ᠵᠠᠩᠭᠠᠷ ᠤ᠋ᠨ ᠠᠷᠪᠠᠨ ᠬᠣᠶᠠᠷ ᠪᠠᠭᠠᠲᠤᠷ ᠤ᠋ᠨ ᠮᠠᠭᠲᠠᠭᠠᠯ -ᠠᠯᠠᠱᠠ ᠠᠢᠮᠠᠭ ᠤ᠋ᠨ ᠨᠠᠰᠤᠲᠠᠢᠴᠤᠳЗангарын арван хоёр баатрын магтаал-Алша аймгийн настайчууд
46ᠵᠠᠩᠭᠠᠷ ᠤ᠋ᠨ ᠠᠷᠪᠠᠨ ᠬᠣᠶᠠᠷ ᠪᠠᠭᠠᠲᠤᠷ ᠤ᠋ᠨ ᠮᠠᠭᠲᠠᠭᠠᠯ
ᠬᠥᠭᠵᠢᠮ ᠦ᠋ᠨ ᠨᠠᠢᠷᠠᠭᠤᠯᠭᠠ᠄ ᠬᠣᠩ ᠱᠧᠩ
ᠵᠢᠭᠠᠨ ᠵᠢᠯᠣᠭᠣᠳᠤᠭᠴᠢ ᠪᠠᠭᠰᠢ᠄ ᠪᠥᠬᠡ
ᠬᠠᠢᠯᠠᠭᠰᠠᠨ ᠨᠢ᠄ ᠠᠯᠠᠱᠠ ᠵᠠᠩᠭᠠᠷ ᠰᠣᠶᠣᠯ ᠢ᠋ ᠥᠪᠯᠡᠨ ᠤᠯᠠᠮᠵᠢᠯᠠᠬᠤ ᠲᠥᠪ
ᠠᠯᠠᠱᠠ ᠠᠢᠮᠠᠭ ᠤ᠋ᠨ ᠨᠠᠰᠤᠲᠠᠢᠴᠤᠳ ᠤ᠋ᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠵᠠᠩᠭᠠᠷ ᠤ᠋ᠨ ᠠᠩᠭᠢ
ᠡᠷᠲᠡᠨ ᠦ᠌ ᠡᠬᠢᠨ ᠴᠠᠭ ᠲᠤ᠌
ᠡᠨᠡ ᠪᠤᠮᠪᠠ ᠶ᠋ᠢᠨ ᠣᠷᠣᠨ ᠳ᠋ᠤ᠌
ᠱᠠᠵᠢᠨ ᠪᠤᠶᠠᠨ ᠳᠡᠯᠭᠡᠷᠡᠭᠡ ᠦᠭᠡᠢ ᠴᠠᠭ ᠲᠤ᠌
ᠭᠠᠳᠠᠭᠠᠳᠤ ᠳᠠᠯᠠᠢ ᠴᠠᠯᠴᠢᠭ ᠴᠠᠭ ᠲᠤ᠌
ᠭᠠᠯᠪᠢᠷ ᠽᠠᠨᠳᠠᠨ ᠨᠠᠢᠳᠠᠭ ᠴᠠᠭ ᠲᠤ᠌
ᠲᠣᠳᠢ ᠰᠢᠪᠠᠭᠤ ᠵᠤᠯᠵᠠᠭᠠᠨ ᠴᠠᠭ ᠲᠤ᠌
ᠲᠤᠤᠷᠢ ᠮᠣᠳᠣᠨ ᠨᠠᠢᠳᠠᠭ ᠴᠠᠭ ᠲᠦ᠍
ᠰᠦᠮᠪᠦᠷ ᠠᠭᠤᠯᠠ ᠳᠣᠪᠣ ᠶ᠋ᠢᠨ ᠴᠢᠨᠡᠭᠡᠨ ᠴᠠᠭ ᠲᠤ᠌
ᠰᠦᠨ ᠳᠠᠯᠠᠢ ᠲᠣᠭᠲᠠᠭᠠᠯ ᠤ᠋ᠨ ᠴᠢᠨᠡᠭᠡᠨ ᠴᠠᠭ ᠲᠤ᠌
ᠠᠰᠤᠷᠤ ᠲᠩᠷᠢ ᠳᠡᠭᠳᠡᠭᠡᠬᠡᠢ ᠶ᠋ᠢᠨ ᠴᠢᠨᠡᠭᠡᠨ ᠴᠠᠭ ᠲᠤ᠌
