᠶ᠋ᠢᠠᠷ ᠰᠡᠷᠭᠦᠵᠦ ᠄
《 ᠪᠠᠷᠢᠬᠲᠠᠭᠰᠠᠨ ᠬᠥᠮᠦᠨ ᠳᠤᠲᠠᠭᠠᠪᠠ ! 》 ᠭᠡᠵᠦ ᠶᠡᠬᠡ ᠳᠠᠭᠤ ᠪᠠᠷ ᠬᠠᠰᠭᠢᠷᠪᠠ ᠃ ᠲᠠᠷᠭᠤᠲᠠᠢ ᠬᠢᠷᠢᠯᠲᠤᠭ ᠲᠡᠷᠡ ᠳᠠᠷᠤᠢ ᠳᠦ ᠲᠠᠷᠬᠠᠭᠰᠠᠨ ᠬᠥᠮᠦᠰ ᠶ᠋ᠢᠡᠨ ᠴᠤᠭᠯᠠᠭᠤᠯᠵᠤ ᠂ ᠣᠨᠣᠨ ᠪ ᠣᠶ᠋ᠢᠷᠠ ᠬᠠᠪᠢ ᠶ᠋ᠢ ᠨᠡᠩᠵᠢᠪᠡ ᠃
ᠳᠠᠶ᠋ᠢᠴᠢᠭᠤᠳ ᠠᠶ᠋ᠢᠮᠠᠭ ᠲᠦ ᠪᠠᠭᠲᠠᠯᠴᠠᠨ ᠪᠦᠬᠦᠢ ᠨᠢᠭᠡᠨ ᠭᠡᠰᠡᠭ ᠬᠥᠮᠦᠨ ᠲᠠᠷᠭᠤᠲᠠᠢ ᠬᠢᠷᠢᠯᠲᠤᠭ ᠦ᠋ᠨ ᠬᠡᠷᠴᠡᠬᠡᠶ᠋ᠢᠯᠡᠯ ᠳᠦ ᠲᠣᠩ ᠳᠤᠷᠠ ᠦᠭᠡᠶ᠋ᠢᠴᠡᠵᠦ ᠪᠠᠶ᠋ᠢᠲᠠᠭ ᠪᠢᠯᠡ ᠃ ᠲᠡᠲᠡ ᠲᠡᠮᠦᠵᠢᠨ ᠊ᠢ ᠠᠶ᠋ᠢᠯ ᠬᠡᠰᠦᠭᠦᠯᠦᠨ ᠵᠠᠰᠠᠭᠯᠠᠬᠤ ᠶ᠋ᠢ ᠳᠡᠮᠡᠢ ᠯᠡ ᠲᠠᠭᠠᠯᠠᠬᠤ ᠦᠭᠡᠢ ᠪᠠᠶ᠋ᠢᠪᠠ ᠃ ᠰᠦᠯᠲᠡᠰᠦᠨ ᠪ ᠰᠤᠷᠬᠠᠨ ᠰᠢᠷᠠ ᠭᠡᠳᠡᠭ ᠡᠪᠦᠭᠡᠨ ᠴᠦ᠍ ᠬᠡᠲᠦᠶ᠋ᠢᠨ ᠢᠩᠭᠢᠵᠦ ᠲᠠᠭᠠᠯᠠᠬᠤ ᠦᠭᠡᠢ ᠪᠠᠶ᠋ᠢᠬᠰᠠᠨ ᠲᠤᠯᠠ ᠣᠲᠣ ᠠᠶᠠ ᠶ᠋ᠢ ᠳᠠᠭᠠᠵᠤ ᠠᠶᠠᠰ ᠨᠡᠶ᠋ᠢᠯᠡᠭᠦᠯᠦᠨ ᠲᠡᠮᠦᠵᠢᠨ ᠊ᠢ ᠨᠡᠩᠵᠢᠵᠦ ᠶᠠᠪᠤᠭᠰᠠᠭᠠᠷ ᠤᠰᠤᠨ ᠪ ᠬᠠᠷᠬᠢ ᠳᠦ ᠨᠢᠭᠤᠷ ᠶ᠋ᠢᠠᠨ ᠢᠯᠡ ᠭᠠᠷᠭᠠᠭᠠᠳ ᠬᠡᠪᠲᠡᠵᠦ ᠪᠠᠶ᠋ᠢᠬᠰᠠᠨ ᠲᠡᠮᠦᠵᠢᠨ ᠲᠡᠢ ᠠᠰ ᠲᠣᠬᠢᠶᠠᠯᠲᠤᠨ ᠤᠴᠠᠷᠠᠪᠠ ᠃ ᠲᠡᠮᠦᠵᠢᠨ ᠠᠷᠬ᠋ᠠ ᠦᠭᠡᠢ ᠪᠠᠷᠢᠬᠲᠠᠬᠤ ᠪᠠᠨ ᠬᠦᠯᠢᠶᠡᠵᠦ ᠬᠡᠪᠲᠡᠲᠡᠯᠡ ᠂ ᠰᠤᠷᠬᠠᠨ ᠰᠢᠷᠠ ᠳᠠᠶ᠋ᠢᠴᠢᠭᠤᠳ ᠨᠠᠷ ᠊ᠢ ᠬᠣᠯᠠ ᠶᠠᠪᠤᠭᠰᠠᠨ ᠪ ᠬᠣᠶ᠋ᠢᠨᠠ ᠂ ᠬᠠᠷᠬᠢ ᠳᠦ ᠣᠶ᠋ᠢᠷᠠᠲᠤᠨ ᠣᠴᠢᠵᠤ ᠄
