ᠳᠠᠭᠠᠷᠢᠯᠴᠠᠭᠠ-ᠵᠠ ᠣᠳᠣ ᠬᠥᠭᠡᠷᠬᠦ ᠨᠢ ᠳᠡ ! ᠡ ᠬᠡ ᠬᠡ-ᠵᠢᠷᠭᠠᠯ ᠤᠨ ᠡᠷᠳᠡᠨᠢᠳᠠᠯᠠᠢ᠂ ᠪᠢᠮᠪᠠᠰᠦ᠋ᠬᠡ ᠶᠢᠨ ᠣᠳᠣᠨᠭᠡᠷᠡᠯЖаа од хөөрөх нь да ! өө гэ гэ-Дайралцаа-Жаргалын Эрдэнэдалай, Бямбасүхийн Одонгэрэл
1047ᠳᠠᠭᠠᠷᠢᠯᠴᠠᠭᠠ-ᠵᠠ ᠣᠳᠣ ᠬᠥᠭᠡᠷᠬᠦ ᠨᠢ ᠳᠡ ! ᠡ ᠬᠡ ᠬᠡ
ᠵᠠ —
ᠨᠢᠳᠦᠨ ᠳ᠋ᠦ᠍ ᠪᠡᠨ ᠭᠠᠯ ᠲᠠᠢ
ᠨᠢᠭᠤᠷ ᠲᠤ᠌ ᠪᠠᠨ ᠴᠣᠭ ᠲᠠᠢ
ᠬᠡᠨ ᠭᠡᠭᠴᠢ ᠬᠡᠨ ᠦ᠌ ᠬᠦᠦ ᠪᠣᠢ ?
ᠬᠡᠳᠦ ᠨᠤᠲᠤᠭ ᠬᠠᠮᠢᠭᠠ ?
ᠬᠡᠷᠡᠭ ᠵᠣᠷᠢᠭ ᠶᠠᠭᠤᠨ ᠳ᠋ᠤ᠌ ᠪᠣᠢ ?
ᠵᠠ —
ᠳᠣᠷᠣᠭᠣ ᠪᠠᠨᠳᠢ ᠶ᠋ᠢᠨ ᠤᠳᠤᠮ ᠂
ᠲᠣᠭᠣᠰ ᠱᠦᠯᠲᠦᠮ ᠦ᠋ᠨ ᠵᠢᠭᠡ
ᠰᠡᠴᠡᠨ ᠬᠠᠨ ᠠᠶ᠋ᠢᠮᠠᠭ ᠤ᠋ᠨ ᠵᠦᠮᠪᠦᠷ ᠠᠭᠤᠯᠠ ᠶ᠋ᠢᠨ
ᠰᠦᠮᠪᠦᠷᠠᠠᠭᠤᠯᠠ ᠭᠡᠭᠴᠢ ᠪᠢ ᠪᠠᠶ᠋ᠢᠨᠠ ᠃
ᠠᠨᠳᠠ ᠶ᠋ᠢᠨ ᠠᠯᠳᠠᠷ ᠊ᠢ ᠰᠣᠨᠣᠰᠤᠶᠠ !
ᠵᠠ —
ᠴᠠᠰᠤᠲᠤ ᠠᠯᠲᠠᠢ ᠪᠠᠷ ᠨᠤᠲᠤᠭ ᠲᠠᠢ
ᠴᠠᠬᠢᠭᠤᠷ ᠲᠡᠮᠦᠷ ᠦ᠋ᠨ ᠤᠳᠤᠮ ᠲᠠᠢ
ᠵᠠᠰᠠᠭᠲᠤ ᠬᠠᠨ ᠠᠶ᠋ᠢᠮᠠᠭ ᠤ᠋ᠨ ᠴᠠᠰᠤᠲᠤ ᠠᠭᠤᠯᠠ ᠶ᠋ᠢᠨ
ᠴᠠᠭᠠᠨᠪᠠᠷᠰ ᠭᠡᠭᠴᠢ ᠪᠢ ᠪᠠᠶ᠋ᠢᠨᠠ ᠃
ᠰᠠᠨᠠᠭᠠ ᠪᠣᠳᠣᠯ ᠊ᠢ ᠴᠢᠨᠢ ᠰᠣᠨᠣᠰᠬᠤ ᠤᠤ ?
