ᠠᠯᠲᠠᠨ ᠵᠢᠭᠠᠰᠤᠨ ᠤ ᠦᠯᠢᠭᠡᠷАлтан загасны үлгэр-Үлгэр 16 ᠳᠣᠮᠣᠭ ᠦᠯᠢᠭᠡᠷ

ᠡᠪᠦᠭᠡᠨ ᠭᠡᠷ  ᠲᠤ ᠎ᠪᠡᠨ ᠢᠷᠡᠲᠡᠯ᠎ᠡ
ᠥᠨᠥᠬᠢ ᠵᠢᠭᠠᠰᠤᠨ ‍ᠤ ᠬᠡᠯᠡᠭᠰᠡᠨ ‍ᠢᠶ᠋ᠡᠷ
ᠥᠩᠭᠡᠲᠡᠢ ᠰᠠᠶ᠋ᠢᠬᠠᠨ ᠲᠡᠪᠰᠢ
ᠡᠮᠦᠨ᠎ᠡ ᠨᠢ ᠬᠡᠪᠲᠡᠵᠦ ᠬᠠᠷᠠᠭᠳᠠᠪᠠ ᠃

ᠡᠮᠡᠭᠡᠨ ᠳᠡᠷᠭᠡᠳᠡ ᠨᠢ ᠵᠣᠭᠰᠣᠭᠠᠳ
ᠡᠯᠳᠡᠪ ‍ᠢᠶ᠋ᠡᠷ ᠬᠠᠷᠢᠶᠠᠬᠤ ᠨᠢ ᠰᠣᠨᠣᠰᠤᠭᠳᠠᠪᠠ ᠃
《 ᠡᠷᠭᠢᠭᠦᠦ ᠲᠡᠨᠡ ᠡᠪᠦᠭᠡᠨ ᠴᠢ
ᠡᠨᠡ ᠲᠡᠪᠰᠢ ‍ᠶ᠋ᠢ ᠭᠤᠶᠤᠭᠰᠠᠨ ‍ᠦᠦ ?
ᠲᠡᠪᠰᠢ ᠎ᠪᠡᠷ ᠶᠠᠭᠤ ᠬᠢᠬᠦᠪ ?
ᠪᠤᠴᠠᠵᠤ ᠣᠳᠣ ᠶᠠᠪᠤᠭᠠᠳ
ᠪᠠᠶ᠋ᠢᠰᠢᠩ ᠭᠤᠶᠤᠭᠠᠳ ᠢᠷ᠎ᠡ 》 ᠭᠡᠵᠡᠢ ᠃
ᠡᠪᠦᠭᠡᠨ ᠭᠡᠳᠡᠷᠭᠦ ᠶᠠᠪᠤᠵᠤ
ᠥᠨᠥᠬᠢ ᠳᠠᠯᠠᠢ ‍ᠳᠤ ᠢᠷᠡᠵᠡᠢ
ᠠᠯᠲᠠᠨ ᠵᠢᠭᠠᠰᠤ ‍ᠶ᠋ᠢ ᠳᠠᠭᠤᠳᠠᠭᠰᠠᠨ ‍ᠳᠤ
ᠠᠯᠲᠠᠨ ᠵᠢᠭᠠᠰᠤ ᠬᠥᠪᠦᠭᠰᠡᠭᠡᠷ
ᠡᠮᠦᠨ᠎ᠡ ᠨᠢ ᠬᠦᠷᠴᠦ ᠢᠷᠡᠭᠡᠳ ᠄
《 ᠬᠦᠨᠳᠦᠲᠦ ᠡᠪᠦᠭᠡᠨ ᠠᠬ᠎ᠠ ᠮᠢᠨᠢ
ᠬᠦᠷᠦᠭᠡᠳ ᠢᠷᠡᠪᠡ ‍ᠦᠦ ? ᠪᠠᠰᠠ
ᠶᠠᠪᠤᠳᠠᠯ ᠤᠴᠢᠷ ᠶᠠᠭᠤ ?
ᠶᠠᠮᠠᠷ ᠬᠡᠷᠡᠭ ‍ᠢᠶ᠋ᠡᠷ ᠢᠷᠡᠪᠡ ? 》
ᠡᠪᠦᠳᠦᠭ ᠨᠤᠭᠤᠯᠵᠤ ᠮᠥᠷᠭᠥᠭᠡᠳ
ᠡᠪᠦᠭᠡᠨ ᠬᠠᠷᠢᠭᠤ ᠬᠡᠯᠡᠵᠡᠢ
《 ᠬᠠᠲᠤᠨ ᠳᠡᠭᠡᠳᠦ ᠵᠢᠭᠠᠰᠤ ᠮᠢᠨᠢ
ᠬᠠᠶ᠋ᠢᠷᠠᠯᠠᠵᠤ ᠨᠠᠮ᠎ᠠ ‍ᠶ᠋ᠢ ᠥᠷᠥᠰᠢᠶᠡ
ᠮᠠᠨ ‍ᠤ ᠡᠮᠡᠭᠡᠨ ᠠᠭᠤᠷᠯᠠᠵᠤ
ᠮᠠᠰᠢ ᠶᠡᠬᠡ ᠎ᠪᠡᠷ ᠵᠢᠮᠡᠯᠡᠵᠦ
ᠬᠥᠭᠰᠢᠨ ᠨᠠᠮ᠎ᠠ ‍ᠶ᠋ᠢ ᠠᠮᠠᠷᠠᠭᠤᠯᠬᠤ ᠦᠭᠡᠢ
ᠬᠥᠭᠡᠭᠡᠵᠦ ᠵᠠᠩᠨᠠᠭᠠᠳ ᠪᠠᠶ᠋ᠢᠨ᠎ᠠ ᠃
ᠪᠠᠯᠠᠢ ᠬᠡᠷᠡᠭᠦᠯᠴᠢ ᠡᠮᠡᠭᠡᠨ ‍ᠳᠦ ᠪᠠᠶ᠋ᠢᠰᠢᠩ ᠬᠡᠷᠡᠭᠲᠡᠢ ᠭᠡᠨ᠎ᠡ 》 ᠭᠡᠬᠦ ‍ᠳᠦ
《 ᠠᠴᠢᠲᠤ ᠪᠤᠭᠤᠷᠤᠯ ᠡᠪᠦᠭᠡᠨ ᠮᠢᠨᠢ
ᠵᠣᠷᠢᠵᠤ ᠢᠷᠡᠭᠰᠡᠨ ᠬᠡᠷᠡᠭ ᠴᠢᠨᠢ
ᠵᠣᠪᠠᠬᠤ ᠶᠠᠭᠤᠮ᠎ᠠ ᠦᠭᠡᠢ ᠪᠦᠲᠦᠨ᠎ᠡ
ᠡᠷᠬᠡᠲᠦ ᠲᠩᠷᠢ ‍ᠳᠦ ᠢᠲᠡᠭᠡᠵᠦ
