ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠵᠢᠩᠬᠢᠨᠢ ᠳᠣᠪᠴᠢ– ᠬᠦᠰᠡᠬᠦᠢ᠂ ᠬᠥᠬᠡᠯᠤᠤ ᠨᠠᠷ –ᠨᠢᠭᠡᠳᠦᠭᠡᠷ ᠪᠣᠲᠢ-ᠡᠷᠬᠢᠮ ᠨᠠᠢᠷᠠᠯᠭᠠᠳᠤ ᠢᠳᠡᠭᠡᠨ ᠤᠮᠳᠠᠭᠠᠨ–3 Идээ ундааны жинхэнэ товч–Хүсэхүй᠂ Хөхлуу нар –1-р боть᠂Эрхэм найрлагат итгэн ундаа- 3
195ᠡᠷᠬᠢᠮ ᠨᠠᠢᠷᠠᠯᠭᠠᠳᠤ ᠢᠳᠡᠭᠡᠨ ᠤᠮᠳᠠᠭᠠᠨ -3
ᠡᠨᠡ ᠪᠣᠯᠪᠠᠰᠤ ᠰᠠᠪᠠ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠨᠣᠣᠰᠣ ᠶ᠋ᠢ ᠠᠨᠤ ᠵᠤᠯᠭᠠᠭᠠᠵᠤ ᠠᠪᠤᠭᠰᠠᠨ ᠬᠣᠨᠢ ᠶ᠋ᠢᠨ ᠨᠢᠷᠤᠭᠤᠨ ᠤ᠋ ᠠᠷᠠᠰᠤ ᠪᠤᠶᠤ ᠡᠰᠡᠬᠦᠯᠡ ᠬᠣᠨᠢᠨ ᠮᠢᠬᠠ ᠭᠤᠷᠪᠠᠨ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ᠂ ᠭᠠᠭᠤᠯᠠ ᠲᠠᠪᠤᠨ ᠪᠦᠬᠦᠯᠢ᠂ ᠭᠠᠮᠠᠷ ᠬᠣᠶᠠᠷ ᠴᠢᠨ᠂ ᠵᠦᠷᠪᠠᠭ ᠬᠣᠶᠠᠷ ᠴᠢᠨ ᠢ᠋ ᠳᠣᠲᠣᠷᠠᠬᠢ ᠴᠠᠭᠠᠨ ᠢ᠋ ᠠᠪᠴᠤ ᠬᠠᠶᠠᠨ᠂ ᠶᠸᠷᠮᠡ ᠬᠣᠶᠠᠷ ᠴᠢᠨ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠭᠦᠢᠯᠡᠰᠦᠨ ᠦ᠌ ᠨᠦᠳᠦᠮᠡᠯ ᠬᠣᠭᠣᠷᠮᠠᠭ ᠨᠢᠭᠡᠨ ᠵᠢᠩ᠂ ᠨᠠᠷᠠᠰᠤᠨ ᠴᠡᠴᠡᠭ ᠦ᠋ᠨ ᠦᠷᠡᠳᠡᠰᠦ ᠬᠣᠶᠠᠷ ᠭᠧ᠂ ᠨᠣᠢᠲᠠᠨ ᠭᠠ ᠶ᠋ᠢᠨ ᠰᠢᠭᠦᠰᠦ ᠬᠣᠶᠠᠷ ᠭᠧ ᠲᠡᠢ ᠨᠡᠢᠯᠡᠭᠦᠯᠦᠨ᠂ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ᠂ ᠳᠠᠪᠤᠰᠤ ᠵᠢᠴᠢ ᠲᠠᠪᠤᠨ ᠠᠮᠲᠠ ᠵᠡᠷᠭᠡ ᠶ᠋ᠢ ᠨᠡᠮᠡᠷᠢᠯᠡᠨ ᠨᠠᠢᠷᠠᠭᠤᠯᠤᠭᠠᠳ ᠰᠠᠪᠠᠨ ᠳ᠋ᠤᠷ ᠠᠬᠤᠭᠤᠯᠵᠤ᠂ ᠵᠥᠭᠡᠯᠡᠷᠡᠲᠡᠯᠡ ᠵᠢᠩᠨᠡᠵᠦ ᠪᠣᠯᠭᠣᠭᠠᠳ᠂ ᠬᠠᠪᠲᠠᠭᠠᠢ ᠣᠷᠢᠶᠠᠮᠠᠯ ᠪᠣᠭᠣᠷᠰᠣᠭ ᠲᠠᠢ ᠢᠳᠡᠮᠦᠢ᠃
ᠰᠢᠮᠡᠯᠳᠡᠭ ᠨᠣᠭᠣᠭᠠ ᠶ᠋ᠢᠨ ᠱᠥᠯᠥ
ᠰᠠᠪᠠ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠮᠢᠬᠠ ᠨᠢᠭᠡ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ᠂ ᠭᠠᠭᠤᠯᠠ ᠲᠠᠪᠤᠨ ᠪᠦᠬᠦᠯᠢ᠂ ᠭᠠᠮᠠᠷ ᠬᠣᠶᠠᠷ ᠴᠢᠨ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤᠨᠢ ᠪᠤᠴᠠᠯᠭᠠᠭᠠᠳ ᠱᠦᠭᠦᠵᠦ ᠭᠠᠷᠭᠠᠮᠤᠢ᠃ ᠬᠣᠨᠢᠨ ᠡᠯᠢᠭᠡᠨ ᠦ᠌ ᠵᠢᠶᠠᠩ ᠢ᠋ ᠬᠢᠭᠡᠳ ᠲᠤᠩᠭᠠᠯᠠᠭ ᠰᠥᠮᠥᠰᠦ ᠶ᠋ᠢ ᠠᠪᠴᠤ ᠬᠡᠷᠡᠭᠯᠡᠮᠦᠢ᠃ ᠵᠢᠴᠢ ᠪᠤᠷᠴᠠᠭ ᠤ᠋ᠨ ᠭᠤᠯᠢᠷ ᠲᠠᠪᠤᠨ ᠵᠢᠩ ᠢ᠋ᠶ᠋ᠡᠷ ᠶᠠᠯᠴᠢᠩ ᠬᠢᠵᠦ ᠂ ᠬᠤᠷᠤᠳ ᠨᠢᠭᠡᠨ ᠪᠦᠬᠦᠯᠢ᠂ ᠨᠠᠩᠭᠢ ᠴᠠᠭᠠᠨ ᠨᠢᠭᠡ ᠵᠢᠩ᠂ ᠰᠢᠷᠠ ᠯᠤᠤᠪᠠᠩ ᠠᠷᠪᠠ᠂ ᠬᠣᠨᠢᠨ ᠰᠡᠭᠦᠯ ᠨᠢᠭᠡ ᠪᠠ ᠮᠢᠬᠠ ᠶ᠋ᠢ ᠲᠣᠰᠪᠣᠷᠢ ᠳ᠋ᠤᠨᠢ ᠨᠠᠷᠢᠨ ᠬᠡᠷᠴᠢᠭᠡᠳ᠂ ᠲᠡᠢ ᠽᠢ ᠼᠠᠢ ᠨᠣᠭᠣᠭᠠ᠂ ᠭᠣᠭᠣᠳ᠂ ᠫᠣᠸᠠᠷᠢ ᠨᠢᠭᠡᠨ ᠯᠠᠩ᠂ ᠳᠠᠪᠤᠰᠤ ᠼᠤᠤ ᠵᠡᠷᠭᠡ ᠶ᠋ᠢ ᠬᠢᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠪᠠᠭᠠᠪᠠᠭᠠᠢ ᠶ᠋ᠢᠨ ᠮᠢᠬᠠᠨ ᠱᠥᠯᠥ
ᠬᠡᠢ ᠬᠤᠶᠠᠩ ᠪᠣᠯᠵᠤ ᠮᠡᠳᠡᠷᠡᠯ ᠠᠯᠳᠠᠵᠤ᠂ ᠬᠥᠯ ᠦ᠋ᠨ ᠪᠢᠯᠴᠤᠤ ᠶ᠋ᠢ ᠡᠮᠨᠡᠮᠦᠢ᠃
ᠪᠠᠭᠠᠪᠠᠭᠠᠢ ᠶ᠋ᠢᠨ ᠮᠢᠬᠠ ᠨᠢᠭᠡ ᠮᠥᠴᠢ ᠶ᠋ᠢ ᠪᠣᠯᠭᠣᠭᠠᠳ᠂ ᠬᠡᠰᠡᠭᠯᠡᠨ ᠬᠡᠷᠴᠢᠵᠦ᠂ ᠭᠠᠭᠤᠯᠠ ᠭᠤᠷᠪᠠᠨ ᠪᠦᠬᠦᠯᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠲᠣᠷ ᠫᠣᠸᠠᠷᠢ ᠭᠤᠷᠪᠠᠨ ᠴᠢᠨ᠂ ᠰᠢᠩᠭᠦᠨ ᠨᠢᠭᠡ ᠴᠢᠨ᠂ ᠶᠦᠩᠸᠠ ᠬᠣᠶᠠᠷ ᠴᠢᠨ᠂ ᠬᠣᠯᠢᠮᠪᠠ ᠬᠣᠶᠠᠷ ᠴᠢᠨ᠂ ᠭᠦᠷᠭᠦᠮ ᠨᠢᠭᠡ ᠴᠢᠨ᠂ ᠰᠣᠩᠭᠢᠨᠠ ᠳᠠᠪᠤᠰᠤ ᠵᠢᠶᠠᠩ ᠢ᠋ ᠨᠡᠮᠡᠷᠢᠯᠡᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠮᠥᠷᠭᠥ ᠵᠢᠭᠠᠰᠤ ᠶ᠋ᠢᠨ ᠱᠥᠯᠥ
ᠡᠨᠡ ᠢᠨᠦ ᠰᠢᠷᠠ ᠡᠪᠡᠳᠴᠢᠨ ᠢ᠋ ᠠᠨᠠᠭᠠᠨ ᠤᠮᠳᠠᠭᠠᠰᠬᠤ ᠶ᠋ᠢ ᠵᠣᠭᠰᠣᠭᠠᠵᠤ᠂ ᠤᠷᠤᠭ ᠲᠣᠭᠲᠠᠭᠰᠠᠨ ᠢ᠋ ᠠᠮᠤᠷᠯᠢᠭᠤᠯᠤᠮᠤᠢ᠃ᠪᠡᠲᠡᠭᠢ ᠶ᠋ᠢᠨ ᠠᠷᠬᠠᠭ ᠪᠦᠬᠦᠢ ᠬᠥᠮᠦᠰ ᠢᠳᠡᠵᠦ ᠪᠣᠯᠤᠮᠤᠢ᠃
ᠪᠤᠵᠠᠭᠠᠢ ᠰᠢᠭ᠋ ᠰᠢᠨᠡ ᠮᠥᠷᠭᠥ ᠵᠢᠭᠠᠰᠤ ᠠᠷᠪᠠ ᠶ᠋ᠢ ᠬᠠᠢᠷᠰᠤ ᠪᠠ ᠭᠡᠳᠡᠰᠦ ᠳᠣᠲᠣᠷ ᠢ᠋ ᠠᠷᠢᠯᠭᠠᠭᠠᠳ ᠤᠬᠢᠶᠠᠵᠤ᠂ ᠶᠡᠷᠮᠡ ᠶ᠋ᠢᠨ ᠲᠠᠯᠬᠠ ᠲᠠᠪᠤᠨ ᠴᠢᠨ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠦᠰᠦ᠋ ᠶ᠋ᠢᠨ ᠲᠠᠯᠬᠠ ᠲᠠᠪᠤᠨ ᠴᠢᠨ᠂ ᠰᠣᠩᠭᠢᠨᠠ ᠬᠣᠶᠠᠷ ᠯᠠᠩ ᠢ᠋ ᠬᠡᠷᠴᠢᠨ᠂ ᠠᠷᠢᠬᠢ ᠥᠴᠦᠬᠡᠨ ᠲᠡᠳᠦᠢ ᠶ᠋ᠢ ᠳᠠᠪᠤᠰᠤ ᠲᠠᠢ ᠬᠣᠯᠢᠵᠤ ᠬᠤᠳᠬᠤᠭᠠᠳ ᠵᠢᠭᠠᠰᠤ ᠶ᠋ᠢᠨ ᠬᠠᠮᠲᠤ ᠲᠤᠩᠭᠠᠯᠠᠭ ᠱᠥᠯᠦᠨ ᠳ᠋ᠦ᠍ᠷ ᠲᠠᠯᠪᠢᠵᠤ ᠪᠤᠴᠠᠯᠭᠠᠨ᠂ ᠡᠭᠦᠨ ᠦ᠌ ᠳᠠᠷᠠᠭᠠ ᠪᠠᠷ ᠫᠣᠸᠠᠷᠢ ᠶ᠋ᠢᠨ ᠲᠠᠯᠬᠠ ᠲᠠᠪᠤᠨ ᠴᠢᠨ᠂ ᠨᠣᠢᠲᠠᠨ ᠭᠠ ᠶ᠋ᠢᠨ ᠲᠠᠯᠬᠠ ᠭᠤᠷᠪᠠᠨ ᠴᠢᠨ᠂ ᠪᠢᠪᠢᠯᠢᠩ ᠦ᠋ᠨ ᠲᠠᠯᠬᠠ ᠭᠤᠷᠪᠠᠨ ᠴᠢᠨ ᠬᠢᠭᠡᠳ ᠳᠠᠪᠤᠰᠤ ᠼᠤᠤ ᠨᠡᠮᠡᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠴᠢᠨᠣᠠ ᠶ᠋ᠢᠨ ᠮᠢᠬᠠᠨ ᠱᠥᠯᠥ
ᠲᠠᠢᠯᠪᠤᠷᠢᠯᠠᠨ ᠥᠭᠦᠯᠡᠬᠦᠢ ᠢᠨᠤ ᠡᠷᠲᠡᠨ ᠦ᠌ ᠨᠣᠮ ᠳᠡᠪᠲᠡᠷ ᠲᠣᠷ ᠴᠢᠨᠣᠠ ᠶ᠋ᠢᠨ ᠮᠢᠬᠠ ᠶ᠋ᠢ ᠲᠡᠮᠳᠡᠭᠯᠡᠭᠰᠡᠨ ᠦᠭᠡᠢ᠃ ᠡᠳᠦᠭᠡ ᠪᠣᠯᠪᠠᠰᠤ ᠴᠢᠨᠣᠠ ᠶ᠋ᠢᠨ ᠮᠢᠬᠠ ᠶ᠋ᠢ ᠬᠠᠯᠠᠭᠤᠨ ᠴᠢᠨᠠᠷ ᠲᠠᠢ ᠪᠥᠭᠡᠳ ᠬᠦᠴᠦᠨ ᠲᠠᠮᠢᠷ ᠰᠤᠯᠠ ᠳᠣᠷᠣᠢ ᠶ᠋ᠢ ᠰᠡᠯᠪᠢᠵᠦ ᠡᠮᠨᠡᠮᠦᠢ ᠬᠡᠮᠡᠮᠦᠢ᠃ ᠪᠣᠳᠠᠲᠠᠢ ᠢᠳᠡᠭᠰᠡᠳ ᠡᠴᠡ ᠬᠣᠣᠷᠠᠲᠠᠢ ᠭᠡᠮᠡᠨ ᠶᠡᠷᠦ ᠡᠰᠡ ᠰᠣᠨᠣᠰᠤᠭᠰᠠᠨ ᠪᠥᠯᠥᠭᠡ᠂ ᠡᠳᠦᠭᠡ ᠪᠠᠭᠰᠤᠷᠭᠠ ᠯᠤᠭᠠ ᠨᠠᠢᠷᠠᠭᠤᠯᠵᠤ ᠠᠮᠲᠠ ᠣᠷᠣᠭᠤᠯᠤᠭᠰᠠᠨ ᠤᠴᠢᠷ ᠠ᠋ᠴᠠ ᠴᠤᠯᠤ ᠰᠠᠪᠠ ᠶ᠋ᠢ ᠪᠦᠯᠢᠶᠡᠰᠬᠡᠨ ᠰᠠᠢᠵᠢᠷᠠᠭᠤᠯᠬᠤ ᠴᠢᠳᠠᠯ ᠲᠠᠢ ᠪᠣᠯᠤᠭᠰᠠᠨ ᠠᠵᠤᠭᠤ᠃
ᠴᠢᠨᠣᠠ ᠶ᠋ᠢᠨ ᠮᠢᠬᠠ ᠨᠢᠭᠡᠨ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ᠂ ᠭᠠᠭᠤᠯᠠ ᠭᠤᠷᠪᠠᠨ ᠪᠦᠬᠦᠯᠢ᠂ ᠫᠣᠸᠠᠷᠢ ᠲᠠᠪᠤᠨ ᠴᠢᠨ᠂ ᠰᠢᠩᠭᠦᠨ ᠨᠢᠭᠡᠨ ᠴᠢᠨ᠂ ᠪᠢᠪᠢᠯᠢᠩ ᠬᠣᠶᠠᠷ ᠴᠢᠨ᠂ ᠬᠣᠯᠢᠮᠪᠠ ᠬᠣᠶᠠᠷ ᠴᠢᠨ᠂ ᠶᠦᠩᠸᠠ ᠬᠣᠶᠠᠷ ᠴᠢᠨ᠂ ᠭᠦᠷᠭᠦᠮ ᠨᠢᠭᠡᠨ ᠴᠢᠨ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤ᠌ ᠨᠢ ᠪᠤᠴᠠᠯᠭᠠᠭᠠᠳ ᠱᠥᠯᠦᠨ ᠳᠣᠲᠣᠷᠠ ᠠᠨᠤ ᠰᠣᠩᠭᠢᠨᠠ᠂ ᠵᠢᠶᠠᠩ᠂ ᠳᠠᠪᠤᠰᠤ᠂ ᠼᠤᠤ ᠬᠢᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠬᠤᠷᠤᠳ ᠮᠢᠬᠠ ᠶ᠋ᠢᠨ ᠵᠠᠭᠤᠰᠢ
ᠡᠨᠡ ᠢᠨᠤ ᠲᠠᠪᠤᠨ ᠴᠤᠯᠤ ᠶ᠋ᠢ ᠰᠡᠯᠪᠢᠨ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠮᠢᠬᠠ ᠨᠢᠭᠡ ᠮᠥᠴᠢ ᠬᠢᠭᠡᠳ ᠬᠣᠨᠢᠨ ᠰᠡᠭᠦᠯ ᠬᠣᠶᠠᠷ ᠢ᠋ ᠪᠣᠯᠭᠣᠭᠠᠳ ᠨᠠᠷᠢᠨ ᠬᠡᠷᠴᠢᠮᠦᠢ᠃ ᠯᠢᠩᠬᠤᠠ ᠶ᠋ᠢᠨ ᠦᠨᠳᠦᠰᠦ ᠬᠣᠶᠠᠷ ᠰᠠᠯᠭᠠ᠂ ᠵᠡᠭᠡᠰᠦ ᠶ᠋ᠢᠨ ᠰᠦᠶᠡ ᠬᠣᠶᠠᠷ ᠵᠢᠩ᠂ ᠥᠷᠭᠡᠰᠦᠲᠦ ᠬᠡᠮᠬᠡ ᠲᠠᠪᠤ᠂ ᠨᠣᠢᠲᠠᠨ ᠭᠠ ᠬᠠᠭᠠᠰ ᠵᠢᠩ᠂ ᠬᠤᠷᠤᠳ ᠬᠣᠶᠠᠷ ᠪᠦᠬᠦᠯᠢ᠂ ᠠᠷᠢᠬᠢᠨ ᠤ᠋ ᠪᠠᠵᠠᠮᠠᠭ ᠲᠤᠷ ᠳᠠᠷᠤᠭᠰᠠᠨ ᠭᠠ ᠳᠥᠷᠪᠡᠨ ᠯᠠᠩ᠂ ᠳᠠᠪᠤᠰᠤᠯᠠᠭᠰᠠᠨ ᠬᠡᠮᠬᠡ ᠬᠠᠭᠠᠰ ᠵᠢᠩ᠂ ᠲᠠᠬᠢᠶᠠᠨ ᠥᠨᠳᠡᠭᠡ ᠠᠷᠪᠠ ᠪᠠᠷ ᠬᠤᠢᠮᠠᠭ ᠬᠠᠭᠠᠷᠢᠨ᠂ ᠮᠥᠭᠥ ᠨᠢᠭᠡᠨ ᠵᠢᠩ᠂ ᠮᠠᠨᠵᠢᠨ ᠪᠠ ᠭᠣᠭᠣᠳ ᠢ᠋ ᠨᠠᠷᠢᠨ ᠬᠡᠷᠴᠢᠮᠦᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠰᠠᠢᠨ ᠮᠢᠬᠠ ᠶ᠋ᠢᠨ ᠱᠥᠯᠦᠨ ᠳ᠋ᠦ᠍ᠷ ᠨᠠᠢᠷᠠᠭᠤᠯᠤᠭᠠᠳ ᠮᠠᠭᠠᠯᠢᠩᠭᠤ ᠶ᠋ᠢᠨ ᠨᠦᠳᠦᠮᠡᠯ ᠬᠣᠭᠣᠷᠮᠠᠭ ᠬᠣᠶᠠᠷ ᠵᠢᠩ᠂ ᠭᠠ ᠶ᠋ᠢᠨ ᠲᠠᠯᠬᠠ ᠬᠠᠭᠠᠰ ᠵᠢᠩ ᠢ᠋ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ᠂ ᠳᠠᠪᠤᠰᠤ ᠼᠤᠤ ᠶ᠋ᠢᠨ ᠬᠠᠮᠲᠤ ᠨᠠᠢᠷᠠᠭᠤᠯᠤᠭᠠᠳ ᠮᠣᠩᠭᠣᠯ ᠪᠦᠷᠬᠦᠰᠦ ᠪᠣᠭᠣᠷᠰᠣᠭ ᠲᠠᠢ ᠢᠳᠡᠮᠦᠢ᠃
ᠬᠠᠪᠤᠷ ᠤ᠋ᠨ ᠣᠷᠢᠶᠠᠯᠲᠠ ᠱᠧᠰᠧ
ᠡᠨᠡ ᠢᠨᠦ ᠰᠠᠪᠠ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠴᠠᠭᠠᠨ ᠭᠤᠯᠢᠷ ᠵᠢᠷᠭᠤᠭᠠᠨ ᠵᠢᠩ ᠢ᠋ᠶ᠋ᠡᠷ ᠨᠠᠷᠢᠨ ᠱᠧᠰᠧ (ᠮᠢᠶᠠᠨᠲ᠋ᠢᠶᠣᠣᠷ) ᠬᠢᠵᠦ ᠬᠡᠷᠴᠢᠨ᠂ ᠬᠣᠨᠢᠨ ᠮᠢᠬᠠ ᠬᠣᠶᠠᠷ ᠮᠥᠴᠢ ᠶ᠋ᠢ ᠴᠢᠨᠠᠵᠤ ᠪᠣᠯᠭᠣᠭᠠᠳ ᠨᠠᠷᠢᠨ ᠬᠡᠷᠴᠢᠨᠡ᠃ ᠬᠣᠨᠢ ᠶ᠋ᠢᠨ ᠭᠦᠵᠡᠭᠡ᠂ ᠠᠭᠤᠰᠬᠢ ᠨᠢᠵᠢᠭᠡᠳ ᠢ᠋ ᠴᠢᠨᠠᠵᠤ ᠪᠣᠯᠭᠣᠭᠠᠳ ᠬᠡᠷᠴᠢᠵᠦ᠂ ᠲᠠᠬᠢᠶᠠᠨ ᠥᠨᠳᠡᠭᠡ ᠲᠠᠪᠤ ᠪᠠᠷ ᠬᠤᠢᠮᠠᠭ ᠬᠠᠭᠠᠷᠢᠭᠠᠳ ᠵᠢᠵᠢᠭ ᠬᠡᠰᠡᠭᠯᠡᠨᠡ᠃ ᠨᠣᠢᠲᠠᠨ ᠭᠠ ᠳᠥᠷᠪᠡᠨ ᠯᠠᠩ ᠢ᠋ ᠬᠡᠷᠴᠢᠨ᠂ ᠭᠣᠭᠣᠳ ᠤ᠋ᠨ ᠰᠣᠶᠣᠭᠠ ᠬᠠᠭᠠᠰ ᠵᠢᠩ᠂ ᠮᠥᠭᠥ᠂ ᠳᠥᠷᠪᠡᠨ ᠯᠠᠩ᠂ ᠰᠢᠯᠢᠮᠳᠡᠭ ᠨᠣᠭᠣᠭᠠ᠂ ᠰᠢᠯᠮᠢ ᠨᠣᠭᠣᠭᠠ᠂ ᠡᠩᠭᠡᠰᠬᠡ ᠨᠦ᠍ᠭᠦᠳ ᠢ᠋ ᠲᠤᠩᠭᠠᠯᠠᠭ ᠰᠥᠮᠥᠰᠦᠨ ᠳ᠋ᠦ᠍ᠷ ᠪᠤᠴᠠᠯᠭᠠᠵᠤ᠂ ᠵᠢᠴᠢ ᠨᠠᠯᠢᠱᠠᠮ ᠨᠢᠭᠡᠨ ᠯᠠᠩ᠂ ᠳᠠᠪᠤᠰᠤ ᠼᠤᠤ ᠶ᠋ᠢ ᠨᠡᠮᠡᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠱᠥᠯᠥ ᠶ᠋ᠢᠨ ᠱᠧᠰᠧ
