ᠦᠨᠡᠭᠡ ᠠᠷᠰᠯᠠᠨ ᠬᠣᠶᠠᠷ,Üneg Arslankhoyor Үнэг Арслан хоёр
1487ᠦᠨᠡᠭᠡ ᠠᠷᠰᠯᠠᠨ ᠬᠣᠶᠠᠷ
ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠦᠯᠢᠭᠡᠷ
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ᠌᠂ ᠦᠨᠡᠭᠡ ᠠᠷᠰᠯᠠᠨ ᠬᠣᠶᠠᠷ ᠬᠠᠮᠲᠤᠷᠠᠵᠤ᠂ ᠠᠩ ᠬᠦᠷᠦᠭᠡ ᠪᠠᠷᠢᠵᠤ ᠢᠳᠡᠳᠡᠭ ᠪᠠᠢᠯᠠ᠃ ᠡᠨᠡ ᠪᠠᠷᠢᠭᠰᠠᠨ ᠶᠠᠭᠤᠮᠠ ᠪᠠᠨ ᠢᠮᠠᠭᠲᠠ ᠠᠷᠰᠯᠠᠨ ᠡᠭᠦᠷᠳᠡᠭ ᠪᠠᠢᠵᠠᠢ᠃
ᠭᠡᠲᠡᠯᠡ ᠨᠢᠭᠡ ᠡᠳᠦᠷ ᠪᠤᠭᠤ ᠪᠠᠷᠢᠭᠠᠳ ᠦᠨᠡᠭᠡ ᠶ᠋ᠢ ᠴᠢ ᠡᠭᠦᠷ ᠭᠡᠵᠦ ᠠᠷᠰᠯᠠᠨ ᠢ᠋ ᠬᠡᠯᠡᠬᠦ ᠳ᠋ᠦ᠍᠂
— ᠪᠢ ᠡᠭᠦᠷᠬᠦ ᠳ᠋ᠦ᠍ ᠴᠦ᠍ ᠡᠭᠦᠷᠦᠶᠡ᠂ ᠬᠠᠷᠢᠨ ᠢᠨᠴᠠᠭᠯᠠᠬᠤ ᠭᠡᠵᠦ ᠨᠢᠭᠡ ᠬᠡᠴᠡᠭᠦᠦ ᠠᠵᠢᠯ ᠪᠣᠢ ᠰᠢᠦ! ᠲᠡᠭᠦᠨ ᠢ᠋ ᠴᠢ ᠴᠢᠳᠠᠬᠤ ᠤᠤ? ᠭᠡᠵᠦ ᠦᠨᠡᠭᠡ ᠬᠡᠯᠡᠪᠡ᠃
ᠲᠡᠭᠡᠬᠦ ᠳ᠋ᠦ᠍ ᠠᠷᠰᠯᠠᠨ ᠪᠢ ᠠᠷᠢᠶᠠᠲᠠᠨ ᠤ᠋ ᠬᠠᠭᠠᠨ ᠪᠠᠢᠲᠠᠯᠠ ᠡᠨᠡ ᠮᠠᠭᠤ ᠦᠨᠡᠭᠡᠨ ᠦ᠌ ᠬᠣᠢᠨᠠ ᠠ᠋ᠴᠠ ᠳᠠᠭᠠᠭᠠᠳ ᠢᠨᠴᠠᠭᠯᠠᠵᠤ ᠶᠠᠪᠤᠬᠤ ᠭᠡᠳᠡᠭ ᠨᠢ ᠢᠴᠢᠭᠦᠷᠢᠲᠡᠢ ᠬᠡᠷᠡᠭ ᠭᠡᠵᠦ ᠪᠣᠳᠣᠭᠠᠳ᠂
— ᠬᠦᠢ᠂ ᠪᠢ ᠢᠨᠴᠠᠭᠯᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠡᠭᠦᠷᠬᠦ ᠶ᠋ᠢ ᠨᠢ ᠪᠢ ᠡᠭᠦᠷᠦᠶᠡ᠂ ᠢᠨᠴᠠᠭᠯᠠᠬᠤ ᠶ᠋ᠢ ᠨᠢ ᠴᠢ ᠢᠨᠴᠠᠭᠯᠠ ᠭᠡᠳ ᠪᠤᠭᠤ ᠪᠠᠨ ᠵᠣ ᠳᠡᠭᠡᠭᠦᠷ ᠢ᠋ᠶ᠋ᠡᠨ ᠲᠠᠯᠪᠢᠵᠤ᠂ ᠬᠥᠯ ᠡᠴᠡ ᠨᠢ ᠵᠠᠭᠤᠭᠠᠳ ᠶᠡᠬᠡ ᠵᠠᠩ ᠲᠠᠢ ᠠᠯᠬᠤᠯᠠᠯᠠ᠃ ᠦᠨᠡᠭᠡ ᠬᠣᠢᠨᠠ ᠠ᠋ᠴᠠ ᠨᠢ ᠢᠨᠴᠠᠭᠯᠠᠭᠠᠳ ᠳᠠᠭᠠᠪᠠ᠃ ᠳᠠᠭᠠᠭᠰᠠᠭᠠᠷ ᠤᠭ ᠭᠠᠵᠠᠷ ᠲᠠᠭᠠᠨ ᠬᠦᠷᠴᠦ ᠨᠥᠭᠦᠭᠡ ᠮᠢᠬᠠᠨ ᠠ᠋ᠴᠠ ᠨᠢ ᠳᠠᠴᠢᠭᠦᠢ ᠢᠳᠡᠯᠴᠡᠵᠦ ᠭᠡᠨᠡ᠃
ᠦᠰᠦᠭ ᠬᠠᠲᠠᠵᠤ᠂ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠠᠯᠲᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠤᠤᠭᠠᠨᠵᠢᠳ