ᠵᠤᠯᠵᠠᠭᠠ ᠰᠠᠮᠵᠠ – ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠣᠩᠰᠢᠬᠣ ᠪᠢᠴᠢᠭ Зулзага самж – Бага сургуулийн унших бичиг
278ᠵᠤᠯᠵᠠᠭᠠ ᠰᠠᠮᠵᠠ
ᠨᠢᠭᠡᠨ ᠡᠲᠦᠷ ᠵᠤᠯᠵᠠᠬ᠋ᠠ ᠰᠠᠮᠵᠠ ᠠᠭᠤᠯᠠᠨ ᠠ᠋ᠴᠠ ᠪᠠᠭᠤᠭᠠᠳ ᠡᠷᠲᠡᠨᠢ ᠰᠢᠰᠢ ᠶ᠋ᠢᠨ ᠲᠠᠷᠢᠶᠠᠨ ᠳᠦ ᠣᠷᠣᠪᠠ ᠃ ᠤᠯᠠᠭᠠᠨ ᠵᠠᠯᠠᠬ᠋ᠠ ᠲᠠᠢ ᠪᠦᠲᠦᠭᠦᠨ ᠪᠦᠲᠦᠭᠦᠨ ᠡᠷᠲᠡᠨᠢ ᠰᠢᠰᠢ ᠶ᠋ᠢ ᠦᠵᠡᠭᠡᠳ ᠮᠠᠰᠢ ᠪᠠᠶᠠᠷᠯᠠᠵᠤ ᠂ ᠭᠠᠷ ᠦ᠋ᠨ ᠠᠶᠠ ᠪᠠᠷ ᠨᠢᠭᠡ ᠶ᠋ᠢ ᠬᠤᠭᠤᠯᠵᠤ ᠠᠪᠤᠭᠠᠳ ᠴᠠᠭᠠᠰᠢ ᠶᠠᠪᠤᠯᠠ ᠃
ᠵᠤᠯᠵᠠᠬ᠋ᠠ ᠰᠠᠮᠵᠠ ᠡᠷᠲᠡᠨᠢ ᠰᠢᠰᠢ ᠪᠡᠨ ᠠᠪᠤᠭᠠᠳ ᠶᠠᠪᠤᠭᠰᠠᠭᠠᠷ ᠲᠤᠭᠤᠷ ᠦ᠋ᠨ ᠰᠢᠭᠤᠢ ᠳᠦ ᠣᠷᠣᠪᠠ ᠃ ᠶᠠᠭᠰᠢᠷᠠᠲᠠᠯᠠ ᠰᠠᠭᠤᠭᠰᠠᠨ ᠤᠯᠠᠭᠠᠨ ᠲᠤᠭᠤᠷ ᠦ᠋ᠳ ᠊ᠢ ᠦᠵᠡᠭᠡᠳ ᠶᠡᠬᠡ ᠯᠡ ᠬᠦᠭᠰᠡᠨ ᠪᠠᠶᠠᠷᠯᠠᠵᠤ ①᠂ ᠡᠷᠲᠡᠨᠢ ᠰᠢᠰᠢ ᠪᠡᠨ ᠰᠢᠲᠡᠭᠡᠳ ᠲᠤᠭᠤᠷ ᠲᠡᠭᠦᠪᠡ ᠃
ᠵᠤᠯᠵᠠᠬ᠋ᠠ ᠰᠠᠮᠵᠠ ᠲᠤᠭᠤᠷ ᠶ᠋ᠢᠠᠨ ᠲᠡᠪᠡᠷᠢᠭᠰᠡᠭᠡᠷ ᠲᠠᠷᠪᠤᠰ ᠦ᠋ᠨ ᠲᠠᠷᠢᠶᠠᠨ ᠳᠦ ᠬᠦᠷᠪᠡ ᠃ ᠭᠠᠵᠠᠷ ᠰᠠᠢ ᠦᠭᠡᠢ ② ᠰᠠᠭᠤᠭᠰᠠᠨ ᠲᠣᠮᠣ ᠲᠠᠷᠪᠤᠰ ᠊ᠢ ᠦᠵᠡᠭᠡᠳ ᠨᠢᠭᠡᠮᠦᠰᠦᠨ ᠬᠥᠭᠡᠷᠴᠦ ᠂ ᠲᠤᠭᠤᠷ ᠶ᠋ᠢᠠᠨ ᠰᠢᠲᠡᠭᠡᠳ ᠲᠠᠷᠪᠤᠰ ᠊ᠢ ᠠᠪᠤᠯᠠ ᠃
ᠵᠤᠯᠵᠠᠬ᠋ᠠ ᠰᠠᠮᠵᠠ ᠨᠢᠭᠡ ᠯᠡ ᠲᠠᠷᠪᠤᠰ ᠲᠡᠪᠡᠷᠢᠭᠰᠡᠭᠡᠷ ᠪᠤᠴᠠᠪᠠ ᠃ ᠵᠠᠮ ᠵᠠᠭᠤᠷᠠ ᠪᠥᠵᠥᠩ ᠳᠣᠬᠢᠶᠠᠯᠳᠤᠪᠠ ᠃ ᠪᠥᠵᠥᠩ ᠳᠡᠭᠳᠡᠨ ᠬᠠᠷᠠᠶ᠋ᠢᠵᠤ ᠳᠠᠩᠴᠤ ᠬᠥᠭᠡᠷᠦᠬᠦᠨ ᠬᠠᠷᠠᠭᠲᠠᠪᠠ ᠃ ᠵᠤᠯᠵᠠᠬ᠋ᠠ ᠰᠠᠮᠵᠠ ᠲᠤᠶ᠋ᠢᠯ ᠶ᠋ᠢᠠᠷ ᠪᠠᠶᠠᠷᠯᠠᠵᠤ ᠂ ᠲᠠᠷᠪᠤᠰ ᠶ᠋ᠢᠠᠨ ᠰᠢᠲᠡᠭᠡᠳ ᠪᠥᠵᠥᠩ ᠶ᠋ᠢᠡᠨ ᠬᠥᠭᠡᠭᠡᠯᠡ ᠃
ᠪᠥᠵᠥᠩ ᠰᠢᠭᠤᠢ ᠳᠦ ᠣᠷᠣᠵᠣ ᠠᠯᠠᠬ᠋ᠠ ᠪᠣᠯᠪᠠ ᠃ ᠵᠤᠯᠵᠠᠬ᠋ᠠ ᠰᠠᠮᠵᠠ ᠠᠷᠬ᠋ᠠ ᠪᠣᠰᠣ ᠭᠠᠷ ᠬᠣᠭᠣᠰᠣᠨ ᠭᠡᠷ ᠲᠦ ᠪᠡᠨ ᠬᠠᠷᠢᠵᠠᠢ ᠃
① ᠭᠦᠭᠰᠡᠨ ᠪᠠᠶᠠᠷᠯᠠᠬᠤ — ᠮᠠᠰᠢᠲᠠ ᠪᠠᠶᠠᠷᠯᠠᠬᠤ
② ᠭᠠᠵᠠᠷ ᠰᠠᠢ ᠦᠭᠡᠢ — ᠲᠣᠩ ᠣᠯᠠᠨ ᠂ ᠭᠠᠵᠠᠷ ᠪᠣᠯᠭᠠᠨ ᠳᠦ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ — ᠮᠢᠩᠭᠠᠳ ᠂ ᠴᠢᠮᠡᠭ
ᠬᠢᠨᠠᠭᠴᠢ ᠄ ᠤᠷᠠᠨᠠ