ᠨᠠᠷᠠᠨ ᠡᠵᠢ - ᠫᠣ· ᠥᠯᠵᠡᠢᠨᠠᠷᠠᠨ Наран ээж-Пү·Өлзийнаран
97ᠨᠠᠷᠠᠨ ᠡᠵᠢ
ᠦᠭᠡ᠄ ᠫᠣ· ᠥᠯᠵᠡᠢᠨᠠᠷᠠᠨ
ᠤᠶᠠᠩᠭᠠᠯᠠᠭᠴᠢ᠄ ᠠᠶᠠᠷᠠᠨ
ᠵᠡᠭᠦᠨ ᠵᠦᠭ ᠡᠴᠡ ᠨᠠᠷᠠ
ᠵᠢᠰᠦ ᠪᠡᠨ ᠤᠬᠢᠶᠠᠨ ᠪᠣᠰᠬᠤ ᠳ᠋ᠠᠭᠠᠨ
ᠡᠷᠲᠡ ᠶ᠋ᠢᠨ ᠰᠠᠭᠠᠯᠢ ᠪᠠᠨ ᠠᠪᠤᠭᠰᠠᠨ
ᠡᠵᠢ ᠡᠴᠡ ᠮᠢᠨᠢ ᠣᠷᠣᠢᠲᠠᠭᠰᠠᠨ ᠳ᠋ᠠᠭᠠᠨ
ᠡᠪᠭᠦᠢᠷᠬᠡᠨ ᠮᠦᠰᠢᠶᠡᠵᠦ
ᠡᠷᠡᠭᠦᠯ ᠴᠠᠭᠠᠨ ᠴᠢᠷᠠᠢ ᠨᠢ ᠤᠯᠠᠪᠠᠰᠬᠢᠵᠦ ᠪᠠᠢᠯᠠ᠃
ᠰᠦ ᠪᠣᠯ ᠡᠵᠢ ᠶ᠋ᠢᠨ ᠮᠢᠨᠢ
ᠰᠦᠵᠢᠭᠯᠡᠵᠦ ᠡᠷᠭᠦᠳᠡᠭ ᠠᠷᠢᠭᠤᠨ ᠢᠳᠡᠭᠡᠨ ᠪᠣᠯᠬᠣᠷ
ᠨᠠᠷᠠ ᠬᠡᠳᠦᠢᠪᠡᠷ
ᠡᠵᠢ ᠡᠴᠡ ᠮᠢᠨᠢ ᠣᠷᠣᠢᠲᠠᠭᠰᠠᠨ ᠴᠤ᠌
ᠨᠠᠭᠠᠳᠤᠬᠢ ᠰᠦ ᠶ᠋ᠢ ᠨᠢ ᠬᠥᠭᠡᠷᠦᠭᠦᠯᠬᠦ ᠪᠡᠷ
ᠠᠭᠠᠷ ᠲᠤ᠌ ᠥᠨᠳᠥᠷ ᠮᠠᠨᠳᠤᠯᠠ
ᠰᠦᠨ ᠦ᠌ ᠬᠢᠨᠢ ᠰᠢᠮᠡ ᠲᠡᠭᠡᠬᠦ ᠳ᠋ᠦ᠍
ᠠᠯᠲᠠ ᠪᠣᠯᠵᠤ ᠰᠢᠷᠠᠯᠠᠨ
ᠰᠦᠵᠢᠭᠯᠡᠵᠦ ᠬᠠᠷᠠᠪᠠᠯ ᠨᠠᠷᠠ
ᠲᠣᠰᠣᠨ ᠰᠢᠷᠭᠠᠯ ᠬᠠᠷᠠᠭᠳᠠᠨᠠ
ᠡᠳᠦᠷ ᠪᠦᠷᠢ ᠶ᠋ᠢᠨ ᠨᠠᠷᠠ ᠪᠣᠯ
ᠥᠲᠡᠯᠦᠭᠡ ᠡᠵᠢ ᠶ᠋ᠢᠨ ᠮᠢᠨᠢ
ᠥᠨᠢᠳᠡ ᠶ᠋ᠢᠨ ᠬᠠᠯᠠᠭᠤᠨ ᠳᠤᠷᠠᠰᠬᠠᠯ
ᠦᠵᠡᠰᠬᠦᠯᠡᠩᠲᠦ ᠰᠠᠢᠬᠠᠨ ᠵᠠᠯᠠᠭᠤ ᠨᠠᠰᠤ ᠨᠢ ᠪᠢᠯᠡ
ᠠᠩᠭᠢᠷ ᠪᠠᠭᠠ ᠶ᠋ᠢᠨ ᠨᠠᠰᠤᠨ ᠳ᠋ᠤ᠌
ᠠᠮᠢᠳᠤᠷᠠᠯ ᠤ᠋ᠨ ᠮᠢᠨᠢ ᠮᠣᠳᠣᠨ ᠳᠡᠭᠡᠷᠡ
ᠠᠯᠢᠮᠠ ᠰᠢᠭ᠋ ᠣᠯᠠᠨ ᠨᠠᠷᠠ
ᠢᠯᠭᠠᠷᠠᠵᠤ ᠰᠡᠳᠬᠢᠯ ᠳ᠋ᠦ᠍ ᠬᠠᠷᠠᠭᠳᠠᠭᠰᠠᠨ ᠨᠢ
ᠡᠵᠢ ᠶ᠋ᠢᠨ ᠮᠢᠨᠢ ᠡᠨᠡᠷᠢᠯ ᠬᠠᠢᠷᠠ
ᠡᠷᠬᠡ ᠦᠭᠡᠢ ᠮᠥᠨ ᠪᠠᠢᠵᠠᠢ᠄
ᠪᠦᠪᠡᠢ ᠶ᠋ᠢᠨ ᠳᠠᠭᠤᠤ ᠪᠣᠯ
ᠡᠵᠢ ᠶ᠋ᠢᠨ ᠮᠢᠨᠢ
ᠪᠥᠮᠪᠥᠷᠴᠡᠭ ᠢ᠋ ᠬᠦᠷᠲᠡᠯᠡ
ᠵᠡᠭᠦᠳᠦᠨ ᠳ᠋ᠦ᠍ ᠨᠢ ᠵᠢᠷᠭᠠᠭᠤᠯᠳᠠᠭ
ᠪᠦᠲᠦᠨ ᠵᠢᠷᠭᠠᠯ ᠤ᠋ᠨ
ᠡᠭᠡᠰᠢᠭ ᠢᠷᠠᠭᠤᠬᠠᠨ ᠨᠠᠷᠠ᠃
ᠨᠠᠮᠠ ᠶ᠋ᠢ ᠨᠠᠨᠳᠢᠩᠨᠠᠨ ᠴᠢᠮᠡᠵᠦ
ᠡᠪᠯᠢᠭ ᠲᠠᠭᠠᠷᠠᠭᠤᠯᠵᠤ ᠣᠶᠣᠵᠤ ᠥᠭᠭᠦᠭᠰᠡᠨ ᠲᠡᠷᠯᠢᠭ ᠦ᠋ᠨ ᠬᠢᠨᠢ
ᠡᠩᠭᠡᠷ ᠦ᠋ᠨ ᠬᠢᠨᠢ ᠲᠣᠪᠴᠢ ᠨᠢ ᠬᠦᠷᠲᠡᠯᠡ
ᠡᠭᠡᠯᠢᠲᠡᠢ ᠳᠤᠯᠠᠭᠠᠬᠠᠨ
ᠡᠩᠬᠦᠷᠡᠢ ᠬᠥᠭᠡᠷᠦᠬᠦᠨ ᠨᠠᠷᠠ ᠶᠤᠮ᠃
ᠶᠠᠷᠢᠵᠤ ᠥᠭᠳᠡᠭ ᠦᠯᠢᠭᠡᠷ ᠦ᠋ᠳ ᠨᠢ ᠬᠦᠷᠲᠡᠯᠡ
ᠶᠠᠰᠤ ᠤᠬᠠᠭᠠᠨ ᠳ᠋ᠤ᠌ ᠮᠢᠨᠢ ᠰᠢᠩᠭᠡᠭᠰᠡᠨ
ᠢᠷᠠᠭᠤ ᠨᠠᠢᠷᠠᠭ ᠤ᠋ᠨ ᠨᠠᠷᠠ ᠪᠠᠢᠵᠤ ᠰᠢᠦ
ᠬᠥᠳᠡᠯᠮᠦᠷᠢ ᠳ᠋ᠦ᠍ ᠠᠪᠢᠶᠠᠰ ᠰᠠᠭᠤᠯᠭᠠᠨᠠ ᠭᠡᠵᠦ
ᠬᠦᠦ ᠨᠠᠮᠠ ᠶ᠋ᠢ ᠪᠡᠨ ᠳᠠᠭᠠᠭᠤᠯᠵᠤ ᠪᠣᠢᠵᠢᠭᠤᠯᠤᠭᠰᠠᠨ ᠲᠤᠯᠠ
ᠲᠤᠭᠤᠯ ᠬᠤᠷᠠᠭᠠ ᠨᠤᠭᠤᠳ ᠨᠢ ᠬᠦᠷᠲᠡᠯᠡ
ᠲᠣᠭᠯᠠᠳᠠᠭ ᠨᠠᠷᠠ ᠪᠠᠢᠭᠰᠠᠨ
ᠡᠳᠦᠷ ᠪᠦᠷᠢ ᠡᠵᠢ ᠮᠢᠨᠢ
ᠦᠦᠷ ᠦ᠋ᠨ ᠴᠣᠯᠮᠣᠨ ᠲᠠᠢ ᠵᠡᠷᠭᠡᠴᠡᠨ ᠪᠣᠰᠴᠤ
ᠥᠷᠯᠥᠭᠡ ᠶ᠋ᠢᠨ ᠨᠠᠷᠠ ᠶ᠋ᠢ ᠳᠠᠯᠠᠯᠤᠨ ᠠᠪᠴᠢᠷᠠᠵᠤ
ᠥᠩᠭᠡ ᠭᠡᠷᠡᠯ ᠢ᠋ ᠨᠢ ᠨᠡᠮᠡᠳᠡᠭ ᠪᠠᠢᠵᠤ ᠰᠢᠦ
ᠨᠠᠷᠠ ᠪᠣᠯ ᠢᠵᠢ ᠶ᠋ᠢᠨ ᠮᠢᠨᠢ
ᠨᠠᠰᠤᠨ ᠤ᠋ ᠠᠯᠲᠠᠨ ᠲᠤᠤᠯᠢ ᠪᠠᠢᠯᠠ᠃
ᠡᠵᠢ ᠨᠠᠳᠠ ᠨᠠᠷᠠ ᠥᠭᠭᠦᠯᠡ
ᠡᠨᠡᠷᠢᠵᠦ ᠥᠭᠭᠦᠭᠰᠡᠨ ᠲᠡᠷᠡ ᠨᠠᠷᠠ ᠨᠢ
ᠡᠯᠢᠭᠡ ᠵᠢᠷᠦᠬᠡᠨ ᠳ᠋ᠦ᠍ ᠮᠥᠩᠬᠡ ᠭᠡᠷᠡᠯᠲᠦᠬᠦ
ᠡᠷᠬᠢᠮ ᠰᠠᠢᠬᠠᠨ ᠰᠤᠷᠭᠠᠯ ᠨᠢ ᠪᠠᠢᠯᠠ
ᠨᠠᠮᠠ ᠶ᠋ᠢ ᠨᠠᠷᠠ ᠪᠣᠯᠭᠠᠨᠠ ᠭᠡᠵᠦ
ᠨᠠᠨᠳᠢᠩᠨᠠᠵᠤ ᠥᠭᠭᠦᠭᠰᠡᠨ ᠨᠠᠷᠠ ᠨᠢ ᠲᠡᠷᠡ ᠶᠦᠮ
ᠡᠨᠡ ᠳᠡᠯᠡᠬᠡᠢ ᠪᠡᠨ ᠭᠡᠢᠭᠦᠯᠵᠦ ᠶᠠᠪᠤᠭᠠᠷᠠᠢ ᠭᠡᠳᠡᠭ
ᠡᠩ ᠦᠭᠡᠢ ᠬᠠᠢᠷᠠ ᠶ᠋ᠢᠨ ᠨᠠᠷᠠ ᠶ᠋ᠢ
ᠡᠵᠢ ᠮᠢᠨᠢ ᠯᠡ ᠥᠭᠭᠦᠭᠰᠡᠨ ᠪᠠᠢᠵᠤ ᠰᠢᠦ᠃
ᠡᠵᠢ ᠮᠢᠨᠢ ᠯᠡ ᠥᠭᠭᠦᠭᠰᠡᠨ ᠪᠠᠢᠵᠤ ᠰᠢᠦ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠢ᠂ ᠰᠠᠷᠠᠨᠠ
ᠦᠰᠦᠭ ᠬᠠᠳᠠᠭᠴᠢ᠄ ᠪᠠᠢ᠂ ᠰᠠᠷᠠᠨᠠ
ᠬᠢᠨᠠᠭᠴᠢ᠄ ᠰᠣᠨᠢᠨᠪᠠᠶᠠᠷ