ᠤᠷᠠᠳ ᠨᠤᠲᠤᠭ ᠮᠢᠨᠢ ᠠᠮᠤᠭᠤᠯᠠᠩ ᠪᠠᠢᠭᠠᠰᠠᠢ -ᠰᠢᠷᠠᠨᠤᠳ ᠰᠡᠴᠡᠨᠪᠠᠲᠤ Урд нутаг минь амгалан байгаасай-Шарнад Сэцэнбат
320ᠤᠷᠠᠳ ᠨᠤᠲᠤᠭ ᠮᠢᠨᠢ ᠠᠮᠤᠭᠤᠯᠠᠩ ᠪᠠᠢᠭᠠᠰᠠᠢ
ᠵᠣᠬᠢᠶᠠᠭᠴᠢ ᠰᠢᠷᠠᠨᠤᠳ ᠰᠡᠴᠡᠨᠪᠠᠲᠤ
ᠤᠶᠠᠩᠭᠠᠯᠠᠭᠴᠢ ᠰᠢᠷᠠᠨᠤᠳ ᠰᠡᠴᠡᠨᠪᠠᠲᠤ
ᠤᠷᠭᠤᠭᠠ ᠥᠨᠳᠥᠷ ᠠᠭᠤᠯᠠᠰ ᠢ᠋ᠶ᠋ᠠᠷ ᠲᠦᠰᠢᠭ ᠢ᠋ᠶ᠋ᠡᠨ ᠪᠣᠯᠭᠠᠭᠰᠠᠨ
ᠤᠤᠭᠠᠨ ᠣᠩᠭᠣᠨ ᠪᠠᠢᠭᠠᠯᠢ ᠪᠠᠷ ᠳᠡᠪᠢᠭᠰᠡᠭᠡᠷ ᠢ᠋ᠶ᠋ᠡᠨ ᠪᠣᠯᠭᠠᠭᠰᠠᠨ
ᠤᠷᠤᠰᠬᠠᠯ ᠨᠣᠮᠢᠨ ᠭᠣᠣᠯ ᠢ᠋ᠶ᠋ᠠᠷ ᠰᠤᠳᠠᠰᠤ ᠪᠠᠨ ᠪᠣᠯᠭᠠᠭᠰᠠᠨ
ᠤᠳᠠ ᠤᠯᠢᠶᠠᠰᠤ ᠵᠠᠭ ᠢ᠋ᠶ᠋ᠠᠷ ᠴᠢᠮᠡᠭ ᠢ᠋ᠶ᠋ᠡᠨ ᠪᠣᠯᠭᠠᠭᠰᠠᠨ
ᠤᠤᠭᠠᠯ ᠭᠣᠶᠣᠬᠠᠨ ᠤᠷᠠᠳ ᠨᠤᠲᠤᠭ ᠮᠢᠨᠢ ᠠᠮᠤᠭᠤᠯᠠᠩ ᠪᠠᠢᠭᠠᠰᠠᠢ
ᠤᠭᠠᠯᠵᠠᠯᠠᠨ ᠤᠷᠤᠰᠬᠤ ᠭᠣᠣᠯ ᠢ᠋ᠶ᠋ᠠᠷ ᠦᠵᠡᠮᠵᠢ ᠪᠡᠨ ᠪᠣᠯᠭᠠᠭᠰᠠᠨ
ᠤᠨᠢᠶᠠᠷᠲᠤᠨ ᠬᠠᠷᠠᠭᠳᠠᠬᠤ ᠰᠢᠷᠭᠠᠯ ᠡᠯᠡᠰᠦ ᠪᠡᠷ ᠰᠢᠭᠢᠳᠬᠡᠭᠦᠷ ᠢ᠋ᠶ᠋ᠡᠨ ᠪᠣᠯᠭᠠᠭᠰᠠᠨ
ᠤᠨᠳᠤᠷᠬᠤ ᠷᠠᠰᠢᠶᠠᠨ ᠪᠤᠯᠠᠭ ᠢ᠋ᠶ᠋ᠠᠷ ᠤᠮᠳᠠ ᠪᠠᠨ ᠪᠣᠯᠭᠠᠭᠰᠠᠨ
ᠤᠳᠤᠮᠰᠢᠯᠲᠤ ᠠᠳᠤᠭᠤᠨ ᠲᠦᠪᠡᠷᠭᠡᠨ ᠢ᠋ᠶ᠋ᠡᠷ ᠴᠢᠪᠬᠠᠳᠠᠰᠤ ᠪᠠᠨ ᠪᠣᠯᠭᠠᠭᠰᠠᠨ
ᠤᠨᠠᠭᠠᠨ ᠥᠯᠥᠭᠡᠢ ᠤᠷᠠᠳ ᠨᠤᠲᠤᠭ ᠮᠢᠨᠢ ᠠᠮᠤᠭᠤᠯᠠᠩ ᠪᠠᠢᠭᠠᠰᠠᠢ
ᠲᠦᠮᠡᠨ ᠰᠦᠷᠦᠭ ᠢ᠋ᠶ᠋ᠡᠨ ᠥᠰᠬᠡᠭᠰᠡᠨ ᠤᠷᠠᠳ ᠮᠠᠯᠴᠢᠳ ᠲᠠᠢ
ᠲᠥᠷᠥᠯᠬᠢ ᠬᠡᠯᠡ ᠪᠡᠨ ᠥᠪᠯᠡᠭᠰᠡᠨ ᠬᠠᠰᠢᠷ ᠬᠣᠨᠢᠴᠢᠳ ᠲᠠᠢ
ᠲᠥᠪ ᠶᠣᠰᠣᠨ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠᠭᠰᠠᠨ ᠰᠢᠯᠤᠭᠤᠨ ᠨᠣᠶᠠᠳ ᠲᠠᠢ
ᠲᠥᠷᠥ ᠭᠦᠷᠦᠨ ᠢ᠋ᠶ᠋ᠡᠨ ᠬᠠᠢᠷᠠᠯᠠᠭᠰᠠᠨ ᠰᠢᠳᠤᠷᠭᠤ ᠢᠷᠭᠡᠳ ᠲᠡᠢ
ᠲᠦᠭᠡᠮᠡᠯ ᠪᠤᠶᠠᠨᠲᠤ ᠤᠷᠠᠳ ᠨᠤᠲᠤᠭ ᠮᠢᠨᠢ ᠠᠮᠤᠭᠤᠯᠠᠩ ᠪᠠᠢᠭᠠᠰᠠᠢ
ᠠᠰᠤᠷᠢ ᠬᠤᠷᠮᠤᠰᠲᠠ ᠠᠭᠠᠷ ᠲᠩᠷᠢ ᠮᠢᠨᠢ ᠴᠡᠯᠮᠡᠭ ᠪᠠᠢᠭᠠᠰᠠᠢ
ᠠᠪᠤᠷᠭᠤ ᠰᠦᠮᠪᠦᠷ ᠠᠭᠤᠯᠠ ᠨᠢᠷᠤᠭᠤ ᠮᠢᠨᠢ ᠴᠡᠩᠬᠡᠷ ᠪᠠᠢᠭᠠᠰᠠᠢ
ᠠᠲᠠᠷ ᠬᠡᠭᠡᠷᠡ ᠠᠭᠯᠠᠭᠬᠠᠨ ᠭᠣᠪᠢ ᠮᠢᠨᠢ ᠴᠡᠯᠡᠭᠡᠷ ᠪᠠᠢᠭᠠᠰᠠᠢ
ᠠᠵᠢᠯᠴᠢ ᠠᠷᠪᠢᠴᠢ ᠠᠷᠠᠳ ᠣᠯᠠᠨ ᠮᠢᠨᠢ ᠴᠡᠩᠭᠡᠭᠦᠨ ᠪᠠᠢᠭᠠᠰᠠᠢ
ᠠᠷᠢᠭᠤᠨ ᠳᠠᠭᠰᠢᠨ ᠤᠷᠠᠳ ᠨᠤᠲᠤᠭ ᠮᠢᠨᠢ ᠠᠮᠤᠭᠤᠯᠠᠩ ᠪᠠᠢᠭᠠᠰᠠᠢ
ᠪᠤᠮᠪᠠ ᠲᠩᠷᠢ ᠪᠡᠨ ᠲᠣᠯᠢᠳᠠᠭᠰᠠᠨ ᠨᠠᠭᠤᠷ ᠪᠦᠷᠢᠳᠦ ᠲᠡᠢ
ᠪᠣᠷᠣ ᠬᠠᠩᠭᠠᠢ ᠪᠠᠨ ᠰᠠᠬᠢᠭᠰᠠᠨ ᠣᠪᠣᠭᠠ ᠣᠩᠭᠣᠳ ᠲᠠᠢ
ᠪᠤᠷᠬᠠᠨ ᠨᠣᠮ ᠢ᠋ᠶ᠋ᠠᠨ ᠬᠤᠷᠠᠭᠰᠠᠨ ᠰᠦᠮᠡ ᠬᠡᠢᠳ ᠲᠡᠢ
ᠪᠤᠶᠠᠨ ᠬᠡᠰᠢᠭ ᠢ᠋ᠶ᠋ᠡᠨ ᠬᠤᠷᠤᠢᠯᠠᠭᠰᠠᠨ ᠮᠥᠷᠭᠥᠯ ᠲᠠᠬᠢᠯᠭᠠ ᠲᠠᠢ
ᠪᠤᠭᠤᠷᠤᠯ ᠳ᠋ᠸᠪᠡᠵᠢᠨ ᠤᠷᠠᠳ ᠨᠤᠲᠤᠭ ᠮᠢᠨᠢ ᠠᠮᠤᠭᠤᠯᠠᠩ ᠪᠠᠢᠭᠠᠰᠠᠢ
ᠤᠯᠪᠠᠭᠠ ᠲᠡᠦᠬᠡ ᠪᠡᠨ ᠪᠢᠴᠢᠭᠯᠡᠭᠰᠡᠨ ᠢᠵᠠᠭᠤᠷ ᠰᠣᠶᠣᠯ ᠲᠠᠢ
ᠤᠭ ᠵᠤᠷᠰᠢᠯ ᠢ᠋ᠶ᠋ᠠᠨ ᠬᠠᠳᠠᠭᠠᠯᠠᠭᠰᠠᠨ ᠢᠯᠭᠤᠮ ᠰᠤᠷᠲᠠᠯ ᠲᠠᠢ
ᠤᠭᠰᠠᠭᠠ ᠤᠳᠤᠮ ᠢ᠋ᠶ᠋ᠠᠨ ᠰᠢᠯᠦᠭᠯᠡᠭᠰᠡᠨ ᠤᠶᠠᠩᠭᠠ ᠨᠠᠢᠷᠠᠭ ᠲᠠᠢ
ᠤᠷᠤᠭ ᠬᠤᠷᠢᠮ ᠢ᠋ᠶ᠋ᠠᠨ ᠰᠢᠷᠤᠩᠬᠠᠶ᠋ᠢᠯᠠᠭᠰᠠᠨ ᠤᠷᠠᠯᠢᠭ ᠳᠠᠭᠤᠤ ᠲᠠᠢ
ᠤᠨᠠᠭᠰᠠᠨ ᠰᠢᠷᠣᠢ ᠤᠷᠠᠳ ᠨᠤᠲᠤᠭ ᠮᠢᠨᠢ ᠠᠮᠤᠭᠤᠯᠠᠩ ᠪᠠᠢᠭᠠᠰᠠᠢ
ᠳᠠᠭᠠᠨᠠ ᠮᠠᠩᠭᠢᠷ ᠠᠩᠬᠢᠯᠤᠭᠰᠠᠨ ᠴᠡᠪᠡᠷᠬᠡᠨ ᠠᠮᠢᠰᠬᠤᠯ ᠲᠠᠢ
ᠲᠠᠷᠠᠭ ᠠᠢᠷᠠᠭ ᠬᠠᠩᠬᠤᠯᠤᠭᠰᠠᠨ ᠴᠡᠩᠭᠡᠯᠲᠦ ᠠᠮᠢᠳᠤᠷᠠᠯ ᠲᠠᠢ
ᠲᠠᠢᠪᠤᠩ ᠲᠣᠭᠲᠠᠭᠤᠨ ᠪᠡᠯᠴᠢᠭᠰᠡᠨ ᠲᠠᠷᠭᠤᠨ ᠰᠦᠷᠦᠭ ᠲᠡᠢ
ᠲᠠᠩᠰᠤᠭ ᠵᠢᠷᠭᠠᠯ ᠬᠠᠯᠢᠭᠤᠷᠠᠭᠰᠠᠨ ᠲᠠᠪᠤᠨ ᠲᠠᠷᠢᠶᠠ ᠲᠠᠢ
ᠳᠠᠷᠬᠠᠨ ᠭᠣᠯᠣᠮᠲᠠ ᠤᠷᠠᠳ ᠨᠤᠲᠤᠭ ᠮᠢᠨᠢ ᠠᠮᠤᠭᠤᠯᠠᠩ ᠪᠠᠢᠭᠠᠰᠠᠢ
ᠥᠷᠨᠢᠨ ᠬᠥᠭᠵᠢᠭᠰᠡᠨ ᠮᠣᠩᠭᠣᠯ ᠭᠤᠷᠪᠠᠨ ᠬᠣᠰᠢᠭᠤ ᠲᠠᠢ
ᠥᠨᠳᠥᠷ ᠲᠦ᠍ ᠨᠤᠲᠤᠭᠰᠢᠭᠰᠠᠨ ᠭᠤᠷᠪᠠᠨ ᠤᠷᠠᠳ ᠨᠤᠲᠤᠭ ᠲᠠᠢ
ᠥᠭᠡᠳᠡᠯᠡᠨ ᠮᠠᠨᠳᠤᠭᠰᠠᠨ ᠠᠤᠭᠠ ᠶᠡᠬᠡ ᠦᠢᠯᠡᠰ ᠲᠡᠢ
ᠥᠩᠭᠡᠵᠢᠨ ᠴᠡᠴᠡᠭᠯᠡᠭᠰᠡᠨ ᠠᠭᠤᠳᠠᠮ ᠡᠬᠡ ᠣᠷᠣᠨ ᠲᠠᠢ
ᠥᠨᠢᠷ ᠽᠠᠮᠪᠤᠯᠢᠩ ᠤᠷᠠᠳ ᠨᠤᠲᠤᠭ ᠮᠢᠨᠢ ᠠᠮᠤᠭᠤᠯᠠᠩ ᠪᠠᠢᠭᠠᠰᠠᠢ
ᠤᠷᠠᠳ ᠨᠤᠲᠤᠭ ᠢ᠋ᠶ᠋ᠠᠨ ᠳᠠᠭᠠᠳᠬᠠᠵᠤ᠂ ᠬᠠᠭᠠᠨ ᠬᠤᠷᠮᠤᠰᠲᠠ ᠳ᠋ᠤ᠌ ᠵᠠᠯᠪᠠᠷᠢᠨᠠᠮ!
ᠤᠷᠠᠳ ᠨᠤᠲᠤᠭ ᠢ᠋ᠶ᠋ᠠᠨ ᠬᠤᠷᠤᠢᠯᠠᠵᠤ᠂ ᠬᠠᠨ ᠬᠠᠢᠷᠬᠠᠨ ᠳ᠋ᠠᠭᠠᠨ ᠮᠥᠷᠭᠥᠨᠡᠮ!
ᠤᠷᠠᠳ ᠨᠤᠲᠤᠭ ᠢ᠋ᠶ᠋ᠠᠨ ᠤᠤᠬᠠᠢᠯᠠᠵᠤ᠂ ᠬᠠᠨᠠᠭᠠᠷ ᠳᠡᠯᠡᠬᠡᠢ ᠳ᠋ᠦ᠍ ᠬᠠᠰᠬᠢᠷᠤᠨᠠᠮ!
ᠤᠷᠠᠳ ᠨᠤᠲᠤᠭ ᠢ᠋ᠶ᠋ᠠᠨ ᠰᠢᠷᠤᠩᠬᠠᠶ᠋ᠢᠯᠠᠵᠤ᠂ ᠤᠷᠲᠤ ᠶ᠋ᠢᠨ ᠳᠠᠭᠤᠤ ᠪᠠᠨ ᠳᠠᠭᠤᠯᠠᠨᠠᠮ!
ᠤᠷᠠᠳ ᠨᠤᠲᠤᠭ ᠢ᠋ᠶ᠋ᠠᠨ ᠤᠶᠠᠩᠭᠠᠯᠠᠵᠤ ᠬᠠᠢᠷᠠ ᠰᠡᠳᠬᠢᠯ ᠢ᠋ᠶ᠋ᠡᠨ ᠡᠷᠭᠦᠨᠡᠮ᠃
ᠵᠣᠬᠢᠶᠠᠯ ᠵᠠᠰᠠᠭᠴᠢ᠄ ᠨᠠ᠊᠂ ᠮᠥᠩᠬᠡᠪᠠᠭᠠᠲᠤᠷ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠢ᠂ ᠰᠠᠷᠠᠨᠠ
ᠦᠰᠦᠭ ᠬᠠᠳᠠᠭᠴᠢ᠄ ᠪᠠᠢ· ᠰᠠᠷᠠᠨᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