ᠬᠦᠦ ᠪᠠ ᠠᠯᠢᠮᠠ ᠶ᠋ᠢᠨ ᠮᠣᠳᠣᠨ ᠤ᠋ ᠰᠤᠷᠭᠠᠯKhüü ba alimyn modny surgaalХүү ба алимын модны сургаал
11ᠬᠦᠦ ᠪᠠ ᠠᠯᠢᠮᠠ ᠶ᠋ᠢᠨ ᠮᠣᠳᠣᠨ ᠤ᠋ ᠰᠤᠷᠭᠠᠯ
ᠨᠢᠭᠡᠨ ᠬᠦᠦ ᠡᠳᠦᠷ ᠪᠣᠯᠭᠠᠨ ᠮᠠᠰᠢ ᠭᠠᠢᠬᠠᠯᠲᠠᠢ ᠰᠦᠷᠯᠢᠭ ᠲᠣᠮᠣ ᠠᠯᠢᠮᠠ ᠶ᠋ᠢᠨ ᠮᠣᠳᠣᠨ ᠳᠡᠭᠡᠷᠡ ᠣᠴᠢᠵᠤ ᠲᠣᠭᠯᠠᠳᠠᠭ ᠪᠠᠢᠭᠰᠠᠨ ᠭᠡᠨᠡ᠂ ᠲᠡᠷᠡ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠬᠦᠦ ᠳ᠋ᠦ᠍ ᠮᠠᠰᠢ ᠶᠡᠬᠡ ᠬᠠᠢᠷᠠᠲᠠᠢ᠃ ᠡᠳᠦᠷ ᠪᠣᠯᠭᠠᠨ ᠠᠯᠢᠮᠠ ᠠ᠋ᠴᠠ ᠪᠠᠨ ᠥᠭᠭᠦᠨᠡ᠂ ᠡᠳᠦᠷ ᠪᠣᠯᠭᠠᠨ ᠲᠡᠷᠡ ᠬᠦᠦ ᠶ᠋ᠢ ᠨᠠᠷᠠ ᠰᠠᠯᠬᠢᠨ ᠠ᠋ᠴᠠ ᠬᠠᠮᠠᠭᠠᠯᠠᠨᠠ᠂ ᠡᠳᠦᠷ ᠪᠣᠯᠭᠠᠨ ᠲᠡᠷᠡ ᠬᠦᠦ ᠶ᠋ᠢ ᠡᠷᠬᠡᠯᠡᠭᠦᠯᠵᠦ᠂ ᠲᠣᠭᠯᠠᠭᠤᠯᠤᠨᠠ᠃ ᠬᠠᠷᠢᠨ ᠬᠦᠦ ᠴᠠᠭ ᠬᠤᠭᠤᠴᠠᠭᠠᠨ ᠤ᠋ ᠡᠷᠬᠡ ᠪᠡᠷ ᠲᠣᠮᠣ ᠪᠣᠯᠬᠤ ᠦᠶᠡ ᠳ᠋ᠦ᠍ ᠪᠡᠨ ᠠᠯᠢᠮᠠ ᠶ᠋ᠢᠨ ᠮᠣᠳᠣᠨ ᠳᠡᠭᠡᠷᠡ ᠣᠴᠢᠬᠤ ᠨᠢ ᠪᠠᠭᠠᠰᠳᠠᠭ᠃ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠬᠦᠦ ᠳ᠋ᠦ᠍ ᠮᠠᠰᠢ ᠶᠡᠬᠡ ᠬᠠᠢᠷᠠᠲᠠᠢ ᠤᠴᠢᠷ ᠠ᠋ᠴᠠ ᠢᠷᠡᠭᠡᠰᠡᠢ ᠭᠡᠵᠦ ᠪᠣᠳᠣᠵᠤ ᠪᠠᠢᠭᠠ ᠶᠤᠮ᠃ ᠨᠢᠭᠡ ᠡᠳᠦᠷ ᠲᠣᠮᠣ ᠵᠠᠯᠠᠭᠤ ᠪᠣᠯᠤᠭᠰᠠᠨ ᠨᠥᠭᠦᠭᠡ ᠬᠦᠦ ᠴᠢᠨᠢ ᠠᠯᠢᠮᠠ ᠶ᠋ᠢᠨ ᠮᠣᠳᠣᠨ ᠳᠡᠭᠡᠷᠡ ᠢᠷᠡᠵᠦ ᠃ ᠠᠯᠢᠮᠠᠨ ᠤ᠋ ᠮᠣᠳᠣ ᠶᠠᠭᠠᠬᠢᠬᠤᠪ ᠪᠥᠭᠡᠮ ᠪᠠᠶᠠᠷ ᠪᠣᠯᠤᠭᠠᠳ ᠯᠠ ᠤᠭᠲᠤᠵᠤ ᠠᠪᠤᠨᠠ ᠲᠡᠢᠮᠦ ᠤᠤ? ᠲᠡᠭᠡᠭᠰᠡᠨ ᠴᠢᠨᠢ ᠬᠦᠦ ᠢᠷᠡᠭᠡᠳ《ᠨᠠᠳᠠ ᠳ᠋ᠤ᠌ ᠣᠳᠣ ᠮᠥᠩᠭᠥ ᠬᠡᠷᠡᠭᠲᠡᠢ ᠪᠣᠯᠴᠢᠬᠠᠯᠠ᠂ ᠪᠢ ᠶᠠᠭᠠᠬᠢᠬᠤ ᠪᠣᠢ?》 ᠭᠡᠵᠦ ᠨᠥᠭᠦᠭᠡ ᠠᠯᠢᠮᠠ ᠶ᠋ᠢᠨ ᠮᠣᠳᠣᠨ ᠠ᠋ᠴᠠ ᠠᠰᠠᠭᠤᠭᠰᠠᠨ ᠂ ᠨᠥᠭᠦᠭᠡ ᠲᠣᠮᠣ ᠪᠣᠯᠤᠭᠰᠠᠨ ᠬᠦᠦ ᠴᠢᠨᠢ᠂ ᠲᠡᠭᠡᠬᠦ ᠳ᠋ᠦ᠍ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠪᠣᠯ ᠲᠡᠷᠡ ᠬᠦᠦ ᠶ᠋ᠢ ᠵᠢᠵᠢᠭᠬᠡᠨ ᠨᠢᠯᠬᠠ ᠬᠡᠦᠬᠡᠳ ᠬᠡᠪ ᠢ᠋ᠶ᠋ᠡᠷ ᠨᠢ ᠯᠡ ᠬᠠᠷᠠᠵᠤ ᠪᠠᠢᠭᠠ ᠪᠠᠢᠬᠤ ᠦᠭᠡᠢ ᠤᠤ! ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠬᠦᠦ ᠳ᠋ᠦ᠍ ᠲᠡᠭᠡᠵᠦ ᠬᠡᠯᠡᠭᠰᠡᠨ᠃《ᠴᠢᠮᠠ ᠳ᠋ᠤ᠌ ᠮᠥᠩᠭᠥ ᠬᠡᠷᠡᠭᠲᠡᠢ ᠪᠠᠢᠭᠠ ᠪᠣᠯ ᠪᠢ ᠰᠦᠷᠯᠢᠭ ᠲᠣᠮᠣ ᠤᠴᠢᠷ ᠠ᠋ᠴᠠ ᠮᠠᠰᠢ ᠶᠡᠬᠡ ᠠᠯᠢᠮᠠ ᠭᠠᠷᠭᠠᠳᠠᠭ᠂ ᠮᠢᠨᠦ ᠪᠦᠬᠦ ᠠᠯᠢᠮᠠ ᠶ᠋ᠢ ᠴᠢ ᠲᠡᠭᠦᠭᠡᠳ ᠠᠪᠴᠤ ᠶᠠᠪᠤᠭᠠᠳ ᠵᠠᠷᠤ᠃ ᠡᠨᠡ ᠠᠮᠢᠳᠤᠷᠠᠯ ᠳ᠋ᠤ᠌ ᠴᠢᠨᠢ ᠬᠦᠷᠦᠯᠴᠡᠭᠡᠲᠡᠢ ᠪᠠᠢᠬᠤ ᠪᠣᠯᠤᠨᠠ ᠠ》 ᠭᠡᠵᠦ ᠲᠡᠷᠡ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠬᠡᠯᠡᠭᠰᠡᠨ᠃ ᠲᠡᠭᠡᠭᠰᠡᠨ ᠴᠢᠨᠢ ᠬᠦᠦ ᠪᠥᠭᠡᠮ ᠪᠠᠶᠠᠷ ᠪᠣᠯᠤᠭᠠᠳ ᠠᠯᠢᠮᠠ ᠶ᠋ᠢᠨ ᠮᠣᠳᠣᠨ ᠤ᠋ ᠪᠦᠬᠦ ᠵᠢᠮᠢᠰ ᠢ᠋ ᠲᠡᠭᠦᠭᠡᠳ ᠠᠪᠠᠴᠢᠭᠠᠳ ᠵᠠᠷᠤᠭᠰᠠᠨ᠃ ᠲᠡᠭᠡᠭᠡᠳ ᠬᠠᠷᠠᠮᠰᠠᠯᠲᠠᠢ ᠨᠢ ᠶᠠᠭᠤ ᠪᠣᠯᠤᠭᠰᠠᠨ ᠪᠣᠢ ᠭᠡᠬᠦ ᠪᠡᠷ ᠬᠦᠦ ᠲᠣᠭᠲᠠᠮᠠᠯ ᠨᠥᠭᠦᠭᠡ ᠠᠯᠢᠮᠠ ᠶ᠋ᠢᠨ ᠮᠣᠳᠣᠨ ᠳᠡᠭᠡᠷᠡ ᠴᠢᠨᠢ ᠣᠴᠢᠭᠰᠠᠨ ᠦᠭᠡᠢ᠃ ᠪᠠᠰᠠ ᠯᠠ ᠬᠡᠰᠡᠭ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠠᠯᠠᠭᠠ ᠪᠣᠯᠴᠢᠬᠠᠳᠠᠭ᠃
ᠠᠯᠢᠮᠠᠨ ᠤ᠋ ᠮᠣᠳᠣ ᠨᠥᠭᠦᠭᠡ ᠬᠦᠦ ᠶ᠋ᠢ ᠴᠢᠨᠢ ᠬᠦᠯᠢᠶᠡᠭᠰᠡᠭᠡᠷ ᠯᠡ ᠪᠠᠢᠭᠠ᠃ ᠵᠠ ᠲᠡᠭᠡᠭᠡᠳ10 ᠵᠢᠯ ᠥᠩᠭᠡᠷᠡᠭᠰᠡᠨ ᠤᠤ᠂ 5 ᠵᠢᠯ ᠥᠩᠭᠡᠷᠡᠭᠰᠡᠨ ᠤᠤ᠂ ᠬᠦᠦ ᠳᠠᠬᠢᠭᠠᠳ ᠢᠷᠡᠵᠦ ᠪᠠᠢᠨᠠ᠃ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠶᠠᠭᠠᠬᠢᠬᠤᠪ ᠳᠠᠬᠢᠭᠠᠳ ᠯᠠ ᠪᠥᠭᠡᠮ ᠪᠠᠶᠠᠷ ᠨᠥᠭᠦᠭᠡ ᠬᠦᠦ ᠶ᠋ᠢ ᠴᠢᠨᠢ ᠬᠦᠯᠢᠶᠡᠵᠦ ᠠᠪᠴᠤ ᠪᠠᠢᠭᠠ ᠶᠤᠮ ᠃ ᠶᠠᠭᠠᠬᠢᠭᠠᠳ ᠪᠣᠢ ᠭᠡᠬᠦ ᠪᠡᠷ ᠲᠡᠷᠡ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠬᠦᠦ ᠳ᠋ᠦ᠍ ᠬᠠᠢᠷᠠᠲᠠᠢ ᠤᠴᠢᠷ ᠠ᠋ᠴᠠ ᠭᠡᠰᠡᠨ ᠳᠡ᠂ ᠲᠡᠭᠡᠭᠰᠡᠨ ᠴᠢᠨᠢ ᠬᠦᠦ ᠢᠷᠡᠭᠡᠳ ᠶᠠᠭᠤ ᠭᠡᠵᠦ ᠬᠡᠯᠡᠭᠰᠡᠨ ᠪᠣᠢ ᠭᠡᠬᠦ ᠪᠡᠷ《ᠮᠠᠰᠢ ᠭᠣᠶᠣ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠠᠮᠢᠳᠤᠷᠠᠯ ᠢ᠋ ᠬᠦᠰᠡᠵᠦ ᠪᠠᠢᠭᠠ ᠪᠠᠢᠰᠢᠩ ᠢ᠋ ᠪᠠᠷᠢᠬᠤ ᠭᠡᠰᠡᠨ ᠴᠢᠨᠢ ᠨᠠᠳᠠ ᠳ᠋ᠤ᠌ ᠮᠣᠳᠣ ᠪᠠᠢᠬᠤ ᠦᠭᠡᠢ》 ᠭᠡᠵᠦ ᠬᠡᠯᠡᠭᠰᠡᠨ᠂ ᠲᠡᠭᠡᠭᠰᠡᠨ ᠴᠢᠨᠢ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠬᠦᠦ ᠳ᠋ᠦ᠍ ᠶᠠᠭᠤ ᠭᠡᠵᠦ ᠬᠡᠯᠡᠳᠡᠭ ᠪᠣᠢ ᠭᠡᠬᠦ ᠪᠡᠷ᠂《ᠵᠠ ᠵᠠ ᠬᠦᠦ ᠮᠢᠨᠢ ᠮᠢᠨᠦ ᠮᠥᠴᠢᠷ ᠢ᠋ ᠪᠦᠭᠦᠳᠡ ᠶ᠋ᠢ ᠨᠢ ᠳᠠᠭᠠᠷᠢᠭᠠᠳ ᠠᠪᠤᠭᠠᠳ ᠶᠠᠪᠤ ᠠ᠂ ᠮᠢᠨᠦ ᠮᠥᠴᠢᠷ ᠦ᠋ᠳ ᠬᠠᠩᠭᠠᠯᠲᠠᠲᠠᠢ ᠲᠣᠮᠣ ᠂ ᠴᠢᠨᠦ ᠬᠦᠰᠡᠭᠰᠡᠨ ᠬᠡᠮᠵᠢᠶᠡᠨ ᠦ᠌ ᠪᠠᠢᠰᠢᠩ ᠢ᠋ ᠪᠠᠷᠢᠬᠤ ᠳ᠋ᠤ᠌ ᠬᠦᠷᠦᠯᠴᠡᠨᠡ ᠠ᠋》 ᠭᠡᠵᠦ ᠬᠡᠯᠡᠭᠰᠡᠨ᠃ ᠲᠡᠭᠡᠭᠰᠡᠨ ᠴᠢᠨᠢ ᠬᠦᠦ ᠤᠤᠬᠠᠢ ᠲᠠᠰᠤ ᠪᠥᠭᠡᠮ ᠪᠠᠶᠠᠷ ᠪᠣᠯᠤᠭᠠᠳ ᠮᠥᠴᠢᠷ ᠦ᠋ᠳ ᠢ᠋ ᠨᠢ ᠳᠠᠭᠠᠷᠢᠭᠠᠳ ᠂ ᠲᠡᠭᠡᠭᠡᠳ ᠠᠪᠤᠭᠠᠳ ᠶᠠᠪᠤᠭᠰᠠᠨ ᠂ᠭᠡᠬᠦ ᠳ᠋ᠡᠭᠡᠨ ᠬᠠᠷᠠᠮᠰᠠᠯᠲᠠᠢ ᠨᠢ ᠳᠠᠬᠢᠭᠠᠳ ᠯᠠ ᠬᠦᠦ ᠠᠯᠢᠮᠠ ᠶ᠋ᠢᠨ ᠮᠣᠳᠣᠨ ᠳᠡᠭᠡᠷᠡ ᠲᠣᠭᠲᠠᠮᠠᠯ ᠣᠴᠢᠭᠰᠠᠨ ᠦᠭᠡᠢ ᠴᠠᠭ ᠬᠤᠭᠤᠴᠠᠭᠠ ᠥᠩᠭᠡᠷᠡᠭᠰᠡᠨ᠂ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠪᠣᠯ ᠶᠠᠭ ᠯᠠ ᠪᠠᠢᠭᠠ ᠭᠠᠵᠠᠷ ᠲᠤ᠌ ᠪᠠᠨ ᠨᠥᠭᠦᠭᠡ ᠬᠦᠦ ᠪᠡᠨ ᠬᠦᠯᠢᠶᠡᠭᠰᠡᠭᠡᠷ ᠯᠡ ᠢᠷᠡᠭᠰᠡᠨ᠃ ᠵᠠ ᠨᠢᠭᠡ ᠡᠳᠦᠷ ᠪᠠᠰᠠ ᠢᠷᠡᠯᠡ ᠨᠥᠭᠦᠭᠡ ᠬᠦᠦ ᠴᠢᠨᠢ ᠨᠡᠯᠢᠶᠡᠳ ᠲᠣᠮᠣ ᠪᠣᠯᠴᠢᠬᠠᠵᠠᠢ ᠂ᠲᠡᠭᠡᠭᠰᠡᠨ ᠴᠢᠨᠢ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠪᠥᠭᠡᠮ ᠪᠠᠶᠠᠷ ᠪᠣᠯᠤᠭᠠᠳ ᠯᠠ ᠤᠭᠲᠤᠵᠤ ᠠᠪᠴᠤ ᠪᠠᠢᠭᠠ ᠶᠤᠮ ᠃ ᠶᠠᠭᠠᠬᠢᠭᠠᠳ ᠪᠣᠢ ᠭᠡᠬᠦ ᠪᠡᠷ ᠮᠡᠳᠡᠭᠡᠵᠢ ᠬᠡᠷᠡᠭ ᠨᠥᠭᠦᠭᠡ ᠨᠢᠭᠡ ᠬᠦᠦ ᠲᠣᠮᠣ ᠪᠣᠯᠴᠢᠬᠠᠭᠰᠠᠨ ᠴᠤ᠌ ᠭᠡᠰᠡᠨ ᠬᠦᠦ ᠬᠡᠪ ᠢ᠋ᠶ᠋ᠡᠷ ᠨᠢ ᠬᠠᠷᠠᠭᠠᠳ ᠪᠠᠢᠨᠠ ᠰᠦ᠍ ᠳᠠ ᠨᠥᠭᠦᠭᠡ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠬᠠᠢᠷᠠᠲᠠᠢ ᠤᠴᠢᠷ ᠠ᠋ᠴᠠ ᠲᠡᠭᠡᠵᠦ ᠪᠠᠢᠭᠠ ᠶᠤᠮ᠂ ᠬᠦᠦ ᠢᠷᠡᠭᠡᠳ ᠶᠠᠭᠠᠬᠢᠭᠰᠠᠨ ᠪᠣᠢ ᠭᠡᠬᠦᠯᠡᠷ《ᠣᠳᠣ ᠨᠠᠳᠠ ᠳ᠋ᠤ᠌ ᠵᠠᠪᠢ ᠬᠡᠷᠡᠭᠲᠡᠢ ᠪᠣᠯᠴᠢᠬᠠᠭᠰᠠᠨ᠂ ᠥᠭᠡᠷᠡ ᠭᠠᠵᠠᠷ ᠯᠤᠭᠠ ᠣᠴᠢᠵᠤ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠢ᠋ᠶ᠋ᠡᠨ ᠪᠡᠶᠡᠯᠡᠭᠦᠯᠮᠡᠷ ᠪᠠᠢᠨᠠ᠂ ᠵᠢᠭᠠᠬᠠᠨ ᠲᠣᠮᠣ ᠬᠥᠳᠡᠯᠵᠦ᠂ ᠲᠣᠮᠣ ᠶᠠᠭᠤᠮᠠ ᠬᠢᠮᠡᠷ ᠪᠠᠢᠨᠠ》 ᠡᠨᠡ ᠲᠡᠷᠡ ᠭᠡᠵᠦ ᠨᠥᠭᠦᠭᠡ ᠬᠦᠦ ᠴᠢᠨᠢ ᠬᠡᠯᠡᠵᠦ ᠪᠠᠢᠭᠠ ᠶᠤᠮ᠂ ᠲᠡᠭᠡᠭᠰᠡᠨ ᠴᠢᠨᠢ ᠨᠥᠭᠦᠭᠡ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠬᠦᠦ ᠶ᠋ᠢ ᠦᠨᠡᠬᠡᠷ ᠬᠠᠢᠷᠠᠯᠠᠭᠰᠠᠨ ᠳ᠋ᠠᠭᠠᠨ ᠶᠠᠭᠤ ᠭᠡᠵᠦ ᠬᠡᠯᠡᠳᠡᠭ ᠪᠣᠢ ᠭᠡᠬᠦ ᠪᠡᠷ《ᠵᠠ ᠵᠠ ᠬᠦᠦ ᠮᠢᠨᠢ ᠮᠢᠨᠦ ᠶᠡᠬᠡ ᠪᠡᠶᠡ ᠶ᠋ᠢ ᠠᠪᠤᠭᠠᠳ ᠶᠠᠪᠤ᠂ ᠮᠢᠨᠦ ᠶᠡᠬᠡ ᠪᠡᠶᠡ ᠪᠡᠷ ᠬᠠᠩᠭᠠᠯᠲᠠᠲᠠᠢ ᠲᠣᠮᠣ ᠬᠡᠮᠵᠢᠶᠡᠨ ᠦ᠌ ᠵᠠᠪᠢ ᠴᠢ ᠬᠢᠵᠦ ᠴᠢᠳᠠᠨᠠ ᠠ》 ᠭᠡᠵᠦ ᠲᠡᠷᠡ ᠬᠦᠦ ᠳ᠋ᠦ᠍ ᠬᠡᠯᠡᠭᠰᠡᠨ᠃ ᠲᠡᠭᠡᠭᠰᠡᠨ ᠴᠢᠨᠢ ᠬᠦᠦ ᠪᠠᠰᠠ ᠯᠠ ᠮᠣᠳᠣᠨ ᠤ᠋ ᠶᠡᠬᠡ ᠪᠡᠶᠡ ᠶ᠋ᠢ ᠠᠪᠤᠭᠠᠳ ᠶᠠᠪᠤᠴᠢᠬᠠᠭᠰᠠᠨ᠃ ᠲᠡᠭᠡᠭᠡᠳ ᠵᠠᠪᠢ ᠬᠢᠭᠡᠳ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠢ᠋ᠶ᠋ᠡᠨ ᠪᠡᠶᠡᠯᠡᠭᠦᠯᠬᠦ ᠪᠡᠷ ᠥᠭᠡᠷᠡ ᠲᠠᠢᠰᠢ ᠪᠠᠨ ᠶᠠᠪᠤᠭᠰᠠᠨ᠃ ᠨᠥᠭᠦᠭᠡ ᠨᠢᠭᠡ ᠰᠦᠷᠯᠢᠭ ᠭᠠᠢᠬᠠᠯᠲᠠᠢ ᠲᠣᠮᠣ ᠮᠣᠳᠣ ᠴᠢᠨᠢ ᠶᠠᠭᠠᠬᠢᠭᠰᠠᠨ ᠂ ᠵᠦᠭᠡᠷ ᠠᠯᠢᠮᠠ ᠶ᠋ᠢᠨ ᠮᠣᠳᠣᠨ ᠤ᠋ ᠬᠣᠵᠤᠤᠯᠠ ᠪᠣᠯᠴᠢᠬᠠᠭᠰᠠᠨ᠃ ᠲᠡᠭᠡᠭᠡᠳ ᠣᠯᠠᠨ ᠵᠢᠯ ᠥᠩᠭᠡᠷᠡᠯᠡ᠃ ᠨᠥᠭᠦᠭᠡ ᠬᠣᠵᠤᠤᠯᠠ ᠴᠢᠨᠢ ᠨᠥᠭᠦᠭᠡ ᠬᠦᠦ ᠪᠡᠨ ᠬᠦᠯᠢᠶᠡᠭᠰᠡᠭᠡᠷ ᠯᠡ ᠪᠠᠢᠭᠰᠠᠨ᠂ ᠲᠡᠭᠡᠭᠰᠡᠨ ᠴᠢᠨᠢ ᠨᠢᠭᠡ ᠡᠳᠦᠷ ᠨᠥᠭᠦᠭᠡ ᠬᠦᠦ ᠴᠢᠨᠢ ᠬᠥᠭᠰᠢᠨ ᠡᠪᠦᠭᠡᠨ ᠪᠣᠯᠴᠢᠬᠠᠵᠠᠢ᠂ ᠲᠠᠶᠠᠭ ᠲᠤᠯᠴᠢᠬᠠᠭᠰᠠᠨ ᠠᠯᠢᠮᠠ ᠶ᠋ᠢᠨ ᠮᠣᠳᠣᠨ ᠳᠡᠭᠡᠷᠡ ᠢᠷᠡᠵᠦ ᠬᠠᠷᠠᠭᠳᠠᠵᠤ ᠪᠠᠢᠨᠠ᠃ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠬᠦᠦ ᠶ᠋ᠢ ᠳᠥᠭᠥᠭᠡᠳ ᠯᠡ ᠢᠷᠡᠩᠭᠦᠲᠡ ᠨᠢᠭᠡ ᠵᠦᠢᠯ ᠢ᠋ ᠬᠡᠯᠡᠭᠰᠡᠨ ᠨᠢ ᠶᠠᠭᠤ ᠪᠣᠢ ᠭᠡᠬᠦ ᠪᠡᠷ《ᠬᠦᠦ ᠮᠢᠨᠢ ᠴᠢᠮᠠ ᠶ᠋ᠢ ᠬᠠᠷᠠᠭᠰᠠᠨ ᠳ᠋ᠠᠭᠠᠨ ᠦᠨᠡᠬᠡᠷ ᠶᠡᠬᠡ ᠪᠠᠶᠠᠷᠲᠠᠢ ᠪᠠᠢᠨᠠ᠂ ᠭᠡᠬᠦ ᠳ᠋ᠡᠭᠡᠨ ᠣᠳᠣ ᠨᠠᠳᠠ ᠳ᠋ᠤ᠌ ᠴᠢᠮᠠ ᠳ᠋ᠤ᠌ ᠥᠭᠬᠦ ᠵᠦᠢᠯ ᠪᠠᠢᠬᠤ ᠦᠭᠡᠢ ᠰᠢᠦ ᠳᠧ》 ᠭᠡᠵᠦ ᠬᠡᠯᠡᠭᠰᠡᠨ᠃ ᠲᠡᠭᠡᠭᠰᠡᠨ ᠴᠢᠨᠢ ᠨᠥᠭᠦᠭᠡ ᠡᠪᠦᠭᠡᠨ《ᠣᠳᠣ ᠨᠠᠳᠠ ᠳ᠋ᠤ᠌ ᠶᠠᠭᠤᠮᠠ ᠬᠡᠷᠡᠭ ᠦᠭᠡᠢ᠂ ᠬᠠᠷᠢᠨ ᠪᠢ ᠬᠥᠭᠰᠢᠨ ᠪᠣᠯᠤᠭᠰᠠᠨ ᠤᠴᠢᠷ ᠠ᠋ᠴᠠ ᠰᠠᠭᠤᠵᠤ ᠠᠮᠠᠷᠠᠬᠤ ᠭᠠᠵᠠᠷ ᠯᠠ ᠬᠡᠷᠡᠭᠲᠡᠢ ᠪᠠᠢᠨᠠ》 ᠭᠡᠵᠦ ᠬᠡᠯᠡᠭᠰᠡᠨ᠂ ᠲᠡᠭᠡᠭᠰᠡᠨ ᠴᠢᠨᠢ ᠨᠥᠭᠦᠭᠡ ᠬᠣᠵᠤᠤᠯᠠ ᠶᠠᠭᠤ ᠭᠡᠳᠡᠭ ᠪᠢᠯᠡ ᠭᠡᠬᠦ ᠪᠡᠷ ᠪᠥᠭᠡᠮ ᠪᠠᠶᠠᠷᠯᠠᠭᠠᠳ《ᠶᠠᠭ ᠵᠥᠪ ᠴᠢ ᠨᠠᠳᠠ ᠳᠡᠭᠡᠷᠡ ᠰᠠᠭᠤ᠂ ᠬᠣᠵᠤᠤᠯᠠ ᠳᠡᠭᠡᠷᠡ ᠰᠠᠭᠤᠬᠤ ᠰᠠᠢᠬᠠᠨ ᠰᠢᠦ ᠳᠧ》 ᠭᠡᠵᠦ ᠨᠥᠭᠦᠭᠡ ᠠᠯᠢᠮᠠᠨ ᠤ᠋ ᠮᠣᠳᠣ ᠬᠡᠯᠡᠳᠡᠭ᠂ ᠲᠡᠭᠡᠭᠡᠳ ᠨᠥᠭᠦᠭᠡ ᠡᠪᠦᠭᠡᠨ ᠴᠢᠨᠢ ᠬᠣᠵᠤᠤᠯᠠ ᠳᠡᠭᠡᠷᠡ ᠰᠠᠭᠤᠭᠠᠳ ᠠᠮᠠᠷᠠᠯᠠ ᠭᠡᠵᠦ ᠡᠨᠡ ᠤᠳᠠᠭᠠ ᠶ᠋ᠢᠨ ᠠᠯᠢᠮᠠ ᠶ᠋ᠢᠨ ᠮᠣᠳᠣᠨ ᠤ᠋ ᠰᠤᠷᠭᠠᠯ ᠳᠠᠭᠤᠰᠴᠤ ᠃ ᠡᠨᠡ ᠶᠠᠭᠤ ᠶ᠋ᠢ ᠥᠭᠦᠯᠡᠭᠡᠳ ᠪᠠᠢᠭᠠ ᠰᠤᠷᠭᠠᠯ ᠪᠣᠢ ᠭᠡᠬᠦ ᠪᠡᠷ᠂ ᠡᠴᠢᠭᠡ ᠡᠬᠡ ᠶ᠋ᠢ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠪᠣᠯᠭᠠᠵᠤ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃ ᠬᠠᠷᠢᠨ ᠨᠥᠭᠦᠭᠡ ᠨᠢᠭᠡ ᠣᠴᠢᠭᠠᠳ ᠪᠠᠢᠳᠠᠭ ᠬᠦᠦ ᠶ᠋ᠢ ᠬᠡᠦᠬᠡᠳ ᠪᠣᠯᠭᠠᠵᠤ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃ ᠡᠴᠢᠭᠡ ᠡᠬᠡ ᠶ᠋ᠢᠨ ᠬᠦᠦ᠂ ᠣᠯᠠᠨ ᠡᠴᠢᠭᠡ ᠡᠬᠡᠴᠦᠳ ᠬᠡᠦᠬᠡᠳ ᠦ᠋ᠳ ᠲᠡᠭᠡᠨ ᠶᠠᠭ ᠡᠨᠡ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠰᠢᠭ᠋ ᠬᠠᠨᠳᠤᠳᠠᠭ᠂ ᠠᠪᠤ ᠡᠵᠢ ᠲᠡᠢ ᠬᠥᠮᠦᠨ ᠪᠣᠯᠭᠠᠨ ᠤ᠋ ᠠᠯᠳᠠᠳᠠᠭ ᠠᠯᠳᠠᠭᠠ ᠨᠢ ᠶᠠᠭᠤ ᠪᠣᠢ ᠭᠡᠬᠦ ᠪᠡᠷ ᠠᠪᠤ ᠡᠵᠢ ᠳᠡᠭᠡᠷᠡ ᠪᠡᠨ ᠣᠴᠢᠬᠤ ᠳ᠋ᠠᠭᠠᠨ ᠶᠠᠭᠤᠮᠠ ᠥᠭᠬᠦ ᠭᠡᠵᠦ ᠪᠢᠰᠢ᠂ ᠠᠪᠬᠤ ᠭᠡᠵᠦ ᠣᠴᠢᠭᠠᠳ ᠪᠠᠢᠨᠠ᠃ ᠶᠠᠳᠠᠵᠤ ᠥᠪᠡᠷ ᠢ᠋ᠶ᠋ᠡᠨ ᠬᠠᠵᠠᠭᠤ ᠳ᠋ᠤ᠌ ᠨᠢ ᠪᠠᠢᠵᠤ᠂ ᠬᠠᠨᠢ ᠪᠣᠯᠵᠤ ᠠᠪᠤ ᠡᠵᠢ ᠶ᠋ᠢ ᠪᠡᠨ ᠬᠠᠢᠷᠠᠯᠠᠵᠤ᠂ ᠡᠨᠡᠷᠢᠬᠦ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠠᠪᠬᠤ ᠭᠡᠵᠦ ᠣᠴᠢᠭᠠᠳ ᠪᠠᠢᠭᠠ ᠶ᠋ᠢᠨ ᠨᠢᠭᠡ ᠠᠯᠳᠠᠭᠠ ᠪᠠᠢᠭᠠ ᠭᠡᠳᠡᠭ ᠢ᠋ ᠡᠨᠡ ᠠᠯᠢᠮᠠ ᠶ᠋ᠢᠨ ᠮᠣᠳᠣᠨ ᠤ᠋ ᠰᠤᠷᠭᠠᠯ ᠪᠢᠳᠡᠨ ᠳ᠋ᠦ᠍ ᠬᠠᠷᠠᠭᠤᠯᠵᠤ ᠪᠠᠢᠭᠠ ᠶᠤᠮ᠂ ᠲᠡᠢᠮᠦ ᠡᠴᠡ ᠲᠠ ᠡᠨᠡ ᠰᠤᠷᠭᠠᠯ ᠠ᠋ᠴᠠ ᠪᠠᠰᠠ ᠨᠢᠭᠡ ᠵᠦᠢᠯ ᠢ᠋ ᠣᠢᠯᠠᠭᠠᠭᠠᠷᠠᠢ᠂ ᠪᠢᠳᠡᠨ ᠦ᠌ ᠡᠴᠢᠭᠡ ᠡᠬᠡ ᠪᠢᠳᠡᠨ ᠢ᠋ ᠬᠠᠢᠷᠠᠯᠠᠵᠤ ᠥᠰᠬᠡᠭᠰᠡᠨ᠂ ᠬᠥᠮᠦᠨ ᠪᠣᠯᠭᠠᠨ ᠡᠮᠡᠭᠡ ᠡᠪᠦᠭᠡ ᠴᠦ᠍ ᠶᠤᠮ ᠤᠤ᠂ ᠠᠬᠠ ᠡᠭᠡᠴᠢ ᠴᠦ᠍ ᠶᠤᠮ ᠤᠤ᠂ ᠪᠢᠳᠡᠨ ᠳ᠋ᠦ᠍ ᠶᠠᠭ ᠡᠨᠡ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠰᠢᠭ᠋ ᠬᠠᠨᠳᠤᠵᠤ ᠪᠠᠢᠳᠠᠭ ᠶᠤᠮ ᠰᠢᠦ᠂ ᠪᠢᠳᠡᠨ ᠳ᠋ᠦ᠍ ᠥᠭᠭᠦᠰᠡᠨ ᠪᠦᠬᠦ ᠵᠦᠢᠯ ᠢ᠋ ᠨᠢ ᠲᠠ ᠰᠠᠨᠠᠵᠤ᠂ ᠬᠠᠢᠷᠠᠯᠠᠵᠤ᠂ ᠪᠤᠴᠠᠭᠠᠭᠠᠳ ᠲᠠ ᠥᠭᠬᠦ ᠶ᠋ᠢ ᠬᠢᠴᠢᠶᠡᠭᠡᠷᠡᠢ ᠭᠡᠵᠦ ᠥᠨᠥᠳᠥᠷ ᠦ᠋ᠨ ᠲᠡᠦᠬᠡ ᠪᠡᠷ ᠤᠷᠢᠶᠠᠯᠠᠵᠤ ᠪᠠᠢᠨᠠ᠃
ᠺᠢᠷᠢᠯ ᠡᠴᠡ ᠬᠥᠷᠪᠡᠭᠦᠯᠦᠭᠰᠡᠨ ᠨᠢ᠄ ᠰᠣᠨᠢᠨᠪᠠᠶᠠᠷ
ᠦᠰᠦᠭ ᠬᠠᠳᠠᠭᠴᠢ᠄ ᠪᠠᠢ᠂ ᠰᠠᠷᠠᠨᠠ
ᠬᠢᠨᠠᠭᠴᠢ᠄ ᠰᠣᠨᠢᠨᠪᠠᠶᠠᠷ