ᠢᠲᠡᠭᠡᠯ ᠰᠡᠳᠬᠢᠯ ᠦ᠋ᠨ ᠬᠦᠴᠦᠨ ᠳ᠋ᠦ᠍ -ᠭᠦᠩᠭᠠᠷИтгэл сэтгэлийн хүчинд- Гүнгар
1543ᠢᠲᠡᠭᠡᠯ ᠰᠡᠳᠬᠢᠯ ᠦ᠋ᠨ ᠬᠦᠴᠦᠨ ᠳ᠋ᠦ᠍
ᠵᠣᠬᠢᠶᠠᠭᠴᠢ᠄ ᠭᠦᠩᠭᠠᠷ
ᠤᠶᠠᠩᠭᠠᠯᠠᠭᠴᠢ᠄ ᠰᠡᠳᠮᠠᠨᠢ
ᠠᠯᠠᠭᠠᠨ ᠴᠢᠨᠡᠭᠡ ᠨᠤᠲᠤᠭ ᠴᠤ᠌ ᠠᠭᠤᠤ ᠳᠤᠮᠳᠠᠳᠤ ᠶ᠋ᠢᠨ ᠡᠷᠳᠡᠨᠢ ᠪᠢᠯᠡ
ᠠᠳᠬᠤ ᠴᠢᠨᠡᠭᠡ ᠰᠢᠷᠣᠢ ᠴᠤ᠌ ᠠᠷᠠᠳ ᠢᠷᠭᠡᠳ ᠦ᠋ᠨ ᠠᠮᠢ ᠪᠢᠯᠡ
ᠠᠭᠤᠯᠠ ᠬᠠᠢᠷᠬᠠᠨ ᠡᠪᠡᠰᠦ ᠤᠷᠭᠤᠮᠠᠯ ᠨᠤᠲᠤᠭ ᠤᠰᠤᠨ ᠤ᠋ ᠭᠠᠢᠬᠠᠮᠰᠢᠭ ᠪᠢᠯᠡ
ᠤᠷᠤᠰᠬᠠᠯ ᠤᠰᠤ ᠳᠣᠯᠭᠢᠶᠠᠯᠠᠬᠤ ᠮᠥᠷᠡᠨ ᠠᠮᠢᠲᠠᠨ ᠭᠣᠣᠯᠳᠠᠨ ᠤ᠋ ᠷᠠᠰᠢᠶᠠᠨ ᠪᠢᠯᠡ ᠠ᠋!
ᠲᠠᠪᠤᠨ ᠡᠷᠳᠡᠨᠢ ᠢᠷᠠᠢᠬᠤ ᠰᠦᠷᠦᠭ ᠥᠩ ᠰᠢᠮᠡᠯᠢᠭ ᠪᠡᠯᠴᠢᠭᠡᠷ ᠲᠡᠢ ᠪᠢᠯᠡ
ᠲᠠᠷᠢᠶᠠ ᠲᠥᠮᠥᠰᠥ ᠠᠮᠲᠠᠲᠤ ᠢᠳᠡᠭᠡᠨ ᠬᠥᠮᠥᠷᠭᠡ ᠳᠦᠭᠦᠷᠡᠩ ᠬᠤᠷᠢᠶᠠᠯᠲᠠ ᠲᠠᠢ ᠪᠢᠯᠡ
ᠲᠠᠢᠪᠤᠩ ᠵᠢᠷᠭᠠᠯ ᠢᠨᠢᠶᠡᠳᠦ ᠪᠠᠶᠠᠷ ᠲᠠᠩᠰᠤᠭ ᠪᠠᠶᠠᠨ ᠠᠮᠢᠳᠤᠷᠠᠯ ᠲᠠᠢ ᠪᠢᠯᠡ
ᠳᠠᠷᠬᠠᠨ ᠲᠥᠷᠥ ᠥᠨᠢᠷ ᠬᠥᠭᠵᠢᠯᠲᠡ ᠦᠨᠳᠦᠰᠦᠲᠡᠨ ᠲᠦᠮᠡᠨ ᠦ᠌ ᠰᠢᠭᠤᠷᠬᠠᠢᠯᠠᠯ ᠲᠠᠢ ᠪᠢᠯᠡ ᠠ᠋!
ᠠᠷᠪᠢᠯᠠᠵᠤ ᠭᠠᠮᠨᠠᠬᠤ ᠠᠷᠢᠭᠤᠨ ᠰᠤᠷᠲᠠᠯ ᠬᠥᠮᠦᠨ ᠵᠤᠨ ᠤ᠋ ᠮᠥᠰᠥ ᠪᠢᠯᠡ
ᠠᠬᠢᠵᠤ ᠳᠠᠪᠰᠢᠬᠤ ᠨᠠᠨᠳᠢᠨ ᠬᠦᠰᠡᠯ ᠰᠢᠨᠡ ᠠᠶᠠᠨ ᠤ᠋ ᠲᠡᠮᠡᠦᠯᠦᠯ ᠪᠢᠯᠡ
ᠠᠰᠬᠠᠷᠠᠬᠤ ᠬᠥᠯᠥᠰᠥ ᠠᠭᠤᠤ ᠬᠥᠳᠡᠯᠮᠦᠷᠢ ᠠᠮᠢᠨ ᠬᠠᠢᠷᠠ ᠶ᠋ᠢᠨ ᠣᠨᠳᠣᠷᠣᠯ ᠪᠢᠯᠡ
ᠠᠯᠬᠤᠬᠤ ᠮᠥᠷ ᠳᠠᠭᠤᠷᠢᠰᠬᠤ ᠠᠯᠳᠠᠷ ᠵᠠᠭᠤᠨ ᠵᠠᠭᠤᠨ ᠤ᠋ ᠦᠯᠢᠭᠡᠷ ᠪᠢᠯᠡ ᠠ᠋!
ᠦᠨᠡᠨᠴᠢ ᠦᠢᠯᠡᠴᠢᠯᠡᠭᠡ ᠪᠣᠯᠪᠠᠰᠤᠨ ᠦᠢᠯᠡ ᠬᠥᠮᠦᠨ ᠠᠷᠠᠳ ᠤ᠋ᠨ ᠠᠪᠤᠷᠢ ᠪᠢᠯᠡ
ᠥᠭᠭᠢᠶᠡᠮᠦᠷᠴᠢ ᠵᠠᠩ ᠬᠠᠷᠢᠭᠤᠴᠠᠯᠭᠠᠲᠤ ᠰᠡᠳᠬᠢᠯᠭᠡ ᠭᠤᠸᠠ ᠰᠠᠢᠬᠠᠨ ᠤ᠋ ᠦᠨᠳᠦᠰᠦ ᠪᠢᠯᠡ
ᠥᠭᠡᠳᠡᠷᠬᠡᠭ ᠰᠠᠨᠠᠭᠠ ᠠᠯᠤᠰ ᠤ᠋ᠨ ᠬᠠᠷᠠᠯᠲᠠ ᠦᠢᠯᠡᠰ ᠪᠦᠲᠦᠭᠡᠬᠦ ᠶ᠋ᠢᠨ ᠰᠠᠭᠤᠷᠢ ᠪᠢᠯᠡ
ᠥᠷᠯᠥᠭ ᠨᠠᠮ ᠬᠦᠴᠦᠷᠬᠡᠭ ᠲᠥᠷᠥ ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ ᠤ᠋ ᠲᠦᠰᠢᠭ ᠪᠢᠯᠡ ᠠ᠋!
ᠡᠩᠬᠡ ᠲᠠᠢᠪᠤᠩ ᠠᠮᠤᠷ ᠲᠦᠪᠰᠢᠨ ᠲᠥᠷᠥ ᠭᠦᠷᠦᠨ ᠦ᠌ ᠬᠥᠭᠵᠢᠯᠲᠡ ᠪᠢᠯᠡ
ᠡᠷᠡᠭᠦᠯ ᠪᠡᠶᠡ ᠰᠠᠷᠠᠭᠤᠯ ᠤᠬᠠᠭᠠᠨ ᠲᠠ ᠪᠢᠳᠡᠨ ᠦ᠌ ᠵᠢᠷᠭᠠᠯ ᠪᠢᠯᠡ
ᠡᠰᠡᠨᠢᠯ ᠬᠥᠭᠵᠢᠯ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠡᠷᠢᠨ ᠴᠠᠭ ᠤ᠋ᠨ ᠬᠥᠭᠡᠭᠡᠴᠡᠯᠳᠦᠯ ᠪᠢᠯᠡ
ᠡᠷᠭᠢᠬᠦ ᠬᠣᠷᠸᠠ ᠳ᠋ᠤ᠌ ᠡᠯᠡᠭᠳᠡᠬᠦ ᠨᠠᠰᠤ ᠠᠵᠠ ᠶ᠋ᠢᠨ ᠪᠤᠶᠠᠨᠲᠤ ᠠᠮᠢᠳᠤᠷᠠᠯ ᠪᠢᠯᠡ ᠠ᠋!
ᠮᠢᠩᠭᠠᠨ ᠬᠦᠷᠬᠢᠷᠡ ᠲᠦᠮᠡᠨ ᠭᠣᠷᠣᠬᠠ ᠨᠡᠯᠦᠢᠨ ᠬᠠᠷᠠᠭᠳᠠᠬᠤ ᠳᠠᠯᠠᠢ ᠪᠢᠯᠡ
ᠮᠢᠩᠭᠠᠨ ᠠᠢᠯ ᠲᠦᠮᠡᠨ ᠡᠷᠦᠬᠡ ᠨᠠᠢᠷᠠᠯ ᠳᠠᠭᠤᠨ ᠤ᠋ ᠤᠶᠠᠩᠭᠠ ᠪᠢᠯᠡ
ᠮᠢᠨᠳᠠᠰᠤᠨ ᠰᠢᠷᠬᠡᠭ ᠨᠣᠣᠰᠣᠨ ᠨᠡᠬᠡᠮᠡᠯ ᠲᠤᠤᠯᠢᠮᠠ ᠬᠣᠷᠸᠠ ᠳ᠋ᠤ᠌ ᠬᠢ ᠥᠯᠥᠭᠡᠢ ᠪᠢᠯᠡ
ᠮᠢᠨᠦ ᠢᠲᠡᠭᠡᠯ ᠴᠢᠨᠦ ᠵᠢᠳᠬᠦᠯ ᠡᠨᠡᠬᠡᠨ ᠲᠥᠷᠥ ᠳ᠋ᠦ᠍ ᠪᠡᠨ ᠬᠠᠨᠳᠢᠪ ᠪᠢᠯᠡ ᠠ᠋!
ᠪᠠᠲᠤ ᠲᠠᠩᠭᠠᠷᠢᠭ ᠠᠳᠠᠯ ᠦᠢᠯᠡᠰ ᠬᠦᠰᠡᠯ ᠪᠡᠶᠡᠯᠡᠬᠦ ᠶ᠋ᠢᠨ ᠪᠠᠲᠤᠯᠠᠭᠠ ᠪᠢᠯᠡ
ᠪᠠᠭᠠᠲᠤᠷ ᠵᠣᠷᠢᠭ ᠡᠷᠡᠯᠬᠡᠭ ᠲᠡᠮᠡᠴᠡᠯ ᠢᠯᠠᠯᠲᠠ ᠳ᠋ᠤ᠌ ᠬᠦᠷᠬᠦ ᠶ᠋ᠢᠨ ᠬᠦᠴᠦᠨ ᠪᠢᠯᠡ
ᠪᠠᠳᠠᠷᠠᠯ ᠬᠥᠭᠵᠢᠯ ᠥᠭᠡᠷᠡᠴᠢᠯᠡᠯᠲᠡ ᠨᠡᠭᠡᠭᠡᠯᠲᠡ ᠤᠯᠤᠰ ᠭᠦᠷᠦᠨ ᠦ᠌ ᠵᠣᠷᠢᠯᠲᠠ ᠪᠢᠯᠡ
ᠪᠠᠶᠠᠨ ᠬᠦᠴᠦᠷᠬᠡᠭ ᠬᠠᠤᠯᠢ ᠶ᠋ᠢᠨ ᠵᠠᠰᠠᠯᠲᠠ ᠳᠡᠯᠡᠬᠡᠢ ᠳᠠᠶᠠᠭᠠᠷ ᠲᠤ᠌ ᠪᠠᠨ ᠲᠤᠭ ᠪᠢᠯᠡ ᠠ᠋!
ᠪᠢᠳᠡᠨ — ᠲᠠᠪᠤᠨ ᠲᠢᠪ ᠲᠦ᠍ ᠳᠠᠭᠤᠷᠢᠰᠤᠭᠰᠠᠨ ᠠᠰᠤᠷᠤ ᠲᠣᠮᠣ ᠲᠥᠷᠥ ᠲᠡᠢ ᠪᠢᠯᠡ
ᠪᠢᠳᠡᠨ — ᠲᠠᠪᠤᠨ ᠡᠷᠳᠡᠨᠢ ᠪᠡᠯᠴᠢᠭᠰᠡᠨ ᠥᠩᠰᠢᠭ ᠨᠣᠮᠢᠨ ᠨᠤᠲᠤᠭ ᠲᠠᠢ ᠪᠢᠯᠡ
ᠪᠢᠳᠡᠨ — ᠲᠠᠪᠤᠨ ᠲᠠᠷᠢᠶᠠ ᠬᠠᠯᠢᠭᠤᠷᠠᠭᠰᠠᠨ ᠨᠠᠯᠠᠭᠠᠷ ᠠᠭᠤᠳᠠᠮ ᠭᠠᠵᠠᠷ ᠲᠠᠢ ᠪᠢᠯᠡ
ᠪᠢᠳᠡᠨ — ᠲᠠᠪᠤᠨ ᠲᠢᠪ ᠢ᠋ ᠲᠤᠷᠭᠢᠭᠤᠯᠤᠭᠰᠠᠨ ᠠᠰᠢᠳᠠ ᠶ᠋ᠢᠨ ᠰᠦᠷᠯᠢᠭ ᠨᠠᠮ ᠲᠠᠢ ᠪᠢᠯᠡ ᠠ᠋!
ᠦᠰᠦᠭ ᠬᠠᠲᠠᠵᠤ᠂ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠠᠯᠲᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠭᠦᠩᠭᠠᠷ