ᠬᠠᠩᠰᠢ ᠶ᠋ᠢᠨ ᠡᠳᠦᠷ -ᠭ᠂ ᠰᠡᠢᠨᠡ Khansiin ödör-G,SainaХансийн өдөр-Г,Сайна
666ᠬᠠᠩᠰᠢ ᠶ᠋ᠢᠨ ᠡᠳᠦᠷ
ᠵᠣᠬᠢᠶᠠᠭᠴᠢ᠄ ᠭ᠂ ᠰᠡᠢᠨᠡ
ᠤᠶᠠᠩᠭᠠᠯᠠᠭᠴᠢ᠄ᠣᠢᠷᠮᠡᠰ᠂ ᠴᠢᠯᠠᠭᠤᠨᠪᠠᠭᠠᠲᠤᠷ
ᠬᠠᠪᠤᠷ ᠬᠠᠪᠤᠷ ᠤ᠋ᠨ ᠡᠨᠡ ᠡᠳᠦᠷ
ᠬᠠᠮᠠᠷ ᠤ᠋ᠨ ᠦᠵᠦᠭᠦᠷ ᠱᠠᠷᠬᠢᠷᠠᠳᠠᠭ
ᠬᠠᠢᠷᠠ ᠪᠠᠢᠭᠰᠠᠨ ᠤ᠋ ᠬᠢ
ᠬᠠᠩᠰᠢ ᠬᠠᠩᠰᠢ ᠶ᠋ᠢᠨ ᠡᠨᠡ ᠡᠳᠦᠷ
ᠬᠠᠮᠤᠭ ᠤ᠋ᠨ ᠳᠤᠯᠠᠭᠠᠨ ᠰᠠᠨᠠᠭᠳᠠᠳᠠᠭ
ᠬᠠᠪᠤᠷ ᠪᠣᠯᠤᠭᠰᠠᠨ ᠤ᠋ ᠬᠢ
ᠬᠠᠩᠰᠢᠨ ᠳ᠋ᠤ᠌ ᠬᠠᠪᠤᠷ ᠤᠷᠭᠤᠳᠠᠭ ᠶᠤᠮ
ᠬᠠᠪᠤᠷ ᠬᠠᠩᠰᠢᠨ ᠳ᠋ᠤ᠌ ᠴᠡᠴᠡᠭᠯᠡᠳᠡᠭ ᠶᠦ᠍ᠮ
ᠪᠠᠢᠬᠤ ᠦᠭᠡᠢ ᠪᠣᠯᠣᠭᠰᠠᠳ ᠢ᠋
ᠪᠠᠢᠨᠠ ᠭᠡᠵᠦ ᠪᠣᠳᠣᠭᠠᠳ ᠣᠴᠢᠳᠠᠭ
ᠪᠣᠳᠣᠯ ᠤ᠋ᠨ ᠰᠤᠷ ᠲᠠᠰᠤᠷᠬᠠᠢ
ᠢᠷᠡᠬᠦ ᠦᠭᠡᠢ ᠶᠠᠪᠤᠭᠰᠠᠳ ᠢ
ᠢᠷᠡᠨᠡ ᠭᠡᠵᠦ ᠢᠲᠡᠭᠡᠭᠡᠳ ᠬᠦᠷᠳᠡᠭ
ᠢᠲᠡᠭᠡᠯ ᠦ᠋ᠨ ᠢᠷ ᠡᠮᠲᠡᠷᠬᠡᠢ
ᠮᠥᠩᠬᠡ ᠶ᠋ᠢᠨ ᠷᠠᠰᠢᠶᠠᠨ ᠪᠠᠢᠳᠠᠭ ᠦᠭᠡᠢ ᠶᠦ᠍ᠮ
ᠮᠥᠷᠥᠭᠡᠳᠦᠯ ᠦ᠋ᠨ ᠤᠰᠤᠨ ᠰᠢᠷᠭᠢᠳᠡᠭ ᠦᠭᠡᠢ ᠶᠦ᠍ᠮ
