ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠵᠢᠩᠬᠢᠨᠢ ᠳᠣᠪᠴᠢ– ᠬᠦᠰᠡᠬᠦᠢ᠂ᠬᠥᠬᠡᠯᠤᠤ ᠨᠠᠷ (ᠬᠣᠶᠠᠳᠤᠭᠠᠷ ᠪᠣᠲᠢ) ᠡᠯᠡ ᠲᠥᠷᠥᠯ ᠦ᠋ᠨ ᠳᠠᠩ ᠰᠢᠷᠭᠢᠭᠡᠮᠡᠯ –1 Идээ ундааны жинхэнэ товч– Хүсэхүй ᠂Хөхлуу нар – <2-р боть> Эл төрлийн тан ширгээмэл -1
43ᠬᠣᠶᠠᠳᠤᠭᠠᠷ ᠪᠣᠲᠢ
ᠡᠯᠡ ᠲᠥᠷᠥᠯ ᠦ᠋ᠨ ᠳᠠᠩ ᠰᠢᠷᠭᠢᠭᠡᠮᠡᠯ -1
ᠡᠨᠡ ᠢᠨᠦ ᠰᠢᠮᠡ ᠶ᠋ᠢ ᠳᠦᠷᠦᠭᠦᠯᠦᠨ ᠤᠮᠳᠠᠭᠠᠰᠬᠤ ᠶ᠋ᠢ ᠵᠣᠭᠰᠣᠭᠠᠵᠤ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠨ ᠰᠠᠪᠠ ᠶ᠋ᠢ ᠲᠡᠭᠰᠢᠷᠡᠭᠦᠯᠵᠦ
ᠪᠠᠳᠭ᠋ᠠᠨ ᠢ᠋ ᠠᠷᠢᠯᠭᠠᠮᠤᠢ᠃
ᠨᠣᠢᠲᠠᠨ ᠭᠠ ᠭᠤᠷᠪᠠᠨ ᠵᠢᠩ ᠡᠴᠡ ᠰᠢᠭᠦᠰᠦ ᠶ᠋ᠢ ᠠᠪᠴᠤ ᠪᠤᠴᠠᠯᠤᠭᠰᠠᠨ ᠤᠰᠤ ᠬᠣᠶᠠᠷ ᠳ᠋ᠧᠦ᠂ ᠪᠣᠷᠣ ᠮᠠᠭ ᠬᠢᠭᠡᠳ ᠰᠢᠩᠼᠠ ᠲᠣᠰᠪᠣᠷᠢ ᠭᠤᠷᠪᠠᠨ ᠯᠠᠩ ᠢ᠋ ᠬᠠᠯᠢᠰᠤ ᠶ᠋ᠢ ᠠᠪᠴᠤ ᠬᠠᠶᠠᠭᠠᠳ ᠲᠠᠯᠬᠠᠳᠠᠵᠤ ᠫᠠᠪ ᠤ᠋ᠨ ᠲᠠᠯᠬᠠ ᠬᠠᠭᠠᠰ ᠵᠢᠩ᠂ ᠭᠦᠢᠯᠡᠰᠦᠨ ᠴᠥᠮᠡ ᠨᠢᠭᠡᠨ ᠵᠠᠭᠤ ᠶ᠋ᠢ ᠪᠤᠴᠠᠯᠤᠭᠰᠠᠨ ᠤᠰᠤᠨ ᠳ᠋ᠤᠷ ᠬᠠᠯᠠᠭᠠᠨ ᠤᠬᠢᠶᠠᠵᠤ ᠬᠠᠯᠢᠰᠤ ᠪᠠ ᠦᠵᠦᠭᠦᠷ ᠢ᠋ ᠢᠨᠦ ᠠᠪᠴᠤ ᠬᠠᠶᠠᠭᠠᠳ ᠲᠦᠭᠦᠬᠡᠢ ᠪᠡᠷ ᠨᠢ ᠨᠢᠴᠠᠷᠠᠲᠠᠯᠠ ᠳᠠᠷᠤᠵᠤ ᠨᠦᠳᠦᠭᠡᠳ ᠬᠠᠨᠳᠠ ᠪᠣᠯᠭᠠᠨ᠂ ᠨᠣᠬᠠᠢ ᠶ᠋ᠢᠨ ᠬᠣᠰᠢᠭᠤ ᠶ᠋ᠢᠨ ᠲᠦᠷᠦᠭᠦᠦ ᠬᠠᠭᠠᠰ ᠵᠢᠩ ᠢ᠋ ᠲᠠᠭᠯᠠᠭᠳᠠᠵᠤ᠂ ᠴᠠᠭᠠᠨ ᠪᠠᠯ ᠭᠤᠷᠪᠠᠨ ᠵᠢᠩ ᠢ᠋ ᠴᠡᠪᠡᠷ ᠪᠣᠯᠲᠠᠯᠠ ᠪᠤᠯᠭᠤᠮᠤᠢ᠃
ᠳᠡᠭᠡᠷᠡᠬᠢ ᠡᠮ ᠦ᠋ᠳ ᠢ᠋ ᠪᠠᠯ ᠤ᠋ᠨ ᠤᠰᠤ ᠪᠠᠷ ᠵᠢᠭᠤᠷᠠᠵᠤ ᠬᠤᠳᠬᠤᠭᠠᠳ ᠴᠡᠪᠡᠷᠬᠡᠨ ᠱᠠᠭᠠᠵᠠᠩ ᠰᠠᠪᠠᠨ ᠳ᠋ᠤᠷ ᠠᠬᠤᠭᠤᠯᠵᠤ᠂ ᠰᠠᠪᠠᠨ ᠤ᠋ ᠠᠮᠠᠰᠠᠷ ᠢ᠋ ᠣᠯᠠᠨ ᠳᠠᠪᠬᠤᠷ ᠲᠣᠰᠣᠯᠢᠭ ᠴᠠᠭᠠᠰᠤ ᠪᠠᠷ ᠪᠢᠲᠡᠭᠦᠮᠵᠢᠯᠡᠭᠡᠳ ᠰᠢᠪᠠᠷ ᠢ᠋ᠶ᠋ᠠᠷ ᠨᠢᠭᠲᠠ ᠰᠢᠪᠡᠵᠦ᠂ ᠮᠥᠰᠥᠨ ᠵᠣᠭᠣᠷᠢ ᠳᠣᠲᠣᠷᠠ ᠭᠤᠷᠪᠠᠨ ᠬᠣᠨᠣᠭ ᠲᠠᠯᠪᠢᠭᠠᠳ ᠰᠠᠶᠢ ᠤᠰᠤᠨ ᠳ᠋ᠤᠷ ᠪᠤᠴᠠᠯᠭᠠᠭᠰᠠᠨ ᠮᠢᠨᠳᠠᠰᠤ ᠪᠠᠷ ᠲᠤᠩᠭᠠᠵᠤ ᠮᠦᠰᠦᠨᠡ ᠲᠠᠯᠪᠢᠵᠤ ᠬᠠᠳᠠᠭᠠᠯᠠᠨ ᠵᠤᠨ ᠤ᠋ ᠬᠠᠯᠠᠭᠤᠨ ᠳ᠋ᠤ᠌ ᠠᠪᠴᠤ ᠤᠤᠭᠤᠮᠤᠢ᠃
