ᠰᠡᠳᠬᠢᠯ ᠦ᠋ᠨ ᠢᠯᠴᠢ - ᠬᠡᠦᠬᠡᠳ ᠦ᠋ᠨ ᠦᠯᠢᠭᠡᠷ Setgeliin ilchСэтгэлийн илч-Хүүхдийн үлгэр
18ᠰᠡᠳᠬᠢᠯ ᠦ᠋ᠨ ᠢᠯᠴᠢ
ᠬᠡᠦᠬᠡᠳ ᠦ᠋ᠨ ᠦᠯᠢᠭᠡᠷ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠨᠢᠭᠡᠨ ᠥᠨᠳᠥᠷ ᠬᠠᠢᠷᠬᠠᠨ ᠠᠭᠤᠯᠠ ᠶ᠋ᠢᠨ ᠪᠠᠯ ᠳ᠋ᠤ᠌ ᠭᠠᠭᠴᠠ ᠪᠡᠶᠡ ᠨᠠᠰᠤᠲᠠᠢ ᠡᠮᠧ ᠠᠵᠤ ᠲᠥᠷᠥᠨ ᠰᠠᠭᠤᠳᠠᠭ ᠪᠠᠢᠵᠠᠢ᠃
ᠲᠡᠭᠡᠲᠡᠯᠡ ᠲᠡᠷᠡ ᠨᠤᠲᠤᠭ ᠲᠤ᠌ ᠵᠤᠳ ᠲᠡᠷᠡᠬᠡᠨ ᠪᠣᠯᠵᠤ᠂ ᠣᠢᠷᠠ ᠬᠠᠪᠢ ᠶ᠋ᠢᠨ ᠠᠢᠯ ᠠᠮᠢᠲᠠᠨ ᠨᠤᠲᠤᠭ ᠰᠡᠯᠪᠢᠨ ᠨᠡᠭᠦᠴᠢᠬᠡᠵᠡᠢ᠂ ᠬᠠᠷᠢᠨ ᠬᠥᠭᠡᠷᠦᠬᠦᠢ ᠡᠮᠡᠭᠡᠨ ᠬᠠᠷᠠ ᠪᠠᠭᠠ ᠠ᠋ᠴᠠ ᠳᠠᠬᠢᠨ ᠰᠢᠲᠦᠵᠦ ᠲᠣᠭᠣᠷᠢᠨ ᠨᠡᠭᠦᠳᠡᠯᠯᠡᠵᠦ ᠢᠷᠡᠭᠰᠡᠨ ᠪᠣᠯᠬᠣᠷ ᠬᠠᠢᠷᠬᠠᠨ ᠠᠭᠤᠯᠠ ᠪᠠᠨ ᠣᠷᠬᠢᠵᠤ ᠴᠢᠳᠠᠯᠭᠦᠢ ᠭᠠᠭᠴᠠᠭᠠᠷ ᠬᠣᠴᠣᠷᠵᠠᠢ ᠭᠡᠨᠡ᠃ ᠴᠠᠰᠤᠨ ᠰᠢᠮᠠᠷᠭᠠ ᠬᠠᠶᠠᠯᠠᠭᠰᠠᠨ ᠡᠪᠦᠯ ᠦ᠋ᠨ ᠨᠢᠭᠡᠨ ᠦᠳᠡᠰᠢ ᠡᠮᠡᠭᠡᠨ ᠦᠯᠡᠳᠡᠭᠰᠡᠨ ᠵᠢᠭᠠᠬᠠᠨ ᠠᠷᠭᠠᠯ ᠢ᠋ᠶ᠋ᠠᠨ ᠲᠦᠯᠡᠨ ᠬᠠᠢᠷᠬᠠᠨ ᠠᠭᠤᠯᠠᠨ ᠳ᠋ᠠᠭᠠᠨ ᠵᠠᠯᠪᠠᠷᠢᠨ ᠰᠠᠭᠤᠵᠤ ᠪᠠᠢᠯᠠ᠃
ᠲᠠ ᠠᠮᠤᠷ ᠰᠠᠢᠨ ᠪᠠᠢᠨᠠ ᠤᠤ!
