ᠢᠰᠡᠭᠡᠢ ᠦᠨᠡᠭᠡᠨ ᠦ᠌ ᠳᠣᠮᠣᠭEsgii ünegnii domogЭсгий үнэгний домог Домог цуврал 2 Монгол өв, соёл
1836ᠢᠰᠡᠭᠡᠢ ᠦᠨᠡᠭᠡᠨ ᠦ᠌ ᠳᠣᠮᠣᠭ
ᠳᠣᠮᠣᠭ ᠦᠯᠢᠭᠡᠷ
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ᠌ ᠰᠣᠨᠢᠭᠤᠴᠢ ᠨᠢᠭᠡᠨ ᠦᠨᠡᠭᠡ ᠤᠢᠳᠴᠤ ᠭᠠᠭᠴᠠᠭᠠᠷᠳᠠᠨ ᠬᠡᠰᠦᠭᠦᠴᠢᠯᠡᠨ ᠶᠠᠪᠤᠵᠤ ᠪᠠᠢᠵᠠᠢ᠃ ᠲᠡᠷᠡ ᠤᠢᠳᠬᠤ ᠦᠭᠡᠢ ᠪᠠᠢᠬᠤ ᠶ᠋ᠢᠨ ᠲᠤᠯᠠ ᠡᠯᠳᠡᠪ ᠶᠠᠩᠵᠤ ᠶ᠋ᠢᠨ ᠶᠠᠭᠤᠮᠠ ᠰᠠᠳᠤᠨ ᠶᠠᠪᠤᠵᠤ ᠪᠠᠢᠲᠠᠯᠠ ᠨᠢᠭᠡᠨ ᠠᠢᠯ ᠲᠠᠭᠠᠷᠠᠵᠤ ᠭᠡᠨᠡ᠃ ᠥᠨᠥᠬᠢ ᠠᠢᠯ ᠳ᠋ᠤ᠌ ᠨᠢᠯᠬᠠ ᠬᠡᠦᠬᠡᠳ ᠦ᠋ᠨ ᠳᠠᠭᠤ ᠴᠠᠩᠭᠢᠨᠠᠵᠤ ᠢᠨᠢᠶᠡᠳᠦ ᠬᠥᠷ ᠪᠣᠯᠵᠤ ᠪᠠᠢᠭᠠ ᠨᠢ ᠰᠢᠨᠡ ᠬᠥᠮᠦᠨ ᠮᠡᠨᠳᠦᠯᠡᠭᠰᠡᠨ ᠢ᠋ ᠭᠡᠷᠡᠴᠢᠯᠡᠨᠡ᠃ ᠤᠳᠠᠯ ᠦᠭᠡᠢ ᠪᠦᠪᠡᠢ ᠶ᠋ᠢᠨ ᠳᠠᠭᠤᠤ ᠤᠶᠠᠩᠭᠠᠯᠠᠵᠤ ᠥᠯᠥᠭᠡᠢ ᠲᠡᠢ ᠵᠢᠭᠠᠯ ᠤᠨᠲᠠᠵᠠᠢ᠃ ᠦᠨᠡᠭᠡ ᠡᠨᠡ ᠪᠦᠬᠦᠨ ᠢ᠋ ᠠᠵᠢᠭᠯᠠᠨ ᠬᠠᠷᠠᠵᠤ ᠪᠠᠢᠭᠠᠳ ᠰᠠᠬᠢᠯᠭᠠ ᠦᠭᠡᠢ ᠲᠣᠣᠷ ᠰᠢᠲᠠᠨ ᠠᠢᠯ ᠯᠤᠭᠠ ᠣᠴᠢᠵᠠᠢ᠃ ᠦᠨᠡᠭᠡ ᠤᠨᠲᠠᠵᠤ ᠪᠣᠢ ᠬᠦᠦ ᠳᠡᠭᠡᠷᠡ ᠣᠴᠢᠨ᠂
— ᠪᠢᠴᠢᠬᠠᠨ ᠬᠦᠦ ᠮᠢᠨᠢ ᠰᠡᠷᠢᠭᠡᠷᠡᠢ! ᠰᠡᠷᠢᠭᠡᠷᠡᠢ! ᠨᠠᠳᠠ ᠲᠠᠢ ᠬᠠᠮᠲᠤ ᠶᠠᠪᠤᠵᠤ ᠲᠣᠭᠯᠠᠭᠠᠴᠢ ᠳ᠋ᠠ ᠬᠡᠮᠡᠨ ᠳᠠᠭᠤᠳᠠᠪᠠ᠃ ᠬᠦᠦ ᠰᠡᠷᠢᠬᠦ ᠶᠠᠩᠵᠤ ᠦᠭᠡᠢ ᠤᠨᠲᠠᠭᠰᠠᠭᠠᠷ ᠯᠠ ᠪᠠᠢᠯᠠ᠃ ᠭᠡᠲᠡᠯᠡ ᠦᠨᠡᠭᠡ᠂
— ᠬᠦᠦ ᠮᠢᠨᠢ ᠰᠡᠷᠢᠭᠡᠷᠡᠢ! ᠰᠡᠷᠢᠭᠡᠷᠡᠢ! ᠡᠵᠢ ᠴᠢᠨᠢ ᠬᠣᠯᠠ ᠶᠠᠪᠤᠯᠠ᠂ ᠡᠵᠢ ᠴᠢᠨᠢ ᠬᠣᠯᠠ ᠶᠠᠪᠤᠯᠠ ᠭᠡᠮᠡᠨ ᠬᠤᠳᠠᠯ ᠢ᠋ᠶ᠋ᠠᠷ ᠬᠡᠯᠡᠪᠡ᠃ ᠡᠨᠡ ᠦᠭᠡᠨ ᠳ᠋ᠦ᠍ ᠢᠲᠡᠭᠡᠭᠰᠡᠨ ᠬᠦᠦ ᠤᠬᠢᠯᠠᠩᠨᠠᠵᠤ ᠡᠬᠢᠯᠡᠬᠦ ᠳ᠋ᠦ᠍᠂ ᠬᠦᠦ ᠤᠬᠢᠯᠠᠪᠠᠯ ᠠᠪᠤ ᠡᠵᠢ ᠨᠢ ᠰᠡᠷᠢᠨᠡ ᠭᠡᠵᠦ ᠠᠶᠤᠭᠰᠠᠨ ᠦᠨᠡᠭᠡ᠂ ᠪᠢᠴᠢᠬᠠᠨ ᠬᠦᠦ ᠮᠢᠨᠢ ᠤᠨᠲᠠ᠂ ᠤᠨᠲᠠ ᠡᠵᠢ ᠨᠢ ᠬᠣᠯᠠ ᠶᠠᠪᠤᠭᠠ ᠦᠭᠡᠢ᠂ ᠬᠣᠯᠠ ᠶᠠᠪᠤᠭᠠ ᠦᠭᠡᠢ ᠭᠡᠮᠡᠨ ᠬᠡᠯᠡᠯᠡ᠃ ᠡᠨᠡ ᠦᠭᠡᠨ ᠳ᠋ᠦ᠍ ᠪᠠᠶᠠᠷᠯᠠᠭᠰᠠᠨ ᠬᠦᠦ ᠵᠡᠭᠦᠳᠦᠨ ᠳ᠋ᠡᠭᠡᠨ ᠢᠨᠢᠶᠡᠮᠰᠦᠭᠯᠡᠬᠦ ᠨᠢ ᠥᠨᠥᠬᠢ ᠤᠢᠳᠤᠭᠰᠠᠨ ᠦᠨᠡᠭᠡᠨ ᠳ᠋ᠦ᠍ ᠵᠤᠭᠠ ᠲᠠᠢ ᠰᠠᠨᠠᠭᠳᠠᠵᠤ᠂ ᠬᠥᠭᠵᠢᠯᠳᠦᠨ ᠲᠣᠭᠯᠠᠵᠤ ᠪᠠᠢᠲᠠᠯᠠ ᠴᠢᠮᠡᠭᠡ ᠭᠠᠷᠴᠤ ᠬᠦᠦ ᠶ᠋ᠢᠨ ᠠᠪᠤ ᠰᠡᠷᠢᠬᠦ ᠳ᠋ᠦ᠍᠂ ᠦᠨᠡᠭᠡ ᠲᠣᠭᠣᠨᠣ ᠪᠠᠷ ᠭᠠᠷᠤᠨ ᠵᠢᠭᠤᠲᠠᠵᠠᠢ᠃ ᠡᠭᠦᠨ ᠢ᠋ ᠬᠠᠷᠠᠭᠰᠠᠨ ᠬᠦᠦ ᠶ᠋ᠢᠨ ᠠᠪᠤ ᠠᠷᠭᠠ ᠤᠬᠠᠭᠠᠨ ᠰᠡᠢᠯᠦᠨ ᠬᠦᠦ ᠳ᠋ᠡᠭᠡᠨ ᠢᠰᠡᠭᠡᠢ ᠦᠨᠡᠭᠡ ᠬᠠᠢᠴᠢᠯᠠᠨ ᠤᠨᠵᠢᠭᠤᠯᠵᠤ ᠳᠤᠮᠨᠠᠵᠠᠢ᠃ ᠮᠠᠷᠭᠠᠰᠢ ᠨᠢ ᠥᠨᠥᠬᠢ ᠦᠨᠡᠭᠡ ᠳᠠᠬᠢᠨ ᠢᠷᠡᠭᠡᠳ ᠬᠦᠦ ᠶ᠋ᠢᠨ ᠳᠡᠭᠡᠷᠡ ᠢᠰᠡᠭᠡᠢ ᠦᠨᠡᠭᠡ ᠪᠠᠢᠭᠠ ᠶ᠋ᠢ ᠬᠠᠷᠠᠭᠠᠳ᠂ ᠡᠨᠡ ᠬᠦᠦ ᠦᠨᠡᠭᠡ ᠲᠡᠢ ᠶᠤᠮ ᠪᠠᠢᠨᠠ ᠭᠡᠳ ᠶᠠᠪᠤᠭᠠᠳ ᠦᠭᠭᠦᠭᠰᠡᠨ ᠭᠡᠨᠡ᠃
ᠡᠨᠡᠬᠦ ᠳᠣᠮᠣᠭ ᠠ᠋ᠴᠠ ᠡᠭᠦᠳᠦᠨ ᠬᠡᠦᠬᠡᠳ ᠢ᠋ ᠡᠯᠳᠡᠪ ᠮᠠᠭᠤ ᠪᠦᠬᠦᠨ ᠡᠴᠡ ᠬᠠᠮᠠᠭᠠᠯᠠᠬᠤ ᠡᠷᠡᠭᠦᠯ ᠴᠢᠬᠢᠷᠡᠭ ᠪᠠᠲᠤ ᠬᠥᠮᠦᠨ ᠪᠣᠯᠬᠤ ᠶ᠋ᠢ ᠪᠡᠯᠭᠡᠳᠡᠨ᠂ ᠦᠨᠡᠭᠡ ᠬᠠᠢᠴᠢᠯᠠᠨ ᠳᠣᠮᠨᠠᠳᠠᠭ ᠵᠠᠩ ᠦᠢᠯᠡ ᠣᠳᠣ ᠴᠤ᠌ ᠬᠡᠷᠡᠭᠯᠡᠭᠳᠡᠭᠰᠡᠭᠡᠷ ᠪᠠᠢᠭᠠ ᠪᠢᠯᠡ᠃ ᠦᠨᠡᠭᠡ ᠬᠠᠢᠴᠢᠯᠠᠨ ᠤᠨᠵᠢᠭᠤᠯᠬᠤ ᠳ᠋ᠠᠭᠠᠨ ᠲᠠᠪᠤᠨ ᠥᠩᠭᠡ ᠶ᠋ᠢᠨ ᠭᠤᠷᠪᠠᠯᠵᠢᠨ ᠪᠤᠶᠤ ᠲᠡᠭᠡᠭ ᠢ᠋ ᠬᠠᠮᠲᠤ ᠬᠢᠭᠰᠡᠨ ᠪᠠᠢᠳᠠᠭ ᠨᠢ ᠮᠥᠩᠬᠡ ᠲᠩᠷᠢ ᠶ᠋ᠢ ᠬᠥᠬᠡ ᠥᠩᠭᠡ ᠪᠡᠷ᠂ ᠬᠥᠷᠥᠰᠥᠲᠦ ᠳᠡᠯᠡᠬᠡᠢ ᠶ᠋ᠢ ᠨᠣᠭᠣᠭᠠᠨ ᠥᠩᠭᠡ ᠪᠡᠷ᠂ ᠠᠷᠢᠭᠤᠨ ᠠᠭᠠᠷ ᠢ᠋ ᠴᠠᠭᠠᠨ ᠥᠩᠭᠡ ᠪᠡᠷ᠂ ᠠᠷᠪᠢᠵᠢᠨ ᠦᠷᠡᠵᠢᠬᠦ ᠶ᠋ᠢ ᠰᠢᠷᠠ ᠥᠩᠭᠡ ᠪᠡᠷ᠂ ᠭᠠᠯ ᠭᠣᠯᠣᠮᠲᠠ ᠪᠠᠨ ᠤᠯᠠᠭᠠᠨ ᠥᠩᠭᠡ ᠪᠡᠷ ᠲᠤᠰ ᠲᠤᠰ ᠪᠡᠯᠭᠡᠳᠡᠭᠰᠡᠨ ᠪᠠᠢᠳᠠᠭ ᠠᠵᠢ᠃
ᠬᠡᠦᠬᠡᠳ ᠦ᠋ᠨ ᠺᠠᠠᠨᠲᠠᠨ ᠶᠢᠷᠲᠢᠨᠴᠦ ᠰᠤᠪᠠᠭ ᠤᠩᠰᠢᠵᠤ ᠪᠡᠯᠡᠳᠬᠡᠪᠡ᠃
2026 ᠣᠨ ᠤ᠋ 1 ᠳ᠋ᠦ᠍ᠭᠡᠷ ᠰᠠᠷᠠ
ᠦᠰᠦᠭ ᠬᠠᠲᠠᠵᠤ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠠᠯᠲᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠭᠦᠩᠭᠠᠷ