ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠵᠢᠩᠬᠢᠨᠢ ᠳᠣᠪᠴᠢ– ᠬᠦᠰᠡᠬᠦᠢ᠂ ᠬᠥᠬᠡᠯᠤᠤ ᠨᠠᠷ –ᠨᠢᠭᠡᠳᠦᠭᠡᠷ ᠪᠤᠳ᠋-ᠡᠷᠬᠢᠮ ᠨᠠᠢᠷᠠᠯᠭᠠᠳᠤ ᠢᠳᠡᠭᠡᠨ ᠤᠮᠳᠠᠭᠠᠨ–5 Идээ ундааны жинхэнэ товч–Хүсэхүй᠂ Хөхлуу нар – 1-р Эрхэм найрлагат итгэн ундаа- 5
29ᠡᠷᠬᠢᠮ ᠨᠠᠢᠷᠠᠯᠭᠠᠳᠤ ᠢᠳᠡᠭᠡᠨ ᠤᠮᠳᠠᠭᠠᠨ–5
ᠪᠦᠳᠦᠭᠦᠨ ᠮᠥᠷᠭᠥ ᠵᠢᠭᠠᠰᠤ ᠠᠷᠪᠠ ᠶ᠋ᠢ ᠠᠷᠠᠰᠤ ᠶᠠᠰᠤ ᠲᠣᠯᠣᠭᠠᠢ ᠰᠡᠭᠦᠯ ᠢ᠋ ᠢᠨᠦ ᠠᠪᠴᠤ ᠬᠠᠶᠠᠭᠠᠳ ᠬᠣᠨᠢᠨ ᠰᠡᠭᠦᠯ ᠬᠣᠶᠠᠷ ᠪᠦᠬᠦᠯᠢ ᠯᠦ᠍ᠭᠡ ᠬᠠᠮᠲᠤ ᠳ᠋ᠤ᠌ ᠨᠢ ᠨᠢᠴᠠᠷᠠᠲᠠᠯᠠ ᠬᠡᠷᠴᠢᠯᠬᠢᠯᠡᠨ᠂ ᠨᠣᠢᠲᠠᠨ ᠭᠠ ᠨᠢᠭᠡᠨ ᠯᠠᠩ ᠪᠠ ᠰᠣᠩᠭᠢᠨᠠ ᠬᠣᠶᠠᠷ ᠯᠠᠩ ᠢ᠋ ᠲᠤᠰ ᠪᠦᠷᠢ ᠳ᠋ᠦ᠍ ᠨᠢ ᠨᠠᠷᠢᠨ ᠬᠡᠷᠴᠢᠵᠦ᠂ ᠵᠦᠷᠪᠠᠭ ᠤ᠋ᠨ ᠲᠠᠯᠬᠠ ᠭᠤᠷᠪᠠᠨ ᠴᠢᠨ᠂ ᠨᠠᠯᠢᠱᠠᠮ ᠤ᠋ᠨ ᠲᠠᠯᠬᠠ ᠨᠢᠭᠡᠨ ᠯᠠᠩ᠂ ᠬᠠᠰᠢᠨᠢ (ᠰᠢᠩᠭᠦᠨ) ᠬᠣᠶᠠᠷ ᠴᠢᠨ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠳᠠᠪᠤᠰᠤ ᠲᠠᠢ ᠨᠠᠢᠷᠠᠭᠤᠯᠤᠭᠠᠳ ᠵᠢᠭᠠᠰᠤᠨ ᠮᠢᠬᠠ ᠲᠠᠢ ᠪᠠᠨ ᠲᠡᠭᠰᠢᠬᠡᠨ ᠵᠢᠭᠤᠷᠠᠵᠤ᠂ ᠪᠥᠮᠪᠥᠯᠢᠭ ᠪᠣᠯᠭᠠᠨ ᠪᠦᠮᠪᠦᠯᠢᠭ᠌ᠳᠡᠵᠤ ᠦᠷᠡᠰ ᠦ᠋ᠨ ᠲᠣᠰᠣᠨ ᠳ᠋ᠤᠷ ᠪᠤᠴᠠᠯᠭᠠᠮᠤᠢ᠃
ᠴᠠᠴᠤᠭᠲᠤ ᠲᠠᠬᠢᠶᠠ ᠶ᠋ᠢᠨ ᠵᠣᠭᠣᠰᠢ
ᠲᠠᠬᠢᠶᠠ ᠠᠷᠪᠠ ᠶ᠋ᠢ ᠴᠢᠨᠠᠵᠤ ᠪᠣᠯᠭᠣᠭᠠᠳ ᠬᠡᠰᠡᠭᠯᠡᠨ ᠬᠡᠷᠴᠢᠵᠦ᠂ ᠬᠣᠨᠢᠨ ᠤ᠋ ᠭᠦᠵᠡᠭᠡ ᠠᠭᠤᠰᠬᠢ ᠲᠤᠰ ᠪᠦᠷᠢ ᠨᠢᠭᠡ ᠶ᠋ᠢ ᠪᠣᠯᠭᠣᠭᠠᠳ ᠮᠥᠨ ᠬᠡᠷᠴᠢᠵᠦ᠂ ᠨᠣᠢᠲᠠᠨ ᠭᠠ ᠳᠥᠷᠪᠡᠨ ᠯᠠᠩ ᠢ᠋ ᠬᠡᠷᠴᠢᠨ᠂ ᠰᠢᠷᠠ ᠯᠤᠤᠪᠠᠩ ᠠᠷᠪᠠ ᠶ᠋ᠢ ᠬᠡᠷᠴᠢᠨ᠂ ᠲᠠᠬᠢᠶᠠᠨ ᠥᠨᠳᠡᠭᠡ ᠬᠣᠷᠢ ᠶ᠋ᠢ ᠬᠤᠢᠮᠠᠭ ᠬᠠᠭᠠᠷᠢᠭᠠᠳ ᠬᠤᠸᠠᠷᠯᠢᠭ ᠶᠠᠩᠵᠤ ᠲᠠᠢ ᠪᠣᠯᠭᠠᠨ ᠪᠠᠵᠠᠭᠠᠵᠤ᠂ ᠤᠯᠠᠭᠠᠨ ᠦᠨᠳᠦᠰᠦᠲᠦ ᠦᠨᠦᠷᠲᠦ ᠨᠣᠭᠣᠭᠠ ᠶ᠋ᠢ ᠵᠢᠵᠢᠭᠯᠡᠨ ᠬᠡᠮᠬᠡᠴᠢᠨ᠂ ᠡᠩᠭᠡᠰᠬᠡ ᠵᠦᠷᠦᠷᠠ ᠪᠠᠷ ᠪᠣᠳᠣᠭ ᠪᠣᠯᠭᠠᠵᠤ ᠭᠦᠢᠯᠡᠰᠦᠨ ᠨᠦᠳᠦᠮᠡᠯ ᠬᠣᠭᠣᠷᠮᠠᠭ ᠨᠢᠭᠡᠨ ᠵᠢᠩ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠰᠠᠢᠨ ᠮᠢᠬᠠᠨ ᠤ᠋ ᠱᠥᠯᠥ ᠬᠢᠭᠡᠳ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ ᠼᠤᠤ ᠲᠠᠢ ᠨᠠᠢᠷᠠᠭᠤᠯᠤᠮᠤᠢ᠃
ᠮᠢᠬᠠᠨ ᠪᠣᠭᠣᠷᠰᠣᠭ
ᠬᠣᠨᠢ ᠶ᠋ᠢᠨ ᠬᠠᠷᠠ ᠮᠢᠬᠠ ᠠᠷᠪᠠᠨ ᠵᠢᠩ ᠦ᠋ᠨ ᠥᠭᠡᠬᠦ ᠵᠤᠯᠤᠮᠠ ᠪᠠ ᠰᠢᠷᠪᠥᠰᠥ ᠰᠢᠨᠳᠠᠰᠤ ᠶ᠋ᠢ ᠠᠨᠤ ᠠᠪᠴᠤ ᠬᠠᠶᠠᠭᠠᠳ ᠨᠢᠴᠠᠷᠠᠲᠠᠯᠠ ᠬᠡᠷᠴᠢᠯᠬᠢᠯᠡᠵᠦ᠂ ᠰᠢᠩᠭᠦᠨ ᠭᠤᠷᠪᠠᠨ ᠴᠢᠨ᠂ ᠨᠠᠯᠢᠱᠠᠮ ᠬᠣᠶᠠᠷ ᠯᠠᠩ᠂ ᠪᠢᠪᠢᠯᠢᠩ ᠨᠢᠭᠡᠨ ᠯᠠᠩ᠂ ᠦᠰᠦ᠋ ᠶ᠋ᠢᠨ ᠲᠠᠯᠬᠠ ᠨᠢᠭᠡᠨ ᠯᠠᠩ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠳᠠᠪᠤᠰᠤ ᠲᠠᠢ ᠨᠠᠢᠷᠠᠭᠤᠯᠤᠭᠠᠳ ᠬᠠᠪᠲᠠᠭᠠᠢ ᠪᠣᠭᠣᠷᠰᠣᠭ ᠪᠣᠯᠭᠠᠨ ᠪᠠᠷᠢᠵᠤ ᠦᠷᠡᠰ ᠦ᠋ᠨ ᠲᠣᠰᠣᠨ ᠳ᠋ᠤᠷ ᠬᠢᠵᠦ ᠪᠤᠴᠠᠯᠭᠠᠮᠤᠢ᠃
ᠳᠠᠪᠤᠰᠤᠯᠢᠭ ᠭᠡᠳᠡᠰᠦ
ᠬᠣᠨᠢᠨ ᠤ᠋ ᠥᠯᠥᠨ ᠭᠡᠳᠡᠰᠦ ᠶ᠋ᠢ ᠤᠰᠤᠨ ᠳ᠋ᠤᠷ ᠴᠡᠪᠡᠷᠯᠡᠨ ᠤᠬᠢᠶᠠᠮᠤᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠢ᠋ ᠳᠠᠪᠤᠰᠤ ᠲᠠᠢ ᠲᠡᠭᠰᠢᠬᠡᠨ ᠬᠤᠳᠬᠤᠭᠠᠳ ᠰᠠᠯᠬᠢᠨ ᠦᠵᠡᠭᠦᠯᠵᠦ ᠡᠭᠰᠢᠭᠡᠭᠰᠡᠨ ᠦ᠌ ᠳᠠᠷᠠᠭᠠ ᠦᠷᠡᠰ ᠦ᠋ᠨ ᠲᠤᠰᠤᠨᠠ ᠬᠢᠵᠦ ᠪᠤᠴᠠᠯᠭᠠᠮᠤᠢ᠃
