ᠬᠦᠩ ᠦ᠋ᠨ ᠵᠣᠣ ᠶ᠋ᠢᠨ ᠭᠡᠭᠡᠨ ᠦ᠌ ᠰᠤᠷᠭᠠᠯХүнгийн жуугийн гэгээний сургаал
2ᠬᠦᠩ ᠦ᠋ᠨ ᠵᠣᠣ ᠶ᠋ᠢᠨ ᠭᠡᠭᠡᠨ ᠦ᠌ ᠰᠤᠷᠭᠠᠯ
ᠡᠷᠳᠡᠨᠢᠰ ᠬᠠᠰ ᠨᠣᠮᠢᠨ ᠦᠵᠡᠰᠬᠦᠯᠡᠩ ᠪᠣᠯᠪᠠᠴᠤ
ᠡᠳ᠋ ᠡᠰᠡ ᠵᠠᠰᠠᠪᠠᠰᠤ ᠬᠡᠷᠡᠭ ᠦᠭᠡᠢ ᠴᠢᠯᠠᠭᠤᠨ᠂
ᠡᠷᠬᠢᠮ ᠰᠠᠢᠬᠠᠨ ᠬᠥᠮᠦᠨ ᠪᠡᠶᠡ ᠯᠠᠭᠱᠠᠨ ᠲᠡᠭᠦᠰ ᠪᠣᠯᠪᠠᠴᠤ
ᠡᠷᠳᠡᠮ ᠡᠰᠡ ᠰᠤᠷᠭᠠᠪᠠᠰᠤ ᠴᠢᠨᠠᠷ ᠦᠭᠡᠢ ᠮᠠᠬᠠᠪᠣᠳ᠃
ᠪᠢᠷ ᠪᠡᠬᠡ ᠡᠷᠢᠶᠡᠯᠡᠨ ᠤᠳᠬᠠ ᠤᠶᠠᠩᠭᠠᠳ᠋ᠤᠷ ᠰᠢᠮᠳᠠᠪᠠᠯ
ᠪᠢᠯᠢᠭ ᠡᠷᠳᠡᠮ ᠲᠡᠭᠦᠰᠬᠡᠬᠦ ᠶᠣᠰᠣ ᠨᠣᠮᠯᠠᠯ ᠢᠯᠡᠷᠬᠡᠢ᠂
ᠪᠡᠶᠡ ᠭᠡᠷᠦ᠋ᠨ ᠶᠠᠪᠤᠳᠠᠯ ᠪᠠ ᠤᠯᠤᠰ ᠲᠥᠷᠥᠶ᠋ᠢᠨ ᠬᠡᠷᠡᠭ ᠲᠤᠷ
ᠪᠢᠴᠢᠭ ᠨᠣᠮᠤ᠋ᠨ ᠠᠴᠢ ᠲᠤᠰᠠ ᠲᠦᠮᠡᠨ ᠦᠶᠡ ᠲᠣᠳᠣᠷᠬᠠᠢ᠃
ᠪᠢᠴᠢᠭᠡᠴᠢ ᠪᠠ ᠲᠠᠷᠢᠶᠠᠴᠢ ᠬᠤᠳᠠᠯᠳᠤᠭᠴᠢ ᠤᠷᠠᠴᠤᠳ
ᠪᠢᠰᠢ ᠪᠠᠰᠠ ᠵᠠᠭᠤᠨ ᠵᠦᠢᠯᠦ᠋ᠨ ᠦᠢᠯᠡᠳᠬᠦ ᠶᠠᠪᠤᠳᠠᠯ᠂
ᠪᠢᠯᠢᠭ ᠡᠷᠳᠡᠮ ᠠᠷᠭᠠ ᠴᠢᠳᠠᠯ ᠲᠥᠯᠥᠪ ᠥᠪᠡᠷᠡ ᠪᠣᠯᠪᠠᠴᠤ
ᠪᠡᠶᠡ ᠭᠡᠷᠢ᠋ ᠬᠥᠭᠵᠢᠭᠦᠯᠬᠦ ᠬᠡᠷᠡᠭ ᠪᠦᠷᠢᠨ ᠠᠳᠠᠯᠢ᠃
ᠪᠠᠭᠠ ᠴᠠᠭᠤ᠋ᠨ ᠪᠠᠯᠠᠢᠷᠠᠯᠢ᠋ ᠪᠠᠭᠰᠢ ᠶᠡᠬᠡᠰ ᠭᠠᠷᠭᠠᠮᠤᠢ
