ᠮᠣᠩᠭᠣᠯ ᠦᠰᠦᠭ ᠮᠢᠨᠢМонгол үсэг минь
1060ᠮᠣᠩᠭᠣᠯ ᠦᠰᠦᠭ ᠮᠢᠨᠢ
ᠮᠣᠩᠭᠣᠯ ᠦᠰᠦᠭ ᠦ᠋ᠨ ᠪᠢᠴᠢᠯᠭᠡ ᠶ᠋ᠢᠨ ᠰᠢᠯᠦᠭ
ᠲᠣᠩᠷᠣᠪᠵᠠᠮᠰᠣ
1985᠂12᠂25᠂
ᠠᠭᠠᠷᠤ ᠽᠠᠨᠳᠠᠨ ᠮᠣᠳᠣ ᠰᠢᠭ᠋
ᠠᠰᠬᠠ ᠲᠡᠭᠰᠢ ᠨᠢᠷᠤᠭᠤ ᠲᠠᠢ
ᠠᠷ ᠲᠠᠢ ᠲᠣᠷᠭᠠᠨ ᠲᠤᠤᠵᠠ ᠰᠢᠭ᠋
ᠠᠴᠤᠭ᠂ ᠰᠢᠲᠦ᠂ ᠰᠢᠯᠪᠢ ᠲᠡᠢ᠂
ᠤᠳᠤᠮᠰᠢᠯᠲᠤ ᠮᠣᠩᠭᠣᠯ ᠦᠰᠦᠭ ᠮᠢᠨᠢ
ᠤᠷᠠᠨ ᠵᠢᠷᠤᠭ ᠰᠢᠭ᠋ ᠰᠠᠢᠬᠠᠨ ᠯᠠ ᠪᠠᠢᠨᠠ᠃
ᠣᠶᠤᠨ ᠪᠢᠯᠢᠭᠲᠦ ᠳᠡᠭᠡᠳᠦᠰ ᠦ᠋ᠨ ᠮᠢᠨᠢ
ᠤᠤᠭᠠᠨ ᠮᠡᠳᠡᠯᠭᠡ ᠶ᠋ᠢᠨ ᠲᠠᠯᠠᠰ ᠪᠠᠢᠨᠠ᠃
ᠲᠡᠷᠭᠡᠯ ᠮᠥᠩᠭᠥᠨ ᠰᠠᠷᠠ ᠰᠢᠭ᠋
ᠲᠡᠭᠰᠢ ᠲᠣᠭᠣᠷᠢᠭ ᠭᠡᠳᠡᠰᠦ ᠲᠡᠢ
ᠲᠡᠨᠢᠭᠡᠷ ᠬᠠᠰ ᠰᠡᠢᠯᠦᠮᠡᠯ ᠰᠢᠭ
ᠲᠢᠲᠢᠮ ᠂ ᠭᠣᠬᠠ᠂ ᠬᠢᠮᠤᠰᠤ ᠲᠠᠢ᠂
ᠤᠳᠤᠮᠰᠢᠯᠲᠤ ᠮᠣᠩᠭᠣᠯ ᠦᠰᠦᠭ ᠮᠢᠨᠢ
ᠤᠷᠠᠨ ᠵᠢᠷᠤᠭ ᠰᠢᠭ᠋ ᠰᠠᠢᠬᠠᠨ ᠯᠠ ᠪᠠᠢᠨᠠ᠃
ᠤᠷᠮᠠ ᠵᠣᠷᠢᠭᠲᠤ ᠦᠷᠡᠳᠦᠰ ᠲᠡᠭᠡᠨ
ᠤᠯᠠᠮᠵᠢᠯᠠᠵᠤ ᠥᠭᠭᠦᠭᠰᠡᠨ ᠡᠷᠳᠡᠨᠢ ᠪᠠᠢᠨᠠ᠃
ᠡᠷᠳᠡᠨᠢ ᠪᠣᠯᠣᠷ ᠣᠳᠣᠨ ᠰᠢᠭ᠋
ᠡᠷᠢᠬᠡᠨ ᠲᠤᠰᠢᠶᠠ ᠳᠤᠰᠤᠯ ᠤ᠋ᠳ ᠲᠠᠢ
ᠡᠷᠢᠶᠡᠨ ᠯᠤᠤ ᠶ᠋ᠢᠨ ᠰᠠᠬᠠᠯ ᠰᠢᠭ᠋
ᠡᠪᠡᠷ ᠂ ᠰᠡᠭᠦᠯ ᠂ ᠭᠡᠵᠢᠭᠡ ᠲᠡᠢ
ᠤᠳᠤᠮᠰᠢᠯᠲᠤ ᠮᠣᠩᠭᠣᠯ ᠦᠰᠦᠭ ᠮᠢᠨᠢ
ᠤᠷᠠᠨ ᠵᠢᠷᠤᠭ ᠰᠢᠭ᠋ ᠰᠠᠢᠬᠠᠨ ᠯᠠ ᠪᠠᠢᠨᠠ᠃
ᠤᠬᠠᠭᠠᠨ ᠰᠠᠨᠠᠭᠠ ᠶ᠋ᠢ ᠨᠢᠰᠬᠡᠬᠦ
ᠤᠷᠤᠰᠤᠮᠠ ᠵᠢᠷᠣᠭᠠ ᠬᠦᠯᠦᠭ ᠪᠠᠢᠨᠠ᠃
ᠠᠷᠴᠠ ᠬᠦᠵᠢᠰ ᠦ᠋ᠨ ᠭᠥᠯᠢᠰ ᠰᠢᠭ
ᠠᠩᠭᠠᠷᠬᠠᠢ ᠪᠢᠲᠡᠭᠦᠦ ᠰᠠᠨᠵᠢ ᠲᠠᠢ
ᠠᠷᠰᠯᠠᠨ ᠪᠠᠷᠰ ᠤ᠋ᠨ ᠮᠠᠭᠰᠢᠯᠲᠠ ᠰᠢᠭ᠋
ᠠᠭᠰᠢᠯᠭᠠ᠂ ᠡᠭᠰᠢᠯᠭᠡ᠂ ᠡᠩᠰᠢᠯᠬᠡ ᠲᠡᠢ᠂
ᠤᠳᠤᠮᠰᠢᠯᠲᠤ ᠮᠣᠩᠭᠣᠯ ᠦᠰᠦᠭ ᠮᠢᠨᠢ
ᠤᠷᠠᠨ ᠵᠢᠷᠤᠭ ᠰᠢᠭ᠋ ᠰᠠᠢᠬᠠᠨ ᠯᠠ ᠪᠠᠢᠨᠠ᠃
ᠤᠯᠤᠰ ᠦᠨᠳᠦᠰᠦᠲᠡᠨ ᠢ᠋ᠶ᠋ᠡᠨ ᠬᠥᠭᠵᠢᠭᠦᠯᠬᠦ
ᠣᠶᠤᠨ ᠪᠢᠯᠢᠭ ᠦ᠋ᠨ ᠲᠦᠯᠬᠢᠭᠦᠷ ᠪᠠᠢᠨᠠ ᠃
ᠴᠢᠨᠳᠠᠮᠤᠨᠢ ᠡᠷᠳᠡᠨᠢ ᠶ᠋ᠢᠨ ᠲᠠᠮᠠᠭᠠ ᠰᠢᠭ᠋
ᠴᠠᠭᠠᠷᠢᠭ ᠰᠠᠢᠬᠠᠨ ᠽᠠᠷᠲᠢᠭ ᠲᠠᠢ
ᠴᠢᠮᠪᠠᠢ ᠫᠠᠩᠰᠠᠨ ᠠᠯᠴᠢᠭᠤᠷ ᠰᠢᠭ᠋
ᠴᠠᠴᠤᠯᠭᠠ ᠂ᠤᠷᠤᠭᠰᠢᠯᠠᠭᠠ ᠂ ᠣᠷᠬᠢᠴᠠ ᠲᠠᠢ ᠂
ᠤᠳᠤᠮᠰᠢᠯᠲᠤ ᠮᠣᠩᠭᠣᠯ ᠦᠰᠦᠭ ᠮᠢᠨᠢ
ᠤᠷᠠᠨ ᠵᠢᠷᠤᠭ ᠰᠢᠭ᠋ ᠰᠠᠢᠬᠠᠨ ᠯᠠ ᠪᠠᠢᠨᠠ᠃
ᠤᠯᠠᠮ ᠴᠠᠴᠩᠯᠠᠬᠥᠯᠣᠨ ᠬᠥᠭᠵᠢᠭᠦᠯᠬᠦ ᠶ᠋ᠢ
ᠤᠭ ᠵᠢᠷᠦᠬᠡᠨ ᠡᠴᠡ ᠪᠡᠨ ᠬᠦᠰᠡᠨᠡ ᠪᠢ
ᠭᠠᠸᠠ ᠦᠰᠦᠭ ᠠᠮᠢᠯᠠᠭᠤᠯᠵᠤ ᠬᠠᠲᠠᠪᠠ
ᠦᠰᠦᠭ ᠬᠢᠨᠠᠭᠴᠢ ᠮᠥᠴᠢᠷ