《 ᠶᠢᠰᠦᠭᠡᠢ ᠪᠠᠭᠠᠲᠤᠷ ᠦ᠋ᠨ ᠤᠤᠭᠠᠨ ᠬᠦᠦ ᠲᠡᠮᠦᠵᠢᠨ ᠭᠡᠭᠴᠢ ᠨᠢᠲᠦᠨ ᠳᠦ ᠪᠡᠨ ᠭᠠᠯ ᠲᠠᠢ ᠂ ᠨᠢᠭᠤᠷ ᠲᠤ ᠪᠠᠨ ᠭᠡᠷᠡᠯ ᠲᠡᠢ ᠪᠥᠭᠡᠳ ᠡᠶ᠋ᠢᠮᠦ ᠠᠷᠬ᠋ᠠ ᠲᠠᠢ ᠬᠥᠮᠦᠨ ᠲᠤᠯᠠ ᠳᠠᠶ᠋ᠢᠴᠢᠭᠤᠳ ᠠᠬᠠ ᠳᠡᠭᠦᠦ ᠨᠠᠷ ᠠᠲᠠᠭᠠᠷᠬᠠᠵᠤ ᠪᠤᠢ ᠠᠵᠢ ᠃ ᠤᠰᠤᠨ ᠳᠦ ᠣᠷᠣᠮ ᠦᠭᠡᠢ ᠣᠭᠲᠠᠷᠭᠤᠢ ᠳᠦ ᠮᠥᠷ ᠦᠭᠡᠢ ᠲᠤᠯᠠ ᠴᠢᠨᠦ ᠢᠩᠭᠢᠵᠦ ᠬᠡᠪᠲᠡᠬᠦ ᠵᠥᠪ ᠂ ᠪᠢ ᠴᠢᠮᠠ ᠶ᠋ᠢ ᠵᠢᠭᠠᠵᠤ ᠥᠭᠬᠦ ᠦᠭᠡᠢ ᠂ ᠰᠡᠤᠠᠬᠢᠯ ᠶ᠋ᠢᠡᠨ ᠠᠮᠤᠷ ᠪᠠᠢ 》 ᠭᠡᠳ ᠥᠩᠭᠡᠷᠡᠨ ᠭᠠᠷᠪᠠ ᠃ ᠲᠡᠮᠦᠵᠢᠨ ᠡᠨᠡ ᠰᠤᠷᠬᠠᠨ ᠰᠢᠷᠠ ᠡᠪᠦᠭᠡᠨ ᠊ᠢ ᠲᠠᠨᠢᠲᠠᠭ ᠤᠴᠢᠷ ᠨᠢ ᠂ ᠲᠦᠷᠦᠭᠦᠦ ᠬᠡᠲᠦᠨ ᠡᠲᠦᠷ ᠲᠠᠷᠭᠤᠲᠠᠢ ᠬᠢᠷᠢᠯᠲᠤᠭ ᠲᠡᠮᠦᠵᠢᠨ ᠊ᠢ ᠠᠶ᠋ᠢᠯ ᠬᠡᠰᠦᠭᠦᠯᠦᠨ ᠬᠣᠨᠣᠭᠤᠯᠵᠤ ᠵᠠᠰᠠᠭᠯᠠᠨ ᠰᠢᠢᠤᠠᠬᠡᠵᠦ ᠪᠠᠶ᠋ᠢᠬᠤ ᠳᠦ ᠂ ᠰᠤᠷᠬᠠᠨ ᠰᠢᠷᠠ ᠡᠪᠦᠭᠡᠨ ᠪ ᠳᠦ ᠬᠣᠨᠣᠵᠤ ᠥᠩᠭᠡᠷᠡᠭᠰᠡᠨ ᠪᠢᠯᠡ ᠃ ᠲᠡᠷᠡ ᠰᠥᠨᠢ ᠲᠡᠭᠦᠨ ᠪ ᠴᠢᠮᠪᠠᠢ ᠂ ᠴᠢᠯᠠᠭᠤᠨ ᠭᠡᠬᠦ ᠬᠣᠶᠠᠷ ᠬᠦᠦ ᠲᠡᠮᠦᠵᠢᠨ ᠪ ᠭᠢᠨᠵᠢ ᠳᠥᠩᠭᠡ ᠶ᠋ᠢ ᠰᠤᠯᠠᠯᠠᠨ ᠬᠣᠨᠣᠭᠤᠯᠤᠭᠰᠠᠨ ᠪᠠ ᠪᠠᠰᠠ ᠮᠢᠬᠠ ᠲᠠᠢ ᠱᠥᠯᠥ ᠤᠤᠭᠤᠯᠭᠠᠭᠰᠠᠨ ᠪᠠᠶ᠋ᠢᠵᠠᠢ ᠃ ᠲᠡᠭᠡᠭᠡᠳ ᠲᠡᠮᠦᠵᠢᠨ ᠰᠤᠷᠬᠠᠨ ᠰᠢᠷᠠ ᠶ᠋ᠢᠨ ᠦᠨᠡᠨ ᠭᠣᠣᠯ ᠠ᠋ᠴᠠ ᠬᠡᠯᠡᠵᠦ ᠪᠠᠶ᠋ᠢᠬ᠋ᠠ ᠶ᠋ᠢ ᠢᠲᠡᠭᠡᠵᠥ ᠂ ᠳᠣᠲᠣᠷᠠ ᠨᠢ ᠪᠠᠬᠠᠨ ᠠᠭᠤᠵᠢᠭᠤ ᠪᠣᠯᠵᠤ ᠤᠭ ᠣᠷᠣᠨ ᠳᠦ ᠪᠠᠨ ᠬᠥᠲᠡᠯᠦᠯ ᠦᠭᠡᠢ ᠬᠡᠪᠲᠡᠪᠡ ᠃ ᠤᠲᠠᠯ ᠦᠭᠡᠢ ᠰᠤᠷᠬᠠᠨ ᠰᠢᠷᠠ ᠶ᠋ᠢᠨ ᠤᠲᠤᠭᠰᠠᠨ ᠵᠦᠭ ᠡᠴᠡ ᠬᠠᠷᠬᠢ ᠶ᠋ᠢ ᠴᠢᠭ᠌ᠯᠡᠭᠡᠳ ᠪᠠᠰᠠ ᠨᠢᠭᠡ ᠬᠥᠮᠦᠨ ᠢᠷᠡᠯᠡ ᠃ ᠲᠡᠮᠦᠵᠢᠨ ᠂ ᠡᠨᠡ ᠤᠲᠠᠬ᠋ᠠ ᠯᠠᠪ ᠪᠠᠷᠢᠬᠲᠠᠯᠠ ᠭᠡᠵᠦ ᠰᠠᠨᠲᠤᠷᠴᠤ ᠪᠠᠶ᠋ᠢᠲᠠᠯᠠ ᠂ ᠣᠶ᠋ᠢᠷᠠᠲᠤᠨ ᠢᠷᠡᠬᠦ ᠳᠦ ᠦᠵᠡᠪᠡᠯ ᠮᠦᠨ ᠰᠤᠷᠬᠠᠨ ᠰᠢᠷᠠ ᠡᠪᠦᠭᠡᠨ ᠪᠠᠶ᠋ᠢᠯᠠ᠃ ᠲᠡᠷᠡ ᠡᠪᠦᠭᠡᠨ
《 ᠲᠠᠶ᠋ᠢᠴᠢᠭᠤᠳ ᠠᠬᠠ ᠳᠡᠭᠦᠦ ᠨᠡᠷ ᠠᠷᠠᠬ᠋ᠠ ᠰᠢᠲᠦ ᠪᠡᠨ ᠪᠢᠯᠡᠭᠦᠲᠡᠵᠦ ᠶᠠᠪᠤᠨᠠ ᠃ ᠬᠠᠲᠠᠭᠤᠵᠢᠨ ᠬᠡᠪᠲᠡᠵᠦ ᠪᠠᠢ ᠂ ᠪᠢᠲᠡ ᠶᠠᠪᠤᠭᠰᠠᠨ ᠮᠥᠷ ᠶ᠋ᠢᠡᠷ ᠶ᠋ᠢᠡᠨ ᠭᠡᠲᠡᠷᠭᠦ ᠶᠠᠪᠤᠵᠤ ᠣᠷᠴᠢᠮ ᠦ᠋ᠨ ᠭᠠᠵᠠᠷ ᠊ᠢ ᠳᠠᠬᠢᠨ ᠨᠡᠩᠵᠢᠵᠦ ᠪᠠᠶ᠋ᠢᠨᠠ 》 ᠭᠡᠳ ᠪᠠᠰᠠ ᠥᠩᠭᠡᠷᠡᠨ ᠣᠤᠠᠪᠠ ᠃
ᠲᠡᠮᠦᠵᠢᠨ ᠳᠣᠲᠣᠷᠠ ᠪᠠᠨ ᠂ ᠣᠲᠣ ᠠᠮᠢ ᠭᠠᠷᠬᠤ ᠪᠣᠯᠪᠠ ᠤᠤ ? ᠭᠡᠵᠦ ᠴᠢᠬᠢ ᠲᠠᠯᠪᠢᠨ ᠴᠢᠩᠨᠠᠨ ᠬᠡᠪᠲᠡᠪᠡ ᠃ ᠭᠡᠲᠡᠯᠡ ᠳᠡᠮᠡᠢ ᠬᠣᠯᠠ ᠦᠭᠡᠢ ᠭᠠᠵᠠᠷ ᠠ᠋ᠴᠠ ᠲᠠᠶ᠋ᠢᠴᠢᠭᠤᠳ ᠦ᠋ᠨ ᠲᠦᠷᠦᠭᠦᠦ ᠲᠠᠷᠭᠤᠲᠠᠢ ᠬᠢᠷᠢᠯᠲᠤᠭ ᠦ᠋ᠨ ᠬᠠᠷᠢᠶᠠᠵᠤ ᠵᠠᠩᠨᠠᠬᠤ ᠳᠠᠭᠤᠨ ᠰᠣᠨᠣᠰᠲᠠᠪᠠ ᠃ ᠣᠲᠣ ᠶᠠᠭᠠᠬᠢᠬᠤ ᠪᠢᠯᠡ ? ᠡᠨᠡ ᠬᠠᠷᠬᠢ ᠳᠦ ᠬᠡᠪᠲᠡᠵᠦ ᠪᠠᠶ᠋ᠢᠭᠠᠳ ᠪᠠᠷᠢᠬᠲᠠᠬᠤ ᠶᠤᠮ ᠤᠤ ᠂ ᠡᠰᠡᠭᠦᠯᠡ ᠭᠠᠷᠴᠤ ᠲᠤᠲᠠᠭᠠᠬᠤ ᠶᠤᠮ ᠤᠤ ? ᠭᠡᠲᠡᠯᠡ ᠡᠨᠡ ᠰᠠᠷᠠᠭᠤᠯ ᠰᠥᠨᠢ ᠬᠠᠮᠢᠭᠠᠰᠢ ᠲᠤᠲᠠᠭᠠᠬᠤ ᠪᠢᠯᠡ ? ᠭᠡᠵᠦ ᠪᠠᠶ᠋ᠢᠲᠠᠯᠠ ᠂ ᠰᠤᠷᠬᠠᠨ ᠰᠢᠷᠠ ᠶ᠋ᠢᠨ ᠳᠠᠭᠤᠨ ᠰᠣᠨᠣᠰᠲᠠᠪᠠ ᠂
《 ᠲᠠᠶ᠋ᠢᠴᠢᠭᠤᠳ ᠦ᠋ᠨ ᠲᠦᠷᠦᠭᠦᠦ ᠲᠠᠷᠭᠤᠲᠠᠢ ᠬᠢᠷᠢᠯᠲᠤᠭ ᠮᠢᠨᠢ ᠂ ᠪᠢᠲᠡ ᠭᠡᠭᠡᠨ ᠴᠠᠭᠠᠨ ᠡᠲᠦᠷ ᠠᠮᠢᠲᠤ ᠬᠥᠮᠦᠨ ᠊ᠢ ᠠᠯᠲᠠᠭᠠᠳ ᠣᠲᠣ ᠰᠥᠨᠢ ᠣᠷᠣᠢ ᠶᠠᠭᠠᠬᠢᠨ ᠡᠷᠢᠵᠦ ᠣᠯᠬᠤ ᠪᠢᠯᠡ ?ᠬᠥᠮᠦᠨ ᠪᠦᠷᠢ ᠶᠠᠪᠤᠭᠰᠠᠨ ᠮᠥᠷ ᠶ᠋ᠢᠡᠷ ᠶ᠋ᠢᠡᠨ ᠳᠠᠬᠢᠨ ᠨᠢᠭᠡ ᠤᠲᠠᠬ᠋ᠠ ᠨᠠᠷᠢᠨ ᠪᠠᠲᠠᠷᠢᠶᠠ ᠂ ᠬᠡᠷᠪᠡ ᠣᠯᠬᠤ ᠦᠭᠡᠢ ᠪᠣᠯ ᠡᠨᠡ ᠰᠥᠨᠢ ᠲᠠᠷᠬᠠᠭᠠᠳ ᠮᠠᠷᠭᠠᠰᠢ ᠡᠷᠢᠶᠡ ᠂ ᠳᠥᠩᠭᠡᠲᠦ ᠬᠥᠮᠦᠨ ᠬᠠᠮᠢᠬ᠋ᠠ ᠶᠠᠪᠤᠬᠤ ᠪᠤᠢ ? 》 ᠭᠡᠰᠡᠨ ᠳᠦ ᠪᠦᠭᠦᠲᠡᠭᠡᠷ 《 ᠵᠠ 》 ᠭᠡᠵᠦ ᠪᠤᠴᠠᠵᠤ ᠢᠷᠡᠬᠦ ᠴᠢᠮᠡᠭᠡ ᠭᠠᠷᠤᠯᠠ ᠃
ᠲᠡᠮᠦᠵᠢᠨ ᠮᠦᠨ ᠰᠤᠷᠬᠠᠨ ᠰᠢᠷᠠ ᠳᠠᠭᠠᠷᠢᠯᠳᠤᠬᠤ ᠪᠣᠯᠤᠭᠠᠰᠠᠢ ᠭᠡᠵᠦ ᠰᠡᠮᠡᠭᠡᠷ ᠬᠡᠪᠲᠡᠵᠦ ᠪᠠᠶ᠋ᠢᠲᠠᠯᠠ ᠂ ᠦᠨᠡᠬᠡᠷ ᠰᠤᠷᠬᠠᠨ ᠰᠢᠷᠠ ᠲᠡᠭᠦᠨ ᠳᠦ ᠣᠶ᠋ᠢᠷᠠᠲᠤᠵᠤ ᠢᠷᠡᠭᠡᠳ ᠄
《 ᠲᠠᠶ᠋ᠢᠴᠢᠭᠤᠳ ᠠᠬᠠ ᠳᠡᠭᠦᠦ ᠨᠡᠷ ᠣᠲᠣ ᠨᠢᠭᠡ ᠤᠲᠠᠬ᠋ᠠ ᠡᠷᠢᠵᠦ ᠲᠠᠷᠬᠠᠭᠠᠳ ᠮᠠᠷᠭᠠᠰᠢ ᠡᠷᠢᠬᠦ ᠪᠡᠷ ᠪᠣᠯᠪᠠ ᠃ ᠪᠢᠲᠡᠨ ᠪ ᠲᠠᠷᠬᠠᠮᠠᠭᠴᠠ ᠴᠢ ᠲᠦᠷᠭᠡᠨ ᠡᠬᠡ ᠪᠠ ᠳᠡᠭᠦᠦ ᠨᠠᠷ ᠦ᠋ᠨ ᠶ᠋ᠢᠠᠨ ᠵᠦᠭ ᠶᠠᠪᠤ ᠂ ᠬᠡᠷᠪᠡ ᠬᠥᠮᠦᠨ ᠲᠣᠬᠢᠶᠠᠯᠲᠤᠪᠠᠯ ᠨᠠᠲᠠ ᠲᠠᠢ ᠤᠴᠠᠷᠠᠯᠠ ᠭᠡᠵᠦ ᠪᠤᠤ ᠬᠡᠯᠡ 》 ᠭᠡᠳ ᠶᠠᠪᠤᠪᠠ ᠃
ᠲᠠᠶ᠋ᠢᠴᠢᠭᠤᠳ ᠨᠠᠷ ᠤᠷᠮᠠ ᠠᠯᠲᠠᠷᠠᠨ ᠭᠡᠷ ᠭᠡᠷ ᠲᠦ ᠪᠡᠨ ᠪᠤᠴᠠᠭᠰᠠᠨ ᠬᠣᠶ᠋ᠢᠨᠠ ᠂ ᠲᠡᠮᠦᠵᠢᠨ ᠬᠠᠷᠬᠢ ᠶ᠋ᠢᠨ ᠳᠣᠲᠣᠷᠠ ᠠ᠋ᠴᠠ ᠭᠠᠷᠴᠤ ᠢᠷᠡᠭᠡᠳ ᠂ ᠣᠲᠣ ᠶᠠᠭᠠᠬᠢᠲᠠᠭ ᠪᠢᠯᠡ ? ᠪᠠᠭᠤ ᠳᠥᠩᠭᠡᠲᠠᠢ ᠪᠢ ᠮᠣᠷᠢ ᠤᠨᠤᠬ᠋ᠠ ᠦᠭᠡᠢ ᠪᠡᠷ ᠲᠠᠶ᠋ᠢᠴᠢᠭᠤᠳ ᠨᠠᠷ ᠦ᠋ᠨ ᠭᠠᠷ ᠠ᠋ᠴᠠ ᠶᠠᠭᠠᠬᠢᠨ ᠮᠤᠯᠲᠤᠷᠠᠨ ᠭᠠᠷᠬᠤ ᠪᠢᠯᠡ ?
ᠭᠡᠵᠦ ᠪᠠᠬᠠᠨ ᠪᠣᠳᠣᠰᠬᠢᠭ᠍ᠰᠠᠨ ᠶ᠋ᠢᠡᠨ ᠄ 《 ᠲᠦᠷᠦᠭᠦᠦ ᠬᠡᠲᠦᠨ ᠡᠲᠦᠷ ᠨᠠᠮᠠ ᠶ᠋ᠢ ᠠᠶ᠋ᠢᠯ ᠬᠡᠰᠤᠭᠦᠯᠤᠨ ᠵᠠᠰᠠᠭᠯᠠᠬᠤ ᠳᠦ ᠂ ᠰᠤᠷᠬᠠᠨ ᠰᠢᠷᠠ ᠶ᠋ᠢᠨ ᠭᠡᠷ ᠲᠤ ᠬᠣᠨᠣᠭᠰᠠᠨ ᠳᠦ ᠲᠡᠭᠦᠨ ᠪ ᠬᠦᠦ ᠴᠢᠮᠪᠠᠢ ᠂ ᠴᠢᠯᠠᠭᠤᠨ ᠬᠣᠶᠠᠷ ᠨᠠᠮᠠ ᠶ᠋ᠢ ᠦᠷᠦ ᠡᠪᠡᠲᠦᠨ ᠰᠥᠨᠢ ᠭᠢᠨᠵᠢ ᠳᠥᠩᠭᠡ ᠶ᠋ᠢ ᠮᠢᠨᠢ ᠰᠤᠯᠠᠯᠠᠨ ᠬᠣᠨᠣᠭᠤᠯᠪᠠ ᠃ ᠣᠲᠣ ᠪᠠᠰᠠ ᠰᠤᠷᠬᠠᠨ ᠰᠢᠷᠠ ᠡᠪᠦᠭᠡᠨ ᠨᠠᠮᠠ ᠶ᠋ᠢ ᠲᠠᠶ᠋ᠢᠴᠢᠭᠤᠳ ᠨᠠᠷ ᠲᠤ ᠵᠢᠭᠠᠵᠤ ᠥᠭᠭᠦᠭᠰᠡᠨ ᠦᠭᠡᠢ ᠥᠩᠭᠡᠷᠡᠭᠦᠯᠪᠡ ᠃ ᠪᠣᠲᠣᠪᠠᠯ ᠲᠡᠲᠡ ᠨᠠᠮᠠ ᠶ᠋ᠢ ᠠᠪᠤᠷᠠᠬᠤ ᠶᠤᠮ ᠪᠠᠶ᠋ᠢᠨᠠ ᠂ ᠵᠠ ᠲᠡᠲᠡᠨ ᠊ᠢ ᠡᠷᠢᠶᠡ 》 ᠭᠡᠵᠦ ᠰᠢᠭᠤᠳ ᠰᠤᠷᠬᠠᠨ ᠰᠢᠷᠠ ᠶ᠋ᠢᠨ ᠭᠡᠷ ᠊ᠢ ᠴᠢᠭᠯᠡᠨ ᠣᠨᠣᠨ ᠮᠥᠷᠡᠨ ᠊ᠢ ᠳᠠᠭᠠᠵᠤ ᠶᠠᠪᠤᠪᠠ ᠃ ᠰᠤᠷᠬᠠᠨ ᠰᠢᠷᠠ ᠶ᠋ᠢᠨ ᠭᠡᠷ ᠊ᠢ ᠣᠯᠬᠤ ᠳᠦ ᠠᠮᠠᠷ ᠪᠠᠶ᠋ᠢᠯᠠ ᠂ ᠲᠡᠲᠡᠨ ᠪ ᠬᠢ ᠥᠷ ᠴᠠᠶ᠋ᠢᠲᠠᠯᠠ ᠠᠶ᠋ᠢᠷᠠᠭ ᠪᠦᠯᠢᠬᠦ ᠠᠵᠢ ᠃ ᠲᠡᠮᠦᠵᠢᠨ ᠪᠦᠯᠢᠭᠦᠷ ᠦ᠋ᠨ ᠴᠢᠮᠡᠭᠡ ᠶ᠋ᠢ ᠴᠢᠭᠯᠡᠵᠦ ᠤᠲᠠᠭᠰᠠᠨ ᠦᠭᠡᠢ ᠰᠤᠷᠬᠠᠨ ᠰᠢᠷᠠ ᠶ᠋ᠢᠨ ᠭᠡᠷ ᠲᠤ ᠬᠦᠷᠪᠡ ᠃ ᠰᠤᠷᠬᠠᠨ ᠰᠢᠷᠠ ᠶᠡᠬᠡᠲᠡ ᠰᠣᠴᠢᠨ ᠄
《 ᠪᠢ ᠴᠢᠮᠠ ᠳᠦ ᠡᠬᠡ ᠪᠠ ᠳᠡᠭᠦᠦ ᠨᠡᠷ ᠶ᠋ᠢᠡᠨ ᠡᠷᠢᠨ ᠲᠦᠷᠭᠡᠨ ᠶᠠᠪᠤ ᠭᠡᠵᠦ ᠬᠡᠯᠡᠭᠰᠡᠨ ᠪᠢᠰᠢ ᠦᠦ ? ᠴᠢ ᠡᠨᠲᠡ ᠶᠠᠭᠤᠨ ᠳᠦ ᠢᠷᠡᠪᠡ ? 》 ᠭᠡᠪᠡ ᠃ ᠲᠡᠮᠦᠵᠢᠨ ᠶᠠᠭᠤ ᠬᠡᠯᠡᠬᠦ ᠪᠡᠨ ᠣᠯᠵᠤ ᠶᠠᠲᠠᠨ ᠪᠠᠶ᠋ᠢᠲᠠᠯᠠ ᠂ ᠰᠤᠷᠬᠠᠨ ᠰᠢᠷᠠ ᠶ᠋ᠢᠨ ᠴᠢᠮᠪᠠᠢ ᠂ ᠴᠢᠯᠠᠭᠤᠨ ᠬᠣᠶᠠᠷ ᠬᠦᠦ ᠨᠢ ᠭᠠᠷᠴᠤ ᠢᠷᠡᠭᠡᠳ ᠄
ᠪᠣᠯᠵᠣᠮᠣᠷ ᠰᠢᠪᠠᠭᠤᠨ ᠪ ᠵᠤᠯᠵᠠᠬ᠋ᠠ
ᠪᠣᠷᠣ ᠬᠠᠷᠴᠠᠭᠠᠢ ᠠ᠋ᠴᠠ ᠳᠤᠲᠠᠭᠠᠵᠤ
ᠪᠤᠲᠠᠨ ᠪ ᠢᠷᠣᠭᠠᠷ ᠲᠤ ᠰᠢᠷᠭᠤᠪᠠᠯ
ᠪᠤᠲᠠ ᠲᠡᠭᠦᠨ ᠊ᠢ ᠬᠠᠮᠠᠭᠠᠯᠠᠨᠠ ᠭᠡᠳᠡᠭ ᠪᠢᠰᠢ ᠦᠦ ? 》 ᠣᠲᠣ ᠪᠢᠲᠡᠨ ᠳᠦ ᠬᠥᠮᠦᠨ ᠠᠮᠢ ᠪᠠᠨ ᠬᠣᠷᠭᠣᠲᠠᠬᠤ ᠪᠠᠷ ᠢᠷᠡᠵᠦ ᠪᠠᠶ᠋ᠢᠬᠤ ᠳᠦ ᠪᠢᠲᠡ ᠶᠠᠭᠠᠬᠢᠨ ᠲᠤᠰᠠᠯᠠᠬᠤ ᠦᠭᠡᠢ ᠪᠠᠶ᠋ᠢᠵᠤ ᠪᠣᠯᠤᠨᠠ ᠪᠤᠢ 》 ᠭᠡᠵᠦ ᠲᠡᠮᠦᠵᠢᠨ ᠊ᠢ ᠭᠡᠷ ᠲᠤ ᠪᠡᠨ ᠣᠷᠣᠭᠤᠯᠵᠤ ᠪᠠᠭᠤ ᠳᠥᠩᠭᠡ ᠶ᠋ᠢ ᠨᠢ ᠡᠪᠲᠡᠨ ᠬᠠᠭᠠᠯᠵᠤ ᠭᠠᠯ ᠳᠦ ᠲᠦᠯᠡᠵᠦ ᠣᠷᠭᠢᠪᠠ ᠂ ᠪᠠᠰᠠ ᠲᠡᠮᠦᠵᠢᠨ ᠳᠦ ᠬᠣᠭᠣᠯᠠ ᠥᠭᠴᠦ ᠢᠲᠡᠭᠦᠯᠦᠨ ᠭᠡᠷ ᠲᠤ ᠪᠡᠨ ᠠᠪᠴᠤ ᠬᠣᠨᠣᠪᠠ ᠃
ᠮᠠᠷᠭᠠᠰᠢ ᠨᠢ ᠂ ᠥᠷ ᠴᠠᠶ᠋ᠢᠮᠠᠭᠴᠠ ᠲᠠᠷᠭᠤᠲᠠᠢ ᠬᠢᠷᠢᠯᠲᠤ ᠠᠶ᠋ᠢᠮᠠᠭ ᠦ᠋ᠨ ᠣᠯᠠᠨ ᠶ᠋ᠢᠠᠨ ᠴᠤᠭᠯᠠᠭᠤᠯᠵᠤ ᠂ ᠣᠨᠣᠨ ᠮᠥᠷᠡᠨ ᠪ ᠣᠶ᠋ᠢᠷᠠ ᠬᠠᠪᠢ ᠭᠠᠵᠠᠷ ᠊ᠢ ᠨᠢᠭᠡ ᠴᠦ᠍ ᠥᠯᠠᠲᠡᠭᠡᠯ ᠦᠭᠡᠢ ᠪᠠᠶ᠋ᠢᠴᠠᠭᠠᠭᠠᠳ ᠶᠠᠭᠤ ᠴᠤ᠌ ᠣᠯᠣᠯ ᠦᠭᠡᠢ ᠂ ᠨᠠᠷᠠᠨ ᠰᠢᠩᠭᠡᠭᠰᠡᠨ ᠬᠣᠶ᠋ᠢᠨᠠ ᠰᠠᠶᠢ ᠬᠠᠷᠢᠵᠠᠭᠠᠪᠠ ᠃
ᠭᠤᠷᠪᠠᠲᠤᠭᠠᠷ ᠡᠲᠦᠷ ᠨᠢ ᠂ ᠲᠠᠷᠭᠤᠲᠠᠢ ᠬᠢᠷᠢᠯᠲᠤᠭ ᠄
《 ᠳᠥᠩᠭᠡᠲᠦ ᠬᠥᠮᠦᠨ ᠬᠠᠮᠢᠬ᠋ᠠ ᠬᠣᠯᠠᠤᠠᠬᠤ ᠪᠢᠯᠡ ? ᠯᠠᠪ ᠮᠠᠨ ᠪ ᠬᠢᠨ ᠨᠢᠭᠤᠨ ᠳᠠᠯᠳᠠᠯᠠᠵᠤ ᠪᠠᠶ᠋ᠢᠬ᠋ᠠ ᠪᠢᠵᠡ ᠂ ᠠᠶ᠋ᠢᠯ ᠳᠠᠷᠠᠭᠠᠯᠠᠨ ᠨᠡᠩᠵᠢᠶᠡ 》 ᠭᠡᠪᠡ ᠃ ᠡᠨᠡ ᠴᠢᠮᠡᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠴᠢᠮᠪᠠᠢ ᠂ ᠴᠢᠯᠠᠭᠤᠨ ᠬᠣᠶᠠᠷ ᠲᠡᠮᠦᠵᠢᠨ ᠊ᠢ ᠣᠩᠭᠠᠰᠤᠲᠦ ᠲᠡᠷᠭᠡᠨ ᠳᠦ ᠣᠷᠣᠭᠤᠯᠵᠤ ᠂ ᠭᠠᠲᠠᠨᠠ ᠠ᠋ᠴᠠ ᠨᠢ ᠳᠦᠭᠦᠷᠲᠡᠯᠡ ᠣᠩᠭᠠᠰᠦ ᠴᠢᠬᠢᠭᠡᠳ ᠬᠠᠲᠠᠭᠠᠨ ᠨᠡᠷᠡ ᠲᠡᠢ ᠪᠢᠴᠢᠬᠠᠨ ᠥᠬᠢᠨ ᠳᠡᠭᠦᠦ ᠳᠦ ᠪᠡᠨ ᠲᠤᠰᠢᠶᠠᠨ ᠥᠭᠴᠦ ᠄
《 ᠰᠠᠶ᠋ᠢᠬᠠᠨ ᠠᠰᠠᠷᠠ ᠂ ᠪᠤᠰᠤᠳ ᠬᠥᠮᠦᠨ ᠳᠦ ᠪᠤᠤ ᠬᠡᠯᠡ 》 ᠭᠡᠳ ᠨᠡᠩᠵᠢᠭᠦᠯ ᠊ᠢ ᠬᠦᠯᠢᠶᠡᠵᠦ ᠪᠠᠶ᠋ᠢᠲᠠᠯᠠ ᠂ ᠲᠠᠶ᠋ᠢᠴᠢᠭᠤᠳ ᠨᠠᠷ ᠠᠶ᠋ᠢᠯ ᠳᠠᠷᠠᠭᠠᠯᠠᠨ ᠨᠡᠩᠵᠢᠭᠰᠡᠭᠡᠷ ᠲᠡᠲᠡᠨ ᠪ ᠳᠦ ᠬᠦᠷᠴᠦ ᠢᠷᠡᠪᠡ ᠃ ᠲᠠᠶ᠋ᠢᠴᠢᠭᠤᠳ ᠨᠠᠷ ᠰᠤᠷᠬᠠᠨ ᠰᠢᠷᠠ ᠶ᠋ᠢᠨ ᠭᠡᠷ ᠲᠡᠷᠭᠡ ᠪᠠ ᠢᠰᠡᠷᠢ ᠶ᠋ᠢᠨ ᠳᠣᠲᠣᠷᠠ ᠬᠦᠷᠲᠡᠯᠡ ᠨᠡᠩᠵᠢᠭᠡᠳ ᠶᠠᠭᠤ ᠴᠤ᠌ ᠣᠯᠤᠭᠰᠠᠨ ᠦᠭᠡᠢ ᠃ ᠲᠡᠲᠡ ᠭᠡᠨᠡᠤᠠᠲᠡ ᠭᠡᠷ ᠦ᠋ᠨ ᠠᠷᠤ ᠳ᠋ᠠᠬᠢ ᠣᠩᠭᠠᠰᠦ ᠲᠡᠢ ᠲᠡᠷᠭᠡ ᠶ᠋ᠢ ᠣᠯᠵᠤ ᠦᠵᠡᠭᠡᠳ ᠄
《 ᠡᠭᠦᠨ ᠪ ᠳᠣᠲᠣᠷᠠ ᠨᠢᠭᠤᠵᠤ ᠪᠠᠶ᠋ᠢᠬᠤ ᠪᠢᠵᠡ? 》 ᠭᠡᠵᠦ ᠲᠡᠷᠭᠡᠨ ᠳᠡᠭᠡᠷᠡ ᠭᠠᠷᠴᠤ ᠣᠩᠭᠠᠰᠦ ᠶ᠋ᠢ ᠪᠥᠭᠡᠮ ᠪᠥᠭᠡᠮ ᠶ᠋ᠢᠡᠷ ᠭᠠᠲᠠᠭᠰᠢ ᠴᠢᠷᠴᠦ ᠭᠠᠷᠭᠠᠪᠠ ᠃ ᠪᠢᠴᠢᠬᠠᠨ ᠬᠠᠲᠠᠭᠠᠨ ᠥᠬᠢᠨ ᠪ ᠵᠢᠷᠦᠬᠡ ᠨᠢ ᠴᠣᠬᠢᠯᠠᠬᠤ ᠪᠠᠨ ᠵᠣᠭᠰᠣᠮᠠᠷ ᠪᠣᠯᠵᠤ ᠂ ᠨᠢᠲᠦ ᠪᠡᠨ ᠬᠥᠯᠥᠯᠵᠠᠭᠦᠯᠤᠨ ᠠᠮᠠ ᠪᠠᠨ ᠪᠢᠲᠡᠭᠦᠯᠡᠨ ᠳᠠᠭᠵᠢᠨ ᠪᠠᠶ᠋ᠢᠲᠠᠯᠠ ᠰᠤᠷᠬᠠᠨ ᠰᠢᠷᠠ ᠲᠡᠭᠦᠨ ᠊ᠢ ᠲᠡᠪᠡᠷᠢᠨ ᠠᠪᠴᠤ ᠄