ᠰᠠᠢᠨ ᠡᠷᠡ ᠶ᠋ᠢᠨ ᠰᠢᠨᠵᠢ ᠲᠡᠢ ᠪᠢᠰᠢ ᠭᠡᠮᠡᠷ ᠬᠦ᠌ !
ᠳᠠᠭᠠᠷᠢᠯᠴᠠᠬᠤ ᠤᠤ ? ᠳᠠᠭᠠᠷᠢᠯᠴᠠᠶᠠ !
ᠬᠡᠯᠡᠯᠴᠡᠬᠦ ᠦᠦ ? ᠬᠡᠯᠡᠯᠴᠡᠶᠡ !
ᠵᠠ — ᠬᠦᠦ ᠮᠢᠨᠢ ᠲᠡᠶ᠋ᠢᠮᠦ ᠦᠦ ᠳᠡ !
ᠬᠥᠶᠢ ᠂ ᠴᠢ ᠬᠦᠯᠢᠶᠡᠵᠦ ᠪᠠᠢ !
ᠬᠥᠮᠦᠨ ᠦ᠌ ᠬᠡᠯᠡᠬᠦ ᠶ᠋ᠢ ᠰᠣᠨᠣᠰᠴᠤ ᠪᠠᠢ !
ᠠᠢ ᠂ ᠴᠢ ᠠᠶᠠᠳᠠᠵᠤ ᠪᠠᠢ !
ᠠᠬᠠ ᠶ᠋ᠢᠨ ᠢ᠋ᠶ᠋ᠡᠨ ᠬᠡᠯᠡᠬᠦ ᠶ᠋ᠢ ᠰᠣᠨᠣᠰᠴᠤ ᠪᠠᠢ !
ᠳᠠᠭᠠᠷᠢᠯᠴᠠᠪᠠᠯ ᠳᠠᠭᠠᠷᠢᠯᠴᠠᠶᠠ !
ᠳᠠᠯᠢᠩ ᠬᠥᠭᠡᠷᠭᠡ ᠪᠡᠨ ᠲᠠᠯᠪᠢᠯᠴᠠᠶᠠ !
ᠬᠡᠯᠡᠯᠴᠡᠪᠡᠯ ᠬᠡᠯᠡᠯᠴᠡᠶᠡ !
ᠬᠡᠲᠡ ᠬᠢᠲᠤᠭᠠ ᠪᠠᠨ ᠬᠠᠪᠢᠷᠤᠯᠴᠠᠶᠠ !
ᠵᠠ — ᠬᠦᠦ ᠮᠢᠨᠢ ᠲᠡᠶ᠋ᠢᠮᠦ ᠦᠦ ᠳᠡ !
ᠪᠠᠷᠠᠭᠤᠨ ᠭᠣᠣᠯ ᠨᠢ ᠦᠶᠡᠷᠯᠡᠵᠡᠢ
ᠪᠠᠨᠰᠠ ᠪᠠᠷ ᠬᠥᠭᠥᠷᠭᠡ ᠲᠠᠯᠪᠢᠶᠠ !
ᠪᠠᠭᠠ ᠳᠡᠭᠦᠦ ᠮᠢᠨᠢ ᠢᠷᠡᠭᠰᠡᠨ ᠲᠤᠯᠠ
ᠰᠢᠯᠦᠭ ᠢ᠋ᠶ᠋ᠡᠷ ᠬᠥᠭᠥᠷᠭᠡ ᠲᠠᠯᠪᠢᠶᠠ !
ᠵᠡᠭᠦᠨ ᠭᠣᠣᠯ ᠨᠢ ᠦᠶᠡᠷᠯᠡᠵᠡᠢ
ᠵᠦᠩ ᠢ᠋ᠶ᠋ᠡᠷ ᠬᠥᠭᠥᠷᠭᠡ ᠲᠠᠯᠪᠢᠶᠠ !
ᠵᠦᠢᠲᠡᠢ ᠳᠡᠭᠦᠦ ᠮᠢᠨᠢ ᠢᠷᠡᠭᠰᠡᠨ ᠲᠤᠯᠠ
ᠰᠢᠯᠦᠭ ᠦ᠋ᠨ ᠬᠥᠭᠥᠷᠭᠡ ᠲᠠᠯᠪᠢᠶᠠ !
ᠵᠤᠷᠠᠮᠠ ᠶ᠋ᠢᠨ ᠲᠠᠨᠢ ᠨᠦᠬᠡᠨ ᠳ᠋ᠦ᠍ ᠨᠢ
ᠵᠢᠷᠭᠤᠭᠠᠨ ᠰᠠᠯᠠᠭᠠ ᠪᠠᠶ᠋ᠢᠨᠠ ᠤᠤ ᠳᠠ ?
ᠵᠤᠯᠵᠠᠭᠠᠨ ᠴᠢᠨᠡᠭᠡ ᠴᠡᠭᠡᠵᠢᠨ ᠳ᠋ᠦ᠍ ᠨᠢ
ᠵᠢᠷᠭᠤᠭᠠᠨ ᠰᠢᠯᠦᠭ ᠪᠠᠶ᠋ᠢᠨᠠ ᠤᠤ ᠳᠠ ?
ᠠᠯᠠᠭᠳᠠᠭᠠ ᠶ᠋ᠢᠨ ᠨᠦᠬᠡᠨ ᠳ᠋ᠦ᠍ ᠨᠢ
ᠠᠷᠪᠠᠨ ᠰᠠᠯᠠᠭᠠ ᠪᠠᠶ᠋ᠢᠨᠠ ᠤᠤ ᠳᠠ ?
ᠠᠲᠤᠭᠠᠷ ᠴᠢᠨᠦ ᠴᠡᠭᠡᠵᠢᠨ ᠳ᠋ᠦ᠍ ᠨᠢ
ᠠᠷᠪᠠᠨ ᠰᠢᠯᠦᠭ ᠪᠠᠶ᠋ᠢᠨᠠ ᠤᠤ ᠳᠠ ?
ᠵᠠ — ᠬᠦᠦ ᠮᠢᠨᠢ ᠲᠡᠶ᠋ᠢᠮᠦ ᠦᠦ ᠳᠡ !
ᠰᠠᠷᠠ ᠶ᠋ᠢ ᠬᠠᠷᠪᠤᠭᠠᠳ ᠠᠯᠳᠠᠪᠠᠯ
ᠰᠠᠭᠠᠳᠠᠭ ᠪᠠᠷᠢᠭᠠᠳ ᠶᠠᠭᠤ ᠬᠢᠨᠡ ?
ᠴᠢᠮᠠ ᠲᠠᠢ ᠬᠡᠯᠡᠯᠴᠡᠭᠡᠳ ᠭᠠᠷᠲᠠᠬᠤ ᠶᠤᠮ ᠪᠣᠯ
ᠰᠢᠯᠦᠭ ᠬᠣᠯᠪᠣᠭᠠᠳ ᠶᠠᠭᠤ ᠬᠢᠨᠡ ?
ᠮᠡᠯᠡᠬᠡᠢ ᠬᠠᠷᠪᠤᠭᠠᠳ ᠠᠯᠳᠠᠪᠠᠯ ᠳᠠ
ᠮᠡᠷᠭᠡᠨ ᠳ᠋ᠦ᠍ ᠣᠷᠣᠭᠠᠳ ᠶᠠᠭᠤ ᠬᠢᠨᠡ ?
ᠮᠥᠨᠥᠬᠡᠨ ᠴᠢᠮᠠ ᠳ᠋ᠤ᠌ ᠭᠠᠷᠲᠠᠪᠠᠯ ᠬᠥ᠋
ᠰᠢᠯᠦᠭ ᠬᠣᠯᠪᠣᠭᠠᠳ ᠶᠠᠭᠤ ᠬᠢᠨᠡ ?
ᠠᠷᠪᠠᠨ ᠲᠠᠪᠤᠨ ᠤ᠋ ᠰᠠᠷᠠ ᠶ᠋ᠢ ᠨᠢ
ᠠᠷᠤ ᠳᠡᠭᠡᠷᠡ ᠭᠠᠷᠲᠠᠯᠠ ᠬᠡᠯᠡᠯᠴᠡᠶᠡ !
ᠠᠳᠤᠭᠤ ᠦᠬᠡᠷ ᠬᠣᠶᠠᠷ ᠊ᠢ ᠨᠢ
ᠪᠡᠯᠴᠢᠭᠡᠷ ᠲᠦ᠍ ᠭᠠᠷᠲᠠᠯᠠ ᠬᠡᠯᠡᠯᠴᠡᠶᠡ !
ᠬᠣᠷᠢᠨ ᠲᠠᠪᠤᠨ ᠤ᠋ ᠰᠠᠷᠠ ᠶ᠋ᠢ ᠨᠢ
ᠬᠣᠶ᠋ᠢᠲᠤ ᠳᠡᠭᠡᠷᠡ ᠭᠠᠷᠲᠠᠯᠠ ᠬᠡᠯᠡᠯᠴᠡᠶᠡ !
ᠬᠣᠨᠢ ᠢᠮᠠᠭᠠ ᠬᠣᠶᠠᠷ ᠊ᠢ ᠪᠡᠨ
ᠪᠡᠯᠴᠢᠭᠡᠷ ᠲᠦ᠍ ᠭᠠᠷᠲᠠᠯᠠ ᠬᠡᠯᠡᠯᠴᠡᠶᠡ !
ᠵᠠ — ᠬᠦᠦ ᠮᠢᠨᠢ ᠲᠡᠶ᠋ᠢᠮᠦ ᠦᠦ ᠳᠡ !
ᠭᠦᠨ ᠨᠠᠭᠤᠷ ᠤ᠋ᠨ ᠤᠰᠤᠨ ᠳ᠋ᠤ᠌ ᠨᠢ
ᠭᠥᠯᠢᠮ ᠦ᠋ᠨ ᠦᠵᠦᠭᠦᠷ ᠠᠪᠲᠠᠭᠠ ᠦᠭᠡᠢ
ᠭᠦᠶᠦᠭᠡᠳ ᠢᠷᠡᠭᠰᠡᠨ ᠴᠢᠮᠠ ᠮᠠᠭᠤ ᠳ᠋ᠤ᠌
ᠰᠢᠯᠦᠭ ᠦ᠋ᠨ ᠦᠵᠦᠭᠦᠷ ᠠᠪᠲᠠᠭᠠ ᠦᠭᠡᠢ
ᠲᠣᠬᠣᠢ ᠭᠣᠣᠯ ᠤ᠋ᠨ ᠤᠰᠤᠨ ᠳ᠋ᠤ᠌ ᠪᠠᠨ
ᠲᠣᠬᠣᠮ ᠤ᠋ᠨ ᠦᠵᠦᠭᠦᠷ ᠠᠪᠲᠠᠭᠠ ᠦᠭᠡᠢ
ᠲᠣᠭᠯᠠᠭᠠᠳ ᠢᠷᠡᠭᠰᠡᠨ ᠴᠢᠮᠠ ᠮᠠᠭᠤ ᠳ᠋ᠤ᠌
ᠰᠢᠯᠦᠭ ᠦ᠋ᠨ ᠦᠵᠦᠭᠦᠷ ᠠᠪᠲᠠᠭᠠ ᠦᠭᠡᠢ
ᠭᠡᠭᠦᠦ ᠮᠣᠷᠢ ᠶ᠋ᠢ ᠤᠨᠤᠭᠠᠳ
ᠬᠥᠪᠡᠭᠡ ᠳᠠᠪᠠᠭᠤᠯᠵᠤ ᠴᠢᠳᠠᠨᠠ ᠤᠤ ᠳᠠ ?
ᠭᠦᠵᠡᠭᠡᠨ ᠲᠣᠯᠣᠭᠠᠶ᠋ᠢᠯᠠᠵᠤ ᠢᠷᠡᠴᠢᠬᠡᠭᠡᠳ
ᠨᠠᠳᠠ ᠲᠠᠢ ᠬᠡᠯᠡᠯᠴᠡᠵᠦ ᠴᠢᠳᠠᠨᠠ ᠤᠤ ᠳᠠ ?
ᠳᠠᠭᠠᠨ ᠮᠣᠷᠢ ᠶ᠋ᠢ ᠤᠨᠤᠭᠠᠳ ᠴᠢ
ᠳᠠᠪᠠᠭᠠ ᠳᠠᠪᠠᠭᠤᠯᠵᠤ ᠴᠢᠳᠠᠨᠠ ᠤᠤ ᠳᠠ ?
ᠳᠠᠪᠤᠰᠠᠩ ᠤ᠋ᠨ ᠲᠣᠯᠣᠭᠠᠶ᠋ᠢᠯᠠᠵᠤ ᠢᠷᠡᠴᠢᠬᠡᠭᠡᠳ
ᠨᠠᠳᠠ ᠲᠠᠢ ᠬᠡᠯᠡᠯᠴᠡᠵᠦ ᠴᠢᠳᠠᠨᠠ ᠤᠤ ᠳᠠ ?
ᠵᠠ — ᠬᠦᠦ ᠮᠢᠨᠢ ᠲᠡᠶ᠋ᠢᠮᠦ ᠦᠦ ᠳᠡ !
ᠣᠭᠣᠨᠣ ᠭᠦᠶᠦᠭᠡᠳ ᠢᠷᠡᠪᠡᠯ ᠳᠠ
ᠣᠷᠣᠨ ᠊ᠢ ᠨᠢ ᠵᠢᠭᠠᠭᠠᠳ ᠥᠭᠭᠦᠶᠡ ᠳᠡ !
ᠣᠷᠣᠣᠯᠠᠩ ᠭᠦᠶᠦᠭᠡᠳ ᠢᠷᠡᠪᠡᠯ ᠳᠠ
ᠴᠢᠮᠠ ᠳ᠋ᠤ᠌ ᠵᠢᠭᠠᠭᠠᠳ ᠥᠭᠭᠦᠶᠡ ᠳᠡ !
ᠵᠡᠭᠡᠷᠡ ᠭᠦᠶᠦᠭᠡᠳ ᠢᠷᠡᠪᠡᠯ ᠳᠠ
ᠵᠢᠮ ᠊ᠢ ᠨᠢ ᠵᠢᠭᠠᠭᠠᠳ ᠥᠭᠭᠦᠶᠡ ᠳᠡ !
ᠴᠢᠳᠬᠥᠷ ᠭᠦᠶᠦᠭᠡᠳ ᠢᠷᠡᠪᠡᠯ ᠳᠠ
ᠴᠢᠮᠠ ᠳ᠋ᠤ᠌ ᠵᠢᠭᠠᠭᠠᠳ ᠥᠭᠭᠦᠶᠡ ᠳᠡ !
ᠳᠡᠭᠡᠭᠦᠷ ᠭᠠᠷᠳᠠᠭ ᠭᠠᠯᠠᠭᠤᠨ ᠳ᠋ᠤ᠌ ᠨᠢ
ᠳᠡᠭᠡᠰᠦ ᠬᠠᠶᠠᠭᠠᠳ ᠬᠦᠷᠦᠨᠡ ᠦᠦ ᠳᠡ !
ᠳᠡᠪᠡᠯ ᠢ᠋ᠶ᠋ᠡᠨ ᠳᠠᠭᠠᠭᠠᠬᠤ ᠦᠭᠡᠢ ᠴᠢ ᠮᠠᠭᠤ ᠳ᠋ᠤ᠌
ᠰᠢᠯᠦᠭ ᠬᠠᠶᠠᠭᠠᠳ ᠬᠦᠷᠦᠨᠡ ᠦᠦ ᠳᠡ !
ᠤᠷᠳᠤᠭᠤᠷ ᠭᠠᠷᠳᠠᠭ ᠭᠠᠯᠠᠭᠤᠨ ᠳ᠋ᠤ᠌ ᠨᠢ
ᠤᠷᠭᠠ ᠬᠠᠶᠠᠭᠠᠳ ᠬᠦᠷᠦᠨᠡ ᠦᠦ ᠳᠡ !
