ᠬᠣᠷᠢᠨ ᠨᠢᠭᠡᠨ ᠳ᠋ᠠᠷᠠ ᠡᠬᠡ ᠶ᠋ᠢᠨ ᠮᠥᠷᠭᠥᠯᠲᠦ ᠮᠠᠭᠲᠠᠭᠠᠯ ᠬᠡᠮᠡᠬᠦ ᠣᠷᠣᠰᠢᠪᠠ
822ᠬᠣᠷᠢᠨ ᠨᠢᠭᠡᠨ ᠳ᠋ᠠᠷᠠ ᠡᠬᠡ ᠶ᠋ᠢᠨ ᠮᠥᠷᠭᠥᠯᠲᠦ ᠮᠠᠭᠲᠠᠭᠠᠯ ᠬᠡᠮᠡᠬᠦ ᠣᠷᠣᠰᠢᠪᠠ
ᠪᠣᠳᠠᠯᠠᠨ ᠤ᠋ ᠡᠷᠭᠢᠨ ᠮᠠᠩᠯᠠᠢ ᠣᠷᠣᠨᠠ᠃
ᠨᠣᠭᠣᠭᠠᠨ ᠳ᠋ᠡᠮ ᠤ᠋ᠨ ᠦᠰᠦᠭ ᠡᠴᠡ ᠬᠤᠪᠢᠯᠤᠨ᠃
ᠠᠪᠢᠳᠠ ᠪᠠᠷ ᠲᠡᠷᠢᠭᠦᠨ ᠢ᠋ᠶ᠋ᠡᠨ ᠴᠢᠮᠡᠭᠰᠡᠨ᠃
ᠭᠤᠷᠪᠠᠨ ᠴᠠᠭ ᠤ᠋ᠨ ᠪᠤᠷᠬᠠᠨ ᠨᠤᠭᠤᠳ ᠤ᠋ᠨ ᠤᠢᠯᠠᠴᠢ᠃
ᠳ᠋ᠠᠷᠠ ᠡᠬᠡ ᠨᠥᠬᠥᠳ ᠰᠡᠯᠲᠡ ᠢᠷᠡᠳᠬᠦᠨ᠃
ᠲᠡᠭᠷᠢ ᠪᠠ ᠠᠰᠦᠷᠢᠰ ᠦ᠋ᠨ ᠲᠢᠳᠠᠮ ᠢ᠋᠃
ᠬᠣᠶᠠᠷ ᠬᠥᠯ ᠦ᠋ᠨ ᠯᠢᠩᠬᠤᠠ ᠳ᠋ᠤᠷ ᠪᠥᠬᠥᠢᠯᠭᠡᠨ᠃
ᠬᠠᠮᠤᠭ ᠡᠯᠡ ᠥᠭᠡᠬᠦᠨ ᠢ᠋ ᠳᠡᠢᠯᠦᠭᠴᠢ᠃
ᠭᠡᠲᠦᠯᠭᠡᠭᠴᠢ ᠡᠬᠡ ᠳ᠋ᠦ᠍ᠷ ᠪᠢ ᠮᠥᠷᠭᠥᠮᠦ᠅
ᠢᠯᠠᠵᠤ ᠲᠡᠭᠦᠰ ᠨᠥᠭᠴᠢᠭᠰᠡᠨ ᠬᠤᠲᠤᠭᠲᠠᠢ ᠥᠬᠢᠨ ᠲᠡᠭᠷᠢ ᠳᠡ ᠮᠥᠷᠭᠥᠮᠦ᠃
ᠮᠥᠷᠭᠥᠵᠦ ᠪᠢ ᠭᠡᠲᠦᠯᠭᠡᠭᠴᠢ ᠲᠦᠷᠭᠡᠨ ᠪᠠᠭᠠᠲᠤᠷ᠃
ᠭᠱᠠᠨ ᠳ᠋ᠠᠬᠢ ᠭᠢᠯᠪᠡᠯᠭᠡᠨ ᠦ᠌ ᠮᠡᠲᠦ ᠨᠢᠳᠦᠲᠡᠢ᠃
ᠯᠤᠭᠠᠱᠠᠸᠠᠷᠢ ᠢᠲᠡᠭᠡᠯ ᠦ᠋ᠨ ᠨᠢᠭᠤᠷ ᠯᠢᠩᠬᠤᠠ ᠶ᠋ᠢᠨ᠃
ᠲᠣᠭᠣᠷᠴᠣᠭ ᠢ᠋ ᠨᠡᠭᠡᠭᠡᠬᠦᠢ ᠳ᠋ᠦ᠍ᠷ ᠪᠣᠯᠤᠨ ᠠᠭᠰᠠᠨᠠ᠅
ᠮᠥᠷᠭᠥᠮᠦ ᠪᠢ ᠨᠠᠮᠤᠷ ᠴᠠᠭ ᠤ᠋ᠨ ᠰᠠᠷᠠᠨ ᠬᠠᠮᠤᠭᠠ᠃
ᠳᠦᠭᠦᠷᠦᠭᠰᠡᠨ ᠵᠠᠭᠤᠨ ᠳᠠᠪᠬᠤᠷ ᠮᠡᠲᠦ ᠴᠢᠷᠠᠢ ᠲᠠᠢ᠃
ᠣᠯᠠᠨ ᠮᠢᠩᠭᠠᠨ ᠴᠢᠭᠤᠯᠤᠭᠰᠠᠨ ᠣᠳᠣᠨ ᠳᠣᠲᠣᠷᠠ᠃
ᠮᠠᠰᠢ ᠭᠡᠭᠡᠨ ᠭᠡᠷᠡᠯ ᠮᠠᠰᠢ ᠪᠠᠳᠠᠷᠠᠭᠰᠠᠨᠠ᠅
ᠮᠥᠷᠭᠥᠮᠦ ᠪᠢ ᠠᠯᠲᠠᠨ ᠬᠥᠬᠡ ᠤᠰᠤᠨ ᠲᠥᠷᠥᠭᠴᠢ᠃
ᠯᠢᠩᠬᠤᠠ ᠶ᠋ᠢ ᠭᠠᠷ ᠲᠤᠷ ᠢ᠋ᠶ᠋ᠠᠨ ᠪᠠᠷᠢᠨ ᠥᠭᠯᠢᠭᠡ ᠃
ᠬᠢᠴᠢᠶᠡᠩᠭᠦᠢ ᠬᠠᠲᠠᠭᠤᠵᠢᠯ ᠠᠮᠤᠷᠯᠢᠬᠤ ᠪᠠ᠃
ᠬᠦᠯᠢᠴᠡᠩᠭᠦᠢ ᠲᠢᠶᠠᠨ ᠢ᠋ᠶ᠋ᠠᠷ ᠶᠠᠪᠤᠲᠠᠯᠳᠤ ᠲᠠᠨ᠅
ᠮᠥᠷᠭᠥᠮᠦ ᠪᠢ ᠬᠠᠮᠤᠭ ᠳ᠋ᠠᠲ᠋ᠠᠭᠠᠳᠠ ᠶ᠋ᠢᠨ ᠥᠰᠨᠢᠷᠳᠦ᠃
ᠮᠠᠰᠢ ᠬᠡᠳᠦ ᠮᠠᠰᠢ ᠢᠯᠠᠭᠤᠭᠰᠠᠨ ᠡᠳ᠋ᠯᠡᠭᠴᠢ᠃
ᠦᠯᠡᠯ ᠦᠭᠡᠢ ᠬᠠᠮᠤᠭ ᠪᠠᠷᠠᠮᠢᠳ ᠢ᠋ ᠣᠯᠤᠭᠰᠠᠨ᠃
ᠢᠯᠠᠭᠤᠭᠰᠠᠨ ᠬᠥᠪᠡᠭᠦᠳ ᠦ᠋ᠨ ᠳᠤᠯᠳᠤᠢᠳᠤᠭᠰᠠᠨᠠ᠅
ᠮᠥᠷᠭᠥᠮᠦ ᠪᠢ ᠳ᠋ᠤᠳ᠋ ᠳ᠋ᠠᠷᠠ ᠬᠣᠩ ᠦᠰᠦᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ᠃
ᠬᠦᠰᠡᠯᠳᠡᠨ ᠵᠦᠭ ᠪᠠ ᠣᠭᠲᠠᠷᠭᠤᠢ ᠶ᠋ᠢ ᠳᠥᠭᠥᠷᠦᠨ᠃
ᠳᠣᠯᠣᠭᠠᠨ ᠳᠠᠪᠬᠤᠷ ᠶᠢᠷᠲᠢᠨᠴᠦ ᠶ᠋ᠢ ᠬᠥᠯ ᠳ᠋ᠦ᠍ᠷ ᠳᠠᠷᠤᠵᠤ᠃
ᠦᠯᠡᠯ ᠦᠭᠡᠢ ᠢᠷᠡᠭᠦᠯᠬᠦ ᠴᠢᠳᠠᠯ ᠪᠦᠬᠦᠢ ᠳᠡ᠅
ᠮᠥᠷᠭᠥᠮᠦ ᠪᠢ ᠬᠤᠷᠮᠤᠰᠲᠠ ᠭᠠᠯ ᠪᠠ ᠡᠰᠷᠦᠨ ᠪᠠ᠃
ᠰᠠᠯᠬᠢᠨ ᠲᠡᠭᠷᠢ ᠡᠯᠳᠡᠪ ᠡᠷᠬᠡᠲᠦ ᠳᠡ ᠲᠠᠬᠢᠭᠳᠠᠨ᠃
ᠪᠦᠳᠢ ᠬᠢᠭᠡᠳ ᠸᠢᠳᠡᠷ ᠯᠦ᠍ᠭᠡ ᠦᠨᠦᠷ ᠢᠳᠡᠭᠴᠢᠨ᠃
ᠶᠠᠭᠴᠠᠰ ᠢ᠋ᠶ᠋ᠠᠷ ᠡᠮᠦᠨᠡ ᠡᠴᠡ ᠮᠠᠭᠲᠠᠭᠳᠠᠭᠰᠠᠨᠠ᠅
ᠮᠥᠷᠭᠥᠮᠦ ᠪᠢ ᠳ᠋ᠠᠳ᠋ ᠤ᠋ᠨ ᠵᠣᠬᠢᠶᠠᠯ ᠪᠠ ᠫᠠᠳ ᠢ᠋ᠶ᠋ᠠᠷ᠃
ᠴᠢᠨᠠᠳᠤᠰ ᠤ᠋ᠨ ᠵᠠᠰᠠᠯ ᠬᠦᠷᠳᠦ ᠮᠠᠰᠢ ᠡᠪᠳᠡᠭᠴᠢ᠃
ᠪᠠᠷᠠᠭᠤᠨ ᠬᠤᠮᠪᠢᠨ ᠵᠡᠭᠦᠨ ᠵᠢᠭᠢᠨ ᠬᠥᠯ ᠳ᠋ᠦ᠍ᠷ ᠳᠠᠷᠤᠵᠤ᠃
ᠬᠤᠷᠴᠠ ᠭᠠᠯ ᠢ᠋ ᠦᠢᠯᠡᠴᠢᠨ ᠮᠠᠰᠢ ᠪᠠᠳᠠᠷᠠᠭᠰᠠᠨᠠ᠅
ᠮᠥᠷᠭᠥᠮᠦ ᠪᠢ ᠳᠦᠷᠢ ᠶᠡᠬᠡ ᠠᠶᠤᠭᠤᠮᠰᠢᠬᠳᠦ᠃
ᠰᠢᠮᠨᠤᠰ ᠤ᠋ᠳ ᠤ᠋ᠨ ᠪᠠᠭᠠᠲᠤᠳ ᠢ᠋ ᠮᠠᠭᠠᠳ ᠳᠠᠷᠤᠭᠴᠢ᠃
ᠪᠠᠳᠮᠠ ᠮᠡᠲᠦ ᠨᠢᠭᠤᠷ ᠢ᠋ᠶ᠋ᠠᠨ ᠠᠭᠤᠷᠢᠭᠤᠯᠵᠦ᠃
ᠬᠠᠮᠤᠭ ᠲᠡᠢᠨ ᠢ᠋ ᠦᠯᠡᠯ ᠦᠭᠡᠢ ᠨᠢᠲᠤᠯᠤᠭᠴᠢ ᠳᠠ᠅
ᠮᠥᠷᠭᠥᠮᠦ ᠪᠢ ᠡᠷᠳᠡᠨᠢᠰ ᠦ᠋ᠨ ᠪᠡᠯᠭᠡ ᠶ᠋ᠢᠨ ᠮᠣᠳᠣᠷ ᠤ᠋ᠨ᠃
ᠬᠤᠷᠤᠭᠤ ᠪᠠᠷ ᠵᠢᠷᠦᠬᠡᠨ ᠳ᠋ᠦ᠍ᠷ ᠢ᠋ᠶ᠋ᠡᠨ ᠴᠢᠮᠡᠭᠲᠡᠢ᠃
