ᠬᠤᠳᠠᠯᠴᠢ ᠬᠦᠦ- ᠳᠣᠮᠣᠭ ᠦᠯᠢᠭᠡᠷХудалч хүү-домог үлгэр
430ᠬᠤᠳᠠᠯᠴᠢ ᠬᠦᠦ
ᠤᠷᠢᠳᠤ ᠨᠢᠭᠡᠨ ᠬᠣᠨᠢᠴᠢᠨ ᠬᠦᠦ ᠡᠳᠦᠷᠵᠢᠨ ᠠᠭᠤᠯᠠᠨ ᠳ᠋ᠤ᠌ ᠭᠠᠷᠴᠤ ᠬᠣᠨᠢ ᠪᠠᠨ ᠬᠠᠷᠢᠭᠤᠯᠳᠠᠭ ᠪᠠᠶ᠋ᠢᠵᠠᠢ ᠃ ᠡᠳᠦᠷ ᠦᠨ ᠤᠳᠠᠭᠠᠨ ᠳ᠋ᠤ᠌ ᠪᠠᠨ ᠬᠣᠨᠢᠴᠢᠨ ᠬᠦᠦ ᠲᠣᠩ ᠤᠶ᠋ᠢᠳᠬᠠᠷ ᠲᠠᠢ ᠰᠠᠨᠠᠭᠳᠠᠬᠤᠯᠠᠷ ᠲᠣᠮᠣᠴᠤᠤᠯ ᠢ ᠱᠣᠭᠯᠠᠵᠤ ᠨᠠᠭᠠᠳᠬᠤ ᠪᠣᠳᠣᠯ ᠲᠥᠷᠥᠭᠳᠡᠵᠡᠢ᠃ ᠲᠡᠶ᠋ᠢᠨ ᠬᠥ᠋ ᠬᠣᠨᠢᠴᠢᠨ ᠬᠦᠦ ᠄ 《 ᠴᠢᠨᠣᠠ ᠢᠷᠡᠯᠡ ᠂ ᠴᠢᠨᠣᠠ ᠢᠷᠡᠯᠡ 》 ᠬᠡᠵᠤ ᠥᠨᠳᠥᠷ ᠳᠠᠭᠤᠨ ᠢᠶ᠋ᠠᠷ ᠬᠠᠰᠬᠢᠷᠤᠯᠠ᠃ ᠠᠭᠤᠯᠠᠨ ᠳᠣᠣᠷᠠ ᠠᠵᠢᠯ ᠬᠢᠵᠦ ᠪᠠᠶ᠋ᠢᠭᠰᠠᠨ ᠬᠥᠮᠦᠰ ᠬᠦᠦ ᠶ᠋ᠢᠨ ᠬᠠᠰᠬᠢᠷᠬᠤ ᠳᠠᠭᠤᠨ ᠢᠶ᠋ᠠᠷ ᠠᠷᠴᠢᠭᠤᠷ ᠮᠠᠯᠲᠠᠭᠤᠷ ᠢᠶ᠋ᠠᠨ ᠠᠳᠬᠤᠨ ᠠᠭᠤᠯᠠᠨ ᠳᠡᠭᠡᠷᠡ ᠭᠦᠶᠦᠨ ᠭᠠᠷᠴᠤ ᠢᠷᠡᠵᠡᠭᠡᠪᠡ᠃
ᠬᠣᠨᠢᠨ ᠰᠦᠷᠦᠭ ᠲᠠᠪᠠᠲᠠᠶ᠋ᠢᠬᠠᠨ ᠪᠡᠯᠴᠢᠨᠡ᠂ ᠬᠣᠨᠢᠴᠢᠨ ᠬᠦᠦ ᠲᠣᠮᠣᠴᠤᠤᠯ ᠤᠨ ᠬᠠᠭᠤᠷᠲᠠᠭᠳᠠᠭᠰᠠᠨ ᠢ ᠬᠠᠷᠠᠭᠠᠳ ᠄ 《 ᠬᠠ ᠬᠠ ᠂ ᠴᠢᠨᠣᠠ ᠢᠷᠡᠭᠡ ᠦᠭᠡᠢ ᠰᠢᠦ ᠂ ᠪᠢ ᠲᠠ ᠨᠠᠷ ᠲᠠᠢ ᠵᠦᠭᠡᠷ ᠲᠣᠭᠯᠠᠭᠰᠠᠨ ᠶᠤᠮ ᠡ 》 ᠬᠡᠵᠤ ᠪᠠᠶᠠᠷᠯᠠᠨ ᠬᠡᠯᠡᠪᠡ᠃ ᠲᠣᠮᠣᠴᠤᠤᠯ ᠲᠣᠯᠣᠭᠠᠢ ᠰᠠᠵᠢᠨ ᠠᠭᠤᠷᠲᠠᠶ᠋ᠢᠬᠠᠨ ᠠᠭᠤᠯᠠᠨ ᠠ᠋ᠴᠠ ᠪᠠᠭᠤᠯᠠ᠃ ᠬᠡᠳᠦᠨ ᠡᠳᠦᠷ ᠥᠩᠭᠡᠷᠡᠬᠦ ᠳ᠋ᠦ᠍ ᠬᠣᠨᠢᠴᠢᠨ ᠬᠦᠦ ᠪᠠᠰᠠ ᠲᠣᠮᠣᠴᠤᠤᠯ ᠢ ᠱᠣᠭᠯᠠᠬᠤ ᠪᠣᠳᠣᠯ ᠣᠷᠣᠵᠠᠢ᠃ ᠲᠡᠭᠡᠭᠡᠳ ᠲᠡᠷᠡ᠄ 《 ᠴᠢᠨᠣᠠ ᠢᠷᠡᠯᠡ ᠂ ᠴᠢᠨᠣᠠ ᠢᠷᠡᠯᠡ 》 ᠬᠡᠵᠤ ᠥᠨᠳᠥᠷ ᠳᠠᠭᠤᠨ ᠢᠶ᠋ᠠᠷ ᠬᠠᠰᠬᠢᠷᠤᠯᠠ᠃ ᠠᠭᠤᠯᠠᠨ ᠳᠣᠣᠷᠠ ᠠᠵᠢᠯ ᠬᠢᠵᠦ ᠪᠠᠶ᠋ᠢᠭᠰᠠᠨ ᠬᠥᠮᠦᠰ ᠬᠣᠨᠢᠴᠢᠨ ᠬᠦᠦ ᠶ᠋ᠢᠨ ᠪᠠᠷᠬᠢᠷᠠᠬᠤ ᠳᠠᠭᠤᠨ ᠢᠶ᠋ᠠᠷ ᠠᠷᠴᠢᠭᠤᠷ ᠮᠠᠯᠲᠠᠭᠤᠷ ᠢᠶ᠋ᠠᠨ ᠠᠳᠬᠤᠨ ᠠᠭᠤᠯᠠᠨ ᠳᠡᠭᠡᠷᠡ ᠭᠦᠶᠦᠨ ᠭᠠᠷᠴᠤ ᠢᠷᠡᠵᠡᠭᠡᠪᠡ᠃ ᠲᠡᠳᠡ ᠪᠠᠰᠠ ᠯᠠ ᠬᠠᠭᠤᠷᠲᠠᠭᠳᠠᠭᠰᠠᠨ ᠢᠶ᠋ᠠᠨ ᠮᠡᠳᠡᠭᠡᠳ ᠶᠡᠬᠡᠳᠡ ᠠᠭᠤᠷᠯᠠᠵᠤ ᠬᠣᠨᠢᠴᠢᠨ ᠬᠦᠦ ᠳ᠋ᠦ᠍᠄ 《 ᠳᠠᠬᠢᠵᠤ ᠪᠢᠲᠡᠭᠡᠢ ᠬᠤᠳᠠᠯ ᠬᠡᠯᠡ 》 ᠭᠡᠬᠦ ᠳ᠋ᠦ᠍ ᠬᠣᠨᠢᠴᠢᠨ ᠬᠦᠦ ᠬᠠᠷᠢᠨ ᠠᠮᠠ ᠬᠠᠮᠬᠢᠯ ᠦᠭᠡᠢ ᠢᠨᠢᠶᠡᠵᠦ ᠪᠠᠶ᠋ᠢᠯᠠ᠃
ᠨᠢᠭᠡᠨ ᠡᠳᠦᠷ ᠬᠣᠨᠢᠨ ᠰᠦᠷᠦᠭ ᠲᠦ᠍ ᠦᠨᠡᠬᠡᠷ ᠴᠢᠨᠣᠠ ᠢᠷᠡᠭᠰᠡᠨ ᠠᠵᠢ᠃ ᠥᠯᠥᠨ ᠴᠢᠨᠣᠠ ᠭᠠᠯᠵᠠᠭᠤᠷᠠᠭᠰᠠᠨ ᠮᠡᠲᠦ ᠬᠣᠨᠢᠳ ᠢ ᠲᠠᠲᠠᠵᠤ ᠯᠠ ᠪᠠᠶ᠋ᠢᠯᠠ᠃ ᠬᠣᠨᠢᠴᠢᠨ ᠬᠦᠦ ᠨᠢᠭᠡᠮᠦᠰᠦᠨ ᠰᠠᠨᠳᠤᠷᠴᠤ᠄ 《 ᠴᠢᠨᠣᠠ ᠢᠷᠡᠯᠡ ᠂ ᠴᠢᠨᠣᠠ ᠢᠷᠡᠯᠡ 》 ᠬᠡᠵᠤ ᠴᠢᠨᠡᠭᠡ ᠮᠡᠳᠡᠨ ᠬᠠᠰᠬᠢᠷᠴᠤ ᠯᠠ ᠪᠠᠶ᠋ᠢᠪᠠ᠃ ᠠᠭᠤᠯᠠᠨ ᠳᠣᠣᠷᠠ ᠠᠵᠢᠯ ᠬᠢᠵᠦ ᠪᠠᠶ᠋ᠢᠭᠰᠠᠨ ᠬᠥᠮᠦᠰ ᠲᠡᠭᠦᠨ ᠦ ᠬᠠᠰᠬᠢᠷᠬᠤ ᠳᠠᠭᠤᠨ ᠢ ᠰᠣᠨᠣᠰᠤᠭᠰᠠᠨ ᠪᠣᠯᠪᠠᠴᠤ ᠪᠠᠰᠠ ᠯᠠ ᠬᠤᠳᠠᠯ ᠬᠡᠯᠡᠵᠦ ᠪᠠᠶ᠋ᠢᠭᠠ ᠭᠡᠵᠦ ᠪᠣᠳᠣᠭᠠᠳ ᠣᠶ᠋ᠢᠰᠢᠶᠠᠭᠰᠠᠨ ᠦᠭᠡᠢ ᠃
ᠬᠣᠨᠢᠨ ᠰᠦᠷᠦᠭ ᠪᠦᠬᠦᠨ ᠢᠶ᠋ᠡᠷ ᠢᠶ᠋ᠡᠨ ᠰᠦᠢᠳᠴᠡᠢ ᠃ ᠬᠣᠨᠢᠴᠢᠨ ᠬᠦᠦ ᠴᠤ᠌ ᠠᠷᠠᠢ ᠭᠡᠵᠦ ᠳᠤᠲᠠᠭᠠᠵᠤ ᠭᠠᠷᠤᠭᠰᠠᠨ ᠪᠠᠶ᠋ᠢᠨᠠ᠃ ᠡᠨᠡ ᠶᠠᠪᠤᠳᠠᠯ ᠠ᠋ᠴᠠ ᠬᠣᠨᠢᠴᠢᠨ ᠬᠦᠦ ᠰᠤᠷᠭᠠᠮᠵᠢ ᠠᠪᠴᠤ ᠰᠠᠶ᠋ᠢᠨ ᠬᠡᠦᠬᠡᠳ ᠪᠣᠯᠤᠭᠰᠠᠨ ᠶᠤᠮ ᠭᠡᠨᠡ᠃
ᠬᠤᠳᠠᠯᠴᠢ ᠬᠥᠮᠥᠨ ᠬᠣᠢᠨᠠ ᠪᠠᠨ ᠮᠠᠭᠤ
ᠬᠤᠰᠠᠷᠠᠩ ᠭᠡᠭᠦᠦ ᠬᠠᠪᠤᠷ ᠲᠠᠭᠠᠨ ᠮᠠᠭᠤ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠴᠤᠯᠮᠤᠨᠲᠤᠶᠠᠭᠠ