ᠵᠠᠭᠠᠨ ᠣᠭᠣᠲᠣᠨᠠ ᠬᠣᠶᠠᠷ- ᠠᠮᠢᠲᠠᠨ ᠠᠷᠢᠶᠠᠲᠠᠨ ᠤ᠋ ᠦᠯᠢᠭᠡᠷЗаан оготно хоёр-Амьтан араатны үлгэр
609ᠵᠠᠭᠠᠨ ᠣᠭᠣᠲᠣᠨᠠ ᠬᠣᠶᠠᠷ
ᠠᠮᠢᠲᠠᠨ ᠠᠷᠢᠶᠠᠲᠠᠨ ᠤ᠋ ᠦᠯᠢᠭᠡᠷ
ᠤᠷᠢᠳᠤ ᠨᠢᠭᠡ ᠵᠠᠭᠠᠨ᠂ ᠨᠢᠭᠡ ᠣᠭᠣᠲᠣᠨᠠ ᠬᠣᠶᠠᠷ ᠪᠢᠴᠢᠬᠠᠨ ᠭᠣᠣᠯ ᠤ᠋ᠨ ᠡᠷᠭᠢ ᠳᠡᠭᠡᠷᠡ ᠬᠥᠷᠰᠢᠯᠡᠵᠦ ᠰᠠᠭᠤᠳᠠᠭ ᠪᠠᠢᠵᠠᠢ᠃ ᠵᠠᠭᠠᠨ ᠡᠳᠦᠷ ᠪᠦᠷᠢ ᠭᠣᠣᠯ ᠠ᠋ᠴᠠ ᠤᠰᠤ ᠤᠤᠭᠤᠵᠤ ᠬᠠᠨᠤᠭᠠᠳ ᠬᠠᠷᠢᠬᠤ ᠳ᠋ᠠᠭᠠᠨ ᠣᠭᠣᠲᠣᠨᠠ ᠶ᠋ᠢᠨ ᠨᠦᠬᠡ ᠶ᠋ᠢ ᠤᠰᠤ ᠪᠠᠷ ᠰᠦᠷᠴᠢᠵᠦ᠂ ᠤᠰᠤᠨ ᠳ᠋ᠤ᠌ ᠠᠪᠲᠠᠭᠤᠯᠳᠠᠭ ᠭᠡᠨᠡ᠃ ᠢᠩᠭᠢᠭᠡᠳ ᠣᠭᠣᠲᠣᠨᠠ ᠠᠷᠭᠠ ᠦᠭᠡᠢ ᠪᠣᠯᠬᠤ ᠳ᠋ᠠᠭᠠᠨ᠄《ᠥᠴᠦᠬᠡᠨ ᠮᠢᠨᠦ ᠣᠷᠣᠨ ᠪᠠᠢᠷᠢ ᠶ᠋ᠢ ᠪᠤᠤ ᠰᠦᠢᠳᠬᠡᠭᠴᠢ!》 ᠭᠡᠵᠦ ᠵᠠᠭᠠᠨ ᠠ᠋ᠴᠠ ᠣᠯᠠᠨ ᠤᠳᠠᠭᠠ ᠭᠤᠶᠤᠵᠠᠢ᠃ ᠭᠡᠪᠡᠴᠦ ᠵᠠᠭᠠᠨ ᠣᠢᠰᠢᠶᠠᠯ ᠦᠭᠡᠢ ᠤᠷᠢᠳᠤ ᠶ᠋ᠢᠨ ᠠᠳᠠᠯᠢ ᠬᠥᠨᠥᠭᠡᠵᠦ ᠰᠦᠢᠳᠬᠡᠭᠰᠡᠭᠡᠷ ᠢᠷᠡᠪᠡ ᠭᠡᠨᠡ᠃