ᠰᠠᠢᠨ ᠬᠦᠦ ᠮᠢᠨᠢ᠂ ᠬᠠᠪᠢ ᠣᠢᠷᠠ ᠳ᠋ᠤ᠌ ᠠᠢᠯ ᠠᠮᠢᠲᠠᠨ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠬᠠᠬᠢᠷ ᠡᠪᠦᠯ ᠦ᠋ᠨ ᠬᠦᠢᠲᠡᠨ ᠰᠥᠨᠢ ᠬᠠᠮᠢᠭᠠᠭᠤᠷ ᠴᠤ᠌ ᠶᠠᠪᠤᠭᠠ ᠬᠦᠦ ᠪᠣᠢ?
ᠢᠵᠢᠢ ᠮᠢᠨᠢ᠂ ᠪᠢ ᠠᠢᠯ ᠡᠷᠢᠯᠴᠢᠨ ᠬᠥᠮᠦᠨ ᠠᠮᠢᠲᠠᠨ ᠳ᠋ᠤ᠌ ᠵᠠᠷᠤᠭᠳᠠᠵᠤ ᠪᠣᠷᠣ ᠬᠣᠳᠣᠭᠣᠳᠣ ᠪᠠᠨ ᠪᠣᠷᠣᠯᠠᠭᠤᠯᠵᠤ ᠶᠠᠪᠤᠳᠠᠭ ᠬᠥᠮᠦᠨ ᠳᠡ!
ᠡᠪᠡᠢ ᠬᠦᠦ ᠮᠢᠨᠢ᠂ ᠨᠠᠭᠠᠰᠢ ᠪᠠᠨ ᠰᠠᠭᠤᠵᠤ ᠭᠠᠯ ᠤ᠋ᠨ ᠢᠯᠴᠢᠨ ᠳ᠋ᠦ᠍ ᠳᠤᠯᠠᠭᠠᠴᠠ ᠳᠠ!
ᠢᠵᠢᠢ ᠮᠢᠨᠢ ᠲᠠ ᠶᠠᠭᠠᠬᠢᠭᠠᠳ ᠬᠥᠮᠦᠨ ᠠᠮᠢᠲᠠᠨ ᠦᠭᠡᠢ ᠵᠤᠳ ᠪᠣᠯᠤᠭᠰᠠᠨ ᠡᠨᠡ ᠨᠤᠲᠤᠭ ᠲᠤ᠌ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠡᠪᠦᠯᠵᠢᠵᠦ ᠪᠠᠢᠭᠠ ᠶᠤᠮ ᠪᠣᠢ?
ᠲᠠ ᠤᠷᠢᠨ ᠳᠤᠯᠠᠭᠠᠨ ᠪᠣᠯᠲᠠᠯᠠ ᠠᠢᠯ ᠠᠮᠢᠲᠠᠨ ᠪᠠᠷᠠᠳᠠᠪᠠᠯ ᠶᠠᠭᠠᠬᠢᠭᠰᠠᠨ ᠶᠤᠮ ᠪᠣᠢ!
ᠥᠷᠯᠥᠭᠡ ᠪᠢ ᠮᠥᠷᠳᠡᠭᠡᠳ ᠥᠭᠬᠦ ᠤᠤ?
ᠦᠭᠡᠢ ᠳᠡ ᠬᠦᠦ ᠮᠢᠨᠢ! ᠢᠷᠡᠬᠦ ᠳᠥᠷᠪᠡᠨ ᠤᠯᠠᠷᠢᠯ ᠳ᠋ᠤ᠌ ᠡᠨᠡ ᠯᠡ ᠬᠠᠢᠷᠬᠠᠨ ᠠ᠋ᠴᠠ ᠨᠠᠷᠠᠨ ᠵᠦᠭ ᠲᠣᠭᠣᠷᠢᠨ ᠨᠡᠭᠦᠳᠡᠯᠯᠡᠵᠦ ᠡᠳᠦᠢ ᠨᠠᠰᠤᠯᠠᠭᠰᠠᠨ ᠠ᠋᠂ ᠠᠭᠤᠯᠠ ᠤᠰᠤ ᠪᠠᠨ ᠪᠠᠷᠠᠳᠠᠭᠠᠳ ᠰᠠᠭᠤᠬᠤ ᠳ᠋ᠤ᠌ ᠡᠵᠢ ᠨᠢ ᠠᠯᠵᠠᠬᠤ ᠦᠭᠡᠢ᠂ ᠬᠠᠷᠢᠨ ᠬᠦᠦ ᠮᠢᠨᠢ ᠴᠢ ᠬᠣᠯᠠ ᠠ᠋ᠴᠠ ᠢᠷᠡᠭᠰᠡᠨ ᠬᠥᠮᠦᠨ ᠪᠠᠢᠨᠠ᠂ ᠥᠯᠥᠰᠴᠦ ᠶᠠᠳᠠᠷᠠᠭᠠ ᠪᠠᠢᠯᠭᠦᠢ ᠂ ᠲᠡᠷᠡ ᠬᠣᠢᠮᠣᠷ ᠤ᠋ᠨ ᠠᠪᠳᠠᠷᠠ ᠳ᠋ᠤ᠌ ᠵᠢᠭᠠᠬᠠᠨ ᠪᠤᠳᠠᠭᠠ ᠪᠣᠢ᠂ ᠴᠢᠨᠠᠭᠠᠳ ᠢᠳᠡ ᠳᠠ ᠠ᠋!
ᠢᠵᠢᠢ ᠮᠢᠨᠢ ᠳᠡ ᠠ᠋᠂ ᠡᠨᠡ ᠴᠢᠨᠢ ᠲᠤᠩ ᠵᠢᠭᠠᠬᠠᠨ ᠪᠤᠳᠠᠭᠠ ᠦᠯᠡᠳᠡᠭᠰᠡᠨ ᠪᠠᠢᠨᠠ ᠰᠢᠳᠡ!
ᠵᠦᠭᠡᠷ ᠠ᠋ ᠬᠦᠦ ᠮᠢᠨᠢ᠂ ᠪᠢ ᠶᠠᠮᠠᠷ ᠶᠠᠭᠤᠮᠠ ᠢᠳᠡᠵᠦ ᠴᠢᠳᠠᠬᠤ ᠪᠢᠰᠢ ᠳᠡ᠃
ᠵᠠ ᠵᠠ ᠲᠡᠭᠡᠪᠡᠯ ᠬᠣᠶᠠᠭᠤᠯᠠ ᠪᠠᠨ ᠪᠤᠳᠠᠭᠠ ᠪᠠᠨ ᠬᠤᠪᠢᠶᠠᠭᠠᠳ ᠢᠳᠡᠶᠡ ᠳᠡ!
ᠪᠢ ᠭᠠᠷᠤᠭᠠᠳ ᠠᠷᠭᠠᠯ ᠣᠷᠣᠭᠤᠯᠤᠭᠠᠳ ᠢᠷᠡᠶᠡ!
ᠹᠦ ᠹᠦ ᠹᠦ ᠂ ᠵᠠ ᠢᠵᠢᠢ ᠮᠢᠨᠢ ᠰᠠᠢᠨ ᠰᠠᠭᠤᠵᠤ ᠪᠠᠢᠭᠠᠷᠠᠢ᠂ ᠪᠢ ᠣᠳᠣ ᠢᠩᠭᠢᠭᠡᠳ ᠶᠠᠪᠤᠶᠠ᠂ ᠬᠠᠷᠢᠨ ᠡᠨᠡ ᠭᠠᠯ ᠬᠠᠪᠤᠷ ᠪᠣᠯᠲᠠᠯᠠ ᠤᠨᠲᠠᠷᠠᠯ ᠦᠭᠡᠢ ᠠᠰᠠᠬᠤ ᠪᠣᠯᠲᠤᠭᠠᠢ!
ᠰᠠᠢᠨ ᠶᠠᠪᠤᠭᠠᠷᠠᠢ ᠬᠦᠦ ᠮᠢᠨᠢ!
ᠲᠡᠷᠡ ᠰᠥᠨᠢ ᠳ᠋ᠡᠭᠡᠨ ᠡᠮᠡᠭᠡᠨ ᠦ᠌ ᠪᠣᠷᠣ ᠭᠡᠷ ᠤᠷᠢᠳᠤ ᠤᠷᠢᠳᠤ ᠶ᠋ᠢᠨ ᠬᠢ ᠡᠴᠡ ᠢᠯᠡᠭᠦᠦ ᠳᠤᠯᠠᠭᠠᠬᠠᠨ ᠬᠣᠨᠣᠵᠠᠢ ᠭᠡᠨᠡ᠃
ᠢᠵᠢᠢ ᠮᠢᠨᠢ ᠪᠢ ᠲᠠᠨ ᠤ᠋ ᠳᠠᠬᠢᠨ ᠰᠢᠲᠦᠵᠦ ᠶᠠᠪᠤᠳᠠᠭ ᠬᠠᠢᠷᠬᠠᠨ ᠠᠭᠤᠯᠠ ᠶ᠋ᠢᠨ ᠰᠠᠪᠳᠠᠭ ᠪᠢᠯᠡ᠂ ᠡᠬᠡ ᠨᠤᠲᠤᠭ ᠢ᠋ᠶ᠋ᠠᠨ ᠭᠡᠰᠡᠨ ᠰᠠᠢᠬᠠᠨ ᠰᠡᠳᠬᠢᠯ ᠦ᠋ᠨ ᠬᠢᠨᠢ ᠬᠠᠷᠢᠭᠤ ᠳ᠋ᠤ᠌ ᠨᠢᠭᠡᠨ ᠪᠡᠯᠡᠭ ᠪᠠᠷᠢᠶᠠ᠂ ᠡᠨᠡ ᠮᠥᠴᠡ ᠡᠴᠡ ᠡᠬᠢᠯᠡᠭᠡᠳ ᠲᠤᠯᠭᠠᠨ ᠳ᠋ᠠᠬᠢ ᠭᠠᠯ ᠴᠢᠨᠢ ᠤᠨᠲᠠᠷᠠᠯ ᠦᠭᠡᠢ ᠠᠰᠠᠵᠤ᠂ ᠠᠪᠲᠠᠷᠠᠨ ᠳ᠋ᠠᠬᠢ ᠪᠤᠳᠠᠭᠠ ᠴᠢᠨᠢ ᠲᠤᠨᠲᠠᠷᠠᠬᠤ ᠦᠭᠡᠢ ᠪᠠᠢᠬᠤ ᠪᠣᠯᠤᠨᠠ!
ᠤᠷᠢᠳᠤ ᠰᠥᠨᠢ ᠡᠨᠡ ᠬᠦᠦ ᠵᠡᠭᠦᠳᠦᠨ ᠳ᠋ᠦ᠍ ᠢᠷᠡᠭᠡᠳ ᠶᠡᠬᠡ ᠯᠡ ᠪᠡᠯᠭᠡ ᠳᠡᠮᠪᠡᠷᠢᠯ ᠲᠡᠢ ᠦᠭᠡ ᠬᠡᠯᠡᠭᠰᠡᠨ ᠰᠢᠦ!
ᠦᠨᠡᠬᠡᠷ ᠯᠡ ᠬᠠᠢᠷᠬᠠᠨ ᠠᠭᠤᠯᠠ ᠶ᠋ᠢᠨ ᠮᠢᠨᠢ ᠰᠠᠪᠳᠠᠭ ᠪᠠᠢᠵᠤ ᠳᠠ!
ᠲᠡᠷᠡ ᠴᠠᠭ ᠠ᠋ᠴᠠ ᠬᠣᠢᠰᠢ ᠡᠮᠡᠭᠡᠨ ᠦ᠌ ᠠᠪᠳᠠᠷᠠ ᠳ᠋ᠠᠬᠢ ᠪᠤᠳᠠᠭᠠ ᠨᠢ ᠳᠤᠨᠳᠠᠷᠠᠯ ᠦᠭᠡᠢ ᠪᠠᠢᠭᠰᠠᠭᠠᠷ᠂ ᠲᠤᠯᠭᠠᠨ ᠳ᠋ᠠᠬᠢ ᠭᠠᠯ ᠨᠢ ᠤᠨᠲᠠᠷᠠᠯ ᠂ ᠦᠭᠡᠢ ᠠᠰᠠᠭᠰᠠᠭᠠᠷ ᠬᠠᠪᠤᠷ ᠤ᠋ᠨ ᠤᠷᠢᠨ ᠳᠤᠯᠠᠭᠠᠨ ᠴᠠᠭ ᠲᠠᠢ ᠵᠣᠯᠭᠠᠵᠠᠢ ᠭᠡᠨᠡ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠣᠨᠢᠨᠪᠠᠶᠠᠷ
ᠦᠰᠦᠭ ᠬᠠᠳᠠᠭᠴᠢ᠄ ᠪᠠᠢ᠂ ᠰᠠᠷᠠᠨᠠ
ᠬᠢᠨᠠᠭᠴᠢ᠄ ᠰᠣᠨᠢᠨᠪᠠᠶᠠᠷ