ᠬᠣᠨᠢᠨ ᠲᠠᠷᠢᠬᠢ ᠶ᠋ᠢᠨ ᠵᠤᠭᠤᠰᠢ
ᠪᠣᠯᠭᠣᠭᠰᠠᠨ ᠬᠣᠨᠢᠨ ᠲᠣᠯᠣᠭᠠᠢ ᠬᠣᠶᠠᠷ ᠢ᠋ ᠨᠢᠮᠭᠡᠨ ᠬᠡᠷᠴᠢᠵᠦ᠂ ᠲᠠᠬᠢᠶᠠᠨ ᠥᠨᠳᠡᠭᠡ ᠬᠣᠷᠢ ᠶ᠋ᠢ ᠪᠣᠯᠭᠣᠭᠠᠨᠠ᠃
ᠳᠡᠭᠡᠷᠡᠬᠢ ᠵᠦᠢᠯ ᠢ᠋ ᠣᠯᠠᠨ ᠲᠥᠷᠥᠯ ᠦ᠋ᠨ ᠲᠦᠭᠦᠬᠡᠢ ᠨᠣᠭᠣᠭᠠ ᠶ᠋ᠢᠨ ᠬᠠᠮᠲᠤ ᠬᠠᠪᠲᠠᠭᠠᠢ ᠪᠣᠭᠣᠷᠰᠣᠭ ᠲᠤᠷ ᠣᠷᠢᠶᠠᠵᠤ ᠢᠳᠡᠮᠦᠢ᠃
ᠰᠢᠷᠠ ᠭᠠ ᠶ᠋ᠢᠨ ᠵᠢᠭᠠᠰᠤ
ᠮᠥᠷᠭᠥ ᠵᠢᠭᠠᠰᠤ ᠠᠷᠪᠠ ᠶ᠋ᠢᠨ ᠠᠷᠠᠰᠤ ᠬᠠᠢᠷᠰᠤ ᠶ᠋ᠢ ᠠᠨᠤ ᠠᠷᠢᠯᠭᠠᠨ᠂ ᠴᠠᠭᠠᠨ ᠭᠤᠯᠢᠷ ᠬᠣᠶᠠᠷ ᠵᠢᠩ᠂ ᠪᠤᠷᠴᠠᠭ ᠤ᠋ᠨ ᠭᠤᠯᠢᠷ ᠨᠢᠭᠡ ᠵᠢᠩ᠂ ᠦᠰᠦ᠋ ᠶ᠋ᠢᠨ ᠲᠠᠯᠬᠠ ᠬᠣᠶᠠᠷ ᠯᠠᠩ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠳᠠᠪᠤᠰᠤ ᠪᠠ ᠪᠠᠭᠰᠤᠷᠭᠠ ᠪᠠᠷ ᠬᠤᠳᠬᠤᠵᠤ ᠵᠢᠭᠤᠷᠠᠭᠠᠳ ᠵᠢᠭᠠᠰᠤᠨ ᠳ᠋ᠠᠭᠠᠨ ᠲᠦᠷᠬᠢᠵᠦ᠂ ᠦᠷᠡᠰ ᠦ᠋ᠨ ᠲᠣᠰᠣᠨ ᠳ᠋ᠤᠷ ᠪᠤᠴᠠᠯᠭᠠᠵᠤ ᠪᠣᠯᠭᠣᠮᠤᠢ᠃ ᠵᠢᠴᠢ ᠨᠣᠢᠲᠠᠨ ᠭᠠ ᠬᠣᠶᠠᠷ ᠯᠠᠩ ᠢ᠋ ᠨᠠᠷᠢᠨ ᠬᠡᠷᠴᠢᠵᠦ᠂ ᠦᠨᠦᠷᠲᠦ ᠨᠣᠭᠣᠭᠠᠨ ᠤ᠋ ᠨᠠᠪᠴᠢ᠂ ᠡᠩᠭᠡᠰᠬᠡ ᠪᠡᠷ ᠥᠩᠭᠡ ᠪᠣᠳᠣᠭ ᠣᠷᠣᠭᠤᠯᠤᠭᠰᠠᠨ ᠯᠤᠤᠪᠠᠩ ᠤ᠋ᠨ ᠨᠠᠷᠢᠨ ᠰᠢᠷᠬᠡᠭ᠂ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ ᠵᠡᠷᠭᠡ ᠪᠡᠷ ᠨᠠᠢᠷᠠᠭᠤᠯᠤᠮᠤᠢ᠃
ᠭᠠᠯᠠᠭᠤ ᠶ᠋ᠢᠨ ᠮᠢᠬᠠ
ᠭᠠᠯᠠᠭᠤ ᠲᠠᠪᠤ ᠶ᠋ᠢ ᠴᠢᠨᠠᠵᠤ ᠪᠣᠯᠭᠣᠭᠠᠳ ᠬᠡᠰᠡᠭᠯᠡᠨ ᠬᠡᠷᠴᠢᠵᠦ᠂ ᠭᠠ ᠶ᠋ᠢᠨ ᠲᠠᠯᠬᠠ ᠬᠠᠭᠠᠰ ᠵᠢᠩ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠰᠠᠢᠨ ᠮᠢᠬᠠᠨ ᠱᠥᠯᠥ ᠪᠠ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ᠂ ᠳᠠᠪᠤᠰᠤ ᠯᠤᠭᠠ ᠨᠠᠢᠷᠠᠭᠤᠯᠤᠮᠤᠢ᠃
ᠭᠠ ᠶ᠋ᠢᠨ ᠨᠠᠢᠷᠠᠯᠭᠠ ᠪᠦᠬᠦᠢ ᠭᠠᠬᠠᠢ ᠶ᠋ᠢᠨ ᠲᠣᠯᠣᠭᠠᠢ
ᠭᠠᠬᠠᠢ ᠶ᠋ᠢᠨ ᠲᠣᠯᠣᠭᠠᠢ ᠬᠣᠶᠠᠷ ᠢ᠋ ᠤᠬᠢᠶᠠᠵᠤ ᠴᠡᠪᠡᠷᠯᠡᠭᠡᠳ ᠮᠢᠬᠠ ᠶ᠋ᠢ ᠬᠡᠰᠡᠭᠯᠡᠨ ᠬᠡᠷᠴᠢᠵᠦ᠂ ᠵᠦᠷᠪᠠᠭ ᠬᠣᠶᠠᠷ ᠴᠢᠨ ᠢ᠋ ᠳᠣᠲᠣᠷᠠᠬᠢ ᠴᠠᠭᠠᠨ ᠢ᠋ ᠠᠪᠴᠤ ᠬᠠᠶᠠᠨ᠂ ᠭᠠᠮᠠᠷ ᠬᠣᠶᠠᠷ ᠴᠢᠨ᠂ ᠶᠸᠷᠮᠠ ᠬᠣᠶᠠᠷ ᠴᠢᠨ᠂ ᠰᠢᠩᠼᠠ ᠬᠣᠶᠠᠷ ᠴᠢᠨ᠂ ᠭᠠᠭᠤᠯᠠ ᠲᠠᠪᠤᠨ ᠪᠦᠬᠦᠯᠢ᠂ ᠦᠷᠡᠰ ᠦ᠋ᠨ ᠲᠣᠰᠣ ᠨᠢᠭᠡ ᠵᠢᠩ᠂ ᠪᠠᠯ ᠬᠠᠭᠠᠰ ᠵᠢᠩ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤᠨᠢ ᠪᠤᠴᠠᠯᠭᠠᠨ ᠪᠣᠯᠭᠣᠭᠰᠠᠨ ᠤ᠋ ᠬᠣᠢᠨᠠ ᠭᠠᠢᠮᠤ ᠶ᠋ᠢᠨ ᠲᠠᠯᠬᠠ᠂ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ ᠪᠠ ᠼᠤᠤ ᠳᠠᠪᠤᠰᠤ ᠬᠢᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠱᠣᠰᠧᠷᠮᠧᠳᠣᠭ ᠪᠦᠬᠦᠢ ᠬᠣᠨᠢᠨ ᠮᠢᠬᠠ
ᠴᠡᠪᠡᠷ ᠬᠣᠨᠢᠨ ᠮᠢᠬᠠ ᠠᠷᠪᠠᠨ ᠵᠢᠩ ᠢ᠋ ᠴᠢᠨᠠᠵᠤ ᠪᠣᠯᠭᠣᠭᠠᠳ ᠵᠢᠵᠢᠭ ᠬᠡᠮᠬᠡ ᠶ᠋ᠢᠨ ᠬᠢᠷᠢᠲᠡᠢ ᠬᠡᠷᠴᠢᠵᠦ᠂ ᠶᠸᠷᠮᠠ ᠨᠢᠭᠡᠨ ᠯᠠᠩ᠂ ᠱᠣᠰᠧᠷᠮᠧᠳᠣᠭ ᠬᠠᠭᠠᠰ ᠵᠢᠩ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠪᠠᠭᠰᠤᠷᠭᠠ ᠨᠢᠭᠡᠨ ᠯᠠᠩ ᠤ᠋ᠨ ᠬᠠᠮᠲᠤ ᠳᠠᠪᠤᠰᠤ ᠬᠢᠵᠦ ᠲᠡᠭᠰᠢᠬᠡᠨ ᠬᠤᠳᠬᠤᠵᠤ ᠨᠠᠢᠷᠠᠭᠤᠯᠤᠮᠤᠢ᠃
ᠰᠢᠯᠵᠠᠯᠠᠭᠰᠠᠨ ᠬᠣᠨᠢᠨ ᠲᠣᠯᠣᠭᠠᠢ
ᠬᠣᠨᠢᠨ ᠲᠣᠯᠣᠭᠠᠢ ᠲᠠᠪᠤ ᠶ᠋ᠢ ᠴᠢᠨᠠᠵᠤ ᠪᠣᠯᠭᠣᠭᠠᠳ ᠮᠢᠬᠠ ᠶ᠋ᠢ ᠠᠨᠤ ᠱᠤᠯᠤᠵᠤ ᠠᠪᠴᠤ ᠬᠡᠷᠴᠢᠵᠦ᠂ ᠭᠠ ᠶ᠋ᠢᠨ ᠲᠠᠯᠬᠠ ᠳᠥᠷᠪᠡᠨ ᠯᠠᠩ᠂ ᠨᠠᠯᠢᠱᠠᠮ ᠨᠢᠭᠡᠨ ᠯᠠᠩ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠰᠠᠢᠨ ᠮᠢᠬᠠᠨ ᠱᠥᠯᠥ ᠪᠠ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ᠂ ᠳᠠᠪᠤᠰᠤ ᠼᠤᠤ ᠲᠠᠢ ᠨᠠᠢᠷᠠᠭᠤᠯᠤᠮᠤᠢ᠃
ᠰᠢᠯᠵᠠᠯᠠᠭᠰᠠᠨ ᠦᠬᠡᠷ ᠦ᠋ᠨ ᠰᠢᠭᠢᠷᠡ
ᠦᠬᠡᠷ ᠦ᠋ᠨ ᠰᠢᠭᠢᠷᠡ ᠳᠥᠷᠪᠡ ᠶ᠋ᠢ ᠰᠢᠯᠵᠠᠷᠠᠲᠠᠯᠠ ᠴᠢᠨᠠᠵᠤ᠂ ᠭᠠ ᠶ᠋ᠢᠨ ᠲᠠᠯᠬᠠ ᠬᠣᠶᠠᠷ ᠯᠠᠩ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠰᠠᠢᠨ ᠮᠢᠬᠠᠨ ᠱᠥᠯᠥ ᠪᠣᠯᠤᠨ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ ᠳᠠᠪᠤᠰᠤ ᠯᠤᠭᠠ ᠨᠠᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠮᠢᠬᠠ ᠪᠠ ᠰᠡᠭᠦᠯ ᠦ᠋ᠨ ᠢᠳᠡᠭᠡᠨ
ᠬᠣᠨᠢᠨ ᠮᠢᠬᠠ ᠨᠢᠭᠡ ᠮᠥᠴᠢ ᠪᠣᠯᠤᠨ ᠯᠤᠤᠪᠠᠩ ᠬᠣᠶᠠᠷ ᠢ᠋ ᠪᠣᠯᠭᠣᠭᠠᠳ ᠨᠠᠷᠢᠨ ᠬᠡᠷᠴᠢᠨ᠂ ᠬᠣᠨᠢᠨ ᠰᠡᠭᠦᠯ ᠨᠢᠭᠡ ᠶ᠋ᠢ ᠪᠣᠯᠭᠣᠭᠠᠳ ᠮᠥᠨ ᠬᠡᠷᠴᠢᠵᠦ᠂ ᠬᠠᠹᠤᠷ ᠬᠣᠶᠠᠷ ᠴᠢᠨ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠰᠠᠢᠨ ᠮᠢᠬᠠᠨ ᠱᠥᠯᠥ ᠪᠠ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ ᠯᠤᠭᠠ ᠨᠠᠢᠷᠠᠭᠤᠯᠤᠮᠤᠢ᠃
(ᠳᠡᠭᠡᠷᠡ ᠪᠢᠴᠢᠭᠰᠡᠨ ᠬᠠᠹᠤᠷ ᠭᠡᠳᠡᠭ ᠨᠢ ᠶᠠᠭᠤ ᠶ᠋ᠢ ᠬᠡᠯᠡᠭᠰᠡᠨ ᠢ᠋ ᠮᠡᠳᠡᠬᠦ ᠦᠭᠡᠢ᠃ ᠡᠰᠡᠬᠦᠯᠡ ᠭᠠᠪᠤᠷ ᠢ᠋ ᠵᠢᠭᠠᠭᠰᠠᠨ ᠪᠤᠶᠤ)
ᠬᠣᠨᠢᠨ ᠡᠯᠢᠭᠡ ᠶ᠋ᠢᠨ ᠢᠳᠡᠭᠡᠨ
ᠬᠣᠨᠢᠨ ᠡᠯᠢᠭᠡ ᠨᠢᠭᠡ ᠶ᠋ᠢ ᠤᠰᠤᠨ ᠳ᠋ᠤᠷ ᠳᠡᠪᠲᠦᠭᠡᠭᠡᠳ ᠨᠠᠷᠢᠨ ᠬᠡᠷᠴᠢᠨ᠂ ᠨᠣᠢᠲᠠᠨ ᠭᠠ ᠳᠥᠷᠪᠡᠨ ᠯᠠᠩ ᠪᠠ ᠯᠤᠤᠪᠠᠩ ᠬᠣᠶᠠᠷ ᠢ᠋ ᠲᠤᠰ ᠪᠦᠷᠢ ᠳ᠋ᠦ᠍ ᠨᠢ ᠨᠠᠷᠢᠨ ᠰᠢᠷᠬᠡᠭ ᠪᠣᠯᠭᠠᠨ ᠬᠡᠷᠴᠢᠵᠦ᠂ ᠠᠮᠲᠠᠲᠤ ᠨᠣᠭᠣᠭᠠ ᠵᠢᠴᠢ ᠰᠢᠯᠮᠢ ᠲᠤᠰ ᠪᠦᠷᠢ ᠬᠣᠶᠠᠷ ᠯᠠᠩ ᠢ᠋ ᠮᠥᠨ ᠨᠠᠷᠢᠨ ᠰᠢᠷᠬᠡᠭ ᠬᠡᠷᠴᠢᠮᠦᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠳᠠᠪᠤᠰᠤ᠂ ᠼᠤᠤ ᠭᠠᠢᠮᠤ ᠶ᠋ᠢᠨ ᠲᠠᠯᠬᠠ ᠯᠤᠭᠠ ᠨᠠᠢᠷᠠᠭᠤᠯᠤᠮᠤᠢ᠃
ᠮᠣᠷᠢᠨ ᠤ᠋ ᠭᠡᠳᠡᠰᠦ
ᠮᠣᠷᠢᠨ ᠤ᠋ ᠭᠡᠳᠡᠰᠦ ᠨᠢᠭᠡ ᠪᠦᠬᠦᠯᠢ ᠶ᠋ᠢ ᠴᠢᠨᠠᠵᠤ᠂ ᠪᠣᠯᠭᠣᠭᠠᠳ ᠨᠠᠷᠢᠨ ᠬᠡᠷᠴᠢᠨ᠂ ᠭᠠᠢᠮᠤ ᠶ᠋ᠢᠨ ᠲᠠᠯᠬᠠ ᠬᠠᠭᠠᠰ ᠵᠢᠩ᠃ ᠭᠡᠳᠡᠰᠦᠨ ᠳ᠋ᠦ᠍ᠷ ᠴᠢᠰᠤ ᠴᠢᠳᠬᠤᠬᠤ ᠳ᠋ᠤ᠌ ᠪᠠᠨ ᠳᠡᠯᠢᠭᠦᠦ ᠪᠠ ᠥᠭᠡᠬᠦ ᠶ᠋ᠢᠨ ᠬᠠᠮᠲᠤ ᠬᠡᠷᠴᠢᠯᠭᠡᠯᠡᠭᠡᠳ ᠴᠢᠳᠬᠤᠵᠤ ᠴᠢᠨᠠᠵᠤ ᠪᠤᠯᠭᠤᠮᠤᠢ᠃ ᠵᠢᠴᠢ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ᠂ ᠳᠠᠪᠤᠰᠤ᠂ ᠼᠤᠤ ᠪᠠ ᠭᠠᠢᠮᠤ ᠶ᠋ᠢᠨ ᠲᠠᠯᠬᠠ ᠯᠤᠭᠠ ᠨᠠᠢᠷᠠᠭᠤᠯᠵᠤ ᠢᠳᠡᠮᠦᠢ᠃
ᠬᠠᠯᠪᠢᠨᠢ ᠶ᠋ᠢ ᠲᠣᠰᠣᠨ ᠳ᠋ᠤᠷ ᠪᠤᠴᠠᠯᠭᠠᠬᠤ
ᠬᠠᠯᠪᠢᠨᠢ ᠬᠣᠶᠠᠷ ᠢ᠋ ᠰᠠᠯᠭᠠᠵᠤ᠂ ᠲᠤᠰ ᠪᠦᠷᠢ ᠨᠢᠭᠡᠨ ᠬᠡᠰᠡᠭ ᠪᠣᠯᠭᠠᠨ ᠰᠢᠩᠭᠦᠨ ᠨᠢᠭᠡ ᠴᠢᠨ᠂ ᠰᠣᠩᠭᠢᠨᠠ᠂ ᠨᠢᠭᠡᠨ ᠴᠢᠨ ᠢ᠋ ᠨᠠᠷᠢᠨ ᠬᠡᠷᠴᠢᠮᠦᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠳᠠᠪᠤᠰᠤ ᠲᠠᠢ ᠬᠠᠮᠲᠤ ᠬᠤᠳᠬᠤᠵᠤ ᠤᠳᠠᠰᠬᠢᠭᠡᠳ ᠦᠷᠡᠰ ᠦ᠋ᠨ ᠲᠣᠰᠣᠨ ᠳ᠋ᠤᠷ ᠪᠤᠴᠠᠯᠭᠠᠨ ᠪᠣᠯᠭᠣᠮᠤᠢ᠃ ᠳᠠᠷᠠᠭᠠ ᠠᠨᠤ ᠭᠦᠷᠭᠦᠮ ᠬᠣᠶᠠᠷ ᠴᠢᠨ ᠢ᠋ ᠳᠡᠪᠲᠦᠭᠡᠭᠡᠳ ᠰᠥᠮᠥᠰᠦ ᠶ᠋ᠢ ᠠᠪᠴᠤ᠂ ᠵᠢᠴᠢ ᠪᠠᠭᠰᠤᠷᠭᠠ ᠪᠠ ᠦᠨᠦᠷᠲᠦ ᠨᠣᠭᠣᠭᠠ ᠶ᠋ᠢᠨ ᠲᠠᠯᠬᠠ ᠶ᠋ᠢ ᠬᠢᠵᠦ ᠨᠠᠢᠷᠠᠭᠤᠯᠳ ᠢᠳᠡᠮᠦᠢ᠃ (ᠬᠠᠯᠪᠢᠨᠢ ᠵᠢᠭᠠᠰᠤ ᠪᠣᠯ ᠠᠮᠲᠠᠯᠢᠭ ᠠᠮᠲᠠᠲᠠᠢ᠂ ᠲᠡᠭᠰᠢ ᠴᠢᠨᠠᠷ ᠲᠠᠢ᠂ ᠬᠣᠣᠷ ᠦᠭᠡᠢ᠃ ᠡᠨᠡ ᠢᠨᠦ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠬᠤ᠂ ᠢᠯᠡᠭᠦᠦ ᠢᠳᠡᠪᠡᠯ ᠬᠡᠢ ᠶ᠋ᠢ ᠬᠥᠳᠡᠯᠭᠡᠮᠦᠢ ᠭᠡᠮᠡᠨ ᠯᠢ ᠱᠢ ᠵᠧᠨ ᠦ᠌ ᠡᠪᠡᠰᠦᠨ ᠡᠮ ᠦ᠋ᠨ ᠲᠣᠪᠴᠢ ᠳ᠋ᠤᠷ ᠲᠡᠮᠳᠡᠭᠯᠡᠵᠦ ᠪᠣᠢ᠃ )
ᠬᠣᠨᠢᠨ ᠰᠢᠭᠢᠷᠡ ᠲᠡᠢ ᠱᠧᠰᠧ
ᠬᠣᠨᠢᠨ ᠰᠢᠭᠢᠷᠡ (ᠲᠠᠪᠤᠨ ᠬᠣᠨᠢᠨ ᠤ᠋) ᠶ᠋ᠢ ᠤᠬᠢᠶᠠᠵᠤ ᠴᠡᠪᠡᠷᠯᠡᠨ᠂ ᠰᠢᠯᠵᠢᠷᠡᠲᠡᠯᠡ ᠴᠢᠨᠠᠵᠤ ᠪᠣᠯᠭᠣᠭᠠᠳ ᠬᠡᠰᠡᠭᠯᠡᠨ ᠬᠡᠷᠴᠢᠵᠦ᠂ ᠭᠠ ᠶ᠋ᠢᠨ ᠲᠠᠯᠬᠠ ᠨᠢᠭᠡᠨ ᠯᠠᠩ᠂ ᠪᠠᠭᠰᠤᠷᠭᠠ ᠲᠠᠪᠤᠨ ᠴᠢᠨ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠦ᠋ᠨ ᠳᠣᠲᠣᠷᠠ ᠭᠤᠯᠢᠷ ᠤ᠋ᠨ ᠱᠧᠰᠧ ᠬᠢᠵᠦ᠂ ᠵᠢᠴᠢ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ ᠪᠠ ᠼᠤᠤ ᠳᠠᠪᠤᠰᠤ ᠨᠡᠮᠡᠵᠦ ᠨᠡᠢᠯᠡᠭᠦᠯᠦᠨ ᠨᠠᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠲᠣᠯᠣᠭᠠᠢ ᠶ᠋ᠢᠨ ᠱᠧᠰᠧ
ᠬᠣᠨᠢᠨ ᠲᠣᠯᠣᠭᠠᠢ ᠬᠣᠶᠠᠷ ᠢ᠋ ᠤᠬᠢᠶᠠᠨ ᠴᠡᠪᠡᠷᠯᠡᠵᠦ ᠴᠢᠨᠠᠵᠤ ᠵᠥᠭᠡᠯᠡᠷᠡᠭᠦᠯᠦᠭᠡᠳ ᠬᠡᠰᠡᠭᠯᠡᠨ ᠬᠡᠷᠴᠢᠨ᠂ ᠭᠠ ᠶ᠋ᠢᠨ ᠲᠠᠯᠬᠠ ᠬᠣᠶᠠᠷ ᠯᠠᠩ᠂ ᠪᠠᠭᠰᠤᠷᠭᠠ ᠲᠠᠪᠤᠨ ᠴᠢᠨ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠭᠤᠯᠢᠷ ᠤ᠋ᠨ ᠱᠧᠰᠧ ᠶ᠋ᠢᠨ ᠬᠠᠮᠲᠤ ᠰᠠᠢᠨ ᠮᠢᠬᠠᠨ ᠱᠥᠯᠦᠨ ᠳ᠋ᠦ᠍ᠷ ᠪᠣᠯᠭᠣᠭᠠᠳ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ ᠪᠠ ᠳᠠᠪᠤᠰᠤ ᠼᠤᠤ ᠲᠠᠢ ᠨᠠᠢᠷᠠᠭᠤᠯᠤᠮᠤᠢ᠃
