ᠰᠢᠢᠳᠬᠡᠯShiitgelШийтгэл
53ᠰᠢᠢᠳᠬᠡᠯ
ᠪᠣᠯᠣᠳ ᠬᠦᠦ ᠰᠤᠷᠭᠠᠭᠤᠯᠢ ᠠ᠋ᠴᠠ ᠬᠠᠷᠢᠵᠤ ᠢᠷᠡᠩᠭᠦᠲᠡ《ᠡᠭᠡᠴᠢ ᠠ᠋ ᠪᠢ ᠭᠠᠳᠠᠨᠠ ᠭᠠᠷᠴᠤ ᠨᠠᠭᠠᠳᠤᠶᠠ ᠪᠣᠯᠤᠨᠠ ᠤᠤ? ᠪᠠᠢᠰᠬᠢᠭᠡᠳ ᠳᠠᠰᠬᠠᠯ ᠢ᠋ᠶ᠋ᠠᠨ ᠬᠢᠶᠡ》 ᠭᠡᠰᠡᠨ ᠳ᠋ᠦ᠍ ᠡᠭᠡᠴᠢ ᠨᠢ《ᠥᠨᠥᠳᠥᠷ ᠦ᠋ᠨ ᠬᠢᠴᠢᠶᠡᠯ ᠢ᠋ᠶ᠋ᠡᠨ ᠬᠢᠷᠢ ᠵᠡᠷᠭᠡ ᠰᠣᠨᠣᠰᠤᠭᠰᠠᠨ ᠢ᠋ ᠴᠢᠨᠢ ᠦᠵᠡᠵᠦ ᠪᠠᠢᠭᠠᠳ ᠪᠣᠯᠤᠨᠠ》 ᠭᠡᠪᠡ᠃ ᠪᠣᠯᠣᠳ ᠲᠣᠯᠣᠭᠠᠢ ᠪᠠᠨ ᠢᠯᠢᠰᠬᠢᠭᠡᠳ《ᠦ ᠠᠩᠬᠠᠷᠤᠯ ᠲᠠᠢ᠁ ᠶᠣᠰᠣᠲᠠᠢ ᠠᠩᠬᠠᠷᠤᠯ ᠲᠠᠢ ᠰᠣᠨᠣᠰᠤᠭᠰᠠᠨ》 ᠭᠡᠪᠡ᠃《ᠰᠠᠢᠨ ᠪᠠᠢᠨᠠ᠂ ᠳᠠᠰᠬᠠᠯ ᠤ᠋ᠨ ᠳᠡᠪᠲᠡᠷ ᠢ᠋ᠶ᠋ᠡᠨ ᠠᠪᠤᠭᠠᠳ ᠢᠷᠡ᠂ ᠮᠢᠨᠦ ᠳᠡᠭᠦᠦ》 ᠭᠡᠵᠦ ᠡᠭᠡᠴᠢ ᠨᠢ ᠬᠡᠯᠡᠪᠡ᠃ ᠪᠣᠯᠣᠳ ᠳᠠᠰᠬᠠᠯ ᠤ᠋ᠨ ᠳᠡᠪᠲᠡᠷ ᠢ᠋ᠶ᠋ᠡᠨ ᠠᠪᠴᠢᠷᠠᠵᠤ ᠥᠭᠬᠦ ᠳ᠋ᠡᠭᠡᠨ ᠬᠡᠩ《ᠡᠭᠡᠴᠢ ᠮᠢᠨᠦ ᠠᠩᠬᠠᠷᠤᠯ ᠲᠠᠢ ᠰᠣᠨᠣᠰᠤᠭᠰᠠᠨ ᠡᠰᠡᠬᠦ ᠶ᠋ᠢ ᠳᠠᠰᠬᠠᠯ ᠤ᠋ᠨ ᠳᠡᠪᠲᠡᠷ ᠡᠴᠡ ᠶᠠᠭᠠᠬᠢᠵᠤ ᠮᠡᠳᠡᠬᠦ ᠶᠦᠮ ᠪᠣᠢ?》 ᠭᠡᠵᠦ ᠪᠣᠳᠣᠵᠤ ᠪᠠᠢᠯᠠ᠃ ᠡᠭᠡᠴᠢ ᠨᠢ ᠳᠠᠰᠬᠠᠯ ᠢ᠋ ᠨᠢ ᠦᠵᠡᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠬᠥᠮᠥᠰᠬᠡ ᠪᠡᠨ ᠵᠠᠩᠭᠢᠳᠪᠠ᠂ ᠲᠡᠭᠡᠭᠰᠡᠨ ᠢ᠋ᠶ᠋ᠡᠨ ᠪᠣᠯᠣᠳ ᠲᠤ᠌᠄《ᠴᠢ ᠶᠠᠭᠠᠬᠢᠭᠠᠳ ᠬᠤᠳᠠᠯ ᠬᠡᠯᠡᠵᠦ ᠪᠠᠢᠬᠤ ᠪᠣᠢ?》 ᠭᠡᠪᠡ᠃《ᠪᠢ ᠬᠤᠳᠠᠯ ᠬᠡᠯᠡᠭᠡ ᠦᠭᠡᠢ᠃》 ᠡᠭᠡᠴᠢ ᠨᠢ ᠬᠡᠯᠡ ᠪᠢᠴᠢᠭ ᠦ᠋ᠨ ᠳᠠᠰᠬᠠᠯ ᠢ᠋ ᠨᠢ ᠦᠵᠡᠭᠦᠯᠦᠭᠰᠡᠨ ᠳ᠋ᠦ᠍᠄《ᠦᠬᠡᠷ ᠮᠥᠷᠥᠭᠡᠳᠳᠡᠭ᠂ ᠠᠳᠤᠭᠤ ᠢᠨᠴᠠᠭᠯᠠᠳᠠᠭ᠂ ᠲᠡᠮᠡᠭᠡ ᠤᠬᠢᠯᠠᠳᠠᠭ》 ᠭᠡᠵᠦ ᠪᠢᠴᠢᠭᠰᠡᠨ ᠢ᠋ ᠣᠯᠵᠤ ᠬᠠᠷᠠᠪᠠ᠃ 《ᠴᠢ ᠬᠡᠷᠪᠡ ᠠᠩᠬᠠᠷᠤᠯ ᠲᠠᠢ ᠰᠣᠨᠣᠰᠤᠭᠰᠠᠨ ᠪᠣᠯ ᠦᠬᠡᠷ ᠮᠥᠭᠡᠷᠡᠳᠡᠭ᠂ ᠠᠳᠤᠭᠤ ᠢᠨᠴᠠᠭᠠᠳᠠᠭ᠂ ᠲᠡᠮᠡᠭᠡ ᠪᠣᠢᠯᠠᠳᠠᠭ ᠭᠡᠵᠦ ᠪᠢᠴᠢᠭᠰᠡᠨ ᠪᠠᠢᠭᠰᠠᠨ᠂ ᠭᠠᠳᠠᠨᠠ ᠭᠠᠷᠴᠤ ᠨᠠᠭᠠᠳᠬᠤ ᠶ᠋ᠢ ᠴᠢᠨᠢ ᠵᠥᠪᠰᠢᠶᠡᠷᠡᠬᠦ ᠦᠭᠡᠢ᠂ ᠲᠡᠰᠢᠶᠡ ᠪᠢᠴᠢᠭᠰᠡᠨ ᠢ᠋ᠶ᠋ᠡᠨ ᠵᠠᠰᠠᠵᠤ ᠳᠠᠬᠢᠵᠤ ᠰᠠᠢᠬᠠᠨ ᠬᠠᠭᠤᠯᠵᠤ ᠪᠠᠴᠢ! ᠴᠢ ᠥᠪᠡᠷ ᠢ᠋ᠶ᠋ᠡᠨ ᠥᠪᠡᠷ ᠦ᠋ᠨ ᠪᠡᠶᠡ ᠪᠡᠨ ᠰᠢᠢᠳᠬᠡᠵᠦ ᠪᠠᠢᠭᠠ ᠪᠠᠨ ᠣᠢᠯᠠᠭᠠᠵᠤ ᠪᠠᠢᠨᠠ ᠤᠤ?》 ᠭᠡᠯᠡ᠃
ᠪᠣᠯᠣᠳ ᠦᠭᠡ ᠳᠠᠭᠤ ᠦᠭᠡᠢ ᠲᠣᠯᠣᠭᠠᠢ ᠪᠠᠨ ᠮᠠᠭᠠᠵᠢᠵᠤ ᠵᠣᠭᠰᠣᠬᠤ ᠳ᠋ᠤ᠌ ᠴᠢᠬᠢᠨ ᠦ᠌ ᠣᠮᠣᠭ ᠨᠢ ᠲᠣᠳᠣ ᠠ᠋ᠴᠠ ᠲᠣᠳᠣ ᠤᠯᠠᠢᠪᠠ ᠭᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠤᠭᠠᠨᠵᠢᠳ
ᠬᠢᠨᠠᠭᠴᠢ᠄ ᠮᠡᠷᠭᠡᠨᠪᠢᠯᠢᠭ