ᠦᠯᠡᠯ ᠦᠭᠡᠢ ᠵᠦᠭ ᠦ᠋ᠨ ᠬᠦᠷᠳᠦᠨ ᠢ᠋ᠶ᠋ᠡᠷ ᠴᠢᠮᠡᠭᠰᠡᠨ᠃
ᠭᠡᠷᠡᠯ ᠦ᠋ᠨ ᠴᠢᠭᠤᠯᠭᠠᠨ ᠢ᠋ ᠦᠢᠮᠡᠴᠢᠭᠰᠡᠨᠡ ᠅
ᠮᠥᠷᠭᠥᠮᠦ ᠪᠢ ᠮᠠᠰᠢ ᠪᠠᠶᠠᠰᠬᠤᠯᠠᠩ ᠵᠢᠪᠬᠤᠯᠠᠩ᠃
ᠲᠢᠲᠢᠮ ᠢᠨᠦ ᠭᠡᠷᠡᠯ ᠡᠷᠢᠬᠡᠯᠡᠨ ᠬᠡᠯᠬᠢᠭᠰᠡᠨ᠃
ᠢᠨᠢᠶᠡᠭᠴᠢ ᠮᠠᠰᠢ ᠢᠨᠢᠶᠡᠭᠴᠢ ᠳ᠋ᠤᠳ᠋ ᠳ᠋ᠠᠷᠢ᠃
ᠰᠢᠮᠨᠤᠰ ᠬᠢᠭᠡᠳ ᠶᠢᠷᠲᠢᠨᠴᠦ ᠶ᠋ᠢ ᠡᠷᠬᠡᠰᠢᠭᠴᠢ ᠳᠡ᠃
ᠮᠥᠷᠭᠥᠮᠦ ᠪᠢ ᠭᠠᠵᠠᠷ ᠳᠡᠯᠡᠬᠡᠢ ᠶ᠋ᠢ ᠲᠡᠳᠬᠦᠭᠴᠢᠨ᠃
ᠪᠦᠭᠦᠳᠡ ᠶ᠋ᠢ ᠢᠯᠡᠷᠡᠭᠦᠯᠬᠦᠢ ᠴᠢᠳᠠᠯ ᠪᠦᠬᠦᠢ ᠲᠡᠢ᠃
ᠠᠭᠤᠷᠢᠯ ᠢ᠋ ᠬᠥᠳᠡᠯᠭᠡᠭᠴᠢ ᠬᠣᠩ ᠤ᠋ᠨ ᠦᠰᠦᠭ ᠢ᠋ᠶ᠋ᠡᠷ᠃
ᠬᠠᠮᠤᠭ ᠡᠯᠡ ᠥᠭᠡᠬᠦᠨ ᠢ᠋ ᠭᠡᠲᠦᠯᠭᠡᠭᠴᠢ ᠳᠡ᠅ ᠮᠥᠷᠭᠥᠮᠦ
ᠪᠢ ᠰᠢᠨᠡ ᠰᠠᠷᠠᠨ ᠢ᠋ᠶ᠋ᠠᠷ ᠲᠢᠲᠢᠮᠯᠡᠨ᠃
ᠴᠢᠮᠡᠭᠯᠡᠭᠰᠡᠨ ᠪᠦᠭᠦᠳᠡᠭᠡᠷ ᠪᠠᠳᠠᠷᠠᠬᠤᠢ ᠲᠠᠢ᠃
ᠦᠰᠦᠨ ᠭᠡᠷ ᠦ᠋ᠨ ᠳᠣᠲᠣᠷᠠᠬᠢ ᠠᠪᠢᠳᠠ ᠠ᠋ᠴᠠ ᠪᠠᠷ᠃
ᠨᠠᠰᠤᠳᠠ ᠰᠠᠢᠲᠤᠷ ᠭᠡᠷᠡᠯ ᠮᠠᠰᠢ ᠵᠣᠬᠢᠶᠠᠭᠴᠢ ᠳᠠ᠅
ᠮᠥᠷᠭᠥᠮᠦ ᠪᠢ ᠭᠠᠯᠠᠪ ᠡᠴᠦᠰ ᠴᠠᠭ ᠤ᠋ᠨ ᠭᠠᠯ ᠮᠡᠲᠦ᠃
ᠪᠠᠳᠠᠷᠠᠩᠭᠤᠢ ᠡᠷᠢᠬᠡᠨ ᠦ᠌ ᠳᠤᠮᠳᠠ ᠣᠷᠣᠰᠢᠨ᠃
ᠪᠠᠷᠠᠭᠤᠨ ᠵᠢᠭᠢᠨ ᠵᠡᠭᠦᠨ ᠬᠤᠮᠪᠢᠨ ᠡᠷᠭᠢᠯ ᠪᠠᠶᠠᠰᠬᠠᠬᠤ᠃
ᠲᠡᠢᠨ ᠦ᠌ ᠥᠮᠥᠭ ᠮᠠᠭᠠᠳ ᠢ᠋ᠶ᠋ᠠᠷ ᠡᠪᠳᠡᠯᠡᠭᠴᠢ ᠳᠡ ᠅
ᠮᠥᠷᠭᠥᠮᠦ ᠪᠢ ᠭᠠᠵᠠᠷ ᠳᠡᠯᠡᠬᠡᠢ ᠶ᠋ᠢ ᠭᠠᠷ ᠢ᠋ᠶ᠋ᠠᠷ᠃
ᠠᠯᠠᠭᠠᠳᠠᠨ ᠬᠥᠯ ᠦ᠋ᠨ ᠣᠯᠠᠨ ᠢ᠋ᠶ᠋ᠠᠷ ᠳᠡᠪᠰᠡᠭᠴᠢ᠃
ᠠᠭᠤᠷᠢᠯ ᠢ᠋ ᠵᠣᠬᠢᠶᠠᠭᠠᠳ ᠬᠣᠩ ᠤ᠋ᠨ ᠦᠰᠦᠭ ᠢ᠋ᠶ᠋ᠡᠷ᠃
ᠳᠣᠯᠣᠭᠠᠨ ᠵᠡᠷᠭᠡ ᠪᠦᠭᠦᠳᠡ ᠶ᠋ᠢ ᠬᠡᠮᠬᠡᠯᠦᠭᠴᠢ ᠳᠡ ᠅
ᠮᠥᠷᠭᠥᠮᠦ ᠪᠢ ᠠᠮᠤᠭᠤᠯᠠᠩ ᠪᠤᠶᠠᠨ ᠨᠣᠮᠣᠬᠠᠨ᠃
ᠨᠢᠷᠸᠠᠨ ᠪᠠ ᠠᠮᠤᠷᠯᠢᠭᠰᠠᠨ ᠡᠳ᠋ᠯᠡᠯ ᠣᠷᠣᠨ ᠲᠠᠢ᠃
