ᠠᠮᠢ ᠨᠠᠰᠤᠨ ᠤ᠋ ᠵᠤᠯᠠ ᠶ᠋ᠢ ᠪᠠᠳᠠᠷᠠᠭᠠᠭᠴᠢ-ᠪᠠᠢ ᠭᠠᠩ ᠡᠮᠴᠢ ᠶ᠋ᠢᠨ ᠶᠠᠷᠢᠯᠴᠠᠭᠠАмь насны зулыг бадаргугч-Бай ган эмчийн ярилцаа
402ᠠᠮᠢ ᠨᠠᠰᠤᠨ ᠤ᠋ ᠵᠤᠯᠠ ᠶ᠋ᠢ ᠪᠠᠳᠠᠷᠠᠭᠠᠭᠴᠢ
ᠡᠷᠯᠢᠭ ᠲᠦ᠍ ᠣᠴᠢᠭᠠᠳ ᠡᠷᠯᠢᠭ ᠦ᠋ᠨ ᠬᠠᠭᠠᠨ ᠲᠠᠢ ᠤᠴᠠᠷᠠᠬᠤᠯᠠᠷ ᠡᠷᠯᠢᠭ ᠦ᠋ᠨ ᠬᠠᠭᠠᠨ ᠠᠰᠠᠭᠤᠵᠠᠢ᠄《ᠴᠢ ᠪᠠᠢ ᠭᠠᠩ ᠮᠥᠨ ᠤᠤ?》《ᠪᠢ᠂ ᠪᠠᠢ ᠭᠠᠩ ᠮᠥᠨ ᠠ᠋》《ᠬᠦᠢ᠂ ᠴᠢ ᠴᠢᠨᠢ ᠲᠡᠢᠮᠦ ᠣᠯᠠᠨ ᠬᠥᠮᠦᠨ ᠳ᠋ᠦ᠍ ᠲᠤᠰᠠ ᠬᠢᠭᠡᠳ ᠡᠢᠮᠦ ᠡᠷᠲᠡ ᠶᠠᠭᠠᠬᠢᠭᠠᠳ ᠡᠪᠡᠳᠴᠢᠨ ᠣᠯᠤᠭᠰᠠ ᠪᠣᠢ?》 ᠪᠢ᠄《ᠪᠡᠶᠡ ᠪᠡᠨ ᠠᠰᠠᠷᠠᠭᠰᠠᠨ ᠨᠢ ᠮᠠᠭᠤ ᠲᠡᠭᠡᠭᠡᠳ ᠡᠪᠡᠳᠴᠢᠨ ᠣᠯᠴᠢᠬᠠᠵᠠᠢ》《ᠴᠢ ᠠᠷᠪᠢᠨ ᠬᠥᠮᠦᠨ ᠳ᠋ᠦ᠍ ᠲᠤᠰᠠ ᠬᠢᠭᠡᠭᠡᠳᠦᠢ᠂ ᠦᠬᠦᠬᠦ ᠴᠠᠭ ᠴᠢᠨᠢ ᠲᠤᠯᠤᠭᠠᠳᠤᠢ᠂ ᠡᠭᠦᠷᠭᠡ ᠴᠢᠨᠢ ᠪᠠᠷᠠᠭᠠᠳᠤᠢ ᠡᠷᠭᠢᠭᠡᠳ ᠶᠠᠪᠤ!》 ᠭᠡᠳ ᠪᠤᠬᠤᠷ ᠢ᠋ ᠠᠯᠠᠭᠠᠳᠠᠭᠠᠳ ᠶᠠᠪᠤᠭᠤᠯᠴᠢᠬᠠᠵᠠᠢ᠃
ᠰᠤᠷᠪᠤᠯᠵᠢᠯᠠᠭᠴᠢ᠄ ᠲᠠ ᠴᠢᠨᠢ ᠶᠡᠬᠡ ᠶᠦᠮᠦᠷᠯᠢᠭ ᠬᠥᠮᠦᠨ ᠪᠠᠢᠨᠠ᠂
ᠮᠢᠨᠦ ᠨᠤᠲᠤᠭ ᠪᠣᠯ ᠮᠣᠩᠭᠣᠯᠵᠢᠨ ᠨᠤᠲᠤᠭ ᠲᠠᠢ᠂ ᠴᠠᠬᠠᠷ ᠠᠢᠮᠠᠭ ᠤ᠋ᠨ ᠪᠠᠢ ᠣᠪᠣᠭᠲᠠᠨ᠂ ᠤᠤᠯ ᠤ᠋ᠨ ᠭᠡᠷ ᠦ᠋ᠨ ᠰᠤᠷᠪᠤᠯᠵᠢ ᠶ᠋ᠢ ᠦᠨᠳᠦᠰᠦᠯᠡᠪᠡᠯ ᠪᠢᠳᠡ ᠪᠣᠯ ᠴᠠᠬᠠᠷ ᠤ᠋ᠨ ᠬᠥᠮᠦᠨ᠂ ᠯᠢᠭᠳᠡᠨ ᠬᠠᠭᠠᠨ ᠤ᠋ ᠦᠶᠡᠰ ᠨᠠᠢ᠍ᠮᠠ ᠬᠤᠪᠢᠶᠠᠭᠳᠠᠭᠰᠠᠨ᠂ ᠮᠠᠨ ᠤ᠋ ᠡᠨᠡ ᠰᠠᠯᠠᠭᠠ ᠪᠣᠯ᠂ ᠬᠥᠬᠡᠬᠣᠲᠠ ᠶ᠋ᠢᠨ ᠬᠠᠭᠤᠴᠢᠨ ᠬᠣᠲᠠ ᠠ᠋ᠴᠠ ᠨᠡᠭᠦᠳᠡᠯᠯᠡᠵᠦ ᠢᠷᠡᠭᠰᠡᠨ ᠪᠠᠢᠨᠠ᠂ ᠭᠤᠷᠪᠠᠨ ᠵᠠᠭᠤᠨ ᠣᠨ ᠤ᠋ ᠡᠮᠦᠨᠡ ᠬᠥᠬᠡᠬᠣᠲᠠ ᠶ᠋ᠢᠨ ᠬᠠᠭᠤᠴᠢᠨ ᠬᠣᠲᠠ ᠶ᠋ᠢᠨ ᠱᠠᠮᠪᠠ ᠨᠣᠶᠠᠨ ᠢ᠋ ᠳᠠᠭᠠᠵᠤ ᠭᠠᠷᠴᠤ ᠢᠷᠡᠭᠡᠳ᠂ ᠣᠳᠣ ᠶ᠋ᠢᠨ ᠮᠣᠩᠭᠣᠯᠵᠢᠨ ᠨᠤᠲᠤᠭ ᠲᠤ᠌ ᠨᠤᠲᠤᠭᠯᠠᠵᠠᠢ᠂ ᠪᠠᠷᠤᠭ ᠠᠷᠪᠠᠨ ᠬᠡᠳᠦᠨ ᠦᠶᠡ ᠪᠣᠯᠤᠭᠰᠠᠨ ᠶᠤᠮ ᠪᠠᠢᠨᠠ᠃ ᠮᠢᠨᠦ ᠡᠵᠢ ᠠᠪᠤ ᠪᠣᠯ ᠲᠠᠷᠢᠶᠠᠴᠢᠨ᠂ ᠦᠬᠡᠷ ᠲᠠᠷᠢᠶᠠᠴᠢᠨ᠂ ᠪᠢᠴᠢᠭ ᠦᠵᠡᠭᠰᠡᠨ ᠦᠭᠡᠢ᠂ ᠭᠡᠷ ᠪᠦᠯᠢ ᠳᠣᠲᠣᠷᠠ ᠪᠣᠯᠪᠠᠯ᠂ ᠮᠢᠨᠦ ᠯᠠᠮᠠ ᠡᠪᠦᠭᠡ ᠪᠣᠯ ᠡᠮᠴᠢ᠂ ᠪᠠᠶᠠᠩᠭᠠ ᠡᠮᠴᠢ᠂ ᠲᠡᠷᠡ ᠪᠣᠯ ᠭᠡᠭᠡᠨ ᠰᠦᠮᠡ ᠶ᠋ᠢᠨ ᠮᠠᠮᠪᠠᠷᠠᠰᠠᠩ ᠤ᠋ᠨ ᠡᠮᠴᠢ᠂ ᠳ᠋ᠣᠪᠴᠧ ᠡᠮᠴᠢ᠂ ᠨᠣᠶᠠᠨ ᠪᠣᠯᠤᠨ ᠭᠡᠭᠡᠨ ᠰᠦᠮᠡ ᠶ᠋ᠢᠨ ᠭᠡᠭᠡᠨ ᠳ᠋ᠦ᠍ ᠵᠠᠷᠤᠭᠳᠠᠵᠤ ᠡᠮᠴᠢᠯᠡᠳᠡᠭ ᠨᠡᠷᠡᠲᠦ ᠡᠮᠴᠢ ᠶ᠋ᠢ ᠳ᠋ᠣᠪᠴᠧ ᠭᠡᠵᠦ ᠬᠡᠯᠡᠨᠡ᠃ ᠮᠢᠨᠦ ᠠᠪᠠᠭᠠ ᠪᠣᠯᠪᠠᠯ ᠠᠬᠠ ᠳᠡᠭᠦᠦ ᠳᠥᠷᠪᠡ᠄ ᠶᠡᠬᠡ ᠨᠢ ᠪᠣᠯᠪᠠᠯ ᠮᠠᠨᠪᠠᠵᠠᠪ᠂ ᠬᠣᠶᠠᠳᠤᠭᠠᠷ ᠨᠢ ᠪᠣᠯᠪᠠᠯ ᠶᠢᠨᠵᠠᠪ᠂ ᠮᠢᠨᠦ ᠠᠪᠤ ᠪᠣᠯ ᠭᠤᠷᠪᠠᠳᠤᠭᠠᠷ ᠨᠢ ᠲᠣᠭᠲᠠᠨᠵᠠᠪ᠂ ᠮᠢᠨᠦ ᠠᠪᠠᠭᠠ ᠪᠣᠯᠪᠠᠯ ᠡᠷᠳᠡᠨᠢᠵᠠᠪ᠂ ᠮᠢᠨᠦ ᠡᠮᠴᠢ ᠡᠪᠦᠭᠡ ᠡᠨᠡ ᠠᠪᠠᠭᠠ ᠶ᠋ᠢ ᠡᠮᠴᠢ ᠰᠤᠷᠭᠠᠵᠠᠢ᠂ ᠭᠡᠲᠡᠯᠡ ᠡᠮᠴᠢ ᠰᠤᠷᠭᠠᠭᠠᠳ ᠬᠣᠷᠢᠨ ᠨᠠᠰᠤᠲᠠᠢ ᠵᠢᠯ ᠳ᠋ᠦ᠍ ᠨᠢ《ᠪᠤᠯᠴᠢᠩ ᠤᠷᠪᠠᠬᠤ ᠡᠪᠡᠳᠴᠢᠨ》᠂ ᠮᠣᠩᠭᠣᠯ ᠡᠮᠴᠢᠯᠡᠭᠡᠨ ᠳᠡᠭᠡᠷᠡ《ᠪᠤᠯᠴᠢᠩ ᠤᠷᠪᠠᠬᠤ ᠡᠪᠡᠳᠴᠢᠨ 》ᠭᠡᠵᠦ ᠬᠡᠯᠡᠨᠡ᠂ ᠬᠢᠲᠠᠳ ᠢ᠋ᠶ᠋ᠠᠷ 《ᠭᠦᠸᠧ ᠯᠦᠸᠠᠨ᠂ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ》᠂ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ ᠢ᠋ ᠵᠠᠰᠠᠬᠤ ᠪᠠᠷ ᠣᠴᠢᠭᠠᠳ᠂ ᠰᠡᠷᠭᠡᠢᠯᠡᠬᠦ ᠡᠮ ᠢ᠋ ᠭᠦᠢᠴᠡᠳ ᠠᠪᠠᠴᠢᠭᠰᠠᠨ ᠦᠭᠡᠢ᠂ ᠥᠪᠡᠷ ᠢ᠋ᠶ᠋ᠡᠨ ᠲᠡᠷᠡ ᠡᠪᠡᠳᠴᠢᠨ ᠳ᠋ᠦ᠍ ᠣᠨᠣᠭᠳᠠᠵᠠᠢ᠂ ᠡᠢᠮᠦ ᠡᠴᠡ ᠮᠠᠨ ᠤ᠋ ᠠᠪᠤ ᠶ᠋ᠢᠨ ᠦᠶᠡ ᠳ᠋ᠦ᠍ ᠨᠢᠭᠡ ᠡᠮᠴᠢ ᠦᠭᠡᠢ᠂ ᠪᠦᠷ ᠦᠬᠡᠷ ᠲᠠᠷᠢᠶᠠᠴᠢᠨ᠂ ᠦᠬᠡᠷ ᠲᠠᠷᠢᠶᠠᠴᠢᠨ ᠢ᠋ᠶ᠋ᠠᠷ ᠪᠠᠷᠠᠬᠤ ᠦᠭᠡᠢ ᠪᠢᠴᠢᠭ ᠪᠠᠰᠠ ᠦᠵᠡᠭᠰᠡᠨ ᠦᠭᠡᠢ᠃
ᠰᠤᠷᠪᠤᠯᠵᠢᠯᠠᠭᠴᠢ᠄ ᠲᠠ ᠠᠪᠤ ᠠ᠋ᠴᠠ ᠪᠠᠨ ᠠᠬᠠ ᠳᠡᠭᠦᠦ ᠬᠡᠳᠦᠭᠦᠯᠡ ᠪᠣᠢ!
ᠪᠢ ᠪᠣᠯ ᠮᠥᠮᠥ ᠠᠪᠤ ᠠ᠋ᠴᠠ ᠪᠠᠨ ᠲᠠᠪᠤᠭᠤᠯᠠ᠂ ᠮᠢᠨᠦ ᠳᠡᠭᠡᠷᠡ ᠪᠣᠯ ᠬᠣᠶᠠᠷ ᠬᠡᠦᠬᠡᠳ ᠭᠡᠭᠡᠭᠳᠡᠵᠡᠢ᠂ ᠬᠣᠶᠠᠷ ᠠᠬᠠ ᠭᠡᠭᠡᠭᠳᠡᠵᠡᠢ᠃ ᠪᠢ ᠪᠣᠯ ᠭᠤᠷᠪᠠᠳᠤᠭᠠᠷ ᠨᠢ᠂ ᠮᠢᠨᠦ ᠪᠠᠭᠠ ᠶ᠋ᠢᠨ ᠨᠡᠷᠡ ᠪᠣᠯ ᠨᠠᠩᠭᠠ ᠭᠡᠵᠦ ᠬᠡᠯᠡᠨᠡ᠃ ᠶᠠᠭᠤᠨ ᠳ᠋ᠤ᠌ ᠲᠡᠭᠡᠵᠦ ᠨᠡᠷᠡᠯᠡᠭᠰᠡᠨ ᠪᠣᠢ!ᠭᠡᠪᠡᠯ᠂ ᠮᠢᠨᠦ ᠳᠡᠭᠡᠲᠡᠢ ᠬᠣᠶᠠᠷ ᠠᠬᠠ ᠭᠡᠭᠡᠭᠳᠡᠭᠰᠡᠨ ᠦ᠌ ᠳᠠᠷᠠᠭᠠ ᠪᠣᠯᠪᠠᠯ ᠮᠢᠨᠦ ᠮᠥᠮᠥ ᠵᠢᠷᠮᠦᠰᠦᠯᠡᠬᠦ ᠦᠭᠡᠢ ᠯᠠᠢ᠂ ᠰᠠᠷᠠ ᠲᠠᠢ ᠪᠣᠯᠬᠤ ᠦᠭᠡᠢ ᠯᠠᠢ᠂ ᠬᠣᠶᠠᠷ ᠵᠢᠯ ᠢᠯᠡᠭᠦᠦ ᠬᠦᠯᠢᠶᠡᠵᠡᠢ᠂ ᠢᠩᠭᠢᠭᠡᠳ ᠮᠠᠨ ᠤ᠋ ᠲᠡᠨᠳᠡᠬᠢ ᠮᠣᠩᠭᠣᠯᠵᠢᠨ ᠬᠤᠰᠢᠭᠤᠨ ᠳ᠋ᠤ᠌ ᠪᠣᠯᠪᠠᠯ ᠲᠣᠰᠬᠣᠨ ᠠᠢᠯ ᠤ᠋ᠨ ᠰᠦᠮᠡ ᠭᠡᠵᠦ ᠪᠠᠢᠨᠠ 《ᠲᠣᠰᠬᠣᠨ ᠰᠦᠮᠡ》 ᠭᠡᠨᠡ᠂ ᠡᠭᠦᠨ ᠳ᠋ᠦ᠍ ᠨᠢᠭᠡ ᠬᠤᠪᠢᠯᠭᠠᠨ ᠭᠡᠭᠡᠨ ᠪᠠᠢᠨᠠ᠂ ᠨᠡᠷᠡ ᠨᠢ ᠪᠣᠯ ᠶᠧᠰᠢᠳᠠᠨᠽᠠᠨ᠂ ᠡᠭᠦᠨ ᠢ᠋ ᠲᠠᠪᠤᠨ ᠳᠢᠶᠠᠨᠴᠢ ᠭᠡᠭᠡᠨ ᠭᠡᠵᠦ ᠬᠡᠯᠡᠨᠡ᠂ ᠲᠡᠭᠦᠨ ᠡᠴᠡ ᠦᠷᠡ ᠶ᠋ᠢᠨ ᠬᠤᠲᠤᠭ ᠭᠤᠶᠤᠭᠠᠳ ᠨᠠᠮᠠ ᠶ᠋ᠢ ᠣᠯᠵᠠᠢ᠃ ᠶᠧᠰᠢᠳᠠᠨᠽᠠᠨ ᠭᠡᠭᠡᠨ ᠪᠣᠯ ᠶᠡᠬᠡ ᠡᠷᠳᠡᠮ ᠲᠡᠢ ᠳᠡᠭᠡᠷᠡ ᠪᠡᠨ ᠬᠤᠪᠢᠯᠭᠠᠨ ᠲᠠᠢ ᠬᠥᠮᠦᠨ᠂ ᠬᠡᠵᠢᠶᠡᠳᠡ ᠶᠠᠪᠠᠭᠠᠨ ᠢ᠋ᠶ᠋ᠠᠷ ᠶᠠᠪᠤᠳᠠᠭ᠃ ᠦᠷᠡ ᠶ᠋ᠢᠨ ᠬᠤᠲᠤᠭ ᠭᠤᠶᠤᠭᠰᠠᠨ ᠤ᠋ ᠳᠠᠷᠠᠭᠠ᠂ ᠳᠠᠷᠠᠭᠠ ᠵᠢᠯ ᠦ᠋ᠨ ᠠᠷᠪᠠᠨ ᠨᠢᠭᠡᠨ ᠰᠠᠷᠠ ᠶ᠋ᠢᠨ ᠠᠷᠪᠠᠨ ᠳᠣᠯᠣᠭᠠᠨ ᠤ᠋ ᠡᠳᠦᠷ᠂ ᠪᠢᠯᠢᠭ ᠦ᠋ᠨ ᠤᠯᠠᠷᠢᠯ ᠶᠤᠮ ᠤᠤ᠂ ᠠᠷᠭᠠ ᠶ᠋ᠢᠨ ᠤᠯᠠᠷᠢᠯ ᠶᠤᠮ ᠤᠤ! ᠮᠡᠳᠡᠬᠦ ᠦᠭᠡᠢ᠂ ᠮᠢᠩᠭᠠ ᠶᠢᠰᠦᠨ ᠵᠠᠭᠤ ᠳᠥᠴᠢᠨ ᠳᠣᠯᠣᠭᠠᠨ ᠣᠨ ᠤ᠋ ᠠᠷᠪᠠᠨ ᠨᠢᠭᠡᠨ ᠰᠠᠷᠠ ᠶ᠋ᠢᠨ ᠠᠷᠪᠠᠨ ᠳᠣᠯᠣᠭᠠᠨ ᠤ᠋ ᠡᠳᠦᠷ ᠦ᠋ᠨ ᠥᠷᠯᠥᠭᠡ ᠯᠤᠤ ᠴᠠᠭ ᠲᠤ᠌ ᠨᠠᠮᠠ ᠶ᠋ᠢ ᠦᠵᠡᠭᠳᠡᠭᠡᠳ (ᠬᠥᠩᠭᠡᠵᠢᠵᠡᠢ) ᠪᠠᠢᠵᠠᠢ᠃
ᠡᠨᠡ ᠬᠦ᠌ ᠭᠡᠭᠡᠨ ᠦᠷᠭᠦᠯᠵᠢ 《ᠭᠡᠭᠡᠨ ᠰᠦᠮᠡ》 ᠳ᠋ᠦ᠍ ᠣᠴᠢᠨᠠ᠂《ᠭᠡᠭᠡᠨ ᠰᠦᠮᠡ》ᠪᠣᠯᠤᠨ 《ᠲᠣᠰᠬᠣᠨ ᠰᠦᠮᠡ》 ᠶ᠋ᠢᠨ ᠬᠣᠭᠣᠷᠣᠨᠳᠣ ᠪᠠᠨ ᠳᠣᠯᠣᠭᠠᠨ ᠭᠠᠵᠠᠷ ᠵᠠᠢᠲᠠᠢ᠂ ᠮᠠᠨ ᠤ᠋ ᠠᠢᠯ ᠢ᠋ ᠥᠩᠭᠡᠷᠡᠵᠦ ᠭᠠᠷᠤᠨᠠ᠂ ᠭᠡᠭᠡᠨ ᠰᠦᠮᠡ ᠳ᠋ᠦ᠍ ᠬᠦᠷᠦᠭᠡᠳ ᠲᠣᠰᠬᠣᠨ ᠰᠦᠮᠡ ᠳ᠋ᠦ᠍ ᠪᠡᠨ ᠡᠷᠭᠢᠵᠦ ᠬᠠᠷᠢᠬᠤ ᠶ᠋ᠢᠨ ᠦᠶᠡᠰ ᠮᠠᠨ ᠤ᠋ ᠳ᠋ᠤ᠌ ᠣᠷᠣᠵᠤ ᠢᠷᠡᠨᠡ ᠭᠡᠵᠡᠢ᠃ ᠮᠢᠨᠦ ᠠᠪᠤ ᠰᠠᠨᠳᠤᠷᠤᠭᠠᠳ ᠬᠣᠷᠢᠭᠠᠵᠠᠢ᠂ ᠡᠭᠦᠳᠡᠨ ᠳᠡᠭᠡᠷᠡ ᠪᠠᠰᠠ ᠲᠡᠮᠳᠡᠭ ᠲᠠᠯᠪᠢᠵᠤ᠂ ᠡᠭᠦᠳᠡ ᠣᠷᠣᠪᠠᠯ ᠲᠦᠯᠬᠢᠭᠦᠷ ᠪᠠᠢᠨᠠ《ᠮᠠᠮᠠ ᠠ᠋᠂ ᠣᠳᠣ ᠣᠷᠣᠵᠤ ᠪᠣᠯᠬᠤ ᠦᠭᠡᠢ ᠰᠢᠦ!》 《ᠶᠠᠭᠠᠬᠢᠭᠰᠠᠨ ᠪᠣᠢ!》《ᠮᠠᠨ ᠤ᠋ ᠭᠡᠷᠭᠡᠢ ᠣᠳᠣ ᠦᠵᠡᠭᠳᠡᠭᠡᠳ (ᠬᠥᠩᠭᠡᠵᠢᠭᠡᠳ) ᠰᠠᠶᠢ ᠭᠤᠷᠪᠠᠳᠤᠭᠠᠷ ᠡᠳᠦᠷ ᠪᠣᠯᠵᠤ ᠪᠠᠢᠨᠠ》 《ᠪᠢ ᠮᠡᠳᠡᠬᠦ ᠦᠭᠡᠢ ᠶᠦᠮ ᠤᠤ!》《ᠨᠠᠳᠠ ᠠ᠋ᠴᠠ ᠦᠷᠡ ᠶ᠋ᠢᠨ ᠬᠤᠲᠤᠭ ᠭᠤᠶᠤᠭᠰᠠᠨ ᠬᠦᠦ ᠦᠵᠡᠭᠳᠡᠵᠦ (ᠬᠥᠩᠭᠡᠵᠢᠵᠦ) ᠪᠠ᠂ ᠪᠢ ᠣᠷᠣᠭᠠᠳ ᠦᠵᠡᠭᠡᠳ ᠭᠠᠷᠤᠶᠠ!》 ᠭᠡᠭᠡᠨ ᠣᠷᠣᠨᠠ ᠭᠡᠵᠦ ᠪᠠᠢᠬᠤ ᠳ᠋ᠤ᠌ ᠬᠣᠷᠢᠭᠠᠵᠤ ᠳᠡᠢᠯᠦᠨᠡ ᠤᠤ? ᠡᠨᠡ ᠮᠠᠮᠠ ᠣᠳᠣ ᠬᠡᠯᠡᠵᠦ ᠪᠠᠢᠨᠠ᠂《ᠲᠠᠨ ᠤ᠋ ᠡᠨᠡ ᠴᠢᠨᠢ ᠮᠢᠨᠦ ᠦᠷᠡ ᠶ᠋ᠢᠨ ᠬᠤᠲᠤᠭ ᠭᠤᠶᠤᠭᠠᠳ ᠣᠯᠤᠭᠰᠠᠨ ᠬᠦᠦ᠂ ᠲᠡᠪᠡᠷᠢᠭᠡᠳ ᠠᠪᠤᠭᠠᠳ ᠢᠷᠡ᠂ ᠪᠢ ᠦᠵᠡᠶᠡ᠂ ᠰᠢᠨᠵᠢᠵᠦ ᠦᠵᠡᠶᠡ 》 ᠭᠡᠵᠡᠢ᠂ ᠠᠪᠠᠴᠢᠵᠤ ᠥᠭᠬᠦ ᠦᠭᠡᠢ ᠪᠣᠯᠤᠨᠠ ᠤᠤ ᠳᠠ᠂ ᠲᠡᠪᠡᠷᠢᠵᠦ ᠠᠪᠠᠴᠢᠵᠤ ᠮᠥᠷᠭᠥᠭᠦᠯᠵᠡᠢ᠃ 《ᠬᠦᠦ ᠪᠣᠯ ᠠᠬᠤ ᠯᠠᠭᠰᠢᠨ ᠪᠡᠯᠭᠡ ᠲᠡᠢ᠂ ᠨᠡᠷᠡ ᠶ᠋ᠢ ᠨᠢ ᠰᠧᠷᠡᠩᠨᠠᠮᠵᠢᠯ ᠭᠡᠵᠦ ᠥᠭ᠂ ᠵᠢᠷᠭᠤᠭᠠᠨ ᠨᠠᠰᠤᠯᠠᠪᠠᠯ᠂ ᠮᠢᠨᠦ ᠰᠦᠮᠡ ᠳ᠋ᠦ᠍ ᠠᠪᠠᠴᠢᠵᠤ ᠥᠭᠭᠦᠭᠡᠳ ᠮᠢᠨᠦ ᠱᠠᠪᠢ ᠪᠣᠯᠭᠠ᠂ ᠪᠢ ᠪᠣᠯ ᠳᠥᠴᠢ ᠶᠢᠰᠦᠲᠡᠢ ᠪᠡᠶᠡ ᠦᠭᠡᠢ ᠪᠣᠯᠤᠨᠠ᠂ ᠮᠢᠨᠦ ᠡᠷᠳᠡᠮ ᠢ᠋ ᠵᠠᠯᠭᠠᠮᠵᠢᠯᠠᠬᠤ ᠪᠣᠯᠤᠨᠠ》 ᠢᠩᠭᠢᠵᠦ ᠬᠡᠯᠡᠵᠦ ᠭᠡᠨᠡ᠂ ᠭᠡᠭᠡᠨ ᠨᠢᠭᠡ ᠴᠠᠭ ᠪᠤᠳᠠᠭᠠ ᠢᠳᠡᠭᠡᠳ ᠶᠠᠪᠤᠭᠠᠳ ᠥᠭᠪᠡ᠃ ᠭᠡᠲᠡᠯᠡ ᠣᠳᠣ ᠲᠡᠷᠡ ᠦᠶᠡ ᠳ᠋ᠦ᠍ ᠮᠠᠨ ᠤ᠋ ᠭᠡᠷ ᠦ᠋ᠨ ᠡᠪᠦᠭᠡ ᠪᠠᠢᠨᠠ᠂ ᠮᠠᠨ ᠤ᠋ ᠡᠪᠦᠭᠡ ᠰᠣᠨᠣᠰᠤᠭᠠᠳ ᠬᠡᠯᠡᠵᠦ ᠪᠠᠢᠨᠠ᠄《ᠶᠠᠮᠠᠷ ᠪᠠᠰᠠ ᠯᠠᠮᠠ ᠭᠡᠭᠡᠨ ᠪᠣᠯᠬᠤ ᠲᠠᠢ ᠪᠣᠢ᠂ ᠳᠡᠭᠡᠷᠡ ᠨᠢ ᠬᠣᠶᠠᠷ ᠦᠭᠡᠢ ᠪᠣᠯᠵᠠᠢ᠂ ᠬᠣᠶᠠᠷ ᠬᠡᠦᠬᠡᠳ ᠭᠡᠭᠡᠭᠳᠡᠭᠰᠡᠨ᠂ ᠲᠡᠷᠡ ᠨᠡᠷᠡ ᠶ᠋ᠢ ᠨᠢ ᠪᠠᠰᠠ ᠠᠪᠤᠯᠭᠠᠨ ᠦᠭᠡᠢ ᠰᠧᠷᠡᠩᠨᠠᠮᠵᠢᠯ ᠢ᠋ ᠨᠢ ᠠᠪᠤᠯᠭᠠᠨ ᠦᠭᠡᠢ᠂ ᠡᠨᠡ ᠬᠦᠦ ᠶ᠋ᠢᠨ ᠭᠡᠳᠡᠰᠦ ᠡᠪᠡᠳᠬᠦ ᠨᠢ ᠠᠬᠤ ᠨᠠᠮᠳᠠᠵᠠᠢ᠂ ᠨᠠᠩᠭᠠ ᠭᠡᠵᠦ ᠨᠡᠷᠡ ᠥᠭ 》 ᠮᠢᠨᠦ ᠪᠠᠭᠠ ᠶ᠋ᠢᠨ ᠨᠡᠷᠡ ᠪᠣᠯ ᠨᠠᠩᠭᠠ᠂ ᠢᠩᠭᠢᠭᠡᠳ ᠪᠢ ᠯᠠᠮᠠ ᠪᠣᠯᠤᠭᠰᠠᠨ ᠦᠭᠡᠢ᠃ ᠨᠥᠭᠦᠭᠡ ᠨᠢᠭᠡ ᠨᠢ ᠮᠢᠨᠦ ᠳᠣᠣᠷᠠ ᠮᠣᠷᠢᠨ ᠵᠢᠯ᠂ ᠮᠣᠷᠢᠨ ᠰᠠᠷᠠ᠂ ᠮᠣᠷᠢᠨ ᠡᠳᠦᠷ᠂ ᠮᠣᠷᠢᠨ ᠴᠠᠭ ᠲᠤ᠌ ᠲᠥᠷᠥᠭᠰᠡᠨ ᠨᠢᠭᠡ ᠳᠡᠭᠦᠦ ᠪᠠᠢᠭᠰᠠᠨ᠂ ᠥᠨᠥ ᠪᠠᠢᠪᠠᠯ ᠲᠠᠪᠢᠨ ᠳᠣᠯᠣᠭᠠ ᠲᠠᠢ᠂ ᠨᠡᠷᠡ ᠨᠢ ᠪᠣᠯ᠂ ᠪᠠᠢ ᠶ᠋ᠢᠨ ᠱᠠᠨ ᠭᠡᠵᠦ ᠬᠡᠯᠡᠨᠡ᠂ ᠡᠨᠡ ᠳᠡᠭᠦᠦ ᠪᠣᠯ ᠭᠡᠭᠡᠨ ᠴᠢᠭᠴᠢ᠂ ᠬᠤᠷᠴᠠ ᠰᠡᠷᠭᠦᠯᠡᠩ ᠲᠥᠷᠥᠭᠰᠡᠨ ᠬᠥᠮᠦᠨ᠂ ᠠᠪ ᠠᠳᠠᠯᠢ ᠪᠢᠳᠡ ᠨᠢᠭᠡ ᠡᠶᠢ ᠶ᠋ᠢᠨ ᠬᠡᠦᠬᠡᠳ ᠪᠠᠢᠭᠠᠳ ᠥᠩᠭᠡ ᠵᠢᠰᠦ ᠲᠡᠭᠦᠨ ᠦ᠌ ᠵᠠᠬᠠ ᠳ᠋ᠤ᠌ ᠠᠪᠤᠷᠢ ᠦᠭᠡᠢ᠂ ᠲᠡᠷᠡ ᠪᠣᠯ ᠨᠠᠷᠠᠨ ᠰᠠᠷᠠᠨ ᠮᠡᠲᠦ ᠲᠤᠩᠭᠠᠯᠠᠭ᠂ ᠪᠢᠳᠡ ᠴᠢᠨᠢ ᠨᠠᠪᠴᠢ ᠴᠡᠴᠡᠭ ᠢ᠋ ᠪᠠᠰᠠ ᠬᠦᠷᠬᠦ ᠦᠭᠡᠢ᠂ ᠨᠢᠭᠡ ᠮᠢᠩᠭᠠ ᠶᠢᠰᠦᠨ ᠵᠠᠭᠤ᠂ ᠲᠠᠪᠢᠨ ᠨᠠᠢ᠍ᠮᠠᠨ ᠣᠨ ᠳ᠋ᠤ᠌ ᠮᠠᠨ ᠤ᠋ ᠮᠣᠩᠭᠣᠯᠵᠢᠨ ᠭᠡᠭᠡᠨ ᠰᠦᠮᠡ ᠳ᠋ᠦ᠍ ᠬᠤᠰᠢᠭᠤᠨ ᠳᠡᠰ ᠦ᠋ᠨ ᠨᠠᠭᠠᠳᠤᠮ ᠤ᠋ᠨ ᠬᠤᠷᠠᠯ ᠨᠡᠭᠡᠭᠡᠵᠡᠢ᠃ ᠨᠠᠭᠠᠳᠤᠮ ᠤ᠋ᠨ ᠬᠤᠷᠠᠯ ᠳᠡᠭᠡᠷᠡ ᠮᠢᠨᠦ ᠠᠪᠤ ᠪᠣᠯ ᠨᠢᠶᠠᠩ ᠭᠤᠯᠢᠷ ᠢ᠋ᠶ᠋ᠠᠷ 《ᠶᠢᠤ ᠵᠠ ᠭᠣᠣ》ᠭᠡᠰᠡᠨ ᠶᠠᠭᠤᠮᠠ ᠶ᠋ᠢ ᠬᠢᠭᠡᠳ ᠰᠢᠰᠢ ᠶ᠋ᠢᠨ ᠱᠤᠭᠠᠢ ᠶ᠋ᠢ ᠲᠠᠪᠤ ᠠᠷᠪᠠ ᠪᠠᠷ ᠳᠡᠭᠲᠡᠷᠯᠡᠴᠢᠬᠡᠭᠡᠳ ᠲᠡᠭᠦᠨ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠵᠤ ᠬᠤᠳᠠᠯᠳᠤᠵᠠᠢ᠃ ᠭᠤᠷᠪᠠᠨ ᠡᠳᠦᠷ ᠦ᠋ᠨ ᠨᠠᠭᠠᠳᠤᠮ ᠤ᠋ᠨ ᠬᠤᠷᠠᠯ ᠪᠠᠷᠠᠭᠰᠠᠨ ᠤ᠋ ᠳᠠᠷᠠᠭᠠ᠂ᠬᠤᠳᠠᠯᠳᠤᠵᠤ ᠪᠠᠷᠠᠭᠰᠠᠨ ᠦᠭᠡᠢ ᠦᠯᠡᠳᠡᠴᠢᠬᠡᠵᠡᠢ᠃ ᠬᠤᠳᠠᠯᠳᠤᠵᠤ ᠪᠠᠷᠠᠭᠰᠠᠨ ᠦᠭᠡᠢ ᠶ᠋ᠢ ᠨᠢ ᠪᠢᠳᠡᠨ ᠢᠳᠡᠭᠡᠳ ᠨᠢᠭᠡ ᠴᠦ᠍ ᠬᠠᠮᠢᠶᠠ ᠦᠭᠡᠢ᠂ ᠮᠢᠨᠦ ᠲᠡᠷᠡ ᠳᠡᠭᠦᠦ ᠢᠳᠡᠭᠡᠳ ᠰᠠᠭᠤᠯᠭᠠᠬᠤ ᠡᠪᠡᠳᠴᠢᠨ ᠣᠯᠵᠠᠢ᠂ ᠣᠳᠣ ᠰᠠᠭᠤᠯᠭᠠᠭᠠᠳ ᠵᠣᠭᠰᠣᠬᠤ ᠦᠭᠡᠢ ᠯᠠᠢ᠂ ᠡᠮᠴᠢ ᠪᠦᠭᠦᠳᠡ ᠶ᠋ᠢ ᠪᠦᠷ ᠵᠠᠯᠠᠵᠠᠢ᠃ ᠨᠡᠷᠡᠲᠦ ᠡᠮᠴᠢ᠂ ᠯᠠᠮᠠ᠂ ᠳᠣᠮᠴᠢ᠂ ᠪᠥᠬᠡ᠂ ᠯᠠᠢᠴᠢᠩ᠂ ᠦᠵᠡᠭᠡᠴᠢ ᠵᠠᠰᠠᠯ ᠪᠦᠭᠦᠳᠡ ᠶ᠋ᠢ ᠬᠢᠵᠡᠢ᠃ ᠮᠠᠨ ᠤ᠋ ᠡᠨᠡ ᠳᠡᠭᠦᠦ ᠪᠣᠯ ᠬᠤᠷᠴᠠ ᠰᠡᠷᠭᠦᠯᠡᠩ ᠲᠡᠢᠮᠦ ᠯᠡ ᠰᠠᠢᠬᠠᠨ ᠳᠡᠭᠦᠦ᠃
ᠰᠤᠷᠪᠤᠯᠵᠢᠯᠠᠭᠴᠢ᠄ ᠬᠡᠳᠦᠨ ᠨᠠᠰᠤᠲᠠᠢ ᠪᠣᠢ?
ᠭᠤᠷᠪᠠᠬᠠᠨ ᠨᠠᠰᠤᠲᠠᠢ᠂ ᠵᠢᠷᠭᠤᠭᠠᠨ ᠰᠠᠷᠠ ᠰᠠᠭᠤᠯᠭᠠᠵᠤ ᠪᠠᠢᠭᠠᠳ ᠬᠠᠮᠤᠭ ᠰᠡᠭᠦᠯ ᠳ᠋ᠦ᠍ ᠨᠢ ᠦᠬᠦᠭᠡᠳ ᠦᠭᠴᠢᠬᠡᠵᠡᠢ᠂ ᠢᠩᠭᠢᠭᠡᠳ ᠣᠳᠣ ᠮᠠᠨ ᠤ᠋ ᠭᠡᠷ ᠲᠦ᠍ ᠲᠩᠷᠢ ᠨᠤᠷᠠᠭᠰᠠᠨ ᠰᠢᠭ᠋ ᠪᠣᠯᠪᠠ᠃ ᠢᠯᠠᠩᠭᠤᠶᠠ ᠮᠢᠨᠦ ᠮᠥᠮᠥ ᠡᠳᠦᠷ ᠡᠳᠦᠷ ᠲᠡᠷᠡ ᠳᠡᠭᠦᠦ ᠶ᠋ᠢ ᠬᠥᠳᠡᠭᠡᠯᠡᠭᠦᠯᠦᠭᠰᠡᠨ ᠭᠠᠵᠠᠷ ᠣᠴᠢᠵᠤ ᠤᠬᠢᠯᠠᠨᠠ᠂ ᠭᠡᠭᠡᠭᠰᠡᠨ ᠡᠪᠡᠰᠦ ᠶ᠋ᠢ ᠲᠡᠭᠦᠨᠡ᠂ ᠬᠡᠢ ᠡᠪᠡᠳᠴᠢᠨ ᠲᠡᠢ ᠪᠣᠯᠴᠢᠬᠠᠵᠠᠢ᠂ ᠵᠣᠪᠠᠭᠰᠠᠭᠠᠷ ᠵᠣᠪᠠᠭᠰᠠᠭᠠᠷ ᠵᠢᠷᠦᠬᠡᠨ ᠡᠪᠡᠳᠴᠢᠨ ᠣᠯᠵᠠᠢ᠂ ᠪᠢᠳᠡ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠪᠠᠰᠠ ᠵᠣᠪᠠᠨᠠ᠂ ᠭᠡᠪᠡᠴᠦ ᠡᠶᠢ ᠶ᠋ᠢᠨ ᠬᠢᠷᠢ ᠵᠣᠪᠠᠨᠠ ᠤᠤ ᠳᠠ! ᠮᠢᠨᠦ ᠳᠡᠭᠦᠦ ᠡᠪᠡᠳᠴᠢᠨ ᠢ᠋ᠶ᠋ᠡᠷ ᠲᠡᠭᠡᠵᠦ ᠦᠭᠡᠢ ᠪᠣᠯᠵᠠᠢ᠂ ᠬᠡᠷᠪᠡ ᠪᠢᠳᠡ ᠡᠮᠴᠢ ᠪᠣᠯᠤᠭᠰᠠᠨ ᠪᠣᠯ ᠠ᠋! ᠮᠢᠨᠦ ᠮᠥᠮᠥ ᠪᠠᠰᠠ ᠬᠠᠮᠤᠭ ᠰᠡᠭᠦᠯ ᠳ᠋ᠦ᠍ᠨᠢ ᠵᠢᠷᠦᠬᠡᠨ ᠡᠪᠡᠳᠴᠢᠨ ᠨᠢ ᠠᠬᠠᠳᠠᠭᠠᠳ ᠬᠠᠪᠤᠩ ᠣᠷᠣᠵᠤ᠂ ᠵᠢᠷᠦᠬᠡᠨ ᠬᠠᠪᠤᠩ ᠡᠪᠡᠳᠴᠢᠨ ᠢ᠋ᠶ᠋ᠡᠷ ᠦᠭᠡᠢ ᠪᠣᠯᠵᠠᠢ᠂ ᠲᠡᠷᠡ ᠳᠡᠭᠦᠦ ᠶ᠋ᠢᠨ ᠲᠥᠯᠥᠭᠡ᠂ ᠡᠢᠮᠦ ᠡᠴᠡ ᠡᠮᠴᠢ ᠰᠤᠷᠤᠭᠠᠳ ᠬᠥᠮᠦᠨ ᠦ᠌ ᠡᠪᠡᠳᠴᠢᠨ ᠵᠣᠪᠠᠯᠠᠩ ᠢ᠋ ᠠᠷᠢᠯᠭᠠᠬᠤ ᠪᠣᠯ ᠬᠠᠮᠤᠭ ᠤ᠋ᠨ ᠳᠡᠭᠡᠳᠦ ᠠᠵᠢᠯ᠂ ᠵᠢᠷᠦᠬᠡᠨ ᠡᠴᠡ ᠪᠡᠨ ᠬᠠᠮᠤᠭ ᠳᠤᠷᠠᠲᠠᠢ᠂ ᠡᠢᠮᠦ ᠨᠢᠭᠡ ᠠᠷᠢᠭᠤᠨ ᠬᠡᠳᠦᠨ ᠦᠶᠡ ᠶ᠋ᠢᠨ ᠠᠵᠢᠯ ᠭᠡᠵᠦ ᠦᠵᠡᠵᠦ ᠪᠠᠢᠨᠠ᠃ ᠡᠮᠴᠢ ᠪᠣᠯᠬᠤ ᠳᠣᠲᠣᠷᠠ ᠠ᠋ᠴᠠ ᠪᠠᠨ ᠥᠪᠡᠷ ᠢ᠋ᠶ᠋ᠡᠨ ᠳᠤᠷᠠᠲᠠᠢ᠃
ᠲᠥᠷᠥᠭᠰᠡᠨ ᠨᠤᠲᠤᠭ ᠤ᠋ᠨ ᠭᠠᠵᠠᠷ ᠤᠰᠤ ᠨᠠᠳᠠ ᠶ᠋ᠢ᠂ ᠮᠢᠨᠦ ᠪᠡᠶᠡ ᠴᠣᠭᠴᠠ ᠶ᠋ᠢ ᠬᠥᠮᠦᠵᠢᠭᠦᠯᠵᠦ᠂ ᠡᠷᠳᠡᠮ ᠰᠢᠨᠵᠢᠯᠡᠭᠡ ᠬᠢᠯᠭᠡᠭᠰᠡᠨ ᠪᠢᠯᠡ᠂ ᠮᠢᠨᠦ ᠬᠣᠶᠠᠳᠤᠭᠠᠷ ᠨᠤᠲᠤᠭ ᠬᠣᠷᠴᠢᠨ ᠪᠣᠯ᠂ ᠪᠢ ᠥᠪᠡᠷ ᠦ᠋ᠨ ᠬᠣᠪᠢᠨ ᠤ᠋ ᠰᠤᠷᠤᠭᠰᠠᠨ ᠡᠵᠡᠮᠰᠢᠭᠰᠡᠨ ᠡᠷᠳᠡᠮ ᠴᠢᠳᠠᠯ ᠢ᠋ᠶ᠋ᠠᠨ ᠲᠦᠭᠡᠭᠡᠵᠦ᠂ ᠣᠯᠠᠨ ᠠᠷᠠᠳ ᠤ᠋ᠳ ᠲᠤ᠌ ᠪᠠᠨ ᠰᠠᠢᠨ ᠰᠠᠢᠬᠠᠨ ᠬᠢᠭᠰᠡᠨ ᠭᠠᠵᠠᠷ ᠮᠥᠨ᠃ ᠡᠨᠡ ᠣᠷᠣᠨ ᠳ᠋ᠤ᠌ ᠪᠢ ᠳᠥᠴᠢᠨ ᠵᠢᠯ ᠡᠪᠡᠳᠴᠢᠨ ᠦᠵᠡᠵᠦ᠂ ᠰᠤᠷᠭᠠᠨ ᠬᠥᠮᠦᠵᠢᠯ᠂ ᠰᠤᠳᠤᠯᠬᠤ ᠠᠵᠢᠯ ᠬᠢᠵᠦ᠂ ᠮᠣᠩᠭᠣᠯ ᠡᠮ ᠡᠮᠨᠡᠯᠭᠡ ᠶ᠋ᠢ ᠬᠥᠭᠵᠢᠨ ᠪᠠᠳᠠᠷᠠᠭᠤᠯᠵᠤ᠂ ᠠᠷᠠᠳ ᠲᠦᠮᠡᠨ ᠢ᠋ ᠡᠷᠡᠭᠦᠯ ᠰᠠᠷᠠᠭᠤᠯ ᠠᠮᠢᠳᠤᠷᠠᠭᠤᠯᠬᠤ ᠭᠡᠵᠦ ᠮᠣᠩᠭᠣᠯ ᠡᠮᠨᠡᠯᠭᠡ ᠶ᠋ᠢᠨ ᠡᠮ ᠢ᠋ ᠡᠭᠦᠳᠦᠨ ᠪᠦᠲᠦᠭᠡᠵᠦ᠂ ᠵᠠᠰᠠᠵᠤ ᠳᠡᠢᠯᠬᠦ ᠦᠭᠡᠢ᠂ ᠵᠠᠰᠠᠬᠤ ᠳ᠋ᠤ᠌ ᠪᠡᠷᠬᠡᠲᠡᠢ ᠡᠪᠡᠳᠴᠢᠨ ᠢ᠋ ᠵᠠᠰᠠᠬᠤ ᠵᠣᠷ ᠢ᠋ ᠡᠭᠦᠳᠦᠨ ᠪᠦᠲᠦᠭᠡᠭᠰᠡᠨ᠂ ᠡᠢᠮᠦᠷᠬᠦ ᠰᠠᠢᠨ ᠲᠠᠢ ᠨᠠᠳᠠ ᠶ᠋ᠢ ᠪᠣᠢᠵᠢᠭᠤᠯᠤᠭᠰᠠᠨ᠂ ᠨᠠᠳᠠ ᠶ᠋ᠢ ᠮᠡᠷᠭᠡᠵᠢᠭᠦᠯᠦᠭᠰᠡᠨ᠂ ᠨᠠᠳᠠ ᠶ᠋ᠢ ᠨᠡᠷᠡ ᠭᠠᠷᠭᠠᠭᠰᠠᠨ ᠡᠨᠡ ᠨᠤᠲᠤᠭ ᠢ᠋ᠶ᠋ᠠᠨ ᠪᠣᠯ ᠪᠢ ᠥᠪᠡᠷ ᠦ᠋ᠨ ᠬᠣᠶᠠᠳᠤᠭᠠᠷ ᠲᠥᠷᠥᠭᠰᠡᠨ ᠨᠤᠲᠤᠭ ᠭᠡᠵᠦ ᠪᠣᠳᠣᠳᠠᠭ᠂ ᠤᠯᠠᠭᠠᠨ ᠵᠢᠷᠦᠬᠡᠨ ᠦ᠌ ᠤᠭ ᠠ᠋ᠴᠠ ᠪᠠᠨ ᠬᠠᠢᠷᠠᠯᠠᠵᠤ ᠰᠠᠨᠠᠳᠠᠭ᠂ ᠡᠨᠡ ᠨᠤᠲᠤᠭ ᠳᠡᠭᠡᠷᠡ ᠦᠶᠡ ᠤᠯᠠᠮᠵᠢᠯᠠᠨ ᠠᠮᠢᠳᠤᠷᠠᠨ ᠣᠷᠣᠰᠢᠬᠤ ᠪᠣᠯᠤᠭᠰᠠᠨ᠃
ᠰᠤᠷᠪᠤᠯᠵᠢᠯᠠᠭᠴᠢ᠄ ᠲᠠ ᠡᠨᠡ ᠬᠥᠮᠦᠨ ᠢ᠋ ᠲᠣᠭᠣᠵᠤ ᠬᠠᠢᠷᠠᠯᠠᠳᠠᠭ ᠲᠠᠯᠠ ᠪᠠᠷ ᠶᠠᠷᠢᠨᠠ ᠤᠤ?
ᠯᠢ ᠬᠣᠩ᠄ ᠪᠢᠳᠡ ᠬᠣᠶᠠᠭᠤᠯᠠ ᠪᠠᠨ ᠴᠣᠭ ᠪᠠᠢᠭᠠᠳ ᠪᠠᠢᠪᠠᠯ ᠡᠨᠡ ᠨᠠᠮᠠ ᠶ᠋ᠢ ᠬᠠᠪᠰᠤᠷᠤᠨᠠ᠂ ᠪᠢ ᠪᠠᠰᠠ ᠲᠡᠭᠦᠨ ᠢ᠋ ᠬᠠᠪᠰᠤᠷᠤᠨᠠ᠃ ᠡᠨᠡ ᠠᠵᠢᠯ ᠳᠡᠭᠡᠷᠡ ᠪᠡᠨ ᠨᠠᠳᠠ ᠠ᠋ᠴᠠ ᠢᠯᠡᠭᠦᠦ ᠰᠠᠢᠨ᠂ ᠠᠵᠢᠯ ᠳ᠋ᠤ᠌ ᠪᠠᠨ ᠰᠠᠢᠨ ᠮᠥᠷᠲᠡᠭᠡᠨ ᠴᠢᠨᠠᠷ ᠲᠠᠢ ᠶᠠᠭᠤ ᠬᠢᠭᠰᠡᠨ ᠴᠦ᠍ ᠰᠡᠳᠬᠢᠯ ᠦ᠋ᠨ ᠤᠭ ᠠ᠋ᠴᠠ ᠪᠠᠨ᠂ ᠨᠢᠭᠡ ᠶᠠᠭᠤᠮᠠ ᠶ᠋ᠢ ᠪᠦᠲᠦᠭᠡᠶᠡ ᠭᠡᠵᠦ ᠴᠢᠷᠮᠠᠢᠨᠠ᠂ ᠲᠡᠷᠡ ᠡᠨᠳᠡ ᠢᠷᠡᠭᠡᠳ ᠤᠳᠠᠭᠰᠠᠨ ᠦᠭᠡᠢ᠂ ᠨᠢᠭᠡ ᠬᠣᠶᠠᠷ ᠵᠢᠯ ᠪᠣᠯᠤᠭᠰᠠᠨ ᠦᠭᠡᠢ ᠪᠡᠷ᠂ ᠮᠣᠩᠭᠣᠯᠵᠢᠨ ᠰᠢᠶᠣᠤ ᠪᠠᠢ ᠭᠡᠳ ᠨᠡᠷᠡ ᠭᠠᠷᠴᠠᠢ᠂ ᠭᠠᠵᠠᠷ ᠭᠠᠵᠠᠷ ᠡᠪᠡᠳᠴᠢᠨ ᠦᠵᠡᠭᠦᠯᠬᠦ ᠪᠡᠷ ᠵᠠᠯᠠᠵᠤ ᠠᠪᠠᠴᠢᠨᠠ᠂ ᠦᠳᠡᠰᠢ ᠪᠣᠯ ᠦᠳᠡᠰᠢ᠂ ᠥᠷᠯᠥᠭᠡ ᠡᠷᠲᠡ ᠪᠣᠯ ᠡᠷᠲᠡ᠂ ᠵᠠᠷᠢᠮ ᠳ᠋ᠤ᠌ ᠪᠠᠨ ᠲᠡᠷᠭᠡ ᠪᠡᠷ ᠠᠪᠠᠴᠢᠨᠠ᠂ ᠵᠠᠷᠢᠮ ᠳ᠋ᠤ᠌ ᠪᠠᠨ ᠥᠪᠡᠷᠲᠡᠭᠡᠨ ᠮᠣᠷᠢ ᠤᠨᠤᠭᠠᠳ ᠶᠠᠪᠤᠴᠢᠬᠠᠨᠠ᠂ ᠴᠠᠰᠤ ᠪᠣᠷᠣᠭᠠᠨ ᠭᠡᠵᠦ ᠬᠠᠮᠢᠶᠠᠷᠬᠤ ᠦᠭᠡᠢ᠂ ᠬᠠᠮᠢᠭᠠ ᠣᠴᠢᠪᠠᠯ ᠬᠠᠮᠢᠭᠠ᠂ ᠡᠷᠡᠭᠡ ᠵᠢᠷᠣᠭᠠ ᠦᠭᠡᠢ ᠡᠪᠡᠳᠴᠢᠨ ᠢ᠋ ᠨᠢ ᠦᠵᠡᠵᠦ ᠪᠠᠢᠨᠠ᠂ ᠪᠤᠳᠠᠭᠠ ᠶ᠋ᠢ ᠨᠢ ᠢᠳᠡᠵᠦ ᠪᠠᠢᠨᠠ᠃ ᠪᠢ ᠪᠣᠯ ᠭᠡᠷ ᠵᠠᠭᠤᠷᠠ ᠶ᠋ᠢᠨ ᠠᠵᠢᠯ ᠪᠣᠯᠳ ᠬᠡᠦᠬᠡᠳ ᠢ᠋ᠶ᠋ᠡᠨ ᠦᠵᠡᠵᠦ ᠠᠩᠬᠠᠷᠤᠨᠠ᠃ ᠠᠵᠢᠯ ᠳᠡᠭᠡᠷᠡ ᠪᠢ ᠲᠡᠭᠦᠨ ᠢ᠋ ᠬᠦᠷᠬᠦ ᠦᠭᠡᠢ᠂ ᠪᠢᠳᠡ ᠬᠣᠶᠠᠭᠤᠯᠠ ᠪᠡᠶᠡ ᠪᠡᠶᠡ ᠪᠡᠨ ᠬᠠᠷᠢᠯᠴᠠᠨ ᠬᠠᠪᠰᠤᠷᠴᠤ ᠯᠠ ᠪᠠᠢᠳᠠᠭ᠃
ᠨᠢᠭᠡ ᠡᠳᠦᠷ ᠠᠮᠢᠳᠤ ᠪᠠᠢᠪᠠᠰᠤ ᠨᠢᠭᠡ ᠡᠳᠦᠷ ᠡᠪᠡᠳᠴᠢᠲᠡᠨ ᠦ᠌ ᠲᠥᠯᠥᠭᠡ ᠴᠢᠷᠮᠠᠢᠨᠠ᠂ ᠮᠢᠨᠦ ᠠᠮᠢ ᠨᠠᠰᠤ ᠪᠣᠯᠪᠠᠯ ᠡᠪᠡᠳᠴᠢᠲᠡᠨ ᠦ᠌ ᠲᠥᠯᠥᠭᠡ ᠠᠮᠢᠳᠤᠷᠠᠵᠤ ᠪᠢ ᠬᠣᠪᠢᠨ ᠤ᠋ ᠲᠥᠯᠥᠭᠡ ᠪᠢᠰᠢ᠂ ᠡᠪᠡᠳᠴᠢᠨ ᠭᠡᠳᠡᠭ ᠢ᠋ ᠠᠮᠢᠳᠤ ᠪᠠᠢᠭᠠ ᠬᠥᠮᠦᠨ ᠲᠠᠪᠤᠨ ᠲᠠᠷᠢᠶᠠ ᠢᠳᠡᠳᠡᠭ ᠬᠥᠮᠦᠨ ᠪᠣᠯᠭᠠᠨ ᠣᠯᠬᠤ ᠪᠣᠯᠤᠯᠴᠠᠭᠠ ᠪᠠᠢᠨᠠ᠂ ᠭᠡᠪᠡᠴᠦ ᠣᠯᠤᠭᠰᠠᠨ ᠤ᠋ ᠳᠠᠷᠠᠭᠠ ᠪᠣᠯ ᠶᠠᠭᠠᠬᠢᠵᠤ ᠵᠠᠰᠠᠨᠠ᠂ ᠶᠠᠭᠠᠬᠢᠵᠤ ᠡᠮᠨᠡᠨ ᠵᠠᠰᠠᠨᠠ᠂ ᠶᠠᠭᠠᠬᠢᠵᠤ ᠰᠤᠪᠢᠯᠠᠨᠠ ᠭᠡᠪᠡᠯ᠄ ᠬᠠᠮᠤᠭ ᠤᠷᠢᠳᠠᠪᠡᠷ ᠪᠣᠯ ᠪᠣᠳᠣᠯ ᠰᠠᠨᠠᠯ ᠳᠡᠭᠡᠷᠡ ᠪᠡᠨ ᠡᠪᠡᠳᠴᠢᠨ ᠡᠴᠡ ᠠᠶᠤᠵᠤ ᠪᠣᠯᠬᠤ ᠦᠭᠡᠢ᠂ ᠡᠪᠡᠳᠴᠢᠨ ᠢ᠋ ᠪᠣᠯ ᠵᠠᠪᠠᠯ ᠵᠠᠰᠠᠵᠤ ᠳᠡᠢᠯᠦᠨᠡ᠂ ᠵᠠᠰᠠᠵᠤ ᠴᠢᠳᠠᠨᠠ ᠭᠡᠵᠦ ᠪᠠᠲᠤ ᠢᠲᠡᠭᠡᠨᠡ᠂ ᠡᠢᠮᠦ ᠢᠲᠡᠭᠡᠯᠲᠡᠢ ᠪᠣᠯ ᠰᠠᠶᠢ ᠡᠪᠡᠳᠴᠢᠨ ᠢ᠋ ᠵᠠᠰᠠᠵᠤ ᠳᠡᠢᠯᠦᠨᠡ᠂ ᠰᠥᠰᠥ ᠵᠣᠷᠢᠭ ᠪᠠᠲᠤ ᠦᠭᠡᠢ ᠬᠥᠮᠦᠨ ᠪᠣᠯ 《ᠠᠢ》ᠭᠡᠵᠦ ᠰᠣᠨᠣᠰᠪᠠᠰᠤ ᠠᠶᠤᠯᠲᠠᠢ ᠡᠪᠡᠳᠴᠢᠨ ᠭᠡᠵᠦ ᠠᠮᠢᠨ ᠰᠦᠨᠡᠰᠦ ᠨᠢ ᠭᠠᠷᠴᠤ ᠠᠶᠤᠨᠠ᠂ ᠤᠨᠲᠠᠵᠤ ᠳᠡᠢᠯᠬᠦ ᠦᠭᠡᠢ ᠵᠣᠪᠠᠨᠠ᠂ ᠦᠬᠦᠬᠦ ᠡᠴᠡ ᠠᠶᠤᠨᠠ᠂ ᠢᠩᠭᠢᠭᠰᠡᠭᠡᠷ ᠰᠡᠳᠬᠢᠯ ᠦ᠋ᠨ ᠰᠢᠮᠡ ᠪᠠᠷᠠᠭᠳᠠᠴᠢᠬᠠᠨᠠ᠂ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠦ᠋ᠨ ᠰᠢᠮᠡ ᠭᠡᠳᠡᠭ ᠴᠢᠨᠢ ᠰᠢᠮᠡ ᠶ᠋ᠢᠨ ᠲᠡᠷᠢᠭᠦᠨ ᠳ᠋ᠦ᠍ ᠣᠷᠣᠨᠠ᠂ ᠬᠥᠮᠦᠨ ᠳ᠋ᠦ᠍ ᠪᠣᠯ ᠰᠡᠳᠬᠢᠯ ᠦ᠋ᠨ ᠰᠢᠮᠡ ᠪᠣᠯ ᠡᠷᠬᠢᠮ ᠲᠡᠷᠢᠭᠦᠨ᠂ ᠠᠭᠠᠷ ᠤ᠋ᠨ ᠰᠢᠮᠡ ᠪᠣᠯ ᠬᠣᠶᠠᠳᠤᠭᠠᠷ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠤ᠋ ᠰᠢᠮᠡ ᠪᠣᠯ ᠭᠤᠷᠪᠠᠳᠤᠭᠠᠷ ᠢ᠋ ᠡᠵᠡᠯᠡᠨᠡ᠂ ᠴᠢ ᠬᠡᠷᠪᠡ ᠰᠡᠳᠬᠢᠯ ᠦ᠋ᠨ ᠰᠢᠮᠡ ᠪᠡᠨ ᠠᠯᠳᠠᠴᠢᠬᠠᠪᠠᠯ ᠰᠦᠨᠡᠰᠦ ᠦᠭᠡᠢ ᠪᠣᠯᠴᠢᠬᠠᠵᠠᠢ ᠭᠡᠵᠦ ᠬᠡᠯᠡᠨᠡ᠂ ᠴᠣᠭ ᠦᠭᠡᠢ ᠯᠠᠢ᠃
ᠲᠡᠷᠡ《ᠬᠤᠸᠠᠩ ᡁᠢ ᠭᠤᠸᠠᠩ》 ᠨᠠᠢ᠍ᠮᠠᠨ ᠰᠤᠮᠤ ᠨᠡᠪᠲᠡᠷᠡᠴᠢᠬᠡᠭᠡᠳ ᠪᠠᠰᠠ ᠶᠠᠭᠠᠬᠢᠭᠠᠳ ᠠᠮᠢ ᠪᠠᠢᠬᠤ ᠪᠣᠢ ᠣᠴᠢᠵᠤ ᠪᠠᠢᠯᠳᠤᠬᠤ ᠵᠣᠷᠢᠭ ᠪᠠᠢᠨᠠ ᠳᠠ᠂ ᠲᠡᠷᠡ ᠴᠢᠨᠢ ᠰᠡᠳᠬᠢᠯ ᠦ᠋ᠨ ᠰᠢᠮᠡ ᠨᠢ ᠦᠬᠦᠭᠡᠳᠦᠢ᠂ ᠪᠡᠶᠡ ᠨᠢ ᠪᠣᠯᠬᠤ ᠦᠭᠡᠢ ᠯᠠᠢ᠂ ᠰᠡᠳᠬᠢᠯ ᠦ᠋ᠨ ᠰᠢᠮᠡ ᠶ᠋ᠢᠨ ᠬᠦᠴᠦ ᠪᠡᠷ ᠲᠡᠰᠴᠦ ᠪᠣᠢ᠃ ᠪᠢ ᠪᠣᠯᠪᠠᠯ ᠠᠶᠤᠬᠤ ᠶᠠᠭᠤᠮᠠ ᠦᠭᠡᠢ᠂ ᠪᠢ ᠪᠣᠯ ᠰᠡᠳᠬᠢᠯ ᠦ᠋ᠨ ᠰᠢᠮᠡ ᠶ᠋ᠢ ᠡᠷᠬᠢᠮ ᠢ᠋ᠶ᠋ᠡᠷ ᠦᠵᠡᠵᠦ ᠪᠠᠢᠨᠠ᠂ ᠨᠠᠭᠠᠳᠬᠤ ᠪᠠᠷ ᠢ᠋ᠶ᠋ᠠᠨ ᠨᠠᠭᠠᠳᠤᠨᠠ᠂ ᠢᠳᠡᠬᠦ ᠪᠡᠷ ᠢ᠋ᠶ᠋ᠡᠨ ᠢᠳᠡᠨᠡ᠂ ᠤᠤᠭᠤᠬᠤ ᠪᠠᠷ ᠢ᠋ᠶ᠋ᠠᠨ ᠤᠤᠭᠤᠨᠠ᠃ ᠠᠮᠢᠳᠤᠷᠠᠪᠠᠰᠤ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠲᠠᠢ᠂ ᠦᠬᠦᠪᠡᠰᠦ ᠲᠦᠷᠭᠡᠨ ᠲᠣᠭᠰᠢᠨ᠂ ᠪᠢ ᠡᠨᠡ ᠵᠢᠮᠡ ᠶᠣᠰᠣ ᠶ᠋ᠢ ᠪᠣᠯᠪᠠᠯ ᠪᠠᠷᠢᠮᠲᠠᠯᠠᠵᠤ ᠪᠠᠢᠨᠠ᠃
ᠮᠢᠨᠦ ᠡᠮᠴᠢ ᠶ᠋ᠢᠨ ᠰᠤᠷᠲᠠᠯ ᠤ᠋ᠨ ᠵᠢᠮᠡ ᠶᠣᠰᠣ ᠪᠣᠯᠪᠠᠯ᠂ ᠣᠲᠠᠴᠢ ᠪᠤᠷᠬᠠᠨ ᠤ᠋ ᠵᠢᠭᠠᠪᠤᠷᠢ ᠶ᠋ᠢ ᠬᠦᠷᠲᠡᠵᠦ᠂ ᠨᠠᠮ ᠵᠠᠰᠠᠭ ᠤ᠋ᠨ ᠬᠥᠮᠦᠵᠢᠯ ᠢ᠋ᠶ᠋ᠡᠷ ᠡᠮᠴᠢ ᠪᠣᠯᠬᠤ ᠬᠡᠷᠡᠭᠲᠡᠢ᠂ ᠶᠡᠷᠦ ᠶ᠋ᠢᠨ ᠬᠥᠮᠦᠨ ᠳ᠋ᠦ᠍ ᠪᠣᠯᠪᠠᠯ ᠥᠪᠡᠷ ᠦ᠋ᠨ ᠲᠥᠷᠥᠯ ᠰᠠᠳᠤᠨ ᠮᠡᠲᠦ ᠡᠶᠡᠯᠰᠡᠭ ᠳᠣᠲᠣᠨᠣ ᠡᠶᠡᠪᠡᠷᠭᠦᠦ ᠨᠠᠢᠷᠠᠮᠳᠠᠭᠤ ᠬᠠᠨᠳᠤᠵᠤ᠂ ᠡᠪᠡᠳᠴᠢᠲᠡᠨ ᠪᠣᠯᠤᠨ ᠵᠣᠪᠠᠯᠠᠩᠲᠠᠨ ᠢ᠋ ᠪᠣᠯ ᠥᠪᠡᠷ ᠦ᠋ᠨ ᠡᠬᠡ ᠡᠴᠢᠭᠡ ᠠᠬᠠ ᠳᠡᠭᠦᠦ ᠮᠡᠲᠦ ᠠᠰᠠᠷᠠᠨ ᠳᠡᠮᠵᠢᠵᠦ ᠬᠠᠯᠠᠮᠵᠢᠯᠠᠯ ᠦᠵᠡᠭᠦᠯᠵᠦ ᠵᠠᠰᠠᠵᠤ ᠠᠪᠤᠷᠠᠨᠠ᠂ᠲᠡᠳᠡᠨ ᠢ᠋ ᠡᠪᠡᠳᠴᠢᠨ ᠦ᠌ ᠭᠠᠮᠰᠢᠭ ᠵᠣᠪᠠᠯᠠᠩ ᠠ᠋ᠴᠠ ᠨᠢ ᠠᠷᠢᠯᠭᠠᠨᠠ᠂ ᠲᠡᠳᠡᠨ ᠦ᠌ ᠡᠷᠡᠭᠦᠯ ᠰᠠᠷᠠᠭᠤᠯ᠂ ᠵᠣᠯ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠯ ᠤ᠋ᠨ ᠲᠥᠯᠥᠭᠡ ᠥᠪᠡᠷ ᠦ᠋ᠨ ᠠᠯᠢᠪᠠ ᠪᠠᠨ ᠡᠷᠭᠦᠵᠦ᠂ ᠡᠭᠦᠨ ᠳ᠋ᠦ᠍᠄《ᠬᠤᠨ ᠭᠠᠯᠠᠭᠤ ᠶ᠋ᠢᠨ ᠬᠥᠬᠡ ᠣᠭᠲᠠᠷᠭᠤᠢ ᠳ᠋ᠤ᠌ ᠥᠨᠳᠥᠷ ᠨᠢᠰᠦᠯᠲᠡ ᠶ᠋ᠢ ᠪᠠᠬᠠᠳᠤᠨ ᠬᠠᠢᠷᠠᠯᠠᠵᠤ᠂ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌᠂ ᠬᠣᠷᠸᠠ ᠶᠢᠷᠲᠢᠨᠴᠦ ᠳ᠋ᠦ᠍ ᠣᠷᠣᠰᠢᠨ ᠠᠮᠢᠳᠤᠷᠠᠬᠤ ᠶ᠋ᠢᠨ ᠲᠥᠯᠥᠭᠡ ᠮᠡᠬᠦᠢᠨ ᠵᠢᠳᠬᠦᠨᠡᠮ!》 ᠭᠡᠰᠡᠨ ᠡᠨᠡ ᠲᠣᠯᠢ ᠪᠠᠷ ᠥᠪᠡᠷ ᠦ᠋ᠨ ᠨᠢᠭᠡᠨ ᠪᠡᠶᠡ ᠶ᠋ᠢᠨ ᠬᠠᠷᠠᠯᠲᠠ ᠪᠣᠯᠭᠠᠵᠤ ᠴᠢᠷᠮᠠᠢᠵᠤ ᠵᠢᠳᠬᠦᠭᠰᠡᠨ᠂ᠨᠢᠭᠡ ᠡᠳᠦᠷ ᠠᠮᠢᠳᠤ ᠪᠠᠢᠪᠠᠰᠤ᠂ ᠡᠪᠡᠳᠴᠢᠲᠡᠨ ᠦ᠌ ᠲᠥᠯᠥᠭᠡ ᠲᠡᠮᠡᠴᠡᠬᠦ ᠬᠡᠷᠡᠭᠲᠡᠢ᠃ ᠡᠨᠡ ᠪᠣᠯ ᠮᠢᠨᠦ ᠳᠠᠷᠬᠠᠨ ᠡᠭᠦᠷᠭᠡ ᠪᠣᠯᠤᠨᠠ᠂ ᠲᠠ ᠪᠣᠳᠣᠵᠤ ᠦᠵᠡ! ᠡᠨᠡ ᠬᠣᠷᠢᠨ ᠵᠢᠷᠭᠤᠭᠠᠨ ᠵᠢᠯ ᠳ᠋ᠦ᠍᠂ᠮᠢᠨᠦ ᠨᠢᠭᠡ ᠡᠳᠦᠷ ᠦ᠋ᠨ ᠳ᠋ᠤᠭᠠᠷᠯᠠᠬᠤ ᠶ᠋ᠢ ᠪᠣᠯ ᠨᠠᠶᠠ ᠪᠠᠷ ᠬᠢᠵᠠᠭᠠᠷᠯᠠᠵᠤ ᠪᠠᠢᠨᠠ᠂ ᠬᠢᠴᠢᠶᠡᠯ ᠣᠷᠣᠬᠤ ᠠ᠋ᠴᠠ ᠪᠤᠰᠤᠳ ᠴᠠᠭ ᠲᠤ᠌ ᠪᠦᠷ ᠡᠪᠡᠳᠴᠢᠨ ᠦᠵᠡᠵᠦ ᠪᠠᠢᠨᠠ᠂ ᠠᠯᠢ ᠴᠤ᠌ ᠵᠢᠯ ᠠᠷᠪᠠᠨ ᠬᠡᠳᠦᠨ ᠲᠦᠮᠡᠨ ᠬᠥᠮᠦᠨ ᠦ᠌ ᠡᠪᠡᠳᠴᠢᠨ ᠢ᠋ ᠦᠵᠡᠵᠦ ᠪᠠᠢᠨᠠ᠃ ᠣᠯᠠᠨ ᠠᠷᠠᠳ ᠤ᠋ᠨ ᠢᠲᠡᠭᠡᠯ ᠰᠠᠢᠰᠢᠶᠠᠯ ᠢ᠋ ᠬᠦᠷᠲᠡᠭᠰᠡᠨ ᠪᠣᠯᠪᠠᠯ ᠬᠠᠮᠤᠭ ᠤ᠋ᠨ ᠶᠡᠬᠡ ᠱᠠᠩᠨᠠᠯ ᠭᠡᠵᠦ ᠦᠵᠡᠨᠡ᠃
ᠰᠤᠷᠪᠤᠯᠵᠢᠯᠠᠭᠴᠢ᠄ ᠲᠠ ᠣᠳᠣ ᠬᠠᠭᠠᠨ ᠤ᠋ ᠱᠠᠩᠨᠠᠯ ᠠ᠋ᠴᠠ ᠬᠠᠷᠠᠴᠤ ᠶ᠋ᠢᠨ ᠱᠠᠩᠨᠠᠯ ᠳᠡᠭᠡᠷᠡ ᠭᠡᠵᠦ ᠦᠵᠡᠳᠡᠭ ᠬᠥᠮᠦᠨ ᠪᠠᠢᠨᠠ᠂
ᠣᠳᠣ ᠨᠢᠭᠡ ᠨᠢ ᠪᠣᠯᠪᠠᠯ ᠠᠷᠠᠳ ᠲᠦᠮᠡᠨ ᠦ᠌ ᠡᠪᠡᠳᠴᠢᠨ ᠢ᠋ ᠦᠵᠡᠵᠦ ᠪᠤᠶᠠᠨ ᠬᠤᠷᠢᠶᠠᠵᠤ ᠪᠠᠢᠨᠠ᠂ ᠡᠨᠡ ᠴᠢᠨᠢ ᠪᠤᠶᠠᠨ ᠬᠤᠷᠢᠶᠠᠵᠤ ᠪᠠᠢᠨᠠ᠂ ᠬᠡᠳᠦᠨ ᠦᠶᠡ ᠶ᠋ᠢᠨ ᠤᠴᠢᠷ ᠡᠢᠮᠦ ᠰᠠᠢᠨ ᠤᠴᠢᠷ ᠬᠢᠵᠦ ᠪᠠᠢᠨᠠ᠂ ᠪᠢᠳᠡ ᠨᠢᠭᠡ ᠪᠡᠶᠡ ᠳ᠋ᠦ᠍ ᠪᠡᠨ ᠮᠣᠩᠭᠣᠯ ᠡᠮᠴᠢ ᠶ᠋ᠢᠨ ᠠᠵᠢᠯ ᠬᠢᠭᠡᠳ ᠮᠠᠨ ᠤ᠋ ᠦᠨᠳᠦᠰᠦᠲᠡᠨ ᠥᠪᠡᠷ ᠦ᠋ᠨ ᠦᠨᠡ ᠥᠷᠲᠡᠭ ᠲᠡᠢ᠂ ᠡᠭᠦᠨ ᠢ᠋ᠶ᠋ᠡᠨ ᠮᠠᠭᠲᠠᠨ ᠳᠠᠭᠤᠯᠠᠶᠠ ᠭᠡᠵᠦ ᠳᠠᠭᠤᠯᠠᠵᠤ ᠥᠩᠭᠡᠷᠡᠵᠡᠢ᠂ ᠪᠠᠶᠠᠷᠯᠠᠪᠠᠯ ᠮᠣᠩᠭᠣᠯ ᠡᠮᠴᠢ ᠶ᠋ᠢᠨ ᠮᠠᠭᠲᠠᠭᠠᠯ ᠢ᠋ᠶ᠋ᠠᠨ ᠳᠠᠭᠤᠯᠠᠨᠠ᠂ ᠪᠠᠶᠠᠷ ᠴᠤᠭᠯᠠᠭᠠ ᠴᠤᠭᠯᠠᠪᠠᠯ᠂ ᠮᠣᠩᠭᠣᠯ ᠡᠮᠴᠢ ᠶ᠋ᠢᠨ ᠮᠠᠭᠲᠠᠭᠠᠯ ᠢ᠋ᠶ᠋ᠠᠨ ᠳᠠᠭᠤᠯᠠᠳᠠᠭ᠃
ᠰᠤᠷᠪᠤᠯᠵᠢᠯᠠᠭᠴᠢ᠄ ᠲᠠᠨ ᠤ᠋ ᠰᠠᠢᠬᠠᠨ ᠳᠠᠭᠤᠤ ᠶ᠋ᠢ ᠴᠢᠨᠢ ᠰᠣᠨᠣᠰᠬᠤ ᠶ᠋ᠢ ᠰᠠᠨᠠᠵᠤ ᠪᠠᠢᠨᠠ᠂
ᠪᠢ ᠬᠤᠭᠤᠷᠳᠠᠵᠤ ᠥᠭᠭᠦᠶᠡ᠂
ᠰᠤᠷᠪᠤᠯᠵᠢᠯᠠᠭᠴᠢ᠄ ᠲᠠᠨ ᠤ᠋ ᠭᠡᠷ ᠲᠦ᠍ ᠬᠤᠭᠤᠷ ᠳᠠᠷᠤᠵᠤ ᠴᠢᠳᠠᠬᠤ ᠬᠥᠮᠦᠨ ᠪᠠᠢᠭᠰᠠᠨ ᠶᠤᠮ ᠤᠤ?
ᠮᠠᠨ ᠤ᠋ ᠮᠣᠩᠭᠣᠯᠵᠢᠨ ᠬᠤᠰᠢᠭᠤᠨ ᠳ᠋ᠤ᠌ ᠭᠤᠷᠪᠠᠨ ᠬᠥᠮᠦᠨ ᠶᠠᠪᠤᠪᠠᠯ ᠬᠣᠶᠠᠷ ᠨᠢ ᠳᠠᠭᠤᠴᠢᠨ᠂ ᠳᠠᠭᠤᠨ ᠳ᠋ᠤ᠌ ᠪᠠᠨ ᠠᠪᠢᠶᠠᠰᠲᠠᠢ᠂ ᠶᠠᠮᠠᠷ ᠦᠭᠡᠭᠦᠦ ᠶᠠᠳᠠᠭᠤ ᠭᠡᠷ ᠪᠣᠯᠤᠭᠰᠠᠨ ᠴᠤ᠌ ᠬᠤᠭᠤᠷ ᠲᠠᠢ᠂ ᠬᠡᠷᠡᠮ ᠳᠡᠭᠡᠷᠡ ᠪᠡᠨ ᠡᠯᠭᠦᠵᠦ ᠪᠠᠢᠨᠠ᠂ ᠴᠢᠳᠠᠬᠤ ᠴᠢᠳᠠᠬᠤ ᠦᠭᠡᠢ ᠶ᠋ᠢᠨ ᠤᠴᠢᠷ ᠪᠢᠰᠢ᠂ ᠪᠠᠰᠠ ᠨᠢᠭᠡ ᠨᠢ ᠠᠪᠠ ᠶ᠋ᠢᠨ ᠫᠤᠤ ᠲᠠᠢ᠂ ᠡᠨᠡ ᠨᠢ ᠮᠣᠩᠭᠣᠯᠵᠢᠨ ᠤ᠋ ᠵᠠᠩᠰᠢᠯ᠃ ᠮᠢᠨᠦ ᠯᠠᠮᠠ ᠡᠪᠦᠭᠡ ᠪᠣᠯ ᠬᠤᠭᠤᠷ ᠳᠠᠷᠤᠳᠠᠭ᠂ ᠪᠢ᠂ ᠪᠠᠭᠠ ᠠ᠋ᠴᠠ ᠪᠠᠨ ᠬᠤᠭᠤᠷ ᠰᠣᠨᠣᠰᠬᠤ ᠳᠤᠷᠠᠲᠠᠢ ᠪᠣᠯᠬᠣᠷ ᠲᠡᠳᠡᠨ ᠢ᠋ ᠳᠠᠭᠠᠵᠤ ᠨᠡᠯᠢᠶᠡᠳ ᠰᠤᠷᠴᠢᠬᠠᠵᠠᠢ᠃
ᠰᠤᠷᠪᠤᠯᠵᠢᠯᠠᠭᠴᠢ᠄ ᠪᠠᠢ ᠭᠠᠩ ᠡᠮᠴᠢ ᠬᠤᠭᠤᠷᠳᠠᠭᠠᠳ᠂ ᠯᠢ ᠬᠣᠩ ᠪᠠᠭᠰᠢ ᠳᠠᠭᠤᠯᠠᠨᠠ᠂
ᠤᠯᠠᠭᠠᠨ ᠯᠢᠩᠬᠤᠠ ᠴᠡᠴᠡᠭ ᠴᠢᠨᠢ ᠠ᠋ ᠬᠦᠢ
ᠤᠰᠤᠨ ᠪᠤᠯᠠᠭ ᠲᠤ᠌ ᠪᠠᠨ ᠳᠡᠯᠭᠡᠷᠡᠭᠰᠡᠨ ᠰᠢᠦ ᠬᠦᠢ
ᠤᠷᠢᠳᠤ ᠶ᠋ᠢᠨ ᠲᠡᠦᠬᠡ ᠲᠡᠢ ᠮᠣᠩᠭᠣᠯᠵᠢᠨ ᠤ᠋ ᠭᠡᠭᠡᠨ ᠰᠦᠮᠡ ᠶ᠋ᠢᠨ
ᠣᠷᠳᠣᠨ ᠠ᠋ᠴᠠ ᠮᠠᠮᠪᠠᠷᠠᠰᠠᠩ ᠮᠡᠨᠳᠦᠯᠡᠭᠰᠡᠨ ᠶᠦ᠍ᠮ ᠰᠢᠦ ᠬᠦᠢ
(2011.1.7)
ᠪᠠᠢ ᠭᠠᠩ (ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠦᠨᠳᠦᠰᠦᠲᠡᠨ ᠦ᠌ ᠡᠮᠨᠡᠯᠭᠡ ᠶ᠋ᠢᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠶ᠋ᠢᠨ ᠮᠣᠩᠭᠣᠯ ᠡᠮᠨᠡᠯᠭᠡ ᠶ᠋ᠢᠨ ᠳᠡᠳ᠋ ᠫᠷᠣᠹᠧᠰᠰᠣᠷ᠂1945.11.17 ——2012.05.01)
ᠢᠷᠡᠯᠲᠡ᠄ ᠤᠰᠬᠠᠯ ᠥᠷᠥᠭᠡ
ᠪᠢᠴᠢᠯᠭᠡ ᠪᠠ ᠦᠰᠦᠭ ᠠᠮᠢᠯᠠᠭᠤᠯᠵᠤ ᠬᠠᠲᠠᠭᠰᠠᠨ ᠨᠢ᠄ ᠭᠠᠸᠠ
ᠬᠢᠨᠠᠭᠴᠢ᠄ ᠰᠡᠴᠡᠨ᠂ ᠨᠤᠮᠤᠴᠢᠨ ᠪᠢᠯᠢᠭ