ᠲᠡᠷᠡ ᠴᠠᠭ ᠰᠠᠢᠬᠠᠨ ᠪᠠᠢᠭᠰᠠᠨ ᠶᠤᠮ -ᠰ᠂ ᠵᠠᠮᠢᠶᠠᠨ Тэр цаг сайхан байсан юм-С,Жамъян
127ᠲᠡᠷᠡ ᠴᠠᠭ ᠰᠠᠢᠬᠠᠨ ᠪᠠᠢᠭᠰᠠᠨ ᠶᠤᠮ
ᠰᠢᠯᠦᠭ᠄ ᠰ᠂ ᠵᠠᠮᠢᠶᠠᠨ
ᠤᠶᠠᠩᠭᠠᠯᠠᠭᠴᠢ᠄ ᠰ᠂ ᠵᠠᠮᠢᠶᠠᠨ
ᠰᠡᠭᠦᠳᠡᠷᠯᠡᠭᠴᠢ᠄ ᠰ᠂ ᠵᠠᠮᠢᠶᠠᠨ
ᠹᠢᠯᠢᠮ ᠦᠢᠯᠡᠳᠦᠭᠴᠢ᠄ ᠠᠯᠢᠶᠠᠬᠦᠦ
ᠲᠡᠷᠡ ᠴᠠᠭ ᠰᠠᠢᠬᠠᠨ ᠪᠠᠢᠯᠠ
ᠲᠩᠷᠢ ᠨᠢ ᠴᠡᠯᠮᠡᠭ ᠠᠭᠠᠷ ᠨᠢ ᠴᠡᠪᠡᠷ
ᠠᠭᠤᠯᠠ ᠨᠢ ᠴᠡᠩᠬᠡᠷ ᠤᠰᠤ ᠨᠢ ᠲᠤᠩᠭᠠᠯᠠᠭ
ᠠᠭᠤᠳᠠᠮ ᠲᠡᠨᠢᠭᠡᠷ ᠲᠠᠯᠠ ᠳ᠋ᠠᠭᠠᠨ
ᠤᠨᠠᠭᠤᠯᠢ ᠴᠤ᠌ ᠦᠭᠡᠢ ᠲᠣᠷᠣᠭᠠᠰᠤ ᠴᠤ᠌ ᠦᠭᠡᠢ
ᠬᠠᠪᠤᠷ ᠵᠤᠨ ᠨᠠᠮᠤᠷ ᠡᠪᠦᠯ
ᠬᠠᠮᠢᠭᠠᠰᠢ ᠪᠠᠨ ᠨᠡᠭᠦᠪᠡᠴᠦ ᠰᠠᠭᠠᠳ ᠦᠭᠡᠢ
ᠲᠡᠷᠡ ᠴᠠᠭ ᠰᠠᠢᠬᠠᠨ ᠪᠠᠢᠯᠠ
ᠡᠭᠦᠯᠡ ᠭᠠᠷᠪᠠᠯ ᠪᠣᠷᠣᠭᠠᠨ ᠲᠠᠢ
ᠡᠭᠦᠳᠡᠨ ᠡᠴᠡ ᠪᠡᠨ ᠦᠷᠭᠦᠯᠵᠢ ᠪᠡᠯᠴᠢᠭᠡᠷ ᠲᠡᠢ
ᠰᠠᠯᠠᠭᠠ ᠪᠣᠯᠭᠠᠨ ᠳ᠋ᠤ᠌ ᠪᠤᠯᠠᠭ ᠲᠠᠢ
ᠰᠠᠯᠪᠤᠷᠢᠯᠠᠨ ᠤᠷᠤᠰᠬᠤ ᠭᠣᠣᠯ ᠲᠠᠢ
ᠤᠶᠠᠭᠠ ᠪᠣᠯᠭᠠᠨ ᠳ᠋ᠤ᠌ ᠪᠠᠨ ᠬᠦᠯᠦᠭ ᠲᠡᠢ
ᠠᠭᠤᠯᠵᠠᠭᠰᠠᠨ ᠪᠦᠬᠦᠨ ᠪᠡᠯᠭᠡ ᠲᠡᠢ
ᠲᠡᠷᠡ ᠴᠠᠭ ᠦᠨᠡᠬᠡᠷ ᠰᠠᠢᠬᠠᠨ ᠪᠠᠢᠯᠠ
ᠲᠣᠭᠣᠨᠣᠨ ᠳᠡᠭᠡᠷᠡ ᠪᠡᠨ ᠨᠠᠷᠠ ᠲᠠᠢ
ᠲᠤᠯᠭᠠᠨ ᠠ᠋ᠴᠠ ᠳᠦᠷᠡᠯᠵᠡᠬᠦ ᠭᠠᠯ ᠲᠠᠢ
ᠲᠣᠭᠣᠭᠠᠨ ᠳᠣᠲᠣᠷᠠ ᠪᠠᠨ ᠱᠥᠯᠥ ᠲᠡᠢ
ᠲᠣᠭᠠᠭᠦᠢ ᠣᠯᠠᠨ ᠭᠡᠢᠴᠢᠨ ᠲᠡᠢ
ᠲᠣᠭᠣᠷᠢᠵᠤ ᠢᠷᠡᠭᠰᠡᠨ ᠵᠠᠮ ᠤ᠋ᠨ ᠬᠥᠮᠦᠨ ᠳ᠋ᠦ᠍ ᠴᠦ᠍
ᠲᠣᠷᠭᠠᠨ ᠤᠷᠤᠭ ᠰᠢᠭ᠋ ᠳᠣᠲᠣᠨᠣᠰᠣᠭ ᠪᠠᠢᠳᠠᠭ
ᠲᠡᠷᠡ ᠴᠠᠭ ᠦᠨᠡᠬᠡᠷ ᠰᠠᠢᠬᠠᠨ ᠪᠠᠢᠯᠠ
ᠦᠭᠡᠨ ᠳ᠋ᠦ᠍ ᠪᠡᠨ ᠰᠠᠭᠤᠳᠠᠭ ᠨᠣᠶᠠᠨ ᠲᠠᠢ
ᠦᠨᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠶᠠᠪᠤᠳᠠᠭ ᠠᠷᠠᠳ ᠲᠠᠢ
ᠢᠮᠠᠭᠠᠨ ᠠᠷᠠᠰᠤᠨ ᠳᠡᠪᠡᠯ ᠡᠮᠦᠰᠦᠭᠡᠳ
ᠶᠠᠰᠢᠯ ᠤ᠋ᠨ ᠲᠠᠶᠠᠭ ᠲᠤᠯᠤᠭᠰᠠᠨ ᠡᠪᠦᠭᠡᠨ
ᠶᠠᠭᠠᠬᠢᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ ᠣᠨᠢᠨ ᠳᠡᠭᠡᠷᠡ ᠨᠢ ᠲᠣᠭᠰᠢᠵᠤ
ᠶᠠᠪᠤᠵᠤ ᠰᠠᠭᠤᠬᠤ ᠶ᠋ᠢᠨ ᠶᠣᠰᠣ ᠵᠠᠶᠢᠭ ᠢ᠋ ᠤᠬᠠᠭᠠᠷᠠᠭᠤᠯᠳᠠᠭ
ᠲᠡᠷᠡ ᠴᠠᠭ ᠦᠨᠡᠬᠡᠷ ᠰᠠᠢᠬᠠᠨ ᠪᠠᠢᠯᠠ
ᠬᠤᠳᠠᠯ ᠬᠡᠯᠡᠳᠡᠭ ᠦᠭᠡᠢ ᠬᠠᠭᠤᠷᠮᠠᠭ ᠦᠭᠡᠢ
ᠬᠤᠷᠤᠭᠤ ᠬᠢᠮᠤᠰᠤ ᠬᠥᠳᠡᠯᠭᠡᠳᠡᠭ ᠦᠭᠡᠢ
ᠦᠬᠡᠷ ᠲᠡᠷᠭᠡ ᠪᠡᠷ ᠲᠠᠤᠯᠠᠢ ᠭᠦᠢᠴᠡᠨᠡ ᠭᠡᠮᠡᠨ
ᠦᠨᠡᠨ ᠢ᠋ᠶ᠋ᠡᠨ ᠬᠡᠯᠡᠵᠦ ᠪᠡᠯᠡᠨ ᠢ᠋ᠶ᠋ᠡᠨ ᠢᠳᠡᠳᠡᠭ
ᠰᠠᠨᠠᠭᠠ ᠰᠡᠳᠬᠢᠯ ᠨᠢ ᠲᠠᠯᠠ ᠪᠠᠨ ᠡᠷᠭᠢᠵᠦ
ᠤᠨᠤᠭᠠ ᠬᠦᠯᠦᠭ ᠪᠡᠶᠡ ᠶ᠋ᠢ ᠨᠢ ᠲᠣᠭᠣᠷᠢᠳᠠᠭ
ᠲᠡᠷᠡ ᠴᠠᠭ ᠦᠨᠡᠬᠡᠷ ᠰᠠᠢᠬᠠᠨ ᠪᠠᠢᠯᠠ
ᠳᠠᠬᠢᠳᠠᠭ ᠣᠪᠣᠭᠠ ᠨᠢ ᠲᠣᠭᠠᠲᠠᠢ ᠬᠡᠳᠦᠬᠡᠨ ᠪᠣᠯᠪᠠᠴᠤ
ᠰᠠᠬᠢᠳᠠᠭ ᠴᠡᠭᠡᠷ ᠨᠢ ᠬᠠᠲᠠᠭᠤ ᠶᠤᠮ ᠪᠢᠯᠡ
ᠲᠠᠷᠢᠳᠠᠭ ᠶᠠᠭᠤᠮᠠ ᠨᠢ ᠴᠥᠭᠡᠬᠡᠨ ᠪᠣᠯᠪᠠᠴᠤ
ᠤᠷᠭᠤᠳᠠᠭ ᠣᠢ ᠨᠢ ᠢᠠᠠᠴᠢ ᠶᠣᠮ ᠪᠢᠯᠡ
ᠲᠠᠨᠢᠳᠠᠭ ᠬᠥᠮᠦᠰ ᠨᠢ ᠰᠠᠳᠤᠨ ᠰᠢᠭ ᠶᠠᠪᠤᠯᠴᠠᠳᠠᠭ
ᠲᠠᠢᠪᠤᠤᠬᠠᠨ ᠵᠠᠩ ᠲᠠᠢ ᠤᠯᠤᠰ ᠶᠤᠮ ᠪᠢᠯᠡ
ᠲᠡᠷᠡ ᠴᠠᠭ ᠰᠠᠢᠬᠠᠨ ᠪᠠᠢᠭᠰᠠᠨ ᠪᠠᠢᠯᠠ
ᠲᠩᠷᠢ ᠪᠡᠨ ᠰᠢᠲᠦᠳᠡᠭ ᠢ᠋ᠶ᠋ᠡᠷ ᠳᠡᠭᠡᠭᠰᠢ ᠪᠡᠨ ᠣᠨᠢᠯᠠᠳᠠᠭ ᠦᠭᠡᠢ
ᠭᠠᠵᠠᠷ ᠢ᠋ᠶ᠋ᠠᠨ ᠲᠦᠰᠢᠳᠡᠭ ᠢ᠋ᠶ᠋ᠡᠷ ᠳᠣᠷᠣᠭᠰᠢ ᠣᠩᠭᠢᠴᠢᠳᠠᠭ ᠦᠭᠡᠢ
ᠰᠦᠷᠦᠭ ᠲᠦ᠍ ᠮᠢᠷᠢᠶᠠᠳᠠᠭ ᠴᠢᠨᠣᠠ ᠪᠠᠢᠭᠰᠠᠨ ᠴᠤ᠌
ᠰᠦᠨ ᠳ᠋ᠦ᠍ ᠲᠥᠷᠥᠳᠡᠭ ᠬᠤᠷᠤᠭᠤ ᠦᠭᠡᠢ
ᠰᠦᠵᠢᠭ ᠪᠠᠢᠪᠠᠴᠤ ᠰᠡᠵᠢᠭ ᠥᠬᠡᠢ
ᠰᠦᠮᠡᠯᠵᠡᠬᠦ ᠵᠡᠷᠭᠡᠯᠭᠡᠨ ᠬᠦᠷᠲᠡᠯᠡ ᠠᠮᠢ ᠲᠠᠢ ᠪᠠᠢᠳᠠᠭ
ᠲᠡᠷᠡ ᠴᠠᠭ ᠦᠨᠡᠬᠡᠷ ᠰᠠᠢᠬᠠᠨ ᠪᠠᠢᠯᠠ
ᠰᠢᠯᠢᠨ ᠯᠣᠩᠬᠣᠨ ᠳ᠋ᠤ᠌ ᠠᠷᠢᠬᠢ ᠳᠡᠭᠦᠵᠢᠯᠡᠭᠡᠳ
ᠰᠢᠨᠡ ᠶ᠋ᠢᠨ ᠪᠠᠶᠠᠷ ᠢ᠋ᠶ᠋ᠠᠷ ᠠᠢᠯ ᠳᠠᠮᠵᠢᠨ
ᠠᠭᠰᠢᠷᠠᠭᠠ ᠪᠤᠭᠤᠷᠤᠯ ᠨᠠᠰᠤᠲᠠᠳ ᠲᠤ᠌ ᠪᠠᠨ
ᠰᠠᠷᠬᠤᠳ ᠤ᠋ᠨ ᠳᠡᠭᠡᠵᠢ ᠪᠡᠨ ᠪᠠᠷᠢᠵᠤ
