ᠵᠠᠯᠬᠠᠭᠤ ᠤᠭᠤᠯᠢ-ᠰᠤᠷᠭᠠᠮᠵᠢᠲᠤ ᠥᠭᠦᠯᠡᠯᠭᠡ Zalkhuu uuliЗалхуу ууль сургамжит өгүүллэг
441ᠵᠠᠯᠬᠠᠭᠤ ᠤᠭᠤᠯᠢ
ᠰᠤᠷᠭᠠᠮᠵᠢᠲᠤ ᠥᠭᠦᠯᠡᠯᠭᠡ( ᠳᠣᠮᠣᠭ ᠦᠯᠢᠭᠡᠷ)
ᠨᠣᠭᠣᠭᠠᠨ ᠣᠢ ᠳ᠋ᠤ᠌ ᠨᠢᠭᠡᠨ ᠤᠭᠤᠯᠢ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ᠃ ᠲᠡᠷᠡ ᠤᠭᠤᠯᠢ ᠵᠠᠯᠬᠠᠭᠤ ᠠ᠋ᠴᠠ ᠵᠠᠯᠬᠠᠭᠤ ᠶᠤᠮᠰᠠᠨᠵᠠᠢ᠃ ᠵᠢᠱ᠌ᠢᠶᠡᠯᠡᠵᠦ ᠬᠡᠯᠡᠬᠦ ᠳ᠋ᠦ᠍᠂ ᠨᠢᠭᠡ ᠮᠣᠳᠣᠨ ᠳᠡᠭᠡᠷᠡ ᠡᠴᠡ ᠨᠥᠭᠦᠭᠡ ᠮᠣᠳᠣᠨ ᠯᠤᠭᠠ ᠨᠢᠰᠬᠦ ᠬᠦᠷᠲᠡᠯᠡ ᠵᠠᠯᠬᠠᠭᠤᠷᠠᠳᠠᠭ ᠪᠠᠢᠵᠠᠢ᠃ ᠨᠢᠭᠡᠨ ᠳᠤᠯᠠᠭᠠᠬᠠᠨ ᠡᠳᠦᠷ ᠤᠭᠤᠯᠢ ᠰᠡᠰᠢ ᠮᠣᠳᠣᠨ ᠳᠡᠭᠡᠷᠡ ᠰᠠᠭᠤᠵᠤ ᠪᠠᠢᠯᠠ᠃
ᠭᠡᠲᠡᠯᠡ ᠲᠡᠭᠦᠨ ᠯᠦ᠍ᠭᠡ ᠠᠯᠠᠭ ᠲᠣᠭᠰᠢᠭᠤᠷ ᠨᠢᠰᠴᠦ ᠢᠷᠡᠭᠡᠳ ᠮᠣᠳᠣ ᠲᠣᠭᠰᠢᠵᠤ ᠭᠠᠷᠪᠠ᠃ ᠤᠭᠤᠯᠢ ᠰᠡᠷᠡᠵᠦ᠂ ᠦᠩᠭᠡᠭᠳᠡᠭᠰᠡᠨ ᠳᠠᠯᠠᠪᠴᠢ ᠪᠠᠨ ᠰᠡᠭᠰᠦᠷᠦᠨ᠂ ᠦᠷᠭᠡᠯᠡᠩᠭᠦᠢ ᠳᠠᠭᠤ ᠪᠠᠷ《 ᠲᠣᠭᠰᠢᠭᠤᠷ ᠴᠢ ᠶᠠᠭᠠᠬᠢᠭᠠᠳ ᠲᠣᠷᠵᠢᠭᠢᠨᠠᠭᠤᠯᠤᠭᠠᠳ ᠤᠨᠲᠠᠭᠤᠯᠬᠤ ᠦᠭᠡᠢ ᠪᠠᠢᠨᠠ᠂ ᠴᠢ ᠬᠠᠷᠠᠬᠤ ᠦᠭᠡᠢ ᠪᠠᠢᠨᠠ ᠤᠤ?》 