ᠲᠠᠷᠢᠶᠠᠨ ᠲᠦᠷᠦᠭᠦᠦ ᠦᠺᠷᠠᠢᠨ- ᠠᠷᠠᠳ ᠤ᠋ᠨ ᠦᠯᠢᠭᠡᠷТариан түрүү_ Украин ардын үлгэр
1596ᠲᠠᠷᠢᠶᠠᠨ ᠲᠦᠷᠦᠭᠦᠦ
ᠦᠺᠷᠠᠢᠨ ᠠᠷᠠᠳ ᠤ᠋ᠨ ᠦᠯᠢᠭᠡᠷ
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ᠌ ᠬᠣᠶᠠᠷ ᠪᠣᠷᠣᠬᠠᠨ ᠬᠤᠯᠤᠭᠠᠨᠠ ᠤᠯᠠᠭᠠᠨ ᠵᠠᠯᠠᠭᠠᠲᠤ ᠲᠠᠬᠢᠶᠠᠨ ᠤ᠋ ᠬᠠᠮᠲᠤ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠪᠠᠢᠵᠠᠢ᠃ ᠬᠣᠶᠠᠷ ᠬᠤᠯᠤᠭᠠᠨᠠ ᠳᠠᠭᠤᠯᠠᠵᠤ ᠬᠥᠭᠵᠢᠮᠳᠡᠬᠦ᠂ ᠭᠦᠶᠦᠵᠦ ᠬᠠᠷᠠᠢᠬᠤ ᠶ᠋ᠢ ᠯᠡ ᠮᠡᠳᠡᠳᠡᠭ ᠠᠮᠢᠲᠠᠨ᠃ ᠬᠠᠷᠢᠨ ᠲᠠᠬᠢᠶᠠ ᠨᠢ ᠦᠷ ᠦ᠋ᠨ ᠭᠡᠭᠡᠨ ᠢ᠋ᠶ᠋ᠡᠷ ᠳᠣᠩᠭᠣᠳᠴᠤ᠂ ᠬᠠᠮᠤᠭ ᠠᠮᠢᠲᠠᠨ ᠢ᠋ ᠰᠡᠷᠢᠭᠡᠭᠡᠳ ᠠᠵᠢᠯ ᠳ᠋ᠤ᠌ ᠪᠠᠨ ᠭᠠᠷᠳᠠᠭ ᠪᠠᠢᠵᠠᠢ᠃
ᠨᠢᠭᠡ ᠡᠳᠦᠷ ᠲᠠᠬᠢᠶᠠ ᠬᠠᠰᠢᠶᠠᠨ ᠤ᠋ ᠬᠣᠭ ᠴᠡᠪᠡᠷᠯᠡᠵᠦ ᠶᠠᠪᠤᠭᠠᠳ ᠲᠠᠷᠢᠶᠠᠨ ᠲᠦᠷᠦᠭᠦᠦ ᠣᠯᠵᠤ ᠭᠡᠨᠡ᠃ ᠲᠡᠭᠡᠭᠡᠳ ᠲᠠᠬᠢᠶᠠ ᠨᠠᠢᠵᠠ ᠬᠣᠶᠠᠷ ᠬᠤᠯᠤᠭᠠᠨᠠ ᠪᠠᠨ ᠳᠠᠭᠤᠳᠠᠵᠤ᠂
— ᠡᠢᠮᠦ ᠰᠠᠢᠬᠠᠨ ᠲᠠᠷᠢᠶᠠᠨ ᠲᠦᠷᠦᠭᠦᠦ ᠣᠯᠤᠯᠠ ᠭᠡᠳ ᠦᠵᠡᠭᠦᠯᠵᠡᠢ᠃ ᠬᠣᠶᠠᠷ ᠬᠤᠯᠤᠭᠠᠨᠠ ᠳᠡᠷᠭᠡᠳᠡ ᠨᠢ ᠢᠷᠡᠭᠡᠳ᠂