ᠵᠢᠭᠠᠰᠤᠨ ᠬᠢᠮᠠ
ᠰᠢᠨᠡ ᠮᠥᠷᠭᠥ ᠵᠢᠭᠠᠰᠤ ᠲᠠᠪᠤ ᠶ᠋ᠢ ᠠᠷᠠᠰᠤ ᠶᠠᠰᠤ ᠪᠠ ᠲᠣᠯᠣᠭᠠᠢ ᠰᠡᠭᠦᠯ ᠢ᠋ ᠢᠨᠦ ᠠᠪᠴᠤ ᠬᠠᠶᠠᠨ᠂ ᠨᠣᠢᠲᠠᠨ ᠭᠠ ᠬᠣᠶᠠᠷ ᠯᠠᠩ᠂ ᠯᠤᠤᠪᠠᠩ ᠬᠣᠶᠠᠷ ᠪᠦᠬᠦᠯᠢ᠂ ᠰᠣᠩᠭᠢᠨᠠ ᠨᠢᠭᠡᠨ ᠯᠠᠩ᠂ ᠦᠨᠦᠷᠲᠦ ᠨᠣᠭᠣᠭᠠ᠂ ᠰᠢᠯᠮᠢ ᠵᠡᠷᠭᠡ ᠶ᠋ᠢ ᠲᠤᠰ ᠪᠦᠷᠢ ᠳ᠋ᠦ᠍ᠨᠢ ᠨᠠᠷᠢᠨ ᠬᠡᠷᠴᠢᠭᠡᠳ ᠡᠩᠭᠡᠰᠬᠡ ᠪᠡᠷ ᠪᠣᠳᠣᠭ ᠣᠷᠣᠭᠤᠯᠤᠮᠤᠢ᠃
ᠲᠣᠰᠣ ᠪᠠᠷ ᠪᠣᠯᠭᠣᠬᠤ ᠳ᠋ᠠᠭᠠᠨ ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠦ᠋ᠨ ᠳᠡᠭᠡᠷᠡ ᠭᠠᠢᠮᠤ ᠶ᠋ᠢᠨ ᠲᠠᠯᠬᠠ ᠪᠠ ᠬᠠᠭᠤᠷᠤᠭᠰᠠᠨ ᠳᠠᠪᠤᠰᠤ ᠼᠤᠤ ᠬᠢᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠤᠯᠠᠭᠠᠨ ᠰᠢᠷᠬᠡᠭ
ᠬᠣᠨᠢᠨ ᠴᠢᠰᠤ ᠶ᠋ᠢ ᠴᠠᠭᠠᠨ ᠭᠤᠯᠢᠷ ᠤ᠋ᠨ ᠬᠠᠮᠲᠤ ᠬᠢᠬᠦ ᠠᠷᠭᠠ ᠪᠠᠷ ᠴᠢᠨᠠᠵᠤ ᠪᠣᠯᠭᠣᠨ ᠨᠣᠢᠲᠠᠨ ᠭᠠ ᠳᠥᠷᠪᠡᠨ ᠯᠠᠩ᠂ ᠯᠤᠤᠪᠠᠩ ᠨᠢᠭᠡᠨ ᠪᠦᠬᠦᠯᠢ᠂ ᠦᠨᠦᠷᠲᠦ ᠨᠣᠭᠣᠭᠠ᠂ ᠰᠢᠯᠮᠢ ᠵᠡᠷᠭᠡ ᠶ᠋ᠢ ᠲᠤᠰ ᠪᠦᠷᠢ ᠳ᠋ᠦ᠍ᠨᠢ ᠨᠠᠷᠢᠨ ᠬᠡᠷᠴᠢᠮᠦᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠳᠠᠪᠤᠰᠤ ᠼᠤᠤ ᠪᠠ ᠭᠠᠢᠮᠤ ᠶ᠋ᠢᠨ ᠲᠠᠯᠬᠠ ᠲᠠᠢ ᠨᠠᠢᠷᠠᠭᠤᠯᠤᠮᠤᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠭᠠᠸᠠ
ᠬᠢᠨᠠᠭᠴᠢ ᠄ ᠲᠤᠭᠴᠢ ᠰᠠᠷᠠᠨᠠ