ᠭᠡᠷ  ᠲᠦ ᠎ᠪᠡᠨ ᠬᠠᠷᠢ ᠳ᠋ᠠ ᠂ ᠡᠪᠦᠭᠡᠨ ᠮᠢᠨᠢ
ᠡᠪᠳᠡᠷᠬᠡᠢ ᠮᠠᠭᠤ ᠭᠡᠷ ᠴᠢᠨᠢ
ᠰᠢᠨ᠎ᠡ ᠪᠠᠶ᠋ᠢᠰᠢᠩ ‍ᠢᠶ᠋ᠠᠷ ᠰᠣᠯᠢᠬᠳᠠᠨ᠎ᠠ 》 ᠭᠡᠵᠡᠢ ᠃

ᠡᠪᠦᠭᠡᠨ ᠲᠡᠨᠳᠡ ᠎ᠡᠴᠡ ᠪᠤᠴᠠᠵᠤ
ᠭᠡᠷ  ᠲᠦ ᠎ᠪᠡᠨ ᠢᠷᠡᠪᠡᠯ
ᠥᠨᠥᠬᠢ ᠮᠠᠭᠤ ᠭᠡᠷ ᠨᠢ
ᠣᠷᠣ ᠦᠭᠡᠢ ᠪᠣᠯᠤᠭᠰᠠᠨ ᠪᠠᠶ᠋ᠢᠵᠠᠢ ᠭᠡᠨ᠎ᠡ ᠃
ᠭᠡᠷ ᠪᠠᠶ᠋ᠢᠬᠰᠠᠨ ᠭᠠᠵᠠᠷ  ᠲᠦ ᠨᠢ
ᠭᠡᠷᠡᠯ ᠣᠷᠣᠬᠤ ᠴᠣᠩᠬᠣ ᠎ᠲᠠᠢ
ᠴᠠᠷᠠᠰᠤ ᠮᠣᠳᠣᠨ ᠬᠠᠭᠠᠯᠭ᠎ᠠ ᠎ᠲᠠᠢ
ᠴᠠᠭᠠᠨ ᠪᠠᠶ᠋ᠢᠰᠢᠩ ᠬᠠᠷᠠᠭᠳᠠᠵᠠᠢ ᠭᠡᠨ᠎ᠡ
ᠡᠮᠡᠭᠡᠨ ᠴᠣᠩᠬᠣᠨ ‍ᠤ ᠳᠡᠷᠭᠡᠳᠡ
ᠡᠷᠬᠢᠮᠰᠦᠭ ᠶᠠᠩᠵᠤ ᠎ᠪᠠᠷ ᠰᠠᠭᠤᠭᠠᠳ
ᠬᠠᠮᠤᠭ ᠮᠠᠭᠤ ᠦᠭᠡ ᠎ᠪᠡᠷ
ᠬᠠᠷᠢᠶᠠᠵᠤ ᠵᠠᠩᠨᠠᠵᠤ ᠪᠠᠶ᠋ᠢᠨ᠎ᠠ ᠭᠡᠨ᠎ᠡ ᠃
《 ᠡᠷᠭᠢᠭᠦᠦ ᠲᠡᠨᠡᠭ ᠠᠮᠢᠲᠠᠨ ᠴᠢ
ᠡᠨᠡ ᠪᠠᠶ᠋ᠢᠰᠢᠩ ‍ᠢ ᠭᠤᠶᠤᠭᠰᠠᠨ ‍ᠦᠦ ?
ᠵᠢᠭᠠᠰᠤᠨ ‍ᠳᠤ ᠣᠴᠢᠭᠠᠳ ᠭᠣᠶᠣ
ᠵᠠᠯᠪᠠᠷᠢᠵᠤ ᠮᠥᠷᠭᠥᠭᠡᠳ ᠢᠷ᠎ᠡ
ᠶᠠᠳᠠᠭᠤ ᠲᠠᠷᠢᠶᠠᠴᠢᠨ ᠪᠠᠶ᠋ᠢᠬᠤ ‍ᠳᠤ
ᠶᠠᠮᠠᠷ ᠵᠢᠷᠭᠠᠯ ᠪᠠᠶ᠋ᠢᠬᠤ ᠪᠤᠢ
ᠬᠠᠷᠠᠴᠤ ᠢᠵᠠᠭᠤᠷ ‍ᠢᠶ᠋ᠠᠨ ᠰᠣᠯᠢᠵᠤ
ᠲᠠᠶ᠋ᠢᠵᠢ ᠪᠣᠯᠬᠤ ᠬᠡᠷᠡᠭᠲᠡᠢ
ᠬᠠᠷ᠎ᠠ ᠲᠠᠷᠢᠶᠠᠴᠢᠨ ‍ᠢᠶ᠋ᠠᠨ ᠪᠠᠶ᠋ᠢᠵᠤ
ᠨᠣᠶᠠᠨ ᠪᠣᠯᠬᠤ ‍ᠶ᠋ᠢ ᠬᠦᠰᠡᠨ᠎ᠡ》
ᠡᠪᠦᠭᠡᠨ ᠭᠡᠳᠡᠷᠭᠦ ᠪᠤᠴᠠᠵᠤ
ᠥᠨᠥᠬᠢ ᠳᠠᠯᠠᠢ ‍ᠳᠤ ᠎ᠪᠠᠨ ᠢᠷᠡᠵᠡᠢ
ᠳᠠᠯᠠᠢ ‍ᠶ᠋ᠢᠨ ᠤᠰᠤ ᠶᠡᠬᠡ ᠎ᠪᠡᠷ
ᠳᠠᠪᠠᠯᠭᠠᠯᠠᠵᠤ ᠴᠠᠯᠭᠢᠵᠤ ᠪᠠᠶ᠋ᠢᠯ᠎ᠠ
ᠠᠯᠲᠠᠨ ᠵᠢᠭᠠᠰᠤ ‍ᠶ᠋ᠢ ᠳᠠᠭᠤᠳᠠᠲᠠᠯ᠎ᠠ
ᠠᠯᠲᠠᠨ ᠵᠢᠭᠠᠰᠤ ᠬᠥᠪᠦᠭᠰᠡᠭᠡᠷ
ᠡᠮᠦᠨ᠎ᠡ ᠨᠢ ᠬᠦᠷᠴᠦ ᠢᠷᠡᠭᠡᠳ
ᠡᠪᠦᠭᠡᠨ ᠎ᠡᠴᠡ ᠢᠩᠭᠢᠵᠦ ᠠᠰᠠᠭᠤᠵᠠᠢ ᠭᠡᠨ᠎ᠡ᠄
《 ᠬᠦᠨᠳᠦᠲᠦ ᠡᠪᠦᠭᠡᠨ ᠠᠬ᠎ᠠ ᠮᠢᠨᠢ
ᠬᠦᠷᠦᠭᠡᠳ ᠢᠷᠡᠪᠡ ‍ᠦᠦ ?  ᠪᠠᠰᠠ
ᠶᠠᠪᠤᠳᠠᠯ ᠤᠴᠢᠷ ᠶᠠᠭᠤ ?
ᠶᠠᠮᠠᠷ ᠬᠡᠷᠡᠭ ‍ᠢᠶ᠋ᠡᠷ ᠢᠷᠡᠪᠡ ? 》
ᠡᠪᠦᠳᠦᠭ ᠨᠤᠭᠤᠯᠵᠤ ᠮᠥᠷᠭᠥᠭᠡᠳ

ᠡᠪᠦᠭᠡᠨ ᠬᠠᠷᠢᠭᠤ ᠬᠡᠯᠡᠵᠡᠢ ᠭᠡᠨ᠎ᠡ
《 ᠬᠠᠲᠤᠨ ᠳᠡᠭᠡᠳᠦ ᠵᠢᠭᠠᠰᠤ ᠮᠢᠨᠢ
ᠬᠠᠶ᠋ᠢᠷᠠᠯᠠᠵᠤ ᠨᠠᠮ᠎ᠠ ‍ᠶ᠋ᠢ ᠎ᠪᠠᠨ ᠥᠷᠥᠰᠢᠶᠡ
ᠮᠠᠨ ‍ᠤ ᠡᠮᠡᠭᠡᠨ ᠠᠭᠤᠷᠯᠠᠵᠤ
ᠮᠠᠰᠢ ᠶᠡᠬᠡ ᠎ᠪᠡᠷ ᠵᠢᠮᠡᠯᠡᠵᠦ
ᠤᠷᠢᠳᠤ ᠵᠠᠩᠨᠠᠭᠰᠠᠨ ᠠ᠋ᠴᠠ ᠎ᠪᠡᠨ ᠢᠯᠡᠭᠦᠦ
ᠤᠯᠠᠮ ᠶᠡᠬᠡ ᠎ᠪᠡᠷ ᠬᠠᠷᠢᠶᠠᠵᠤ
ᠬᠥᠭᠰᠢᠨ ᠨᠠᠮ᠎ᠠ ‍ᠶ᠋ᠢ ᠠᠮᠠᠷᠠᠭᠤᠯᠬᠤ ᠦᠭᠡᠢ
ᠬᠥᠭᠡᠭᠡᠵᠦ ᠵᠠᠩᠨᠠᠭᠠᠳ ᠪᠠᠶ᠋ᠢᠨ᠎ᠠ ᠃
ᠨᠣᠣᠰᠣ ᠡᠭᠡᠷᠡᠳᠡᠭ ᠡᠮᠡᠭᠡᠨ ‍ ᠨᠣᠶᠠᠨ ᠪᠣᠯᠬᠤ ᠬᠦᠰᠡᠯ ᠎ᠲᠡᠢ ᠭᠡᠨ᠎ᠡ
ᠲᠠᠷᠢᠶᠠᠴᠢᠨ ᠢᠵᠠᠭᠤᠷ ‍ᠢᠶ᠋ᠠᠨ ᠰᠣᠯᠢᠵᠤ
ᠲᠠᠶ᠋ᠢᠵᠢ ᠪᠣᠯᠬᠤ ᠬᠦᠰᠡᠯ ᠎ᠲᠡᠢ ᠭᠡᠨ᠎ᠡ》 ᠭᠡᠬᠦ ‍ᠳᠦ《ᠵᠣᠷᠢᠵᠤ ᠢᠷᠡᠭᠰᠡᠨ ᠬᠡᠷᠡᠭ ᠲᠠᠨᠢ
ᠵᠣᠪᠠᠬᠤ ᠶᠠᠭᠤᠮ᠎ᠠ ᠦᠭᠡᠢ ᠪᠦᠲᠦᠨ᠎ᠡ
ᠡᠷᠬᠡᠲᠦ ᠲᠩᠷᠢ ‍ᠶ᠋ᠢᠨ ᠢᠷᠦᠭᠡᠯ ‍ᠢᠶ᠋ᠡᠷ
ᠡᠮᠡᠭᠡᠨ ‍ᠦ ᠴᠢᠨᠢ ᠬᠦᠰᠡᠯ ᠪᠡᠶᠡᠯᠡᠨ᠎ᠡ》
ᠡᠪᠦᠭᠡᠨ ‍ᠢ ᠪᠤᠴᠠᠭᠠᠳ ᠢᠷᠡᠲᠡᠯ᠎ᠡ
ᠥᠨᠳᠥᠷ ᠰᠠᠶ᠋ᠢᠬᠠᠨ ᠪᠠᠶ᠋ᠢᠰᠢᠩ
ᠥᠷᠭᠥᠭᠡ ᠰᠠᠶ᠋ᠢᠬᠠᠨ ᠣᠷᠳᠣᠨ
ᠡᠮᠦᠨ᠎ᠡ ᠨᠢ ᠬᠠᠷᠠᠭᠳᠠᠵᠤ ᠪᠠᠶ᠋ᠢᠨ᠎ᠠ ᠭᠡᠨ᠎ᠡ
ᠡᠨᠡ ᠰᠠᠶ᠋ᠢᠬᠠᠨ ᠣᠷᠳᠣᠨ ‍ᠳᠤ
ᠡᠮᠡᠭᠡᠨ ᠨᠢ ᠮᠣᠷᠢᠯᠠᠵᠤ ᠰᠠᠭᠤᠭᠠᠳ
ᠡᠷᠬᠢᠮ ᠪᠤᠯᠠᠭᠠᠨ ᠳᠡᠪᠡᠯ ᠎ᠲᠡᠢ
ᠡᠷᠢᠶᠡᠨ ᠬᠣᠷᠭᠣᠢ ᠮᠠᠯᠠᠭᠠᠢ ᠎ᠲᠠᠢ
ᠡᠷᠳᠡᠨᠢ ᠰᠤᠪᠤᠳ ‍ᠢᠶ᠋ᠠᠷ ᠴᠢᠮᠡᠭᠯᠡᠭᠰᠡᠨ
ᠡᠬᠡᠨᠡᠷ ᠪᠣᠯᠤᠭᠠᠳ ᠪᠠᠶ᠋ᠢᠵᠤ ᠪᠠᠶ᠋ᠢᠨ᠎ᠠ ᠭᠡᠨ᠎ᠡ ᠃
ᠤᠲᠠᠰᠤ ᠎ᠪᠠᠷ ᠤᠭᠠᠯᠵᠠ ᠲᠠᠯᠪᠢᠬᠰᠠᠨ
ᠤᠯᠠᠭᠠᠨ ᠭᠤᠲᠤᠯ ᠡᠮᠦᠰᠦᠭᠡᠳ
ᠤᠷᠳᠤᠬᠢ ᠵᠠᠷᠤᠴᠠ ᠎ᠪᠠᠨ ᠢᠰᠭᠦᠯᠵᠦ
ᠤᠴᠢᠷ ᠦᠭᠡᠢ ᠵᠠᠩᠨᠠᠵᠤ ᠭᠠᠷᠴᠠᠢ ᠭᠡᠨ᠎ᠡ
ᠠᠯᠲᠠᠨ ᠪᠥᠭᠡᠵᠢ ᠵᠡᠭᠦᠭᠰᠡᠨ
ᠠᠷᠪᠠᠨ ᠮᠣᠶ᠋ᠢᠨᠣᠭ ᠬᠤᠷᠤᠭᠤ ᠎ᠪᠠᠷ ‍ᠢᠶ᠋ᠠᠨ
ᠠᠶᠠᠭᠠᠴᠢ ᠬᠡᠦᠬᠡᠨ ‍ᠦ ᠦᠰᠦᠨ ᠎ᠡᠴᠡ
ᠠᠳᠬᠤᠵᠤ ᠠᠪᠤᠭᠠᠳ ᠵᠣᠳᠣᠵᠤ ᠪᠠᠶ᠋ᠢᠨ᠎ᠠ ᠭᠡᠨ᠎ᠡ
ᠡᠪᠦᠭᠡᠨ ᠬᠦᠷᠴᠦ ᠢᠷᠡᠭᠡᠳ
ᠡᠪᠦᠳᠦᠭ ᠰᠥᠭᠥᠳᠦᠨ ᠠᠶ᠋ᠢᠯᠠᠳᠬᠠᠪᠠ ᠭᠡᠨ᠎ᠡ
《ᠲᠠᠶ᠋ᠢᠵᠢ ‍ᠶ᠋ᠢᠨ ᠡᠷᠬᠢᠮ ᠬᠠᠲᠤᠨ
ᠲᠠᠪᠠᠲᠠᠢ ᠮᠣᠷᠢᠯᠠᠵᠤ ᠪᠠᠶ᠋ᠢᠨ᠎ᠠ ‍ᠤᠤ ?
ᠲᠠᠨ ‍ᠤ ᠬᠦᠰᠡᠭᠰᠡᠨ ᠵᠦᠢᠯ
ᠲᠠᠭᠠᠯᠠᠯ ᠶᠣᠰᠣ ᠎ᠪᠠᠷ ᠪᠣᠯᠵᠤ
ᠰᠠᠨᠠᠭᠰᠠᠨ ᠬᠡᠷᠡᠭ ᠲᠠᠨᠢ ᠪᠦᠲᠦᠭᠰᠡᠨ ‍ᠳᠦ
ᠰᠠᠨᠠᠭ᠎ᠠ ᠰᠡᠳᠬᠢᠯ ᠲᠠᠨᠢ ᠠᠮᠠᠷᠠᠪᠠ ‍ᠦᠦ ?
ᠡᠪᠦᠭᠡᠨ ‍ᠢ ᠦᠵᠡᠭᠡᠳ ᠡᠮᠡᠭᠡᠨ
ᠥᠨᠳᠥᠷ ᠳᠠᠭᠤ ᠎ᠪᠠᠷ ᠵᠠᠩᠳᠤᠷᠴᠤ
ᠠᠭᠲᠠᠨ ‍ᠤ ᠬᠠᠰᠢᠶ᠎ᠠ ᠰᠠᠬᠢᠭᠤᠯᠵᠤ
ᠠᠳᠤᠭᠤ ᠮᠠᠨᠠᠭᠤᠯᠬᠤ ᠎ᠪᠠᠷ ᠪᠣᠯᠵᠠᠢ ᠭᠡᠨ᠎ᠡ
ᠬᠡᠳᠦ ᠬᠣᠨᠣᠭ ᠥᠩᠭᠡᠷᠡᠲᠡᠯ᠎ᠡ
ᠬᠡᠷᠡᠭ ᠳᠠᠬᠢᠭᠠᠳ ᠮᠠᠨᠳᠤᠵᠠᠢ ᠭᠡᠨ᠎ᠡ
ᠤᠷᠢᠳᠤᠬᠢ ᠠ᠋ᠴᠠ ᠎ᠪᠠᠨ ᠡᠮᠡᠭᠡᠨ
ᠤᠯᠠᠮ ᠢᠯᠡᠭᠦᠦ ᠎ᠪᠡᠷ ᠳᠣᠭᠰᠢᠷᠠᠵᠤ
ᠠᠳᠤᠭᠤᠴᠢᠨ ᠮᠠᠭᠤ ᠡᠪᠦᠭᠡᠨ ‍ᠢ
ᠠᠪᠴᠢᠷᠠᠭᠤᠯᠵᠤ ᠪᠠᠶ᠋ᠢᠭᠠᠳ ᠲᠤᠰᠢᠶᠠᠵᠠᠢ ᠭᠡᠨ᠎ᠡ
《 ᠵᠢᠭᠠᠰᠤᠨ ‍ᠳᠤ ᠣᠴᠢᠭᠠᠳ ᠮᠥᠷᠭᠥ
ᠵᠠᠯᠪᠠᠷᠢᠵᠤ ᠭᠤᠶᠤᠭᠠᠳ ᠢᠷ᠎ᠡ
ᠬᠠᠷ᠎ᠠ ᠲᠠᠷᠢᠶᠠᠴᠢᠨ ᠪᠠᠶ᠋ᠢᠭᠠᠳ
ᠬᠠᠮᠵᠢᠯᠭᠠᠲᠤ ᠲᠠᠶ᠋ᠢᠵᠢ ᠪᠣᠯᠤᠭᠰᠠᠨ ᠶᠤᠮ
ᠬᠠᠮᠵᠢᠯᠭᠠᠲᠤ ᠲᠠᠶ᠋ᠢᠵᠢ ᠎ᠪᠠᠨ ᠪᠣᠯᠢᠭᠠᠳ
ᠬᠠᠭᠠᠨ ᠪᠣᠯᠬᠤ ‍ᠳᠤ ᠶᠠᠭᠠᠬᠢᠳᠠᠭ ᠶᠤᠮ
ᠬᠠᠲᠤᠨ ᠬᠠᠭᠠᠨ ᠪᠣᠯᠤᠭᠠᠳ
ᠬᠠᠮᠤᠭ ‍ᠢ ᠵᠠᠬᠢᠷᠬᠤ ᠬᠦᠰᠡᠯ ᠎ᠲᠡᠢ ᠪᠠᠶ᠋ᠢᠨ᠎ᠠ 》 ᠭᠡᠵᠡᠢ ᠃
ᠥᠨᠥᠬᠢ ᠦᠭᠡ ‍ᠶ᠋ᠢ ᠰᠣᠨᠣᠰᠤᠭᠠᠳ
ᠡᠪᠦᠭᠡᠨ ᠶᠡᠬᠡ ᠎ᠪᠡᠷ ᠰᠣᠴᠢᠵᠤ
ᠰᠢᠨᠤᠯᠲᠤ ᠮᠠᠭᠤ ᠡᠮᠡᠭᠡᠨ ‍ᠳᠦ
ᠰᠢᠭᠤᠳ ᠢᠩᠭᠢᠵᠦ ᠬᠡᠯᠡᠵᠡᠢ ᠭᠡᠨ᠎ᠡ
《 ᠬᠣᠪᠳᠣᠭ ᠰᠠᠨᠠᠭ᠎ᠠ ᠴᠢᠨᠢ ᠬᠡᠲᠦᠷᠡᠵᠦ
ᠬᠣᠭᠣᠰᠣᠨ ᠪᠠᠶ᠋ᠢᠬᠰᠠᠨ ‍ᠢᠶ᠋ᠠᠨ ᠮᠠᠷᠲᠠᠪᠠ ‍ᠦᠦ
ᠬᠣᠭᠣᠯᠠᠨ ‍ᠳᠤ ᠶᠡᠬᠡ ᠴᠠᠳᠴᠤ
ᠭᠠᠯᠵᠠᠭᠤ ᠡᠪᠡᠳᠴᠢᠨ ᠲᠤᠰᠪᠠ ‍ᠦᠦ ?
ᠲᠡᠭᠰᠢ ᠵᠥᠪ ᠠᠯᠬᠤᠵᠤ ᠴᠢᠳᠠᠬᠤ ᠦᠭᠡᠢ
ᠲᠡᠨᠡᠭ ᠮᠠᠭᠤ ᠡᠮᠡᠭᠡᠨ ᠴᠢ
ᠳᠡᠭᠡᠳᠦ ᠬᠠᠭᠠᠨ ᠪᠣᠯᠵᠤ
ᠶᠠᠭᠠᠬᠢᠵᠤ ᠴᠢᠳᠠᠬᠤ ᠶᠤᠮ ᠪᠤᠢ ?
ᠳᠡᠯᠡᠬᠡᠢ ‍ᠶ᠋ᠢᠨ ᠬᠥᠮᠦᠨ ᠠᠮᠢᠲᠠᠨ ‍ᠤ ᠳᠣᠭᠣᠬᠢ ᠪᠣᠯᠤᠨ᠎ᠠ
ᠪᠦᠲᠦᠨ ᠦᠭᠡ ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠡᠶ᠋ᠢᠮᠦ ᠡᠮᠡᠭᠡᠨ
ᠪᠦᠭᠦᠳᠡ ‍ᠶ᠋ᠢᠨ ᠬᠠᠭᠠᠨ ᠪᠣᠯᠵᠤ
ᠪᠦᠬᠦ ᠠᠮᠢᠲᠠᠨ ‍ᠤ ᠢᠴᠢᠭᠦᠷᠢ ᠪᠣᠯᠤᠨ᠎ᠠ ᠰᠢᠦ ᠳ᠋ᠡ 》 ᠭᠡᠵᠡᠢ ᠃
ᠡᠮᠡᠭᠡᠨ ᠶᠡᠬᠡ ᠎ᠪᠡᠷ ᠠᠭᠤᠷᠯᠠᠵᠤ
ᠡᠯᠳᠡᠪ ᠵᠦᠢᠯ ‍ᠢᠶ᠋ᠡᠷ ᠬᠠᠷᠢᠶᠠᠵᠤ
ᠲᠠᠷᠢᠶᠠᠴᠢᠨ ᠡᠪᠦᠭᠡᠨ ‍ᠦ ᠬᠠᠴᠠᠷ ‍ᠢ
《 ᠲᠠᠰ 》 ᠬᠢᠲᠡᠯ᠎ᠡ ᠠᠯᠠᠭᠠᠳᠠᠵᠤ ᠭᠡᠨ᠎ᠡ ᠃
ᠰᠦᠷᠡᠬᠡᠢ ᠶᠡᠬᠡ ᠎ᠪᠡᠷ ᠬᠠᠷᠠᠵᠤ
ᠰᠦᠷᠳᠡᠭᠦᠯᠵᠦ ᠪᠠᠶ᠋ᠢᠭᠠᠳ ᠲᠤᠰᠢᠶᠠᠵᠤ ᠭᠡᠨ᠎ᠡ
ᠲᠠᠶ᠋ᠢᠵᠢ ᠢᠵᠠᠭᠤᠷᠲᠤ ᠮᠢᠨᠦ
ᠲᠠᠭᠠᠯᠠᠯ ᠲᠤᠰᠢᠶᠠᠯ ᠬᠣᠶᠠᠷ ‍ᠢ
ᠲᠡᠨᠡᠭ ᠵᠥᠨᠥᠭ ᠡᠪᠦᠭᠡᠨ ᠴᠢ
ᠵᠥᠷᠢᠴᠡᠵᠦ ᠪᠣᠯᠳᠠᠭ ᠶᠤᠮ ‍ᠤᠤ
ᠳᠤᠷᠠᠲᠠᠢ ᠳᠣᠷ᠎ᠠ ᠦᠭᠡᠢ ‍ᠶ᠋ᠢ ᠴᠢᠨᠢ ᠠᠰᠠᠭᠤᠭ᠎ᠠ ᠦᠭᠡᠢ
ᠲᠤᠰᠢᠶᠠᠵᠤ ᠪᠠᠶ᠋ᠢᠨ᠎ᠠ ᠂ ᠴᠢᠮ᠎ᠠ ‍ᠳᠤ
ᠳᠠᠭᠤ ᠦᠭᠡᠢ ᠶᠠᠪᠤᠬᠤ ᠦᠭᠡᠢ ᠪᠣᠯ ᠴᠢᠷᠦᠭᠡᠳ ᠶᠠᠪᠤᠭᠤᠯᠤᠨ᠎ᠠ 》 ᠭᠡᠵᠡᠢ ᠃
ᠡᠪᠦᠭᠡᠨ ᠭᠡᠳᠡᠷᠭᠦ ᠪᠤᠴᠠᠵᠤ
ᠥᠨᠥᠬᠢ ᠳᠠᠯᠠᠢ ‍ᠳᠤ ᠎ᠪᠠᠨ ᠢᠷᠡᠵᠡᠢ ᠭᠡᠨ᠎ᠡ
ᠳᠠᠯᠠᠢ ‍ᠶ᠋ᠢᠨ ᠤᠰᠤ ᠶᠡᠬᠡ ᠎ᠪᠡᠷ
ᠳᠠᠪᠠᠯᠭᠠᠯᠠᠵᠤ ᠴᠠᠯᠭᠢᠵᠤ ᠪᠠᠶ᠋ᠢᠨ᠎ᠠ ᠭᠡᠨ᠎ᠡ
ᠠᠯᠲᠠᠨ ᠵᠢᠭᠠᠰᠤ ‍ᠶ᠋ᠢ ᠳᠠᠭᠤᠳᠠᠵᠤ
ᠶᠠᠪᠤᠳᠠᠯ ᠤᠴᠢᠷ ‍ᠢᠶ᠋ᠠᠨ ᠬᠡᠯᠡᠪᠡ
《 ᠤᠷᠰᠢᠬᠲᠤ ᠮᠠᠭᠤ ᠡᠮᠡᠭᠡᠨ
ᠠᠭᠤᠷᠯᠠᠵᠤ ᠵᠠᠩᠨᠠᠭᠠᠳ ᠪᠣᠯᠳᠠᠭ ᠦᠭᠡᠢ
ᠬᠠᠷᠠᠴᠤ ᠲᠠᠷᠢᠶᠠᠴᠢᠨ ᠪᠠᠶ᠋ᠢᠭᠠᠳ
ᠬᠠᠮᠵᠢᠯᠭᠠᠲᠤ ᠲᠠᠶ᠋ᠢᠵᠢ ᠪᠣᠯᠤᠭᠰᠠᠨ ᠶᠤᠮ
ᠬᠠᠮᠵᠢᠯᠭᠠᠲᠤ ᠲᠠᠶ᠋ᠢᠵᠢ ᠎ᠪᠠᠨ ᠪᠣᠯᠢᠭᠠᠳ
ᠬᠠᠭᠠᠨ ᠪᠣᠯᠬᠤ ‍ᠳᠤ ᠶᠠᠭᠠᠬᠢᠳᠠᠭ ᠶᠤᠮ
ᠬᠠᠲᠤᠨ ᠬᠠᠭᠠᠨ ᠪᠣᠯᠤᠭᠠᠳ 

ᠵᠣᠪᠠᠬᠤ ᠶᠠᠭᠤᠮ᠎ᠠ ᠦᠭᠡᠢ ᠪᠦᠲᠦᠨ᠎ᠡ
ᠡᠷᠬᠡᠲᠦ ᠲᠩᠷᠢ ‍ᠳᠦ ᠢᠲᠡᠭᠡᠵᠦ
ᠭᠡᠷ  ᠲᠦ ᠎ᠪᠡᠨ ᠬᠠᠷᠢ᠂ ᠡᠪᠦᠭᠡᠨ ᠮᠢᠨᠢ
ᠡᠮᠡᠭᠡᠨ ᠴᠢᠨᠢ ᠣᠳᠣᠬᠠᠨ
ᠡᠵᠡᠨ ᠬᠠᠭᠠᠨ ᠪᠣᠯᠤᠨ᠎ᠠ 》 ᠭᠡᠵᠦ ᠭᠡᠨ᠎ᠡ ᠃
ᠡᠪᠦᠭᠡᠨ ‍ᠢ ᠪᠤᠴᠠᠭᠠᠳ ᠢᠷᠡᠬᠦ ‍ᠳᠦ
ᠥᠷᠥᠭᠡ ᠣᠯᠠᠨ ᠲᠠᠰᠤᠯᠭ᠎ᠠ ᠎ᠲᠠᠢ
ᠥᠨᠳᠥᠷ ᠰᠠᠶ᠋ᠢᠬᠠᠨ ᠪᠠᠶ᠋ᠢᠰᠢᠩ
ᠡᠮᠦᠨ᠎ᠡ ᠨᠢ ᠬᠠᠷᠠᠭᠳᠠᠵᠤ ᠭᠡᠨ᠎ᠡ
ᠬᠠᠭᠠᠨ ‍ᠤ ᠣᠷᠳᠣᠨ ‍ᠳᠤ ᠡᠮᠡᠭᠡᠨ ᠨᠢ
ᠬᠠᠲᠤᠨ ᠪᠣᠯᠤᠭᠠᠳ ᠵᠠᠯᠠᠷᠠᠵᠤ ᠪᠠᠶ᠋ᠢᠯ᠎ᠠ ᠃
ᠡᠷᠬᠡᠲᠦ ᠬᠠᠲᠤᠨ ᠪᠣᠯᠤᠭᠠᠳ
ᠡᠵᠡᠨ ‍ᠦ ᠰᠢᠷᠡᠭᠡᠨ ‍ᠳᠦ ᠰᠠᠭᠤᠭᠠᠳ
ᠪᠢᠷ ᠴᠠᠭᠠᠰᠤ ᠪᠠᠷᠢᠬᠰᠠᠨ
ᠪᠢᠴᠢᠭ ‍ᠦᠨ ᠲᠦᠰᠢᠮᠡᠳ ‍ᠢᠶ᠋ᠡᠷ ᠲᠣᠭᠣᠷᠢᠭᠤᠯᠵᠤ
ᠪᠠᠯᠳᠠ ᠰᠦᠬᠡ ᠳᠠᠯᠠᠶ᠋ᠢᠬᠰᠠᠨ
ᠪᠠᠭᠠᠲᠤᠷ ᠴᠡᠷᠢᠭ ‍ᠢᠶ᠋ᠡᠷ ᠬᠦᠷᠢᠶᠡᠯᠡᠭᠦᠯᠵᠦ
ᠨᠣᠶᠠᠳ ‍ᠢᠶ᠋ᠠᠷ ᠬᠤᠨᠳᠠᠭ᠎ᠠ ᠪᠠᠷᠢᠭᠤᠯᠵᠤ
ᠲᠦᠰᠢᠮᠡᠳ ‍ᠢᠶ᠋ᠡᠷ ᠰᠥᠩ ᠲᠦᠰᠢᠭᠦᠯᠵᠦ
ᠳᠠᠯᠠᠢ ‍ᠶ᠋ᠢᠨ ᠴᠠᠭᠠᠨ᠎ᠠ ᠠ᠋ᠴᠠ ᠠᠪᠴᠢᠷᠠᠭᠰᠠᠨ
ᠳᠠᠷᠠᠰᠤ ᠤᠤᠭᠤᠭᠠᠳ ᠨᠠᠷᠭᠢᠵᠤ ᠪᠠᠶ᠋ᠢᠨ᠎ᠠ ᠭᠡᠨ᠎ᠡ
ᠠᠷᠢᠭᠤᠨ ᠰᠠᠶ᠋ᠢᠬᠠᠨ ᠢᠳᠡᠭᠡ ‍ᠶ᠋ᠢ
ᠠᠮᠲᠠᠯᠠᠵᠤ ᠦᠵᠡᠭᠡᠳ ᠢᠷᠪᠠᠶ᠋ᠢᠵᠤ ᠪᠠᠶ᠋ᠢᠨ᠎ᠠ ᠭᠡᠨ᠎ᠡ
ᠡᠪᠦᠭᠡᠨ ᠲᠡᠭᠦᠨ ‍ᠢ ᠬᠠᠷᠠᠭᠠᠳ
ᠥᠪᠡᠷ ‍ᠦᠨ ᠡᠷᠬᠡ ᠦᠭᠡᠢ ᠰᠦᠷᠳᠡᠵᠦ
ᠠᠶᠤᠮᠰᠢᠬᠲᠤ ᠬᠠᠲᠤᠨ ᠬᠠᠭᠠᠨ ‍ᠤ
ᠠᠮᠤᠷ ‍ᠢ ᠠᠶ᠋ᠢᠯᠠᠳᠬᠠᠵᠤ ᠮᠥᠷᠭᠥᠵᠡᠢ ᠭᠡᠨ᠎ᠡ
《 ᠡᠷᠬᠢᠮ ᠳᠡᠭᠡᠳᠦ ᠬᠠᠲᠤᠨ ᠮᠢᠨᠢ
ᠡᠩᠬᠡ ᠮᠣᠷᠢᠯᠠᠵᠤ ᠪᠠᠶ᠋ᠢᠨ᠎ᠠ ‍ᠦᠦ ?
ᠲᠠᠨ ‍ᠤ ᠬᠦᠰᠡᠭᠰᠡᠨ ᠵᠦᠢᠯ
ᠲᠠᠭᠠᠯᠠᠯ ‍ᠤᠨ ᠶᠣᠰᠣ ᠎ᠪᠠᠷ ᠪᠣᠯᠵᠤ
ᠰᠠᠨᠠᠭᠰᠠᠨ ᠬᠡᠷᠡᠭ ᠪᠦᠲᠦᠭᠰᠡᠨ ‍ᠳᠦ
ᠰᠠᠨᠠᠭ᠎ᠠ ᠰᠡᠳᠬᠢᠯ ᠴᠢᠨᠢ ᠠᠮᠠᠷᠠᠪᠠ ‍ᠦᠦ ? 

ᠡᠮᠠᠬᠡᠨ ᠡᠪᠣᠬᠡᠨ ‍ᠢ ᠬᠠᠷᠠᠭᠠᠳ
ᠡᠷᠬᠢᠮᠰᠦᠭ ᠵᠠᠩ ᠭᠠᠷᠭᠠᠵᠤ
《 ᠡᠷᠭᠢᠭᠦᠦ ᠮᠠᠭᠣ ᠡᠪᠦᠭᠡᠨ ᠢ
  ᠡᠨᠳᠡ ᠎ᠡᠴᠡ ᠬᠤᠷᠳᠤᠨ ᠬᠥᠭᠡᠭᠡᠵᠦ ᠭᠠᠷᠭ᠎ᠠ
ᠨᠢᠳᠦᠨ  ᠳᠤ ᠦᠯᠣ ᠬᠠᠷᠠᠭᠳᠠᠬᠤ
ᠴ᠍ᠢᠬᠢᠨ  ᠳᠤ ᠦᠯᠣ ᠳᠤᠭᠤᠯᠳᠠᠬᠤ
ᠵᠠᠬ᠎ᠠ ᠬᠣᠯᠠ ᠭᠠᠵᠠᠷ ᠵᠠᠶ᠋ᠢᠯᠠᠭᠤᠯᠵᠤ ᠬᠥᠭᠡᠭᠡᠵᠦ ᠶᠠᠪᠣᠭᠣᠯ ! 》 ᠬᠡᠵᠣ ᠵᠠᠷᠣᠴᠠ ᠣᠯᠠᠨ ᠬᠥᠮᠣᠨ ‍ᠳᠦ ᠎ᠪᠡᠨ
ᠵᠠᠷᠯᠢᠭ ᠪᠠᠭᠣᠯᠭᠠᠵᠣ ᠲᠤᠰᠢᠶᠠᠵᠠᠢ ᠭᠡᠨ᠎ᠡ᠃
ᠣᠯᠠᠨ ᠴᠡᠷᠢᠭ ‍ᠦᠨ ᠲᠦᠰᠢᠮᠡᠳ ᠨᠢ
ᠣᠮᠣᠭᠲᠠᠢ ᠴ᠍ᠢᠩᠭ᠎ᠠ ᠪᠠᠷ ᠲᠣᠣᠭᠠᠷᠴᠣ  
ᠵᠢᠭᠠᠰᠤᠴᠢᠨ ᠮᠠᠭᠣ ᠡᠪᠣᠬᠡᠨ ‍ᠢ
ᠵᠠᠭᠠᠮᠠᠳᠠᠵᠤ ᠪᠠᠷᠢᠵᠤ ᠠᠪᠣᠭᠠᠣᠨ
ᠭᠠᠳᠠᠨ᠎ᠠ ᠭᠠᠷᠲᠠᠯ᠎ᠠ ᠲᠦᠯᠬᠢᠪᠠ
ᠭᠠᠵᠠᠷ ᠤᠨᠠᠲᠠᠯ᠎ᠠ ᠢᠰᠬᠥᠯᠪᠠ ᠃
ᠬᠠᠭᠠᠯᠭ᠎ᠠ ᠪᠠᠷ ᠭᠠᠷᠠᠠᠣ ᠶ᠋ᠢᠨ ᠦᠶ᠎ᠠ  ᠳᠤ
ᠬᠠᠷᠠᠭᠣᠯ ᠦᠨ ᠴᠠᠭᠳᠠᠭ᠎ᠠ ᠲᠣᠯᠭᠠᠷᠠᠵᠣ
ᠠᠯᠮᠠᠰ ᠰᠦᠬᠡ ᠳᠠᠯᠠᠢᠭᠠᠳ
ᠠᠷᠠᠢ ᠯᠠ ᠴᠠᠪᠴᠢᠵᠤ ᠠᠯᠠᠠᠠᠰᠠᠨ ᠦᠬᠡᠢ
ᠣᠷᠳᠣᠨ ᠡᠴᠠ ᠲᠦᠩᠬᠡᠵᠢ ᠭᠠᠷᠲᠠᠯ᠎ᠠ
ᠣᠯᠠᠨ ᠬᠥᠮᠦᠨ ‍ᠦ ᠢᠨᠢᠶᠡᠯᠳᠦᠵᠦ
《 ᠶᠠᠮᠪᠠᠰ ᠶᠠᠬᠡᠰ ᠲᠠᠢ ᠠᠭᠣᠯᠵᠠᠠᠠᠣ
ᠶᠠᠮᠠᠷ ᠬᠡᠷᠩ ᠲᠠᠢ ᠶᠤᠮ ᠴᠢ ᠬᠢᠷᠢ ᠪᠠᠨ ᠮᠡᠳᠡᠵᠦ ᠶᠠᠪᠣ ᠪᠢᠷ᠎ᠠ ᠪᠠᠨ ᠮᠡᠳᠡᠵᠦ ᠡᠷᠬᠥ ! 》 ᠭᠡᠵᠡᠢ
ᠬᠡᠷᠩ ᠲᠦᠪᠡᠭ ᠭᠠᠷᠭᠠᠯ ᠦᠬᠡᠢ
ᠬᠡᠳᠦ ᠬᠣᠨᠣᠵᠤ ᠪᠠᠶ᠋ᠢᠲᠠᠯ᠎ᠠ
ᠬᠡᠷᠠᠬᠥᠯᠴᠢ ᠮᠠᠭᠣ ᠡᠮᠡᠭᠡᠨ ‍ᠦ
ᠬᠡᠷᠴᠠᠬᠡᠢ ᠵᠠᠩ ᠬᠥᠳᠡᠯᠵᠡᠢ ᠭᠡᠨ᠎ᠡ ᠃
ᠡᠷ᠎ᠠ ᠨᠦᠬᠥᠷ ᠶ᠋ᠢᠠᠨ ᠣᠯ ᠬᠡᠵᠣ
ᠡᠮᠠᠬᠡᠨ ᠵᠠᠩᠳᠤᠷᠴᠤ ᠲᠤᠰᠢᠶᠠᠭᠠᠳ
ᠣᠷᠳᠣᠨ ‍ᠤ ᠪᠠᠷ᠎ᠠ ᠪᠣᠯᠣᠭᠰᠠᠳ ‍ᠢ
ᠣᠯᠠᠨ ᠲᠡᠶ᠋ᠢᠰᠢ ᠨᠢ ᠶᠠᠪᠤᠭᠤᠯᠵᠠᠢ ᠭᠡᠨ᠎ᠡ ᠃
ᠡᠯᠴᠢ ᠴᠠᠭᠳᠠᠭ᠎ᠠ ᠮᠣᠷᠳᠠᠭᠤᠯᠵᠤ
ᠡᠷᠢᠵᠦ ᠰᠣᠷᠠᠵᠣ ᠣᠯᠣᠭᠠᠣᠨ
ᠬᠥᠭᠡᠷᠦᠬᠦᠢ ᠮᠠᠭᠤ ᠡᠪᠦᠭᠡᠨ ‍ᠢ
ᠬᠠᠲᠤᠨ ᠬᠠᠭᠠᠨ  ᠳᠤ ᠰᠥᠭᠦᠳᠦᠭᠦᠯᠵᠡᠢ ᠭᠡᠨ᠎ᠡ ᠃