— ᠡᠭᠦᠨ ᠢ᠋ ᠴᠣᠬᠢᠵᠤ ᠴᠠᠢᠷᠠᠭᠤᠯᠬᠤ ᠬᠡᠷᠡᠭᠲᠡᠢ ᠪᠠᠢᠨᠠ ᠭᠡᠵᠦ ᠭᠡᠨᠡ᠃
— ᠬᠡᠨ ᠡᠭᠦᠨ ᠢ᠋ ᠴᠣᠬᠢᠵᠤ ᠴᠠᠢᠷᠠᠭᠤᠯᠬᠤ ᠪᠣᠢ? ᠭᠡᠵᠦ ᠲᠠᠬᠢᠶᠠ ᠠᠰᠠᠭᠤᠪᠠ᠃
— ᠪᠢ ᠬᠢᠬᠦ ᠦᠭᠡᠢ ᠰᠢᠦ ᠭᠡᠵᠦ ᠠᠬᠠ ᠬᠤᠯᠤᠭᠠᠨᠠ ᠨᠢ ᠬᠠᠷᠢᠭᠤᠯᠵᠠᠢ᠃
— ᠪᠢ ᠪᠠᠰᠠ ᠬᠢᠬᠦ ᠦᠭᠡᠢ ᠭᠡᠵᠦ ᠳᠡᠭᠦᠦ ᠬᠤᠯᠤᠭᠠᠨᠠ ᠨᠢ ᠬᠠᠷᠢᠭᠤᠯᠪᠠ᠃
— ᠵᠠ ᠶᠠᠭᠠᠬᠢᠬᠤ ᠪᠣᠢ ᠪᠢ ᠬᠢᠶᠡ ᠭᠡᠵᠦ ᠲᠠᠬᠢᠶᠠ ᠬᠡᠯᠡᠵᠦ ᠭᠡᠨᠡ᠃
ᠲᠡᠭᠡᠭᠡᠳ ᠲᠠᠬᠢᠶᠠ ᠠᠵᠢᠯ ᠳ᠋ᠤ᠌ ᠪᠠᠨ ᠣᠷᠣᠪᠠ᠃ ᠬᠠᠷᠢᠨ ᠬᠣᠶᠠᠷ ᠬᠤᠯᠤᠭᠠᠨᠠ ᠪᠥᠮᠪᠥᠭᠡ ᠪᠡᠷ ᠲᠣᠭᠯᠠᠵᠤ᠂ ᠲᠠᠬᠢᠶᠠ ᠲᠠᠷᠢᠶᠠ ᠪᠠᠨ ᠴᠠᠢᠷᠠᠭᠤᠯᠵᠤ ᠳᠠᠭᠤᠰᠤᠭᠠᠳ᠂
— ᠬᠦᠢ ᠨᠠᠢᠵᠠ ᠤ᠋ᠳ ᠳ᠋ᠠ᠂ ᠴᠠᠢᠷᠠᠭᠤᠯᠤᠭᠰᠠᠨ ᠲᠠᠷᠢᠶᠠ ᠶ᠋ᠢ ᠬᠠᠷᠠᠭᠠᠴᠢ! ᠭᠡᠵᠦ ᠬᠣᠶᠠᠷ ᠬᠤᠯᠤᠭᠠᠨᠠ ᠶ᠋ᠢ ᠳᠠᠭᠤᠳᠠᠵᠠᠢ᠃ ᠬᠣᠶᠠᠷ ᠬᠤᠯᠤᠭᠠᠨᠠ ᠭᠦᠶᠦᠵᠦ ᠢᠷᠡᠭᠡᠳ᠂
— ᠣᠳᠣ ᠴᠠᠢᠷᠠᠭᠤᠯᠤᠭᠰᠠᠨ ᠲᠠᠷᠢᠶᠠ ᠶ᠋ᠢ ᠲᠡᠭᠡᠷᠮᠡᠳᠡᠵᠦ ᠭᠤᠯᠢᠷ ᠬᠢᠬᠦ ᠬᠡᠷᠡᠭᠲᠡᠢ ᠪᠠᠢᠨᠠ ᠭᠡᠵᠦ ᠰᠢᠪᠡᠨᠡᠵᠡᠭᠡᠨᠡ᠃
— ᠬᠡᠨ ᠡᠭᠦᠨ ᠢ᠋ ᠲᠡᠭᠡᠷᠮᠡ ᠯᠤᠭᠡ ᠠᠪᠠᠴᠢᠬᠤ ᠪᠤᠢ? ᠭᠡᠵᠦ ᠲᠠᠬᠢᠶᠠ ᠠᠰᠠᠭᠤᠪᠠ᠃
