ᠮᠢᠨᠦ ᠪᠠᠭᠰᠢ-ᠠᠷᠳ᠋ᠠᠢМиний багш-артай
1140ᠮᠢᠨᠦ ᠪᠠᠭᠰᠢ
ᠰᠢᠯᠦᠭ᠄ ᠠᠷᠲᠠᠢ
ᠬᠥᠲᠥᠯᠦᠭᠴᠢ᠄ ᠠᠯᠢᠮᠠ ᠤᠶᠠᠩᠭᠠᠯᠠᠪᠠ
ᠨᠠᠳᠠ ᠣᠯᠠᠨ ᠪᠠᠭᠰᠢ ᠲᠠᠢ
ᠪᠠᠭᠰᠢ ᠲᠠᠢ ᠬᠥᠮᠦᠨ ᠰᠠᠢᠬᠠᠨ ᠠ᠋
ᠨᠠᠷᠠ ᠮᠢᠨᠢ ᠪᠠᠭᠰᠢ
ᠡᠭᠦᠯᠡ ᠴᠤᠭᠤᠯᠤᠭᠰᠠᠨ ᠠᠭᠤᠯᠠᠨ ᠳ᠋ᠤ᠌
ᠥᠯᠮᠡᠢ ᠰᠢᠪᠡᠭᠰᠡᠨ ᠡᠪᠡᠰᠦᠨ ᠳ᠋ᠦ᠍
ᠨᠠᠳᠠ ᠲᠠᠢ ᠠᠳᠠᠯᠢ ᠬᠠᠨᠳᠤ ᠭᠡᠵᠦ ᠨᠠᠷᠠ ᠬᠡᠯᠡᠭᠰᠡᠨ
ᠪᠣᠭᠣᠨᠢ ᠪᠠᠢᠭᠰᠠᠨ ᠠ᠋ᠴᠠ ᠥᠨᠳᠥᠷ ᠰᠠᠶᠢ ᠪᠠᠢᠳᠠᠭ ᠶᠤᠮ
ᠪᠤᠭᠤᠷᠤᠯ ᠬᠣᠷᠸᠠ ᠢᠩᠭᠢᠵᠦ ᠪᠦᠲᠦᠭᠰᠡᠨ ᠶᠦᠮ ᠭᠡᠵᠦ ᠨᠠᠷᠠ ᠵᠢᠭᠠᠭᠰᠠᠨ
ᠠᠭᠤᠯᠠ ᠮᠢᠨᠦ ᠪᠠᠭᠰᠢ
ᠬᠣᠯᠠ ᠶ᠋ᠢ ᠬᠠᠷᠠ ᠭᠡᠰᠡᠨ
ᠬᠣᠭᠣᠷᠣᠨᠳᠣ ᠪᠠᠨ ᠬᠣᠯᠪᠣᠯᠳᠤ ᠭᠡᠰᠡᠨ
ᠭᠣᠷᠢ ᠪᠤᠤ ᠲᠠᠰᠤᠷᠠ ᠭᠡᠰᠡᠨ
ᠭᠤᠢᠪᠢᠵᠤ ᠨᠡᠩ ᠪᠣᠯᠬᠤ ᠦᠭᠡᠢ ᠭᠡᠰᠡᠨ
ᠠᠳᠬᠤ ᠰᠢᠷᠣᠢ ᠮᠥᠬᠥᠯᠢᠭ ᠴᠢᠯᠠᠭᠤᠨ ᠤ᠋ ᠬᠤᠷᠠᠮᠳᠤᠯ
ᠠᠭᠤᠤ ᠶᠡᠬᠡ ᠰᠦᠷ ᠬᠦᠴᠦᠨ ᠪᠣᠢ ᠭᠡᠰᠡᠨ
ᠭᠠᠯᠲᠤ ᠠᠭᠤᠯᠠ ᠨᠡᠩ ᠬᠡᠴᠡᠭᠦᠦ ᠪᠠᠭᠰᠢ ᠠ᠋
ᠭᠠᠭᠴᠠᠬᠠᠨ ᠤᠳᠠᠭᠠ ᠬᠢᠴᠢᠶᠡᠯ ᠣᠷᠣᠪᠠᠴᠤ ᠮᠠᠷᠲᠠᠭᠳᠠᠬᠤ ᠦᠭᠡᠢ
ᠨᠠᠳᠠ ᠣᠯᠠᠨ ᠪᠠᠭᠰᠢ ᠲᠠᠢ
ᠪᠠᠭᠰᠢ ᠲᠠᠢ ᠬᠥᠮᠦᠨ ᠰᠠᠢᠬᠠᠨ ᠠ᠋
ᠮᠢᠨᠦ ᠥᠰᠦᠭᠰᠡᠨ ᠰᠠᠷᠠᠭᠤᠯ ᠲᠠᠯᠠ
ᠮᠢᠨᠦ ᠲᠠᠨᠢᠭᠰᠠᠨ ᠠᠩᠬᠠᠨ ᠤ᠋ ᠪᠠᠭᠰᠢ
ᠠᠭᠤᠳᠠᠮ ᠰᠠᠷᠠᠭᠤᠯ ᠭᠡᠰᠡᠨ ᠬᠣᠶᠠᠷ ᠦᠰᠦᠭ ᠢ᠋
ᠲᠡᠷᠡ ᠬᠠᠮᠤᠭ ᠤ᠋ᠨ ᠤᠷᠢᠳ ᠢ᠋ᠶ᠋ᠠᠷ ᠨᠠᠳᠠ ᠵᠢᠭᠠᠭᠰᠠᠨ
ᠥᠭᠭᠢᠶᠡᠮᠦᠷ ᠭᠡᠵᠦ ᠳᠠᠷᠠᠭᠠ ᠨᠢ ᠵᠢᠭᠠᠭᠰᠠᠨ
ᠥᠴᠥᠭᠡᠳᠦᠷ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ ᠭᠡᠵᠦ ᠵᠢᠭᠠᠭᠰᠠᠨ
ᠥᠨᠥᠳᠥᠷ ᠡᠬᠡ ᠣᠷᠣᠨ ᠭᠡᠵᠦ ᠵᠢᠭᠠᠯᠠ
ᠮᠠᠷᠭᠠᠰᠢ ᠬᠦᠦ ᠳ᠋ᠦ᠍ ᠪᠡᠨ᠄ ᠮᠣᠩᠭᠣᠯ ᠬᠥᠮᠦᠨ ᠭᠡᠵᠦ ᠵᠢᠭᠠᠨᠠ ᠭᠡᠵᠦ
ᠮᠠᠨ ᠤ᠋ ᠪᠠᠭᠰᠢ ᠰᠠᠶᠢᠬᠠᠨ ᠬᠡᠯᠡᠯᠡ
ᠦᠬᠡᠷ ᠲᠡᠷᠭᠡ ᠮᠢᠨᠦ ᠪᠠᠭᠰᠢ
ᠡᠮᠦᠨᠡ ᠠᠢᠯ ᠠ᠋ᠴᠠ ᠭᠠᠷᠤᠭᠠᠳ
ᠥᠨᠵᠢᠭᠡᠳ᠂ ᠳᠥᠩᠭᠡᠭᠡᠳ
ᠥᠷᠲᠡᠭᠡ ᠣᠷᠣᠬᠤ ᠪᠠᠷ ᠶᠠᠪᠤᠵᠤ ᠪᠠᠢᠭᠠ
ᠦᠬᠡᠷ ᠲᠡᠷᠭᠡ ᠮᠢᠨᠦ ᠪᠠᠭᠰᠢ
ᠬᠣᠷᠢᠳᠤᠭᠠᠷ ᠵᠠᠭᠤᠨ ᠲᠡᠭᠦᠰᠬᠦ ᠰᠢᠬᠠᠯᠠ ᠭᠡᠵᠦ
ᠬᠣᠶᠠᠷ ᠬᠦᠷᠳᠦ ᠨᠢ ᠲᠠᠯᠠ ᠳᠡᠭᠡᠷᠡ
ᠬᠣᠶᠠᠷ ᠡᠪᠡᠷ ᠨᠢ ᠲᠩᠷᠢ ᠳᠡᠭᠡᠷᠡ ᠪᠢᠴᠢᠭᠰᠡᠭᠡᠷ ᠶᠠᠪᠤᠭᠠ
ᠦᠬᠡᠷ ᠲᠡᠷᠭᠡ ᠮᠢᠨᠦ ᠪᠠᠭᠰᠢ
ᠦᠭᠭᠦᠭᠰᠡᠨ ᠳᠠᠰᠬᠠᠯ ᠨᠢ ᠦᠵᠦᠭᠦᠷ ᠦᠭᠡᠢ ᠶᠡᠬᠡ
ᠦᠬᠡᠷ ᠲᠡᠷᠭᠡ ᠮᠢᠨᠦ ᠪᠠᠭᠰᠢ
ᠨᠠᠳᠠ ᠣᠯᠠᠨ ᠪᠠᠭᠰᠢ ᠲᠠᠢ
ᠪᠠᠭᠰᠢ ᠲᠠᠢ ᠬᠥᠮᠦᠨ ᠰᠠᠢᠬᠠᠨ ᠠ᠋
ᠲᠣᠭᠣᠭᠠ ᠳᠦᠭᠦᠷᠭᠡᠳᠡᠭ ᠲᠣᠭᠣᠳᠠᠭ ᠮᠢᠨᠦ ᠪᠠᠭᠰᠢ
ᠲᠣᠩᠭᠣᠢᠴᠢᠬᠠᠳᠠᠭ ᠦᠮᠡᠬᠡᠢ ᠬᠣᠷᠣᠬᠠᠢ ᠴᠤ ᠮᠢᠨᠦ ᠪᠠᠭᠰᠢ
ᠣᠯᠠᠨ ᠬᠡᠦᠬᠡᠳ ᠲᠡᠢ ᠠᠢᠯ ᠤ᠋ᠨ ᠬᠣᠨᠢᠨ ᠤ᠋ ᠮᠣᠷᠢ ᠮᠢᠨᠦ ᠪᠠᠭᠰᠢ
ᠣᠯᠠᠨ ᠪᠡᠷᠢ ᠲᠡᠢ ᠠᠢᠯ ᠤ᠋ᠨ ᠭᠠᠤᠯᠢᠨ ᠰᠢᠨᠠᠭᠠ ᠴᠤ᠌ ᠮᠢᠨᠦ ᠪᠠᠭᠰᠢ
ᠬᠡᠦᠬᠡᠳ ᠦ᠋ᠨ ᠬᠥᠭᠡᠷᠦᠬᠦᠨ ᠬᠠᠷᠠ ᠨᠢᠳᠦ ᠮᠢᠨᠦ ᠪᠠᠭᠰᠢ
ᠬᠥᠭᠰᠢᠳ ᠦ᠋ᠨ ᠨᠢᠯᠪᠤᠰᠤ ᠲᠠᠢ ᠣᠨᠢᠭᠠᠷ ᠨᠢᠳᠦ ᠴᠤ᠌ ᠮᠢᠨᠦ ᠪᠠᠭᠰᠢ
ᠲᠡᠷᠡ ᠲᠠᠯᠪᠢᠭᠠᠰᠤᠲᠠᠢ ᠬᠢᠲᠤᠭᠠᠨ ᠤ᠋ ᠢᠷ ᠮᠢᠨᠦ ᠪᠠᠭᠰᠢ
ᠲᠡᠭᠡᠬᠦ ᠳ᠋ᠦ᠍ ᠪᠡᠨ ᠬᠤᠨ ᠭᠠᠯᠠᠭᠤᠨ ᠤ᠋ ᠨᠣᠣᠯᠣᠭᠤᠷ ᠴᠤ᠌ ᠮᠢᠨᠦ ᠪᠠᠭᠰᠢ
ᠪᠢ ᠣᠯᠠᠨ ᠪᠠᠭᠰᠢ ᠲᠠᠢ ᠬᠥᠮᠦᠨ
ᠪᠠᠭᠰᠢ ᠲᠠᠢ ᠬᠥᠮᠦᠨ ᠰᠠᠢᠬᠠᠨ
ᠪᠠᠷᠠᠬᠤ ᠦᠭᠡᠢ ᠴᠢᠳᠠᠬᠤ ᠦᠭᠡᠢ ᠡᠨᠡ ᠬᠣᠷᠸᠠ ᠳ᠋ᠤ᠌
ᠪᠠᠭᠰᠢ ᠲᠠᠢ ᠬᠥᠮᠦᠨ ᠯᠡ ᠰᠠᠢᠬᠠᠨ ᠠ᠋
ᠢᠷᠡᠯᠲᠡ᠄ ᠠᠮᠢᠳᠤᠷᠠᠯ ᠸᠢᠴᠠᠲ ᠲᠠᠪᠴᠠᠩ
ᠬᠢᠨᠠᠯᠲᠠ᠄ ᠬᠠᠳᠠᠮᠠᠯ ᠦᠰᠦᠭ ᠬᠣᠯᠪᠣᠭᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠴᠢ᠊ · ᠤᠷᠠᠨᠴᠡᠴᠡᠭ