ᠰᠢᠩᠼᠠ ᠠᠭᠠᠷᠤ ᠶ᠋ᠢᠨ ᠡᠭᠡᠳᠡᠩ
ᠡᠨᠡ ᠢᠨᠦ ᠪᠠᠳᠭ᠋ᠠᠨ ᠢ᠋ ᠠᠷᠢᠯᠭᠠᠨ ᠬᠡᠢ ᠶ᠋ᠢ ᠶᠠᠪᠤᠭᠤᠯᠵᠤ᠂ ᠰᠢᠮᠡ ᠶ᠋ᠢ ᠤᠨᠳᠠᠷᠠᠭᠤᠯᠤᠨ ᠤᠮᠳᠠᠭᠠᠰᠬᠤ ᠶ᠋ᠢ ᠵᠣᠭᠰᠣᠭᠠᠮᠤᠢ᠃
ᠪᠣᠷᠣ ᠮᠠᠭᠠᠯᠢᠩᠭᠤ ᠶ᠋ᠢᠨ ᠨᠠᠪᠴᠢ ᠨᠢᠭᠡᠨ ᠯᠠᠩ ᠪᠠ ᠠᠭᠠᠷᠤ ᠭᠤᠷᠪᠠᠨ ᠴᠢᠨ ᠢ᠋ ᠲᠣᠰᠪᠣᠷᠢ ᠦᠷᠦᠪᠲᠦᠯᠳᠡᠵᠦ᠂ ᠬᠠᠷᠠ ᠭᠦᠢᠯᠡᠰᠦ ᠨᠢᠭᠡᠨ ᠯᠠᠩ ᠢ᠋ ᠮᠢᠬᠠ ᠶ᠋ᠢ ᠠᠪᠴᠤ ᠬᠡᠷᠡᠭᠯᠡᠨ᠂ ᠵᠧᠮᠠᠭᠠᠷᠠ ᠵᠢᠷᠭᠤᠭᠠᠨ ᠯᠠᠩ᠃
ᠳᠡᠭᠡᠷᠡᠬᠢ ᠳᠥᠷᠪᠡᠨ ᠵᠦᠢᠯ ᠢ᠋ ᠲᠠᠪᠤ ᠵᠢᠷᠭᠤᠭᠠᠨ ᠠᠶᠠᠭᠠ ᠤᠰᠤ ᠪᠠᠷ ᠴᠢᠨᠠᠵᠤ ᠭᠤᠷᠪᠠᠨ ᠠᠶᠠᠭᠠ ᠦᠯᠡᠳᠡᠬᠦ ᠶ᠋ᠢᠨ ᠬᠢᠷᠢ ᠳ᠋ᠦ᠍ ᠰᠢᠭᠠᠷᠤ ᠶ᠋ᠢ ᠱᠦᠭᠦᠵᠦ ᠬᠠᠶᠠᠭᠠᠳ ᠰᠢᠩᠼᠠ ᠶ᠋ᠢᠨ ᠡᠭᠡᠳᠡᠩ ᠨᠢᠭᠡᠨ ᠱᠧᠩ ᠢ᠋ ᠬᠢᠵᠦ ᠨᠡᠢᠯᠡᠭᠦᠯᠦᠭᠡᠳ ᠡᠭᠡᠳᠡᠩ ᠪᠣᠯᠭᠠᠨ ᠤᠤᠭᠤᠮᠤᠢ᠃
ᠪᠡᠷᠵᠢᠭᠡᠷ ᠯᠤᠤ ᠶ᠋ᠢᠨ ᠨᠢᠳᠦ ᠶ᠋ᠢᠨ ᠬᠠᠨᠳᠠ
ᠰᠢᠮᠡ ᠶ᠋ᠢ ᠳᠦᠷᠦᠭᠦᠯᠦᠨ ᠤᠮᠳᠠᠭᠠᠰᠬᠤ ᠶ᠋ᠢ ᠵᠣᠭᠰᠣᠭᠠᠵᠤ ᠲᠠᠴᠢᠶᠠᠳᠠᠯ ᠢ᠋ ᠠᠷᠢᠯᠭᠠᠮᠤᠢ᠃
ᠬᠠᠷᠠ ᠭᠦᠢᠯᠡᠰᠦ ᠬᠠᠭᠠᠰ ᠵᠢᠩ ᠢ᠋ ᠮᠢᠬᠠ ᠶ᠋ᠢ ᠨᠢ ᠠᠪᠴᠤ ᠬᠡᠷᠡᠭᠯᠡᠨ᠂ ᠰᠢᠩᠼᠠ ᠠᠷᠪᠠᠨ ᠯᠠᠩ ᠢ᠋ ᠬᠠᠯᠢᠰᠤ ᠶ᠋ᠢ ᠨᠢ ᠠᠪᠴᠤ ᠬᠠᠶᠠᠭᠠᠳ ᠦᠷᠦᠪᠲᠦᠯᠳᠡᠵᠦ᠂ ᠵᠧᠮᠠᠭᠠᠷᠠ ᠬᠣᠷᠢᠨ ᠵᠢᠷᠭᠤᠭᠠᠨ ᠯᠠᠩ᠂ ᠵᠢᠭᠠᠷ ᠬᠠᠭᠠᠰ ᠴᠢᠨ ᠢ᠋ ᠲᠠᠯᠬᠠᠳᠠᠵᠤ᠂ ᠨᠣᠢᠲᠠᠨ ᠭᠠ ᠶ᠋ᠢᠨ ᠰᠢᠭᠦᠰᠦ ᠲᠠᠪᠤᠨ ᠯᠠᠩ ᠪᠣᠯᠭᠣᠭᠰᠠᠨ ᠪᠠᠯ ᠠᠷᠪᠠᠨ ᠳᠥᠷᠪᠡᠨ ᠯᠠᠩ᠃
ᠳᠡᠭᠡᠷᠡᠬᠢ ᠬᠠᠷᠠ ᠭᠦᠢᠯᠡᠰᠦ᠂ ᠰᠢᠩᠼᠠ ᠶ᠋ᠢ ᠨᠢᠭᠡᠨ ᠳ᠋ᠧᠦ ᠲᠠᠪᠤᠨ ᠱᠧᠩ ᠤᠰᠤᠨ ᠳ᠋ᠤᠷ ᠪᠤᠴᠠᠯᠭᠠᠭᠰᠠᠭᠠᠷ ᠬᠠᠭᠠᠰ ᠦᠯᠡᠳᠡᠬᠦ ᠶ᠋ᠢᠨ ᠬᠢᠷᠢ ᠳ᠋ᠦ᠍ ᠰᠢᠭᠠᠷᠤ ᠶ᠋ᠢ ᠱᠦᠭᠦᠵᠦ ᠬᠠᠶᠠᠭᠠᠳ ᠵᠧᠮᠠᠭᠠᠷᠠ ᠪᠠ ᠨᠣᠢᠲᠠᠨ ᠭᠠ ᠶ᠋ᠢᠨ ᠰᠢᠭᠦᠰᠦ ᠪᠡᠨ ᠲᠠᠯᠪᠢᠵᠤ ᠳᠠᠪᠲᠠᠨ ᠪᠤᠴᠠᠯᠭᠠᠭᠰᠠᠨ ᠤ᠋ ᠬᠣᠢᠨᠠ ᠲᠤᠩᠭᠠᠯᠠᠭ ᠪᠣᠯᠭᠠᠨ ᠰᠢᠭᠠᠷᠤ ᠶ᠋ᠢ ᠱᠦᠭᠦᠵᠦ ᠠᠪᠤᠨ᠂ ᠤᠳᠠᠰᠬᠢᠭᠡᠳ ᠵᠢᠭᠠᠷ ᠢ᠋ᠶ᠋ᠠᠨ ᠬᠢᠵᠦ ᠵᠢᠭᠤᠷᠠᠵᠤ ᠮᠥᠨ ᠲᠤᠩᠭᠠᠯᠠᠭ ᠪᠣᠯᠭᠠᠮᠤᠢ᠃