ᠭᠡᠵᠦ ᠰᠢᠷᠠ ᠪᠤᠳᠠᠭᠠᠨ ᠤ᠋ ᠤᠷᠰᠢᠭ ᠨᠢᠳᠦ ᠪᠡᠷ ᠢ᠋ᠶ᠋ᠡᠨ ᠭᠠᠢᠬᠠᠭᠰᠠᠨ ᠪᠠᠢᠳᠠᠯ ᠢ᠋ᠶ᠋ᠠᠷ ᠤᠭᠤᠯᠢ ᠶ᠋ᠢ ᠬᠠᠷᠠᠵᠤ《 ᠪᠢ ᠬᠣᠭᠣᠯᠠ ᠪᠠᠨ ᠢᠳᠡᠵᠦ ᠪᠠᠢᠨᠠ》 ᠭᠡᠪᠡ᠃ ᠴᠢᠮᠠ ᠳ᠋ᠤ᠌ ᠥᠭᠡᠷᠡ ᠭᠠᠵᠠᠷ ᠣᠯᠳᠠᠬᠤ ᠦᠭᠡᠢ ᠪᠠᠢᠨᠠ ᠤᠤ? ᠡᠨᠳᠡ ᠡᠴᠡ ᠵᠠᠢᠯᠠ ᠭᠡᠵᠦ ᠤᠭᠤᠯᠢ ᠲᠣᠭᠰᠢᠭᠤᠷ ᠲᠤ᠌ ᠬᠡᠯᠡᠪᠡ᠃
ᠴᠥᠮ ᠠᠵᠢᠯᠯᠠᠵᠤ ᠪᠠᠢᠬᠤ ᠳ᠋ᠤ᠌ ᠭᠠᠭᠴᠠ ᠴᠢ ᠯᠡ ᠤᠨᠲᠠᠵᠤ ᠪᠠᠢᠬᠤ ᠶᠤᠮ᠃ ᠶᠠᠳᠠᠵᠤ ᠡᠭᠦᠷ ᠢ᠋ᠶ᠋ᠡᠨ ᠪᠠᠷᠢᠭᠠᠰᠠᠢ ᠳᠠ ᠭᠡᠳ ᠨᠢᠰᠦᠨ ᠣᠳᠪᠠ᠃ ᠤᠭᠤᠯᠢ ᠲᠠᠭᠠᠲᠠᠢᠬᠠᠨ ᠰᠠᠭᠤᠵᠤ ᠪᠠᠢᠭᠠᠳ ᠤᠨᠲᠠᠲᠠᠯᠠ᠂ ᠪᠠᠰᠠ ᠨᠢᠭᠡ ᠴᠢᠮᠡᠭᠡ ᠰᠣᠨᠣᠰᠤᠯᠠ᠂ ᠪᠠᠷᠠᠭᠤᠨ ᠨᠢᠳᠦ ᠪᠡᠨ ᠨᠡᠭᠡᠭᠡᠵᠦ ᠬᠠᠷᠠᠪᠠᠯ᠂ ᠨᠢᠭᠡ ᠱᠠᠭᠠᠵᠠᠭᠠᠢ ᠱᠠᠰᠢᠨ ᠳᠡᠭᠡᠷᠡ ᠨᠢᠰᠦᠨ ᠢᠷᠡᠵᠦ ᠶᠠᠭ ᠴᠢᠬᠢᠨ ᠳᠡᠭᠡᠷᠡ ᠨᠢ ᠲᠦᠩᠰᠢᠨᠡᠵᠦ ᠭᠠᠷᠪᠠ᠃
