ᠲᠡᠨᠡᠭ ᠬᠦᠦ ᠶᠢᠨ ᠦᠯᠢᠭᠡᠷТэнэг хүүгийн үлгэр ᠳᠣᠮᠣᠭ ᠦᠯᠢᠭᠡᠷ

   ᠢᠩᠭᠢᠵᠦ ᠶᠠᠪᠤᠭᠰᠠᠭᠠᠷ ᠮᠣᠲᠣ ᠲᠠᠢ ᠲᠠᠭᠠᠷᠠᠯᠲᠤᠯ᠎ᠠ ᠃ ᠮᠣᠲᠣ ᠴᠦ᠍ ᠄ 《 ᠵᠠ ᠂ ᠲᠡᠨᠡᠭ᠌ ᠬᠦᠦ ᠮᠢᠨᠢ ᠂ ᠮᠡᠷᠭᠡᠨ ᠦᠵᠡᠮᠦᠷᠢᠴᠢ ᠨᠠᠮ᠎ᠠ ᠶ᠋ᠢ ᠶᠠᠭᠠᠬᠢᠪᠠᠯ ᠰᠠᠭᠯᠠᠭᠠᠷ ᠨᠠᠪᠴᠢ ᠲᠠᠢ ᠰᠠᠶ᠋ᠢᠬᠠᠨ ᠮᠣᠲᠣ ᠪᠣᠯᠤᠨ᠎ᠠ ᠭᠡᠵᠦ ᠪᠠᠶ᠋ᠢᠨ᠎ᠠ ᠳ᠋ᠠ ? ᠭᠡᠬᠦ  ᠳᠤ ᠲᠡᠨᠡᠭ᠌ ᠬᠦᠦ ᠄ 《 ᠦᠨᠲᠦᠰᠦ ᠶ᠋ᠢᠨ ᠳᠣᠣᠷ᠎ᠠ ᠴᠢᠨᠢ ᠦᠨᠡᠲᠦ ᠡᠷᠲᠡᠨᠢ ᠪᠠᠶ᠋ᠢᠨ᠎ᠠ ᠭᠡᠨ᠎ᠡ ᠃ ᠪᠤᠯᠠᠬ᠋᠎ᠠ ᠲᠠᠢ ᠲᠡᠷᠡ ᠡᠷᠲᠡᠨᠢ ᠪᠤᠯᠠᠭ ᠱᠠᠩᠲᠠ  ᠳᠤ ᠬᠦᠷᠭᠡᠬᠦ ᠦᠭᠡᠢ ᠪᠠᠶ᠋ᠢᠬ᠋᠎ᠠ ᠤᠴᠢᠷ ᠠ᠋ᠴᠠ ᠮᠣᠲᠣ ᠴᠢᠮ᠎ᠠ ᠶ᠋ᠢ ᠬᠠᠲᠠᠵᠤ ᠭᠠᠩᠲᠠᠭᠰᠠᠨ ᠪᠠᠶ᠋ᠢᠨ᠎ᠠ 》 ᠭᠡᠵᠦ ᠪᠠᠶ᠋ᠢᠨ᠎ᠠ ᠃ ᠭᠡᠬᠦ  ᠳᠤ ᠨᠢ 《 ᠢᠱᠢ ᠁ ᠲᠡᠨᠡᠭ᠌ᠬᠡᠨ ᠬᠦᠦ ᠮᠢᠨᠢ ᠳ᠋ᠠ ᠂ ᠪᠤᠯᠠᠬ᠋᠎ᠠ ᠲᠠᠢ ᠲᠡᠷᠡ ᠡᠷᠲᠡᠨᠢ ᠶ᠋ᠢ ᠪᠣᠰᠢᠭᠤᠬᠠᠨ ᠤᠬᠤᠭᠠᠳ ᠠᠪᠴᠢᠬᠠᠭᠠᠴᠢ ᠴᠢ ᠂ ᠠᠯᠲᠠ ᠮᠥᠩᠭᠥ ᠲᠡᠢ ᠪᠣᠯᠤᠭᠠᠳ ᠪᠠᠶᠠᠵᠢᠪᠠᠯ ᠠᠮᠢᠲᠤᠷᠠᠯ  ᠳᠤ ᠴᠢᠨᠢ  ᠬᠡᠷᠡᠭ ᠪᠣᠯᠬᠤ ᠪᠤᠰᠤ ‍ᠦᠦ ! 》 ᠭᠡᠰᠡᠨ  ᠳᠤ ᠲᠡᠨᠡᠭ᠌ ᠬᠦᠦ ᠄ 《ᠥᠭᠡᠲᠡᠯᠡᠬᠦ ᠬᠤᠪᠢ ᠵᠠᠶᠠᠬ᠋᠎ᠠ ᠥᠪᠡᠷ ᠶ᠋ᠢᠡᠨ ᠢᠷᠡᠬᠦ ᠡᠴᠡ ᠬᠣᠶ᠋ᠢᠰᠢ ᠥᠩᠭᠡᠷᠡᠭ᠌ᠰᠡᠨ ᠠᠮᠢᠲᠤᠷᠠᠯ ᠶ᠋ᠢᠠᠨ ᠮᠠᠷᠲᠠᠵᠤ ᠣᠷᠬᠢᠭᠠᠳ ᠂ ᠵᠣᠯ ᠵᠢᠷᠭᠠᠯ  ᠢ ᠪᠢ ᠵᠠᠮ ᠠ᠋ᠴᠠ ᠪᠠᠨ ᠣᠯᠴᠢᠬᠠᠭᠠᠳ ᠵᠣᠪᠠᠬᠤ ᠶᠠᠭᠤᠮ᠎ᠠ ᠦᠭᠡᠢ ᠰᠠᠶ᠋ᠢᠬᠠᠨ ᠠᠮᠢᠲᠤᠷᠠᠬᠤ ᠪᠠᠶ᠋ᠢᠲᠠᠯ᠎ᠠ ᠪᠤᠯᠠᠬ᠋᠎ᠠ ᠲᠠᠢ ᠠᠯᠲᠠ ᠶ᠋ᠢ ᠤᠬᠤᠵᠤ ᠪᠡᠶ᠎ᠡ ᠪᠡᠨ ᠵᠣᠪᠠᠭᠠᠬᠤ ᠶ᠋ᠢᠨ  ᠬᠡᠷᠡᠭ ᠶᠠᠭᠤ ᠪᠠᠶ᠋ᠢᠨ᠎ᠠ 》 ᠭᠡᠴᠢᠬᠡᠭᠡᠳ ᠴᠠᠭᠠᠰᠢ ᠪᠠᠨ ᠶᠠᠪᠤᠭᠠᠳ ᠥᠭᠴᠡᠢ ᠃
   ᠥᠨᠲᠥᠷ ᠠᠭᠤᠯᠠᠰ  ᠢ ᠳᠠᠪᠠᠵᠤ ᠥᠷᠭᠡᠨ ᠭᠣᠣᠯ  ᠢ ᠭᠠᠲᠤᠯᠤᠭᠰᠠᠭᠠᠷ ᠡᠪᠡᠰᠦ ᠨᠣᠭᠣᠬ᠋᠎ᠠ ᠲᠡᠭ᠌ᠰᠢᠷᠡᠭ᠌ᠰᠡᠨ ᠲᠠᠯ᠎ᠠ ᠭᠠᠵᠠᠷ ᠢᠷᠡᠯ᠎ᠡ ᠃

   ᠥᠨᠥᠬᠢ ᠰᠠᠶ᠋ᠢᠬᠠᠨ ᠪᠦᠰᠡᠭᠦᠢ ᠴᠦ᠍ ᠲᠡᠨᠡᠭ᠌ ᠬᠦᠦ ᠶ᠋ᠢ ᠬᠠᠷᠠᠭᠠᠳ ᠪᠠᠶᠠᠷᠯᠠᠨ ᠲᠣᠰᠴᠤ ᠄ 《 ᠵᠠ ᠂ ᠲᠡᠭᠡᠭᠡᠳ ᠨᠠᠮ᠎ᠠ ᠶ᠋ᠢ ᠶᠠᠭᠠᠬᠢᠪᠠᠯ ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠲᠤᠷᠠᠨ᠎ᠠ ᠭᠡᠵᠦ ᠪᠠᠶ᠋ᠢᠨ᠎ᠠ ? 》 ᠭᠡᠵᠦ ᠠᠰᠠᠭᠤᠯ᠎ᠠ ᠃ ᠲᠡᠨᠡᠭ᠌ ᠬᠦᠦ ᠨᠢᠲᠦ ᠪᠡᠨ ᠣᠨᠢᠢᠯᠭᠠᠨ ᠰᠢᠲᠦ ᠪᠡᠨ ᠢᠷᠵᠠᠶ᠋ᠢᠯᠭᠠᠨ ᠢᠨᠢᠶᠡᠭᠡᠳ  ᠄ 《ᠬᠢ ᠁ ᠬᠢ ᠁ ᠬᠠᠨᠢ ᠢᠵᠢᠯᠢ ᠲᠡᠢ ᠪᠣᠯᠪᠠᠯ ᠴᠢᠮ᠎ᠠ ᠶ᠋ᠢ ᠬᠠᠶ᠋ᠢᠬᠰᠠᠨ ᠠᠵᠠ ᠵᠢᠷᠭᠠᠯ ᠶ᠋ᠢᠠᠨ ᠣᠯᠤᠨ᠎ᠠ ᠡ ᠭᠡᠵᠦ ᠪᠠᠶ᠋ᠢᠨ᠎ᠠ ᠯᠠ  》 ᠭᠡᠰᠡᠨ  ᠳᠤ ᠵᠠᠯᠠᠭᠤ ᠪᠦᠰᠡᠭᠦᠢ ᠄ 《 ᠡᠷ᠎ᠡ ᠨᠥᠬᠥᠷ ᠮᠢᠨᠢ ᠪᠣᠯᠤᠭᠠᠴᠢ ᠳ᠋ᠠ ᠂ ᠡᠨᠲᠡ ᠪᠡᠨ ᠬᠣᠶᠠᠭᠤᠯᠠ ᠪᠠᠨ ᠰᠠᠶ᠋ᠢᠬᠠᠨ ᠠᠮᠢᠲᠤᠷᠠᠶ᠎ᠠ ᠯᠠ ᠳ᠋ᠠ 》 ᠭᠡᠵᠦ ᠲᠡᠨᠡᠭ᠌ ᠬᠦᠦ ᠡᠴᠡ ᠭᠤᠶᠤᠪᠠ ᠃ 《 ᠬᠥ ᠬᠥ ᠁ ᠥᠭᠡᠲᠡᠯᠡᠬᠦ ᠬᠤᠪᠢ ᠵᠠᠶᠠᠬ᠋᠎ᠠ ᠥᠪᠡᠷ ᠶ᠋ᠢᠡᠨ ᠢᠷᠡᠬᠦ ᠡᠴᠡ ᠬᠣᠶ᠋ᠢᠰᠢ ᠥᠩᠭᠡᠷᠡᠭ᠌ᠰᠡᠨ ᠠᠮᠢᠲᠤᠷᠠᠯ ᠶ᠋ᠢᠠᠨ ᠮᠠᠷᠲᠠᠵᠤ ᠣᠷᠬᠢᠨ᠎ᠠ ᠡ ᠂ ᠵᠣᠯ ᠵᠢᠷᠭᠠᠯ ᠵᠠᠮ ᠳᠤ ᠮᠢᠨᠢ ᠪᠠᠶ᠋ᠢᠬ᠋᠎ᠠ ᠪᠣᠯᠬᠣᠷ ᠵᠣᠪᠠᠬᠤ ᠶᠠᠭᠤᠮ᠎ᠠ ᠦᠭᠡᠢ ᠰᠠᠶ᠋ᠢᠬᠠᠨ ᠠᠮᠢᠲᠤᠷᠠᠬᠤ ᠪᠣᠯᠤᠨ᠎ᠠ ᠃ ᠬᠡᠩ ᠁ ᠡᠨᠲᠡ ᠦᠯᠡᠲᠡᠵᠦ ᠴᠢᠮ᠎ᠠ ᠲᠠᠢ ᠰᠠᠭᠤᠬᠤ ᠡᠷᠭᠢᠭᠦᠦ ᠲᠡᠨᠡᠭ᠌ ᠪᠢ ᠪᠢᠰᠢ ᠡ 》 ᠭᠡᠴᠢᠬᠡᠭᠡᠳ ᠵᠠᠮ ᠶ᠋ᠢᠠᠨ ᠬᠥᠭᠡᠭᠡᠭᠡᠳ ᠴᠠᠭᠠᠰᠢ ᠪᠠᠨ ᠶᠠᠪᠤᠵᠠᠢ ᠃
    ᠥᠭᠡᠲᠡᠯᠡᠬᠦ ᠬᠤᠪᠢ ᠵᠠᠶᠠᠬ᠋᠎ᠠ ᠥᠪᠡᠷ ᠶ᠋ᠢᠡᠨ ᠢᠷᠡᠬᠦ ᠡᠴᠡ ᠬᠣᠶ᠋ᠢᠰᠢ ᠥᠩᠭᠡᠷᠡᠭ᠌ᠰᠡᠨ ᠠᠮᠢᠲᠤᠷᠠᠯ ᠶ᠋ᠢᠠᠨ ᠮᠠᠷᠲᠠᠵᠤ ᠣᠷᠬᠢᠨ᠎ᠠ ᠡ ᠃ ᠵᠣᠯ ᠵᠢᠷᠭᠠᠯ ᠵᠠᠮ ᠠ᠋ᠴᠠ ᠣᠯᠲᠠᠬᠤ ᠠ᠋ᠴᠠ ᠬᠣᠶ᠋ᠢᠰᠢ ᠵᠣᠪᠠᠬᠤ ᠶᠠᠭᠤᠮ᠎ᠠ ᠦᠭᠡᠢ ᠰᠠᠶ᠋ᠢᠬᠠᠨ ᠠᠮᠢᠲᠤᠷᠠᠨ᠎ᠠ ᠡ  !
     ᠢᠩᠭᠢᠭᠡᠳ ᠴᠠᠭᠠᠰᠢ ᠶᠠᠪᠤᠭᠰᠠᠭᠠᠷ ᠪᠠᠢᠭᠠᠳ ᠥᠨᠥᠬᠢ ᠥᠯᠥᠨ ᠬᠥᠬᠡ ᠴᠢᠨᠣ᠎ᠠ ᠲᠠᠢ ᠲᠠᠭᠠᠷᠠᠯᠲᠤᠵᠤ ᠭᠡᠨ᠎ᠡ ᠃
     ᠴᠢᠨᠣ᠎ᠠ ᠤᠷᠢᠲᠤ ᠤᠷᠢᠲᠤᠬᠢ ᠠ᠋ᠴᠠ ᠤᠯᠠᠮ ᠴᠤ᠌ ᠪᠦᠷ ᠡᠴᠡᠭ᠌ᠰᠡᠨ ᠲᠡᠨᠡᠭ᠌ ᠬᠦᠦ ᠶ᠋ᠢ ᠵᠠᠮ ᠳᠡᠭᠡᠷ᠎ᠡ ᠬᠦᠯᠢᠶᠡᠭᠡᠳ ᠰᠠᠭᠤᠵᠤ ᠪᠠᠢᠨ᠎ᠠ ᠭᠡᠨ᠎ᠡ ᠰᠢᠦ ᠃ ᠴᠢᠨᠣ᠎ᠠ ᠄ 《 ᠵᠠ ᠂ ᠲᠡᠭᠡᠭᠡᠳ ᠰᠠᠶ᠋ᠢᠨ ᠶᠠᠪᠤᠵᠤ ᠢᠷᠡᠪᠡ ‍ᠦᠦ ? ᠲᠡᠨᠡᠭ᠌ ᠬᠦᠦ ᠮᠢᠨᠢ ᠠ᠋ 》 《ᠰᠠᠶ᠋ᠢᠨ ᠶᠠᠪᠤᠵᠤ ᠢᠷᠡᠯ᠎ᠡ 》 《 ᠵᠠ ᠂ ᠲᠡᠭᠡᠭᠡᠳ ᠮᠡᠷᠭᠡᠨ ᠦᠵᠡᠮᠦᠷᠢᠴᠢ ᠨᠠᠮ᠎ᠠ ᠶ᠋ᠢ ᠶᠠᠭᠠᠬᠢᠪᠠᠯ ᠥᠯᠥᠰᠬᠦ ᠦᠭᠡᠢ ᠠᠮᠢᠲᠤᠷᠠᠨ᠎ᠠ ᠭᠡᠵᠦ ᠪᠠᠶ᠋ᠢᠨ᠎ᠠ ᠳ᠋ᠠ ?  ᠡᠩ ᠁ 》 《 ᠮᠡᠷᠭᠡᠨ ᠦᠵᠡᠮᠦᠷᠢᠴᠢ ᠴᠢᠮ᠎ᠠ ᠶ᠋ᠢ ᠤᠰᠤ ᠲᠣᠰᠣ ᠢᠯᠭᠠᠲᠠᠭ ᠦᠭᠡᠢ ᠲᠡᠨᠡᠭ᠌ ᠊ᠢ ᠢᠲᠡᠪᠡᠯ ᠲᠠᠬᠢᠵᠤ ᠥᠯᠥᠰᠬᠦ ᠦᠭᠡᠢ ᠭᠡᠵᠦ ᠬᠡᠯᠡᠭᠰᠡᠨ 》 ᠭᠡᠵᠡᠢ ᠃
    ᠢᠩᠭᠢᠭᠡᠳ ᠬᠦᠦ ᠴᠢᠨᠣ᠎ᠠ  ᠳᠤ ᠵᠠᠮ  ᠳᠤ ᠲᠣᠬᠢᠶᠠᠯᠲᠤᠭᠰᠠᠨ ᠶᠠᠪᠤᠲᠠᠯ ᠶ᠋ᠢᠠᠨ ᠨᠢᠭᠡ ᠨᠢᠭᠡ ᠦᠭᠡᠢ ᠶᠠᠷᠢᠵᠤ ᠥᠭᠭᠦᠯ᠎ᠡ ᠭᠡᠨ᠎ᠡ ᠃
ᠲᠡᠨᠡᠭ᠌ ᠬᠦᠦ ᠶ᠋ᠢᠨ ᠶᠠᠷᠢᠶ᠎ᠠ ᠶ᠋ᠢ ᠬᠥᠬᠡ ᠴᠢᠨᠣ᠎ᠠ ᠠᠩᠬᠠᠷᠤᠯ ᠲᠠᠢ ᠨᠢ ᠠᠷᠬ᠋᠎ᠠ ᠦᠭᠡᠢ ᠰᠣᠨᠣᠰᠴᠤ ᠳᠠᠭᠤᠰᠤᠭᠠᠳ ᠠᠮᠠ ᠪᠠᠨ ᠠᠩᠭᠠᠶ᠋ᠢᠨ ᠠᠷᠵᠠᠶ᠋ᠢᠲᠠᠯ᠎ᠠ ᠢᠨᠢᠶᠡᠵᠦ ᠭᠠᠷᠤᠯ᠎ᠠ ᠃ 《 ᠬᠡ ᠁ ᠬᠡ ᠁ ᠬᠡ ᠁ ᠡᠨᠡ ᠬᠣᠷᠸ᠋᠎ᠠ ᠳᠡᠭᠡᠷ᠎ᠡ ᠤᠰᠤ ᠲᠣᠰᠣ ᠢᠯᠭᠠᠲᠠᠭ ᠦᠭᠡᠢ ᠲᠡᠨᠡᠭ᠌ ᠭᠡᠪᠡᠯ ᠴᠢ ᠯᠡ ᠪᠠᠶ᠋ᠢᠨ᠎ᠠ ᠰᠢᠦ ᠳ᠋ᠡ 》 ᠭᠡᠵᠦ ᠬᠡᠯᠡᠴᠢᠬᠡᠭᠡᠳ ᠭᠠᠭᠴᠠᠬᠠᠨ ᠡᠮᠬᠦᠭᠡᠳ ᠵᠠᠯᠭᠢᠴᠢᠬᠠᠵᠤ ᠭᠡᠨ᠎ᠡ ᠃
    《 ᠬᠡ ᠁ᠬᠡ ᠁ᠬᠡ ᠁ 》