ᠵᠦᠢᠷ ᠰᠡᠴᠡᠨ ᠦᠭᠡ – ᠡ ᠶ᠋ᠢᠨ ᠠᠢᠮᠠᠭ Зүйр цэцэн үг – Ээний аймаг
1492ᠡ ᠶ᠋ᠢᠨ ᠠᠢᠮᠠᠭ
ᠡᠷᠬᠡ ᠶ᠋ᠢ ᠰᠤᠷᠬᠤ ᠠ᠋ᠴᠠ
ᠪᠡᠷᠬᠡ ᠶ᠋ᠢ ᠰᠤᠷ᠃
ᠡᠳ᠋ ᠢ᠋ᠶ᠋ᠡᠷ ᠪᠡᠶᠡ ᠪᠡᠨ ᠴᠢᠮᠡᠭᠰᠡᠨ ᠡᠴᠡ
ᠡᠷᠳᠡ ᠢᠶ᠋ᠠᠷ ᠪᠡᠶᠡ ᠪᠡᠨ ᠴᠢᠮᠡ᠃
ᠡᠷᠭᠢ ᠰᠢᠭ ᠡᠮᠲᠡᠷᠡᠬᠦ ᠡᠴᠡ
ᠬᠠᠳᠠ ᠰᠢᠭ᠋ ᠬᠠᠭᠠᠷᠠᠪᠠᠯ ᠳᠡᠭᠡᠷᠡ᠃
ᠠ᠋ ᠭᠡᠪᠡᠯ ᠠ ᠦᠭᠡᠢ
ᠡᠯᠵᠢᠭᠡ ᠭᠡᠪᠡᠯ ᠳᠤᠳᠠᠷᠠᠢ ᠦᠭᠡᠢ᠃
ᠡᠭᠦᠯᠡ ᠭᠠᠷᠪᠠᠯ ᠪᠣᠷᠣᠭᠠᠨ ᠲᠠᠢ
ᠦᠯᠢᠭᠡᠷ ᠭᠠᠷᠪᠠᠯ ᠰᠠᠯᠠᠭᠠ ᠲᠠᠢ᠃
ᠡᠵᠡᠨ ᠦᠭᠡᠢ ᠭᠠᠵᠠᠷ
ᠥᠮᠥᠳᠥ ᠦᠭᠡᠢ ᠬᠠᠭᠠᠨ᠃
ᠡᠯᠵᠢᠭᠡ ᠬᠦᠨᠳᠦ ᠳ᠋ᠡᠭᠡᠨ ᠵᠢᠷᠣᠭᠠ᠃
ᠡᠯᠵᠢᠭᠡᠨ ᠴᠢᠬᠢᠨ ᠳ᠋ᠦ᠍
ᠠᠯᠲᠠ ᠬᠢᠪᠡᠴᠦ ᠰᠠᠵᠢᠨᠠ
ᠠᠷᠭᠠᠯ ᠬᠢᠪᠡᠴᠦ ᠰᠡᠵᠢᠨᠡ᠃
ᠡᠷᠭᠢᠭᠦᠦ ᠰᠢᠳᠠᠮ
ᠡᠵᠡᠨ ᠳ᠋ᠡᠭᠡᠨ᠃
ᠡᠬᠡ ᠡᠴᠢᠭᠡ ᠶ᠋ᠢᠨ ᠨᠢᠭᠤᠷ
ᠦᠷᠡ ᠬᠡᠦᠬᠡᠳ ᠦ᠋ᠨ ᠴᠢᠷᠮᠠᠢᠯᠭᠠ᠃
ᠡᠭᠦᠳᠡ ᠮᠠᠨᠠᠬᠤ ᠬᠦᠦ ᠲᠡᠢ
ᠤᠷᠤᠭ ᠲᠡᠯᠡᠬᠦ ᠬᠡᠦᠬᠡᠨ ᠲᠡᠢ᠃
ᠡᠭᠦᠯᠡ ᠪᠦᠷᠬᠦᠭ ᠪᠣᠯ ᠪᠣᠷᠣᠭᠠ ᠲᠠᠢ
ᠡᠪᠡᠳᠴᠢᠨ ᠶᠡᠬᠡ ᠪᠣᠯ ᠦᠬᠦᠯ ᠲᠡᠢ᠃
ᠡᠭᠦᠯᠡ ᠶᠡᠬᠡᠲᠦ ᠪᠣᠷᠣᠭᠠ ᠦᠭᠡᠢ
ᠡᠭᠦᠳᠡ ᠰᠠᠢᠲᠤ ᠬᠣᠪ ᠦᠭᠡᠢ᠃
ᠡᠭᠦᠯᠡ ᠮᠠᠨᠠᠨ ᠰᠠᠯᠬᠢ ᠳᠠᠭᠠᠭᠠᠬᠤ ᠦᠭᠡᠢ
ᠥᠷᠯᠥᠭᠡᠨ ᠰᠢᠭᠦᠳᠡᠷᠢ ᠨᠠᠷᠠ ᠳᠠᠭᠠᠭᠠᠬᠤ ᠦᠭᠡᠢ᠃