ᠥᠯᠥᠭᠡᠢ ᠠᠪᠰᠠ ᠶ᠋ᠢᠨ ᠬᠣᠭᠣᠷᠣᠨᠳᠣ
ᠦᠰᠦᠲᠦ ᠲᠡᠷᠢᠭᠦᠨ ᠦᠷᠭᠦᠯᠵᠢᠯᠡᠳᠡᠭ ᠢ᠋
ᠥᠨᠥᠳᠥᠷ ᠦᠯᠢᠭᠡᠷ ᠪᠣᠯᠵᠤ ᠥᠭᠦᠯᠡᠨᠡ
ᠦᠨᠡᠨ ᠬᠤᠳᠠᠯ ᠤ᠋ᠨ ᠳᠤᠮᠳᠠᠭᠤᠷ
ᠦᠨᠡᠰᠦ ᠬᠤᠪᠢᠯᠤᠨ ᠥᠩᠭᠡᠷᠡᠳᠡᠭ ᠢ᠋
ᠥᠴᠥᠭᠡᠳᠦᠷ ᠡᠳᠦᠭᠡ ᠳ᠋ᠦ᠍ ᠦᠵᠡᠭᠦᠯᠦᠨᠡ
ᠬᠣᠷᠸᠠ ᠬᠥᠮᠦᠨ ᠢ᠋ ᠦᠬᠦᠭᠦᠯᠳᠡᠭ ᠶᠦ᠍ᠮ
ᠬᠥᠮᠦᠨ ᠬᠣᠷᠸᠠ ᠶ᠋ᠢ ᠮᠥᠩᠬᠡᠷᠡᠭᠦᠯᠳᠡᠭ ᠶᠦ᠍ᠮ
ᠥᠷᠯᠥᠭ ᠳᠡᠭᠡᠳᠦᠰ ᠦ᠋ᠨ ᠪᠤᠩᠬᠤᠨ
ᠥᠭᠦᠯᠡᠪᠦᠷᠢ ᠶ᠋ᠢᠨ ᠳᠠᠪᠬᠤᠷ ᠴᠡᠭ ᠮᠡᠲᠦ
ᠥᠩᠭᠡᠷᠡᠭᠰᠡᠨ ᠢ᠋ᠶ᠋ᠡᠨ ᠬᠤᠷᠢᠶᠠᠵᠤ ᠪᠥᠮᠪᠥᠢᠨᠡ
ᠥᠨᠥᠴᠢᠨ ᠵᠢᠷᠦᠬᠡᠨ ᠦ᠌ ᠨᠢᠯᠪᠤᠰᠤᠨ
ᠥᠷᠪᠥᠰᠬᠢᠨ ᠤᠯᠠᠯᠵᠠᠬᠤ ᠴᠠᠭᠠᠰᠤ ᠲᠠᠢ ᠬᠠᠮᠲᠤ
ᠦᠭᠡᠢᠯᠡᠭᠰᠡᠨ ᠰᠡᠳᠬᠢᠯ ᠢ᠋ᠶ᠋ᠡᠨ ᠠᠷᠭᠠᠳᠠᠨᠠ
ᠠᠯᠲᠠᠨ ᠴᠣᠭᠴᠠᠰ ᠰᠢᠷᠣᠢ ᠬᠤᠪᠢᠯᠳᠠᠭ ᠶᠤᠮ
ᠠᠯᠬᠤᠭᠰᠠᠨ ᠮᠥᠷ ᠰᠢᠭᠤᠢ ᠪᠣᠰᠳᠠᠭ ᠶᠤᠮ ᠃
ᠢᠷᠡᠯᠲᠡ ᠄ ᠮᠢᠨᠦ ᠤᠯᠠᠭᠠᠨᠬᠠᠳᠠ ᠮᠣᠩᠭᠣᠯ ᠪᠢᠴᠢᠭ ᠲᠠᠪᠴᠠᠩ
ᠦᠰᠦᠭ ᠠᠮᠢᠯᠠᠭᠤᠯᠵᠤ ᠬᠠᠲᠠᠭᠰᠠᠨ ᠨᠢ ᠄ ᠭᠠᠸᠠ