ᠠᠯᠲᠠᠨ ᠳᠡᠯᠡᠬᠡᠢ ᠠᠯᠠᠭᠠᠨ ᠤ᠋ ᠴᠢᠨᠡᠭᠡᠨ ᠴᠠᠭ ᠲᠤ᠌
ᠠᠶᠠᠭᠠ ᠶ᠋ᠢᠨ ᠴᠢᠨᠡᠭᠡᠨ ᠰᠢᠷᠠ ᠨᠠᠷᠠ ᠶ᠋ᠢ ᠠᠳᠬᠤᠨ ᠲᠥᠷᠥᠭᠰᠡᠨ
ᠠᠯᠠᠭᠠᠨ ᠤ᠋ ᠴᠢᠨᠡᠭᠡᠨ ᠠᠯᠲᠠᠨ ᠳᠡᠯᠡᠬᠡᠢ ᠶ᠋ᠢ ᠡᠵᠡᠯᠡᠨ ᠲᠥᠷᠥᠭᠰᠡᠨ
ᠲᠠᠬᠢᠯ ᠵᠤᠯᠠ ᠬᠠᠭᠠᠨ ᠤ᠋ ᠦᠯᠡᠳᠡᠯ
ᠲᠠᠩᠰᠤᠭ ᠪᠤᠮᠪᠠ ᠬᠠᠭᠠᠨ ᠤ᠋ ᠠᠴᠢ
ᠦᠵᠦᠩ ᠠᠯᠳᠠᠷ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ
ᠦᠶᠡ ᠶ᠋ᠢᠨ ᠥᠨᠥᠴᠢᠨ ᠪᠣᠭᠳᠠ ᠨᠣᠶᠠᠨ ᠵᠠᠩᠭᠠᠷ ᠢ᠋ᠶ᠋ᠠᠨ
ᠥᠩ ᠥᠷᠭᠡᠨ ᠠᠯᠠᠱᠠ ᠳ᠋ᠠᠭᠠᠨ
ᠥᠪᠯᠡᠨ ᠤᠯᠠᠮᠵᠢᠯᠠᠵᠤ ᠬᠠᠢᠯᠠᠵᠠᠭᠠᠶᠠ
ᠬᠠᠨ ᠲᠩᠷᠢ ᠠᠯᠠᠱᠠ ᠳ᠋ᠠᠭᠠᠨ
ᠬᠠᠩᠭᠢᠨᠠᠭᠤᠯᠤᠨ ᠡᠭᠡᠰᠢᠭᠯᠡᠵᠦ ᠬᠠᠢᠯᠠᠵᠠᠭᠠᠶᠠ ᠬᠠᠢᠯᠠᠵᠠᠭᠠᠶᠠ
ᠲᠦᠪᠰᠢᠨ ᠰᠢᠷᠭᠢ ᠶ᠋ᠢᠨ ᠠᠴᠢ
ᠲᠡᠮᠦᠷᠯᠢᠭ ᠲᠡᠮᠦᠷ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ
ᠪᠥᠬᠡ ᠮᠥᠩᠭᠥᠨ ᠰᠢᠭᠰᠢᠷᠡᠭᠡ ᠶ᠋ᠢᠨ
ᠤᠤᠭᠠᠨ ᠭᠠᠭᠴᠠ ᠬᠥᠪᠡᠭᠦᠨ
ᠠᠷᠪᠠᠨ ᠬᠣᠶᠠᠷ ᠪᠠᠭᠠᠲᠤᠷ ᠢ᠋ᠶ᠋ᠠᠨ
ᠠᠯᠠᠭ ᠨᠢᠳᠦᠨ ᠦ᠌ ᠡᠷᠭᠢᠴᠡ ᠪᠡᠷ ᠪᠠᠢᠯᠭᠠᠳᠠᠭ
ᠠᠷᠤ ᠪᠤᠮᠪᠠ ᠶ᠋ᠢᠨ ᠣᠷᠣᠨ ᠤ᠋
ᠠᠷᠠᠭ ᠤᠯᠠᠭᠠᠨ ᠬᠣᠩᠭᠣᠷ ᠭᠡᠨᠡ ᠯᠦ᠍
ᠲᠡᠮᠦᠷ ᠰᠦᠮᠡ ᠶ᠋ᠢᠨ ᠡᠭᠦᠳᠡ ᠶ᠋ᠢ
ᠪᠠᠲᠤᠯᠠᠨ ᠰᠠᠬᠢᠳᠠᠭ ᠠᠯᠲᠠᠨ ᠴᠡᠭᠡᠵᠢ
ᠲᠥᠷᠥ ᠱᠠᠵᠢᠨ ᠬᠣᠶᠠᠷ ᠢ᠋
ᠨᠣᠮᠯᠠᠨ ᠰᠠᠬᠢᠳᠠᠭ ᠠᠯᠲᠠᠨ ᠴᠡᠭᠡᠵᠢ
ᠠᠷᠠᠭ ᠵᠤᠯᠠ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ
ᠠᠭᠰᠤᠮ ᠤᠯᠠᠭᠠᠨ ᠬᠦᠯᠦᠭ ᠲᠡᠢ
ᠠᠶᠠᠭᠠ ᠶ᠋ᠢᠨ ᠴᠢᠨᠡᠭᠡᠨ ᠠᠯᠠᠭ ᠨᠢᠳᠦ ᠲᠡᠢ
ᠠᠯᠲᠠᠨ ᠴᠡᠭᠡᠵᠢ ᠪᠠᠪᠠ ᠭᠡᠨᠡ ᠯᠦ᠍
ᠨᠠᠶᠠᠨ ᠨᠢᠭᠡᠨ ᠠᠯᠲᠠ ᠡᠰᠢ ᠲᠡᠢ
ᠨᠠᠢ᠍ᠮᠠᠨ ᠠᠯᠲᠠ ᠢᠷ ᠲᠡᠢ
ᠬᠤᠷᠴᠠ ᠴᠠᠭᠠᠨ ᠰᠢᠳᠦ ᠲᠡᠢ
ᠬᠤᠷᠳᠤᠨ ᠭᠠᠯᠵᠠᠨ ᠬᠦᠯᠦᠭ ᠲᠡᠢ
ᠬᠦᠢᠲᠡᠨ ᠴᠢᠯᠠᠭᠤᠨ ᠵᠢᠷᠦᠬᠡ ᠲᠡᠢ
ᠬᠦᠷᠦᠭᠡ ᠭᠠᠵᠠᠷ ᠢᠳᠡ ᠲᠡᠢ
ᠬᠥᠮᠦᠨ ᠦ᠌ ᠨᠠᠴᠢᠨ ᠱᠣᠩᠬᠣᠷ
ᠬᠦᠨᠳᠦ ᠭᠠᠷᠲᠤ ᠰᠠᠪᠠᠷ ᠭᠡᠨᠡ ᠯᠦ᠍
ᠨᠠᠳᠤᠷ ᠴᠠᠭᠠᠨ ᠠᠷᠪᠢᠩ ᠢ᠋ᠶ᠋ᠠᠨ
ᠮᠣᠯᠣᠷ ᠠᠯᠲᠠᠨ ᠲᠦᠳᠡᠭ ᠢ᠋ᠶ᠋ᠡᠷ
ᠨᠠᠶᠠᠨ ᠳᠠᠪᠬᠤᠷ ᠪᠦᠳᠦᠷᠢᠨ ᠪᠦᠰᠡᠯᠡᠭᠰᠡᠨ
ᠠᠯᠲᠠᠨ ᠲᠢᠲᠢᠮ ᠦ᠋ᠨ ᠡᠷᠬᠢᠮ ᠲᠡᠢ
ᠡᠵᠡᠨ ᠰᠢᠷᠭᠢ ᠶ᠋ᠢᠨ ᠠᠴᠢ
ᠲᠠᠷᠪᠤᠰ ᠳᠠᠯᠠᠢ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ
ᠤᠷᠲᠤ ᠬᠠᠷᠠ ᠬᠦᠯᠦᠭ ᠲᠡᠢ
ᠤᠰᠤᠨ ᠲᠠᠷᠭᠤᠨ ᠭᠦᠵᠡᠭᠡᠨ ᠬᠦᠮᠪᠡ ᠭᠡᠨᠡ ᠯᠦ᠍
ᠬᠤᠷᠮᠤᠰᠲᠠ ᠲᠩᠷᠢ ᠡᠴᠡ ᠪᠠᠭᠤᠯᠭᠠᠵᠤ ᠥᠭᠭᠦᠭᠰᠡᠨ
ᠬᠤᠷᠳᠤᠨ ᠰᠢᠷᠭᠠ ᠶ᠋ᠢᠨ ᠤᠤᠭᠠᠨ ᠦᠷᠡ ᠨᠢ
ᠶᠢᠰᠦᠨ ᠲᠥᠭᠡ ᠠᠯᠲᠠᠨ ᠰᠣᠶᠣᠭᠠ ᠲᠠᠢ
ᠬᠤᠷᠳᠤᠨ ᠵᠢᠭᠦᠷᠲᠦ ᠬᠣᠩᠭᠣᠷ ᠬᠦᠯᠦᠭ ᠲᠡᠢ
ᠵᠠᠯᠠᠭᠤ ᠪᠠᠭᠠ ᠲᠣᠢᠪᠣᠷ ᠴᠠᠭ ᠲᠠᠭᠠᠨ
ᠽᠠᠮᠪᠤᠯᠢᠩ ᠤ᠋ᠨ ᠣᠷᠴᠢᠯᠠᠩ ᠢ᠋ ᠡᠯᠡᠭᠡᠭᠰᠡᠨ
ᠳᠣᠭᠰᠢᠨ ᠰᠢᠷᠭᠢ ᠶ᠋ᠢᠨ ᠳᠤᠮᠳᠠ ᠬᠥᠪᠡᠭᠦᠨ
ᠲᠣᠭᠰᠢᠨ ᠲᠠᠬᠢᠯ ᠠᠯᠲᠠᠨ ᠠᠷᠠᠭᠠ ᠯᠦ᠍
ᠪᠤᠮᠪᠠ ᠡᠷᠴᠢᠰ ᠳᠠᠯᠠᠢ
ᠪᠣᠭᠳᠠ ᠥᠨᠳᠥᠷ ᠠᠭᠤᠯᠠ ᠶ᠋ᠢ
ᠰᠠᠢᠨ ᠡᠷᠡ ᠬᠦᠴᠦ ᠪᠡᠷ ᠢ᠋ᠶ᠋ᠡᠨ
ᠰᠠᠬᠢᠨ ᠰᠠᠭᠤᠭᠰᠠᠨ ᠲᠡᠦᠬᠡ ᠲᠡᠢ
ᠡᠵᠡᠨ ᠰᠢᠷᠭᠢ ᠶ᠋ᠢᠨ ᠠᠴᠢ
ᠪᠣᠯᠢᠩᠭᠠᠷ ᠤ᠋ᠨ ᠭᠠᠭᠴᠠ ᠬᠥᠪᠡᠭᠦᠨ
ᠪᠤᠭᠤᠷᠤᠯ ᠭᠠᠯᠵᠠᠨ ᠬᠦᠯᠦᠭ ᠲᠡᠢ
ᠪᠤᠮᠪᠠ ᠶ᠋ᠢᠨ ᠲᠣᠭᠰᠢᠨ ᠬᠠᠷᠠ ᠰᠠᠨᠠᠯ ᠭᠡᠨᠡ ᠯᠦ᠍
ᠬᠣᠣ ᠽᠠᠨᠳᠠᠨ ᠴᠤᠭᠤᠷ ᠢ᠋ᠶ᠋ᠠᠨ
ᠤᠶᠠᠩᠭᠠᠯᠠᠨ ᠲᠠᠲᠠᠬᠤᠯᠠᠷ
ᠬᠤᠨ ᠰᠢᠪᠠᠭᠤ ᠳᠣᠩᠭᠣᠳᠤᠭᠰᠠᠨ ᠮᠡᠲᠦ
ᠣᠭᠲᠠᠷᠭᠤᠢ ᠳ᠋ᠤ᠌ ᠵᠢᠷᠵᠢᠭᠢᠨᠡᠲᠡᠯᠡ ᠰᠣᠨᠣᠰᠳᠠᠳᠠᠭ
ᠡᠵᠡᠨ ᠪᠣᠭᠳᠠ ᠵᠠᠩᠭᠠᠷ ᠤ᠋ᠨ
ᠡᠷᠬᠢᠮ ᠰᠠᠢᠬᠠᠨ ᠨᠡᠷᠡᠲᠡᠢ ᠰᠥᠩᠴᠢ
ᠡᠷᠬᠡ ᠲᠤᠭ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ
ᠣᠷᠴᠢᠯᠠᠩ ᠤ᠋ᠨ ᠰᠠᠢᠬᠠᠨ ᠮᠢᠩᠶᠡᠨ ᠭᠡᠨᠡ ᠯᠦ᠍
ᠠᠷᠠᠵᠠᠨ ᠮᠢᠩᠭᠠᠨ ᠪᠣᠳᠣᠩ ᠢ᠋ᠶ᠋ᠠᠨ
ᠭᠣᠣ ᠶ᠋ᠢᠨ ᠳᠤᠮᠳᠠ ᠬᠡᠪᠲᠡᠭᠰᠡᠨ
