ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠵᠢᠩᠬᠢᠨᠢ ᠳᠣᠪᠴᠢ– ᠬᠦᠰᠡᠬᠦᠢ᠂ᠬᠥᠬᠡᠯᠤᠤ ᠨᠠᠷ (ᠬᠣᠶᠠᠳᠤᠭᠠᠷ ᠪᠣᠲᠢ) ᠡᠪᠡᠳᠴᠢᠨ ᠢ᠋ ᠢᠳᠡᠭᠡᠨ ᠦ᠌ ᠵᠠᠰᠠᠯ ᠢ᠋ᠶ᠋ᠠᠷ ᠵᠠᠰᠠᠬᠤ-1 Идээ ундааны жинхэнэ товч– Хүсэхүй ᠂Хөхлуу нар – <2-р боть>өвчнийг идээний заслаар
9ᠡᠪᠡᠳᠴᠢᠨ ᠢ᠋ ᠢᠳᠡᠭᠡᠨ ᠦ᠌ ᠵᠠᠰᠠᠯ ᠢ᠋ᠶ᠋ᠠᠷ ᠵᠠᠰᠠᠬᠤ-1
ᠡᠨᠡ ᠪᠣᠯᠪᠠᠰᠤ ᠨᠢᠷᠤᠭᠤ ᠪᠡᠯᠬᠡᠭᠦᠰᠦ ᠪᠡᠷ ᠡᠪᠡᠳᠬᠦ᠂ ᠶᠠᠰᠤᠨ ᠴᠢᠮᠥᠭᠡ ᠬᠣᠭᠣᠰᠣᠷᠠᠬᠤ᠂ ᠤᠳᠠᠭᠠᠨ ᠵᠣᠭᠰᠣᠵᠤ ᠦᠯᠦ ᠳᠡᠢᠯᠬᠦ᠂ ᠪᠡᠶᠡ ᠬᠦᠨᠳᠦᠷᠡᠨ᠂ ᠲᠠᠮᠢᠷ ᠰᠤᠯᠠᠷᠠᠬᠤ᠂ ᠬᠤᠯᠠᠭᠠᠢ ᠬᠥᠯᠥᠰᠥ ᠬᠥᠯᠥᠷᠡᠬᠦ ᠢᠳᠡᠭᠡᠨ ᠤᠮᠳᠠᠭᠠᠨ ᠤ᠋ ᠬᠡᠮᠵᠢᠶᠡ ᠬᠠᠰᠤᠭᠳᠠᠭᠠᠳ ᠴᠠᠭ ᠪᠤᠰᠤ ᠪᠠᠷ ᠪᠥᠭᠡᠯᠵᠢᠵᠦ ᠰᠠᠭᠤᠯᠭᠠᠬᠤ ᠵᠡᠷᠭᠡ ᠶ᠋ᠢ ᠵᠠᠰᠠᠮᠤᠢ᠃
ᠡᠭᠦᠨ ᠳ᠋ᠦ᠍ᠷ ᠲᠦᠭᠦᠬᠡᠢ ᠰᠠᠰᠸᠷ (ᠬᠢᠲᠠᠳ ᠳᠠᠭᠤᠳᠠᠯᠭᠠ ᠠᠨᠤ ᠳᠢ ᠬᠤᠸᠠᠩ ᠪᠣᠯᠠᠢ᠃ ᠮᠣᠩᠭᠣᠯ ᠢ᠋ᠶ᠋ᠠᠷ ᠪᠠᠰᠠ ᠬᠤᠷᠤᠭᠤᠪᠴᠢ ᠴᠡᠴᠡᠭ ᠬᠡᠮᠡᠮᠦᠢ) ᠬᠠᠭᠠᠰ ᠵᠢᠩ᠂ ᠰᠤᠷᠠᠮ ᠪᠤᠷᠠᠮ ᠤ᠋ᠨ ᠡᠭᠡᠳᠡᠩ ᠲᠠᠪᠤᠨ ᠯᠠᠩ᠂ ᠬᠠᠷᠠ ᠲᠠᠬᠢᠶᠠ ᠨᠢᠭᠡ ᠪᠦᠬᠦᠯᠢ᠃