ᠰᠠᠪᠠ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠴᠠᠭᠠᠨ ᠭᠤᠯᠢᠷ ᠵᠢᠷᠭᠤᠭᠠᠨ ᠵᠢᠩ ᠢ᠋ᠶ᠋ᠡᠷ ᠨᠠᠷᠢᠨ ᠬᠡᠷᠴᠢᠮᠡᠯ ᠱᠧᠰᠧ ᠬᠢᠵᠦ᠂ ᠬᠣᠨᠢᠨ ᠲᠣᠯᠣᠭᠠᠢ ᠬᠣᠶᠠᠷ ᠪᠦᠬᠦᠯᠢ ᠶ᠋ᠢ ᠵᠤᠯᠭᠠᠭᠠᠵᠤ᠂ ᠤᠬᠢᠶᠠᠵᠤ ᠴᠡᠪᠡᠷᠯᠡᠨ᠂ ᠴᠢᠨᠠᠵᠤ ᠪᠣᠯᠭᠣᠭᠠᠳ ᠬᠡᠰᠡᠭᠯᠡᠨ ᠬᠡᠷᠴᠢᠮᠦᠢ᠃ ᠬᠣᠨᠢᠨ ᠲᠣᠯᠣᠭᠠᠢ ᠶ᠋ᠢᠨ ᠮᠢᠬᠠ ᠪᠠᠨ ᠼᠣᠢᠮᠠᠷ ᠤ᠋ᠨ ᠲᠠᠯᠬᠠ ᠭᠤᠷᠪᠠᠨ ᠴᠢᠨ ᠢ᠋ᠶ᠋ᠡᠷ ᠬᠤᠳᠬᠤᠵᠤ ᠪᠣᠳᠣᠭ ᠣᠷᠣᠭᠤᠯᠤᠭᠠᠳ ᠵᠥᠭᠡᠯᠡᠷᠡᠲᠡᠯᠡ ᠴᠢᠨᠠᠵᠤ᠂ ᠱᠧᠰᠧ ᠶ᠋ᠢᠨ ᠬᠠᠮᠲᠤ ᠲᠤᠩᠭᠠᠯᠠᠭ ᠰᠥᠮᠥᠰᠦᠨ ᠳ᠋ᠦ᠍ᠷ ᠪᠤᠴᠠᠯᠭᠠᠨ᠂ ᠨᠠᠯᠢᠱᠠᠮ ᠨᠢᠭᠡᠨ ᠯᠠᠩ᠂ ᠳᠠᠪᠤᠰᠤ ᠼᠤᠤ ᠬᠢᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠨᠠᠩᠭᠢ ᠴᠠᠭᠠᠨ ᠤ᠋ ᠰᠢᠭᠡᠰᠦ ᠱᠧᠰᠧ
ᠮᠠᠬᠠᠪᠣᠳ ᠳᠣᠷᠣᠢ ᠶ᠋ᠢ ᠰᠡᠯᠪᠢᠨ ᠬᠦᠴᠦᠵᠢᠭᠦᠯᠵᠦ ᠲᠠᠮᠢᠷ ᠬᠦᠴᠦᠨ ᠢ᠋ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠴᠠᠭᠠᠨ ᠭᠤᠯᠢᠷ ᠵᠢᠷᠭᠤᠭᠠᠨ ᠵᠢᠩ᠂ ᠲᠠᠬᠢᠶᠠᠨ ᠥᠨᠳᠡᠭᠡ ᠠᠷᠪᠠ ᠶ᠋ᠢᠨ ᠴᠠᠭᠠᠨ ᠢ᠋ ᠠᠪᠴᠤ ᠬᠡᠷᠡᠭᠯᠡᠮᠦᠢ᠃ ᠨᠣᠢᠲᠠᠨ ᠭᠠ ᠶ᠋ᠢᠨ ᠰᠢᠭᠦᠰᠦ ᠬᠣᠶᠠᠷ ᠭᠧ᠂ ᠪᠤᠷᠴᠠᠭ ᠤ᠋ᠨ ᠭᠤᠯᠢᠷ ᠳᠥᠷᠪᠡᠨ ᠯᠠᠩ᠃ ᠨᠠᠩᠭᠢ ᠴᠠᠭᠠᠨ ᠭᠤᠷᠪᠠᠨ ᠵᠢᠩ ᠢ᠋ ᠴᠢᠨᠠᠵᠤ ᠪᠣᠯᠭᠣᠨ ᠨᠦᠳᠦᠵᠦ ᠨᠢᠯᠴᠠᠯᠵᠤ ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠯᠦ᠍ᠭᠡ ᠬᠣᠯᠢᠵᠤ ᠨᠤᠬᠤᠮᠤᠢ᠃ ᠬᠣᠨᠢᠨ ᠮᠢᠬᠠ ᠬᠣᠶᠠᠷ ᠮᠥᠴᠢ ᠶ᠋ᠢ ᠵᠢᠵᠢᠭ ᠰᠢᠭ ᠬᠡᠰᠡᠭᠯᠡᠨ ᠬᠡᠷᠴᠢᠭᠡᠳ ᠥᠨᠥᠬᠢ ᠭᠤᠯᠢᠷ ᠢ᠋ᠶ᠋ᠠᠷ ᠬᠢᠭᠰᠡᠨ ᠱᠧᠰᠧ ᠶ᠋ᠢᠨ ᠬᠠᠮᠲᠤ ᠰᠠᠢᠨ ᠮᠢᠬᠠᠨ ᠱᠥᠯᠥ ᠳ᠋ᠦ᠍ᠷ ᠪᠤᠴᠠᠯᠭᠠᠨ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ ᠪᠠ ᠳᠠᠪᠤᠰᠤ ᠼᠤᠤ ᠨᠡᠮᠡᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠡᠯᠭᠦᠮᠡᠯ ᠱᠧᠰᠧ (ᠭᠤᠸᠠᠮᠢᠶᠠᠨ)