ᠭᠤᠨᠠᠨ ᠠᠶᠤᠤ ᠶ᠋ᠢᠨ ᠰᠥᠰᠥᠨ ᠳ᠋ᠦ᠍
ᠬᠠᠭᠠᠷᠠᠮᠠ ᠳᠠᠭᠤ ᠪᠠᠷ ᠳᠠᠭᠤᠳᠠᠳᠠᠭ
ᠠᠷᠠᠵᠠᠨ ᠨᠠᠢ᠍ᠮᠠᠨ ᠮᠢᠩᠭᠠᠨ
ᠪᠣᠳᠣᠩ ᠤ᠋ᠨ ᠠᠬᠠᠯᠠᠭᠠᠴᠢ
ᠵᠠᠶᠠᠭᠠᠲᠤ ᠠᠯᠳᠠᠷ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ
ᠵᠠᠯᠠᠭᠤ ᠪᠤᠷᠬᠠᠨ ᠪᠣᠷᠣ ᠮᠠᠩᠨᠠᠢ ᠭᠡᠨᠡ ᠯᠦ᠍
ᠵᠠᠯᠠᠭᠤ ᠪᠤᠷᠬᠠᠨ ᠪᠣᠷᠣ ᠮᠠᠩᠨᠠᠢ ᠭᠡᠨᠡ ᠯᠦ᠍
ᠨᠠᠶᠠᠨ ᠭᠣᠣᠯ ᠤ᠋ᠨ ᠬᠤᠯᠤᠰᠤᠨ ᠠ᠋ᠴᠠ
ᠠᠷᠠᠢᠬᠠᠨ ᠣᠯᠳᠠᠭᠰᠠᠨ ᠴᠣᠬᠣᠷ ᠯᠢᠩᠪᠦ ᠶ᠋ᠢ
ᠬᠤᠨ ᠨᠤᠭᠤᠰᠤᠨ ᠤ᠋ ᠳᠠᠭᠤ ᠲᠠᠢ ᠲᠠᠲᠠᠳᠠᠭ
ᠡᠷᠬᠡ ᠬᠠᠷᠠ ᠨᠢᠳᠦᠨ ᠯᠦ᠍
ᠮᠤᠢᠮᠠ ᠬᠠᠶᠠᠵᠤ ᠠᠯᠳᠠᠵᠤ ᠦᠵᠡᠭᠡ ᠦᠭᠡᠢ
ᠮᠣᠷᠢᠨ ᠬᠦᠯᠦᠭ ᠡᠴᠡ ᠰᠠᠯᠵᠤ ᠦᠵᠡᠭᠡ ᠦᠭᠡᠢ
ᠵᠠᠶᠠᠭᠠᠴᠢ ᠠᠯᠳᠠᠷ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ
ᠡᠷᠬᠡ ᠬᠠᠷᠠ ᠨᠢᠳᠦᠨ ᠭᠡᠨᠡ ᠯᠦ᠍
ᠠᠷᠪᠠᠨ ᠬᠣᠶᠠᠷ ᠰᠠᠷᠠ ᠶ᠋ᠢᠨ ᠭᠠᠵᠠᠷ ᠠ᠋ᠴᠠ
ᠤᠨᠠᠭᠠ ᠳᠠᠭᠠ ᠬᠣᠶᠠᠷ
ᠬᠠᠮᠢᠭᠠ ᠪᠠᠨ ᠬᠠᠯᠢᠶᠠᠭᠠᠳ ᠭᠢᠰᠬᠢᠵᠦ ᠪᠠᠢᠭᠠ ᠶ᠋ᠢ
ᠡᠨᠳᠡᠯ ᠦᠭᠡᠢ ᠦᠵᠡᠵᠦ ᠴᠢᠳᠠᠳᠠᠭ
ᠰᠠᠯᠬᠢᠨ ᠠ᠋ᠴᠠ ᠳᠡᠯᠢᠮ ᠬᠤᠷᠳᠤᠨ
ᠰᠠᠨᠠᠭᠠᠨ ᠠ᠋ᠴᠠ ᠠᠯᠲᠠ ᠬᠤᠷᠳᠤᠨ
ᠴᠠᠬᠢᠭᠤᠷ ᠴᠠᠭᠠᠨ ᠬᠦᠯᠦᠭ ᠲᠡᠢ
ᠲᠢᠳᠡᠷᠡᠢ ᠰᠠᠯᠬᠢᠨ ᠲᠠᠪᠠᠭ ᠭᠡᠨᠡ ᠯᠦ᠍
ᠬᠤᠷᠮᠤᠰᠲᠠ ᠲᠩᠷᠢ ᠪᠡᠷ ᠨᠢᠰᠦᠭᠰᠡᠨ
ᠣᠭᠣᠯᠢ ᠲᠣᠳᠢ ᠰᠢᠪᠠᠭᠤ ᠶ᠋ᠢ
ᠬᠠᠮᠠᠷ ᠤ᠋ᠨ ᠨᠦᠬᠡ ᠪᠡᠷ ᠬᠠᠷᠪᠤᠭᠰᠠᠨ ᠳ᠋ᠠᠭᠠᠨ
ᠬᠠᠷᠠ ᠵᠢᠯᠢᠩ ᠰᠤᠮᠤᠴᠢ ᠴᠣᠯᠠ ᠣᠯᠤᠭᠠᠳ
ᠳᠠᠯᠠᠨ ᠬᠠᠭᠠᠨ ᠤ᠋ ᠨᠤᠲᠤᠭ ᠲᠠᠭᠠᠨ
ᠬᠠᠷᠪᠤᠭᠠᠴᠢ ᠪᠠᠷ ᠢ᠋ᠶ᠋ᠠᠨ ᠨᠡᠷᠡ ᠲᠤᠭᠤᠷᠠᠭᠰᠠᠨ
ᠬᠠᠷᠠᠶᠠᠳᠡᠢ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ
ᠬᠠᠷᠠ ᠵᠢᠯᠢᠩ ᠰᠤᠮᠤᠴᠢ ᠭᠡᠨᠡ ᠯᠦ᠍
ᠲᠠᠩᠭᠤᠳ ᠤ᠋ᠨ ᠬᠡᠯᠡ ᠶ᠋ᠢ ᠲᠠᠵᠢᠭᠢᠨᠠᠲᠠᠯᠠ ᠬᠡᠯᠡᠳᠡᠭ
ᠲᠠᠩᠭᠤᠳ ᠤᠯᠠᠭᠠᠨ ᠰᠠᠪᠠᠷ ᠳᠡᠭᠡᠷᠡ
ᠳᠦᠷᠢ ᠵᠤᠵᠠᠭᠠᠨ ᠥᠷᠥᠮᠡ ᠶ᠋ᠢ
ᠲᠣᠭᠲᠠᠲᠠᠯᠠ ᠬᠡᠯᠡᠳᠡᠭ ᠬᠡ ᠵᠢᠯᠭᠠᠨ
ᠲᠠᠩᠰᠤᠭ ᠪᠤᠮᠪᠠ ᠶ᠋ᠢᠨ ᠣᠷᠣᠨ ᠳ᠋ᠠᠭᠠᠨ
ᠲᠡᠰᠦᠮᠡ ᠪᠣᠯᠤᠭᠰᠠᠨ ᠠᠯᠠᠭ ᠬᠦᠯᠦᠭ ᠲᠡᠢ
ᠲᠠᠷᠢᠶᠠᠴᠢ ᠠᠯᠳᠠᠷ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ
ᠲᠠᠪᠠᠲᠠᠢ ᠬᠡᠯᠡᠮᠥᠷᠢᠴᠢ ᠬᠡ ᠵᠢᠯᠭᠠᠨ ᠭᠡᠨᠡ ᠯᠦ᠍
ᠲᠠᠪᠠᠲᠠᠢ ᠬᠡᠯᠡᠮᠦᠷᠢᠴᠢ ᠬᠡ ᠵᠢᠯᠭᠠᠨ ᠭᠡᠨᠡ ᠯᠦ᠍
ᠭᠡᠨᠡ ᠯᠦ᠍
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠣᠨᠢᠨᠪᠠᠶᠠᠷ
ᠦᠰᠦᠭ ᠬᠠᠳᠠᠭᠴᠢ᠄ ᠪᠠᠢ᠂ ᠰᠠᠷᠠᠨᠠ
ᠬᠢᠨᠠᠭᠴᠢ᠄ ᠰᠣᠨᠢᠨᠪᠠᠶᠠᠷ