ᠤᠭᠤᠯᠢ᠂ ᠱᠠᠭᠠᠵᠠᠭᠠᠢ ᠤᠷᠤᠭᠤ ᠬᠠᠰᠬᠢᠷᠪᠠᠯ᠂ ᠱᠠᠭᠠᠵᠠᠭᠠᠢ ᠠᠶᠤᠭᠰᠠᠨ ᠰᠢᠨᠵᠢ ᠦᠭᠡᠢ ᠴᠣᠪᠣᠭᠣ ᠳᠠᠭᠤ ᠪᠠᠷ᠂ ᠴᠢ ᠶᠠᠭᠠᠬᠢᠭᠠᠳ ᠳ᠋ᠠᠩ ᠳ᠋ᠠᠭᠠᠨ ᠤᠨᠲᠠᠭᠠᠳ ᠪᠠᠢᠳᠠᠭ ᠶᠤᠮ ᠪᠣᠢ? ᠡᠷᠭᠢᠨ ᠲᠣᠭᠣᠷᠢᠨ ᠢ᠋ᠶ᠋ᠠᠨ ᠬᠠᠷᠠᠭᠠᠴᠢ᠄《 ᠴᠥᠮ ᠥᠪᠡᠷᠰᠡᠳ ᠦ᠋ᠨ ᠢ᠋ᠶ᠋ᠡᠨ ᠠᠵᠢᠯ ᠢ᠋ᠶ᠋ᠠᠨ ᠤᠷᠤᠯᠳᠤᠵᠤ᠂ ᠵᠠᠷᠢᠮ ᠨᠢ ᠳᠡᠭᠳᠡᠭᠡᠬᠡᠢ ᠲᠡᠢ ᠪᠡᠨ ᠬᠣᠭᠣᠯᠠᠵᠤ᠂ ᠵᠠᠷᠢᠮ ᠨᠢ ᠡᠭᠦᠷ ᠢ᠋ᠶ᠋ᠡᠨ ᠪᠠᠷᠢᠵᠤ ᠪᠠᠢᠨᠠ》 ᠭᠡᠳ᠂ ᠱᠠᠭᠠᠵᠠᠭᠠᠢ᠂ ᠤᠭᠤᠯᠢ ᠶ᠋ᠢᠨ ᠬᠠᠷᠢᠭᠤ ᠬᠡᠯᠡᠬᠦ ᠶ᠋ᠢ ᠬᠦᠯᠢᠶᠡᠯ ᠦᠭᠡᠢ᠂ ᠣᠢ ᠶ᠋ᠢᠨ ᠰᠣᠨᠢᠨ ᠢ᠋ ᠴᠤᠭᠯᠠᠭᠤᠯᠬᠤ ᠪᠠᠷ ᠴᠠᠰᠢ ᠪᠠᠨ ᠨᠢᠰᠪᠡ᠃
ᠤᠭᠤᠯᠢ ᠳᠠᠬᠢᠭᠠᠳ ᠦᠷᠭᠡᠯᠡᠬᠦ ᠳ᠋ᠦ᠍ ᠭᠡᠨᠡᠳᠲᠡ᠂ ᠲᠡᠭᠦᠨ ᠦ᠌ ᠲᠣᠯᠣᠭᠠᠢ ᠳᠡᠭᠡᠷᠡ ᠬᠡᠨ ᠨᠢᠭᠡᠨ ᠨᠢᠰᠴᠦ ᠪᠠᠢᠭᠠ ᠰᠣᠨᠣᠰᠤᠭᠳᠠᠪᠠ᠃ ᠵᠡᠭᠦᠨ ᠨᠢᠳᠦ ᠪᠡᠨ ᠨᠡᠭᠡᠭᠡᠵᠦ ᠬᠠᠷᠠᠪᠠᠯ ᠵᠢᠵᠢᠭ ᠵᠠᠳᠠᠪᠠᠯ ᠪᠢᠯᠵᠤᠤᠬᠠᠢ ᠤᠯᠢᠶᠠᠩᠭᠠᠷ ᠮᠣᠳᠣᠨ ᠤ᠋ ᠤᠩᠭᠠᠷᠠᠯ ᠢ᠋ ᠡᠭᠦᠷ ᠲᠡᠭᠡᠨ ᠴᠤᠭᠯᠠᠭᠤᠯᠵᠤ ᠪᠠᠢᠯᠠ᠃
ᠰᠢᠪᠠᠭᠤᠳ ᠡᠷᠭᠢᠨ ᠲᠣᠭᠣᠷᠢᠨ ᠥᠭᠡᠳᠡ ᠡᠰᠡᠷᠭᠦ ᠡᠴᠡ ᠪᠡᠨ ᠨᠢᠰᠴᠢᠬᠡᠵᠦ᠂ ᠳᠠᠪᠬᠢᠷᠤᠨ ᠵᠢᠩᠭᠢᠨᠡᠨ ᠢᠯᠡᠳᠲᠡ ᠱᠣᠩᠭᠣᠨᠠᠵᠤ ᠪᠠᠢᠯᠠ᠃ ᠢᠩᠭᠢᠵᠦ ᠠᠮᠢᠲᠠᠨ ᠪᠦᠬᠦᠨ ᠠᠵᠢᠯᠯᠠᠵᠤ ᠪᠠᠢᠬᠤ ᠳ᠋ᠤ᠌᠂ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠤᠨᠲᠠᠵᠤ ᠪᠠᠢᠬᠤ ᠨᠢ᠂ ᠤᠭᠤᠯᠢ ᠳᠤ ᠢᠴᠢᠭᠦᠷᠢᠲᠡᠢ ᠰᠠᠨᠠᠭᠳᠠᠭᠰᠠᠨ ᠲᠤᠯᠠ᠂ ᠮᠠᠷᠭᠠᠰᠢ ᠠ᠋ᠴᠠ ᠡᠬᠢᠯᠡᠨ ᠡᠭᠦᠷ ᠢ᠋ᠶ᠋ᠡᠨ ᠪᠠᠷᠢᠬᠤ ᠪᠠᠷ ᠵᠣᠷᠢᠭ ᠰᠢᠢᠳᠦᠯᠡ᠃
ᠰᠥᠨᠢ ᠪᠣᠯᠤᠯᠠ᠂ ᠲᠡᠷᠡ ᠰᠥᠨᠢ ᠶᠡᠬᠡ ᠬᠦᠢᠲᠡᠨ ᠪᠣᠯᠪᠠ᠃ ᠤᠭᠤᠯᠢ ᠴᠡᠴᠡᠷᠡᠨ ᠳᠠᠭᠵᠢᠵᠤ᠂ ᠳᠠᠯᠠᠪᠴᠢ ᠪᠠᠷ ᠨᠢ ᠪᠡᠶᠡ ᠪᠡᠨ ᠭᠠᠢᠭᠤᠢ ᠰᠠᠢᠨ ᠬᠠᠪᠴᠢᠯᠠ᠃ ᠵᠠᠳᠠᠪᠠᠯ ᠪᠢᠯᠵᠤᠤᠬᠠᠢ ᠡᠭᠦᠷ ᠢ᠋ᠶ᠋ᠡᠨ ᠳᠤᠯᠠᠭᠠᠯᠠᠵᠤ ᠪᠠᠢᠭᠰᠠᠨ ᠢ᠋ ᠪᠣᠳᠣᠭᠠᠳ᠂ ᠲᠡᠷᠡ ᠪᠢᠯᠵᠤᠤᠬᠠᠢ ᠶᠠᠮᠠᠷ ᠰᠠᠢᠬᠠᠨ ᠳᠤᠯᠠᠭᠠᠬᠠᠨ ᠤᠨᠲᠠᠵᠤ ᠪᠠᠢᠭᠠ ᠪᠣᠯ᠂ ᠲᠡᠢᠮᠦ ᠰᠠᠢᠬᠠᠨ ᠳᠤᠯᠠᠭᠠᠬᠠᠨ ᠤᠨᠲᠠᠬᠤ ᠶᠤᠮᠰᠠᠨ ᠭᠡᠵᠦ ᠪᠣᠳᠣᠭᠳᠠᠯᠠ᠃ ᠡᠨᠡ ᠬᠦᠢᠲᠡᠨ ᠰᠥᠨᠢ ᠨᠢ ᠪᠠᠰᠠ ᠪᠠᠷᠢᠭᠳᠠᠬᠤ ᠦᠭᠡᠢ᠂ ᠤᠷᠢᠳᠠᠬᠢ ᠨᠢ ᠶᠠᠭᠠᠬᠢᠨᠠ᠂ ᠲᠩᠷᠢ ᠶ᠋ᠢᠨ ᠦᠢ ᠲᠦᠮᠡᠨ ᠣᠳᠣᠳ ᠤ᠋ᠨ ᠬᠦᠢᠲᠡᠨ ᠳ᠋ᠦ᠍ ᠵᠢᠩᠭᠢᠨᠡᠬᠦ ᠶ᠋ᠢ ᠬᠠᠷᠠᠭᠰᠠᠭᠠᠷ ᠨᠢᠳᠦ ᠨᠢ ᠬᠦᠷᠲᠡᠯᠡ ᠲᠠᠭᠠᠷᠠᠵᠠᠢ ᠭᠡᠨᠡ᠃ ᠤᠭᠤᠯᠢ ᠦᠷ ᠴᠠᠢᠬᠤ ᠶ᠋ᠢ ᠰᠥᠨᠢᠵᠢᠨ ᠬᠦᠯᠢᠶᠡᠵᠦ ᠳᠠᠭᠵᠢᠨ ᠴᠡᠴᠡᠷᠡᠯᠡ᠃ ᠲᠡᠭᠡᠭᠡᠵᠦ ᠲᠡᠭᠡᠭᠡᠵᠦ ᠠᠷᠠᠢ ᠭᠡᠵᠦ ᠨᠠᠷᠠ ᠭᠠᠷᠴᠤ ᠡᠭᠡᠭᠡᠵᠦ ᠡᠬᠢᠯᠡᠪᠡ᠂ ᠤᠭᠤᠯᠢ ᠨᠠᠷᠠᠨ ᠤ᠋ ᠳᠤᠯᠠᠭᠠᠨ ᠢᠯᠴᠢᠨ ᠳ᠋ᠦ᠍ ᠲᠡᠩᠬᠡᠯ ᠠᠯᠳᠠᠷᠠᠨ ᠪᠥᠭ ᠭᠡᠭᠴᠢ ᠪᠡᠷ ᠤᠨᠲᠠᠴᠢᠬᠠᠯᠠ᠃ ᠢᠩᠭᠢᠵᠦ ᠡᠳᠦᠷ ᠰᠥᠨᠢ ᠡᠭᠡᠯᠵᠢᠯᠡᠭᠰᠡᠭᠡᠷ ᠪᠠᠢᠪᠠᠴᠤ ᠤᠭᠤᠯᠢ ᠠᠪᠠᠭᠠᠢ ᠵᠠᠯᠬᠠᠭᠤ ᠳ᠋ᠠᠭᠠᠨ ᠪᠠᠷᠢᠭᠳᠠᠨ ᠡᠭᠦᠷ ᠴᠦ᠍ ᠪᠠᠷᠢᠭᠰᠠᠨ ᠦᠭᠡᠢ ᠭᠡᠨᠡ᠃
ᠦᠰᠦᠭ ᠬᠠᠲᠠᠵᠤ ᠠᠮᠢᠯᠠᠭᠤᠯᠤᠭᠴᠢ᠄ ᠵᠢᠷᠠᠨᠲᠠᠢ
ᠬᠢᠨᠠᠭᠴᠢ᠄ ᠤᠤᠭᠠᠨᠵᠢᠳ