ᠪᠠᠳᠠᠷᠠᠩᠭᠤᠢ ᠠᠯᠳᠠᠷ ᠨᠡᠷᠡᠶ᠋ᠢ ᠪᠤᠰᠤᠳᠠᠴᠠ ᠥᠭᠭᠦᠮᠦᠢ᠂
ᠪᠠᠭᠤᠷᠠᠬᠤᠶ᠋ᠢᠨ ᠳᠣᠷᠣᠢᠲᠠᠯᠢ᠋ ᠥᠪᠡᠷᠢ᠋ᠶ᠋ᠡᠨ ᠣᠯᠤᠮᠤᠢ
ᠪᠠᠢᠵᠢ ᠪᠠᠢᠵᠢ ᠪᠠᠭᠠ ᠭᠡᠪᠡᠯ ᠬᠣᠵᠢᠮᠳᠠᠬᠤ ᠪᠣᠯᠤᠮᠤᠢ᠃
ᠪᠠᠭᠰᠢ ᠯᠤᠭᠠ ᠰᠢᠳᠠᠷᠯᠠᠵᠤ ᠨᠥᠬᠥᠷᠯᠦ᠍ᠭᠡ ᠨᠠᠢᠷᠠᠮᠳᠠᠨ
ᠪᠠᠯᠠᠢ ᠭᠡᠮᠡᠨ ᠠᠰᠠᠭᠤᠵᠤ ᠰᠡᠴᠡᠨ ᠭᠡᠮᠡᠨ ᠰᠣᠷᠣᠯᠲᠠᠢ᠂
ᠪᠠᠭᠤᠷᠠᠢᠶ᠋ᠢ ᠲᠤᠰᠠᠯᠠᠵᠤ ᠬᠦᠴᠦᠷᠬᠡᠭᠢ᠋ ᠠᠷᠭᠠᠳᠠᠨ
ᠪᠠᠶᠠᠯᠢᠭ ᠴᠣ ᠶᠣᠰᠣᠯᠠᠯᠲᠠᠢ ᠦᠭᠡᠢᠭᠦᠦ ᠴᠦ᠍ ᠴᠡᠩᠭᠡᠯᠲᠡᠢ᠃
ᠪᠢ ᠭᠡᠮᠡᠨ ᠭᠠᠢᠬᠠᠭᠤᠯᠬᠤ ᠪᠠᠷᠳᠠᠮ ᠵᠠᠩᠢ᠋ ᠭᠡᠭᠡᠯᠲᠡᠢ
ᠪᠢᠰᠢᠷᠡᠯᠲᠡᠢ ᠵᠥᠪᠰᠢᠶᠡᠮᠡᠷ ᠪᠣᠯᠭᠣᠮᠵᠢᠲᠠᠢ ᠪᠣᠯᠤᠭᠲᠤᠨ᠂
ᠪᠢᠯᠢᠭ ᠡᠷᠳᠡᠮ ᠪᠠᠶᠠᠨ ᠨᠣᠶᠠᠨ ᠬᠡᠳᠦᠢ ᠡᠷᠬᠢᠮ ᠪᠣᠯᠪᠠᠴᠤ
ᠪᠡᠶᠡ ᠳᠣᠣᠷᠠ ᠰᠡᠳᠬᠢᠯ ᠬᠥᠩᠭᠡᠨ ᠶᠠᠪᠤᠪᠠᠰᠤ ᠵᠣᠬᠢᠮᠤᠢ᠃
ᠴᠢᠬᠢᠨᠳ᠋ᠡᠭᠡᠨ ᠰᠢᠩᠭᠡᠭᠦᠯᠵᠦ ᠨᠢᠳᠦᠨᠳ᠋ᠡᠭᠡᠨ ᠰᠢᠷᠲᠡᠭᠡᠳ
ᠴᠡᠭᠡᠵᠢᠨᠳ᠋ᠦ᠍ᠷ ᠠᠭᠤᠯᠵᠤ ᠰᠡᠳᠬᠢᠯᠳ᠋ᠡᠭᠡᠨ ᠲᠡᠮᠳᠡᠭᠯᠡ᠂
ᠴᠢᠩᠭᠠ ᠵᠣᠷᠢᠭ ᠡᠭᠦᠰᠬᠡᠵᠦ ᠪᠢᠰᠢᠯᠭᠠᠬᠤ ᠪᠣᠯᠪᠠᠰᠤ
ᠴᠢᠩ ᠦᠨᠡᠨ ᠰᠤᠷᠤᠯᠭᠠᠶ᠋ᠢ ᠲᠡᠭᠦᠰᠬᠡᠬᠦ ᠪᠣᠯᠤᠮᠤᠢ᠃
ᠬᠡᠳᠦᠢ ᠶᠡᠬᠡ ᠪᠢᠴᠢᠭ ᠰᠤᠳᠤᠷᠢ᠋ ᠲᠡᠭᠦᠰᠦᠭᠰᠡᠨ ᠪᠣᠯᠪᠠᠴᠤ
ᠬᠡᠷᠡᠭᠯᠡᠵᠦ ᠴᠢᠳᠠᠬᠤᠶ᠋ᠢ ᠡᠷᠳᠡᠮ ᠭᠡᠮᠡᠨ ᠮᠡᠳᠡᠯᠲᠡᠢ᠂
ᠭᠡᠷᠦ᠋ᠨ ᠶᠣᠰᠣ ᠲᠥᠷᠥᠶ᠋ᠢᠨ ᠵᠠᠷᠴᠢᠮᠢ᠋ ᠨᠡᠪᠲᠡᠷᠡᠭᠰᠡᠨ ᠪᠣᠯᠪᠠᠴᠤ
ᠬᠢᠴᠢᠶᠡᠩᠭᠦᠢ ᠰᠢᠳᠤᠷᠭᠤᠶ᠋ᠢ ᠭᠣᠣᠯᠴᠢ ᠪᠣᠯᠭᠠᠨ ᠶᠠᠪᠤᠯᠲᠠᠢ᠃
ᠬᠥᠭᠡᠷᠦᠬᠦᠢᠯᠡᠨ ᠴᠢᠳᠠᠪᠠᠰᠤ ᠥᠷᠥᠰᠢᠶᠡᠯ ᠪᠢᠰᠢ ᠤᠤ
ᠬᠦᠨᠳᠦᠯᠡᠵᠦ ᠴᠢᠳᠠᠪᠠᠰᠤ ᠵᠢᠷᠤᠮ ᠪᠤᠰᠤ ᠶᠠᠭᠤᠨ ᠪᠣᠢ᠂
ᠬᠥᠩᠭᠡᠮᠰᠦᠭᠯᠡᠨ ᠴᠢᠳᠠᠪᠠᠰᠤ ᠶᠣᠰᠣᠯᠠᠯᠲᠠᠢ ᠪᠤᠰᠤ ᠤᠤ
ᠬᠦᠯᠢᠴᠡᠵᠦ ᠴᠢᠳᠠᠪᠠᠰᠤ ᠮᠡᠷᠭᠡᠨ ᠪᠤᠰᠤ ᠶᠠᠭᠤᠨ ᠪᠣᠢ᠃
ᠤᠬᠠᠭᠠᠨᠤ᠋ ᠮᠡᠷᠭᠡᠨ ᠣᠨᠣᠯ ᠬᠡᠳᠦᠢ ᠬᠤᠷᠴᠠ ᠪᠣᠯᠪᠠᠴᠤ
ᠤᠰᠬᠠᠯᠢ᠋ᠶ᠋ᠠᠷ ᠨᠥᠬᠥᠷ ᠨᠠᠢᠵᠠ ᠲᠠᠲᠠᠪᠠᠰᠤ ᠵᠣᠬᠢᠮᠤᠢ᠂
ᠣᠯᠠᠨ ᠨᠡᠢᠲᠡᠶ᠋ᠢᠨ ᠲᠤᠰᠠᠯᠠᠨᠢ᠋ ᠡᠷᠢᠬᠦ ᠪᠣᠯᠪᠠᠰᠤ
ᠣᠨᠴᠠ ᠪᠡᠶᠡᠶ᠋ᠢᠨ ᠬᠡᠷᠡᠭ ᠦᠢᠯᠡᠰ ᠠᠶᠠᠨᠳᠠᠭᠠᠨ ᠪᠦᠲᠦᠮᠦᠢ᠃
ᠵᠢᠷᠭᠠᠯᠠᠩᠤ᠋ᠨ ᠨᠥᠬᠥᠴᠡᠯᠢ᠋ ᠪᠦᠷᠢᠳᠬᠡᠬᠦ ᠶᠣᠰᠤᠨᠠ
ᠵᠢᠷᠤᠮ ᠪᠤᠰᠤ ᠠᠰᠢᠭ ᠡᠳ᠋ᠢ᠋ ᠲᠡᠪᠴᠢᠪᠡᠰᠦ ᠵᠣᠬᠢᠮᠤᠢ᠂