ᠰᠠᠪᠠ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠮᠢᠬᠠ ᠨᠢᠭᠡᠨ ᠮᠥᠴᠢ ᠶ᠋ᠢ ᠨᠠᠷᠢᠨ ᠬᠡᠷᠴᠢᠨ᠂ ᠡᠯᠭᠦᠮᠡᠯ ᠱᠧᠰᠧ ᠵᠢᠷᠭᠤᠭᠠᠨ ᠵᠢᠩ᠂ ᠮᠥᠭᠥ ᠬᠠᠭᠠᠰ ᠵᠢᠩ ᠢ᠋ ᠴᠡᠪᠡᠷᠯᠡᠨ ᠤᠬᠢᠶᠠᠵᠤ ᠬᠡᠷᠴᠢᠨ᠂ ᠲᠠᠬᠢᠶᠠᠨ ᠥᠨᠳᠡᠭᠡ ᠲᠠᠪᠤ ᠪᠠᠷ ᠬᠤᠢᠮᠠᠭ ᠬᠠᠭᠠᠷᠢᠵᠤ᠂ ᠠᠷᠢᠬᠢᠨ ᠪᠠᠵᠠᠮᠠᠭ ᠲᠤᠷ ᠳᠠᠷᠤᠭᠰᠠᠨ ᠭᠠ ᠨᠢᠭᠡ ᠯᠠᠩ ᠢ᠋ ᠬᠡᠷᠴᠢᠨ᠂ ᠳᠠᠪᠤᠰᠤᠯᠠᠭᠰᠠᠨ ᠬᠡᠮᠬᠡ ᠨᠢᠭᠡ ᠯᠠᠩ ᠢ᠋ ᠬᠡᠷᠴᠢᠮᠦᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠮᠢᠬᠠᠨ ᠤ᠋ ᠲᠤᠩᠭᠠᠯᠠᠭ ᠰᠥᠮᠥᠰᠦᠨ ᠳ᠋ᠦ᠍ᠷ ᠴᠢᠨᠠᠭᠠᠳ᠂ ᠨᠠᠯᠢᠱᠠᠮ ᠨᠢᠭᠡᠨ ᠯᠠᠩ᠂ ᠳᠠᠪᠤᠰᠤ᠂ ᠼᠤᠤ ᠬᠢᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠥᠷᠭᠡᠨ ᠰᠢᠷᠬᠡᠭᠲᠦ ᠱᠧᠰᠧ
ᠰᠠᠪᠠ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠮᠢᠬᠠ ᠨᠢᠭᠡ ᠮᠥᠴᠢ ᠶ᠋ᠢ ᠨᠠᠷᠢᠨ ᠬᠡᠷᠴᠢᠭᠡᠳ ᠰᠢᠷᠠᠯᠠᠲᠠᠯᠠ ᠬᠠᠭᠤᠷᠴᠤ᠂ ᠮᠥᠭᠥ ᠬᠠᠭᠠᠰ ᠵᠢᠩ ᠢ᠋ ᠴᠡᠪᠡᠷᠯᠡᠨ ᠤᠬᠢᠶᠠᠭᠠᠳ ᠬᠡᠷᠴᠢᠮᠦᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠲᠤᠩᠭᠠᠯᠠᠭ ᠰᠥᠮᠥᠰᠦᠨ ᠳ᠋ᠦ᠍ᠷ ᠬᠢᠵᠦ ᠴᠢᠨᠠᠵᠤ᠂ ᠨᠠᠯᠢᠱᠠᠮ ᠨᠢᠭᠡᠨ ᠯᠠᠩ ᠪᠠ ᠳᠠᠪᠤᠰᠤ ᠼᠤᠤ ᠨᠡᠮᠡᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠠᠷᠠᠰᠤᠨ ᠤ᠋ ᠱᠧᠰᠧ
ᠰᠠᠪᠠ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠠᠷᠠᠰᠤ ᠬᠣᠶᠠᠷ ᠪᠦᠬᠦᠯᠢ ᠶ᠋ᠢ ᠦᠰᠦ ᠨᠣᠣᠰᠣ ᠶ᠋ᠢ ᠠᠨᠤ ᠰᠠᠢᠲᠤᠷ ᠵᠤᠯᠭᠠᠭᠠᠨ ᠴᠡᠪᠡᠷᠯᠡᠨ ᠤᠬᠢᠶᠠᠭᠠᠳ ᠵᠥᠭᠡᠯᠡᠷᠡᠲᠡᠯᠡ ᠴᠢᠨᠠᠵᠤ ᠪᠤᠯᠭᠤᠨ ᠨᠠᠷᠢᠨ ᠬᠡᠷᠴᠢᠵᠦ ᠂ᠬᠣᠨᠢᠨ ᠬᠡᠯᠡ ᠬᠣᠶᠠᠷ ᠢ᠋ ᠮᠥᠨ ᠴᠢᠨᠠᠵᠤ ᠪᠤᠯᠭᠤᠨ᠂ ᠬᠣᠨᠢᠨ ᠪᠥᠭᠡᠷᠡ ᠳᠥᠷᠪᠡ ᠶ᠋ᠢ ᠪᠣᠯᠭᠣᠭᠠᠳ ᠲᠤᠱᠠᠮᠠ ᠶ᠋ᠢᠨ ᠬᠢᠷᠢ ᠲᠡᠢ ᠬᠡᠷᠴᠢᠨ᠂ ᠮᠥᠭᠥ ᠨᠢᠭᠡ ᠵᠢᠩ ᠢ᠋ ᠴᠡᠪᠡᠷᠯᠡᠨ ᠤᠬᠢᠶᠠᠨ᠂ ᠠᠷᠢᠬᠢᠨ ᠪᠠᠵᠠᠮᠠᠭ ᠲᠤᠷ ᠳᠠᠷᠤᠭᠰᠠᠨ ᠭᠠ ᠳᠥᠷᠪᠡᠨ ᠯᠠᠩ ᠢ᠋ ᠮᠥᠨ ᠲᠤᠱᠠᠮᠠ ᠶ᠋ᠢᠨ ᠬᠢᠷᠢ ᠲᠡᠢ ᠬᠡᠷᠴᠢᠮᠦᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠰᠠᠢᠨ ᠮᠢᠬᠠᠨ ᠤ᠋ ᠥᠳᠬᠡᠨ ᠱᠥᠯᠥ ᠪᠤᠶᠤ ᠡᠰᠡᠬᠦᠯᠡ ᠲᠤᠩᠭᠠᠯᠠᠭ ᠰᠥᠮᠥᠰᠦᠨ ᠳ᠋ᠦ᠍ᠷ ᠬᠢᠵᠦ ᠪᠤᠴᠠᠯᠭᠠᠨ ᠂ ᠨᠠᠯᠢᠱᠠᠮ ᠨᠢᠭᠡᠨ ᠯᠠᠩ ᠪᠠ ᠳᠠᠪᠤᠰᠤ ᠼᠤᠤ ᠬᠢᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠲᠠᠲᠠᠮᠠᠯ ᠱᠧᠰᠧ