ᠰᠤᠤᠬᠠ ᠣᠮ ᠳ᠋ᠤᠷ ᠮᠠᠰᠢ ᠠᠷᠢᠭᠤᠨᠠ ᠲᠡᠭᠦᠰᠦᠨ᠃
ᠶᠡᠬᠡ ᠨᠢᠭᠦᠯ ᠬᠢᠯᠢᠨᠴᠡ ᠶ᠋ᠢ ᠡᠪᠳᠡᠯᠡᠭᠴᠢ ᠳᠡ ᠅
ᠮᠥᠷᠭᠥᠮᠦ ᠪᠢ ᠬᠠᠮᠤᠭ ᠠ᠋ᠴᠠ ᠡᠷᠭᠢᠯ ᠪᠠᠶᠠᠰᠬᠠᠬᠤ᠃
ᠲᠡᠢᠨ ᠦ᠌ ᠴᠣᠭᠴᠠ ᠪᠡᠶᠡᠰ ᠦ᠋ᠳ ᠢ᠋ ᠮᠠᠰᠢ ᠬᠡᠮᠬᠡᠯᠬᠦ᠃
ᠠᠷᠪᠠᠨ ᠦᠰᠦᠭ ᠠᠷᠢᠭᠤᠨᠠ ᠵᠣᠬᠢᠶᠠᠭᠰᠠᠨ ᠤ᠋᠃
ᠠᠷᠸᠢᠰ ᠬᠣᠩ ᠢ᠋ᠶ᠋ᠠᠷ ᠮᠠᠭᠠᠳ ᠢ᠋ᠶ᠋ᠠᠷ ᠭᠡᠲᠦᠯᠭᠡᠭᠴᠢ ᠳᠡ ᠅
ᠮᠥᠷᠭᠥᠮᠦ ᠪᠢ ᠳ᠋ᠦᠷᠢ ᠬᠥᠯ ᠢ᠋ ᠶᠦ᠍ᠭᠡᠨ ᠳᠡᠪᠰᠡᠵᠦ᠃
ᠬᠣᠩ ᠤ᠋ᠨ ᠳᠦᠷᠢ ᠶ᠋ᠢᠨ ᠭᠥᠷᠥᠩᠬᠡᠨ ᠦ᠌ ᠦᠰᠦᠭ ᠪᠦᠬᠦᠢ ᠲᠠᠢ
ᠰᠦᠮᠪᠦᠷ ᠬᠢᠭᠡᠳ ᠮᠠᠨᠳᠠᠷᠠ ᠪᠠ ᠳ᠋ᠠᠬᠢ ᠭᠢᠯᠠᠱᠠ᠃
ᠪᠦᠬᠦ ᠭᠤᠷᠪᠠᠨ ᠶᠢᠷᠲᠢᠨᠴᠦ ᠶ᠋ᠢ ᠬᠥᠳᠡᠯᠭᠡᠭᠴᠢ ᠳᠡ ᠅
ᠮᠥᠷᠭᠥᠮᠦ ᠪᠢ ᠲᠡᠭᠷᠢᠰ ᠦ᠋ᠨ ᠨᠠᠭᠤᠷ ᠳᠦᠷᠢ ᠲᠡᠢ᠃
ᠭᠥᠷᠦᠭᠡᠰᠦᠨ ᠪᠡᠯᠭᠡᠲᠦ ᠶ᠋ᠢ ᠭᠠᠷ ᠲᠤᠷ ᠪᠠᠷᠢᠭᠴᠢ᠃
ᠳᠡᠷᠡ ᠬᠣᠶᠠᠷ ᠥᠭᠦᠯᠡᠵᠦ ᠫᠠᠳ ᠤ᠋ᠨ ᠦᠰᠦᠭ ᠢ᠋ᠶ᠋ᠡᠷ᠃
ᠬᠤᠤᠷᠠᠰ ᠤ᠋ᠳ ᠢ᠋ ᠦᠯᠡᠯ ᠦᠭᠡᠢ ᠠᠷᠢᠯᠭᠠᠭᠴᠢ ᠳᠠ᠅
ᠮᠥᠷᠭᠥᠮᠦ ᠪᠢ ᠲᠡᠭᠷᠢᠰ ᠦ᠋ᠨ ᠴᠢᠭᠤᠯᠭᠠᠨ ᠪᠠ ᠬᠠᠨ᠃
ᠲᠡᠭᠷᠢ ᠪᠠ ᠬᠥᠮᠦᠨ ᠬᠢᠭᠡᠳ ᠶᠡᠷᠦ ᠶ᠋ᠢᠨ ᠰᠢᠲᠦᠭᠡᠨ᠃
ᠬᠠᠮᠤᠭ ᠠ᠋ᠴᠠ ᠬᠤᠶᠠᠭ ᠪᠠᠶᠠᠷ ᠵᠢᠪᠬᠤᠯᠠᠩᠲᠤ ᠪᠠᠷ᠃
ᠬᠡᠷᠡᠭᠦᠯ ᠮᠠᠭᠤ ᠵᠡᠭᠦᠳᠦᠨ ᠢ᠋ ᠠᠷᠢᠯᠭᠠᠭᠴᠢ ᠳᠠ ᠅
ᠮᠥᠷᠭᠥᠮᠦ ᠪᠢ ᠨᠠᠷᠠᠨ ᠰᠠᠷᠠᠨ ᠳᠡᠯᠭᠡᠷᠡᠭᠰᠡᠨ ᠦ᠌᠃
ᠬᠣᠶᠠᠷ ᠨᠢᠳᠦᠨ ᠮᠠᠰᠢ ᠲᠣᠳᠣ ᠭᠡᠷᠡᠯ ᠪᠦᠬᠦᠢ ᠲᠡᠢ᠃
ᠬᠠᠷᠠ ᠬᠣᠶᠠᠷ ᠥᠭᠦᠯᠡᠭᠡᠳ ᠳ᠋ᠥᠳ᠋ ᠳ᠋ᠠᠷᠠ ᠪᠠᠷ᠃
ᠮᠠᠰᠢ ᠲᠣᠭᠰᠢᠨ ᠬᠢᠵᠢᠭ ᠦ᠋ᠳ ᠢ᠋ ᠠᠷᠢᠯᠭᠠᠭᠴᠢ ᠳᠠ ᠅
ᠮᠥᠷᠭᠥᠮᠦ ᠪᠢ ᠭᠤᠷᠪᠠᠨ ᠴᠢᠨᠠᠷ ᠤ᠋ᠳ ᠢ᠋ ᠵᠣᠬᠢᠶᠠᠨ᠃
ᠠᠮᠤᠷᠯᠢᠩᠭᠤᠢ ᠶ᠋ᠢᠨ ᠬᠦᠴᠦᠨ ᠯᠦ᠍ᠭᠡ ᠦᠨᠡᠨ ᠲᠡᠭᠦᠯᠳᠡᠷ᠃
ᠡᠨᠳᠡ ᠬᠢᠭᠡᠳ ᠸᠢᠳᠡᠷ ᠯᠦ᠍ᠭᠡ ᠶᠠᠭᠴᠠᠰ ᠨᠤᠭᠤᠳ ᠢ᠋᠃
ᠡᠪᠳᠡᠯᠡᠭᠴᠢ ᠳᠦᠷᠢ ᠡᠷᠭᠢᠨ ᠮᠠᠩᠯᠠᠢ ᠡᠬᠡ ᠳ᠋ᠦ᠍ᠷ ᠅
ᠦᠨᠳᠦᠰᠦᠨ ᠦ᠌ ᠲᠠᠷᠨᠢ ᠶ᠋ᠢᠨ ᠮᠠᠭᠲᠠᠭᠠᠯ ᠤ᠋ᠨ ᠡᠭᠦᠨᠡ᠃
ᠮᠥᠷᠭᠥᠯ ᠬᠢᠬᠦᠢ ᠬᠡᠮᠡᠪᠡᠰᠦ ᠬᠣᠷᠢᠨ ᠨᠢᠭᠡᠨ ᠪᠣᠢ ᠅
ᠥᠬᠢᠨ ᠲᠡᠭᠷᠢ ᠪᠢᠰᠢᠷᠡᠬᠦᠢ ᠦᠨᠡᠨ ᠲᠡᠭᠦᠯᠳᠡᠷ᠃
ᠤᠬᠠᠭᠠᠨᠲᠠᠨ ᠬᠡᠨ ᠢ᠋ᠶ᠋ᠡᠷ ᠮᠠᠰᠢ ᠰᠦᠰᠦᠭ ᠡᠭᠦᠰᠬᠡᠨ᠃
ᠦᠳᠡᠰᠢ ᠪᠠ ᠡᠰᠡᠪᠡᠰᠦ ᠡᠷᠲᠡ ᠪᠣᠰᠤᠭᠠᠳ᠃
ᠳᠤᠷᠠᠳᠪᠠᠰᠤ ᠬᠠᠮᠤᠭ ᠠᠶᠤᠯ ᠦᠭᠡᠢ ᠪᠣᠯᠤᠮᠤᠢ᠃
ᠬᠠᠮᠤᠭ ᠨᠢᠭᠦᠯ ᠬᠢᠯᠢᠨᠴᠡ ᠪᠡᠷ ᠮᠠᠰᠢ ᠠᠮᠤᠷᠯᠢᠨ᠃
ᠬᠠᠮᠤᠭ ᠮᠠᠭᠤ ᠵᠠᠶᠠᠭᠠᠨ ᠢ᠋ ᠡᠪᠳᠡᠨ ᠴᠢᠳᠠᠶᠤ᠃
ᠳᠣᠯᠣᠭᠠᠨ ᠬᠦᠯᠳᠢ ᠢᠯᠠᠭᠤᠭᠰᠠᠨ ᠨᠤᠭᠤᠳ ᠪᠦᠭᠦᠳᠡ᠃
ᠦᠳᠲᠡᠷ ᠪᠥᠭᠡᠳ ᠠᠪᠢᠰᠢᠭ᠌ ᠢ᠋ ᠥᠭᠬᠦ ᠪᠣᠯᠤᠶᠤ᠃
ᠡᠭᠦᠨ ᠡᠴᠡ ᠶᠡᠬᠡ ᠶ᠋ᠢ ᠪᠡᠷ ᠣᠯᠬᠤ ᠪᠣᠯᠤᠭᠠᠳ᠃
ᠪᠤᠷᠬᠠᠨ ᠪᠣᠯᠬᠤ ᠬᠦᠷᠲᠡᠯᠡ ᠪᠡᠷ ᠲᠡᠨᠳᠡ ᠤᠲᠤᠶᠤ᠃
ᠲᠡᠷᠡ ᠪᠠᠰᠠ ᠶᠡᠬᠡ ᠲᠣᠭᠰᠢᠨ ᠬᠣᠣᠷ ᠪᠥᠬᠦᠢᠳᠦ᠃
ᠪᠠᠲᠤ ᠠᠭᠰᠠᠨ ᠡᠰᠡᠪᠡᠰᠦ ᠳᠠᠬᠢ ᠠᠮᠢᠲᠠᠨ᠃
ᠵᠠᠭᠤᠭᠰᠠᠨ ᠪᠠ ᠡᠰᠡᠪᠡᠰᠦ ᠤᠤᠭᠤᠭᠰᠠᠨ ᠢ᠋ ᠪᠡᠷ᠃
ᠳᠤᠷᠠᠳᠪᠠᠰᠤ ᠮᠠᠰᠢ ᠠᠷᠢᠯᠬᠤ ᠪᠣᠯᠤᠮᠤ᠃
ᠡᠨᠳᠡ ᠬᠢᠭᠡᠳ ᠬᠢᠵᠢᠭ ᠯᠦ᠍ᠭᠡ ᠬᠣᠣᠷ ᠨᠡᠷᠪᠡᠭᠰᠡᠨ᠃
ᠵᠣᠪᠠᠯᠠᠩ ᠤ᠋ᠨ ᠴᠢᠭᠤᠯᠭᠠᠨ ᠢ᠋ ᠮᠠᠰᠢ ᠲᠡᠪᠴᠢᠵᠦ᠃
ᠪᠤᠰᠤ ᠪᠤᠰᠤ ᠠᠮᠢᠳᠠᠨᠠ ᠪᠠᠰᠠ ᠪᠣᠯᠤᠮᠤᠢ᠃
ᠬᠣᠶᠠᠷ ᠭᠤᠷᠪᠠᠨ ᠳᠣᠯᠣᠭᠠᠨᠲᠠ ᠢᠯᠡ ᠤᠩᠰᠢᠷᠤᠨ᠃
ᠦᠷᠡ ᠣᠯᠬᠤᠢ ᠲᠠᠭᠠᠯᠠᠭᠴᠢᠨ ᠦᠷᠡ ᠣᠯᠤᠭᠠᠳ᠃
ᠡᠳ᠋ ᠢ᠋ ᠣᠯᠬᠤᠢ ᠲᠠᠭᠠᠯᠠᠭᠴᠢᠨ ᠡᠳ᠋ ᠢ᠋ ᠣᠯᠤᠮᠤᠢ᠃
ᠲᠠᠭᠠᠯᠠᠭᠰᠠᠨ ᠪᠦᠭᠦᠳᠡ ᠶ᠋ᠢ ᠪᠣᠯᠬᠤ ᠪᠣᠯᠤᠭᠠᠳ᠃