— ᠪᠢ ᠴᠢᠳᠠᠬᠤ ᠦᠭᠡᠢ ᠰᠢᠦ ᠭᠡᠵᠦ ᠠᠬᠠ ᠬᠤᠯᠤᠭᠠᠨᠠ ᠨᠢ ᠬᠠᠷᠢᠭᠤᠯᠪᠠ᠃
— ᠪᠢ ᠪᠠᠰᠠ ᠴᠢᠳᠠᠬᠤ ᠦᠭᠡᠢ ᠰᠢᠦ ᠭᠡᠵᠦ ᠳᠡᠭᠦᠦ ᠬᠤᠯᠤᠭᠠᠨᠠ ᠨᠢ ᠬᠠᠰᠬᠢᠷᠴᠤ ᠭᠡᠨᠡ᠃
— ᠵᠠ᠂ ᠶᠠᠭᠠᠬᠢᠬᠤ ᠪᠣᠢ᠂ ᠪᠢ ᠴᠠᠢᠷᠠᠭᠤᠯᠤᠭᠰᠠᠨ ᠲᠠᠷᠢᠶᠠ ᠪᠠᠨ ᠡᠭᠦᠷᠴᠦ ᠲᠡᠭᠡᠷᠮᠡ ᠯᠤᠭᠡ ᠣᠴᠢᠶᠠ ᠳ᠋ᠠ ᠭᠡᠵᠦ ᠲᠠᠬᠢᠶᠠ ᠬᠡᠯᠡᠵᠡᠢ᠃
ᠲᠡᠭᠡᠭᠡᠳ ᠲᠠᠬᠢᠶᠠ ᠲᠠᠷᠢᠶᠠ ᠪᠠᠨ ᠱᠤᠤᠳᠠᠨ ᠳ᠋ᠤ᠌ ᠬᠢᠵᠦ ᠡᠭᠦᠷᠴᠦ ᠶᠠᠪᠤᠭᠰᠠᠭᠠᠷ ᠲᠡᠭᠡᠷᠮᠡ ᠳᠡᠭᠡᠷᠡ ᠠᠪᠠᠴᠢᠨ ᠲᠡᠭᠡᠷᠮᠡᠳᠡᠵᠦ ᠭᠤᠯᠢᠷ ᠪᠣᠯᠭᠠᠪᠠ᠃ ᠡᠨᠡ ᠦᠶᠡ ᠳ᠋ᠦ᠍ ᠬᠣᠶᠠᠷ ᠬᠤᠯᠤᠭᠠᠨᠠ ᠪᠡᠶᠡ ᠪᠡᠶᠡ ᠪᠡᠨ ᠳᠡᠭᠡᠭᠦᠷ ᠢ᠋ᠶ᠋ᠡᠨ ᠬᠠᠷᠠᠢᠵᠤ ᠶᠡᠬᠡ ᠯᠡ ᠬᠥᠭᠵᠢᠯ ᠲᠡᠢ ᠲᠣᠭᠯᠠᠵᠤ ᠪᠠᠢᠪᠠ᠃ ᠲᠠᠬᠢᠶᠠ ᠪᠤᠴᠠᠵᠤ ᠢᠷᠡᠭᠡᠳ ᠬᠣᠶᠠᠷ ᠬᠤᠯᠤᠭᠠᠨᠠ ᠶ᠋ᠢ ᠳᠠᠬᠢᠨ ᠳᠠᠭᠤᠳᠠᠵᠤ᠂
— ᠪᠢ ᠭᠤᠯᠢᠷ ᠠᠪᠴᠢᠷᠠᠯᠠ ᠭᠡᠵᠦ ᠭᠡᠨᠡ᠃ ᠬᠣᠶᠠᠷ ᠬᠤᠯᠤᠭᠠᠨᠠ ᠭᠦᠶᠦᠵᠦ ᠢᠷᠡᠭᠡᠳ᠂
— ᠲᠠᠬᠢᠶᠠ ᠮᠢᠨᠢ! ᠣᠳᠣ ᠭᠤᠯᠢᠷ ᠢ᠋ᠶ᠋ᠠᠨ ᠵᠢᠭᠤᠷᠠᠵᠤ᠂ ᠠᠮᠲᠠᠲᠠᠢ ᠪᠢᠯᠠᠭᠤᠷ ᠬᠢᠬᠦ ᠬᠡᠷᠡᠭᠲᠡᠢ ᠪᠠᠢᠨᠠ ᠭᠡᠵᠡᠢ᠃
— ᠬᠡᠨ ᠭᠤᠯᠢᠷ ᠵᠢᠭᠤᠷᠠᠬᠤ ᠪᠢᠯᠡ ᠭᠡᠵᠦ ᠲᠠᠬᠢᠶᠠ ᠠᠰᠠᠭᠤᠬᠤ ᠳ᠋ᠤ᠌᠂
— ᠬᠣᠶᠠᠷ ᠬᠤᠯᠤᠭᠠᠨᠠ ᠪᠢ ᠴᠢᠳᠠᠬᠤ ᠦᠭᠡᠢ᠂ ᠪᠢ ᠯᠠᠪ ᠴᠢᠳᠠᠬᠤ ᠦᠭᠡᠢ ᠭᠡᠵᠦ ᠥᠷᠢᠰᠦᠯᠳᠦᠨ ᠬᠠᠷᠢᠭᠤᠯᠵᠠᠭᠠᠪᠠ᠃ ᠲᠠᠬᠢᠶᠠ ᠪᠣᠳᠣᠵᠤ ᠪᠣᠳᠣᠵᠤ᠂
— ᠨᠠᠳᠠ ᠪᠠᠷ ᠬᠢᠯᠭᠡᠬᠦ ᠭᠡᠵᠦ ᠪᠠᠢᠭᠠ ᠶᠤᠮ ᠤᠤ? ᠭᠡᠵᠦ ᠬᠡᠯᠡᠭᠡᠳ
— ᠭᠤᠯᠢᠷ ᠢ᠋ᠶ᠋ᠠᠨ ᠵᠢᠭᠤᠷᠠᠵᠤ ᠲᠦᠯᠡᠭᠡ ᠪᠡᠨ ᠬᠠᠭᠠᠯᠵᠠᠢ᠃ ᠲᠡᠭᠡᠭᠡᠳ ᠫᠢᠰᠢᠩ ᠢ᠋ᠶ᠋ᠡᠨ ᠭᠠᠯᠯᠠᠵᠤ ᠪᠢᠯᠠᠭᠤ ᠪᠠᠨ ᠬᠠᠭᠠᠷᠢᠵᠤ ᠡᠬᠢᠯᠡᠪᠡ᠃ ᠡᠨᠡ ᠦᠶᠡ ᠳ᠋ᠦ᠍ ᠬᠣᠶᠠᠷ ᠬᠤᠯᠤᠭᠠᠨᠠ ᠬᠥᠭᠵᠢᠮᠳᠡᠨ ᠳᠠᠭᠤᠯᠠᠵᠤ ᠪᠠᠢᠪᠠ᠃ ᠲᠠᠬᠢᠶᠠ ᠪᠢᠯᠠᠭᠤ ᠪᠠᠨ ᠭᠠᠷᠭᠠᠵᠤ ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠯᠪᠢᠵᠠᠢ᠃ ᠬᠣᠶᠠᠷ ᠬᠤᠯᠤᠭᠠᠨᠠ ᠡᠭᠦᠪᠡᠷ ᠲᠡᠭᠦᠪᠡᠷ ᠭᠦᠶᠦᠵᠦ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ ᠭᠡᠨᠡᠳᠲᠡ ᠪᠢᠯᠠᠭᠤ ᠶ᠋ᠢ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ᠂
— ᠪᠢ ᠥᠯᠥᠰᠴᠦ ᠪᠠᠢᠨᠠ ᠭᠡᠵᠦ ᠠᠬᠠ ᠬᠤᠯᠤᠭᠠᠨᠠ ᠨᠢ ᠭᠤᠩᠭᠠᠨᠢᠪᠠ᠃ ᠪᠢ ᠪᠠᠰᠠ ᠶᠠᠭᠤᠮᠠ ᠢᠳᠡᠮᠡᠷ ᠪᠠᠢᠨᠠ ᠭᠡᠵᠦ ᠳᠡᠭᠦᠦ ᠬᠤᠯᠤᠭᠠᠨᠠ ᠨᠢ ᠲᠣᠰᠣᠨ ᠬᠡᠯᠡᠭᠡᠳ ᠰᠢᠷᠡᠭᠡ ᠲᠣᠭᠣᠷᠢᠨ ᠰᠠᠭᠤᠵᠠᠭᠠᠪᠠ ᠭᠡᠨᠡ᠃ ᠬᠠᠷᠢᠨ ᠲᠠᠬᠢᠶᠠ᠂
