ᠣᠷᠳᠣᠰ - ᠮᠣᠩᠭᠣᠯ ᠤᠨ ᠰᠠᠢᠬᠠᠨ ᠨᠤᠲᠤᠭ – ᠬᠠᠳᠠᠨᠪᠠᠭᠠᠲᠤᠷ Ордос - монголын сайхан нутаг – Хаданбаатар
347 ᠬᠠᠳᠠᠨᠪᠠᠭᠠᠲᠤᠷ
ᠪᠤᠭᠤᠷᠤᠯ ᠨᠤᠲᠤᠭ
ᠬᠠᠭᠠᠨ ᠡᠵᠡᠨ ᠦ᠌ ᠮᠢᠨᠢ ᠨᠠᠢ᠍ᠮᠠᠨ ᠴᠠᠭᠠᠨ ᠣᠷᠳᠣᠨ ᠢ᠋ ᠰᠠᠬᠢᠭᠰᠠᠨ
ᠭᠠᠵᠠᠷ ᠤᠰᠤᠨ
ᠬᠠᠨ ᠲᠡᠭᠷᠢ ᠶ᠋ᠢᠨ ᠳᠣᠬᠢᠭᠤᠷ ᠳᠣᠯᠣᠭᠠᠨ ᠤᠲᠤ ᠰᠢᠭ᠋
ᠳᠣᠯᠣᠭᠠᠨ ᠬᠣᠰᠢᠭᠤ ᠲᠠᠢ
ᠬᠠᠮᠤᠭ ᠮᠣᠩᠭᠣᠯ ᠤ᠋ᠨ ᠡᠯᠢᠭᠡᠨ ᠰᠠᠳᠤᠨ ᠤ᠋ ᠲᠠᠰᠤᠷᠬᠠᠢ
ᠣᠷᠣᠰᠢᠨ ᠰᠠᠭᠤᠭᠰᠠᠨ ᠨᠤᠲᠤᠭ
ᠵᠡᠭᠦᠨᠰᠢ ᠪᠡᠨ ᠮᠤᠷᠤᠢᠯᠵᠠᠨ ᠤᠷᠤᠰᠬᠤ
ᠰᠢᠷᠠᠠᠤᠰᠤᠨ ᠭᠣᠣᠯ ᠤ᠋ᠨ ᠢᠰᠬᠡᠷᠦᠭᠡ ᠲᠡᠢ
ᠵᠦᠭ ᠢ᠋ᠶ᠋ᠡᠨ ᠡᠷᠢᠯᠬᠢᠯᠡᠨ ᠤᠭᠠᠯᠵᠠᠯᠠᠭᠰᠠᠨ
ᠤᠯᠠᠭᠠᠨᠮᠥ᠋ᠷᠡᠨ ᠭᠣᠣᠯ ᠤ᠋ᠨ ᠭᠦᠨ ᠲᠣᠬᠣᠢ ᠲᠠᠢ
ᠵᠠᠭᠤᠨ ᠵᠠᠭᠤᠨ ᠳ᠋ᠤ᠌ ᠳᠠᠪᠲᠠᠭᠳᠠᠭᠰᠠᠨ
ᠠᠷᠪᠠᠰ ᠤ᠋ᠨ ᠠᠭᠤᠯᠠᠨ ᠤ᠋ ᠰᠦᠷᠯᠢᠭ ᠪᠠᠷᠠᠭᠠ ᠲᠠᠢ
ᠵᠢᠯ ᠵᠢᠯ ᠢ᠋ᠶ᠋ᠡᠷ ᠮᠠᠯᠲᠠᠭᠠᠳ ᠪᠠᠷᠠᠰᠢ ᠦᠭᠡᠢ
ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠶ᠋ᠢᠨ ᠪᠤᠯᠠᠭᠳᠠᠭᠴᠠ ᠲᠠᠢ
ᠳᠡᠯᠡᠬᠡᠢ ᠶ᠋ᠢ ᠳᠤᠯᠠᠭᠠᠴᠠᠭᠤᠯᠤᠭᠰᠠᠨ
ᠠᠷᠪᠠᠰ ᠤ᠋ᠨ ᠴᠠᠭᠠᠨ ᠢᠮᠠᠭᠠᠨ ᠨᠣᠣᠯᠤᠷ ᠤ᠋ᠨ ᠬᠠᠨᠲᠠᠭᠠᠵᠠ ᠲᠠᠢ
ᠳᠡᠪᠡᠯ ᠬᠢᠭᠡᠳ ᠡᠮᠦᠰᠬᠦ ᠳ᠋ᠦ᠍ ᠳᠤᠯᠠᠭᠠᠬᠠᠨ ᠪᠠᠢᠳᠠᠭ
ᠣᠷᠳᠣᠰ ᠨᠠᠷᠢᠨ ᠨᠣᠣᠰᠣᠲᠤ ᠬᠣᠨᠢᠨ ᠠᠬᠠᠷ ᠲᠠᠢ
ᠳᠤᠮᠳᠠᠳᠤ ᠳ᠋ᠠᠭᠠᠨ ᠨᠡᠷᠡᠲᠡᠢ ᠲᠣᠰᠣᠯᠢᠭ ᠨᠠᠷᠠᠰᠤ
ᠵᠦᠩᠭᠠᠷ ᠤ᠋ᠨ ᠡᠯᠢᠭᠡᠨ ᠳ᠋ᠦ᠍ ᠰᠦᠨᠳᠡᠷᠯᠡᠭᠡ ᠲᠡᠢ
ᠳᠡᠪᠢᠰᠦᠭᠡᠳ ᠪᠡᠭᠡᠵᠢᠩ ᠲᠢᠶᠠᠨᠵᠢᠨ ᠬᠦᠷᠲᠡᠯᠡ ᠠᠰᠢᠭᠯᠠᠭᠰᠠᠨ
ᠰᠢᠲᠠᠮᠠᠬᠠᠢ ᠬᠡᠢ ᠶ᠋ᠢᠨ ᠭᠠᠷᠤᠯᠲᠠ ᠲᠠᠢ
ᠦᠦᠰᠢᠨ ᠪᠠᠯᠠᠷ ᠠ᠋ᠴᠠ ᠦᠷᠭᠦᠯᠵᠢᠯᠡᠵᠦ
ᠣᠲᠣᠭ ᠤ᠋ᠨ ᠰᠢᠯᠢ ᠲᠡᠢ ᠵᠠᠯᠭᠠᠯᠳᠤᠵᠤ
ᠡᠮᠦᠨᠡ ᠣᠲᠣᠭ ᠤ᠋ᠨ ᠵᠢᠷᠠᠨ ᠬᠠᠢᠯᠠᠰᠤ ᠤᠷᠲᠤ ᠶ᠋ᠢᠨ ᠳᠠᠭᠤᠤ
ᠬᠠᠩᠭᠢᠨ ᠤ᠋ ᠬᠦᠷᠦ ᠳᠠᠭᠤᠤ ᠲᠠᠢ ᠬᠣᠣᠰᠯᠠᠨ
ᠡᠵᠡᠨ ᠬᠣᠷᠣᠭᠠᠨ ᠤ᠋ ᠲᠠᠬᠢᠯᠭᠠ ᠶᠣᠰᠣᠨ ᠳᠡᠭᠡᠳᠦᠯᠡᠭᠳᠡᠬᠦ ᠪᠡᠷ
ᠳᠡᠯᠡᠳ ᠵᠦᠩᠭᠠᠷ ᠠ᠋ᠴᠠ ᠬᠤᠷᠤᠢᠯᠠᠭᠠ ᠲᠠᠢ
ᠤᠷᠳᠤᠰ ᠨᠤᠲᠤᠭ ᠤ᠋ᠨ ᠮᠢᠨᠢ ᠥᠨᠢᠷ ᠪᠠᠶᠠᠯᠢᠭ
ᠲᠠᠩᠰᠤᠭ ᠠᠮᠢᠳᠤᠷᠠᠯ ᠡᠢᠨᠬᠦ ᠦᠷᠭᠦᠯᠵᠢᠯᠡᠭᠰᠡᠭᠡᠷ
ᠰᠠᠭᠠᠩ ᠰᠡᠴᠡᠨ ᠦ᠌ 《ᠡᠷᠳᠡᠨᠢ ᠶ᠋ᠢᠨ ᠲᠣᠪᠴᠢ》
ᠮᠠᠯᠴᠢᠳ ᠤ᠋ᠨ ᠡᠪᠦᠷ ᠲᠦ᠍ ᠰᠠᠭᠠᠲᠠᠵᠤ
ᠰᠠᠨᠠᠭᠠ ᠲᠠᠯᠪᠢᠨ ᠤᠩᠰᠢᠳᠠᠭ 《ᠤᠷᠳᠤᠰ ᠲᠣᠪᠴᠢᠶᠠᠨ》
ᠤᠷᠢᠳᠤ ᠲᠡᠦᠬᠡ ᠶ᠋ᠢ ᠮᠢᠨᠢ ᠪᠢᠴᠢᠭᠯᠡᠵᠦ
ᠰᠤᠷᠭᠠᠭᠤᠯᠢ ᠶ᠋ᠢᠨ ᠬᠦᠷᠢᠶᠡᠨ ᠡᠴᠡ 《ᠵᠠᠩᠭᠠᠷ》 ᠬᠠᠢᠯᠬᠤ ᠳᠠᠭᠤᠨ
ᠵᠢᠷᠦᠬᠡ ᠰᠡᠳᠬᠢᠯ ᠢ᠋ ᠲᠠᠲᠠᠵᠤ
ᠰᠤᠳᠤᠨ ᠪᠦᠲᠦᠭᠡᠯ《ᠵᠠᠰᠠᠭ ᠤ᠋ᠨ ᠬᠣᠲᠣᠭᠣᠷ》᠂《ᠬᠥᠬᠡᠮᠳᠦᠭ ᠬᠤᠷᠠᠬᠤ》
ᠤᠷᠳᠤᠰ ᠲᠦᠮᠡᠨ ᠦ᠌ ᠮᠢᠨᠢ ᠣᠶᠤᠨ ᠢ᠋ ᠰᠡᠯᠪᠢᠨᠡ᠃
ᠵᠠᠯᠠᠭᠤ ᠨᠢᠭᠡ ᠨᠢ 《ᠠᠯᠲᠠᠨ ᠭᠠᠨᠳᠠᠷᠢ》 ᠪᠠᠨ
ᠠᠮᠲᠠᠷᠬᠠᠨ ᠤᠩᠰᠢᠵᠤ
ᠵᠢᠭᠠᠬᠠᠨ ᠪᠤᠭᠤᠷᠤᠯ ᠨᠢ 《ᠬᠥᠬᠡ ᠰᠤᠳᠤᠷ》 ᠢᠶᠠᠨ ᠲᠡᠪᠡᠷᠢᠵᠤ
ᠰᠥᠨᠢ ᠶᠢ ᠪᠠᠷᠠᠭᠠᠨᠠ
ᠵᠠᠷᠢᠮ ᠨᠢᠭᠡ ᠨᠢ ᠠᠷᠢᠬᠢ᠂ ᠭᠠᠷ ᠤᠲᠠᠰᠤ ᠪᠠᠷ
ᠴᠠᠭ ᠪᠠᠷᠠᠵᠤ ᠪᠠᠢᠬᠤ ᠳᠤ
ᠵᠠᠪᠰᠢᠶᠠᠨ ᠠᠯᠳᠠᠳᠠᠭ ᠦᠭᠡᠢ ᠨᠢ ᠪᠦᠭᠦᠳᠡ ᠶᠢ ᠵᠠᠪᠳᠤᠵᠤ
ᠰᠤᠷᠴᠤ ᠶᠠᠪᠤᠨᠠ
ᠬᠣᠰᠢᠭᠤ ᠳᠠᠮᠵᠢᠨ ᠬᠢᠭᠰᠡᠭᠡᠷ ᠢᠷᠡᠭᠰᠡᠨ ᠤᠷᠳᠤᠰ ᠨᠠᠭᠠᠳᠤᠮ
ᠬᠠᠷᠠᠭᠠ ᠪᠤᠯᠢᠶᠠᠨᠠ
ᠬᠤᠭᠤᠴᠠᠭᠠ ᠪᠣᠯᠭᠠᠨ ᠳ᠋ᠠᠭᠠᠨ ᠮᠣᠩᠭᠣᠯ ᠪᠥᠭᠡ ᠪᠡᠷ
ᠨᠠᠭᠠᠳᠤᠮᠯᠠᠵᠤ ᠪᠠᠶᠠᠰᠤᠨᠠ
ᠬᠠᠮᠤᠭ ᠣᠯᠠᠨ ᠳ᠋ᠠᠭᠠᠨ ᠪᠠᠬᠠᠷᠬᠠᠬᠳᠠᠭᠰᠠᠨ ᠣᠷᠳᠣᠰ ᠬᠤᠷᠢᠮ
ᠬᠣᠨᠵᠢᠨ ᠪᠦᠭᠦᠳᠡ ᠶᠢᠨ ᠴᠤᠭᠯᠠᠭᠠ
ᠬᠡᠵᠢᠶᠡ ᠡᠭᠦᠷᠢᠳᠡ ᠪᠡᠨ ᠳᠠᠭᠤᠯᠠᠭᠳᠠᠬᠤ ᠣᠷᠳᠣᠰ ᠠᠷᠠᠳ ᠤᠨ ᠳᠠᠭᠤᠤ
ᠥᠨᠢ ᠮᠥᠩᠬᠡ ᠰᠣᠶᠣᠯ
ᠦᠦᠰᠢᠨ ᠤᠰᠤᠨ ᠵᠢᠷᠣᠭᠠ ᠮᠣᠷᠢᠨ ᠤ ᠶᠠᠪᠤᠳᠠᠯ ᠢᠶᠠᠷ
ᠬᠣᠯᠠ ᠶᠢᠨ ᠵᠠᠮ ᠢ ᠲᠤᠭᠤᠯᠵᠤ
ᠮᠣᠷᠢᠨ ᠬᠤᠭᠤᠷ ᠤᠨ ᠬᠦᠩᠭᠢᠨᠡᠮᠡ ᠡᠭᠡᠰᠢᠭ ᠢ
ᠫᠠᠷᠢᠰ ᠤᠨ ᠮᠦᠽᠸᠸᠢ ᠳᠦ ᠳᠣᠭᠣᠯᠳᠠᠭᠤᠯᠤᠭᠰᠠᠨ
ᠤᠷᠠᠯᠢᠭ ᠤᠨ ᠥᠨᠳᠥᠷ ᠲᠠᠢ
ᠮᠣᠷᠢᠲᠠᠨ ᠦᠨᠳᠦᠰᠦᠲᠡᠨ ᠦ ᠪᠡᠨ ᠥᠪ ᠰᠣᠶᠣᠯ ᠢ ᠥᠪᠯᠡᠨ ᠤᠯᠠᠮᠵᠢᠯᠠᠭᠰᠠᠨ
ᠮᠢᠨᠤ ᠡᠬᠡ ᠣᠷᠣᠨ
ᠥᠨᠢᠳᠡ ᠶᠢᠨ ᠶᠤᠮᠰᠢᠭ ᠮᠥᠩᠬᠡ ᠣᠷᠣᠰᠢᠬᠤ ᠣᠷᠳᠣᠰ
ᠮᠣᠩᠭᠣᠯ ᠤᠨ ᠰᠠᠢᠬᠠᠨ ᠣᠷᠣᠨ᠃