ᠤᠭᠤᠴᠠ ᠪᠠᠨ ᠳᠠᠭᠠᠭᠠᠬᠤ ᠦᠭᠡᠢ ᠴᠢᠮᠠ ᠮᠠᠭᠤ
ᠨᠠᠳᠠ ᠲᠠᠢ ᠬᠡᠯᠡᠯᠴᠡᠭᠡᠳ ᠭᠠᠷᠤᠨᠠ ᠦᠦ ᠳᠡ !
ᠵᠠ — ᠬᠦᠦ ᠮᠢᠨᠢ ᠲᠡᠶ᠋ᠢᠮᠦ ᠦᠦ ᠳᠡ !
ᠡᠷᠢᠶᠡᠨ ᠡᠷᠢᠶᠡᠨ ᠡᠯᠵᠢᠭᠡ ᠴᠢᠨᠢ
ᠡᠮᠡᠭᠡᠯ ᠲᠡᠢ ᠪᠡᠨ ᠮᠡᠨᠳᠦ ᠦᠦ ᠳᠡ ︖
ᠡᠯᠵᠢᠭᠡ ᠰᠠᠭᠠᠳᠠᠭ ᠰᠠᠭᠤᠯᠠᠭᠠ ᠴᠢᠨᠢ
ᠢᠷᠣᠭᠠᠷ ᠲᠠᠢ ᠪᠠᠨ ᠮᠡᠨᠳᠦ ᠦᠦ ᠳᠡ ?
ᠨᠣᠭᠣᠭᠠᠨ ᠨᠣᠭᠣᠭᠠᠨ ᠡᠯᠵᠢᠭᠡ ᠴᠢᠨᠢ
ᠨᠣᠭᠲᠣ ᠲᠠᠢ ᠪᠠᠨ ᠮᠡᠨᠳᠦ ᠦᠦ ᠳᠡ ︖
ᠨᠣᠬᠠᠢ ᠰᠠᠭᠠᠳᠠᠭ ᠰᠠᠭᠤᠯᠠᠭᠠ ᠴᠢᠨᠢ
ᠢᠷᠣᠭᠠᠷ ᠲᠠᠢ ᠪᠠᠨ ᠮᠡᠨᠳᠦ ᠦᠦ ᠳᠡ ?
ᠵᠠ — ᠬᠦᠦ ᠮᠢᠨᠢ ᠲᠡᠶ᠋ᠢᠮᠦ ᠦᠦ ᠳᠡ !
ᠠᠭᠤᠯᠠᠨ ᠳᠡᠭᠡᠭᠦᠷ ᠶᠠᠪᠤᠳᠠᠭ
ᠤᠯᠠᠭᠠᠨ ᠬᠠᠯᠲᠠᠷ ᠬᠡᠨ ᠦ᠌ ᠬᠢ ᠠ᠋ ?
ᠠᠭᠤᠯᠠᠨ ᠳᠡᠭᠡᠭᠦᠷ ᠶᠠᠪᠤᠳᠠᠭ
ᠤᠯᠠᠭᠠᠨ ᠬᠠᠯᠲᠠᠷ ᠮᠠᠨ ᠤ᠋ ᠬᠢ ᠠ᠋ !
ᠤᠯᠤᠰ ᠠ᠋ᠴᠠ ᠲᠦᠷᠦᠭᠦᠯᠡᠵᠦ ᠳᠤᠤᠭᠠᠷᠳᠠᠭ
ᠲᠡᠷᠡ ᠵᠣᠯᠢᠭ ᠨᠢ ᠬᠡᠨ ᠦ᠌ ᠬᠢ ᠠ᠋ ?
ᠤᠯᠤᠰ ᠠ᠋ᠴᠠ ᠲᠦᠷᠦᠭᠦᠯᠡᠵᠦ ᠳᠤᠤᠭᠠᠷᠳᠠᠭ
ᠲᠡᠷᠡ ᠵᠣᠯᠢᠭ ᠨᠢ ᠲᠠᠨ ᠤ᠋ ᠬᠢ ᠠ᠋ !
ᠬᠠᠳᠠᠨ ᠳᠡᠭᠡᠭᠦᠷ ᠶᠠᠪᠤᠳᠠᠭ
ᠬᠠᠷᠠ ᠬᠠᠯᠲᠠᠷ ᠬᠡᠨ ᠦ᠌ ᠬᠢ ᠠ᠋ ?
ᠬᠠᠳᠠᠨ ᠳᠡᠭᠡᠭᠦᠷ ᠶᠠᠪᠤᠳᠠᠭ
ᠬᠠᠷᠠ ᠬᠠᠯᠲᠠᠷ ᠮᠠᠨ ᠤ᠋ ᠬᠢ ᠠ᠋ !
ᠬᠠᠮᠤᠭ ᠠ᠋ᠴᠠ ᠲᠦᠷᠦᠭᠦᠯᠡᠵᠦ ᠳᠤᠤᠭᠠᠷᠳᠠᠭ
ᠲᠡᠷᠡ ᠵᠣᠯᠢᠭ ᠨᠢ ᠬᠡᠨ ᠦ᠌ ᠬᠢ ᠠ᠋ ?
ᠬᠠᠮᠤᠭ ᠠ᠋ᠴᠠ ᠲᠦᠷᠦᠭᠦᠦ ᠳᠤᠤᠭᠠᠷᠳᠠᠭ
ᠲᠡᠷᠡ ᠵᠣᠯᠢᠭ ᠨᠢ ᠲᠠᠨ ᠤ᠋ ᠬᠢ ᠠ᠋ !
ᠠᠭᠤᠯᠠᠨ ᠳᠡᠭᠡᠭᠦᠷ ᠶᠠᠪᠤᠳᠠᠭ
ᠤᠯᠠᠭᠠᠨ ᠬᠠᠯᠲᠠᠷ ᠮᠠᠨ ᠤ᠋ ᠬᠢ ᠠ᠋ !
ᠤᠯᠤᠰ ᠠ᠋ᠴᠠ ᠲᠦᠷᠦᠭᠦᠯᠡᠵᠦ ᠳᠤᠤᠭᠠᠷᠳᠠᠭ
ᠲᠡᠷᠡ ᠵᠣᠯᠢᠭ ᠨᠢ ᠲᠠᠨ ᠤ᠋ ᠬᠢ ᠠ᠋ !
ᠬᠠᠳᠠᠨ ᠳᠡᠭᠡᠭᠦᠷ ᠶᠠᠪᠤᠳᠠᠭ
ᠬᠠᠷᠠ ᠬᠠᠯᠲᠠᠷ ᠮᠠᠨ ᠤ᠋ ᠬᠢ ᠠ᠋ !
ᠬᠠᠮᠤᠭ ᠠ᠋ᠴᠠ ᠲᠦᠷᠦᠭᠦᠯᠡᠵᠦ ᠳᠤᠤᠭᠠᠷᠳᠠᠭ
ᠲᠡᠷᠡ ᠵᠣᠯᠢᠭ ᠨᠢ ᠲᠠᠨ ᠤ᠋ ᠬᠢ ᠠ᠋ !
ᠲᠠᠨ ᠤ᠋ ᠬᠢ ᠠ᠋
ᠲᠠᠨ ᠤ᠋ ᠬᠢ ᠠ᠋
ᠲᠠᠨ ᠤ᠋ ᠬᠢ ᠠ᠋ —
ᠲᠠᠨ ᠤ᠋ ᠬᠢ !
ᠦᠰᠦᠭ ᠬᠠᠲᠠᠭᠰᠠᠨ ᠨᠢ ᠄ ᠮᠥᠩᠭᠦᠨᠴᠡᠴᠡᠭ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠮᠥᠩᠭᠦᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ ᠄ ᠬᠠᠪᠤᠷᠵᠢᠶᠠ ᠂ ᠮᠥᠴᠢᠷ᠂ ᠢᠷᠡᠭᠡᠳᠦᠢ