ᠰᠠᠪᠠ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠴᠠᠭᠠᠨ ᠭᠤᠯᠢᠷ ᠵᠢᠷᠭᠤᠭᠠᠨ ᠵᠢᠩ ᠢ᠋ᠶ᠋ᠡᠷ ᠭᠠᠷ ᠲᠠᠲᠠᠮᠠᠯ ᠱᠧᠰᠧ ᠬᠢᠵᠦ᠂ ᠬᠣᠨᠢᠨ ᠮᠢᠬᠠ ᠨᠢᠭᠡᠨ ᠮᠥᠴᠢ ᠶ᠋ᠢ ᠨᠠᠷᠢᠨ ᠬᠡᠷᠴᠢᠭᠡᠳ ᠰᠢᠷᠠᠯᠠᠲᠠᠯᠠ ᠬᠠᠭᠤᠷᠤᠨᠠ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠰᠠᠢᠨ ᠮᠢᠬᠠᠨ ᠤ᠋ ᠱᠥᠯᠦᠨ ᠳ᠋ᠦ᠍ᠷ ᠪᠤᠴᠠᠯᠭᠠᠨ᠂ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ ᠬᠢᠵᠦ ᠲᠡᠭᠰᠢᠬᠡᠨ ᠬᠤᠳᠬᠤᠭᠠᠳ᠂ ᠰᠠᠷᠢᠮᠰᠠᠭ᠂ ᠲᠠᠷᠠᠭ᠂ ᠦᠰᠦ᠋ ᠶ᠋ᠢᠨ ᠲᠠᠯᠬᠠ ᠬᠢᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠵᠤᠭᠠ ᠪᠣᠭᠣᠷᠰᠣᠭ
ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠨ ᠰᠠᠪᠠ ᠶ᠋ᠢ ᠰᠡᠯᠪᠢᠮᠦᠢ᠃
ᠴᠠᠭᠠᠨ ᠭᠤᠯᠢᠷ ᠵᠢᠷᠭᠤᠭᠠᠨ ᠵᠢᠩ ᠢ᠋ᠶ᠋ᠡᠷ ᠵᠤᠭᠠ ᠪᠣᠭᠣᠷᠰᠣᠭ ᠬᠢᠵᠦ᠂ ᠬᠣᠨᠢᠨ ᠮᠢᠬᠠ ᠬᠣᠶᠠᠷ ᠮᠥᠴᠢ ᠶ᠋ᠢ ᠨᠠᠷᠢᠨ ᠬᠡᠷᠴᠢᠵᠦ ᠰᠢᠷᠠᠯᠠᠲᠠᠯᠠ ᠬᠠᠭᠤᠷᠤᠨᠠ᠃ ᠲᠠᠬᠢᠶᠠ ᠨᠢᠭᠡ ᠶ᠋ᠢ ᠪᠣᠯᠭᠣᠭᠠᠳ ᠨᠠᠷᠢᠨ ᠬᠡᠷᠴᠢᠵᠦ᠂ ᠮᠥᠭᠥ ᠬᠠᠭᠠᠰ ᠵᠢᠩ ᠢ᠋ ᠴᠡᠪᠡᠷᠯᠡᠨ ᠤᠬᠢᠶᠠᠭᠠᠳ ᠬᠡᠷᠴᠢᠮᠦᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠲᠤᠩᠭᠠᠯᠠᠭ ᠰᠥᠮᠥᠰᠦᠨ ᠳ᠋ᠦ᠍ᠷ ᠪᠤᠴᠠᠯᠭᠠᠨ᠂ ᠵᠢᠴᠢ ᠨᠠᠯᠢᠱᠠᠮ ᠨᠢᠭᠡᠨ ᠯᠠᠩ ᠪᠠ ᠳᠠᠪᠤᠰᠤ ᠼᠤᠤ ᠬᠢᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠵᠣᠭᠣᠰ ᠤ᠋ᠨ ᠪᠣᠭᠣᠷᠰᠣᠭ
ᠰᠠᠪᠠ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠮᠢᠬᠠ ᠬᠣᠶᠠᠷ ᠮᠥᠴᠢ ᠶ᠋ᠢ ᠴᠢᠨᠠᠵᠤ ᠪᠣᠯᠭᠣᠭᠠᠳ ᠨᠠᠷᠢᠨ ᠬᠡᠷᠴᠢᠨ᠂ ᠴᠠᠭᠠᠨ ᠭᠤᠯᠢᠷ ᠵᠢᠷᠭᠤᠭᠠᠨ ᠵᠢᠩ ᠢ᠋ᠶ᠋ᠡᠷ ᠵᠣᠭᠣᠰ ᠤ᠋ᠨ ᠨᠦᠬᠡ ᠲᠡᠢ ᠵᠢᠵᠢᠭ ᠪᠣᠭᠣᠷᠰᠣᠭ ᠪᠣᠯᠭᠠᠨ ᠬᠡᠷᠴᠢᠵᠦ᠂ ᠲᠠᠬᠢᠶᠠᠨ ᠥᠨᠳᠡᠭᠡ ᠠᠷᠪᠠ᠂ ᠨᠠᠩᠭᠢ ᠴᠠᠭᠠᠨ ᠨᠢᠭᠡ ᠵᠢᠩ᠂ ᠠᠷᠢᠬᠢᠨ ᠤ᠋ ᠪᠠᠵᠠᠮᠠᠭ ᠲᠤᠷ ᠳᠠᠷᠤᠭᠰᠠᠨ ᠭᠠ ᠳᠥᠷᠪᠡᠨ ᠯᠠᠩ᠂ ᠰᠢᠷᠠ ᠯᠤᠤᠪᠠᠩ ᠲᠠᠪᠤ᠂ ᠳᠠᠪᠤᠰᠤᠯᠠᠭᠰᠠᠨ ᠬᠡᠮᠬᠡ ᠬᠣᠶᠠᠷ ᠯᠠᠩ ᠢ᠋ ᠲᠣᠰᠪᠣᠷᠢ ᠨᠠᠷᠢᠨ ᠬᠡᠷᠴᠢᠮᠦᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠲᠤᠩᠭᠠᠯᠠᠭ ᠰᠥᠮᠥᠰᠦᠨ ᠳ᠋ᠦ᠍ᠷ ᠬᠢᠵᠦ ᠴᠢᠨᠠᠵᠤ᠂ ᠨᠠᠯᠢᠱᠠᠮ ᠨᠢᠭᠡᠨ ᠯᠠᠩ ᠪᠠ ᠳᠠᠪᠤᠰᠤ ᠼᠤᠤ ᠨᠡᠮᠡᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠭᠤᠷᠪᠠᠨ ᠵᠦᠢᠯ ᠦ᠋ᠨ ᠪᠥᠮᠪᠥᠭᠡᠯᠢᠭ (ᠨᠢᠭᠡ ᠨᠢ ᠪᠣᠯ ᠮᠢᠬᠠᠨ ᠪᠥᠮᠪᠥᠭᠡᠯᠢᠭ᠂ ᠨᠥᠭᠦᠭᠡ ᠬᠣᠶᠠᠷ ᠲᠥᠷᠥᠯ ᠨᠢ ᠪᠣᠯᠪᠠᠯ ᠂ ᠪᠤᠷᠴᠠᠭ ᠤ᠋ᠨ ᠨᠠᠷᠢᠨ ᠲᠠᠯᠬᠠ ᠶ᠋ᠢᠨ ᠪᠠ ᠲᠠᠬᠢᠶᠠᠨ ᠥᠨᠳᠡᠭᠡ ᠪᠡᠷ ᠬᠢᠭᠰᠡᠨ ᠪᠥᠮᠪᠥᠭᠡᠯᠢᠭ ᠪᠤᠶᠤ)
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠲᠤᠩᠭᠠᠯᠠᠭ ᠰᠥᠮᠥᠰᠦᠨ ᠳ᠋ᠦ᠍ᠷ ᠪᠤᠴᠠᠯᠭᠠᠨ᠂ ᠨᠠᠯᠢᠱᠠᠮ ᠬᠣᠶᠠᠷ ᠯᠠᠩ ᠪᠠ ᠳᠠᠪᠤᠰᠤ ᠼᠤᠤ ᠨᠡᠮᠡᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠭᠠᠷ ᠪᠥᠮᠪᠥᠷᠢᠭᠦᠯᠭᠡ ᠱᠧᠰᠧ (ᠡᠨᠡ ᠪᠣᠯᠪᠠᠰᠤ ᠭᠠᠷ ᠢ᠋ᠶ᠋ᠠᠷ ᠬᠦᠪᠦᠷᠯᠡᠬᠦ ᠱᠧᠰᠧ ᠮᠥᠨ᠃ ᠰᠢᠯᠦᠬᠡᠢ ᠲᠤᠲᠤᠷᠭᠠ ᠶ᠋ᠢᠨ ᠭᠤᠯᠢᠷ ᠢ᠋ᠶ᠋ᠠᠷ ᠪᠤᠶᠤ ᠭᠠᠷᠠᠨᠼᠠ ᠶ᠋ᠢᠨ ᠭᠤᠯᠢᠷ ᠢ᠋ᠶ᠋ᠠᠷ ᠬᠢᠵᠦ ᠴᠥᠮ ᠪᠣᠯᠤᠮᠤᠢ ᠭᠡᠮᠡᠨ ᠤᠭ ᠨᠣᠮ ᠳ᠋ᠤᠷ ᠲᠠᠢᠯᠪᠤᠷᠢᠯᠠᠪᠠ᠃)
ᠡᠨᠡ ᠢᠨᠦ ᠰᠠᠪᠠ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠴᠠᠭᠠᠨ ᠭᠤᠯᠢᠷ ᠵᠢᠷᠭᠤᠭᠠᠨ ᠵᠢᠩ ᠢ᠋ᠶ᠋ᠡᠷ ᠭᠠᠷ ᠬᠦᠪᠦᠷᠯᠡᠯ ᠱᠧᠰᠧ ᠬᠢᠵᠦ᠂ ᠬᠣᠨᠢᠨ ᠮᠢᠬᠠ ᠬᠣᠶᠠᠷ ᠮᠥᠴᠢ ᠶ᠋ᠢ ᠴᠢᠨᠠᠵᠤ ᠪᠣᠯᠭᠣᠭᠠᠳ ᠨᠠᠷᠢᠨ ᠬᠡᠷᠴᠢᠮᠦᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠰᠠᠢᠨ ᠮᠢᠬᠠᠨ ᠱᠥᠯᠦᠨ ᠳ᠋ᠦ᠍ ᠪᠤᠴᠠᠯᠭᠠᠭᠠᠳ᠂ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ ᠪᠠ ᠳᠠᠪᠤᠰᠤ ᠼᠤᠤ ᠨᠡᠮᠡᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠭᠠᠸᠠ