ᠡᠷᠳᠡᠮ ᠰᠤᠷᠤᠭᠰᠠᠨ ᠬᠦᠦ-ᠦᠯᠢᢉᠡᠷЭрдэм сурсан хүү-Үлгэр4 ᠳᠣᠮᠣᠭ ᠦᠯᠢᠭᠡᠷ

   ᠡᠷᠲᠡ ᠤᠷᠢᠳᠤ ᠎ ᠶᠢᠨ ᠴᠠᠭ ᠲᠦ ᠶᠤᠮ ᠭᠡᠨ᠎ᠡ ᠃ ᠭᠤᠷᠪᠠᠨ ᠬᠦᠦ ᠎ᠲᠡᠢ ᠨᠢᠭᠡ ᠠᠢᠯ ᠪᠠᠢᠵᠠᠢ ᠭᠡᠨ᠎ᠡ ᠃ ᠲᠣᠮᠣ ᠬᠦᠦ ᠨᠢ ᠠᠳᠤᠭᠤ ᠮᠠᠯ  ᠢᠶᠠᠨ ᠬᠠᠷᠢᠭᠤᠯᠤᠨ᠎ᠠ ᠃ ᠳᠤᠮᠳᠠ ᠬᠦᠦ ᠨᠢ ᠵᠢᠩ ᠲᠡᠭᠡᠭᠡᠨ᠎ᠡ ᠭᠡᠨ᠎ᠡ ᠃ ᠣᠯᠠᠨ ᠲᠡᠮᠡᠭᠡᠨ  ᠳᠦ ᠠᠴᠢᠶ᠎ᠠ ᠠᠴᠢᠭᠠᠳ ᠬᠣᠯᠠ ᠭᠠᠵᠠᠷ ᠬᠦᠷᠭᠡᠨ᠎ᠡ ᠃ ᠲᠡᠨᠳᠡ ᠎ᠡᠴᠡ ᠎ᠪᠡᠨ ᠬᠥᠮᠦᠰ  ᠲᠤ ᠬᠡᠷᠡᠭ ᠎ᠲᠡᠢ ᠠᠴᠢᠶ᠎ᠠ ᠪᠠᠷᠠᠭ᠎ᠠ ᠎ ᠶᠢ ᠠᠪᠴᠢᠷᠠᠳᠠᠭ ᠪᠣᠯᠬᠣᠷ ᠵᠢᠩᠴᠢᠨ ᠭᠡᠳᠡᠭ ᠪᠠᠢᠵᠠᠢ ᠃ ᠬᠠᠷᠢᠨ ᠲᠡᠷᠡ ᠠᠢᠯ  ᠤᠨ ᠣᠳᠭᠤᠨ ᠬᠦᠦ ᠡᠵᠢ ᠠᠪᠤ  ᠳᠦ ᠎ᠪᠠᠨ ᠲᠤᠰᠠᠯᠠᠳᠠᠭ ᠪᠠᠢᠵᠠᠢ ᠃

    ᠳᠤᠮᠳᠠ ᠬᠦᠦ ᠨᠢᠭᠡᠨ ᠤᠳᠠᠭ᠎ᠠ ᠠᠯᠤᠰ ᠬᠣᠯᠠ ᠎ ᠶᠢᠨ ᠤᠯᠤᠰ  ᠲᠤ ᠬᠦᠷᠴᠡᠢ ᠃ ᠲᠡᠨᠳᠡ ᠣᠯᠠᠨ ᠰᠠᠢᠨ ᠪᠠᠭᠰᠢ ᠨᠠᠷ ᠬᠡᠦᠬᠡᠳ  ᠤᠳ  ᠲᠤ ᠡᠷᠳᠡᠮ ᠨᠣᠮ ᠵᠢᠭᠠᠵᠤ ᠪᠠᠢᠭ᠎ᠠ ᠎ ᠶᠢ ᠮᠡᠳᠡᠵᠡᠢ ᠃ ᠲᠡᠭᠡᠭᠡᠳ ᠭᠡᠷ  ᠲᠤ ᠎ᠪᠡᠨ ᠢᠷᠡᠵᠦ ᠣᠳᠭᠤᠨ ᠳᠡᠭᠦᠦ ᠎ ᠳᠦ ᠎ᠪᠡᠨ ᠄ 《 ᠬᠣᠯᠠ ᠶᠠᠪᠤᠵᠤ ᠡᠷᠳᠡᠮ ᠰᠤᠷᠤᠭᠠᠳ ᠢᠷ᠎ᠡ ! 》 ᠭᠡᠵᠦ ᠭᠡᠨ᠎ᠡ ᠃ ᠬᠠᠷᠢᠨ ᠳᠡᠭᠦᠦ ᠨᠢ ᠵᠥᠪᠰᠢᠶᠡᠷᠡᠵᠡᠢ ᠃

    ᠣᠳᠭᠤᠨ ᠬᠦᠦ ᠬᠣᠯᠠ ᠎ ᠶᠢᠨ ᠤᠯᠤᠰ  ᠲᠤ ᠣᠴᠢᠵᠤ ᠡᠷᠳᠡᠮ ᠰᠤᠷᠴᠤ ᠡᠬᠢᠯᠡᠵᠡᠢ ᠃ ᠲᠡᠷᠡ ᠎ᠪᠡᠷ ᠭᠤᠷᠪᠠᠨ ᠵᠢᠯ ᠨᠣᠮ ᠡᠷᠳᠡᠮ ᠰᠤᠷᠤᠭᠰᠠᠨ ᠴᠦ᠍ ᠭᠡᠯ᠎ᠡ ᠂ ᠶᠠᠭᠤ ᠎ᠴᠤ᠌ ᠰᠤᠷᠤᠭ᠎ᠠ ᠦᠭᠡᠢ ᠭᠡᠨ᠎ᠡ ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠂ ᠲᠡᠷᠡ ᠥᠨᠳᠥᠷ ᠠᠭᠤᠯᠠᠨ ᠳᠡᠭᠡᠷ᠎ᠡ ᠭᠠᠷᠤᠭᠠᠳ ᠥᠰᠦᠭᠰᠡᠨ ᠨᠤᠲᠤᠭ ᠤᠷᠤᠭᠤ ᠎ᠪᠠᠨ ᠬᠠᠷᠠᠭᠠᠳ ᠡᠵᠢ ᠠᠪᠤ ᠎ ᠶᠢ ᠎ᠪᠡᠨ ᠰᠠᠨᠠᠨ ᠤᠬᠢᠯᠠᠵᠤ ᠰᠠᠭᠤᠳᠠᠭ ᠪᠠᠢᠵᠠᠢ ᠭᠡᠨ᠎ᠡ ᠃ ᠪᠠᠭᠰᠢ ᠨᠢ ᠡᠷᠳᠡᠮ ᠨᠣᠮ ᠰᠤᠷᠤᠭ᠎ᠠ ᠦᠭᠡᠢ ᠬᠦᠦ ᠎ ᠶᠢ ᠵᠠᠩᠨᠠᠵᠤ ᠄ 《 ᠴᠢ ᠣᠳᠣ ᠨᠤᠲᠤᠭ ᠤᠷᠤᠭᠤ ᠎ᠪᠠᠨ ᠬᠠᠷᠢᠭᠰᠠᠨ ᠨᠢ ᠳᠡᠭᠡᠷ᠎ᠡ ᠳᠡ 》 ᠭᠡᠵᠦ ᠬᠡᠯᠡᠵᠡᠢ ᠃ ᠶᠠᠭᠤ ᠎ᠴᠤ᠌ ᠰᠤᠷᠤᠭ᠎ᠠ ᠦᠭᠡᠢ ᠬᠦᠦ ᠨᠢ ᠨᠤᠲᠤᠭ ᠤᠷᠤᠭᠤ ᠎ᠪᠠᠨ ᠬᠠᠷᠢᠬᠤ  ᠳᠦ ᠢᠴᠢᠮᠡᠷ ᠪᠠᠢᠵᠠᠢ ᠃ ᠲᠡᠭᠡᠭᠡᠳ ᠡᠪᠡᠰᠦᠨ ᠳᠤᠮᠳᠠ ᠰᠠᠭᠤᠭᠠᠳ ᠪᠢ ᠣᠳᠣ ᠶᠠᠭᠠᠬᠢᠳᠠᠭ ᠶᠤᠮ ᠪᠢᠯᠡ ? ᠨᠤᠲᠤᠭ  ᠲᠤ ᠎ᠪᠠᠨ ᠣᠴᠢᠬᠤ ᠦᠦ ? ᠠᠪᠤ ᠡᠵᠢ ᠠᠬ᠎ᠠ ᠨᠠᠷ  ᠲᠤ ᠎ᠪᠠᠨ ᠶᠠᠭᠤ ᠭᠡᠵᠦ ᠬᠡᠯᠡᠳᠡᠭ ᠶᠤᠮ ᠪᠢᠯᠡ ? ᠭᠡᠵᠦ ᠪᠣᠳᠣᠵᠤ ᠭᠡᠨ᠎ᠡ ᠃ ᠨᠢᠳᠦᠨ ᠎ ᠳᠦ ᠨᠢ ᠥᠨᠳᠥᠷ ᠡᠪᠡᠰᠦ ᠤᠷᠤᠭᠤ ᠠᠪᠠᠷᠢᠵᠤ ᠪᠠᠢᠭ᠎ᠠ ᠥᠴᠦᠬᠡᠨ ᠵᠢᠵᠢᠭᠬᠡᠨ ᠰᠢᠷᠭᠤᠯᠵᠢ ᠬᠠᠷᠠᠭᠳᠠᠵᠤ ᠭᠡᠨ᠎ᠡ ᠃ ᠰᠢᠷᠭᠤᠯᠵᠢ ᠡᠪᠡᠰᠦᠨ  ᠤ ᠳᠤᠮᠳᠠ ᠨᠢ ᠬᠦᠷᠲᠡᠯ᠎ᠡ ᠠᠪᠠᠷᠢᠭᠠᠳ ᠳᠣᠭᠣᠭᠰᠢ ᠎ᠪᠠᠨ ᠤᠨᠠᠴᠢᠬᠠᠵᠠᠢ ᠭᠡᠨ᠎ᠡ ᠃ ᠭᠡᠪᠡᠴᠦ ᠰᠢᠷᠭᠤᠯᠵᠢ ᠳᠠᠬᠢᠭᠠᠳ ᠯᠠ ᠡᠪᠡᠰᠦ ᠤᠷᠤᠭᠤ ᠠᠪᠠᠷᠢᠵᠤ ᠭᠡᠨ᠎ᠡ ᠃ ᠡᠪᠡᠰᠦᠨ  ᠤ ᠳᠤᠮᠳᠠ  ᠠᠴᠠ ᠳᠡᠭᠡᠭᠰᠢ ᠎ᠪᠡᠨ ᠠᠪᠠᠷᠢᠵᠤ ᠶᠠᠪᠤᠭᠠᠳ  ᠳᠠᠬᠢᠭᠠᠳ ᠤᠨᠠᠴᠢᠬᠠᠵᠠᠢ ᠭᠡᠨ᠎ᠡ ᠃ ᠰᠢᠷᠭᠤᠯᠵᠢ ᠪᠣᠰᠤᠭᠠᠳ ᠳᠠᠬᠢᠭᠠᠳ ᠯᠠ ᠥᠭᠡᠳᠡ ᠎ᠪᠡᠨ ᠠᠪᠠᠷᠢᠵᠤ ᠭᠡᠨ᠎ᠡ ᠃ ᠲᠡᠷᠡ ᠡᠪᠡᠰᠦᠨ  ᠤ ᠣᠷᠣᠢ  ᠳᠦ ᠬᠦᠷᠴᠦ ᠴᠢᠳᠠᠯ ᠦᠭᠡᠢ ᠤᠨᠠᠭᠰᠠᠨ ᠪᠣᠯᠪᠠᠴᠤ ᠳᠠᠬᠢᠭᠠᠳ ᠯᠠ ᠠᠪᠠᠷᠢᠭᠠᠳ ᠪᠠᠢᠵᠠᠢ ᠃ ᠡᠷᠳᠡᠮ ᠰᠤᠷᠤᠭ᠎ᠠ ᠦᠭᠡᠢ ᠬᠦᠦ ᠰᠢᠷᠭᠤᠯᠵᠢ᠎ ᠶᠢ ᠠᠵᠢᠭᠯᠠᠭᠰᠠᠭᠠᠷ ᠯᠠ ᠪᠠᠢᠯ᠎ᠠ ᠃ ᠰᠢᠷᠭᠤᠯᠵᠢ ᠴᠤᠴᠠᠯᠲᠠ ᠦᠭᠡᠢ ᠠᠪᠠᠷᠢᠭᠰᠠᠭᠠᠷ ᠡᠴᠦᠰ  ᠲᠤ ᠨᠢ ᠡᠪᠡᠰᠦᠨ  ᠤ ᠲᠣᠯᠣᠭᠠᠢ ᠳᠡᠭᠡᠷ᠎ᠡ ᠭᠠᠷᠴᠤ ᠴᠢᠳᠠᠵᠠᠢ ᠃ ᠲᠡᠭᠡᠮᠡᠭᠴᠡ ᠬᠦᠦ ᠡᠢᠨ ᠬᠦ᠌ ᠪᠣᠳᠣᠵᠠᠢ ᠃ ᠡᠢᠮᠦ ᠥᠴᠦᠬᠡᠨ ᠰᠢᠷᠭᠤᠯᠵᠢ ᠲᠡᠢᠮᠦ ᠶᠡᠬᠡ ᠲᠡᠪᠴᠢᠶᠡᠷᠢᠲᠡᠢ ᠪᠠᠢᠬᠤ  ᠳᠦ ᠬᠡᠳᠦᠨ ᠠᠷᠪᠠᠨ ᠤᠳᠠᠭ᠎ᠠ ᠠᠪᠠᠷᠢᠵᠤ ᠣᠯᠠᠨ ᠤᠳᠠᠭ᠎ᠠ ᠭᠠᠵᠠᠷ  ᠲᠤ ᠤᠨᠠᠭᠰᠠᠨ ᠪᠣᠯᠪᠠᠴᠤ ᠡᠪᠡᠰᠦ ᠤᠷᠤᠭᠤ ᠠᠪᠠᠷᠢᠭᠰᠠᠭᠠᠷ ᠪᠠᠢᠭᠠᠳ ᠣᠷᠣᠢ  ᠳᠦ ᠨᠢ ᠭᠠᠷᠴᠢᠬᠠᠯ᠎ᠠ ᠃ ᠣᠳᠣ ᠡᠨᠡ ᠰᠢᠷᠭᠤᠯᠵᠢ ᠶᠠᠮᠠᠷ ᠎ᠴᠤ᠌ ᠡᠪᠡᠰᠦᠨ  ᠤ ᠣᠷᠣᠢ  ᠳᠦ ᠬᠢᠯᠪᠠᠷᠬᠠᠨ ᠭᠠᠷᠴᠤ ᠴᠢᠳᠠᠳᠠᠭ ᠪᠣᠯᠤᠯ᠎ᠠ ᠃ ᠭᠡᠲᠡᠯ᠎ᠡ ᠪᠢ ᠡᠢᠮᠦ ᠲᠣᠮᠣ ᠬᠥᠮᠦᠨ ᠪᠠᠢᠵᠤ ᠡᠨᠡ ᠥᠴᠦᠬᠡᠨ ᠰᠢᠷᠭᠤᠯᠵᠢ ᠠᠴᠠ ᠮᠠᠭᠤ ᠭᠡᠵᠢ ᠎ᠦᠦ ! ᠰᠢᠷᠭᠤᠯᠵᠢ ᠠᠪᠠᠷᠢᠵᠤ ᠰᠤᠷᠬᠤ ᠭᠡᠵᠦ ᠬᠢᠴᠢᠶᠡᠵᠦ ᠪᠠᠢᠨ᠎ᠠ ᠂ ᠬᠠᠷᠢᠨ ᠪᠢ ᠡᠷᠳᠡᠮ ᠰᠤᠷᠬᠤ ᠭᠡᠵᠦ ᠪᠠᠢᠭ᠎ᠠ ᠂ ᠡᠷᠳᠡᠮ ᠰᠤᠷᠤᠨ᠎ᠠ ᠭᠡᠳᠡᠭ ᠰᠢᠷᠭᠤᠯᠵᠢ ᠡᠪᠡᠰᠦᠨ ᠎ ᠳᠦ ᠠᠪᠠᠷᠢᠬᠤ ᠠᠴᠠ ᠎ᠴᠤ᠌ ᠴᠢᠬᠤᠯᠠ ᠰᠢᠦ ᠳᠠ ᠭᠡᠵᠦ ᠤᠬᠠᠭᠠᠷᠠᠵᠠᠢ ᠃

      ᠬᠦᠦ ᠬᠤᠷᠳᠤᠬᠠᠨ ᠪᠣᠰᠴᠤ ᠪᠠᠭᠰᠢ ᠤᠷᠤᠭᠤ ᠎ᠪᠠᠨ ᠶᠠᠭᠠᠷᠠᠨ ᠣᠴᠢᠵᠠᠢ ᠃ ᠬᠦᠦ ᠵᠢᠯ  ᠤᠨ ᠳᠣᠲᠣᠷ᠎ᠠ ᠶᠡᠬᠡ ᠡᠷᠳᠡᠮ  ᠢ ᠰᠤᠷᠴᠤ ᠂ ᠬᠣᠵᠢᠮ ᠨᠢ ᠨᠡᠷᠡᠲᠡᠢ ᠡᠷᠳᠡᠮ  ᠤᠨ ᠬᠥᠮᠦᠨ ᠪᠣᠯᠤᠭᠰᠠᠨ ᠶᠤᠮ ᠭᠡᠳᠡᠭ ᠡ !