《 ᠡᠶ᠋ᠢᠮᠦ ᠬᠠᠯᠠᠭᠤᠨ ᠡᠲᠦᠷ ᠣᠩᠭᠠᠰᠤᠨ ᠳᠣᠲᠣᠷᠠ ᠠᠮᠢᠲᠤ ᠬᠥᠮᠦᠨ ᠪᠠᠶ᠋ᠢᠵᠤ ᠲᠡᠰᠬᠦ ᠦᠦ ︖ ᠰᠡᠤᠠᠬᠢᠯ ᠶ᠋ᠢᠡᠨ ᠬᠠᠨᠲᠠᠯᠠ ᠡᠷᠢ 》 ᠭᠡᠵᠦ ᠬᠡᠯᠡᠭᠰᠡᠨ ᠳᠦ ᠂ ᠲᠠᠶ᠋ᠢᠴᠢᠭᠤᠳ ᠨᠠᠷ ᠰᠠᠶᠢ ᠨᠡᠩᠵᠢᠬᠦ ᠪᠡᠨ ᠪᠠᠶ᠋ᠢᠵᠤ ᠂ ᠥᠭᠡᠷᠡ ᠠᠶ᠋ᠢᠯ ᠊ᠢ ᠨᠡᠩᠵᠢᠷᠡ ᠣᠤᠠᠪᠠ ᠃
ᠨᠡᠩᠵᠢᠭᠦᠯ ᠦ᠋ᠨ ᠬᠥᠮᠦᠰ ᠬᠣᠯᠠ ᠶᠠᠪᠤᠭᠰᠠᠨ ᠪ ᠳᠠᠷᠠᠬ᠋ᠠ ᠂ ᠰᠤᠷᠬᠠᠨ ᠰᠢᠷᠠ ᠡᠪᠦᠭᠡᠨ ᠲᠡᠮᠦᠵᠢᠨ ᠊ᠢ ᠣᠩᠭᠠᠰᠤᠲᠦ ᠲᠡᠷᠭᠡᠨ ᠡᠴᠡ ᠪᠠᠭᠤᠯᠭᠠᠵᠤ ᠄
《 ᠨᠠᠮᠠ ᠶ᠋ᠢ ᠦᠨᠡᠰᠦ ᠪᠡᠷ ᠭᠡᠶ᠋ᠢᠰᠭᠡᠬᠦ ᠠᠯᠲᠠᠪᠠ ᠴᠢ ᠂ ᠣᠲᠣ ᠲᠦᠷᠭᠡᠨ ᠡᠬᠡ ᠪᠠ ᠳᠡᠭᠦᠦ ᠨᠡᠷ ᠶ᠋ᠢᠡᠨ ᠡᠷᠢᠨ ᠶᠠᠪᠤ 》 ᠭᠡᠵᠦ ᠲᠡᠭᠦᠨ ᠪ ᠠᠮᠠ ᠴᠠᠭᠠᠨ ᠡᠷᠡᠮᠡᠭ ᠬᠤᠯᠠᠭᠴᠢ ᠭᠡᠭᠦᠦ ᠪᠡᠨ ᠤᠨᠤᠭᠤᠯᠵᠤ ᠂ ᠳᠡᠯᠡᠭᠡ ᠬᠤᠷᠠᠬ᠋ᠠ ᠴᠢᠨᠠᠵᠤ ᠪᠠᠰᠠ ᠬᠦᠬᠦᠦᠷ ᠂ ᠨᠢᠭᠡ ᠨᠤᠮᠤ ᠬᠣᠶᠠᠷ ᠰᠤᠮᠤ ᠥᠭᠴᠦ ᠡᠮᠡᠭᠡᠯ ᠪᠠ ᠭᠡᠲᠡ ᠦᠭᠡᠢ ᠪᠡᠷ ᠶᠠᠪᠤᠭᠤᠯᠪᠠ ᠃
ᠲᠡᠮᠦᠵᠢᠨ ᠢᠩᠭᠢᠵᠦ ᠲᠠᠶ᠋ᠢᠴᠢᠭᠤᠳ ᠦ᠋ᠨ ᠭᠠᠷ ᠠ᠋ᠴᠠ ᠮᠤᠯᠲᠤᠷᠠᠪᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠰᠠᠷᠠᠨᠠ ᠂ ᠪᠤᠤ ᠿᠦᠩ ᠬᠤᠸᠠ ᠂ ᠪᠤᠤ ᠶ᠋ᠢᠨ ᠿᠦᠩ ᠂
ᠬᠠᠢ ᠶᠢᠩ ᠂ ᠪᠦᠷᠢᠨᠵᠢᠷᠭᠠᠯ ᠂ ᠡᠷᠲᠡᠨᠢ ᠃
ᠬᠢᠨᠠᠭᠴᠢ ᠪᠠᠭᠰᠢ ᠄ ᠮᠥᠴᠢᠷ