ᠲᠣᠳᠬᠠᠷ ᠨᠤᠭᠤᠳ ᠦᠭᠡᠢ ᠪᠣᠯᠤᠨ ᠰᠠᠢᠲᠤᠷ ᠳᠠᠷᠤᠮᠤᠢ ᠅
ᠭᠡᠲᠦᠯᠭᠡᠭᠴᠢ ᠠᠷᠢᠶᠠ ᠳ᠋ᡁᠷᠠ ᠡᠬᠡ ᠪᠠ᠃
ᠭᠤᠷᠪᠠᠨ ᠴᠠᠭ ᠤ᠋ᠨ ᠠᠷᠪᠠᠨ ᠵᠦᠭ ᠲᠦ᠍ᠷ ᠰᠠᠭᠤᠭᠰᠠᠨ᠃
ᠬᠠᠮᠤᠭ ᠪᠤᠷᠬᠠᠨ ᠪᠣᠳᠢᠰᠠᠳ᠋ᠸᠠ ᠰᠡᠯᠲᠡ ᠳ᠋ᠦ᠍ᠷ᠃
ᠬᠣᠲᠠᠯᠠ ᠠ᠋ᠴᠠ ᠰᠦᠰᠦᠭ ᠢ᠋ᠶ᠋ᠡᠷ ᠮᠥᠷᠭᠥᠮᠦ᠃
ᠴᠡᠴᠡᠭ ᠬᠦᠵᠢ ᠵᠤᠯᠠ ᠬᠢᠭᠡᠳ ᠦᠨᠦᠷ ᠪᠠ᠃
ᠢᠳᠡᠭᠡᠨ ᠪᠠ ᠬᠥᠭᠵᠢᠮ ᠲᠡᠷᠢᠭᠦᠲᠡᠨ ᠢ᠋᠃
ᠪᠡᠯᠡᠳᠦᠭᠡᠳ ᠬᠤᠪᠢᠯᠭᠠᠵᠤ ᠡᠷᠭᠦᠮᠦ᠃
ᠠᠷᠢᠶᠠ ᠡᠬᠡ ᠴᠢᠭᠤᠯᠭᠠᠨ ᠢ᠋ᠶ᠋ᠠᠷ ᠠᠪᠲᠤᠭᠠᠢ ᠅
ᠠᠩᠬᠠᠨ ᠠ᠋ᠴᠠ ᠡᠳᠦᠭᠡ ᠳᠡ ᠬᠦᠷᠲᠡᠯᠡ᠃
ᠠᠷᠪᠠᠨ ᠨᠢᠭᠦᠯ ᠲᠠᠪᠤᠨ ᠵᠠᠪᠰᠠᠷ ᠦᠭᠡᠢ ᠪᠠ᠃
ᠰᠡᠳᠬᠢᠯ ᠢᠨᠦ ᠨᠢᠰᠸᠠᠨᠢᠰᠳᠦ ᠪᠣᠯᠤᠭᠰᠠᠨ᠃
ᠬᠠᠮᠤᠭ ᠨᠢᠭᠦᠯ ᠢ᠋ᠶ᠋ᠡᠨ ᠨᠠᠮᠠᠨᠴᠢᠯᠠᠮᠤ ᠅
ᠰᠢᠷᠡᠸᠩ ᠪᠠᠷᠳᠢᠩᠭᠠᠪᠤᠳ ᠪᠣᠳᠢᠰᠠᠳ᠋ᠸᠠ ᠨᠠᠷ᠃
ᠪᠡᠷᠲᠡᠭᠴᠢᠨ ᠦ᠌ ᠲᠥᠷᠥᠯᠬᠢᠲᠡᠨ ᠡᠬᠢᠯᠡᠨ᠃
ᠭᠤᠷᠪᠠᠨ ᠴᠠᠭ ᠤ᠋ᠨ ᠪᠤᠶᠠᠨ ᠬᠡᠳᠦᠢ ᠬᠤᠷᠢᠶᠠᠭᠰᠠᠨ᠃
ᠪᠤᠶᠠᠨ ᠳ᠋ᠤᠷ ᠪᠢ ᠪᠠᠶᠠᠰᠤᠯᠴᠠᠨ ᠳᠠᠭᠠᠮᠤᠢ ᠅
ᠠᠯᠢ ᠡᠯᠡ ᠠᠮᠢᠲᠠᠨ ᠤ᠋ ᠰᠠᠨᠠᠯ ᠪᠠ᠃
ᠣᠢᠨ ᠤ᠋ ᠢᠯᠭᠠᠯ ᠶᠠᠮᠪᠠᠷ ᠪᠦᠬᠦ ᠶᠣᠰᠣᠭᠠᠷ᠃
ᠶᠡᠬᠡ ᠪᠠᠭᠠ ᠶᠡᠷᠦ ᠨᠡᠢᠲᠡ ᠬᠥᠯᠭᠡᠨ ᠦ᠌᠃
ᠨᠣᠮ ᠤ᠋ᠨ ᠬᠦᠷᠳᠦ ᠣᠷᠴᠢᠭᠤᠯᠤᠨ ᠰᠣᠶᠣᠷᠬᠠ ᠅
ᠣᠷᠴᠢᠯᠠᠩ ᠢ᠋ ᠦᠭᠡᠢ ᠡᠰᠡ ᠪᠣᠯᠲᠠᠯᠠ᠃
ᠭᠠᠰᠠᠯᠠᠩᠲᠤ ᠠ᠋ᠴᠠ ᠦᠯᠦ ᠨᠥᠭᠴᠢᠭᠡᠳ᠃
ᠵᠣᠪᠠᠯᠠᠩᠲᠤ ᠳᠠᠯᠠᠢ ᠶ᠋ᠢᠨ ᠭᠦᠨᠡ ᠴᠢᠪᠦᠭᠰᠡᠨ᠃
ᠠᠮᠢᠲᠠᠨ ᠢ᠋ ᠨᠢᠭᠦᠯᠡᠰᠦᠨ ᠦᠵᠡᠳᠬᠦᠨ ᠅
ᠮᠢᠨᠦ ᠪᠤᠶᠠᠨ ᠬᠤᠷᠢᠶᠠᠭᠰᠠᠨ ᠪᠦᠭᠦᠳᠡ᠃
ᠶᠡᠬᠡ ᠪᠣᠳᠢ ᠶ᠋ᠢᠨ ᠰᠢᠯᠳᠠᠭᠠᠨᠠ ᠪᠣᠯᠤᠭᠠᠳ᠃
ᠥᠨᠢ ᠤᠳᠠᠯ ᠦᠭᠡᠭᠦᠶᠡ ᠪᠢ ᠪᠥᠭᠡᠳ᠃
ᠠᠮᠢᠲᠠᠨ ᠲᠣᠨᠢᠯᠭᠠᠭᠴᠢ ᠪᠣᠯᠲᠤᠭᠠᠢ ᠅
ᠭᠡᠲᠦᠯᠭᠡᠭᠴᠢ ᠪᠠᠭᠠᠸᠠᠳᠢ ᠨᠢᠭᠦᠯᠡᠰᠬᠦᠢ ᠲᠡᠭᠦᠯᠳᠡᠷ᠃
ᠪᠢ ᠪᠡ ᠳ᠋ᠡᠬᠢ ᠬᠠᠮᠤᠭ ᠡᠯᠡ ᠠᠮᠢᠲᠠᠨ ᠤ᠋ ᠬᠣᠲᠠᠯᠠ᠃
ᠬᠣᠶᠠᠷ ᠲᠦᠢᠳᠬᠡᠷ ᠠᠷᠢᠯᠭᠠᠵᠤ ᠴᠢᠭᠤᠯᠭᠠᠨ ᠢ᠋ ᠲᠡᠭᠦᠰᠬᠡᠨ᠃
ᠲᠤᠭᠤᠯᠤᠭᠰᠠᠨ ᠪᠤᠷᠬᠠᠨ ᠢ᠋ ᠪᠡᠷ ᠣᠯᠭᠠᠭᠤᠯᠤᠨ ᠰᠣᠶᠣᠷᠬᠠ ᠅
ᠲᠡᠷᠡ ᠡᠰᠡ ᠣᠯᠳᠠᠲᠠᠯᠠ ᠬᠠᠮᠤᠭ ᠲᠥᠷᠥᠯ ᠳᠣᠳᠣᠮ ᠳ᠋ᠤᠷ᠃
ᠲᠡᠭᠷᠢ ᠪᠠ ᠬᠥᠮᠦᠨ ᠳ᠋ᠡᠬᠢ ᠵᠢᠷᠭᠠᠯᠠᠩ ᠢ᠋ ᠣᠯᠤᠭᠠᠳ᠃
ᠬᠠᠮᠤᠭ ᠵᠦᠢᠯ ᠢ᠋ ᠮᠡᠳᠡᠭᠴᠢ ᠶ᠋ᠢ ᠪᠦᠲᠦᠭᠡᠬᠦᠢ ᠦᠢᠯᠡ ᠳ᠋ᠦ᠍ᠷ᠃
ᠵᠡᠳᠬᠡᠷᠯᠡᠭᠴᠢ ᠠᠳᠠ ᠲᠣᠳᠬᠠᠷ ᠬᠢᠵᠢᠭ ᠲᠠᠬᠤᠯ ᠡᠬᠢᠯᠡᠨ᠃
ᠴᠠᠭ ᠤ᠋ᠨ ᠪᠤᠰᠤ ᠵᠠᠭᠤᠷᠠᠳᠤ ᠶ᠋ᠢᠨ ᠡᠯᠳᠡᠪ ᠦᠬᠦᠯ ᠪᠣᠯᠬᠤ ᠪᠠ᠃
ᠡᠯᠳᠡᠪ ᠮᠠᠭᠤ ᠵᠡᠭᠦᠳᠦᠨ ᠪᠠ ᠮᠠᠭᠤ ᠪᠡᠯᠭᠡ ᠨᠦ᠍ᠭᠦᠳ ᠪᠠ᠃
ᠨᠠᠢ᠍ᠮᠠᠨ ᠠᠶᠤᠯ ᠲᠡᠷᠢᠭᠦᠲᠡᠨ ᠬᠥᠨᠦᠭᠡᠭᠴᠢᠨ ᠨᠦ᠍ᠭᠦᠳ ᠢ᠋ ᠃
ᠦᠳᠲᠡᠷ ᠪᠥᠭᠡᠳ ᠰᠥᠨᠥᠭᠡᠵᠦ ᠦᠭᠡᠢ ᠪᠣᠯᠭᠠᠨ ᠰᠣᠶᠣᠷᠬᠠ ᠅
ᠶᠢᠷᠲᠢᠨᠴᠦ ᠳᠡ ᠪᠦᠬᠦᠢ ᠬᠢᠭᠡᠳ ᠶᠢᠷᠲᠢᠨᠴᠦ ᠡᠴᠡ ᠨᠥᠭᠴᠢᠭᠰᠡᠨ᠃
ᠥᠯᠵᠡᠢ ᠬᠤᠲᠤᠭ ᠠᠮᠤᠷ ᠰᠠᠢᠨ ᠪᠠ ᠪᠦᠷᠢᠨ ᠲᠡᠭᠦᠰ ᠪᠦᠭᠦᠳᠡ᠃
ᠠᠷᠪᠢᠳᠤᠭᠠᠳ ᠳᠡᠯᠭᠡᠷᠡᠬᠦ ᠬᠣᠴᠣᠷᠤᠯ ᠦᠭᠡᠢ ᠬᠡᠷᠡᠭ ᠢ᠋᠃
ᠬᠢᠨᠠᠯ ᠦᠭᠡᠢ ᠥᠪᠡᠰᠦᠪᠡᠨ ᠪᠦᠲᠦᠭᠦᠯᠦᠨ ᠰᠣᠶᠣᠷᠬᠠ ᠅
ᠪᠦᠲᠦᠭᠡᠯ ᠳ᠋ᠦ᠍ᠷ ᠬᠢᠴᠢᠶᠡᠭᠡᠳ ᠪᠣᠭᠳᠠ ᠨᠣᠮ ᠢ᠋ ᠠᠷᠪᠢᠳᠬᠠᠨ᠃
ᠨᠠᠰᠤᠳᠠ ᠴᠢᠮᠠᠶ᠋ᠢ ᠪᠦᠲᠦᠭᠡᠭᠡᠳ ᠡᠷᠬᠢᠮ ᠨᠢᠭᠤᠷ ᠦᠵᠡᠵᠦ᠃
ᠬᠣᠭᠣᠰᠣᠨ ᠤ᠋ ᠣᠨᠣᠯ ᠬᠢᠭᠡᠳ ᠡᠷᠳᠡᠨᠢᠲᠦ ᠪᠣᠳᠢᠴᠢᠳ᠃
ᠤᠪᠠᠳᠢᠰ ᠢ᠋ ᠰᠠᠷᠠᠨ ᠮᠡᠲᠦ ᠠᠷᠪᠢᠳᠬᠤ ᠶ᠋ᠢ ᠵᠣᠬᠢᠶᠠ ᠅
ᠢᠯᠭᠤᠭᠰᠠᠨ ᠤ᠋ ᠮᠠᠨᠳᠠᠯ ᠰᠠᠢᠨ ᠪᠠ ᠪᠠᠶᠠᠰᠬᠤᠯᠠᠩ ᠲᠡᠭᠦᠨᠡ᠃