ᠨᠢᠭᠡ ᠡᠳᠦᠷ ᠵᠠᠭᠠᠨ ᠢ᠋ ᠢᠷᠡᠬᠦ ᠳ᠋ᠦ᠍ ᠣᠭᠣᠲᠣᠨᠠ᠄《ᠮᠢᠨᠦ ᠣᠷᠣᠨ ᠰᠠᠭᠤᠴᠠ ᠶ᠋ᠢ ᠦᠷᠭᠦᠯᠵᠢᠯᠡᠨ ᠡᠪᠳᠡᠪᠡᠯ ᠪᠢ ᠴᠢᠮᠠ ᠲᠠᠢ ᠲᠡᠢᠨ ᠵᠠᠷᠯᠠᠨᠠ!》 ᠭᠡᠵᠡᠢ᠃ ᠵᠠᠭᠠᠨ ᠦᠯᠦ ᠲᠣᠭᠣᠮᠰᠠᠷᠯᠠᠨ ᠢᠨᠢᠶᠡᠳᠦ ᠨᠢ ᠬᠦᠷᠴᠦ ᠭᠡᠨᠡ᠃ ᠮᠠᠷᠭᠠᠰᠢ ᠨᠢ ᠵᠠᠭᠠᠨ ᠬᠡᠩᠬᠦᠯᠵᠡᠨ ᠠᠯᠬᠤᠭᠰᠠᠭᠠᠷ ᠣᠭᠣᠲᠣᠨᠠ ᠶ᠋ᠢᠨ ᠨᠦᠬᠡᠨ ᠳᠡᠭᠡᠷᠡ ᠢᠷᠡᠵᠦ ᠤᠰᠤ ᠰᠦᠷᠴᠢᠬᠦ ᠳ᠋ᠦ᠍ ᠣᠭᠣᠲᠣᠨᠠ ᠬᠠᠮᠠᠷ ᠤ᠋ᠨ ᠨᠦᠬᠡ ᠪᠡᠷ ᠨᠢ ᠣᠷᠣᠵᠤ ᠤᠯᠠᠭᠠᠨ ᠬᠣᠭᠣᠯᠠᠢ᠂ ᠠᠭᠤᠰᠬᠢ ᠵᠢᠷᠦᠬᠡ ᠶ᠋ᠢ ᠨᠢ ᠤᠷᠠᠵᠤ ᠲᠠᠰᠤᠴᠢᠵᠤ ᠬᠠᠶᠠᠵᠠᠢ᠃ ᠵᠠᠭᠠᠨ ᠠᠮᠢ ᠲᠡᠮᠡᠴᠡᠬᠦ ᠳ᠋ᠡᠭᠡᠨ ᠣᠷᠢᠯᠠᠨ ᠴᠢᠷᠠᠯᠠᠵᠤ᠂ ᠦᠰᠦᠷᠴᠦ ᠲᠤᠢᠯᠠᠭᠰᠠᠭᠠᠷ ᠣᠢᠷᠠ ᠬᠠᠪᠢ ᠶ᠋ᠢᠨ ᠠᠢᠯ ᠠᠮᠢᠲᠠᠨ ᠢ᠋ ᠦᠨᠡᠰᠦᠨ ᠲᠣᠪᠷᠠᠭ ᠪᠣᠯᠭᠠᠭᠠᠳ ᠦᠬᠦᠪᠡ᠃ ᠲᠡᠭᠦᠨ ᠢ᠋ ᠦᠬᠦᠭᠰᠡᠨ ᠦ᠌ ᠳᠠᠷᠠᠭᠠ ᠣᠭᠣᠲᠣᠨᠠ ᠬᠠᠮᠠᠷ ᠤ᠋ᠨ ᠨᠦᠬᠡ ᠪᠡᠷ ᠨᠢ ᠭᠠᠷᠴᠤ ᠢᠷᠡᠭᠡᠳ ᠭᠣᠣᠯ ᠤ᠋ᠨ ᠡᠷᠭᠢ ᠳ᠋ᠡᠭᠡᠨ ᠬᠠᠷᠢᠵᠤ ᠠᠮᠤᠷ ᠰᠠᠢᠬᠠᠨ ᠠᠮᠢᠳᠤᠷᠠᠭᠰᠠᠨ ᠭᠡᠳᠡᠭ᠃
ᠦᠰᠦᠭ ᠤᠶᠠᠩᠭᠠᠯᠠᠵᠤ ᠬᠠᠳᠠᠭᠴᠢ᠄ ᠡᠩᠬᠨᠠᠰᠤᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠤᠭᠠᠨᠵᠢᠳ
ᠬᠢᠨᠠᠭᠴᠢ᠄ ᠮᠡᠷᠭᠡᠨᠪᠢᠯᠢᠭ