ᠳᠡᠭᠡᠷᠡᠬᠢ ᠭᠤᠷᠪᠠᠨ ᠵᠦᠢᠯ ᠡᠴᠡ ᠶᠠᠭᠤᠨ ᠤ᠋ ᠡᠮᠦᠨᠡ ᠲᠠᠬᠢᠶᠠ ᠶ᠋ᠢᠨ ᠦᠰᠦ ᠪᠠ ᠭᠡᠳᠡᠰᠦ ᠳᠣᠲᠣᠷ ᠢ᠋ ᠴᠡᠪᠡᠷ ᠠᠷᠢᠯᠭᠠᠭᠠᠳ ᠨᠠᠷᠢᠨ ᠬᠡᠷᠴᠢᠵᠦ᠂ ᠵᠢᠴᠢ ᠰᠠᠰᠸᠷ ᠪᠠ ᠰᠤᠷᠠᠮ ᠢ᠋ ᠲᠡᠭᠰᠢᠬᠡᠨ ᠬᠤᠳᠬᠤᠵᠤ᠂ ᠲᠠᠬᠢᠶᠠᠨ ᠬᠡᠪᠡᠯᠢ ᠳᠣᠲᠣᠷᠠ ᠠᠬᠤᠭᠤᠯᠤᠨ ᠭᠠᠤᠯᠢᠨ ᠰᠠᠪᠠ ᠳ᠋ᠤᠷ ᠲᠠᠯᠪᠢᠭᠠᠳ ᠳᠠᠬᠢᠵᠦ ᠵᠢᠩᠨᠡᠭᠦᠷ ᠲᠣᠷ ᠲᠠᠯᠪᠢᠵᠤ ᠵᠢᠩᠨᠡᠵᠦ ᠪᠣᠯᠭᠣᠮᠤᠢ᠃ ᠪᠣᠯᠭᠣᠭᠰᠠᠨ ᠤ᠋ ᠳᠠᠷᠠᠭᠠ ᠳᠠᠪᠤᠰᠤ ᠼᠤᠤ ᠨᠠᠢᠷᠠᠭᠤᠯᠬᠤ ᠦᠭᠡᠢ ᠪᠡᠷ ᠭᠠᠭᠴᠠ ᠬᠦ᠌ ᠮᠢᠬᠠ ᠶ᠋ᠢ ᠢᠳᠡᠵᠦ ᠰᠥᠮᠥᠰᠦ ᠶ᠋ᠢ ᠳᠠᠭᠤᠰᠬᠠᠨ ᠤᠤᠭᠤᠮᠤᠢ᠃
ᠬᠣᠨᠢ ᠶ᠋ᠢᠨ ᠥᠭᠡᠬᠦ ᠪᠠ ᠪᠠᠯ ᠤ᠋ᠨ ᠬᠠᠨᠳᠠ
ᠲᠠᠮᠢᠷ ᠳᠣᠷᠣᠢ ᠠᠷᠬᠠᠭ ᠪᠡᠯᠬᠡᠭᠦᠰᠦ ᠪᠡᠷ ᠡᠪᠡᠳᠬᠦ᠂ ᠬᠠᠨᠢᠶᠠᠬᠤ᠂ ᠠᠭᠤᠰᠬᠢ ᠶ᠋ᠢᠨ ᠬᠠᠲᠠᠩᠭᠢᠷ᠂ ᠶᠠᠰᠤ ᠬᠠᠯᠠᠭᠤᠷᠠᠬᠤ ᠵᠡᠷᠭᠡ ᠡᠪᠡᠳᠴᠢᠨ ᠢ᠋ ᠠᠨᠠᠭᠠᠮᠤᠢ᠃
ᠪᠣᠯᠭᠣᠭᠰᠠᠨ ᠬᠣᠨᠢ ᠶ᠋ᠢᠨ ᠥᠭᠡᠬᠦ ᠲᠠᠪᠤᠨ ᠯᠠᠩ᠂ ᠪᠣᠯᠭᠣᠭᠰᠠᠨ ᠬᠣᠨᠢ ᠶ᠋ᠢᠨ ᠴᠢᠮᠥᠭᠡ ᠲᠠᠪᠤᠨ ᠯᠠᠩ᠂ ᠴᠠᠭᠠᠨ ᠪᠠᠯ ᠲᠠᠪᠤᠨ ᠯᠠᠩ ᠢ᠋ ᠪᠣᠯᠭᠣᠵᠤ ᠴᠡᠪᠡᠷᠯᠡᠬᠦ᠂ ᠨᠣᠢᠲᠠᠨ ᠭᠠ ᠶ᠋ᠢᠨ ᠰᠢᠭᠦᠰᠦ ᠨᠢᠭᠡᠨ ᠭᠧ ᠨᠣᠢᠲᠠᠨ ᠰᠡᠰᠸᠷ ᠦ᠋ᠨ ᠰᠢᠭᠦᠰᠦ ᠲᠠᠪᠤᠨ ᠭᠧ᠃
ᠳᠡᠭᠡᠷᠡᠬᠢ ᠲᠠᠪᠤᠨ ᠵᠦᠢᠯ ᠡᠴᠡ ᠤᠷᠢᠳᠠᠪᠡᠷ ᠬᠣᠨᠢ ᠶ᠋ᠢᠨ ᠥᠭᠡᠬᠦ ᠶ᠋ᠢ ᠪᠤᠴᠠᠯᠭᠠᠵᠤ᠂ ᠳᠠᠷᠠᠭᠠ ᠠᠨᠤ ᠬᠣᠨᠢ ᠶ᠋ᠢᠨ ᠴᠢᠮᠥᠭᠡ ᠶ᠋ᠢ ᠲᠠᠯᠪᠢᠵᠤ ᠪᠤᠴᠠᠯᠭᠠᠭᠰᠠᠭᠠᠷ ᠡᠭᠦᠨ ᠦ᠌ ᠳᠡᠭᠡᠷᠡ ᠰᠠᠰᠸ᠋ᠷ ᠬᠢᠭᠡᠳ ᠭᠠ ᠶ᠋ᠢᠨ ᠰᠢᠭᠦᠰᠦ ᠶ᠋ᠢ ᠲᠠᠯᠪᠢᠭᠠᠳ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠤᠳᠬᠤᠵᠤ ᠵᠥᠭᠡᠯᠡᠨ ᠭᠠᠯ ᠳᠡᠭᠡᠷᠡ ᠬᠡᠳᠦᠨᠲᠡ ᠪᠤᠴᠠᠯᠭᠠᠭᠠᠳ ᠬᠠᠨᠳᠠᠯᠠᠮᠤᠢ᠃ ᠡᠭᠦᠨ ᠢ᠋ ᠡᠳᠦᠷ ᠪᠦᠷᠢ ᠪᠦᠯᠢᠶᠡᠨ ᠠᠷᠢᠬᠢᠨ ᠳ᠋ᠤᠷ ᠵᠢᠭᠤᠷᠠᠵᠤ ᠥᠯᠥᠨ ᠢ᠋ᠶ᠋ᠡᠷ ᠨᠢᠭᠡᠨ ᠬᠠᠯᠪᠠᠭᠠ ᠤᠤᠭᠤᠵᠤ ᠡᠰᠡᠬᠦᠯᠡ ᠡᠭᠦᠨ ᠢ᠋ᠶ᠋ᠡᠷ ᠱᠥᠯᠥ ᠭᠠᠷᠭᠠᠬᠤ ᠪᠤᠶᠤ ᠰᠢᠩᠭᠡᠨ ᠪᠤᠳᠠᠭᠠ ᠳ᠋ᠤᠷ ᠨᠠᠢᠷᠠᠭᠤᠯᠵᠤ ᠢᠳᠡᠵᠦ ᠴᠥᠮ ᠪᠣᠯᠤᠮᠤᠢ᠃
ᠬᠣᠨᠢ ᠶ᠋ᠢᠨ ᠴᠤᠯᠤ ᠰᠠᠪᠠ ᠶ᠋ᠢᠨ ᠵᠤᠭᠤᠰᠢ
ᠡᠨᠡ ᠢᠨᠦ ᠪᠥᠭᠡᠷᠡᠨ ᠲᠠᠮᠢᠷ ᠪᠠᠷᠠᠭᠳᠠᠭᠰᠠᠨ ᠠᠷᠬᠠᠭ ᠪᠠ ᠶᠠᠰᠤᠨ ᠤ᠋ ᠴᠢᠮᠥᠭᠡ ᠬᠣᠬᠢᠷᠠᠭᠰᠠᠨ ᠢ᠋ ᠵᠠᠰᠠᠮᠤᠢ᠃
ᠬᠣᠨᠢ ᠶ᠋ᠢᠨ ᠡᠯᠢᠭᠡ᠂ ᠭᠦᠵᠡᠭᠡ᠂ ᠪᠥᠭᠡᠷᠡ ᠵᠢᠷᠦᠬᠡ ᠠᠭᠤᠰᠬᠢ ᠲᠣᠰᠪᠣᠷᠢ ᠨᠢᠭᠡᠨ ᠪᠦᠬᠦᠯᠢ ᠶ᠋ᠢ ᠤᠬᠢᠶᠠᠵᠤ ᠴᠡᠪᠡᠷᠯᠡᠨ ᠵᠥᠭᠡᠬᠡᠢ ᠨᠢᠭᠡᠨ ᠯᠠᠩ ᠂ ᠫᠣᠸᠠᠷᠢ ᠨᠢᠭᠡᠨ ᠯᠠᠩ᠂ ᠪᠢᠪᠢᠯᠢᠩ ᠨᠢᠭᠡᠨ ᠯᠠᠩ᠂ ᠨᠢᠭᠡ ᠲᠣᠩᠭᠣᠷ ᠢ᠋ (ᠪᠤᠷᠴᠠᠭ ᠤ᠋ᠨ ᠬᠢᠮᠡᠯ) ᠨᠢᠭᠡᠨ ᠭᠧ ᠵᠦᠷᠪᠠᠭ ᠬᠣᠶᠠᠷ ᠴᠢᠨ ᠢ᠋ ᠴᠠᠭᠠᠨ ᠭᠣᠣᠯ ᠢ᠋ ᠠᠪᠴᠤ ᠬᠠᠶᠠᠨ ᠭᠡᠮᠡᠷ ᠬᠣᠶᠠᠷ ᠴᠢᠨ ᠭᠠᠭᠤᠯᠠ ᠬᠣᠶᠠᠷ ᠪᠦᠬᠦᠯᠢ᠂ ᠰᠣᠩᠭᠢᠨᠠ ᠲᠠᠪᠤᠨ ᠰᠢᠷᠬᠡᠭ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠡᠴᠡ ᠤᠷᠢᠳᠠᠪᠡᠷ ᠡᠯᠢᠭᠡ ᠨᠦ᠍ᠭᠦᠳ ᠢ᠋ ᠵᠥᠭᠡᠯᠡᠨ ᠭᠠᠯ ᠳᠡᠭᠡᠷᠡ ᠪᠤᠴᠠᠯᠭᠠᠨ ᠪᠣᠯᠭᠣᠭᠠᠳ ᠱᠥᠯᠦᠨ ᠡᠴᠡ ᠱᠦᠭᠦᠵᠦ ᠠᠪᠤᠭᠰᠠᠨ ᠤ᠋ ᠬᠣᠢᠨᠠ ᠮᠥᠨ ᠬᠦ᠌ ᠡᠯᠢᠭᠡ ᠨᠦ᠍ᠭᠦᠳ ᠢ᠋ ᠡᠮᠡ ᠶ᠋ᠢᠨ ᠬᠠᠮᠲᠤ ᠬᠣᠨᠢ ᠶ᠋ᠢᠨ ᠭᠦᠵᠡᠭᠡᠨ ᠳ᠋ᠦ᠍ᠷ ᠠᠬᠤᠭᠤᠯᠤᠨ ᠠᠮᠠᠰᠠᠷ ᠢ᠋ ᠨᠢ ᠣᠶᠣᠵᠤ ᠪᠢᠲᠡᠭᠦᠯᠡᠭᠡᠳ ᠱᠣ ᠤᠭᠤᠲᠠᠨ ᠳ᠋ᠤᠷ ᠤᠭᠤᠲᠠᠯᠠᠭᠠᠳ ᠮᠥᠨ ᠪᠠᠰᠠ ᠪᠤᠴᠠᠯᠭᠠᠨ ᠪᠣᠯᠭᠣᠭᠰᠠᠨ ᠤ᠋ ᠰᠡᠭᠦᠯᠡᠷ ᠲᠠᠪᠤᠨ ᠠᠮᠲᠠ ᠨᠡᠮᠡᠵᠦ ᠨᠠᠢᠷᠠᠭᠤᠯᠤᠨ ᠳᠤᠷᠠ ᠶ᠋ᠢᠨ ᠠᠶᠠᠪᠠᠷ ᠠᠬᠢᠨ ᠳᠠᠬᠢᠨ ᠢᠳᠡᠵᠦ ᠪᠣᠯᠤᠮᠤᠢ᠃
ᠬᠣᠨᠢᠨ ᠶᠠᠰᠤᠨ ᠤ᠋ ᠰᠢᠩᠭᠡᠨ ᠪᠤᠳᠠᠭᠠ
ᠡᠨᠡ ᠪᠣᠯ ᠲᠠᠮᠢᠷ ᠳᠣᠷᠣᠢ ᠠᠷᠬᠠᠭ ᠠ᠋ᠴᠠ ᠪᠡᠯᠬᠡᠭᠦᠰᠦ ᠡᠪᠦᠳᠦᠭ ᠢ᠋ᠶ᠋ᠡᠷ ᠬᠦᠴᠦᠨ ᠦᠭᠡᠢ ᠶ᠋ᠢ ᠡᠮᠨᠡᠮᠦᠢ᠃
ᠬᠣᠨᠢ ᠶ᠋ᠢᠨ ᠶᠠᠰᠤ ᠨᠢᠭᠡ ᠪᠦᠬᠦᠯᠢ ᠶ᠋ᠢ ᠪᠠᠯᠪᠠᠴᠢᠨ ᠬᠡᠮᠬᠡᠴᠢᠵᠦ ᠵᠦᠷᠪᠠᠭ ᠬᠣᠶᠠᠷ ᠴᠢᠨ ᠢ᠋ ᠳᠣᠲᠣᠷᠠᠬᠢ ᠴᠠᠭᠠᠨ ᠭᠣᠣᠯ ᠢ᠋ ᠠᠪᠴᠤ ᠬᠠᠶᠠᠨ ᠭᠡᠮᠡᠷ ᠬᠣᠶᠠᠷ ᠴᠢᠨ᠂ ᠭᠠᠭᠤᠯᠠ ᠬᠣᠶᠠᠷ ᠪᠦᠬᠦᠯᠢ᠂ ᠨᠣᠢᠲᠠᠨ ᠭᠠ ᠨᠢᠭᠡᠨ ᠯᠠᠩ᠂ ᠳᠠᠪᠤᠰᠤ ᠥᠴᠦᠬᠡᠨ ᠲᠡᠳᠦᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠭᠤᠷᠪᠠᠨ ᠳ᠋ᠧᠦ ᠤᠰᠤᠨ ᠳ᠋ᠤᠷ ᠲᠠᠯᠪᠢᠵᠤ᠂ ᠵᠥᠭᠡᠯᠡᠨ ᠭᠠᠯ ᠳᠡᠭᠡᠷᠡ ᠪᠤᠴᠠᠯᠭᠠᠵᠤ ᠰᠥᠮᠥᠰᠦ ᠶ᠋ᠢ ᠱᠦᠭᠦᠵᠦ ᠰᠢᠭᠦᠵᠦ ᠲᠤᠩᠭᠠᠯᠠᠭᠰᠢᠭᠤᠯᠤᠭᠠᠳ ᠰᠢᠩᠭᠡᠨ ᠪᠤᠳᠠᠭᠠ ᠴᠢᠨᠠᠬᠤ ᠪᠤᠶᠤ ᠱᠥᠯᠥ ᠨᠠᠢᠷᠠᠭᠤᠯᠵᠤ ᠴᠥᠮ ᠪᠣᠯᠤᠮᠤᠢ᠃
ᠬᠣᠨᠢᠨ ᠤ᠋ ᠨᠢᠷᠤᠭᠤᠨ ᠶᠠᠰᠤᠨ ᠤ᠋ ᠱᠥᠯᠥ
ᠡᠨᠡ ᠢᠨᠦ ᠤᠳᠠᠭᠠᠨ ᠡᠳᠦᠷ ᠢ᠋ᠶ᠋ᠡᠷ ᠳᠣᠭᠣᠭᠰᠢ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠳᠣᠷᠣᠢᠲᠠᠭᠠᠳ ᠪᠥᠭᠡᠷᠡ ᠪᠡᠯᠬᠡᠭᠦᠰᠦ ᠶ᠋ᠢᠨ ᠬᠥᠨᠦᠭᠡᠭᠳᠡᠯ ᠢ᠋ ᠵᠠᠰᠠᠮᠤᠢ᠃ ᠡᠭᠦᠨ ᠳ᠋ᠦ᠍ᠷ ᠬᠣᠨᠢ ᠶ᠋ᠢᠨ ᠨᠢᠷᠤᠭᠤᠨ ᠶᠠᠰᠤ ᠨᠢᠭᠡᠨ ᠪᠦᠬᠦᠯᠢ ᠶ᠋ᠢ ᠪᠠᠯᠪᠠᠴᠢᠨ ᠬᠡᠮᠬᠡᠴᠢᠵᠦ᠂ ᠴᠠᠭᠠᠨ ᠭᠤᠶᠠᠨ ᠨᠢᠭᠡᠨ ᠯᠠᠩ ᠢ᠋ ᠤᠬᠢᠶᠠᠭᠠᠳ ᠬᠡᠷᠴᠢᠮ ᠬᠡᠷᠴᠢᠵᠦ᠂ ᠭᠠᠭᠤᠯᠠ ᠭᠤᠷᠪᠠᠨ ᠪᠦᠬᠦᠯᠢ᠂ ᠪᠢᠪᠢᠯᠢᠩ ᠬᠣᠶᠠᠷ ᠴᠢᠨ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠣᠰᠤᠨᠠ ᠪᠤᠴᠠᠯᠭᠠᠭᠠᠳ ᠰᠢᠭᠠᠷᠤ ᠶ᠋ᠢ ᠱᠦᠭᠦᠵᠦ ᠬᠠᠶᠠᠨ᠂ ᠰᠣᠩᠭᠢᠨᠠ ᠶ᠋ᠢᠨ ᠴᠠᠭᠠᠨ ᠪᠠ ᠲᠠᠪᠤᠨ ᠠᠮᠲᠠ ᠲᠠᠯᠪᠢᠵᠤ ᠨᠠᠢᠷᠠᠭᠤᠯᠤᠨ ᠵᠢᠴᠢ ᠭᠤᠯᠢᠷ ᠤ᠋ᠨ ᠱᠧᠰᠧ ᠬᠢᠵᠦ ᠢᠳᠡᠮᠦᠢ᠃
ᠴᠠᠭᠠᠨ ᠬᠣᠨᠢ ᠶ᠋ᠢᠨ ᠪᠥᠭᠡᠷᠡ ᠶ᠋ᠢᠨ ᠱᠥᠯᠥ
ᠪᠡᠯᠬᠡᠰ ᠦ᠋ᠨ ᠬᠦᠴᠦᠨ ᠪᠠᠭᠤᠷᠠᠵᠤ᠂ ᠪᠡᠯᠬᠡᠭᠦᠰᠦ ᠡᠪᠦᠳᠦᠭ ᠢ᠋ᠶ᠋ᠡᠷ ᠬᠦᠴᠦ ᠲᠠᠮᠢᠷ ᠦᠭᠡᠢ ᠶ᠋ᠢ ᠡᠮᠨᠡᠮᠦᠢ᠃
ᠴᠠᠭᠠᠨ ᠬᠣᠨᠢ ᠶ᠋ᠢᠨ ᠪᠥᠭᠡᠷᠡ ᠬᠣᠶᠠᠷ ᠪᠦᠬᠦᠯᠢ ᠶ᠋ᠢ ᠬᠡᠷᠴᠢᠮ ᠬᠡᠷᠴᠢᠵᠦ᠂ ᠴᠠᠭᠠᠨ ᠭᠤᠶᠠᠨ ᠨᠢᠭᠡ ᠯᠠᠩ ᠢ᠋ ᠠᠷᠢᠬᠢᠨ ᠳ᠋ᠤᠷ ᠳᠡᠪᠲᠦᠭᠡᠭᠡᠳ ᠬᠡᠷᠴᠢᠨ᠂ ᠬᠣᠨᠢ ᠶ᠋ᠢᠨ ᠥᠭᠡᠬᠦ ᠳᠥᠷᠪᠡᠨ ᠯᠠᠩ ᠢ᠋ ᠬᠡᠷᠴᠢᠮ ᠬᠡᠷᠴᠢᠵᠦ᠂ ᠫᠣᠸᠠᠷᠢ ᠬᠣᠶᠠᠷ ᠴᠢᠨ᠂ ᠵᠦᠷᠪᠠᠭ ᠨᠢᠭᠡ ᠴᠢᠨ ᠢ᠋ ᠴᠠᠭᠠᠨ ᠭᠣᠣᠯ ᠢ᠋ ᠠᠪᠴᠤ ᠬᠠᠶᠠᠨ ᠪᠢᠪᠢᠯᠢᠩ ᠭᠠᠭᠤᠯᠠ ᠲᠣᠰᠪᠣᠷᠢ ᠬᠣᠶᠠᠷ ᠴᠢᠨ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠨᠡᠢᠯᠡᠭᠦᠯᠵᠦ ᠨᠠᠢᠷᠠᠭᠤᠯᠤᠭᠠᠳ ᠰᠣᠩᠭᠢᠨᠠ ᠶ᠋ᠢᠨ ᠴᠠᠭᠠᠨ ᠪᠠ ᠳᠠᠪᠤᠰᠤ ᠵᠢᠶᠠᠩ ᠵᠡᠷᠭᠡ ᠶ᠋ᠢ ᠲᠠᠯᠪᠢᠵᠤ ᠱᠥᠯᠥ ᠭᠠᠷᠭᠠᠨ ᠭᠤᠯᠢᠷ ᠤ᠋ᠨ ᠱᠧᠰᠧ ᠬᠢᠵᠦ ᠶᠡᠷᠦ ᠶ᠋ᠢᠨ ᠮᠠᠶᠢᠭ ᠤ᠋ᠨ ᠱᠥᠯᠥ ᠲᠡᠢ ᠬᠣᠭᠣᠯᠠ ᠬᠢᠵᠦ ᠢᠳᠡᠮᠦᠢ᠃
ᠭᠠᠬᠠᠢ ᠶ᠋ᠢᠨ ᠪᠥᠭᠡᠷᠡ ᠲᠡᠢ ᠰᠢᠩᠭᠡᠨ ᠪᠤᠳᠠᠭᠠ
ᠡᠨᠡ ᠢᠨᠦ ᠪᠥᠭᠡᠷᠡ ᠶ᠋ᠢᠨ ᠲᠠᠮᠢᠷ ᠳᠣᠷᠣᠢᠲᠠᠨ ᠵᠦᠳᠡᠷᠡᠯ᠂ ᠦ᠋ᠨ ᠠᠷᠤ ᠠ᠋ᠴᠠ ᠪᠣᠯᠵᠤ ᠪᠡᠯᠬᠡᠭᠦᠰᠦ ᠡᠪᠦᠳᠦᠭ ᠡᠪᠡᠷᠰᠢᠶᠡᠯ ᠬᠦᠴᠦᠨ ᠦᠭᠡᠢ ᠶ᠋ᠢ ᠵᠠᠰᠠᠮᠤᠢ᠃
ᠭᠠᠬᠠᠢ ᠶ᠋ᠢᠨ ᠪᠥᠭᠡᠷᠡ ᠨᠢᠭᠡᠨ ᠬᠣᠣᠰ ᠢ᠋ ᠥᠭᠡᠬᠦᠲᠦ ᠬᠠᠢᠯᠠᠰᠤ ᠶ᠋ᠢ ᠠᠪᠴᠤ ᠬᠠᠶᠠᠨ᠂ ᠲᠤᠲᠤᠷᠭᠠ ᠭᠤᠷᠪᠠᠨ ᠭᠧ ᠂ ᠭᠠᠭᠤᠯᠠ ᠬᠣᠶᠠᠷ ᠴᠢᠨ ᠂ ᠵᠦᠷᠪᠠᠭ ᠨᠢᠭᠡᠨ ᠴᠢᠨ ᠢ᠋ ᠴᠠᠭᠠᠨ ᠭᠣᠣᠯ ᠢ᠋ ᠠᠪᠴᠤ ᠬᠠᠶᠠᠨ ᠵᠸᠡᠪᠡᠷᠡᠢ ᠬᠣᠶᠠᠷ ᠴᠢᠨ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠡᠴᠡ ᠤᠷᠢᠳᠠᠪᠡᠷ ᠭᠠᠬᠠᠢ ᠶ᠋ᠢᠨ ᠪᠥᠭᠡᠷᠡ ᠪᠠ ᠵᠦᠷᠪᠠᠭ ᠵᠡᠷᠭᠡ ᠶ᠋ᠢ ᠣᠰᠤᠨᠠ ᠪᠤᠴᠠᠯᠭᠠᠨ ᠱᠥᠯᠦᠨ ᠳᠣᠲᠣᠷᠠᠬᠢ ᠰᠢᠭᠠᠷᠤ ᠶ᠋ᠢ ᠱᠦᠭᠦᠵᠦ ᠠᠪᠤᠭᠠᠳ ᠥᠴᠦᠬᠡᠨ ᠲᠡᠳᠦᠢ ᠠᠷᠢᠬᠢ ᠬᠢᠵᠦ᠂ ᠰᠡᠭᠦᠯᠡᠷ ᠲᠤᠲᠤᠷᠭᠠ ᠪᠠᠨ ᠬᠢᠵᠦ ᠰᠢᠩᠭᠡᠨ ᠪᠤᠳᠠᠭᠠ ᠪᠤᠴᠠᠯᠭᠠᠵᠤ ᠥᠯᠥᠨ ᠢ᠋ᠶ᠋ᠡᠷ ᠢᠳᠡᠮᠦᠢ᠃
ᠬᠡᠷᠢᠶᠡᠨᠴᠢ ᠪᠠ ᠬᠣᠨᠢ ᠶ᠋ᠢᠨ ᠪᠥᠭᠡᠷᠡᠨ ᠰᠢᠩᠭᠡᠨ ᠪᠤᠳᠠᠭᠠ
ᠡᠨᠡ ᠢᠨᠦ ᠠᠷᠭᠠ ᠶ᠋ᠢᠨ ᠲᠠᠮᠢᠷ (ᠢᠯᠴᠢ ᠶ᠋ᠢ ᠬᠡᠯᠡᠭᠰᠡᠨ ᠪᠤᠶᠤ) ᠪᠠᠭᠤᠷᠠᠵᠤ᠂ ᠪᠡᠯᠬᠡᠭᠦᠰᠦ ᠬᠥᠯ ᠢ᠋ᠶ᠋ᠡᠷ ᠡᠪᠡᠳᠴᠦ᠂ ᠲᠠᠪᠤᠨ ᠬᠥᠨᠥᠭᠡᠯ ᠳᠣᠯᠣᠭᠠᠨ ᠭᠡᠮᠲᠦᠯ ᠢ᠋ ᠠᠨᠠᠭᠠᠮᠤᠢ᠃
ᠬᠡᠷᠢᠶᠡᠨᠴᠢ ᠶ᠋ᠢᠨ ᠨᠠᠪᠴᠢ (ᠫᠠᠩᠮᠠᠢ ᠶ᠋ᠢᠨ ᠨᠠᠪᠴᠢ) ᠨᠢᠭᠡ ᠵᠢᠩ᠂ ᠬᠣᠨᠢᠨ ᠪᠥᠭᠡᠷᠡ ᠬᠣᠶᠠᠷ ᠬᠣᠣᠰ ᠢ᠋ ᠨᠠᠷᠢᠨ ᠬᠡᠷᠴᠢᠨ᠂ ᠰᠣᠩᠭᠢᠨᠠ ᠶ᠋ᠢᠨ ᠴᠠᠭᠠᠨ ᠨᠢᠭᠡᠨ ᠰᠢᠷᠬᠡᠭ᠂ ᠬᠣᠨᠢᠨ ᠮᠢᠬᠠ ᠬᠠᠭᠠᠰ ᠵᠢᠩ ᠢ᠋ ᠬᠠᠭᠤᠷᠤᠮᠤᠢ᠃
ᠳᠡᠭᠡᠷᠡᠬᠢ ᠳᠥᠷᠪᠡᠨ ᠵᠦᠢᠯ ᠦ᠋ᠨ ᠲᠡᠭᠰᠢᠬᠡᠨ ᠬᠤᠳᠬᠤᠭᠠᠳ ᠲᠠᠪᠤᠨ ᠠᠮᠲᠠ ᠬᠢᠵᠦ ᠨᠠᠢᠷᠠᠭᠤᠯᠤᠨ ᠪᠤᠴᠠᠯᠭᠠᠨ ᠱᠥᠯᠦᠨ ᠳ᠋ᠦ᠍ᠷ ᠪᠤᠳᠠᠭᠠ ᠪᠠᠨ ᠲᠠᠯᠪᠢᠵᠤ᠂ ᠰᠢᠩᠭᠡᠨ ᠪᠤᠳᠠᠭᠠ ᠪᠤᠴᠠᠯᠭᠠᠭᠠᠳ ᠥᠯᠥᠨ ᠢ᠋ᠶ᠋ᠡᠷ ᠢᠳᠡᠮᠦᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠭᠠᠸᠠ