ᠳᠥᠴᠢᠨ ᠨᠠᠰᠤ-ᠪᠢᠮᠪᠠ ᠶ᠋ᠢᠨ ᠰᠠᠷᠠᠨᠲᠤᠶᠠᠭ᠎ᠠДөчин нас-бямбын сарантуяа ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ

    ᠪᠢᠮᠪᠠ ᠎ ‍ᠶ᠋ᠢᠨ  ᠰᠠᠷᠠᠨᠲᠤᠶᠠᠭ᠎ᠠ

ᠤᠷᠢᠳᠤ ᠎ᠶ᠋ᠢᠨ ᠶᠠᠭᠤᠮ᠎ᠠ ᠪᠦᠬᠦᠨ ᠢ ᠵᠦᠭᠡᠷ ᠯᠡ ᠮᠠᠷᠲᠠᠴᠢᠬᠠᠵᠠᠢ᠃

ᠤᠯᠠᠷᠢᠯ ‍ᠤᠨ ᠬᠤᠪᠴᠠᠰᠤ ᠰᠢᠬ ‍ᠢᠶ᠋ᠡᠨ ᠡᠪᠬᠡᠭᠡᠳ ᠣᠷᠬᠢᠴᠢᠬᠠᠵᠠᠢ ᠃

ᠠᠭᠤᠴᠢᠯᠠᠭᠠᠷᠠᠢ᠂ ᠥᠩᠭᠡᠷᠡᠭᠰᠡᠨ ᠦᠶ᠎ᠡ ᠮᠢᠨᠢ ᠠ᠋ ᠃

ᠬᠠᠪᠤᠷ ‍ᠤᠨ ᠪᠣᠷᠣᠭᠠᠨ ‍ᠢᠶ᠋ᠠᠷ ᠠᠩᠬᠠᠨ ‍ᠤ ᠪᠣᠯᠵᠣᠭᠠᠨ ᠎ᠳ᠋ᠤ᠌ ᠵᠣᠭᠰᠣᠵᠤ ᠪᠠᠶ᠋ᠢᠭᠰᠠᠨ ᠎ᠪᠡᠨ
ᠬᠠᠶ᠋ᠢᠷᠠᠲᠤ ‍ᠶ᠋ᠢᠨ ‍ᠢᠶ᠋ᠡᠨ ᠭᠠᠷ ᠠ᠋ᠴᠠ ᠬᠥᠲᠥᠯᠦᠭᠡᠳ ᠤᠰᠤᠨ ᠪᠣᠷᠣᠭᠠᠨ ‍ᠢᠶ᠋ᠠᠷ ᠭᠦᠶᠦᠵᠦ ᠶᠠᠪᠤᠭᠰᠠᠨ ‍ᠢᠶ᠋ᠠᠨ ‍
ᠠᠷᠪᠠᠢ ᠬᠡᠭᠡᠷ ‍ᠦᠨ ᠭᠤᠳᠤᠮᠵᠢ ᠎ᠳ᠋ᠤ᠌ ᠣᠷᠣᠭᠰᠠᠨ ᠬᠠᠴᠢᠨ ᠰᠠᠶ᠋ᠢᠬᠠᠨ ᠪᠣᠷᠣᠭᠠᠨ ᠎ᠳ᠋ᠤ᠌
ᠠᠯᠠᠭ᠎ ᠰᠢᠭᠦᠷ ᠲᠠᠢ ᠭᠡᠨᠡᠨ ᠵᠠᠯᠠᠭᠤ ᠨᠠᠰᠤ ᠎ᠪᠠᠨ ᠠᠯᠢ ᠠᠯᠢ ‍ᠶ᠋ᠢ ᠨᠢ ᠮᠠᠷᠲᠠᠴᠢᠬᠠᠵᠠᠢ᠃
ᠤᠷᠢᠳᠤ ‍ᠶ᠋ᠢᠨ ᠶᠠᠭᠤᠮ᠎ᠠ ᠪᠦᠬᠦᠨ ‍ᠢ ᠵᠦᠭᠡᠷ ᠯᠡ ᠮᠠᠷᠲᠠᠴᠢᠬᠠᠭᠰᠠᠨ ᠪᠠᠶ᠋ᠢᠨ᠎ᠠ᠃
ᠤᠯᠠᠷᠢᠯ ‍ᠤᠨ ᠬᠤᠪᠴᠠᠰᠤ ᠰᠢᠬ ‍ᠢᠶ᠋ᠡᠨ ᠡᠪᠬᠡᠭᠡᠳ ᠣᠷᠬᠢᠭᠰᠠᠨ ᠪᠠᠶ᠋ᠢᠨ᠎ᠠ᠃
ᠠᠭᠤᠴᠢᠯᠠᠭᠠᠷᠠᠢ ᠥᠩᠭᠡᠷᠡᠭᠰᠡᠨ ᠦᠶ᠎ᠡ ᠮᠢᠨᠢ ᠠ᠋
ᠨᠡᠷᠡᠲᠦ ‍ᠶ᠋ᠢ ᠣᠷᠬᠢᠭᠠᠳ ᠶᠠᠪᠤᠭᠰᠠᠨ ᠡᠵᠢ ‍ᠶ᠋ᠢᠨ ‍ᠢᠶ᠋ᠡᠨ ᠴᠠᠢ ‍ᠶ᠋ᠢ ᠣᠳᠣ ᠯᠠ ᠪᠢ ᠦᠭᠡᠶ᠋ᠢᠯᠡᠬᠦ ᠶᠤᠮ᠃
ᠨᠠᠳᠠ ᠎ᠳ᠋ᠤ᠌ ᠬᠢᠵᠦ ᠦᠯᠡᠳᠡᠭᠡᠭᠰᠡᠨ ᠰᠠᠶ᠋ᠢᠬᠠᠨ ᠮᠣᠩᠭᠣᠯ ᠳᠡᠪᠡᠯ ‍ᠢ ᠨᠢ ᠡᠮᠦᠰᠦᠶ᠎ᠡ ᠪᠠᠶ᠋ᠢᠵᠤ
ᠦᠯᠢᠭᠡᠷ ᠶᠠᠷᠢᠨ ᠡᠭᠦᠷᠴᠦ ᠶᠠᠪᠤᠳᠠᠭ ᠪᠠᠶ᠋ᠢᠭᠰᠠᠨ
ᠡᠮᠧ ‍ᠶ᠋ᠢᠨ ‍ᠢᠶ᠋ᠡᠨ ᠴᠢᠷᠠᠢ ‍ᠶ᠋ᠢ ᠰᠠᠨᠠᠬᠤ ᠦᠭᠡᠢ ᠪᠠᠶ᠋ᠢᠨ᠎ᠠ᠃
ᠡᠭᠦᠳᠡᠨ ᠳᠡᠭᠡᠷ᠎ᠡ ᠴᠢᠨᠢ ᠵᠢᠭᠠᠬᠠᠨ ᠰᠠᠭᠠᠳᠠᠶ᠎ᠠ ᠳᠥᠴᠢᠨ ᠨᠠᠰᠤ ᠮᠢᠨᠢ ᠠ᠋᠃
ᠲᠣᠭᠣᠷᠢᠨ ᠡᠷᠭᠢᠯᠳᠦᠬᠦ ᠠᠮᠢᠳᠤᠷᠠᠯ ᠬᠡᠮᠡᠬᠦ ᠸᠠᠯᠢᠰ ‍ᠤᠨ  ᠲᠠᠯᠠᠪᠠᠢ  ‍ᠶ᠋ᠢ
ᠲᠣᠭᠲᠠᠵᠤ ᠨᠢᠭᠡ ᠬᠠᠷᠠᠮᠠᠷ ᠪᠠᠶ᠋ᠢᠨ᠎ᠠ ᠳᠥᠴᠢᠨ ᠨᠠᠰᠤ ᠮᠢᠨᠢ ᠡ
ᠡᠷᠭᠢᠨ ᠰᠠᠨᠠᠬᠤ ᠪᠦᠬᠦᠨ ᠪᠦᠳᠡᠭᠢᠬᠡᠨ ᠠᠯᠤᠰ ᠎ᠲᠤ᠌ ᠵᠤᠷᠠᠶ᠋ᠢᠵᠤ
ᠡᠷᠢᠬᠡᠨ ‍ᠦ ᠲᠡᠰᠦᠷᠡᠴᠦ ᠰᠤᠪᠤᠭᠰᠠᠨ ᠬᠡᠯᠬᠢᠶᠡᠰᠦ ᠰᠢᠭ᠌
ᠡᠷᠭᠢᠵᠦ ᠥᠭᠬᠦ ᠦᠭᠡᠢ ᠪᠠᠶ᠋ᠢᠨ᠎ᠠ ᠳᠤᠷᠠᠰᠤᠮᠵᠢ ᠮᠢᠨᠢ
ᠮᠠᠷᠭᠠᠰᠢ ‍ᠶ᠋ᠢᠨ ᠲᠥᠯᠥᠭᠡ ᠶᠠᠷᠢᠭᠰᠠᠨ ᠥᠨᠥᠳᠥᠷ ‍ᠦᠨ ᠬᠥᠮᠦᠨ ᠪᠢ
ᠮᠠᠷᠲᠠᠭᠳᠠᠭᠰᠠᠨ ᠥᠴᠥᠭᠡᠳᠦᠷ ‍ᠢ ᠥᠨᠥᠳᠥᠷ ᠎ᠡᠴᠡ ᠬᠠᠶ᠋ᠢᠵᠤ ᠪᠠᠶ᠋ᠢᠨ᠎ᠠ᠃
ᠳᠥᠴᠢᠨ ᠨᠠᠰᠤ ᠴᠢᠨᠦ ᠪᠣᠱᠣᠭ᠎ᠠ ‍ᠶ᠋ᠢ ᠵᠦᠭᠡᠷ ᠴᠦ᠍ ᠨᠢᠭᠡ ᠳᠠᠪᠠᠮᠠᠷ ᠦᠭᠡᠢ ᠪᠠᠶ᠋ᠢᠨ᠎ᠠ
ᠳᠥᠬᠥᠮᠬᠡᠨ ᠰᠢᠭ᠌ ᠠᠮᠢᠳᠤᠷᠠᠵᠤ ᠢᠷᠡᠭᠰᠡᠨ ‍ᠦᠦ ᠭᠡᠵᠦ
ᠥᠪᠡᠷ ᠎ᠡᠴᠡ ᠎ᠪᠡᠨ ᠨᠢᠭᠡ ᠠᠰᠠᠭᠤᠮᠠᠷ ᠪᠠᠶ᠋ᠢᠨ᠎ᠠ᠃
ᠨᠠᠮ᠎ᠠ ‍ᠶ᠋ᠢ ᠵᠢᠭᠠᠬᠠᠨ ᠪᠠᠶ᠋ᠢᠬᠤ ᠎ᠳ᠋ᠤ᠌ ᠳᠥᠴᠢᠨ ᠨᠠᠰᠤᠲᠠᠨ ᠎ᠨᠤᠭᠤᠳ  ᠡᠮᠡᠭᠡᠳ ᠪᠠᠶ᠋ᠢᠬᠰᠠᠨ
ᠨᠠᠰᠤ ‍ᠶ᠋ᠢ ᠨᠢ ᠣᠳᠣ ᠳᠤᠭᠤᠯᠤᠭᠠᠳ ᠢᠷᠡᠬᠦ ᠎ᠪᠡᠷ ᠥᠬᠢᠳ ᠰᠢᠬ ᠶᠠᠭᠤᠮ᠎ᠠ ᠪᠠᠶ᠋ᠢᠨ᠎ᠠ
ᠤᠷᠢᠳᠤ ‍ᠶ᠋ᠢᠨ ᠶᠠᠭᠤᠮ᠎ᠠ ᠪᠦᠬᠦᠨ ‍ᠢ ᠵᠦᠭᠡᠷ ᠯᠡ ᠨᠢᠭᠡ ᠨᠢᠭᠡ ᠎ᠪᠡᠷ ᠨᠢ ᠰᠠᠨᠠᠬᠤ ᠎ᠳ᠋ᠤ᠌ ᠴᠢᠨᠢ
ᠤᠯᠠᠷᠢᠯ ‍ᠤᠨ ᠬᠤᠪᠴᠠᠰᠤ ᠰᠢᠭ᠋ ᠎ ‍ᠢᠶ᠋ᠡᠨ ᠡᠪᠬᠡᠭᠡᠰᠦ ‍ᠶ᠋ᠢ ᠨᠢ ᠳᠡᠯᠭᠡᠬᠦ ᠭᠡᠰᠡᠨ ᠶᠤᠮ
ᠠᠭᠤᠴᠢᠯᠠᠭᠠᠷᠠᠢ ᠂ ᠳᠥᠴᠢᠨ ᠨᠠᠰᠤ
ᠮᠢᠨᠢ ᠤᠶ᠋ᠢᠳᠬᠤ ‍ᠶ᠋ᠢᠨ ᠠᠷᠭ᠎ᠠ ᠦᠭᠡᠢ ᠴᠠᠭ ᠬᠤᠭᠤᠴᠠᠭ᠎ᠠ
ᠠᠮᠢᠳᠤᠷᠠᠯ ‍ᠳᠤ ᠪᠢ ᠬᠠᠶ᠋ᠢᠷᠠᠲᠠᠢ ᠪᠣᠯᠵᠠᠢ ᠃