ᠣᠳᠣᠳ ᠥᠷᠯᠥᠭᠡ ᠬᠠᠮᠢᠭᠠ ᠣᠴᠢᠳᠠᠭ ᠪᠣᠢ -ᠯᠤᠪᠰᠠᠩ ᠤ᠋ᠨ ᠣᠳᠣᠨᠴᠢᠮᠡᠳОдод өглөө хаа очдог бэ-Лувсангийн Одончимэд
27ᠣᠳᠣᠳ ᠥᠷᠯᠥᠭᠡ ᠬᠠᠮᠢᠭᠠ ᠣᠴᠢᠳᠠᠭ ᠪᠣᠢ
ᠵᠣᠬᠢᠶᠠᠭᠴᠢ᠄ ᠯᠤᠪᠰᠠᠩ ᠤ᠋ᠨ ᠣᠳᠣᠨᠴᠢᠮᠡᠳ
ᠤᠶᠠᠩᠭᠠᠯᠠᠭᠴᠢ ᠄ ᠴᠡᠴᠡᠨᠲᠠᠮᠢᠷ
ᠥᠴᠥᠭᠡᠳᠦᠷ ᠣᠷᠣᠢ ᠤᠨᠲᠠᠬᠤ ᠦᠶᠡ ᠪᠡᠷ
ᠡᠷᠦᠬᠡᠨ ᠳᠡᠭᠡᠷᠡ ᠭᠢᠯᠲᠠᠭᠠᠨᠠᠵᠤ ᠪᠠᠢᠭᠰᠠᠨ
ᠡᠴᠢᠨᠡᠭᠡᠨ ᠣᠯᠠᠨ ᠣᠳᠣ
ᠥᠨᠥ ᠥᠷᠯᠥᠭᠡ ᠠᠯᠠᠭᠠ ᠪᠠᠢᠬᠤ ᠴᠢᠨᠢ
ᠤᠷᠢᠳᠤ ᠰᠥᠨᠢ ᠲᠡᠳᠡ ᠬᠠᠮᠢᠭᠠ ᠣᠷᠣᠴᠢᠬᠠᠪᠠ ᠠ᠋
ᠠᠭᠤᠯᠠ ᠶ᠋ᠢᠨ ᠴᠠᠭᠠᠭᠤᠷ ᠨᠢᠭᠤᠭᠳᠠᠴᠢᠬᠠᠪᠠ ᠤᠤ
ᠤᠰᠤᠨ ᠳ᠋ᠤ᠌ ᠱᠤᠮᠪᠠᠭᠠᠳ ᠣᠷᠣᠴᠢᠬᠠᠪᠠ ᠤᠤ
ᠤᠴᠢᠷ ᠢ᠋ ᠨᠢ ᠮᠡᠳᠡᠭᠡᠳ ᠠᠪᠬᠤ ᠶᠤᠮ ᠰᠠᠨ
ᠰᠠᠷᠠ ᠨᠢᠭᠡ ᠯᠡ ᠲᠣᠮᠣᠷᠠᠴᠢᠬᠠᠭᠰᠠᠨ ᠶᠤᠮ ᠰᠢᠭ᠋
ᠰᠠᠨᠠᠭᠠ ᠲᠠᠢ ᠲᠡᠳᠡᠨ ᠢ᠋ ᠵᠠᠯᠭᠢᠴᠢᠬᠠᠭᠠ ᠦᠭᠡᠢ ᠪᠠᠢᠭᠠ ᠳᠠ?
ᠰᠠᠭᠠᠬᠠᠯᠲᠠ ᠡᠪᠦᠭᠡ ᠶ᠋ᠢᠨ ᠰᠠᠬᠢᠯᠭᠠ ᠦᠭᠡᠢ ᠬᠦᠦ
ᠰᠠᠪᠠᠭᠠ ᠮᠣᠳᠣ ᠪᠠᠷ ᠬᠠᠭᠠᠯᠴᠢᠬᠠᠭᠠ ᠦᠭᠡᠢ ᠪᠠᠵᠠ ᠪᠠᠢᠭᠠ ᠳᠠ?
ᠡᠪᠦᠭᠡ ᠶ᠋ᠢᠨ ᠳᠤᠷᠠᠨ ᠢ᠋ ᠠᠪᠤᠭᠠᠳ ᠬᠠᠷᠠᠶᠠ ᠪᠠᠢᠵᠠ
ᠥᠨᠳᠥᠷ ᠭᠠᠵᠠᠷ ᠣᠴᠢᠵᠤ ᠠᠵᠢᠭᠯᠠᠶᠠ ᠪᠠᠢᠵᠠ
ᠪᠣᠭᠣᠷᠰᠣᠭ ᠤ᠋ᠨ ᠱᠦᠭᠦᠷ ᠦ᠋ᠨ ᠰᠢᠨᠠᠭᠠ ᠪᠠᠷ
ᠪᠣᠷᠭᠢᠶᠠ ᠭᠣᠣᠯ ᠢ᠋ ᠰᠠᠮᠤᠷᠤᠶᠠ ᠪᠠᠢᠵᠠ
ᠬᠡᠯᠲᠡᠷᠬᠡᠢ ᠴᠦ᠍ ᠭᠡᠰᠡᠨ ᠣᠯᠵᠤ ᠠᠪᠤᠪᠠᠯ
ᠬᠡᠴᠢᠨᠡᠭᠡᠨ ᠭᠣᠶᠣ ᠪᠣᠢ ᠬᠡᠦᠬᠡᠳ ᠦ᠋ᠳ ᠠ᠋
ᠬᠡᠷᠪᠡ ᠪᠢ ᠰᠠᠨᠠᠭᠰᠠᠨ ᠳ᠋ᠤ᠌ ᠪᠠᠨ ᠬᠦᠷᠪᠡᠯ
ᠬᠡᠯᠡᠨᠡ ᠲᠠ ᠨᠠᠷ ᠲᠤ᠌ ᠪᠠᠨ ᠨᠠᠢᠵᠠ ᠨᠤᠭᠤᠳ ᠠ᠋᠂
ᠥᠴᠥᠭᠡᠳᠦᠷ ᠣᠷᠣᠢ ᠤᠨᠲᠠᠬᠤ ᠦᠶᠡ ᠪᠡᠷ
ᠡᠷᠦᠬᠡᠨ ᠳᠡᠭᠡᠷᠡ ᠭᠢᠯᠲᠠᠭᠠᠨᠠᠵᠤ ᠪᠠᠢᠭᠰᠠᠨ
ᠡᠴᠢᠨᠡᠭᠡᠨ ᠣᠯᠠᠨ ᠣᠳᠣ
ᠥᠨᠥ ᠥᠷᠯᠥᠭᠡ ᠬᠠᠮᠢᠭᠠ ᠣᠴᠢᠴᠢᠬᠠᠪᠠ
ᠪᠢᠴᠢᠯᠭᠡ ᠶ᠋ᠢᠨ ᠰᠡᠭᠦᠳᠡᠷ ᠢ᠋ ᠰᠦᠯᠵᠢᠶᠡᠨ ᠡᠴᠡ ᠬᠠᠭᠤᠯᠪᠠ᠂
ᠦᠰᠦᠭ ᠠᠮᠢᠯᠠᠭᠤᠯᠤᠨ ᠬᠠᠲᠠᠭᠰᠠᠨ ᠨᠢ ᠄ ᠭᠠᠸᠠ
ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