ᠭᠠᠭᠴᠠᠬᠠᠨ ᠡᠵᠢ ᠳᠦ ᠪᠡᠨ ᠤᠩᠰᠢᠬᠤ ᠰᠢᠯᠦᠭ - ᠵᠣᠬᠢᠶᠠᠭᠴᠢ᠄ ᠴᠤᠤᠳᠠᠯ ᠤᠨ ᠬᠤᠯᠠᠨ᠂ᠤᠶᠠᠩᠭᠠᠯᠠᠭᠴᠢ᠄ ᠬᠤᠷᠠ· ᠲᠤᠤᠯᠢᠶᠠ Ганцхан ээждээ унших шүлэг - зохиогч᠄ Цоодлын Хулан᠂уянгалагч᠄ Хур· Дуулья
260ᠭᠠᠭᠴᠠᠬᠠᠨ ᠡᠵᠢ ᠳᠦ ᠪᠡᠨ ᠤᠩᠰᠢᠬᠤ ᠰᠢᠯᠦᠭ
ᠤᠶᠠᠩᠭᠠᠯᠠᠭᠴᠢ᠄ ᠬᠤᠷᠠ·ᠲᠤᠤᠯᠢᠶᠠ
ᠨᠠᠮᠤᠷ ᠤ᠋ᠨ ᠠᠭᠤᠯᠠᠨᠠ ᠪᠤᠭᠤ ᠶ᠋ᠢᠨ ᠤᠷᠤᠮᠳᠠᠬᠤ ᠶ᠋ᠢ ᠰᠣᠨᠣᠰᠤᠭᠠᠷᠠᠢ
ᠨᠠᠮᠠᠶ᠋ᠢ ᠤᠬᠠᠭᠠᠵᠢᠬᠤ ᠶ᠋ᠢ ᠦᠵᠡᠬᠦ ᠭᠡᠵᠦ ᠡᠵᠢ ᠮᠢᠨᠢ ᠲᠠ ᠤᠷᠲᠤ ᠨᠠᠰᠤᠯᠠᠭᠠᠷᠠᠢ
ᠮᠠᠨᠴᠤᠢ ᠳ᠋ᠠᠭᠠᠨ ᠢᠷᠡᠵᠦ ᠲᠠᠨ ᠢ᠋ ᠪᠡᠨ ᠪᠢ
ᠭᠠᠭᠴᠠᠬᠠᠨ ᠤᠳᠠᠭᠠ ᠵᠢᠷᠭᠠᠭᠠᠭᠰᠠᠨ
ᠮᠠᠭᠠᠳ ᠦᠭᠡᠢ ᠲᠡᠭᠦᠨ ᠡᠴᠡ ᠬᠣᠢᠰᠢ ᠲᠠᠩᠳᠠ ᠪᠠᠨ ᠵᠣᠪᠠᠭᠠᠭᠰᠠᠨ
ᠭᠠᠭᠴᠠᠬᠠᠨ ᠨᠠᠮᠠᠶ᠋ᠢ ᠭᠡᠵᠦ ᠡᠵᠢ ᠲᠠ
ᠭᠠᠵᠠᠷ ᠳᠡᠭᠡᠷᠡ ᠬᠡᠴᠢᠨᠡᠨ ᠤᠪᠠᠳᠢᠰ ᠲᠠᠢ ᠲᠥᠷᠥᠭᠰᠡᠨ ᠶᠦ᠍ᠮ ᠪᠣᠢ ?
ᠪᠠᠷᠢᠭᠤᠪᠴᠢ ᠶ᠋ᠢ ᠮᠢᠨᠢ ᠡᠰᠬᠡᠵᠦ᠂ ᠬᠤᠷᠢᠮ ᠤ᠋ᠨ ᠡᠮᠦᠰᠬᠡᠯ ᠴᠢᠮᠡᠭᠯᠡᠵᠦ
ᠪᠠᠯᠴᠢᠷ ᠠ᠋ᠴᠠ ᠮᠢᠨᠢ ᠡᠳᠦᠢ ᠬᠦᠷᠲᠡᠯᠡ ᠲᠠ ᠣᠶᠣᠳᠠᠯᠴᠢᠨ ᠶᠠᠪᠤᠯᠠ
ᠣᠲᠠᠴᠢ ᠮᠠᠨᠠᠯ ᠤ᠋ᠨ ᠬᠤᠪᠢᠯᠭᠠᠨ ᠡᠢᠮᠦ ᠪᠠᠢᠳᠠᠭ ᠤᠤ ᠭᠡᠯᠲᠡᠢ
ᠣᠷᠣᠨ ᠳᠡᠭᠡᠷᠡ ᠡᠴᠡ ᠮᠢᠨᠢ ᠠᠯᠭᠠᠰᠠᠯ ᠦᠭᠡᠢ ᠲᠣᠩᠭᠣᠢᠵᠤ
ᠳᠡᠷᠡᠨ ᠳᠡᠭᠡᠷᠡ ᠨᠠᠮᠠᠶ᠋ᠢ ᠪᠦᠯᠢᠶᠡᠷᠡᠵᠦ ᠬᠣᠨᠣᠬᠤ ᠪᠣᠯᠭᠠᠨ ᠳ᠋ᠤ᠌
ᠳᠡᠯᠡᠬᠡᠢ ᠳ᠋ᠦ᠍ ᠬᠠᠮᠤᠭ ᠤ᠋ᠨ ᠰᠠᠢᠨ ᠡᠮᠴᠢ ᠮᠢᠨᠢ ᠲᠠ ᠯᠠ ᠪᠠᠢᠯᠠ
ᠠᠭᠠᠰᠢ ᠪᠠᠨ ᠡᠪᠳᠡᠨ ᠡᠷᠬᠡᠯᠡᠵᠦ ᠶᠠᠳᠠᠭᠰᠠᠨ ᠨᠠᠮᠠᠶ᠋ᠢ ᠠᠷᠭᠠᠳᠠᠭᠰᠠᠨ ᠳ᠋ᠠᠭᠠᠨ
ᠠᠯᠢᠶᠠᠯᠠᠭᠴᠢ ᠪᠣᠯᠵᠤ ᠡᠮᠦᠨᠡ ᠮᠢᠨᠢ ᠲᠠ ᠡᠷᠭᠢᠯᠳᠦᠭᠰᠡᠨ
《ᠠ》 ᠦᠰᠦᠭ ᠢ᠋ ᠪᠢᠴᠢᠬᠦ ᠭᠡᠳ ᠪᠤᠳᠤᠯᠢᠵᠤ ᠴᠥᠬᠥᠵᠦ ᠰᠠᠭᠤᠬᠤ ᠳ᠋ᠤ᠌ ᠮᠢᠨᠢ
ᠠᠯᠳᠠᠭᠠ ᠲᠠᠢ ᠪᠠᠢᠬᠤ ᠳ᠋ᠤ᠌ ᠮᠢᠨᠢ
ᠤᠯᠠᠢᠮᠠ ᠴᠠᠢᠮᠠ《ᠣᠨᠴᠠ》 ᠲᠠᠯᠪᠢᠳᠠᠭ ᠪᠠᠭᠰᠢ ᠶᠠᠪᠤᠯᠠ
ᠴᠠᠭ ᠣᠷᠣᠢᠲᠠᠭᠰᠠᠨ ᠪᠣᠯᠵᠣᠭᠠᠨ ᠠ᠋ᠴᠠ ᠡᠷᠭᠢᠵᠦ ᠢᠷᠡᠬᠦ ᠳ᠋ᠦ᠍
ᠴᠠᠭᠳᠠᠭᠠ᠂ ᠡᠰᠡᠬᠦᠯᠡ ᠡᠭᠦᠳᠡᠨ ᠦ᠌ ᠮᠠᠨᠠᠭᠠᠴᠢ
ᠰᠠᠷᠠ ᠨᠠᠷᠠᠨ ᠤ᠋ ᠡᠭᠡᠯᠵᠢ ᠦᠭᠡᠢ ᠭᠠᠯ ᠰᠠᠬᠢᠭᠰᠠᠨ ᠲᠣᠭᠣᠭᠠᠴᠢ
ᠰᠠᠩ ᠤ᠋ᠨ ᠪᠣᠢᠪᠣᠷ ᠲᠤ ᠠᠷᠴᠠ ᠤᠭᠤᠭᠢᠭᠤᠯᠵᠤ ᠮᠠᠨᠢ ᠤᠩᠰᠢᠭᠰᠠᠨ ᠯᠠᠮᠠ ᠠ᠋ ᠁
ᠰᠢᠬᠦᠷ ᠲᠡᠭᠷᠢ ᠶ᠋ᠢᠨ ᠳᠣᠣᠷᠠ ᠠᠯᠳᠠᠵᠤ ᠡᠨᠳᠡᠬᠦ ᠲᠣᠭᠠᠯᠠᠩ ᠳ᠋ᠤ᠌ ᠮᠢᠨᠢ
ᠰᠢᠭᠦᠬᠦ ᠶ᠋ᠢᠨ ᠲᠣᠭᠲᠠᠭᠠᠯ ᠤᠩᠰᠢᠳᠠᠭ ᠶᠠᠯᠠᠯᠠᠭᠴᠢ ᠨᠢ ᠲᠠ ᠮᠥᠷᠲᠡᠯᠡ
ᠳᠠᠭᠠᠭᠠᠮᠠᠭᠠᠢ ᠶᠡᠬᠡ ᠬᠠᠢᠷᠠ ᠲᠠᠨᠢ ᠠᠨᠠᠢ ᠯᠠ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ
ᠳᠠᠪᠠᠵᠤ ᠵᠠᠭᠠᠯᠳᠤᠭᠰᠠᠨ ᠥᠮᠥᠭᠯᠡᠭᠴᠢ ᠪᠣᠯᠵᠤ ᠵᠣᠪᠠᠯᠠᠩ ᠠ᠋ᠴᠠ ᠨᠠᠮᠠᠶ᠋ᠢ ᠰᠤᠯᠠᠯᠠᠨᠠ
ᠵᠢᠭᠵᠢᠳ ᠪᠤᠷᠬᠠᠨ ᠢ᠋ ᠣᠯᠠᠨ ᠮᠣᠳᠣᠷ ᠲᠠᠢ ᠭᠡᠯᠴᠡᠨᠡ
ᠵᠢᠵᠢᠭᠬᠡᠨ ᠡᠨᠡ ᠪᠡᠶᠡ ᠴᠢᠨᠢ ᠲᠡᠭᠦᠨ ᠡᠴᠡ ᠴᠦ᠍ ᠣᠯᠠᠨ ᠭᠠᠷ ᠲᠠᠢ
ᠡᠯᠪᠡᠭ ᠶᠡᠬᠡ ᠬᠠᠢᠷᠠ᠂ ᠡᠵᠢ ᠭᠡᠳᠡᠭ ᠨᠡᠷᠡ ᠲᠠᠨᠢ
ᠡᠨᠡ ᠣᠷᠴᠢᠯᠠᠩ ᠠ᠋ᠴᠠ ᠣᠯᠤᠭᠰᠠᠨ ᠬᠠᠮᠤᠭ ᠤ᠋ᠨ ᠲᠣᠮᠣ ᠠᠯᠳᠠᠷ ᠠ᠋ !
ᠵᠡᠭᠦᠦ ᠶ᠋ᠢᠨ ᠰᠦᠪᠡᠭᠴᠢ ᠪᠡᠷ ᠪᠠᠭᠲᠠᠬᠤ ᠣᠨ ᠵᠢᠯ ᠦ᠋ᠳ ᠦ᠋ᠨ ᠤᠷᠤᠰᠬᠠᠯ ᠳ᠋ᠤ᠌
ᠵᠦᠭᠡᠷ ᠯᠡ ᠳᠡᠷᠭᠡᠳᠡ ᠮᠢᠨᠢ ᠪᠠᠢᠵᠤ ᠬᠠᠢᠷᠠᠯᠠ
ᠡᠵᠢ ᠠ᠋! ᠭᠡᠵᠦ ᠳᠠᠭᠤᠳᠠᠬᠤ ᠪᠣᠯᠭᠠᠨ ᠳ᠋ᠠᠭᠠᠨ ᠪᠠᠶᠠᠷᠯᠠᠳᠠᠭ
ᠢᠵᠢᠯᠢ ᠬᠡᠳᠦᠨ ᠬᠡᠦᠬᠡᠳ ᠲᠡᠭᠡᠨ ᠤᠷᠲᠤ ᠨᠠᠰᠤᠯᠠᠵᠤ ᠬᠠᠢᠷᠠᠯᠠ ᠠ᠋!
ᠦᠰᠦᠭ ᠬᠠᠲᠠᠭᠴᠢ᠄ ᠮᠣᠩᠭᠣᠯ ᠰᠣᠶᠣᠯ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠮᠣᠩᠭᠣᠯ ᠰᠣᠶᠣᠯ
ᠬᠢᠨᠠᠭᠴᠢ᠄ ᠨᠠᠷᠠᠨ ᠵᠦᠭ᠂ ᠪᠤᠤ᠂ ᠰᠠᠷᠠᠨᠠ