ᠵᠢᠯ ᠴᠠᠭᠤ᠋ᠨ ᠡᠯᠪᠡᠭ ᠬᠣᠪᠣᠷ ᠬᠢᠴᠢᠶᠡᠯᠢ᠋ ᠬᠦᠨᠳᠦᠳᠬᠡᠨ
ᠵᠠᠶᠠᠭᠠᠪᠠᠨ ᠡᠳ᠋ᠯᠡᠪᠡᠰᠦ ᠦᠨᠡᠨ ᠪᠠᠲᠤ ᠬᠥᠷᠥᠩᠭᠡ᠃
ᠵᠢᠳᠬᠦᠮᠵᠢᠲᠡᠢ ᠶᠠᠪᠤᠭᠴᠢᠳᠢ᠋ ᠥᠷᠨᠢᠭᠦᠯᠦᠨ ᠱᠠᠩᠨᠠᠵᠤ
ᠵᠢᠭᠰᠢᠭᠦᠷᠢᠲᠡᠢ ᠶᠠᠪᠤᠭᠴᠢᠳᠢ᠋ ᠵᠠᠯᠬᠠᠭᠠᠬᠤ ᠪᠣᠯᠪᠠ ᠤᠤ᠂
ᠵᠢᠷᠤᠮᠲᠠᠨᠢ᠋ ᠰᠠᠢᠰᠢᠶᠠᠵᠤ ᠡᠷᠳᠡᠮᠲᠡᠨᠢ᠋ ᠡᠷᠭᠦᠪᠡᠯ
ᠵᠢᠪᠬᠤᠯᠠᠩᠲᠤ ᠡᠷᠬᠡ ᠬᠦᠴᠦᠨ ᠴᠤᠭᠯᠠᠷᠠᠵᠤ ᠮᠠᠨᠳᠤᠮᠤᠢ᠃
ᠴᠢᠩᠭᠢᠰ ᠪᠣᠭᠳᠠᠶ᠋ᠢᠨ ᠦᠷᠡᠰ ᠭᠡᠮᠡᠨ ᠡᠷᠬᠡ ᠬᠦᠴᠦᠨ ᠮᠠᠨᠳᠤᠵᠤ
ᠴᠢᠳᠠᠯ ᠡᠷᠬᠡ ᠪᠤᠶᠠᠨ ᠴᠡᠩᠭᠡᠯ ᠡᠳᠦᠭᠡᠳ᠋ᠦ᠍ᠷ ᠬᠦᠷᠴᠦᠬᠦᠢ᠂
ᠴᠢᠩ ᠪᠠᠲᠤ ᠦᠨᠳᠦᠰᠦᠨᠦ᠌ ᠰᠠᠯᠠᠭᠠ ᠪᠠ ᠰᠠᠯᠪᠤᠷᠢ
ᠴᠢᠨᠠᠷ ᠬᠦᠨᠳᠦ ᠤᠭᠰᠠᠭᠠᠪᠠᠨ ᠬᠦᠨᠳᠦᠳᠬᠡᠵᠦ ᠬᠠᠢᠷᠠᠯᠠ᠃
ᠢᠰᠢᠳᠠᠨᠽᠠᠨᠸᠠᠩᠵᠠᠯᠤ᠋ᠨ ᠰᠤᠷᠭᠠᠯᠢ᠋— ᠪ· ᠬᠡᠰᠢᠭᠳᠠᠯᠠᠢ ᠠᠬᠠᠶ᠋ᠢᠨ
ᠬᠠᠭᠤᠴᠢᠨ ᠦᠰᠦᠨ ᠪᠢᠷᠦ᠋ᠨ ᠪᠢᠴᠢᠯᠭᠡᠡᠴᠡ ᠠᠶᠣᠷᠽᠠᠨᠠ ᠬᠠᠭᠤᠯᠤᠨ ᠪᠢᠴᠢᠪᠡᠢ
2026.4.26ᠳ᠋ᠤ᠌
ᠵᠥᠪ ᠪᠢᠴᠢᠯᠭᠡ ᠴᠤᠭᠯᠠᠷᠠᠯᠳ᠋ᠤ᠌
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