ᠡᠭᠦᠯᠡ ᠨᠠᠷᠠ ᠶ᠋ᠢ ᠬᠠᠭᠠᠬᠤ
ᠦᠢᠯᠡ ᠶ᠋ᠢᠨ ᠦᠷᠡ ᠪᠤᠶᠠᠨ ᠢ᠋ ᠬᠠᠭᠠᠬᠤ᠃
ᠡᠭᠦᠯᠡ ᠬᠤᠷᠠᠯᠳᠤᠪᠠᠯ ᠬᠤᠷᠠ
ᠬᠥᠮᠦᠨ ᠬᠤᠷᠠᠯᠳᠤᠪᠠᠯ ᠬᠦᠴᠦ᠃
ᠡᠭᠦᠯᠡ ᠦᠭᠡᠢ ᠡᠳᠦᠷ ᠴᠡᠯᠮᠡᠭ
ᠡᠪᠡᠳᠴᠢᠨ ᠦᠭᠡᠢ ᠪᠡᠶᠡ ᠰᠠᠷᠠᠭᠤᠯᠬᠠᠨ᠃
ᠡᠭᠦᠯᠡᠨ ᠡᠴᠡ ᠪᠣᠷᠣᠭᠠ ᠣᠷᠣᠨᠠ
ᠦᠨᠡᠨ ᠡᠴᠡ ᠵᠣᠷᠢᠭ ᠭᠠᠷᠤᠨᠠ᠃
ᠡᠭᠦᠯᠡ ᠲᠡᠢ ᠵᠤᠨ ᠡᠪᠡᠰᠦᠨ ᠳ᠋ᠦ᠍ ᠰᠠᠢᠨ
ᠨᠠᠷᠠ ᠲᠠᠢ ᠡᠳᠦᠷ ᠨᠠᠮᠤᠷ ᠲᠠᠭᠠᠨ ᠰᠠᠢᠨ ᠃
ᠡᠪᠡᠷ ᠰᠢᠭᠠᠪᠠᠯ ᠮᠠᠯ
ᠰᠡᠭᠦᠯ ᠰᠢᠭᠠᠪᠠᠯ ᠡᠯᠵᠢᠭᠡ᠃
ᠡᠷᠡᠯᠬᠡᠭ ᠪᠠᠭᠠᠲᠤᠷ ᠠ᠋ᠴᠠ
ᠡᠷᠳᠡᠮ ᠤᠬᠠᠭᠠᠨ ᠲᠠᠢ ᠨᠢ ᠳᠡᠭᠡᠷᠡ᠃
ᠡᠪᠡᠷ ᠦᠭᠡᠢ ᠮᠠᠯ
ᠰᠡᠭᠦᠯ ᠦᠭᠡᠢ ᠡᠯᠵᠢᠭᠡ᠃
ᠡᠷᠡ ᠬᠥᠮᠦᠨ ᠬᠡᠯᠡᠭᠰᠡᠨ ᠳ᠋ᠡᠭᠡᠨ
ᠡᠷᠡ ᠮᠣᠷᠢ ᠬᠠᠷᠠᠢᠭᠰᠠᠨ ᠳ᠋ᠠᠭᠠᠨ᠃
ᠡᠬᠡᠨᠡᠷ ᠡᠴᠡ ᠪᠠᠨ ᠣᠨᠳᠣᠣ
ᠬᠥᠮᠦᠨ ᠢ ᠲᠠᠨᠢᠬᠤ ᠦᠭᠡᠢ
ᠡᠮᠡᠭᠡᠯ ᠡᠴᠡ ᠪᠡᠨ ᠥᠨᠳᠥᠷ
ᠳᠠᠪᠠᠭᠠ ᠶ᠋ᠢ ᠳᠠᠪᠠᠭᠠ ᠦᠭᠡᠢ᠃
ᠡᠷᠦᠬᠡ ᠳ᠋ᠦ᠍ ᠡᠬᠡᠨᠡᠷ ᠦᠭᠡᠢ ᠪᠣᠯᠪᠠᠰᠤ
ᠴᠢᠮᠡᠭ ᠳᠠᠷᠤᠭᠳᠠᠮᠤᠢ
ᠡᠷᠦᠬᠡ ᠳ᠋ᠦ᠍ ᠡᠷᠡ ᠦᠭᠡᠢ ᠪᠣᠯᠪᠠᠰᠤ
ᠰᠦᠷ ᠳᠠᠷᠤᠭᠳᠠᠮᠤᠢ᠃
ᠡᠳᠦᠷ ᠤᠨ ᠪᠣᠳᠣᠯ
ᠰᠥᠨᠢ ᠶ᠋ᠢᠨ ᠵᠡᠭᠦᠳᠦ᠃
ᠲᠩᠷᠢ ᠂ ᠡᠵᠢ ᠦᠰᠦᠭ ᠠᠮᠢᠯᠠᠭᠤᠯᠪᠠ
ᠬᠢᠨᠠᠭᠴᠢ ᠄ ᠴᠣᠯᠮᠣᠨᠲᠤᠶᠠᠭᠠ ᠪᠠᠭᠰᠢ