ᠡᠭᠦᠨ ᠢ᠋ ᠳᠤᠷᠠ ᠶ᠋ᠢᠨ ᠠᠶᠠ ᠪᠠᠷ ᠤᠤᠭᠤᠵᠤ ᠪᠣᠯᠤᠨᠠ᠃
ᠬᠠᠷᠠ ᠭᠦᠢᠯᠡᠰᠦ ᠶ᠋ᠢᠨ ᠷᠢᠯᠦ
ᠰᠢᠮᠡ ᠶ᠋ᠢ ᠡᠭᠦᠰᠬᠡᠨ ᠤᠮᠳᠠᠭᠠᠰᠬᠤ ᠶ᠋ᠢ ᠵᠣᠭᠰᠣᠭᠠᠨ ᠠᠷᠢᠬᠢ ᠶ᠋ᠢᠨ ᠬᠣᠣᠷᠠ ᠶ᠋ᠢ ᠲᠠᠢᠯᠵᠤ ᠪᠠᠳᠭ᠋ᠠᠨ ᠰᠢᠷᠠ ᠤᠰᠤ ᠶ᠋ᠢ ᠠᠷᠢᠯᠭᠠᠮᠤᠢ᠃
ᠬᠠᠷᠠ ᠭᠦᠢᠯᠡᠰᠦ ᠨᠢᠭᠡ ᠯᠠᠩ ᠬᠠᠭᠠᠰ ᠬᠢᠭᠡᠳ ᠮᠥᠩᠭᠥᠨ ᠭᠦᠢᠯᠡᠰᠦ ᠨᠢᠭᠡᠨ ᠯᠠᠩ ᠬᠠᠭᠠᠰ ᠢ᠋ ᠲᠣᠰᠪᠣᠷᠢ ᠮᠢᠬᠠ ᠶ᠋ᠢ ᠨᠢ ᠠᠪᠴᠤ ᠬᠡᠷᠡᠭᠯᠡᠨ ᠬᠠᠲᠠᠭᠰᠠᠨ ᠪᠢᠯᠤᠠ (ᠭᠠᠳᠢᠷᠠ ᠶ᠋ᠢᠨ ᠵᠢᠮᠢᠰ) ᠨᠢᠭᠡᠨ ᠯᠠᠩ ᠬᠠᠭᠠᠰ᠂ ᠪᠣᠷᠣ ᠮᠠᠭᠠᠯᠢᠩᠭᠤ ᠶ᠋ᠢᠨ ᠨᠠᠪᠴᠢ ᠨᠢᠭᠡᠨ ᠯᠠᠩ ᠬᠠᠭᠠᠰ᠂ ᠰᠢᠬᠢᠷ ᠡᠪᠡᠰᠦ ᠨᠢᠭᠡᠨ ᠯᠠᠩ ᠢ᠋ ᠬᠠᠭᠤᠷᠴᠤ ᠨᠣᠮᠣᠬᠠᠳᠬᠠᠨ᠂ ᠽᠠᠨᠳᠠᠨ ᠬᠣᠶᠠᠷ ᠴᠢᠨ᠂ ᠵᠢᠭᠠᠷ ᠨᠢᠭᠡᠨ ᠴᠢᠨ ᠢ᠋ ᠨᠢᠭᠲᠠ ᠲᠠᠯᠠᠭᠳᠠᠮᠤᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠨᠢᠭᠲᠠ ᠲᠠᠯᠬᠠᠳᠠᠭᠠᠳ ᠵᠢᠭᠠᠷ ᠢ᠋ᠶ᠋ᠠᠨ ᠬᠢᠵᠦ ᠬᠤᠳᠬᠤᠵᠤ ᠵᠧᠮᠠᠭᠠᠷᠠ ᠪᠠᠷ ᠭᠤᠷᠪᠠᠨ ᠴᠢᠨ ᠦ᠌ ᠬᠢᠷᠢᠲᠡᠢ ᠷᠢᠯᠦ ᠷᠢᠯᠦᠳᠡᠮᠥᠢ᠃
ᠡᠭᠦᠨ ᠢ᠋ ᠤᠳᠠᠭᠠ ᠪᠦᠷᠢ ᠨᠢᠭᠡᠨ ᠷᠢᠯᠦ ᠶ᠋ᠢ ᠠᠮᠠᠨ ᠳ᠋ᠠᠭᠠᠨ ᠬᠠᠢᠯᠤᠭᠤᠯᠵᠤ ᠢᠳᠡᠨᠡ᠃
ᠳ᠋ᠠᠷᠪᠤ ᠶ᠋ᠢᠨ ᠳᠠᠩ
ᠡᠭᠦᠨ ᠢ᠋ ᠦᠵᠦᠮ ᠦ᠋ᠨ ᠠᠷᠢᠬᠢ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠤᠤᠭᠤᠮᠤᠢ᠃
ᠳ᠋ᠠᠷᠪᠤ ᠨᠢᠭᠡᠨ ᠵᠢᠩ ᠦ᠋ᠨ ᠮᠢᠬᠠ ᠶ᠋ᠢ ᠠᠪᠴᠤ᠂ ᠪᠣᠷᠣ ᠮᠠᠭᠠᠵᠢ ᠶ᠋ᠢᠨ ᠨᠠᠪᠴᠢ ᠵᠢᠷᠭᠤᠭᠠᠨ ᠯᠠᠩ ᠂ ᠣᠷᠬᠣᠳᠠᠢ ᠳᠥᠷᠪᠡᠨ ᠯᠠᠩ ᠢ᠋ ᠰᠠᠬᠠᠯ ᠢ᠋ ᠨᠢ ᠠᠪᠴᠤ ᠬᠠᠶᠠᠭᠠᠳ ᠦᠷᠦᠪᠲᠦᠯᠳᠡᠨ᠂ ᠵᠧᠮᠠᠭᠠᠷᠠ ᠬᠣᠶᠠᠷ ᠵᠢᠩ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠣᠶᠠᠷ ᠳ᠋ᠧᠦ ᠤᠰᠤᠨ ᠳ᠋ᠤᠷ ᠨᠢᠭᠡᠨ ᠳ᠋ᠧᠦ ᠦᠯᠡᠳᠡᠲᠡᠯᠡ ᠪᠤᠴᠠᠯᠭᠠᠭᠠᠳ ᠰᠢᠭᠠᠷᠤ ᠶ᠋ᠢ ᠱᠦᠭᠦᠵᠦ ᠬᠠᠶᠠᠨ ᠲᠤᠩᠭᠠᠯᠠᠭ ᠪᠣᠯᠭᠠᠭᠠᠳ ᠳᠤᠷᠠ ᠶ᠋ᠢᠨ ᠠᠶᠠ ᠪᠠᠷ ᠤᠤᠭᠤᠮᠤᠢ᠃
ᠣᠷᠬᠣᠳᠠᠢ ᠶ᠋ᠢᠨ ᠳᠠᠩ
ᠡᠭᠦᠨ ᠢ᠋ ᠠᠷᠢᠬᠢ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠤᠤᠭᠤᠮᠤᠢ᠃
ᠬᠡᠢ ᠶ᠋ᠢ ᠵᠠᠯᠠᠵᠤ ᠶᠠᠪᠤᠭᠤᠯᠤᠨ ᠴᠡᠭᠡᠵᠢ ᠶ᠋ᠢ ᠠᠭᠤᠵᠢᠷᠠᠭᠤᠯᠵᠤ ᠂ ᠤᠮᠳᠠᠭᠠᠰᠬᠤ ᠶ᠋ᠢ ᠵᠣᠭᠰᠣᠭᠠᠨ ᠰᠢᠮᠡ ᠶ᠋ᠢ ᠳᠦᠷᠦᠭᠦᠯᠦᠮᠦᠢ᠃
ᠰᠢᠨ ᠯᠦᠸᠧ (ᠰᠣᠯᠣᠩᠭᠣᠰ ᠪᠤᠶᠤ) ᠶ᠋ᠢᠨ ᠣᠷᠬᠣᠳᠠᠢ ᠳᠥᠷᠪᠡᠨ ᠯᠠᠩ ᠢ᠋ ᠰᠠᠬᠠᠯ ᠢ᠋ ᠠᠪᠴᠤ ᠬᠠᠶᠠᠭᠠᠳ ᠦᠷᠦᠪᠲᠦᠯᠳᠡᠵᠦ᠂ ᠵᠦᠷᠪᠠᠭ ᠨᠢᠭᠡᠨ ᠯᠠᠩ ᠤ᠋ᠨ ᠴᠠᠭᠠᠨ ᠥᠭᠡᠬᠦ ᠶ᠋ᠢ ᠨᠢ ᠠᠪᠴᠤ ᠬᠠᠶᠠᠨ᠂ ᠪᠣᠷᠣ ᠮᠠᠭᠠᠵᠢ ᠶ᠋ᠢᠨ ᠨᠠᠪᠴᠢ ᠬᠣᠶᠠᠷ ᠯᠠᠩ᠂ ᠵᠧᠮᠠᠭᠠᠷᠠ ᠨᠢᠭᠡᠨ ᠵᠢᠩ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠣᠶᠠᠷ ᠳ᠋ᠧᠦ ᠤᠰᠤᠨ ᠳ᠋ᠤᠷ ᠨᠢᠭᠡᠨ ᠳ᠋ᠧᠦ ᠦᠯᠡᠳᠡᠲᠡᠯᠡ ᠪᠤᠴᠠᠯᠭᠠᠭᠴᠢ ᠰᠢᠭᠠᠷᠤ ᠶ᠋ᠢ ᠢᠨᠤ ᠱᠦᠭᠦᠵᠦ ᠲᠤᠩᠭᠠᠯᠠᠭ ᠳᠠᠩ ᠪᠣᠯᠭᠠᠭᠠᠳ ᠳᠤᠷᠠ ᠶ᠋ᠢᠨ ᠠᠶᠠ ᠪᠠᠷ ᠤᠤᠭᠤᠮᠤᠢ᠃
ᠠᠷᠰᠢ ᠶ᠋ᠢᠨ ᠤᠪᠠᠳᠢᠰ ᠤ᠋ᠨ ᠳᠠᠩ
ᠠᠯᠢᠪᠠ ᠬᠡᠪ ᠪᠤᠰᠤ ᠶ᠋ᠢᠨ ᠠᠭᠤᠷ ᠦᠨᠦᠷ ᠢ᠋ ᠠᠷᠢᠯᠭᠠᠨ᠂ ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠪᠦᠯᠢᠶᠡᠳᠬᠡᠨ ᠢᠳᠡᠭᠡᠨ ᠤᠮᠳᠠᠭᠠᠨ ᠤ᠋ ᠳᠤᠷᠠ ᠶ᠋ᠢ ᠨᠡᠮᠡᠭᠳᠡᠭᠦᠯᠵᠦ ᠬᠡᠵᠢᠭ ᠲᠠᠬᠤᠯ ᠢ᠋ ᠨᠢᠲᠤᠯᠤᠨ ᠪᠠᠳᠭ᠋ᠠᠨ ᠬᠦᠢᠲᠡᠨ ᠢ᠋ ᠠᠷᠢᠯᠭᠠᠮᠤᠢ᠃
ᠤᠨᠪᠤᠢ ᠨᠢᠭᠡᠨ ᠵᠢᠩ ᠢ᠋ ᠪᠤᠳᠠᠭᠠᠨ ᠤ᠋ ᠤᠬᠢᠶᠠᠳᠠᠰᠤᠨ ᠳ᠋ᠤᠷ ᠭᠤᠷᠪᠠᠨ ᠬᠣᠨᠣᠭ ᠳᠡᠪᠲᠦᠭᠡᠭᠡᠳ ᠬᠤᠯᠤᠰᠤᠨ ᠮᠣᠳᠣᠨ ᠤ᠋ ᠬᠢᠲᠤᠭᠠ ᠪᠠᠷ ᠬᠡᠷᠴᠢᠮ ᠬᠡᠷᠴᠢᠵᠦ ᠬᠠᠭᠰᠠᠭᠠᠵᠤ ᠬᠠᠲᠠᠭᠠᠭᠠᠳ ᠲᠠᠯᠬᠠᠳᠠᠵᠤ ᠂ ᠪᠠᠳᠮᠠᠭᠠ ᠬᠣᠶᠠᠷ ᠯᠠᠩ ᠢ᠋ ᠬᠠᠭᠤᠷᠤᠭᠠᠳ ᠲᠠᠭᠯᠠᠭᠳᠠᠵᠤ᠂ ᠰᠢᠬᠢᠷ ᠡᠪᠡᠰᠦ ᠬᠣᠶᠠᠷ ᠯᠠᠩ ᠢ᠋ ᠬᠠᠭᠤᠷᠤᠭᠠᠳ ᠮᠥᠨ ᠲᠠᠭᠯᠠᠭᠳᠠᠨ᠂ ᠴᠠᠭᠠᠨ ᠭᠤᠯᠢᠷ ᠨᠢᠭᠡ ᠵᠢᠩ ᠢ᠋ ᠬᠠᠭᠤᠷᠴᠤ᠂ ᠬᠠᠲᠠᠭᠰᠠᠨ ᠴᠢᠪᠠᠭᠠ ᠬᠣᠶᠠᠷ ᠱᠧᠩ ᠢ᠋ ᠬᠠᠭᠰᠠᠭᠠᠵᠤ ᠬᠠᠲᠠᠭᠠᠭᠠᠳ ᠲᠠᠯᠬᠠᠳᠠᠵᠤ ᠳᠠᠪᠤᠰᠤ ᠳᠥᠷᠪᠡᠨ ᠯᠠᠩ ᠢ᠋ ᠬᠠᠭᠤᠷᠤᠮᠤᠢ᠃
ᠳᠡᠭᠡᠷᠡᠬᠢ ᠲᠠᠯᠬᠠ ᠨᠤᠭᠤᠳ ᠢ᠋ ᠬᠣᠯᠢᠵᠤ ᠲᠡᠭᠰᠢᠬᠡᠨ ᠬᠤᠳᠬᠤᠭᠠᠳ ᠡᠳᠦᠷ ᠪᠦᠷᠢ ᠥᠯᠥᠨ ᠢ᠋ᠶ᠋ᠡᠷ ᠪᠤᠴᠠᠯᠤᠭᠰᠠᠨ ᠤᠰᠤ ᠪᠠᠷ ᠵᠢᠭᠤᠷᠠᠵᠤ ᠤᠤᠭᠤᠮᠤᠢ᠃
ᠭᠦᠢᠯᠡᠰᠦᠨ ᠪᠤᠷᠠᠮ ᠤ᠋ᠨ ᠳᠠᠩ
ᠠᠭᠤᠰᠬᠢ ᠶ᠋ᠢᠨ ᠲᠠᠮᠢᠷ ᠢ᠋ ᠰᠡᠯᠪᠢᠨ ᠴᠡᠭᠡᠵᠢ ᠶ᠋ᠢ ᠠᠭᠤᠵᠢᠷᠠᠭᠤᠯᠤᠨ ᠬᠠᠨᠢᠶᠠᠳᠠ ᠶ᠋ᠢ ᠡᠮᠨᠡᠮᠦᠢ᠃
ᠬᠣᠨᠣᠭ ᠪᠤᠳᠠᠭᠠ ᠲᠠᠪᠤᠨ ᠱᠧᠩ ᠢ᠋ ᠬᠠᠭᠤᠷᠴᠤ ᠭᠤᠯᠢᠷ ᠪᠣᠯᠭᠠᠨ ᠲᠠᠯᠠᠭᠳᠠᠨ᠂ ᠭᠦᠢᠯᠡᠰᠦ ᠶ᠋ᠢᠨ ᠴᠥᠮᠡ ᠬᠣᠶᠠᠷ ᠱᠧᠩ ᠢ᠋ ᠬᠠᠯᠢᠰᠤ ᠪᠠ ᠦᠵᠦᠭᠦᠷ ᠢ᠋ ᠨᠢ ᠠᠪᠴᠤ ᠬᠠᠶᠠᠨ ᠪᠤᠭᠤᠳᠠᠢ ᠶ᠋ᠢᠨ ᠬᠡᠪᠡᠭ ᠢ᠋ᠶ᠋ᠡᠷ ᠬᠠᠭᠤᠷᠤᠭᠠᠳ ᠲᠠᠯᠠᠭᠳᠠᠵᠤ ᠳᠠᠪᠤᠰᠤ ᠭᠤᠷᠪᠠᠨ ᠯᠠᠩ ᠢ᠋ ᠬᠠᠭᠤᠷᠤᠮᠤᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠲᠡᠭᠰᠢᠬᠡᠨ ᠬᠤᠳᠬᠤᠵᠤ ᠡᠳᠦᠷ ᠪᠦᠷᠢ ᠥᠯᠥᠨ ᠢ᠋ᠶ᠋ᠡᠷ ᠨᠢᠭᠡᠨ ᠴᠢᠨ ᠢ᠋ ᠪᠤᠴᠠᠯᠤᠭᠰᠠᠨ ᠤᠰᠤᠨ ᠳ᠋ᠤᠷ ᠲᠠᠯᠪᠢᠵᠤ ᠤᠤᠭᠤᠮᠤᠢ᠃
ᠬᠡᠷᠪᠡ ᠥᠴᠦᠬᠡᠨ ᠲᠡᠳᠦᠢ ᠰᠢᠷᠠ ᠲᠣᠰᠣ ᠨᠡᠮᠡᠵᠦ ᠤᠤᠭᠤᠪᠠᠯ ᠨᠡᠩ ᠰᠠᠢᠨ᠃
ᠨᠠᠩᠭᠢ ᠴᠠᠭᠠᠨ ᠤ᠋ ᠳᠠᠩ
ᠡᠨᠡ ᠢᠨᠦ ᠬᠦᠴᠦᠨ ᠲᠠᠮᠢᠷ ᠳᠣᠷᠣᠢ ᠶ᠋ᠢ ᠲᠥᠯᠵᠢᠭᠦᠯᠦᠨ ᠰᠠᠢᠵᠢᠷᠠᠭᠤᠯᠵᠤ ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠪᠦᠯᠢᠶᠡᠳᠬᠡᠨ ᠠᠭᠤᠰᠬᠢ ᠶ᠋ᠢ ᠰᠢᠮᠡᠵᠢᠭᠦᠯᠦᠮᠦᠢ᠃
ᠨᠠᠩᠭᠢ ᠴᠠᠭᠠᠨ ᠨᠢᠭᠡ ᠵᠢᠩ ᠢ᠋ ᠴᠢᠨᠠᠵᠤ ᠪᠤᠯᠭᠤᠨ᠂ ᠬᠣᠨᠣᠭ ᠪᠤᠳᠠᠭᠠ ᠳᠤᠮᠳᠠᠭᠤᠷ ᠱᠧᠩ ᠢ᠋ ᠬᠠᠭᠤᠷᠴᠤ ᠭᠤᠯᠢᠷ ᠪᠣᠯᠭᠠᠨ ᠲᠠᠯᠠᠭᠳᠠᠵᠤ᠂ ᠭᠦᠢᠯᠡᠰᠦᠨ ᠴᠥᠮᠡ ᠬᠣᠶᠠᠷ ᠵᠢᠩ ᠢ᠋ ᠬᠡᠳᠤᠷᠡᠦ ᠪᠤᠯᠭᠤᠨ ᠬᠠᠭᠤᠷᠤᠭᠠᠳ ᠬᠠᠯᠢᠰᠤ ᠪᠠ ᠦᠵᠦᠭᠦᠷ ᠢ᠋ ᠢᠨᠦ ᠠᠪᠴᠤ ᠬᠠᠶᠠᠨ ᠠᠮᠤ ᠶ᠋ᠢᠨ ᠮᠥᠬᠥᠯᠢᠭ ᠬᠢᠷᠢᠲᠡᠢ ᠬᠡᠷᠴᠢᠮᠦᠢ᠃
ᠳᠡᠭᠡᠷᠡᠬᠢ ᠬᠣᠨᠣᠭ ᠪᠤᠳᠠᠭᠠ ᠬᠢᠭᠡᠳ ᠭᠦᠢᠯᠡᠰᠦᠨ ᠴᠥᠮᠡ ᠶ᠋ᠢ ᠡᠳᠦᠷ ᠪᠦᠷᠢ ᠥᠯᠥᠨ ᠢ᠋ᠶ᠋ᠡᠷ ᠬᠣᠶᠠᠷ ᠴᠢᠨ ᠢ᠋ ᠪᠤᠴᠠᠯᠤᠭᠰᠠᠨ ᠤᠰᠤᠨ ᠳ᠋ᠤᠷ ᠲᠠᠯᠪᠢᠵᠤ ᠰᠢᠷᠠ ᠲᠣᠰᠣ ᠶ᠋ᠢ ᠪᠠᠭᠠ ᠰᠠᠭᠠ ᠨᠡᠮᠡᠵᠦ ᠤᠤᠭᠤᠬᠤ ᠪᠥᠭᠡᠳ ᠨᠠᠩᠭᠢ ᠴᠠᠭᠠᠨ ᠢ᠋ ᠬᠢᠷᠢ ᠵᠡᠷᠭᠡ ᠢᠳᠡᠭᠰᠡᠨ ᠴᠦ᠍ ᠪᠣᠯᠤᠮᠤᠢ᠃
ᠳᠥᠷᠪᠡᠨ ᠨᠠᠢᠷᠠᠯᠲᠠ ᠶ᠋ᠢᠨ ᠳᠠᠩ
ᠬᠡᠪᠡᠯᠢ ᠳᠣᠲᠣᠷᠠ ᠬᠦᠢᠲᠡᠨ ᠢ᠋ᠶ᠋ᠡᠷ ᠡᠪᠡᠳᠴᠦ ᠬᠣᠳᠣᠭᠣᠳᠣ ᠳᠡᠯᠢᠭᠦᠨ ᠲᠠᠮᠢᠷ ᠮᠠᠭᠤ ᠶ᠋ᠢ ᠵᠠᠰᠠᠮᠤᠢ᠃
ᠴᠠᠭᠠᠨ ᠭᠤᠯᠢᠷ ᠨᠢᠭᠡᠨ ᠵᠢᠩ ᠮᠠᠭᠠᠯᠢᠩᠭᠤ ᠨᠢᠭᠡᠨ ᠵᠢᠩ ᠪᠠᠳᠮᠠᠭᠠ ᠬᠣᠶᠠᠷ ᠯᠠᠩ᠂ ᠳᠠᠪᠤᠰᠤ ᠨᠢᠭᠡᠨ ᠯᠠᠩ ᠢ᠋ ᠲᠣᠰᠪᠣᠷᠢ ᠬᠠᠭᠤᠷᠤᠮᠤᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤᠨᠢ ᠲᠠᠯᠠᠭᠳᠠᠵᠤ ᠡᠳᠦᠷ ᠪᠦᠷᠢ ᠥᠯᠥᠨ ᠭᠡᠳᠡᠰᠦ ᠪᠡᠷ ᠪᠤᠴᠠᠯᠤᠭᠰᠠᠨ ᠤᠰᠤᠨ ᠳ᠋ᠤᠷ ᠵᠢᠭᠤᠷᠠᠵᠤ ᠤᠤᠭᠤᠮᠤᠢ᠃
ᠴᠢᠪᠠᠭᠠ ᠭᠠ ᠶ᠋ᠢᠨ ᠳᠠᠩ
ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠵᠣᠬᠢᠴᠠᠭᠤᠯᠤᠨ ᠰᠠᠢᠵᠢᠷᠠᠭᠤᠯᠵᠤ ᠢᠳᠡᠭᠡᠨ ᠤᠮᠳᠠᠭᠠᠨ ᠤ᠋ ᠳᠤᠷᠠ ᠶ᠋ᠢ ᠨᠡᠭᠡᠭᠡᠭᠳᠡᠭᠦᠯᠦᠮᠦᠢ᠃
ᠨᠣᠢᠲᠠᠨ ᠭᠠ ᠨᠢᠭᠡᠨ ᠵᠢᠩ ᠢ᠋ ᠬᠡᠷᠴᠢᠮ ᠪᠣᠯᠭᠠᠨ ᠬᠡᠷᠴᠢᠵᠦ᠂ ᠴᠢᠪᠠᠭᠠ ᠭᠤᠷᠪᠠᠨ ᠱᠧᠩ ᠦ᠋ᠨ ᠦᠷᠡ ᠶ᠋ᠢ ᠢᠨᠦ ᠠᠪᠴᠤ ᠬᠠᠶᠠᠭᠠᠳ ᠬᠠᠭᠤᠷᠴᠤ ᠰᠢᠬᠢᠷ ᠡᠪᠡᠰᠦ ᠬᠣᠶᠠᠷ ᠯᠠᠩ ᠢ᠋ ᠬᠠᠭᠤᠷᠴᠤ᠂ ᠳᠠᠪᠤᠰᠤ ᠬᠣᠶᠠᠷ ᠯᠠᠩ ᠢ᠋ ᠮᠥᠨ ᠬᠠᠭᠤᠷᠤᠮᠤᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠲᠠᠯᠬᠠ ᠪᠣᠯᠭᠠᠨ ᠲᠠᠯᠠᠭᠳᠠᠭᠠᠳ ᠨᠡᠢᠯᠡᠭᠦᠯᠦᠨ ᠬᠤᠳᠬᠤᠵᠤ᠂ ᠡᠳᠦᠷ ᠪᠦᠷᠢ ᠥᠯᠥᠨ ᠦ᠌ ᠦᠶᠡ ᠪᠡᠷ ᠪᠤᠴᠠᠯᠤᠭᠰᠠᠨ ᠤᠰᠤᠨ ᠳ᠋ᠤ᠌ ᠵᠢᠭᠤᠷᠠᠵᠤ ᠤᠤᠭᠤᠮᠤᠢ᠃
ᠪᠠᠳᠮᠠᠭᠠ ᠶ᠋ᠢᠨ ᠳᠠᠩ ᠪᠠᠳᠮᠠᠷᠠᠭᠠ
ᠴᠤᠯᠤ ᠰᠠᠪᠠ ᠶ᠋ᠢᠨ ᠲᠠᠮᠢᠷ ᠳᠣᠷᠣᠢᠲᠠᠵᠤ ᠬᠡᠪᠡᠯᠢ ᠬᠦᠢᠰᠦ ᠪᠡᠷ ᠵᠢᠩᠭᠢᠨᠡᠵᠦ ᠡᠪᠡᠳᠬᠦ ᠶ᠋ᠢ ᠵᠠᠰᠠᠮᠤᠢ᠃
ᠪᠠᠳᠮᠠᠭᠠ ᠨᠢᠭᠡᠨ ᠵᠢᠩ ᠢ᠋ ᠬᠠᠭᠤᠷᠴᠤ᠂ ᠪᠠᠷᠤᠷᠠ ᠬᠠᠭᠠᠰ ᠵᠢᠩ᠂ ᠵᠦᠷᠪᠠᠭ ᠬᠠᠭᠠᠰ ᠵᠢᠩ ᠢ᠋ ᠳᠣᠲᠣᠷᠠᠬᠢ ᠴᠠᠭᠠᠨ ᠥᠭᠡᠬᠦ ᠊ᠶᠢ ᠠᠪᠴᠤ ᠬᠠᠶᠠᠨ᠂ ᠰᠢᠬᠢᠷ ᠡᠪᠡᠰᠦ ᠳᠥᠷᠪᠡᠨ ᠯᠠᠩ ᠪᠠ ᠳᠠᠪᠤᠰᠤ ᠬᠠᠭᠠᠰ ᠵᠢᠩ ᠢ᠋ ᠲᠣᠰᠪᠣᠷᠢ ᠬᠠᠭᠤᠷᠤᠮᠤᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠲᠠᠯᠬᠠ ᠪᠣᠯᠭᠠᠭᠠᠳ ᠨᠡᠢᠯᠡᠭᠦᠯᠵᠦ ᠬᠤᠳᠬᠤᠨ ᠡᠳᠦᠷ ᠪᠦᠷᠢ ᠥᠯᠥᠨ ᠦ᠌ ᠦᠶᠡ ᠪᠡᠷ ᠪᠤᠴᠠᠯᠤᠭᠰᠠᠨ ᠤᠰᠤᠨ ᠳ᠋ᠤᠷ ᠵᠢᠭᠤᠷᠠᠵᠤ ᠤᠤᠭᠤᠮᠤᠢ᠃
ᠬᠡᠢ ᠪᠦᠷᠢᠯᠳᠦᠭᠰᠡᠨ ᠢ᠋ ᠲᠠᠷᠬᠠᠭᠠᠬᠤ ᠳᠠᠩ
ᠴᠤᠯᠤ ᠰᠠᠪᠠ ᠶ᠋ᠢᠨ ᠲᠠᠮᠢᠷ ᠳᠣᠷᠣᠢᠲᠠᠵᠤ ᠬᠡᠪᠡᠯᠢ ᠡᠪᠡᠳᠴᠦ᠂ ᠴᠡᠭᠡᠵᠢ ᠪᠥᠭᠯᠡᠷᠡᠨ ᠪᠠᠭᠲᠠᠷᠠᠬᠤ ᠶ᠋ᠢ ᠵᠠᠰᠠᠮᠤᠢ᠃
ᠭᠦᠢᠯᠡᠰᠦᠨ ᠴᠥᠮᠡ ᠨᠢᠭᠡᠨ ᠵᠢᠩ ᠢ᠋ ᠬᠠᠯᠢᠰᠤ ᠪᠠ ᠦᠵᠦᠭᠦᠷ ᠢ᠋ ᠢᠨᠦ ᠠᠪᠴᠤ ᠬᠠᠶᠠᠭᠠᠳ ᠪᠤᠭᠤᠳᠠᠢ ᠶ᠋ᠢᠨ ᠬᠡᠪᠡᠭ ᠢ᠋ᠶ᠋ᠡᠷ ᠬᠠᠭᠤᠷᠴᠤ ᠠᠰ ᠲᠤᠨᠢ ᠲᠠᠯᠠᠭᠳᠠᠨ᠂ ᠪᠠᠳᠮᠠᠭᠠ ᠳᠥᠷᠪᠡᠨ ᠯᠠᠩ ᠢ᠋ ᠬᠠᠭᠤᠷᠴᠤ᠂ ᠭᠠᠮᠠᠷ ᠨᠢᠭᠡᠨ ᠯᠠᠩ᠂ ᠷᠢᠨᠪᠦᠴᠠᠨᠢᠶᠠᠭ ᠬᠣᠶᠠᠷ ᠯᠠᠩ᠂ ᠵᠦᠷᠪᠠᠭ ᠬᠣᠶᠠᠷ ᠯᠠᠩ ᠢ᠋ ᠳᠣᠲᠣᠷᠢᠬᠢ ᠴᠠᠭᠠᠨ ᠢ᠋ ᠥᠭᠡᠬᠦ ᠶ᠋ᠢ ᠠᠪᠴᠤ ᠬᠠᠶᠠᠨ᠂ ᠭᠠᠪᠢᠷᠠ ᠶ᠋ᠢᠨ ᠴᠡᠴᠡᠭ ᠬᠠᠭᠠᠰ ᠵᠢᠩ ᠶᠦᠩᠸᠠ ᠨᠢᠭᠡᠨ ᠯᠠᠩ᠂ ᠷᠦᠳᠠ ᠨᠢᠭᠡᠨ ᠯᠠᠩ᠂ ᠯᠢᠰᠢ ᠨᠢᠭᠡᠨ ᠯᠠᠩ᠂ ᠰᠢᠬᠢᠷ ᠡᠪᠡᠰᠦ ᠬᠠᠭᠠᠰ ᠵᠢᠩ᠂ ᠳᠠᠪᠤᠰᠤ ᠬᠠᠭᠠᠰ ᠵᠢᠩ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠲᠠᠯᠠᠭᠳᠠᠵᠤ ᠨᠡᠢᠯᠡᠭᠦᠯᠦᠭᠡᠳ ᠪᠤᠴᠠᠯᠤᠭᠰᠠᠨ ᠤᠰᠤᠨ ᠳ᠋ᠤᠷ ᠵᠢᠭᠤᠷᠠᠵᠤ ᠥᠯᠥᠨ ᠢ᠋ᠶ᠋ᠡᠷ ᠤᠤᠭᠤᠮᠤᠢ᠃
ᠮᠥᠩᠭᠥᠨ ᠭᠦᠢᠯᠡᠰᠦ ᠶ᠋ᠢᠨ ᠳᠠᠩ
ᠳᠣᠲᠣᠷ ᠬᠠᠯᠠᠭᠤᠨ ᠣᠷᠣᠰᠢᠵᠤ ᠪᠠᠴᠢᠮᠳᠠᠨ ᠲᠠᠴᠢᠶᠠᠳᠠᠵᠤ᠂ ᠭᠡᠳᠡᠰᠦᠨ ᠦ᠌ ᠨᠢᠶᠠᠨ ᠬᠡᠵᠢᠭ ᠢ᠋ᠶ᠋ᠡᠷ ᠪᠥᠭᠡᠯᠵᠢᠵᠦ ᠣᠭᠰᠢᠬᠤ᠂ ᠠᠮᠠ ᠬᠠᠲᠠᠵᠤ ᠤᠮᠳᠠᠭᠠᠰᠬᠤ᠂ ᠰᠢᠮᠡ ᠰᠢᠭᠦᠰᠦ ᠰᠠᠭᠠᠳᠦᠭ᠌ᠰᠠᠨ ᠵᠡᠷᠭᠡ ᠶ᠋ᠢ ᠡᠮᠨᠡᠮᠦᠢ᠃
ᠮᠥᠩᠭᠥᠨ ᠭᠦᠢᠯᠡᠰᠦᠨ ᠮᠢᠬᠠ ᠨᠢᠭᠡ ᠵᠢᠩ᠂ ᠴᠠᠭᠠᠨ ᠽᠠᠨᠳᠠᠨ ᠳᠥᠷᠪᠡᠨ ᠯᠠᠩ ᠰᠢᠬᠢᠷ ᠡᠪᠡᠰᠦ ᠪᠠ ᠳᠥᠷᠪᠡᠨ ᠯᠠᠩ ᠳᠠᠪᠤᠰᠤ ᠬᠠᠭᠠᠰ ᠵᠢᠩ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠨᠠᠷᠢᠨ ᠲᠠᠯᠠᠭᠳᠠᠵᠤ᠂ ᠤᠳᠠᠭᠠ ᠪᠦᠷᠢ ᠨᠢᠭᠡᠨ ᠴᠢᠨ ᠳ᠋ᠦ᠍ᠷ ᠨᠣᠢᠲᠠᠨ ᠭᠠ ᠶ᠋ᠢᠨ ᠰᠢᠭᠦᠰᠦ ᠶ᠋ᠢ ᠥᠴᠦᠬᠡᠨ ᠲᠠᠯᠪᠢᠭᠠᠳ ᠪᠤᠴᠠᠯᠤᠭᠰᠠᠨ ᠣᠰᠤᠨᠠ ᠵᠢᠭᠤᠷᠠᠵᠤ ᠤᠤᠭᠤᠮᠤᠢ᠃
ᠪᠢᠯᠤᠠ ᠶ᠋ᠢᠨ ᠳᠠᠩ
ᠬᠥᠯ ᠦ᠋ᠨ ᠪᠢᠯᠴᠠᠤ ᠡᠪᠡᠳᠴᠢᠨ ᠢ᠋ᠶ᠋ᠡᠷ ᠬᠥᠯ ᠢᠨᠦ ᠮᠡᠳᠡᠷᠡᠯ ᠠᠯᠳᠠᠬᠤ᠂ ᠡᠪᠦᠳᠦᠭ ᠬᠡᠰᠡᠭ ᠢ᠋ᠶ᠋ᠡᠷ ᠶᠠᠩᠭᠢᠨᠠᠵᠤ ᠡᠪᠡᠳᠬᠦ ᠶ᠋ᠢ ᠵᠠᠰᠠᠮᠤᠢ᠃
ᠪᠢᠯᠤᠠ ᠳᠥᠷᠪᠡ ᠶ᠋ᠢ ᠵᠢᠩᠨᠡᠵᠦ ᠪᠣᠯᠭᠣᠭᠠᠳ ᠬᠠᠯᠢᠰᠤ ᠶ᠋ᠢ ᠠᠪᠴᠤ ᠬᠠᠶᠠᠨ ᠨᠢᠯᠴᠠᠷᠲᠠᠯᠠ ᠨᠢᠯᠲᠠᠭᠯᠢᠭ ᠪᠣᠯᠭᠠᠨ ᠨᠦᠳᠦᠮᠦᠢ᠃ ᠴᠠᠭᠠᠨ ᠪᠠᠯ ᠬᠣᠶᠠᠷ ᠵᠢᠩ ᠢ᠋ ᠴᠡᠪᠡᠷᠯᠡᠵᠦ ᠪᠣᠯᠭᠣᠮᠤᠢ᠃
ᠳᠡᠭᠡᠷᠡᠬᠢ ᠬᠣᠶᠠᠷ ᠵᠦᠢᠯ ᠢ᠋ ᠲᠡᠭᠰᠢᠬᠡᠨ ᠵᠢᠭᠤᠷᠠᠭᠠᠳ ᠴᠡᠪᠡᠷ ᠱᠠᠭᠠᠵᠠᠩ ᠰᠠᠪᠠ ᠳ᠋ᠤᠷ ᠠᠬᠤᠭᠤᠯᠵᠤ᠂ ᠥᠯᠥᠨ ᠦ᠌ ᠦᠶᠡ ᠪᠡᠷ ᠪᠤᠴᠠᠯᠤᠭᠰᠠᠨ ᠤᠰᠤ ᠪᠠᠷ ᠵᠢᠭᠤᠷᠠᠵᠤ ᠢᠳᠡᠮᠦᠢ᠃
ᠠᠷᠢᠬᠢ ᠶ᠋ᠢ ᠰᠡᠷᠢᠭᠡᠬᠦ ᠵᠦᠷᠪᠠᠭ ᠤ᠋ᠨ ᠳᠠᠩ
ᠠᠷᠢᠬᠢᠨ ᠳ᠋ᠤ᠌ ᠰᠣᠭᠲᠣᠭᠠᠳ ᠠᠷᠢᠬᠢᠨ ᠤ᠋ ᠬᠣᠣᠷ ᠠᠯᠳᠠᠷᠠᠬᠤ ᠦᠭᠡᠢ ᠪᠥᠭᠡᠳ ᠪᠥᠭᠡᠯᠵᠢᠰᠦ ᠬᠤᠳᠬᠤᠬᠤ ᠭᠡᠭᠡᠷᠡᠬᠦ ᠪᠠ ᠰᠢᠷᠠ ᠬᠥᠭᠡᠷᠬᠦ ᠶ᠋ᠢ ᠡᠮᠨᠡᠮᠦᠢ᠃
ᠬᠦᠴᠢᠲᠡᠢ ᠵᠦᠷᠵᠢ ᠶ᠋ᠢᠨ ᠬᠠᠯᠢᠰᠤ ᠨᠢᠭᠡ ᠵᠢᠩ ᠢ᠋ ᠳᠣᠲᠣᠷᠠᠬᠢ ᠴᠠᠭᠠᠨ ᠢ᠋ ᠠᠪᠴᠤ ᠬᠠᠶᠠᠨ᠂ ᠬᠠᠭᠤᠴᠢᠷᠠᠭᠰᠠᠨ ᠵᠦᠷᠵᠢ ᠶ᠋ᠢᠨ ᠬᠠᠯᠢᠰᠤ (ᠵᠦᠷᠪᠠᠭ) ᠨᠢᠭᠡᠨ ᠵᠢᠩ ᠢ ᠳᠣᠲᠣᠷᠠᠬᠢ ᠴᠠᠭᠠᠨ ᠢ᠋ ᠠᠪᠴᠤ ᠬᠠᠶᠠᠨ᠂ ᠽᠠᠨᠳᠠᠨ ᠳᠥᠷᠪᠡᠨ ᠯᠠᠩ᠂ ᠵᠡᠷᠯᠢᠭ ᠣᠯᠣᠰᠣᠨ ᠴᠡᠴᠡᠭ ᠢ᠋ ᠬᠠᠭᠠᠰ ᠵᠢᠩ᠂ ᠨᠣᠭᠣᠭᠠᠨ ᠪᠤᠷᠴᠠᠭ ᠤ᠋ᠨ ᠴᠡᠴᠡᠭ ᠬᠠᠭᠠᠰ ᠵᠢᠩ᠂ ᠣᠷᠬᠣᠳᠠᠢ ᠬᠣᠶᠠᠷ ᠯᠠᠩ ᠢ᠋ ᠵᠠᠯᠭᠠᠰᠤ ᠶᠢ ᠠᠪᠴᠤ ᠬᠠᠶᠠᠨ᠂ ᠴᠠᠭᠠᠨ ᠰᠦᠭᠮᠸᠯ ᠦ᠋ᠨ ᠴᠥᠮᠡ ᠶ᠋ᠢ ᠬᠣᠶᠠᠷ ᠯᠠᠩ᠂ ᠳᠠᠪᠤᠰᠤ ᠵᠢᠷᠭᠤᠭᠠᠨ ᠯᠠᠩ ᠢ᠋ ᠬᠠᠭᠤᠷᠤᠮᠤᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠨᠠᠷᠢᠨ ᠲᠠᠯᠠᠭᠳᠠᠵᠤ᠂ ᠡᠳᠦᠷ ᠪᠦᠷᠢ ᠥᠯᠥᠨ ᠢ᠋ᠶ᠋ᠡᠷ ᠪᠤᠴᠠᠯᠤᠭᠰᠠᠨ ᠤᠰᠤ ᠪᠠᠷ ᠵᠢᠭᠤᠷᠠᠵᠤ ᠤᠤᠭᠤᠮᠤᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠭᠠᠸᠠ
ᠬᠢᠨᠠᠭᠴᠢ ᠄ ᠲᠤᠭᠴᠢ ᠰᠠᠷᠠᠨᠠ