— ᠬᠦᠯᠢᠶᠡᠵᠦ ᠪᠠᠢᠭᠠᠷᠠᠢ! ᠬᠦᠯᠢᠶᠡᠵᠦ ᠪᠠᠢᠭᠠᠷᠠᠢ! ᠭᠡᠪᠡ᠃ ᠪᠢᠳᠡᠨ ᠦ᠌ ᠬᠡᠨ ᠮᠠᠨᠢ ᠲᠠᠷᠢᠶᠠᠨ ᠲᠦᠷᠦᠭᠦᠦ ᠣᠯᠤᠯᠠ ᠭᠡᠵᠦ ᠠᠰᠠᠭᠤᠪᠠ᠃ ᠲᠠ ᠣᠯᠤᠭᠰᠠᠨ ᠭᠡᠵᠦ ᠬᠣᠶᠠᠷ ᠬᠤᠯᠤᠭᠠᠨᠠ ᠱᠣᠭᠰᠢᠨ ᠬᠡᠯᠡᠪᠡ᠃ ᠲᠡᠭᠡᠬᠦᠯᠡᠷ ᠨᠢ ᠲᠠᠬᠢᠶᠠ ᠲᠠᠷᠢᠶᠠᠨ ᠲᠦᠷᠦᠭᠦᠦ ᠶ᠋ᠢ ᠬᠡᠨ ᠴᠣᠬᠢᠵᠤ ᠴᠠᠢᠷᠠᠭᠤᠯᠤᠭᠰᠠᠨ ᠪᠢᠯᠡ ᠭᠡᠪᠡ᠃ ᠲᠠ ᠴᠠᠢᠷᠠᠭᠤᠯᠤᠭᠰᠠᠨ ᠭᠡᠵᠦ ᠬᠣᠶᠠᠷ ᠬᠤᠯᠤᠭᠠᠨᠠ ᠴᠤᠯᠴᠠᠷᠢᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ ᠬᠠᠷᠢᠭᠤᠯᠪᠠ᠃ ᠲᠡᠭᠡᠪᠡᠯ ᠬᠡᠨ ᠮᠠᠨᠢ ᠲᠠᠷᠢᠶᠠ ᠪᠠᠨ ᠲᠡᠭᠡᠷᠮᠡᠳᠡᠯᠡ ᠭᠡᠵᠦ ᠲᠠᠬᠢᠶᠠ ᠳᠠᠬᠢᠨ ᠠᠰᠠᠭᠤᠯᠠ᠃ ᠲᠠ ᠯᠠ ᠲᠡᠭᠡᠷᠮᠡᠳᠡᠭᠰᠡᠨ ᠭᠡᠵᠦ ᠬᠣᠶᠠᠷ ᠬᠤᠯᠤᠭᠠᠨᠠ ᠳᠤᠭᠤᠯᠳᠠᠬᠤ ᠲᠡᠳᠦᠢᠬᠡᠨ ᠬᠠᠷᠢᠭᠤᠯᠵᠠᠢ᠃ ᠲᠡᠭᠡᠪᠡᠯ ᠬᠡᠨ ᠭᠤᠯᠢᠷ ᠵᠢᠭᠤᠷᠠᠵᠤ ᠲᠦᠯᠡᠭᠡ ᠬᠠᠭᠠᠯᠵᠤ ᠫᠢᠰᠢᠩ ᠭᠠᠯᠯᠠᠵᠤ᠂ ᠬᠡᠨ ᠪᠢᠯᠠᠭᠤ ᠬᠠᠭᠠᠷᠢᠭᠰᠠᠨ ᠪᠢᠯᠡ ᠭᠡᠵᠦ ᠲᠠᠬᠢᠶᠠ ᠳᠠᠬᠢᠨ ᠠᠰᠠᠭᠤᠪᠠ᠃ ᠲᠠ ᠴᠥᠮ ᠢ᠋ ᠨᠢ ᠬᠢᠭᠰᠡᠨ ᠭᠡᠵᠦ ᠬᠣᠶᠠᠷ ᠬᠤᠯᠤᠭᠠᠨᠠ ᠳᠤᠭᠤᠯᠳᠠᠬᠤ ᠲᠠᠢ ᠦᠭᠡᠢ ᠲᠡᠢ ᠪᠣᠯᠤᠭᠰᠠᠨ ᠭᠡᠨᠡ᠃ ᠲᠠᠬᠢᠶᠠ ᠬᠣᠶᠠᠷ ᠬᠤᠯᠤᠭᠠᠨᠠ ᠠ᠋ᠴᠠ ᠲᠠ ᠬᠣᠶᠠᠷ ᠲᠡᠭᠡᠪᠡᠯ ᠶᠠᠭᠤ ᠬᠢᠭᠰᠡᠨ ᠪᠢᠯᠡ? ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌ ᠲᠡᠳᠡ ᠶᠠᠭᠤ ᠴᠤ᠌ ᠬᠠᠷᠢᠭᠤᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃
ᠲᠡᠭᠡᠭᠡᠳ ᠬᠣᠶᠠᠷ ᠬᠤᠯᠤᠭᠠᠨᠠ ᠢᠴᠢᠬᠦ ᠳ᠋ᠦ᠍ ᠪᠡᠨ ᠰᠢᠷᠡᠭᠡᠨ ᠦ᠌ ᠳᠡᠷᠭᠡᠳᠡᠬᠢ ᠰᠠᠨᠳᠠᠯᠢ ᠠ᠋ᠴᠠ ᠪᠠᠭᠤᠵᠤ ᠨᠢᠭᠤᠷ ᠪᠤᠷᠤᠭᠤᠯᠴᠠᠭᠠᠨ ᠭᠠᠷᠴᠤ ᠣᠳᠪᠠ᠃ ᠶᠠᠭᠤ ᠴᠤ᠌ ᠬᠢᠳᠡᠭ ᠦᠭᠡᠢ ᠲᠡᠢᠮᠦ ᠵᠠᠯᠬᠠᠭᠤ ᠠᠮᠢᠲᠠᠳ ᠢ᠋ ᠬᠡᠨ ᠴᠦ᠍ ᠭᠡᠰᠡᠨ ᠳᠠᠢᠯᠠᠬᠤ ᠦᠭᠡᠢ ᠰᠢᠦ ᠳ᠋ᠠ᠃ ᠠᠵᠢᠯ ᠬᠢᠪᠡᠯ ᠠᠮᠲᠠ ᠣᠯᠤᠭᠰᠠᠨ ᠭᠡᠳᠡᠭ ᠠᠷᠠᠳ ᠤ᠋ᠨ ᠵᠦᠢᠷ ᠦᠭᠡ ᠪᠠᠢᠳᠠᠭ ᠢ᠋ ᠬᠡᠨ ᠴᠦ᠍ ᠭᠡᠰᠡᠨ ᠰᠠᠨᠠᠵᠤ ᠶᠠᠪᠤᠭᠤᠰᠢᠲᠠᠢ ᠰᠠᠢᠬᠠᠨ ᠰᠤᠷᠭᠠᠯ ᠪᠢᠯᠡ᠃
ᠬᠡᠦᠬᠡᠳ ᠦ᠋ᠨ ᠺᠠᠠᠠᠳᠠᠨ ᠶᠢᠷᠲᠢᠨᠴᠦ ᠰᠤᠪᠠᠭ ᠤᠩᠰᠢᠵᠤ ᠪᠡᠯᠡᠳᠬᠡᠪᠡ᠂
2025 ᠣᠨ
ᠦᠰᠦᠭ ᠬᠠᠳᠠᠭᠴᠢ᠄ ᠠᠯᠲᠠᠨᠴᠢᠮᠡᠭ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠴᠢᠮᠡᠭ