ᠣᠷᠴᠢᠨ ᠴᠠᠭ ᠤᠨ ᠮᠣᠩᠭᠣᠯ ᠬᠡᠯᠡ - ᠠᠪᠢᠶᠠ ᠵᠦᠢ( ᠬᠣᠶᠠᠳᠤᠭᠠᠷ ᠪᠥᠯᠥᠭ-2~1) Орчин цагийн монгол хэл - Авиа зүй 2-р бүлэг<2~1>
10ᠬᠣᠶᠠᠳᠤᠭᠠᠷ ᠪᠥᠯᠥᠭ᠂ᠡᠭᠡᠰᠢᠭ ᠠᠪᠢᠶᠠ
ᠬᠣᠶᠠᠳᠤᠭᠠᠷ ᠵᠦᠢᠯ - ᠡᠭᠡᠰᠢᠭ ᠠᠪᠢᠶᠠᠨ ᠤ ᠠᠩᠭᠢᠯᠠᠯ
ᠨᠢᠭᠡ ᠡᠭᠡᠰᠢᠭ ᠠᠪᠢᠶᠠᠨ ᠤ᠋ ᠪᠡᠶᠡ ᠮᠠᠬᠠᠪᠣᠳ ᠤ᠋ᠨ ᠵᠦᠢ ᠶ᠋ᠢᠨ ᠠᠩᠭᠢᠯᠠᠯ
ᠡᠭᠡᠰᠢᠭ ᠠᠪᠢᠶᠠᠨ ᠤ᠋ ᠪᠡᠶᠡ ᠮᠠᠬᠠᠪᠣᠳ ᠤ᠋ᠨ ᠵᠦᠢ ᠶ᠋ᠢᠨ ᠠᠩᠭᠢᠯᠠᠯ ᠢ᠋ ᠪᠠᠰᠠ ᠥᠭᠦᠯᠡᠬᠦ ᠡᠷᠬᠡᠲᠡᠨ ᠦ᠌ ᠣᠷᠣᠯᠴᠠᠬᠤ ᠪᠠᠢᠳᠠᠯ ᠤ᠋ᠨ ᠠᠩᠭᠢᠯᠠᠯ ᠭᠡᠵᠦ ᠬᠡᠯᠡᠳᠡᠭ᠃ ᠡᠬᠡᠰᠢᠭ ᠢ᠋ ᠠᠪᠢᠶᠠᠯᠠᠬᠤ ᠳ᠋ᠤ᠌ ᠠᠮᠠᠨ ᠤ᠋ ᠬᠥᠨᠳᠡᠢ᠂ ᠬᠡᠯᠡᠨ ᠦ᠌ ᠡᠯᠡ ᠬᠡᠰᠡᠭ᠂ ᠤᠷᠤᠭᠤᠯ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠳᠠᠭ ᠪᠣᠯᠬᠣᠷ᠂ ᠭᠣᠣᠯᠳᠠᠭᠤ ᠳᠣᠣᠷᠠᠬᠢ ᠬᠡᠳᠦᠨ ᠲᠠᠯᠠ ᠠ᠋ᠴᠠ ᠰᠢᠨᠵᠢᠨ ᠠᠩᠭᠢᠯᠠᠵᠤ ᠪᠣᠯᠤᠨᠠ᠃
1. ᠠᠮᠠᠨ ᠤ᠋ ᠬᠥᠨᠳᠡᠢ ᠶ᠋ᠢᠨ ᠨᠡᠭᠡᠭᠡᠭᠳᠡᠬᠦ ᠬᠡᠮᠵᠢᠶᠡ ᠪᠤᠶᠤ ᠬᠡᠯᠡᠨ ᠦ᠌ ᠡᠷᠭᠦᠭᠳᠡᠬᠦ ᠬᠡᠮᠵᠢᠶᠡ ᠪᠡᠷ ᠠᠩᠭᠢᠯᠠᠬᠤ ᠨᠢ
ᠠᠮᠠᠨ ᠤ᠋ ᠬᠥᠨᠳᠡᠢ ᠶ᠋ᠢᠨ ᠨᠡᠭᠡᠭᠡᠭᠳᠡᠬᠦ ᠬᠡᠮᠵᠢᠶᠡ ᠭᠡᠳᠡᠭ ᠨᠢ ᠠᠮᠠᠨ ᠤ᠋ ᠬᠥᠨᠳᠡᠢ ᠶ᠋ᠢᠨ ᠠᠩᠭᠠᠢᠬᠤ ᠶᠡᠬᠡ ᠪᠠᠭᠠ ᠶ᠋ᠢᠨ ᠬᠡᠮᠵᠢᠶᠡ ᠶ᠋ᠢ ᠵᠢᠭᠠᠵᠤ ᠪᠠᠢᠨᠠ᠃ ᠬᠡᠯᠡᠨ ᠦ᠌ ᠡᠷᠭᠦᠭᠳᠡᠬᠦ ᠬᠡᠮᠵᠢᠶᠡ ᠭᠡᠳᠡᠭ ᠨᠢ ᠠᠮᠠᠨ ᠤ᠋ ᠬᠥᠨᠳᠡᠢ ᠳ᠋ᠦ᠍ ᠬᠡᠯᠡᠨ ᠦ᠌ ᠳᠡᠭᠡᠭᠰᠢ ᠳᠣᠷᠣᠭᠰᠢ ᠡᠷᠭᠦᠭᠳᠡᠬᠦ ᠳᠣᠷᠣᠭᠰᠢᠯᠠᠬᠤ ᠬᠡᠮᠵᠢᠶᠡ ᠶ᠋ᠢ ᠵᠢᠭᠠᠵᠤ ᠪᠠᠢᠨᠠ᠃ ᠠᠮᠠᠨ ᠤ᠋ ᠬᠥᠨᠳᠡᠢ ᠶ᠋ᠢᠨ ᠨᠡᠭᠡᠭᠡᠭᠳᠡᠬᠦ ᠬᠡᠮᠵᠢᠶᠡ ᠶᠡᠬᠡᠰᠬᠦ ᠳᠣᠳᠣᠮ ᠬᠡᠯᠡᠨ ᠦ᠌ ᠡᠷᠭᠦᠭᠳᠡᠴᠡ ᠨᠢ ᠳᠣᠷᠣᠭᠰᠢᠯᠠᠵᠤ᠂ ᠠᠮᠠᠨ ᠤ᠋ ᠬᠥᠨᠳᠡᠢ ᠶ᠋ᠢᠨ ᠨᠡᠭᠡᠭᠡᠯᠲᠡ ᠪᠠᠭᠠᠰᠬᠤ ᠳᠣᠳᠣᠮ ᠬᠡᠯᠡᠨ ᠦ᠌ ᠡᠷᠭᠦᠭᠳᠡᠬᠦ ᠬᠡᠮᠵᠢᠶᠡ ᠨᠢ ᠳᠡᠭᠡᠭᠰᠢᠯᠡᠵᠦ ᠪᠠᠢᠳᠠᠭ᠃ ᠠᠮᠠᠨ ᠤ᠋ ᠬᠥᠨᠳᠡᠢ ᠶ᠋ᠢᠨ ᠨᠡᠭᠡᠭᠡᠭᠳᠡᠴᠡ ᠪᠤᠶᠤ ᠬᠡᠯᠡᠨ ᠦ᠌ ᠡᠷᠭᠦᠭᠳᠡᠴᠡ ᠶ᠋ᠢᠨ ᠠᠳᠠᠯᠢ ᠪᠤᠰᠤ ᠠ᠋ᠴᠠ ᠪᠣᠯᠵᠤ ᠡᠬᠡᠰᠢᠭ ᠠᠪᠢᠶᠠ ᠶ᠋ᠢ ᠠᠭᠤᠤ ᠪᠤᠶᠤ ᠨᠠᠮ᠂ ᠳᠡᠳ᠋ ᠠᠭᠤᠤ ᠪᠤᠶᠤ ᠳᠡᠳ᠋ ᠨᠠᠮ᠂ ᠤᠢᠲᠠᠨ ᠪᠤᠶᠤ ᠥᠨᠳᠥᠷ᠂ ᠳᠡᠳ᠋ ᠤᠢᠲᠠᠨ ᠪᠤᠶᠤ ᠳᠡᠳ᠋ ᠥᠨᠳᠥᠷ᠂ ᠳᠤᠮᠳᠠᠴᠢ ᠡᠭᠡᠰᠢᠭ ᠭᠡᠬᠦ ᠮᠡᠲᠦ ᠪᠡᠷ ᠢᠯᠭᠠᠨ ᠨᠡᠷᠡᠯᠡᠵᠦ ᠪᠣᠯᠤᠨᠠ᠃
(1) ᠠᠭᠤᠤ ᠪᠤᠶᠤ ᠨᠠᠮ ᠡᠭᠡᠰᠢᠭ— ᠬᠡᠯᠡᠬᠦ ᠳ᠋ᠦ᠍ ᠠᠮᠠᠨ ᠤ᠋ ᠬᠥᠨᠳᠡᠢ ᠶ᠋ᠢᠨ ᠨᠡᠭᠡᠭᠡᠯᠲᠡ ᠶ᠋ᠢᠨ ᠬᠡᠮᠵᠢᠶᠡ ᠬᠠᠮᠤᠭ ᠶᠡᠬᠡ ᠬᠡᠯᠡ ᠬᠠᠮᠤᠭ ᠳᠣᠷᠣᠭᠰᠢᠯᠠᠵᠤ ᠠᠪᠢᠶᠠᠯᠠᠭᠳᠠᠬᠤ ᠡᠭᠡᠰᠢᠭ ᠪᠣᠯᠤᠨᠠ᠃ ᠤᠳᠬᠠ ᠵᠣᠬᠢᠶᠠᠯ ᠤ᠋ᠨ ᠬᠡᠯᠡᠨ ᠦ᠌a[a] ᠪᠣᠯ ᠡᠢᠮᠦ ᠡᠬᠡᠰᠢᠭ ᠶᠦᠮ᠃
(2) ᠳᠡᠳ᠋ ᠠᠭᠤᠤ ᠪᠤᠶᠤ ᠳᠡᠳ᠋ ᠨᠠᠮ ᠡᠭᠡᠰᠢᠭ— ᠠᠮᠠᠨ ᠤ᠋ ᠨᠡᠭᠡᠭᠡᠯᠲᠡ ᠶ᠋ᠢᠨ ᠬᠡᠮᠵᠢᠶᠡ ᠬᠠᠮᠤᠭ ᠶᠡᠬᠡ ᠡᠴᠡ ᠪᠡᠨ ᠵᠢᠭᠠᠬᠠᠨ ᠪᠠᠭᠠ ᠪᠣᠯᠵᠤ ᠠᠪᠢᠶᠠᠯᠠᠭᠳᠠᠬᠤ ᠡᠬᠡᠰᠢᠭ ᠪᠣᠯᠤᠨᠠ᠃ ᠮᠣᠩᠭᠣᠯ ᠬᠡᠯᠡᠨ ᠦ᠌ ᠣᠢᠷᠠᠳ ᠠᠶᠠᠯᠭᠤᠨ ᠤ᠋ [æ] ᠪᠣᠯ ᠡᠢᠮᠦ ᠡᠬᠡᠰᠢᠭ ᠪᠣᠯᠤᠨᠠ᠃
(3) ᠤᠢᠲᠠᠨ ᠪᠤᠶᠤ ᠥᠨᠳᠥᠷ ᠡᠬᠡᠰᠢᠭ— ᠠᠮᠠᠨ ᠤ᠋ ᠬᠥᠨᠳᠡᠢ ᠬᠠᠮᠤᠭ ᠪᠠᠭᠠ᠂ ᠬᠡᠯᠡᠨ ᠦ᠌ ᠪᠠᠢᠷᠢ ᠬᠠᠮᠤᠭ ᠠ᠋ᠴᠠ ᠥᠨᠳᠥᠷ ᠡᠷᠭᠦᠭᠳᠡᠵᠦ ᠠᠪᠢᠶᠠᠯᠠᠭᠳᠠᠬᠤ ᠡᠬᠡᠰᠢᠭ ᠪᠣᠯᠤᠨᠠ ᠃ ᠤᠳᠬᠠ ᠵᠣᠬᠢᠶᠠᠯ ᠤ᠋ᠨ ᠬᠡᠯᠡᠨ ᠦ᠌i [i], Ʉ[ Ʉ] ᠪᠣᠯ ᠡᠢᠮᠦ ᠡᠬᠡᠰᠢᠭ ᠶᠦᠮ᠃
(4) ᠳᠡᠳ᠋ ᠤᠢᠲᠠᠨ ᠪᠤᠶᠤ ᠳᠡᠳ᠋ ᠨᠠᠮ ᠡᠭᠡᠰᠢᠭ— ᠠᠮᠠᠨ ᠤ᠋ ᠨᠡᠭᠡᠭᠡᠯᠲᠡ ᠬᠠᠮᠤᠭ ᠪᠠᠭᠠ ᠬᠡᠮᠵᠢᠶᠡ ᠡᠴᠡ ᠪᠡᠨ ᠵᠢᠭᠠᠬᠠᠨ ᠶᠡᠬᠡ ᠪᠣᠯᠵᠤ ᠠᠪᠢᠶᠠᠯᠠᠭᠳᠠᠬᠤ ᠡᠭᠡᠰᠢᠭ ᠪᠣᠯᠤᠨᠠ᠃ ᠤᠳᠬᠠ ᠵᠣᠬᠢᠶᠠᠯ ᠤ᠋ᠨ ᠬᠡᠯᠡᠨ ᠦ᠌u [ʊ] ᠪᠣᠯ ᠡᠢᠮᠦ ᠡᠬᠡᠰᠢᠭ ᠶᠦᠮ᠃
(5) ᠳᠤᠮᠳᠠᠴᠢ ᠡᠬᠡᠰᠢᠭ— ᠠᠮᠠᠨ ᠤ᠋ ᠬᠥᠨᠳᠡᠢ ᠶ᠋ᠢᠨ ᠨᠡᠭᠡᠭᠡᠭᠳᠡᠬᠦ ᠬᠡᠮᠵᠢᠶᠡ ᠪᠤᠶᠤ ᠬᠡᠯᠡᠨ ᠦ᠌ ᠡᠷᠭᠦᠭᠳᠡᠴᠡ ᠨᠢ ᠳᠤᠮᠳᠠ ᠶ᠋ᠢᠨ ᠪᠠᠢᠳᠠᠯ ᠳ᠋ᠤ᠌ ᠪᠠᠢᠬᠤ ᠳ᠋ᠤ᠌ ᠪᠠᠢᠵᠤ ᠠᠪᠢᠶᠠᠯᠠᠭᠳᠠᠬᠤ ᠪᠣᠯᠤᠨᠠ᠃ ᠤᠳᠬᠠ ᠵᠣᠬᠢᠶᠠᠯ ᠤ᠋ᠨ ᠬᠡᠯᠡᠨ ᠦ᠌ e [ə] , ө [ө] ᠪᠣᠯ ᠡᠢᠮᠦ ᠡᠬᠡᠰᠢᠭ ᠶᠦᠮ᠃
(6) ᠤᠢᠲᠠᠪᠲᠤᠷ ᠳᠤᠮᠳᠠ ᠪᠤᠶᠤ ᠥᠨᠳᠥᠷᠬᠡᠨ ᠳᠤᠮᠳᠠ ᠡᠭᠡᠰᠢᠭ— ᠠᠮᠠᠨ ᠤ᠋ ᠨᠡᠭᠡᠭᠡᠯᠲᠡ ᠶ᠋ᠢᠨ ᠬᠡᠮᠵᠢᠶᠡ ᠳᠤᠮᠳᠠᠴᠢ ᠡᠭᠡᠰᠢᠭ ᠡᠴᠡ ᠵᠢᠭᠠᠬᠠᠨ ᠪᠠᠭᠠ ᠪᠣᠯᠵᠤ ᠠᠪᠢᠶᠠᠯᠠᠭᠳᠠᠬᠤ ᠡᠬᠡᠰᠢᠭ ᠪᠣᠯᠤᠨᠠ᠃ ᠣᠢᠷᠠᠳ ᠠᠶᠠᠯᠭᠤᠨ ᠤ᠋[e] [ø] ᠪᠣᠯ ᠡᠢᠮᠦ ᠡᠬᠡᠰᠢᠭ ᠶᠦᠮ᠃
(7) ᠠᠭᠤᠪᠲᠤᠷ ᠳᠤᠮᠳᠠ ᠪᠤᠶᠤ ᠨᠠᠮᠬᠠᠨ ᠳᠤᠮᠳᠠ ᠡᠬᠡᠰᠢᠭ— ᠠᠮᠠᠨ ᠤ᠋ ᠨᠡᠭᠡᠭᠡᠯᠲᠡ ᠨᠢ ᠳᠤᠮᠳᠠᠴᠢ ᠡᠭᠡᠰᠢᠭ ᠡᠴᠡ ᠵᠢᠭᠠᠬᠠᠨ ᠶᠡᠬᠡ᠂ ᠳᠡᠳ᠋ ᠠᠭᠤᠤ ᠡᠭᠡᠰᠢᠭ ᠡᠴᠡ ᠵᠢᠭᠠᠬᠠᠨ ᠪᠠᠭᠠ ᠬᠡᠮᠵᠢᠶᠡ ᠪᠡᠷ ᠠᠩᠭᠠᠢᠵᠤ ᠠᠪᠢᠶᠠᠯᠠᠭᠳᠠᠬᠤ ᠪᠣᠯᠤᠨᠠ᠃ ᠤᠳᠬᠠ ᠵᠣᠬᠢᠶᠠᠯ ᠤ᠋ᠨ ᠬᠡᠯᠡᠨ ᠦ᠌ o [ɔ] ᠪᠣᠯ ᠡᠢᠮᠦ ᠡᠬᠡᠰᠢᠭ ᠶᠦᠮ᠃
2. ᠬᠡᠯᠡᠨ ᠦ᠌ ᠪᠠᠢᠷᠢ ᠪᠤᠶᠤ ᠬᠡᠪᠲᠡᠭᠡ ᠪᠠᠢᠳᠠᠯ ᠢ᠋ᠶ᠋ᠠᠷ ᠠᠩᠭᠢᠯᠠᠬᠤ ᠨᠢ
ᠬᠡᠯᠡᠨ ᠦ᠌ ᠪᠠᠢᠷᠢ ᠭᠡᠳᠡᠭ ᠨᠢ ᠬᠡᠯᠡᠨ ᠦ᠌ ᠬᠡᠪᠲᠡᠭᠡ ᠪᠠᠢᠳᠠᠯ ᠳ᠋ᠠᠬᠢ ᠡᠮᠦᠨᠡ ᠬᠣᠢᠨᠠᠬᠢ ᠶ᠋ᠢ ᠵᠢᠭᠠᠵᠤ ᠪᠠᠢᠨᠠ᠃ ᠡᠬᠡᠰᠢᠭ ᠢ᠋ ᠠᠪᠢᠶᠠᠯᠠᠬᠤ ᠳ᠋ᠤ᠌ ᠬᠡᠯᠡᠨ ᠦ᠌ ᠤᠷᠳᠤᠭᠤᠷᠬᠢ᠂ ᠳᠤᠮᠳᠠᠭᠤᠷᠬᠢ ᠪᠡᠶᠡ ᠬᠣᠢᠭᠤᠷᠬᠢ ᠬᠡᠰᠡᠭ ᠦ᠋ᠨ ᠠᠯᠢ ᠨᠢᠭᠡ ᠨᠢ ᠭᠣᠣᠯᠯᠠᠨ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠳᠠᠭ᠃ ᠡᠨᠡ ᠬᠦ᠌ ᠢᠯᠭᠠᠭᠠ ᠪᠠᠷ ᠨᠢ ᠡᠭᠡᠰᠢᠭ ᠦ᠋ᠳ ᠢ᠋ ᠬᠡᠯᠡᠨ ᠦ᠌ ᠤᠷᠳᠤᠭᠤᠷᠬᠢ᠂ ᠳᠤᠮᠳᠠᠭᠤᠷᠬᠢ ᠪᠡᠶᠡ ᠬᠣᠢᠭᠤᠷᠬᠢ ᠭᠡᠵᠦ ᠲᠤᠰ ᠲᠤᠰ ᠠᠩᠭᠢᠯᠠᠨᠠ᠃ ᠵᠠᠷᠢᠮ ᠬᠡᠯᠡᠨ ᠳ᠋ᠦ᠍ ᠪᠠᠰᠠ ᠬᠡᠯᠡᠨ ᠦ᠌ ᠦᠵᠦᠭᠦᠷ ᠦ᠋ᠨ ᠡᠬᠡᠰᠢᠭ ᠭᠡᠵᠦ ᠪᠠᠢᠳᠠᠭ ᠪᠣᠯᠪᠠᠴᠤ ᠮᠣᠩᠭᠣᠯ ᠬᠡᠯᠡᠨ ᠳ᠋ᠦ᠍ ᠵᠢᠭᠡᠯᠡᠭᠡ ᠦᠭᠡ ᠳ᠋ᠦ᠍ ᠰᠠᠶᠢ ᠲᠡᠢᠮᠦ ᠡᠬᠡᠰᠢᠭ ᠲᠣᠬᠢᠶᠠᠯᠳᠤᠳᠠᠭ᠃
(1) ᠬᠡᠯᠡᠨ ᠦ᠌ ᠤᠷᠳᠤᠭᠤᠷᠬᠢ ᠡᠬᠡᠰᠢᠭ— ᠥᠭᠦᠯᠡᠬᠦ ᠳ᠋ᠦ᠍ ᠬᠡᠯᠡᠨ ᠦ᠌ ᠤᠷᠳᠤᠭᠤᠷᠬᠢ ᠬᠡᠰᠡᠭ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠵᠤ ᠠᠪᠢᠶᠠᠯᠠᠭᠳᠠᠬᠤ ᠡᠬᠡᠰᠢᠭ ᠪᠣᠯᠤᠨᠠ᠃ ᠤᠳᠬᠠ ᠵᠣᠬᠢᠶᠠᠯ ᠤ᠋ᠨ ᠬᠡᠯᠡᠨ ᠦ᠌ i [i] ᠪᠣᠯ ᠡᠢᠮᠦ ᠡᠬᠡᠰᠢᠭ ᠪᠣᠯᠤᠨᠠ᠃
(2) ᠬᠡᠯᠡᠨ ᠦ᠌ ᠳᠤᠮᠳᠠᠭᠤᠷᠬᠢ ᠡᠬᠡᠰᠢᠭ— ᠥᠭᠦᠯᠡᠬᠦ ᠳ᠋ᠦ᠍ ᠬᠡᠯᠡᠨ ᠦ᠌ ᠳᠤᠮᠳᠠᠭᠤᠷᠬᠢ ᠬᠡᠰᠡᠭ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠨ ᠠᠪᠢᠶᠠᠯᠠᠭᠳᠠᠬᠤ ᠡᠬᠡᠰᠢᠭ ᠪᠣᠯᠤᠨᠠ᠃ ᠤᠳᠬᠠ ᠵᠣᠬᠢᠶᠠᠯ ᠤ᠋ᠨ ᠬᠡᠯᠡᠨ ᠦ᠌ e [ ə ],ө [ ө ], Ʉ[ Ʉ] ᠵᠡᠷᠭᠡ ᠪᠣᠯ ᠡᠢᠮᠦ ᠡᠬᠡᠰᠢᠭ ᠪᠣᠯᠤᠨᠠ᠃
(3) ᠬᠡᠯᠡᠨ ᠦ᠌ ᠬᠣᠢᠭᠤᠷᠬᠢ ᠡᠬᠡᠰᠢᠭ— ᠥᠭᠦᠯᠡᠬᠦ ᠳ᠋ᠦ᠍ ᠬᠡᠯᠡᠨ ᠦ᠌ ᠬᠣᠢᠭᠤᠷᠬᠢ ᠬᠡᠰᠡᠭ ᠭᠣᠣᠯᠯᠠᠨ ᠣᠷᠣᠯᠴᠠᠨ ᠠᠪᠢᠶᠠᠯᠠᠭᠳᠠᠬᠤ ᠡᠬᠡᠰᠢᠭ ᠪᠣᠯᠤᠨᠠ᠃ ᠤᠳᠬᠠ ᠵᠣᠬᠢᠶᠠᠯ ᠤ᠋ᠨ ᠬᠡᠯᠡᠨ ᠦ᠌a[a] ,o [ɔ], u [ʊ] ᠵᠡᠷᠭᠡ ᠪᠣᠯ ᠡᠢᠮᠦ ᠡᠬᠡᠰᠢᠭ ᠪᠣᠯᠤᠨᠠ᠃
3. ᠤᠷᠤᠭᠤᠯ ᠤ᠋ᠨ ᠪᠠᠢᠳᠠᠯ ᠢ᠋ᠶ᠋ᠠᠷ ᠠᠩᠭᠢᠯᠠᠬᠤ ᠨᠢ
ᠤᠷᠤᠭᠤᠯ ᠤ᠋ᠨ ᠪᠠᠢᠳᠠᠯ ᠭᠡᠭᠴᠢ ᠡᠭᠡᠰᠢᠭ ᠦ᠋ᠨ ᠠᠪᠢᠶᠠᠯᠠᠭᠠ ᠳ᠋ᠤ᠌ ᠤᠷᠤᠭᠤᠯ ᠣᠨᠴᠠᠭᠠᠢ ᠴᠣᠷᠪᠣᠢᠵᠤ ᠲᠦᠭᠦᠷᠡᠭᠰᠢᠬᠦ ᠪᠠᠢᠳᠠᠯ ᠭᠠᠷᠬᠤ ᠡᠰᠡᠬᠦ ᠶ᠋ᠢ ᠵᠢᠭᠠᠵᠤ ᠪᠠᠢᠨᠠ᠃ ᠡᠢᠮᠦᠷᠬᠦ ᠢᠯᠭᠠᠭᠠ ᠳ᠋ᠤ᠌ ᠰᠠᠭᠤᠷᠢᠯᠠᠨ ᠡᠭᠡᠰᠢᠭ ᠢ᠋ ᠤᠷᠤᠭᠤᠯ ᠤ᠋ᠨ ᠪᠠ ᠤᠷᠤᠭᠤᠯ ᠤ᠋ᠨ ᠪᠤᠰᠤ ᠭᠡᠵᠦ ᠠᠩᠭᠢᠯᠠᠬᠤ ᠪᠣᠯᠤᠨᠠ᠃
(1) ᠤᠷᠤᠭᠤᠯ ᠤ᠋ᠨ ᠡᠭᠡᠰᠢᠭ— ᠥᠭᠦᠯᠡᠬᠦ ᠳ᠋ᠦ᠍ ᠤᠷᠤᠭᠤᠯ ᠣᠨᠴᠠᠭᠠᠢ ᠴᠣᠷᠪᠣᠢᠨ ᠲᠥᠭᠥᠷᠢᠭᠰᠢᠵᠦ ᠬᠡᠯᠡᠭᠳᠡᠳᠡᠭ ᠡᠭᠡᠰᠢᠭ ᠪᠣᠯᠤᠨᠠ᠃ ᠤᠳᠬᠠ ᠵᠣᠬᠢᠶᠠᠯ ᠤ᠋ᠨ ᠬᠡᠯᠡᠨ ᠦ᠌ o [ɔ], u [ʊ], ө [ө], Ʉ[ Ʉ] ᠪᠣᠯ ᠡᠢᠮᠦ ᠡᠬᠡᠰᠢᠭ ᠪᠣᠯᠤᠨᠠ᠃ ᠡᠳᠡᠭᠡᠷ ᠳᠠᠬᠢ o [ɔ], ө [ө] ᠬᠣᠶᠠᠷ ᠢ᠋ ᠪᠠᠰᠠ ᠤᠷᠤᠭᠤᠯ ᠶᠡᠬᠡ ᠲᠦᠭᠦᠷᠡᠭᠰᠢᠬᠦ ᠡᠭᠡᠰᠢᠭ ᠭᠡᠵᠦ᠂ ᠨᠥᠭᠦᠭᠡ ᠬᠣᠶᠠᠷ ᠢ᠋ ᠨᠢ ᠤᠷᠤᠭᠤᠯ ᠪᠠᠭᠠ ᠲᠦᠭᠦᠷᠡᠭᠰᠢᠬᠦ ᠡᠭᠡᠰᠢᠭ ᠭᠡᠵᠦ ᠬᠡᠯᠡᠵᠦ ᠪᠣᠯᠤᠨᠠ᠃ ᠡᠨᠡ ᠬᠦ᠌ ᠢᠯᠭᠠᠭᠠ ᠨᠢ ᠡᠬᠡᠰᠢᠭ ᠵᠣᠬᠢᠴᠠᠬᠤ ᠶᠣᠰᠣᠨ ᠳ᠋ᠤ᠌ ᠲᠣᠳᠣᠷᠬᠠᠢ ᠦᠢᠯᠡᠳᠦᠯ ᠲᠡᠢ ᠪᠠᠢᠳᠠᠭ᠃
(2) ᠤᠷᠤᠭᠤᠯ ᠤ᠋ᠨ ᠪᠤᠰᠤ ᠡᠬᠡᠰᠢᠭ— ᠥᠭᠦᠯᠡᠬᠦ ᠳ᠋ᠦ᠍ ᠤᠷᠤᠭᠤᠯ ᠣᠨᠴᠠᠭᠠᠢ ᠴᠣᠷᠪᠣᠢᠵᠤ ᠲᠦᠭᠦᠷᠡᠭᠰᠢᠬᠦ ᠦᠭᠡᠢ ᠪᠡᠷ ᠰᠤᠯᠠᠪᠲᠤᠷ ᠪᠠᠢᠳᠠᠯ ᠢ᠋ᠶ᠋ᠠᠷ ᠠᠪᠢᠶᠠᠯᠠᠭᠳᠠᠳᠠᠭ ᠪᠣᠯᠤᠨᠠ᠃ ᠤᠳᠬᠠ ᠵᠣᠬᠢᠶᠠᠯ ᠤ᠋ᠨ ᠬᠡᠯᠡᠨ ᠦ᠌ ᠪᠣᠯ ᠡᠢᠮᠦ ᠪᠣᠯᠤᠨᠠ᠃
4᠂ ᠤᠯᠠᠮᠵᠢᠯᠠᠯᠲᠤ ᠵᠤᠷᠰᠢᠯ ᠢ᠋ᠶ᠋ᠠᠷ ᠠᠩᠭᠢᠯᠠᠬᠤ ᠨᠢ
ᠮᠣᠩᠭᠣᠯ ᠬᠡᠯᠡᠨ ᠦ᠌ ᠡᠬᠡᠰᠢᠭ ᠠᠪᠢᠶᠠ ᠶ᠋ᠢ ᠴᠢᠩᠭᠠ᠂ ᠬᠥᠨᠳᠡᠢ᠂ ᠰᠠᠭᠠᠷᠮᠠᠭ ᠭᠡᠵᠦ ᠠᠩᠭᠢᠯᠠᠨ ᠰᠢᠨᠵᠢᠯᠡᠭᠰᠡᠨ ᠨᠢ ᠨᠡᠯᠢᠶᠡᠳ ᠡᠷᠲᠡᠨ ᠦ᠌ ᠤᠯᠠᠮᠵᠢᠯᠠᠯ ᠪᠣᠯᠤᠨᠠ᠃ ᠡᠭᠡᠰᠢᠭ ᠠᠪᠢᠶᠠᠨ ᠤ᠋ ᠴᠢᠩᠭᠠ ᠬᠥᠨᠳᠡᠢ ᠶ᠋ᠢᠨ ᠠᠩᠭᠢᠯᠠᠯ ᠨᠢ ᠭᠣᠣᠯᠳᠠᠭᠤ ᠪᠢᠴᠢᠭ ᠦ᠋ᠨ ᠬᠡᠯᠡ ᠪᠠ ᠲᠡᠭᠦᠨ ᠦ᠌ ᠵᠥᠪ ᠪᠢᠴᠢᠯᠭᠡ᠂ ᠣᠨᠴᠠᠭᠠᠢᠯᠠᠨ ᠪᠦᠬᠦᠢᠯᠡ ᠡᠭᠡᠰᠢᠭ ᠵᠣᠬᠢᠴᠠᠬᠤ ᠶᠣᠰᠣᠨ ᠳ᠋ᠤ᠌ ᠰᠢᠭᠤᠳ ᠬᠣᠯᠪᠣᠭᠳᠠᠬᠤ ᠴᠢᠬᠤᠯᠠ ᠵᠦᠢᠯ ᠪᠣᠯᠬᠤ ᠶᠤᠮ᠃ ᠡᠭᠡᠰᠢᠭ ᠠᠪᠢᠶᠠᠨ ᠤ᠋ ᠡᠢᠮᠦᠷᠬᠦ ᠠᠩᠭᠢᠯᠠᠯ ᠤ᠋ᠨ ᠤᠴᠢᠷ ᠰᠢᠯᠲᠠᠭᠠᠨ ᠢ᠋ ᠮᠣᠩᠭᠣᠯ ᠬᠡᠯᠡᠨ ᠦ᠌ ᠰᠢᠡᠵᠢᠯᠡᠭᠡᠳᠡᠳ ᠠᠪᠢᠶᠠ ᠵᠦᠢᠯ ᠦ᠋ᠨ ᠣᠨᠣᠯ ᠤ᠋ᠨ ᠡᠭᠦᠳᠡᠨ ᠡᠴᠡ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠲᠣᠳᠣᠷᠬᠠᠢᠯᠠᠬᠤ ᠭᠡᠵᠦ ᠣᠶᠤᠨ ᠴᠢᠳᠠᠯ ᠢ᠋ᠶ᠋ᠠᠨ ᠰᠢᠪᠬᠠᠵᠤ ᠰᠤᠳᠤᠯᠵᠤ ᠪᠠᠢᠭᠠ ᠶᠤᠮ᠃