ᠠᠰᠢᠳᠠ ᠶ᠋ᠢᠨ ᠢᠷᠦᠭᠡᠯ ᠢ᠋ ᠨᠢ ᠰᠣᠨᠣᠰᠴᠤ
ᠮᠠᠰᠢᠳᠠ ᠵᠢᠷᠭᠠᠯ ᠲᠠᠢ ᠰᠠᠨᠠᠭᠳᠠᠵᠤ ᠪᠠᠢᠭᠰᠠᠨ
ᠲᠡᠷᠡ ᠴᠠᠭ ᠦᠨᠡᠬᠡᠷ ᠰᠠᠢᠬᠠᠨ ᠪᠠᠢᠯᠠ
ᠰᠢᠰᠢ ᠶ᠋ᠢᠨ ᠭᠤᠯᠢᠷ ᠬᠠᠭᠤᠷᠤᠭᠰᠠᠨ ᠵᠠᠷᠮᠠ ᠶ᠋ᠢ
ᠰᠢᠯᠵᠠᠷᠠᠭᠰᠠᠨ ᠨᠣᠭᠣᠭᠠ ᠲᠠᠢ ᠭᠤᠶᠠᠳᠠᠵᠤ ᠣᠷᠣᠭᠤᠯᠤᠭᠠᠳ
ᠰᠢᠷᠡᠭᠡ ᠡᠯᠢᠭᠡᠳᠡᠨ ᠰᠢᠮᠳᠠᠨ ᠰᠤᠷᠬᠤ ᠳ᠋ᠤ᠌ ᠪᠠᠨ
ᠰᠢᠨᠡ ᠴᠠᠭ ᠲᠤ᠌ ᠲᠥᠷᠥᠭᠰᠡᠨ ᠪᠢᠳᠡ
ᠰᠢᠯᠵᠢᠰᠢ ᠦᠭᠡᠢ ᠵᠢᠷᠭᠠᠯ ᠢ᠋ ᠡᠳ᠋ᠯᠡᠵᠦ ᠪᠠᠢᠨᠠ ᠭᠡᠵᠦ
ᠬᠠᠩᠭᠢᠨᠠᠲᠠᠯᠠ ᠳᠠᠭᠤᠯᠠᠵᠤ ᠮᠢᠷᠠᠯᠵᠠᠲᠠᠯᠠ ᠪᠥᠵᠢᠭᠯᠡᠳᠡᠭ
ᠲᠡᠷᠡ ᠴᠠᠭ ᠦᠨᠡᠬᠡᠷ ᠰᠠᠢᠬᠠᠨ ᠪᠠᠢᠯᠠ
ᠲᠩᠷᠢ ᠨᠢ ᠨᠢᠷᠤᠭᠤᠨ ᠳ᠋ᠤ᠌ ᠪᠠᠨ ᠲᠠᠷᠨᠢ ᠲᠠᠢ
ᠭᠠᠵᠠᠷ ᠨᠢ ᠨᠢᠷᠤᠭᠤᠨ ᠳ᠋ᠤ᠌ ᠪᠠᠨ ᠰᠢᠲᠦᠭᠡᠨ ᠲᠡᠢ
ᠬᠥᠮᠦᠰ ᠨᠢ ᠰᠡᠳᠬᠢᠯ ᠳ᠋ᠦ᠍ ᠪᠡᠨ ᠪᠤᠷᠬᠠᠨ ᠲᠠᠢ
ᠪᠠᠢᠭᠠᠯᠢ ᠨᠢ ᠠᠮᠢᠰᠬᠤᠭᠠᠨ ᠳ᠋ᠤ᠌ ᠪᠠᠨ ᠬᠡᠮᠨᠡᠯ ᠲᠡᠢ
ᠲᠡᠷᠡ ᠴᠠᠭ ᠦᠨᠡᠬᠡᠷ ᠰᠠᠢᠬᠠᠨ ᠪᠠᠢᠭᠰᠠᠨ ᠶᠤᠮ
ᠲᠡᠷᠡ ᠴᠠᠭ ᠦᠨᠡᠬᠡᠷ ᠰᠠᠢᠬᠠᠨ ᠪᠠᠢᠭᠰᠠᠨ ᠳᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠷᠢᠶᠠᠩᠬᠠᠢ ᠨᠠᠷᠠᠨᠮᠠᠨᠳᠠ
ᠬᠢᠨᠠᠯᠲᠠ ᠶ᠋ᠢᠨ ᠰᠢᠰᠲ᠋ᠧᠮ ᠢ᠋ᠶ᠋ᠡᠷ ᠬᠢᠨᠠᠪᠠ᠃