ᠠᠷᠪᠠᠨ ᠬᠣᠶᠠᠷ ᠵᠢᠯ ᠦᠨ ᠮᠠᠭᠲᠠᠭᠠᠯ Арван хоёр жилийн магтаал
438ᠠᠷᠪᠠᠨ ᠬᠣᠶᠠᠷ ᠵᠢᠯ ᠦᠨ ᠮᠠᠭᠲᠠᠭᠠᠯ
ᠠᠯᠲᠠᠨ ᠳᠡᠯᠡᠬᠡᠢ ᠳᠦ ᠨᠦᠬᠡ ᠲᠡᠢ
ᠠᠮᠤ ᠦᠷᠡ ᠶ᠋ᠢᠨ ᠢᠲᠡᠰᠢ ᠲᠡᠢ
ᠠᠤᠠᠬᠤ ᠶ᠋ᠢᠨ ᠴᠢᠨᠡᠭᠡ ᠪᠡᠶᠡ ᠲᠡᠢ
ᠠᠮᠠ ᠴᠠᠭᠠᠨ ᠬᠤᠯᠤᠭᠠᠨᠠ ᠵᠢᠯ ᠃
ᠠᠪᠤᠷᠭᠤ ᠬᠣᠶᠠᠷ ᠡᠪᠡᠷ ᠲᠡᠢ
ᠠᠷᠠᠯ ᠳᠦᠭᠦᠷᠡᠩ ᠪᠡᠶᠡ ᠲᠡᠢ
ᠠᠷᠰᠯᠠᠨ ᠵᠠᠭᠠᠨ ᠪ ᠴᠢᠲᠠᠯ ᠲᠠᠢ
ᠠᠴᠢ ᠶᠡᠬᠡᠲᠡᠢ ᠦᠬᠡᠷ ᠵᠢᠯ ᠃
ᠠᠭᠤᠯᠠ ᠮᠤᠲᠤᠨ ᠳᠦ ᠨᠤᠲᠤᠭ ᠲᠠᠢ
ᠠᠷᠪᠠᠨ ᠪᠤᠬᠠ ᠶ᠋ᠢᠨ ᠢᠲᠡ ᠲᠡᠢ
ᠠᠮᠢᠲᠠᠨ ᠪᠥᠬᠥᠨ ᠊ᠢ ᠠᠶᠤᠯᠭᠠᠲᠠᠭ
ᠠᠭᠤᠷ ᠶᠡᠬᠡᠲᠡᠢ ᠪᠠᠷᠰ ᠵᠢᠯ ᠃
ᠪᠤᠲᠠ ᠪᠤᠷᠭᠠᠰᠤᠨ ᠳᠦ ᠬᠡᠪᠲᠡᠷᠢ ᠲᠡᠢ
ᠪᠤᠭᠤᠷᠤᠯ ᠰᠠᠭᠠᠷᠠᠯ ᠵᠢᠰᠦ ᠲᠡᠢ
ᠪᠣᠰᠣᠬ᠋ᠠ ᠬᠣᠶᠠᠷ ᠴᠢᠬᠢ ᠲᠡᠢ
ᠪᠣᠰᠣᠨ ᠬᠠᠷᠠᠶ᠋ᠢᠲᠠᠭ ᠲᠠᠤᠯᠠᠢ ᠵᠢᠯ ᠃
ᠠᠭᠠᠷ ᠲᠩᠷᠢ ᠳᠦ ᠨᠤᠲᠤᠭ ᠲᠠᠢ
ᠠᠶᠤᠩᠬ᠋ᠠ ᠡᠭᠦᠯᠡ ᠶ᠋ᠢᠨ ᠬᠥᠯᠥᠭ ᠲᠡᠢ
ᠠᠷᠪᠠᠨ ᠨᠠᠢ᠍ᠮᠠᠨ ᠣᠪᠢᠲᠠᠰ ᠲᠠᠢ
ᠠᠪᠤᠷᠭᠤ ᠳᠠᠭᠤᠨ ᠲᠠᠢ ᠯᠤᠤ ᠵᠢᠯ ᠃
ᠠᠭᠤᠯᠠ ᠶ᠋ᠢᠨ ᠬᠠᠵᠠᠭᠤ ᠳᠦ ᠬᠡᠪᠲᠡᠰᠢ ᠲᠡᠢ
ᠤᠷᠲᠤ ᠳᠡᠭᠡᠰᠦᠨ ᠪᠡᠶᠡ ᠲᠡᠢ
ᠤᠯᠤᠰ ᠪᠦᠬᠦᠨ ᠊ᠢ ᠰᠢᠷ ᠬᠢᠯᠭᠡᠳᠡᠭ
ᠤᠷᠠᠨ ᠬᠡᠯᠡ ᠲᠡᠢ ᠮᠣᠭᠠᠢ ᠵᠢᠯ ᠃
ᠠᠯᠤᠰ ᠭᠠᠵᠠᠷ ᠭᠦᠶᠦᠲᠡᠯ ᠲᠡᠢ
ᠠᠲᠠᠷ ᠬᠡᠭᠡᠷᠡ ᠨᠤᠲᠤᠭ ᠲᠠᠢ
ᠠᠶᠠᠨ ᠵᠠᠮ ᠳᠦ ᠳᠦᠰᠢᠭ ᠲᠡᠢ
ᠠᠤᠬ᠋ᠠ ᠬᠦᠴᠦᠲᠦ ᠮᠣᠷᠢᠨ ᠵᠢᠯ ᠃
ᠳᠤᠭᠤᠢ ᠰᠠᠶ᠋ᠢᠬᠠᠨ ᠰᠡᠭᠦᠯ ᠲᠡᠢ
ᠳᠤᠭᠤᠷᠠᠭ ᠬᠣᠶᠠᠷ ᠡᠪᠡᠷ ᠲᠡᠢ
ᠳᠤᠩ ᠴᠠᠭᠠᠨ ᠨᠣᠣᠰᠣ ᠲᠠᠢ
ᠳᠤᠷᠠᠰᠬᠠᠯ ᠰᠠᠶ᠋ᠢᠬᠠᠨ ᠬᠣᠨᠢᠨ ᠵᠢᠯ ᠃
ᠬᠦᠷᠡᠩ ᠤᠯᠠᠭᠠᠨ ᠵᠢᠰᠦ ᠲᠡᠢ
ᠬᠥᠮᠦᠨ ᠠᠲᠠᠯᠢ ᠠᠭᠠᠰᠢ ᠲᠠᠢ
ᠬᠦᠪᠴᠢ ᠣᠢ ᠪᠠᠷ ᠬᠠᠷᠠᠶ᠋ᠢᠯᠠᠲᠠᠭ
ᠬᠦᠩᠭᠡᠨ ᠱᠠᠯᠠᠮᠠᠭᠠᠢ ᠪᠡᠴᠢᠨ ᠵᠢᠯ ᠃
ᠴᠠᠪ ᠴᠠᠭᠠᠨ ᠪᠡᠶᠡ ᠲᠡᠢ
ᠴᠠᠭᠠᠨ ᠤᠯᠠᠭᠠᠨ ᠵᠢᠰᠦ ᠲᠡᠢ
ᠴᠠᠭ ᠴᠠᠭ ᠲᠤ ᠪᠠᠨ ᠳᠤᠤᠭᠠᠷᠳᠠᠭ
ᠴᠠᠭ ᠊ᠢ ᠮᠡᠳᠡᠭᠡᠯᠡᠳᠡᠭ ᠳᠠᠬᠢᠶᠠ ᠵᠢᠯ ᠃
ᠬᠦᠪ ᠬᠠᠪ ᠳᠠᠭᠤᠨ ᠲᠠᠢ
ᠬᠣᠲᠠ ᠬᠣᠷᠣᠬ᠋ᠠ ᠪᠠᠨ ᠮᠠᠨᠠᠲᠠᠭ
ᠬᠦᠮᠦᠨ ᠪ ᠥᠪᠡᠷ ᠦ᠋ᠨ ᠬᠢᠨ ᠊ᠢ ᠢᠯᠭᠠᠲᠠᠭ
ᠬᠤᠲᠠᠴᠢ ᠰᠠᠶ᠋ᠢᠬᠠᠨ ᠨᠣᠬᠠᠢ ᠵᠢᠯ ᠃
ᠬᠦ᠋ ᠬᠠᠷᠠ ᠪᠡᠶᠡ ᠲᠡᠢ
ᠬᠣᠷᠴᠢᠭᠢᠨᠠᠬᠤ ᠰᠣᠨᠢᠨ ᠳᠠᠭᠤᠨ ᠲᠠᠢ
ᠬᠦᠷᠦᠰᠦᠲᠦ ᠭᠠᠵᠠᠷ ᠊ᠢ ᠤᠷᠪᠠᠭᠤᠯᠬᠤ
ᠬᠦᠴᠦ ᠶᠡᠬᠡᠲᠡᠢ ᠭᠠᠬᠠᠢ ᠵᠢᠯ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ — ᠮᠢᠩᠭᠠᠳ ᠂ ᠴᠢᠮᠡᠭ
ᠬᠢᠨᠠᠭᠴᠢ ᠄ ᠤᠷᠠᠨᠠ