ᠠᠭᠲᠠ ᠶ᠋ᠢᠨ ᠴᠡᠩᠬᠡᠷ ᠲᠠᠯᠠ -ᠰᠡᠷᠴᠢᠮᠠ Agtyn tsenkher tal-SerchmaaАгтын цэнхэр тал-Сэрчмаа
285ᠠᠭᠲᠠ ᠶ᠋ᠢᠨ ᠴᠡᠩᠬᠡᠷ ᠲᠠᠯᠠ
ᠦᠭᠡ᠄ ᠥ᠊· ᠨᠠᠴᠢᠨ
ᠠᠶᠠ᠄ ᠰᠡᠴᠡᠨᠴᠣᠭᠲᠤ
ᠳᠠᠭᠤᠴᠢᠨ᠄ ᠰᠡᠷᠴᠢᠮᠠ
ᠡᠷᠬᠡᠲᠦ ᠬᠠᠨ ᠬᠠᠢᠷᠬᠠᠨ ᠮᠢᠨᠢ ᠨᠤᠲᠤᠭ ᠤ᠋ᠨ ᠢ᠋ᠶ᠋ᠠᠨ ᠬᠣᠢᠮᠣᠷ ᠲᠤ᠌ ᠬᠠᠩᠬᠠᠢᠨᠠ
ᠡᠩᠭᠡᠷ ᠳᠦᠭᠦᠷᠡᠩ ᠴᠡᠴᠡᠭᠡᠰ ᠢ᠋ ᠨᠢ ᠴᠡᠩᠬᠡᠷ ᠤᠨᠢᠶᠠᠷ ᠨᠢ ᠢᠯᠪᠢᠭᠡᠳ ᠪᠠᠢᠨᠠ
ᠡᠷᠡᠮᠡᠭ ᠬᠥᠪᠴᠢ ᠨᠢ ᠦᠦᠷᠰᠡᠩᠬᠡᠨ ᠮᠣᠷᠢᠨ ᠬᠤᠭᠤᠷ ᠨᠢ ᠬᠦᠩᠭᠢᠨᠡᠭᠡᠳ ᠪᠠᠢᠨᠠ
ᠡᠭᠡᠰᠢᠭ ᠰᠡᠪᠢᠬᠦ ᠰᠠᠯᠬᠢᠨ ᠠ᠋ᠴᠠ ᠨᠢ ᠠᠳᠤᠭᠤᠨ ᠤ᠋ ᠬᠥᠯᠥᠰᠥ ᠨᠢ ᠦᠨᠦᠷᠲᠦᠭᠡᠳ ᠪᠠᠢᠨᠠ
ᠠᠢ᠂ ᠠᠭᠲᠠ ᠶ᠋ᠢᠨ ᠴᠡᠩᠬᠡᠷ ᠲᠠᠯᠠ ᠮᠢᠨᠢ ᠪᠢᠯᠡ
ᠠᠪᠤ ᠳᠡᠭᠡᠳᠦ ᠶ᠋ᠢᠨ ᠨᠤᠲᠤᠭ ᠮᠢᠨᠢ ᠪᠢᠯᠡ
ᠲᠤᠯᠭᠠ ᠶ᠋ᠢᠨ ᠴᠢᠯᠠᠭᠤ ᠲᠠᠢ ᠪᠠᠭᠤᠴᠠ ᠮᠢᠨᠢ ᠪᠢᠯᠡ
ᠲᠤᠭᠤᠷᠠᠢ ᠶ᠋ᠢᠨ ᠲᠠᠮᠠᠭᠠ ᠲᠠᠢ ᠥᠯᠥᠭᠡᠢ ᠮᠢᠨᠢ ᠪᠢᠯᠡ
ᠵᠢᠷᠤᠬᠠᠢ ᠶ᠋ᠢᠨ ᠬᠥᠬᠡ ᠬᠦᠷᠳᠦᠨ ᠰᠢᠭ ᠨᠠᠭᠠᠳᠤᠮ ᠤ᠋ᠨ ᠲᠣᠭᠣᠷᠢᠭ ᠳᠡᠪᠵᠢᠭᠡ ᠲᠡᠢ
ᠵᠤᠤᠵᠠᠢ ᠬᠣᠯᠪᠣᠭᠰᠠᠨ ᠬᠦᠯᠦᠭ ᠦ᠋ᠳ ᠰᠢᠭ ᠨᠡᠷᠡᠯᠡᠭ ᠪᠣᠷᠣᠬᠠᠨ ᠨᠢᠷᠤᠭᠤᠳ ᠲᠠᠢ
ᠠᠭᠤᠯᠠ ᠶ᠋ᠢᠨ ᠪᠤᠭᠤ ᠨᠢ ᠤᠷᠤᠮᠳᠠᠬᠤ ᠪᠠᠷ ᠨᠠᠪᠴᠢᠰ ᠨᠢ ᠪᠥᠵᠢᠳᠡᠭ ᠰᠢᠭᠤᠢ ᠲᠠᠢ
ᠤᠷᠲᠤ ᠶ᠋ᠢᠨ ᠳᠠᠭᠤᠤ ᠰᠢᠷᠤᠩᠬᠠᠶ᠋ᠢᠯᠠᠬᠤ ᠪᠠᠷ ᠣᠳᠣᠳ ᠨᠢ ᠮᠦᠰᠢᠶᠡᠳᠡᠭ ᠲᠩᠷᠢ ᠲᠡᠢ
ᠠᠢ᠂ ᠠᠭᠲᠠ ᠶ᠋ᠢᠨ ᠴᠡᠩᠬᠡᠷ ᠲᠠᠯᠠ ᠮᠢᠨᠢ ᠪᠢᠯᠡ
ᠠᠪᠤ ᠳᠡᠭᠡᠳᠦ ᠶ᠋ᠢᠨ ᠨᠤᠲᠤᠭ ᠮᠢᠨᠢ ᠪᠢᠯᠡ
ᠲᠤᠯᠭᠠ ᠶ᠋ᠢᠨ ᠴᠢᠯᠠᠭᠤ ᠲᠠᠢ ᠪᠠᠭᠤᠴᠠ ᠮᠢᠨᠢ ᠪᠢᠯᠡ
ᠲᠤᠭᠤᠷᠠᠢ ᠶ᠋ᠢᠨ ᠲᠠᠮᠠᠭᠠ ᠲᠠᠢ ᠥᠯᠥᠭᠡᠢ ᠮᠢᠨᠢ ᠪᠢᠯᠡ
ᠡᠵᠢ ᠶ᠋ᠢ ᠪᠡᠨ ᠲᠣᠰᠴᠤ ᠮᠥᠯᠬᠥᠭᠰᠡᠭᠡᠷ ᠬᠥᠯ ᠳ᠋ᠦ᠍ ᠣᠷᠣᠭᠰᠠᠨ ᠰᠢᠷᠣᠢ ᠮᠢᠨᠢ ᠪᠢᠯᠡ
ᠠᠪᠤ ᠶ᠋ᠢ ᠪᠡᠨ ᠳᠠᠭᠠᠵᠤ ᠳᠡᠷᠪᠡᠭᠰᠡᠭᠡᠷ ᠡᠮᠡᠭᠡᠯ ᠳ᠋ᠦ᠍ ᠪᠡᠨ ᠮᠣᠷᠳᠠᠭᠰᠠᠨ ᠲᠤᠯᠤᠭᠠᠳ ᠮᠢᠨᠢ ᠪᠠᠢᠨᠠ
ᠴᠤᠪᠤᠭᠠ ᠵᠠᠳᠠᠷᠠᠬᠤ ᠦᠭᠡᠢ ᠰᠢᠪᠠᠭᠤᠳ ᠨᠢ ᠴᠢᠭᠤᠯᠤᠨ ᠴᠢᠭᠤᠯᠤᠨ ᠡᠷᠭᠢᠭᠡᠳ ᠪᠠᠢᠨᠠ
ᠤᠳᠤᠮ ᠢ᠋ᠶ᠋ᠠᠨ ᠮᠠᠷᠲᠠᠬᠤ ᠦᠭᠡᠢ ᠦᠷᠡᠰ ᠨᠢ ᠤᠴᠠᠷᠠᠨ ᠵᠣᠯᠭᠠᠨ ᠳᠠᠭᠤᠯᠠᠭᠠᠳ ᠪᠠᠢᠨᠠ
ᠠᠢ᠂ ᠠᠭᠲᠠ ᠶ᠋ᠢᠨ ᠴᠡᠩᠬᠡᠷ ᠲᠠᠯᠠ ᠮᠢᠨᠢ ᠪᠢᠯᠡ
ᠠᠪᠤ ᠳᠡᠭᠡᠳᠦ ᠶ᠋ᠢᠨ ᠨᠤᠲᠤᠭ ᠮᠢᠨᠢ ᠪᠢᠯᠡ
ᠲᠤᠯᠭᠠ ᠶ᠋ᠢᠨ ᠴᠢᠯᠠᠭᠤ ᠲᠠᠢ ᠪᠠᠭᠤᠴᠠ ᠮᠢᠨᠢ ᠪᠢᠯᠡ
ᠲᠤᠭᠤᠷᠠᠢ ᠶ᠋ᠢᠨ ᠲᠠᠮᠠᠭᠠ ᠲᠠᠢ ᠥᠯᠥᠭᠡᠢ ᠮᠢᠨᠢ ᠪᠢᠯᠡ
ᠥᠯᠥᠭᠡᠢ ᠮᠢᠨᠢ ᠪᠢᠯᠡ
ᠦᠰᠦᠭ ᠠᠮᠢᠯᠠᠭᠤᠯᠵᠤ᠂ ᠦᠰᠦᠭ ᠬᠠᠲᠠᠭᠰᠠᠨ ᠨᠢ᠄ ᠪᠠᠢ᠂ ᠰᠠᠷᠠᠨᠠ
ᠬᠢᠨᠠᠭᠴᠢ᠄ ᠰᠣᠨᠢᠨᠪᠠᠶᠠᠷ