ᠤᠯᠠᠭᠠᠨ ᠮᠠᠯᠠᠭᠠᠢᠲᠤUlaan malgait Улаан малгайт
1170ᠤᠯᠠᠭᠠᠨ ᠮᠠᠯᠠᠭᠠᠢᠲᠤ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠨᠢᠭᠡᠨ ᠲᠣᠰᠬᠣᠨ ᠳ᠋ᠤ᠌᠂ ᠳᠡᠯᠡᠬᠡᠢ ᠳᠡᠭᠡᠷᠡ ᠪᠠᠢᠬᠤ ᠦᠭᠡᠢ ᠬᠥᠭᠡᠷᠦᠬᠦᠨ ᠪᠢᠴᠢᠬᠠᠨ ᠥᠬᠢᠨ ᠰᠠᠭᠤᠳᠠᠭ ᠪᠠᠢᠵᠠᠢ᠃
ᠡᠬᠡ ᠨᠢ ᠲᠡᠭᠦᠨ ᠳ᠋ᠡᠭᠡᠨ ᠤᠬᠠᠭᠠᠨ ᠦᠭᠡᠢ ᠬᠠᠢᠷᠠᠲᠠᠢ ᠪᠠᠢᠬᠤ ᠳ᠋ᠤ᠌᠂ ᠡᠮᠡᠭᠡ ᠡᠬᠡ ᠨᠢ ᠪᠦᠷ ᠢᠯᠡᠭᠦᠦ ᠬᠠᠢᠷᠠᠲᠠᠢ ᠪᠠᠢᠵᠠᠢ᠂ ᠠᠢ ᠥᠬᠢᠨ ᠦ᠌ ᠪᠡᠨ ᠲᠥᠷᠥᠭᠰᠡᠨ ᠡᠳᠦᠷ ᠦ᠋ᠨ ᠣᠢ ᠳ᠋ᠤ᠌ ᠵᠣᠷᠢᠭᠤᠯᠵᠤ᠂ ᠡᠮᠡᠭᠡ ᠡᠬᠡ ᠨᠢ ᠤᠯᠠᠭᠠᠨ ᠮᠠᠯᠠᠭᠠᠢ ᠪᠡᠯᠡᠭᠯᠡᠵᠦ ᠥᠭᠴᠡᠢ᠃
ᠲᠡᠭᠦᠨ ᠡᠴᠡ ᠬᠣᠢᠰᠢ ᠥᠬᠢᠨ ᠬᠠᠮᠢᠭᠠᠰᠢ ᠪᠠᠨ᠂ ᠶᠠᠭᠤᠨ ᠳ᠋ᠤ᠌ ᠴᠤ᠌ ᠶᠠᠪᠤᠭᠰᠠᠨ ᠳ᠋ᠤ᠌ ᠂ᠥᠨᠥ ᠭᠣᠶᠣ ᠤᠯᠠᠭᠠᠨ ᠮᠠᠯᠠᠭᠠᠢ ᠪᠠᠨ ᠡᠮᠦᠰᠴᠦ ᠶᠠᠪᠤᠳᠠᠭ ᠪᠣᠯᠤᠭᠰᠠᠨ ᠳ᠋ᠤ᠌᠂ ᠠᠢᠯ ᠤ᠋ᠨ ᠬᠢᠨᠢ ᠬᠥᠮᠦᠰ᠂ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠮᠠᠨᠢ ᠯᠠ ᠢᠷᠡᠵᠦ ᠪᠠᠢᠨᠠ ᠭᠡᠵᠦ ᠶᠠᠷᠢᠯᠴᠠᠳᠠᠭ ᠪᠠᠢᠪᠠ᠃
ᠡᠬᠡ ᠨᠢ ᠨᠢᠭᠡ ᠡᠳᠦᠷ ᠠᠮᠲᠠᠲᠠᠢ ᠬᠤᠤᠱᠤᠤᠷ ᠬᠢᠭᠡᠳ ᠥᠬᠢᠨ ᠳ᠋ᠦ᠍ ᠪᠡᠨ᠂ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠠ᠋᠂ ᠴᠢ ᠡᠮᠡᠭᠡ ᠡᠵᠢ ᠳ᠋ᠦ᠍ ᠪᠡᠨ ᠡᠨᠡ ᠬᠤᠤᠱᠤᠤᠷ᠂ ᠰᠠᠪᠠ ᠲᠠᠢ ᠲᠣᠰᠣ ᠬᠣᠶᠠᠷ ᠢ᠋ ᠠᠪᠠᠴᠢᠵᠤ ᠥᠭᠭᠦᠭᠡᠳ ᠪᠡᠶᠡ ᠨᠢ ᠶᠠᠮᠠᠷ ᠱᠣᠣ ᠪᠠᠢᠭᠠ ᠶ᠋ᠢ ᠮᠡᠳᠡᠭᠡᠳ ᠢᠷᠡ ᠭᠡᠵᠦ ᠬᠡᠯᠡᠪᠡ᠃
ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠶᠠᠭᠤᠮᠠ ᠪᠠᠨ ᠠᠪᠤᠭᠠᠳ ᠡᠮᠡᠭᠡ ᠡᠬᠡ ᠳᠡᠭᠡᠷᠡ ᠪᠡᠨ ᠣᠴᠢᠬᠤ ᠪᠠᠷ ᠦᠦᠷ ᠢ᠋ᠶ᠋ᠡᠷ ᠲᠣᠰᠬᠣᠨ ᠤᠷᠤᠭᠤ ᠶᠠᠪᠤᠵᠠᠢ᠂ ᠥᠬᠢᠨ ᠢ᠋ ᠣᠢ ᠮᠣᠳᠣ ᠪᠠᠷ ᠶᠠᠪᠤᠵᠤ ᠪᠠᠢᠲᠠᠯᠠ᠂ ᠵᠠᠮ ᠳᠡᠭᠡᠷᠡ ᠨᠢᠭᠡ ᠰᠠᠭᠠᠷᠠᠯ ᠴᠢᠨᠣᠠ ᠲᠠᠢ ᠲᠣᠬᠢᠶᠠᠯᠳᠤᠵᠠᠢ᠂ ᠴᠢᠨᠣᠠ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠶ᠋ᠢ ᠢᠳᠡᠬᠦ ᠭᠡᠵᠦ ᠬᠦᠰᠡᠭᠰᠡᠨ ᠪᠣᠯᠪᠠᠴᠤ᠂ ᠮᠣᠳᠣᠴᠢᠨ ᠬᠢᠩ ᠦ᠋ᠨ ᠮᠣᠳᠣ ᠴᠠᠪᠴᠢᠬᠤ ᠰᠦᠬᠡᠨ ᠦ᠌ ᠳᠠᠭᠤ ᠣᠢᠷᠠᠬᠠᠨ ᠳᠤᠤᠭᠠᠷᠤᠭᠠᠳ ᠪᠠᠢᠬᠤ ᠪᠠᠷ ᠵᠣᠷᠢᠭ ᠨᠢ ᠬᠦᠷᠦᠭᠰᠡᠨ ᠦᠭᠡᠢ᠂ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠳ᠋ᠤ᠌ ᠣᠷᠣᠢᠳᠠᠪᠠ᠃
ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠴᠢᠨᠣᠠ ᠲᠠᠢ ᠲᠠᠭᠠᠷᠠᠯᠳᠤᠬᠤ ᠨᠢ ᠠᠶᠤᠯᠲᠠᠢ ᠭᠡᠳᠡᠭ ᠢ᠋ ᠣᠭᠲᠣᠬᠠᠨ ᠴᠤ᠌ ᠮᠡᠳᠡᠬᠦ ᠦᠭᠡᠢ ᠤᠴᠢᠷ᠂ ᠴᠢᠨᠣᠠ ᠲᠠᠢ ᠮᠡᠨᠳᠦᠯᠡᠭᠡᠳ᠂ ᠡᠮᠡᠭᠡ ᠡᠬᠡ ᠳ᠋ᠦ᠍ ᠪᠡᠨ ᠡᠨᠡ ᠬᠤᠤᠱᠤᠤᠷ᠂ ᠲᠣᠰᠣ ᠠᠪᠠᠴᠢᠵᠤ ᠥᠭᠬᠦ ᠪᠡᠷ ᠶᠠᠪᠤᠨᠠ ᠭᠡᠪᠡ᠃
ᠴᠢᠨᠦ ᠡᠮᠡᠭᠡ ᠡᠬᠡ ᠴᠢᠨᠢ ᠬᠣᠯᠠ ᠪᠠᠢᠳᠠᠭ ᠤᠤ ᠭᠡᠵᠦ ᠴᠢᠨᠣᠠ ᠠᠰᠠᠭᠤᠪᠠ᠃
ᠨᠡᠯᠢᠶᠡᠳ ᠵᠠᠢᠲᠠᠢ᠂ ᠲᠡᠷᠡ ᠬᠠᠷᠠᠭᠳᠠᠵᠤ ᠪᠠᠢᠭᠠ ᠲᠣᠰᠬᠣᠨ ᠳ᠋ᠤ᠌᠂ ᠲᠡᠭᠡᠷᠮᠡ ᠶ᠋ᠢᠨ ᠴᠠᠭᠠᠨᠠ᠂ ᠲᠣᠰᠬᠣᠨ ᠤ᠋ ᠵᠠᠬᠠ ᠶ᠋ᠢᠨ ᠨᠢᠭᠡᠳᠦᠭᠡᠷ ᠪᠠᠢᠰᠢᠩ ᠭᠡᠵᠦ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠬᠠᠷᠢᠭᠤᠯᠪᠠ᠃
ᠲᠡᠭᠡᠪᠡᠯ ᠪᠢ ᠴᠦ᠍ ᠭᠡᠰᠡᠨ ᠡᠮᠡᠭᠡ ᠡᠬᠡ ᠶ᠋ᠢ ᠴᠢᠨᠢ ᠦᠵᠡᠬᠦ ᠪᠡᠷ ᠬᠦᠰᠡᠵᠦ ᠪᠠᠢᠨᠠ᠂ ᠪᠢ ᠡᠨᠡ ᠵᠠᠮ ᠢ᠋ᠶ᠋ᠠᠷ ᠶᠠᠪᠤᠶᠠ᠂ ᠴᠢ ᠲᠡᠷᠡ ᠵᠠᠮ ᠢ᠋ᠶ᠋ᠠᠷ ᠶᠠᠪᠤ᠂ ᠬᠡᠨ ᠨᠢ ᠲᠦᠷᠦᠭᠦᠯᠡᠵᠦ ᠬᠦᠷᠬᠦ ᠶ᠋ᠢ ᠦᠵᠡᠶᠡ ᠭᠡᠵᠦ ᠴᠢᠨᠣᠠ ᠬᠡᠯᠡᠪᠡ᠃
ᠴᠢᠨᠣᠠ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠲᠦᠳᠡ ᠭᠡᠰᠡᠨ ᠵᠠᠮ ᠢ᠋ᠶ᠋ᠠᠷ ᠭᠦᠶᠦᠪᠡ᠂ ᠬᠠᠷᠢᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠥᠬᠢᠨ ᠬᠠᠮᠤᠭ ᠤ᠋ᠨ ᠲᠣᠭᠣᠷᠢᠭᠤ ᠵᠠᠮ ᠢ᠋ᠶ᠋ᠠᠷ ᠂ᠵᠠᠮ ᠵᠠᠭᠤᠷᠠ ᠵᠣᠭᠰᠣᠵᠤ ᠴᠡᠴᠡᠭ ᠦ᠋ᠨ ᠪᠠᠭᠯᠠᠭᠠ ᠬᠢᠬᠦ ᠪᠡᠷ ᠴᠡᠴᠡᠭ ᠵᠣᠯᠭᠠᠭᠰᠠᠭᠠᠷ᠂ ᠶᠠᠭᠠᠷᠠᠯ ᠦᠭᠡᠢ ᠶᠠᠪᠤᠪᠠ᠂ ᠥᠬᠢᠨ ᠢ᠋ ᠲᠡᠭᠡᠷᠡᠮᠡ ᠴᠦ᠍ ᠬᠦᠷᠴᠦ ᠠᠮᠵᠢᠭᠠ ᠦᠭᠡᠢ ᠶᠠᠪᠤᠬᠤ ᠳ᠋ᠤ᠌ ᠴᠢᠨᠣᠠ ᠬᠡᠳᠦᠢᠨᠡᠢ ᠡᠮᠡᠭᠡ ᠡᠬᠡ ᠬᠢᠨᠢ ᠪᠠᠢᠰᠢᠩ ᠳ᠋ᠤ᠌ ᠬᠦᠷᠴᠦ᠂ ᠡᠭᠦᠳᠡ ᠶ᠋ᠢ ᠨᠢ ᠲᠤᠭ ᠲᠤᠭ ᠭᠡᠲᠡᠯᠡ ᠲᠣᠭᠰᠢᠪᠠ᠃
ᠬᠡᠨ ᠪᠣᠢ ᠭᠡᠵᠦ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠶ᠋ᠢᠨ ᠡᠮᠡᠭᠡ ᠡᠬᠡ ᠠᠰᠠᠭᠤᠬᠤ ᠳ᠋ᠤ᠌᠂
ᠪᠢ ᠪᠠᠢᠨᠠ᠂ ᠲᠠᠨ ᠤ᠋ ᠥᠬᠢᠨ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ᠂ ᠲᠠᠨ ᠳ᠋ᠤ᠌ ᠬᠤᠤᠱᠤᠤᠷ᠂ ᠲᠣᠰᠣ ᠠᠪᠴᠤ ᠠᠢᠯᠴᠢᠯᠠᠵᠤ ᠢᠷᠡᠯᠡ ᠭᠡᠵᠦ ᠴᠢᠨᠣᠠ ᠨᠠᠷᠢᠨ ᠳᠠᠭᠤ ᠪᠠᠷ ᠬᠠᠷᠢᠭᠤᠯᠪᠠ᠃
ᠡᠨᠡ ᠦᠶᠡ ᠳ᠋ᠦ᠍ ᠲᠡᠷᠡ ᠬᠥᠭᠰᠢᠨ ᠡᠪᠡᠳᠴᠢᠨ ᠲᠡᠢ ᠣᠷᠣᠨ ᠳ᠋ᠤ᠌ ᠪᠠᠨ ᠬᠡᠪᠲᠡᠵᠦ ᠪᠠᠢᠵᠠᠢ᠂ ᠲᠡᠭᠡᠭᠡᠳ ᠦᠨᠡᠬᠡᠷ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠢᠷᠡᠯᠡ ᠭᠡᠵᠦ ᠪᠣᠳᠣᠭᠠᠳ᠂ ᠥᠬᠢᠨ ᠮᠢᠨᠢ᠂ ᠨᠠᠭᠠᠳᠤ ᠣᠯᠣᠰᠣ ᠠ᠋ᠴᠠ ᠨᠢ ᠲᠡᠳᠡ᠂ ᠲᠡᠭᠡᠬᠦ ᠪᠡᠷ ᠨᠢ ᠡᠭᠦᠳᠡ ᠴᠢᠨᠢ ᠣᠩᠭᠣᠢᠨᠠ ᠭᠡᠵᠦ ᠬᠠᠰᠬᠢᠷᠪᠠ ᠃
ᠴᠢᠨᠣᠠ ᠣᠯᠣᠰᠣᠨ ᠠ᠋ᠴᠠ ᠳᠤᠭᠲᠤᠷᠤᠮᠠᠭᠴᠠ ᠬᠠᠭᠠᠯᠭᠠ ᠨᠢ ᠣᠩᠭᠣᠢᠪᠠ᠂ ᠭᠤᠷᠪᠠᠨ ᠡᠳᠦᠷ ᠶᠠᠭᠤ ᠴᠤ᠌ ᠢᠳᠡᠭᠡ ᠦᠭᠡᠢ ᠥᠯᠥᠰᠬᠦᠯᠡᠩ ᠴᠢᠨᠣᠠ᠂ ᠬᠥᠭᠰᠢᠨ ᠳᠠᠰᠢ ᠦᠰᠦᠷᠴᠦ᠂《 ᠬᠦ᠂ ᠶᠧ》 ᠭᠡᠬᠦ ᠶ᠋ᠢᠨ ᠵᠠᠪ ᠥᠭᠦᠯᠡᠬᠦ ᠦᠭᠡᠢ ᠪᠡᠷ ᠲᠡᠭᠦᠨ ᠢ᠋ ᠵᠠᠯᠭᠢᠴᠢᠬᠠᠪᠠ᠃
ᠲᠡᠭᠡᠭᠡᠳ ᠡᠭᠦᠳᠡ ᠶ᠋ᠢ ᠨᠢ ᠬᠠᠭᠠᠵᠤ᠂ ᠬᠥᠭᠡᠷᠦᠬᠦᠢ ᠬᠥᠭᠰᠢᠨ ᠦ᠌ ᠣᠷᠣᠨ ᠳᠣᠲᠣᠷᠠ ᠬᠡᠪᠲᠡᠭᠡᠳ᠂ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠶ᠋ᠢ ᠬᠦᠯᠢᠶᠡᠵᠦ ᠪᠠᠢᠪᠠ᠂ ᠥᠬᠢᠨ ᠤᠳᠠᠭᠰᠠᠨ ᠴᠤ᠌ ᠦᠭᠡᠢ ᠬᠦᠷᠴᠦ ᠢᠷᠡᠭᠡᠳ ᠡᠭᠦᠳᠡ ᠶ᠋ᠢ ᠨᠢ ᠲᠤᠭ ᠲᠤᠭ ᠲᠣᠭᠰᠢᠪᠠ᠃
ᠬᠡᠨ ᠪᠣᠢ ᠭᠡᠵᠦ ᠴᠢᠨᠣᠠ ᠶ᠋ᠢ ᠠᠰᠠᠭᠤᠬᠤ ᠳ᠋ᠤ᠌᠂ ᠴᠢᠨᠣᠠ ᠶ᠋ᠢᠨ ᠳᠠᠭᠤ ᠪᠦᠳᠦᠭᠦᠨ ᠶᠠᠬᠢᠷ ᠰᠣᠨᠣᠰᠤᠭᠳᠠᠪᠠ᠃ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠶᠡᠬᠡᠯᠡ ᠠᠶᠤᠭᠰᠠᠨ ᠢ᠋ᠶ᠋ᠠᠨ᠂ ᠡᠮᠡᠭᠡ ᠡᠵᠢ ᠮᠢᠨᠢ᠂ ᠮᠠᠭᠠᠳ ᠰᠠᠯᠬᠢᠨ ᠳ᠋ᠤ᠌ ᠴᠣᠬᠢᠭᠤᠯᠵᠤ ᠬᠣᠭᠣᠯᠠᠢ ᠨᠢ ᠰᠥᠭᠡᠭᠰᠡᠨ ᠪᠠᠢᠬᠤ ᠳᠠ ᠭᠡᠵᠦ ᠪᠣᠳᠣᠭᠠᠳ᠂ ᠪᠢ ᠪᠠᠢᠨᠠ᠂ ᠥᠬᠢᠨ ᠴᠢᠨᠢ ᠲᠠᠨ ᠳ᠋ᠤ᠌ ᠬᠤᠤᠱᠤᠤᠷ ᠲᠣᠰᠣ ᠠᠪᠴᠢᠷᠠᠯᠠ ᠭᠡᠵᠦ ᠬᠡᠯᠡᠪᠡ᠃
ᠴᠢᠨᠣᠠ ᠬᠠᠨᠢᠶᠠᠯᠭᠠᠵᠤ ᠪᠠᠢᠭᠠᠳ ᠨᠠᠷᠢᠨ ᠳᠠᠭᠤ ᠪᠠᠷ᠂ ᠥᠬᠢᠨ ᠮᠢᠨᠢ᠂ ᠨᠠᠭᠠᠳᠤ ᠣᠯᠣᠰᠣᠨ ᠠ᠋ᠴᠠ ᠨᠢ ᠲᠡᠳᠡ᠂ ᠲᠡᠭᠡᠬᠦ ᠳ᠋ᠦ᠍ ᠡᠭᠦᠳᠡ ᠴᠢᠨᠢ ᠣᠩᠭᠣᠢᠨᠠ ᠭᠡᠪᠡ᠂
ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠣᠯᠣᠰᠣᠨ ᠠ᠋ᠴᠠ ᠨᠢ ᠲᠠᠲᠠᠮᠠᠭᠴᠠ ᠣᠩᠭᠣᠢᠪᠠ᠂ ᠥᠬᠢᠨ ᠢ᠋ ᠪᠠᠢᠰᠢᠩ ᠳ᠋ᠤ᠌ ᠣᠷᠣᠬᠤ ᠳ᠋ᠤ᠌ ᠴᠢᠨᠣᠠ ᠬᠥᠨᠵᠢᠯᠡ ᠳᠣᠣᠭᠤᠷ ᠨᠢᠭᠤᠭᠳᠠᠵᠤ᠂ ᠥᠬᠢᠨ ᠮᠢᠨᠢ᠂ ᠬᠤᠤᠱᠤᠤᠷ ᠢ᠋ᠶ᠋ᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ᠂ ᠲᠣᠰᠣ ᠪᠠᠨ ᠲᠠᠯᠪᠢᠭᠤᠷ ᠳᠡᠭᠡᠷᠡ ᠲᠠᠯᠪᠢᠴᠢᠬᠠᠭᠠᠷᠠᠢ ᠂ ᠲᠡᠭᠡᠭᠡᠳ ᠥᠪᠡᠷ ᠢ᠋ᠶ᠋ᠡᠨ ᠮᠢᠨᠦ ᠬᠠᠵᠠᠭᠤ ᠪᠠᠷ ᠬᠡᠪᠲᠡ᠂ ᠬᠥᠭᠡᠷᠦᠬᠦᠢ ᠴᠢ ᠮᠢᠨᠢ ᠶᠡᠬᠡᠯᠡ ᠶᠠᠳᠠᠷᠠᠭᠠ ᠪᠢᠵᠡ ᠭᠡᠪᠡ᠃
ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠴᠢᠨᠣᠠ ᠶ᠋ᠢᠨ ᠬᠠᠵᠠᠭᠤ ᠪᠠᠷ ᠣᠷᠣᠵᠤ ᠬᠡᠪᠲᠡᠭᠡᠳ᠂ ᠡᠮᠡᠭᠡ ᠠ᠋᠂ ᠶᠠᠭᠠᠬᠢᠭᠠᠳ ᠭᠠᠷ ᠴᠢᠨᠢ ᠡᠢᠮᠦ ᠲᠣᠮᠣ ᠪᠠᠢᠭᠠ ᠶᠤᠮ ᠪᠣᠢ ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌᠂ ᠴᠢᠮᠠ ᠶ᠋ᠢ ᠴᠢᠩᠭᠠ ᠲᠡᠪᠡᠷᠢᠬᠦ ᠭᠡᠵᠦ ᠡᠢᠮᠦ ᠪᠣᠯᠤᠭᠰᠠᠨ ᠶᠤᠮ᠂ ᠥᠬᠢᠨ ᠮᠢᠨᠢ ᠭᠡᠪᠡ᠃ ᠡᠮᠡᠭᠡ ᠠ᠋᠂ ᠶᠠᠮᠠᠷ ᠤᠴᠢᠷ ᠠ᠋ᠴᠠ ᠴᠢᠬᠢ ᠴᠢᠨᠢ ᠡᠢᠮᠦ ᠲᠣᠮᠣ ᠪᠠᠢᠭᠠ ᠶᠤᠮ ᠪᠣᠢ ᠭᠡᠬᠦ ᠳ᠋ᠦ᠍᠂ ᠶᠠᠭᠤᠮᠠ ᠰᠠᠢᠨ ᠰᠣᠨᠣᠰᠬᠤ ᠭᠡᠵᠦ ᠲᠡᠢᠮᠦ ᠲᠣᠮᠣ ᠪᠠᠢᠭᠠ ᠶᠤᠮ᠂ ᠥᠬᠢᠨ ᠮᠢᠨᠢ ᠭᠡᠪᠡ᠃ ᠡᠮᠡᠭᠡ ᠠ᠋᠂ ᠨᠢᠳᠦ ᠴᠢᠨᠢ ᠶᠠᠭᠠᠬᠢᠭᠠᠳ ᠡᠢᠮᠦ ᠲᠣᠮᠣ ᠪᠠᠢᠭᠠ ᠶᠤᠮ ᠪᠣᠢ ᠭᠡᠬᠦ ᠳ᠋ᠦ᠍᠂ ᠶᠠᠭᠤᠮᠠ ᠰᠠᠢᠨ ᠬᠠᠷᠠᠬᠤ ᠭᠡᠵᠦ ᠲᠡᠢᠮᠦ ᠪᠠᠢᠭᠠ ᠶᠤᠮ᠂ ᠥᠬᠢᠨ ᠮᠢᠨᠢ ᠭᠡᠪᠡ᠃ ᠡᠮᠡᠭᠡ ᠠ᠋᠂ ᠶᠠᠭᠠᠬᠢᠭᠠᠳ ᠰᠢᠳᠦ ᠴᠢᠨᠢ ᠡᠢᠮᠦ ᠲᠣᠮᠣ ᠪᠠᠢᠭᠠ ᠶᠤᠮ ᠪᠣᠢ ᠭᠡᠬᠦ ᠳ᠋ᠦ᠍᠂ ᠠ᠂ ᠡᠨᠡ ᠪᠣᠯ ᠴᠢᠮᠠ ᠶ᠋ᠢ ᠲᠦᠷᠭᠡᠨ ᠢᠳᠡᠬᠦ ᠶ᠋ᠢᠨ ᠲᠤᠯᠠᠳᠠ ᠡᠢᠮᠦ ᠲᠣᠮᠣ ᠪᠣᠯᠤᠭᠰᠠᠨ ᠶᠤᠮ᠂ ᠥᠬᠢᠨ ᠮᠢᠨᠢ ᠭᠡᠳ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ ᠶ᠋ᠢ《 ᠬᠠᠢ》 ᠭᠡᠬᠦ ᠶ᠋ᠢᠨ ᠵᠠᠪ ᠦᠭᠡᠢ ᠮᠠᠭᠤ ᠭᠠᠢᠬᠠᠯ ᠴᠢᠨᠣᠠ᠂ ᠭᠤᠲᠤᠯ ᠮᠠᠯᠠᠭᠠᠢ ᠲᠠᠢ ᠨᠢ ᠵᠠᠯᠭᠢᠴᠢᠬᠠᠪᠠ᠃
ᠬᠠᠷᠢᠨ ᠠᠵᠠ ᠪᠣᠯᠵᠤ᠂ ᠡᠨᠡ ᠦᠶᠡ ᠳ᠋ᠦ᠍ ᠪᠠᠢᠰᠢᠩ ᠤ᠋ᠨ ᠬᠠᠵᠠᠭᠤ ᠪᠠᠷ ᠰᠦᠬᠡ ᠪᠡᠨ ᠮᠥᠷᠦᠨ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠴᠢᠬᠠᠭᠰᠠᠨ ᠲᠦᠯᠡᠭᠡᠴᠢᠳ ᠶᠠᠪᠤᠵᠤ ᠪᠠᠢᠭᠠᠳ᠂ ᠪᠠᠢᠰᠢᠩ ᠳ᠋ᠤ᠌ ᠶᠡᠬᠡ ᠴᠢᠮᠡᠭᠡ ᠭᠠᠷᠬᠤ ᠶ᠋ᠢ ᠰᠣᠨᠣᠰᠤᠭᠠᠳ ᠣᠷᠣᠵᠤ ᠨᠥᠭᠦᠭᠡ ᠴᠢᠨᠣᠠ ᠶ᠋ᠢ ᠠᠯᠠᠵᠤ᠂ ᠭᠡᠳᠡᠰᠦ ᠶ᠋ᠢ ᠨᠢ ᠬᠠᠭᠠᠯᠲᠠᠯᠠ ᠤᠯᠠᠭᠠᠨ ᠮᠠᠯᠠᠭᠠᠢᠲᠤ᠂ ᠳᠠᠷᠠᠭᠠ ᠨᠢ ᠡᠮᠡᠭᠡ ᠡᠬᠡ ᠨᠢ ᠭᠠᠷᠴᠤ ᠢᠷᠡᠪᠡ᠃
ᠲᠡᠭᠡᠭᠡᠳ ᠬᠥᠭᠡᠷᠦᠬᠦᠢ ᠬᠥᠭᠰᠢᠨ ᠡᠬᠡ᠂ ᠠᠴᠢ ᠥᠬᠢᠨ ᠲᠡᠢ ᠪᠡᠨ ᠶᠠᠮᠠᠷᠴᠤ ᠠᠶᠤᠯ ᠭᠡᠮᠲᠦᠯ ᠦᠭᠡᠢ ᠡᠰᠡᠨ ᠮᠡᠨᠳᠦ ᠠᠭᠤᠯᠵᠠᠪᠠ᠃
ᠦᠰᠦᠭ ᠬᠠᠳᠠᠭᠴᠢ᠄ ᠠᠯᠲᠠᠨᠴᠢᠮᠡᠭ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠤᠭᠠᠨᠵᠢᠳ
ᠬᠢᠨᠠᠭᠴᠢ᠄ ᠮᠡᠷᠬᠡᠨᠪᠢᠯᠢᠭ