ᠤᠨᠠᠭᠠ ᠪᠠ ᠤᠬᠠᠭᠠᠨᠲᠤ ᠲᠠᠤᠯᠠᠢ-ᠳᠣᠮᠣᠭ ᠦᠯᠢᠭᠡᠷUnaga ba ukhaant tuulai--Domog ülgerУнага ба ухаант туулай--Домог үлгэр
14ᠤᠨᠠᠭᠠ ᠪᠠ ᠤᠬᠠᠭᠠᠨᠲᠤ ᠲᠠᠤᠯᠠᠢ
ᠳᠣᠮᠣᠭ ᠦᠯᠢᠭᠡᠷ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠤᠨᠠᠭᠠ ᠬᠡᠭᠡᠷᠡ ᠤᠨᠲᠠᠵᠤ ᠪᠠᠢᠭᠠᠳ ᠡᠬᠡ ᠡᠴᠡ ᠪᠡᠨ ᠲᠥᠭᠡᠷᠢᠵᠦ ᠬᠣᠴᠣᠷᠴᠤ ᠭᠡᠨᠡ᠂ ᠲᠡᠭᠡᠭᠡᠳ ᠭᠠᠭᠴᠠ ᠪᠠᠷ ᠢ᠋ᠶ᠋ᠠᠨ ᠢᠵᠢᠯᠢ ᠣᠯᠠᠨ ᠰᠦᠷᠦᠭ ᠲᠦ᠍ ᠡᠵᠢ ᠪᠡᠨ ᠬᠠᠢᠵᠤ ᠶᠠᠪᠤᠭᠠᠳ ᠨᠢᠭᠡᠨ ᠤᠭᠤᠲᠠ ᠲᠠᠢ ᠵᠦᠢᠯ ᠲᠡᠢ ᠲᠠᠭᠠᠷᠠᠵᠤ ᠭᠡᠨᠡ᠂ ᠤᠨᠠᠭᠠ ᠤᠭᠤᠲᠠ ᠲᠠᠢ ᠵᠦᠢᠯ ᠢ᠋ ᠶᠡᠬᠡᠳᠡ ᠰᠣᠨᠢᠷᠬᠠᠨ ᠣᠩᠭᠣᠢᠯᠭᠠᠵᠤ ᠦᠵᠡᠮᠡᠷ ᠰᠠᠨᠠᠭᠳᠠᠵᠠᠢ ᠃ ᠲᠡᠭᠡᠭᠡᠳ ᠤᠭᠤᠲᠠᠨ ᠤ᠋ ᠠᠮᠠ ᠶ᠋ᠢ ᠲᠠᠢᠯᠠᠲᠠᠯᠠ ᠂ ᠳᠣᠲᠣᠷᠠ ᠠ᠋ᠴᠠ ᠨᠢ ᠥᠯᠥᠨ ᠬᠥᠬᠡ ᠴᠢᠨᠣᠠ ᠠᠷᠠᠭᠠ ᠰᠢᠲᠦ ᠪᠡᠨ ᠢᠷᠵᠠᠢᠯᠭᠠᠨ ᠦᠰᠦᠷᠦᠨ ᠭᠠᠷᠴᠤ ᠢᠷᠡᠭᠡᠳ ᠂《ᠬᠠ ᠬᠠ ᠬᠣᠳᠣᠭᠣᠳᠣ ᠭᠡᠳᠡᠰᠦ ᠬᠣᠩᠬᠣᠯᠵᠠᠵᠤ ᠪᠠᠢᠨᠠ ᠭᠡᠵᠦ ᠵᠢᠭᠲᠡᠢᠬᠡᠨ᠂ ᠬᠤᠷᠮᠤᠰᠲᠠ ᠲᠩᠷᠢ ᠡᠭᠦᠨ ᠢ᠋ ᠮᠡᠳᠡᠭᠡᠳ ᠨᠠᠳᠠ ᠳ᠋ᠤ᠌ ᠠᠮᠲᠠᠲᠤ ᠵᠥᠭᠡᠯᠡᠨ ᠵᠣᠭᠣᠭ ᠶᠠᠪᠤᠭᠤᠯᠵᠠᠢ》 ᠭᠡᠳ ᠤᠨᠠᠭᠠ ᠶ᠋ᠢ ᠢᠳᠡᠬᠦ ᠪᠡᠷ ᠵᠠᠪᠳᠤᠵᠠᠢ ᠭᠡᠨᠡ ᠃
ᠤᠨᠠᠭᠠ ᠮᠠᠰᠢ ᠠᠶᠤᠨ ᠰᠠᠨᠳᠤᠷᠴᠤ ᠶᠠᠭᠠᠬᠢᠬᠤ ᠪᠠᠨ ᠮᠡᠳᠡᠬᠦ ᠦᠭᠡᠢ ᠪᠦᠯᠲᠡᠯᠵᠡᠨ ᠪᠠᠢᠲᠠᠯᠠ᠂ ᠪᠤᠲᠠᠨ ᠳᠤᠮᠳᠠ ᠠ᠋ᠴᠠ ᠪᠣᠷᠣ ᠲᠠᠤᠯᠠᠢ ᠳᠡᠭᠳᠡᠨ ᠳᠡᠭᠳᠡᠨ ᠭᠠᠷᠴᠤ ᠢᠷᠡᠵᠦ ᠭᠡᠨᠡ᠃
ᠲᠠᠤᠯᠠᠢ ᠶᠠᠪᠤᠳᠠᠯ ᠤᠴᠢᠷ ᠢ᠋ ᠲᠤᠭᠤᠯᠤᠭᠰᠠᠨ ᠤ᠋ ᠡᠴᠦᠰ ᠲᠦ᠍᠂ 《ᠴᠢᠨᠣᠠ ᠭᠤᠸᠠᠢ ᠴᠢᠨᠣᠠ ᠭᠤᠸᠠᠢ ᠂ ᠲᠠ ᠡᠨᠡ ᠥᠴᠦᠬᠡᠨ ᠵᠢᠵᠢᠭ ᠤᠭᠤᠲᠠᠨ ᠳ᠋ᠤ᠌ ᠪᠠᠭᠲᠠᠵᠤ ᠪᠠᠢᠭᠰᠠᠨ ᠭᠡᠵᠦ ᠤᠤ ᠂ ᠪᠢ ᠯᠠᠪ ᠢᠲᠡᠭᠡᠬᠦ ᠦᠭᠡᠢ ᠪᠠᠢᠨᠠ᠂ ᠬᠡᠷᠪᠡ ᠪᠠᠭᠲᠠᠪᠠᠯ ᠪᠢ ᠤᠨᠠᠭᠠ ᠲᠠᠢ ᠬᠠᠮᠲᠤ ᠥᠪᠡᠷ ᠢ᠋ ᠪᠡᠨ ᠴᠦ᠍ ᠪᠠᠰᠠ ᠢᠳᠡᠭᠦᠯᠦᠶᠡ 》 ᠭᠡᠵᠦ ᠭᠡᠨᠡ᠂ ᠲᠡᠭᠡᠬᠦ ᠳ᠋ᠦ᠍ ᠨᠢ ᠴᠢᠨᠣᠠ ᠮᠠᠭᠠᠳ ᠤᠭᠤᠲᠠᠨ ᠳ᠋ᠤ᠌ ᠪᠠᠭᠲᠠᠬᠤ ᠨᠢ ᠳᠠᠮᠵᠢᠭ ᠦᠭᠡᠢ ᠲᠤᠯᠠ ᠬᠠᠷᠢᠨ ᠤᠨᠠᠭᠠᠨ ᠳᠡᠭᠡᠷᠡ ᠡᠴᠡ ᠲᠠᠤᠯᠠᠢ ᠶ᠋ᠢ ᠨᠡᠮᠡᠭᠡᠳ ᠵᠣᠭᠣᠭᠯᠠᠬᠤ ᠪᠣᠯᠤᠯᠠ ᠭᠡᠮᠡᠨ ᠰᠡᠳᠬᠢᠵᠦ ᠵᠥᠪᠰᠢᠶᠡᠷᠡᠭᠡᠳ ᠤᠭᠤᠲᠠ ᠤᠷᠤᠭᠤ ᠣᠷᠣᠬᠤ ᠪᠠᠷ ᠪᠣᠯᠵᠤ ᠭᠡᠨᠡ ᠂ ᠲᠡᠭᠡᠭᠡᠳ ᠤᠭᠤᠲᠠ ᠤᠷᠤᠭᠤ ᠤᠤᠬᠢᠯᠠᠨ ᠣᠷᠣᠲᠠᠯᠠ ᠲᠠᠤᠯᠠᠢ᠂ 《ᠲᠡᠷᠡ ᠬᠡᠯᠡᠭᠡ ᠦᠭᠡᠢ ᠤᠤ ᠰᠡᠭᠦᠯ ᠨᠢ ᠪᠠᠭᠲᠠᠬᠤ ᠦᠭᠡᠢ ᠪᠠᠢᠨᠠ》 ᠭᠡᠬᠦ ᠳ᠋ᠦ᠍ ᠴᠢᠨᠣᠠ ᠰᠡᠭᠦᠯ ᠢ᠋ᠶ᠋ᠡᠨ ᠤᠭᠤᠲᠠᠨ ᠳ᠋ᠤ᠌ ᠬᠢᠲᠡᠯᠡ᠂ ᠤᠨᠠᠭᠠ᠂ ᠲᠠᠤᠯᠠᠢ ᠬᠣᠶᠠᠷ ᠡᠪᠯᠡᠨ ᠤᠭᠤᠲᠠᠨ ᠤ᠋ ᠠᠮᠠ ᠶ᠋ᠢ ᠨᠢ ᠰᠠᠢᠨ ᠪᠣᠭᠣᠭᠠᠳ ᠬᠡᠭᠡᠷᠡ ᠣᠷᠬᠢᠵᠠᠢ ᠃
ᠢᠩᠭᠢᠵᠦ ᠤᠨᠠᠭᠠ ᠤᠬᠠᠭᠠᠨᠲᠤ ᠲᠠᠤᠯᠠᠢ ᠶ᠋ᠢᠨ ᠠᠴᠢ ᠪᠠᠷ ᠴᠢᠨᠣᠠ ᠳ᠋ᠤ᠌ ᠢᠳᠡᠭᠦᠯᠬᠦ ᠠᠶᠤᠯ ᠠ᠋ᠴᠠ ᠠᠪᠤᠷᠠᠭᠳᠠᠭᠰᠠᠨ ᠭᠡᠨᠡ ᠪᠢᠯᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠢ᠂ ᠰᠠᠷᠠᠨᠠ
ᠦᠰᠦᠭ ᠬᠠᠳᠠᠭᠴᠢ᠄ ᠪᠠᠢ᠂ ᠰᠠᠷᠠᠨᠠ
ᠬᠢᠨᠠᠭᠴᠢ᠄ ᠰᠣᠨᠢᠨᠪᠠᠶᠠᠷ