ᠭᠠᠯ ᠲᠠᠬᠢᠯᠭᠠ ᠶ᠋ᠢᠨ ᠶᠣᠰᠣᠨ - ᠬᠤᠯᠪᠤᠭᠠ Гал тахилгын ёсон - холбоо
2824ᠭᠠᠯ ᠲᠠᠬᠢᠯᠭᠠ
ᠳᠡᠭᠡᠳᠦᠰ ᠦᠨ ᠠᠷᠢᠭᠤᠨ ᠭᠣᠯᠣᠮᠲᠠ ᠪᠠᠨ
ᠳᠡᠭᠡᠵᠢᠯᠡᠵᠦ ᠲᠠᠬᠢᠳᠠᠭ ᠬᠣᠷᠢᠨ ᠭᠤᠷᠪᠠᠨ
ᠳᠡᠯᠭᠡᠷ ᠪᠠᠶᠠᠨ ᠠᠮᠢᠳᠤᠷᠠᠯ ᠢᠶ᠋ᠠᠨ
ᠳᠠᠭᠠᠳᠬᠠᠵᠤ ᠮᠥᠷᠭᠥᠬᠦ ᠲᠠᠬᠢᠯᠭᠠ ᠡ
ᠤᠬᠠᠭᠠᠨᠲᠤ ᠮᠣᠩᠭᠣᠯ ᠠᠮᠢᠳᠤᠷᠠᠯ ᠢᠶ᠋ᠠᠨ
ᠤᠯᠠᠮᠵᠢᠯᠠᠵᠤ ᠥᠪᠯᠡᠭᠰᠡᠨ ᠬᠣᠷᠢᠨ ᠭᠤᠷᠪᠠᠨ
ᠠᠯᠲᠠᠨ ᠲᠤᠯᠭᠠ ᠶ᠋ᠢᠨ ᠭᠠᠯ ᠢᠶ᠋ᠠᠷ
ᠠᠷᠢᠭᠤᠯᠠᠵᠤ ᠰᠦᠰᠦᠭᠯᠡᠬᠦ ᠰᠢᠲᠦᠭᠡᠨ ᠡ ᠬᠥ᠋
ᠪᠣᠭᠳᠠ ᠴᠢᠩᠭᠢᠰ ᠦᠨ ᠤᠳᠤᠮ ᠤᠨ ᠬᠢᠨ
ᠬᠦᠳᠡᠷ ᠴᠢᠯᠠᠭᠤᠨ ᠤ ᠣᠴᠢ ᠶᠤᠮ ᠠ᠋
ᠪᠥᠷᠳᠡ ᠡᠬᠡ ᠶ᠋ᠢᠨ ᠤᠭᠰᠠᠭᠠᠨ ᠤ
ᠬᠡᠲᠡ ᠴᠠᠬᠢᠭᠤᠷ ᠤᠨ ᠳᠥᠯᠥ ᠶᠤᠮ ᠡ
ᠭᠠᠯ ᠭᠠᠯ ᠤᠨ ᠪᠤᠷᠬᠠᠨ ᠡ
ᠭᠡᠷ ᠭᠡᠷ ᠦᠨ ᠰᠠᠬᠢᠭᠤᠰᠤ ᠡ
ᠭᠠᠷᠬᠤ ᠨᠠᠷᠠ ᠲᠠᠢ ᠰᠠᠴᠠᠭᠤ
ᠭᠡᠷᠡᠯ ᠢᠯᠴᠢ ᠶ᠋ᠢᠨ ᠴᠠᠮᠬᠠᠭ
ᠬᠤᠪᠢ ᠬᠣᠪᠢᠨ ᠤ ᠬᠥᠭᠡᠭᠡᠴᠡᠯᠳᠦᠭᠡᠨ
ᠬᠦᠨᠳᠦᠳᠬᠡᠨ ᠲᠠᠬᠢᠬᠤ ᠵᠢᠷᠤᠮ ᠡ
ᠬᠢᠬᠦ ᠶᠣᠰᠣᠨ ᠤ ᠮᠦᠷᠳᠡᠯ ᠡ