ᠮᠠᠰᠢ ᠡᠷᠬᠢᠮ ᠦᠵᠡᠰᠬᠦᠯᠡᠩ ᠪᠠᠳᠮᠠ ᠠ᠋ᠴᠠ ᠲᠥᠷᠥᠭᠡᠳ᠃
ᠢᠯᠭᠤᠭᠰᠠᠨ ᠠᠮᠢᠨᠳᠠᠸᠠ ᠶ᠋ᠢᠨ ᠡᠮᠦᠨᠡ ᠡᠴᠡ ᠪᠢ ᠪᠥᠭᠡᠳ᠃
ᠸᠢᠸᠠᠩᠭᠢᠷᠢᠳ ᠥᠭᠲᠡᠬᠦᠢ ᠶ᠋ᠢ ᠲᠡᠨᠳᠡ ᠣᠯᠬᠤ ᠪᠣᠯᠲᠤᠭᠠᠢ ᠅
ᠮᠢᠨᠦ ᠡᠷᠲᠡ ᠲᠥᠷᠥᠯ ᠡᠴᠡ ᠪᠦᠲᠦᠭᠡᠭᠰᠡᠨ ᠲᠡᠭᠷᠢ᠃
ᠭᠤᠷᠪᠠᠨ ᠴᠠᠭ ᠤ᠋ᠨ ᠪᠤᠷᠬᠠᠨ ᠨᠤᠭᠤᠳ ᠤ᠋ᠨ ᠦᠢᠯᠡ ᠶ᠋ᠢᠨ ᠡᠬᠡ ᠨᠣᠭᠣᠭᠠᠨ᠃
ᠨᠢᠭᠡᠨ ᠨᠢᠭᠤᠷ ᠬᠣᠶᠠᠷ ᠭᠠᠷᠲᠤ ᠲᠦᠷᠭᠡᠨ ᠪᠥᠭᠡᠳ ᠪᠠᠭᠠᠲᠤᠷ᠃
ᠡᠬᠡ ᠤᠳᠪᠠᠯᠠ ᠪᠠᠷᠢᠭᠰᠠᠨ ᠤ᠋ ᠥᠯᠵᠡᠢ ᠬᠤᠲᠤᠭ ᠣᠷᠣᠰᠢ ᠅
ᠢᠯᠠᠭᠤᠭᠰᠠᠨ ᠡᠬᠡ ᠴᠢᠨᠦ ᠪᠡᠶᠡ ᠶᠠᠮᠪᠠᠷ ᠠᠭᠰᠠᠨ ᠪᠠ᠃
ᠨᠥᠬᠥᠳ ᠬᠢᠭᠡᠳ ᠪᠡᠶᠡ ᠨᠠᠰᠤ ᠶ᠋ᠢᠨ ᠬᠢᠷᠢ ᠯᠦ᠍ᠭᠡ ᠣᠷᠣᠨ ᠪᠠ᠃
ᠴᠢᠨᠦ ᠡᠷᠭᠢᠨ ᠠᠯᠳᠠᠷ ᠨᠡᠷᠡ ᠶᠠᠮᠪᠠᠷ ᠠᠭᠰᠠᠨ ᠪᠥᠭᠡᠰᠦ᠃
ᠪᠢᠳᠡ ᠪᠦᠷᠢᠨ ᠪᠦᠭᠦᠳᠡᠭᠡᠷ ᠣᠨᠴᠠ ᠲᠡᠢᠮᠦ ᠪᠣᠯᠲᠤᠭᠠᠢ ᠅
ᠲᠠᠨ ᠳ᠋ᠤᠷ ᠳᠠᠬᠢᠨ ᠵᠠᠯᠪᠠᠷᠢᠭᠰᠠᠨ ᠬᠦᠴᠦᠨ ᠢ᠋ᠶ᠋ᠡᠷ ᠪᠢᠳᠡᠨ ᠦ᠌᠃
ᠠᠯᠢ ᠭᠠᠵᠠᠷ ᠣᠷᠣᠰᠢᠭᠰᠠᠨ ᠲᠡᠷᠡ ᠭᠠᠵᠠᠷ ᠣᠷᠣᠨᠠ᠃
ᠡᠪᠡᠳᠴᠢᠨ ᠪᠠ ᠶᠠᠳᠠᠭᠤᠨ ᠪᠠ ᠬᠡᠷᠡᠭᠦᠯ ᠪᠠ ᠲᠡᠮᠡᠴᠡᠯ᠃
ᠠᠮᠤᠷᠯᠢᠭᠠᠳ ᠨᠣᠮ ᠤ᠋ᠨ ᠥᠯᠵᠡᠢ ᠨᠡᠮᠡᠭᠦᠯᠦᠨ ᠰᠣᠶᠣᠷᠬᠠ ᠅
ᠪᠡᠶᠡ ᠶ᠋ᠢᠨ ᠭᠡᠮ ᠢ᠋ ᠲᠡᠪᠴᠢᠭᠰᠡᠨᠡ ᠯᠡᠭᠱᠠᠨ ᠨᠠᠢᠷᠠᠭ ᠲᠡᠭᠦᠯᠳᠡᠷ᠃
ᠵᠠᠷᠯᠢᠭ ᠭᠡᠮ ᠢ᠋ ᠲᠡᠪᠴᠢᠭᠰᠡᠨᠡ ᠭᠠᠯᠪᠢᠩᠭᠠ ᠶ᠋ᠢᠨ ᠡᠬᠡᠰᠢᠭ᠃
ᠰᠡᠳᠬᠢᠯ ᠭᠡᠮ ᠢ᠋ ᠲᠡᠪᠴᠢᠭᠰᠡᠨᠡ ᠮᠡᠳᠡᠭᠳᠡᠯ ᠢ᠋ ᠦᠵᠡᠭᠴᠢ᠃
ᠥᠯᠵᠡᠢ ᠬᠤᠲᠤᠭ ᠪᠠᠳᠠᠷᠠᠩᠭᠤᠢ ᠶ᠋ᠢᠨ ᠥᠯᠵᠡᠢ ᠬᠤᠲᠤᠭ ᠣᠷᠣᠰᠢ᠅᠃ ᠅
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠡᠭᠰᠢᠮᠥ᠋ᠩᠬᠡ
ᠬᠢᠨᠠᠭᠴᠢ᠄ ᠮᠣᠩᠭᠤᠯᠵᠠᠶᠠᠭᠠ