ᠬᠥᠭᠵᠢᠯ ᠮᠠᠨᠳᠤᠯ ᠤᠨ ᠰᠤᠷᠲᠠᠬᠤᠨ ᠡ
ᠠᠰᠤᠷᠢ ᠯᠡ ᠲᠡᠭᠷᠢ ᠶ᠋ᠢᠨ ᠢᠪᠡᠭᠡᠯ ᠤᠨ
ᠠᠰᠠᠵᠤ ᠳᠦᠷᠡᠯᠵᠡᠭᠰᠡᠨ ᠴᠣᠭ ᠶᠤᠮ ᠡ
ᠠᠭᠤᠤ ᠦᠨᠳᠦᠰᠦᠲᠡᠨ ᠦ ᠬᠡᠶ᠋ᠢᠮᠤᠷᠢ ᠶ᠋ᠢᠨ
ᠠᠰᠢᠳᠠ ᠨᠠᠨᠳᠢᠩᠨᠠᠬᠤ ᠰᠣᠶᠣᠯ ᠰᠢᠦ
ᠬᠠᠶ᠋ᠢᠯᠠᠰᠤᠨ ᠮᠣᠳᠣᠨ ᠤ ᠲᠦᠯᠡᠰᠢ ᠲᠡᠢ
ᠬᠤᠲᠤᠭ ᠨᠠᠰᠤᠨ ᠤ ᠥᠯᠵᠡᠢ ᠲᠡᠢ
ᠬᠤᠯᠤᠰᠤᠨ ᠵᠠᠯᠠᠭᠠᠨ ᠴᠢᠮᠡᠭ ᠲᠡᠢ
ᠬᠤᠪᠢ ᠵᠠᠶᠠᠭᠠ ᠶ᠋ᠢᠨ ᠳᠠᠯᠠᠯᠭᠠ ᠲᠠᠢ
ᠲᠠᠪᠤᠨ ᠥᠩᠭᠡ ᠶ᠋ᠢᠨ ᠪᠦᠰ ᠲᠡᠢ
ᠲᠠᠶ᠋ᠢᠪᠤᠩ ᠵᠢᠷᠭᠠᠯ ᠤᠨ ᠪᠤᠶᠠᠨ ᠲᠡᠢ
ᠲᠠᠷᠭᠤᠨ ᠡᠪᠴᠢᠭᠦᠨ ᠪᠠᠷᠢᠴᠠ ᠲᠠᠢ
ᠲᠠᠩᠰᠤᠭ ᠬᠥᠷᠥᠩᠭᠡ ᠶ᠋ᠢᠨ ᠳᠠᠭᠠᠳᠬᠠᠯ ᠲᠠᠢ
ᠴᠠᠭᠠᠨ ᠢᠳᠡᠭᠡᠨ ᠦ ᠲᠠᠬᠢᠯᠭᠠ ᠲᠠᠢ
ᠴᠢᠭᠢᠷᠠᠭ ᠡᠷᠡᠭᠦᠯ ᠦᠨ ᠳᠡᠮᠪᠡᠷᠢᠯ ᠲᠡᠢ
ᠴᠢᠪᠠᠭᠠ ᠪᠣᠭᠣᠷᠰᠣᠭ ᠤᠨ ᠡᠷᠭᠦᠴᠡ ᠲᠡᠢ
ᠴᠢᠩ ᠦᠨᠡᠨ ᠦ ᠨᠠᠮᠠᠨᠴᠢᠯᠠᠯ ᠲᠠᠢ
ᠠᠮᠤᠰᠤ ᠪᠤᠳᠠᠭᠠᠨ ᠤ ᠢᠳᠡᠰᠢ ᠲᠡᠢ
ᠠᠮᠤᠭᠤᠯᠠᠩ ᠰᠠᠶ᠋ᠢᠬᠠᠨ ᠤ ᠵᠠᠯᠪᠠᠷᠢᠯ ᠲᠠᠢ
ᠥᠭᠡᠳᠡ ᠪᠡᠨ ᠳᠦᠷᠡᠯᠵᠡᠬᠦ ᠰᠤᠷ ᠲᠠᠢ
ᠥᠬᠢᠨ ᠲᠡᠭᠷᠢ ᠶ᠋ᠢᠨ ᠰᠠᠬᠢᠭᠤᠰᠤ ᠲᠠᠢ